Oʻzbekiston Respublikasi Vazirlar Mahkamasining
qarori
Kichik sanoat zonalari toʻgʻrisidagi nizomni tasdiqlash haqida
Oʻzbekiston Respublikasi Prezidentining “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlar toʻgʻrisida” 2019-yil 21-iyundagi PQ-4363-son qaroriga asosan Vazirlar Mahkamasi qaror qiladi:
1. Kichik sanoat zonalari toʻgʻrisidagi nizom ilovaga muvofiq tasdiqlansin.
Oldingi tahrirga qarang.
Belgilansinki, kichik sanoat zonalari hududida yer uchastkalarini berish qonunchilikda belgilangan tartibda elektron onlayn-auksion orqali amalga oshiriladi.
(1-band Oʻzbekiston Respublikasi Prezidentining 2021-yil 8-iyundagi PF-6243-sonli Farmoniga asosan xatboshi bilan toʻldirilgan — Qonunchilik maʼlumotlari milliy bazasi, 09.06.2021-y., 06/21/6243/0540-son)
2. Vazirlar Mahqamasining “Kichik sanoat zonalarini barpo etish va ularning faoliyatini tashkil etish tartibi toʻgʻrisidagi nizomni tasdiqlash haqida”gi 2014-yil 31-dekabrdagi 378-son qarori oʻz kuchini yoʻqotgan deb hisoblansin.
3. Oʻzbekiston Respublikasi Iqtisodiyot va sanoat vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda mazkur qarorga muvofiqlashtirsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — iqtisodiyot va sanoat vaziri J.A. Qoʻchqorov va Oʻzbekiston Respublikasi Bosh vazirining sanoat va kooperatsiya aloqalarini rivojlantirish masalalari boʻyicha maslahatchisi B.A. Xoʻjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 9-mart,
134-son
Vazirlar Mahkamasining 2020-yil 9-martdagi 134-son qaroriga
ILOVA
ILOVA
Kichik sanoat zonalari toʻgʻrisidagi
Nizom
1-bob. Umumiy qoidalar
1. Ushbu Nizom kichik sanoat zonalarining tashkil etilishi va faoliyat yuritishi, shuningdek, ularning hududlarida tadbirkorlik subyektlarini tanlov asosida tanlab olish va joylashtirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
Oldingi tahrirga qarang.
kichik sanoat zonasi (keyingi oʻrinlarda KSZ deb ataladi) — ishlab chiqarish faoliyatini amalga oshirish uchun moʻljallangan, aholi punkti hududining yoki aholi punktlariaro hududning qonunchilik hujjatlari bilan muayyan maqom berilgan hamda hududi doirasida xizmat koʻrsatuvchi infratuzilmaga ega boʻlgan ishlab chiqarish maydonlari joylashadigan va chegaralari aniq belgilangan qismi;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Qoraqalpogʻiston Respublikasi, viloyatlar va Toshkent shahardagi erkin iqtisodiy va kichik sanoat zonalarining maʼmuriy kengashlari (keyingi oʻrinlarda Maʼmuriy kengash deb ataladi) — Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi tomonidan mahalliy ijro etuvchi hokimiyati organlari va boshqa tashkilotlar vakillaridan iborat namunali tarkibda tashkil etiladigan kollegial organ;
ijarachi — investitsiya loyihasini amalga oshirish uchun yer uchastkasi va/yoki ishlab chiqarish maydonlarini uzoq muddatga ijaraga olgan KSZ ishtirokchisi;
ijaraga beruvchi — Qoraqalpogʻiston Respublikasi, viloyatlar va Toshkent shahridagi KSZni boshqarish direksiyasi;
direksiya — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari qarorlariga asosan KSZ faoliyatini tezkor boshqarish uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida tashkil etiladigan davlat muassasasi shaklidagi yagona direksiya;
yer uchastkasi — yer fondining aniq chegarasi, maydoni, joylashgan joyi, huquqiy rejimi va davlat yer kadastrida aks ettiriladigan boshqa tavsiflariga ega qismi;
Oldingi tahrirga qarang.
investitsiya majburiyatlari — investitsiya loyihasini amalga oshirishda talabgor tomonidan qabul qilinadigan, pul bilan ifodalanadigan qiymatga ega boʻlgan va qonunchilik hujjatlariga zid boʻlmagan shakllarda amalga oshiriladigan majburiyatlar;
(2-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
muhandislik-texnik kommunikatsiyalar — KSZ ishtirokchilarini elektr energiyasi, tabiiy gaz, suv taʼminoti, kanalizatsiya, transport kommunikatsiyalari va boshqa xizmat turlariga boʻlgan ehtiyojini taʼminlovchi tashqi muhandislik kommunikatsiyalari va infratuzilma;
tanlov — investitsiya loyihasini talabgorlar tomonidan tanlov hujjatlarining mezonlari va shartlariga muvofiq taqdim etilgan eng yaxshi takliflarni tanlab olish orqali tanlab olish tartiboti;
Oldingi tahrirga qarang.
yangi ish oʻrni — KSZ hududida loyihani amalga oshirish doirasida yangi ishchi bilan qonunchilik hujjatlarida belgilangan tartibda shartnoma tuzish orqali KSZ ishtirokchisi tomonidan tashkil etiladigan (joriy etiladigan) ish oʻrni;
(2-bandning oʻn birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
vakolatli vakil — talabgorning yozma ishonchnomasiga asosan tanlovda ishtirok etish uchun vakolat berilgan jismoniy shaxs;
talabgor — tadbirkorlik subyekti — taklif etilgan shartlar asosida tanlovda ishtirok etish istagini bildirgan nodavlat yuridik shaxs;
KSZning loyiha-rejalashtirish hujjatlari — aholi punktining bosh rejasi yoki muayyan chegaralarda kishloq hududini (mavjud boʻlganda) belgilangan tartibda tashkil etishning arxitektura-rejalashtirish loyihasi asosida ishlab chiqiladigan KSZning bosh rejasi;
ishlab chiqarish maydoni — KSZ hududida joylashgan va KSZ ishtirokchilariga uzoq muddatli ijara huquqi asosida foydalanishga beriladigan davlat mulki boʻlgan ishlab chiqarish bino va ishnootlari;
Maʼmuriy kengashning ishchi organi (keyingi oʻrinlarda ishchi organ deb ataladi) — Qoraqalpogʻiston Respublikasi iqtisodiyot va sanoat vazirligi, viloyatlar va Toshkent shahar iqtisodiyot va sanoat bosh boshqarmalari;
Maʼmuriy kengashning KSZ faoliyatini boshqarish va muvofiqlashtirish boʻyicha kotibi — Qoraqalpogʻiston Respublikasi iqtisodiyot va sanoat vaziri, viloyatlar va Toshkent shahar iqtisodiyot va sanoat bosh boshqarmalari boshliqlari;
vakolatli organ — qurilishi tugallangan obyektni foydalanishga qabul qilish uchun Maʼmuriy kengash tomonidan belgilanadigan organ;
Oldingi tahrirga qarang.
KSZ ishtirokchisi — belgilangan tartibda KSZ ishtirokchisi maqomini olgan va KSZ hududida ishlab chiqarish faoliyatini amalga oshirayotgan tadbirkorlik subyekti;
(2-bandning oʻn toʻqqizinchi xatboshisi Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
KSZ ishtirokchisining oʻz mablagʻlari — KSZ ishtirokchisining mablagʻlari, shu jumladan, hisobvaragʻidagi mablagʻlar, kredit mablagʻlari va qonunchilikda taqiqlanmagan boshqa manbalar hisobidan amalga oshiriladigan mablagʻlar.
(2-band Oʻzbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan yigirmanchi xatboshi xatboshi bilan toʻldirilgan — Qonunchilik maʼlumotlari milliy bazasi, 20.07.2024-y., 09/24/432/0535-son)
2-bob. KSZni tashkil etish va boshqarish tartibi
3. KSZ faqat muhandislik-texnik kommunikatsiyalari mavjud boʻlgan yoki oʻtkazish oson boʻlgan faoliyat koʻrsatmayotgan ishlab chiqarish maydonlari va qishloq xoʻjaligi uchun moʻljallanmagan boʻsh turgan yer uchastkalari negizida tashkil etiladi.
4. Yangi KSZ tashkil etish va faoliyat koʻrsatayotgan KSZ hududining chegaralarini oʻzgartirish toʻgʻrisidagi qarorlar Oʻzbekiston Respublikasi iqtisodiyot va sanoat vazirligi bilan kelishilgan holda, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan qabul qilinadi.
KSZ hududining chegaralarini tasdiqlash, shuningdek, ularning keyinchalik oʻzgartirilishi Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan belgilangan tartibda amalga oshiriladi. Maʼmuriy kengash KSZ hududining chegaralarini tegishli tuman (shahar) hokimligi bilan kelishgan holda oʻzgartirish toʻgʻrisida takliflar kiritish huquqiga ega.
Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlarining KSZni tashkil etish yoki hududining chegaralarini oʻzgartirish toʻgʻrisidagi qarorlari KSZning kadastr va yer tuzish hujjatlarini tayyorlash, KSZning bosh rejasini ishlab chiqish, tadbirkorlik subyektlariga sanoat ishlab chiqarishini hamda unga xizmat koʻrsatuvchi infratuzilmani tashkil qilish uchun KSZ hududida yer uchastkasini tegishli tuman (shahar) hokimining qarori qabul qilinmasdan berish uchun asos boʻladi.
5. Bitta tuman (shahar) hududida joylashgan bir nechta ishlab chiqarish maydonlarini bitta KSZda birlashtirishga ruxsat etiladi.
6. Yangi KSZ tashkil etish va faoliyat koʻrsatayotgan KSZ hududining chegaralarini oʻzgartirish masalasini kelishish uchun Maʼmuriy kengash Oʻzbekiston Respublikasi Iqtisodiyot va sanoat vazirligiga, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga quyidagi hujjatlar toʻplamini kiritadi:
yangi KSZ tashkil etish yoki faoliyat koʻrsatayotgan KSZ hududlarining chegaralarini oʻzgartirish zaruratini asoslaydigan tahliliy maʼlumot, shuningdek, asosli hisob-kitoblar bilan birga KSZning oʻziga xos xususiyatlari toʻgʻrisida maʼlumot;
yer uchastkasining chegaralari va maydonlari (tuman (shahar) hokimligi tasarrufidagi zaxira yer) toʻgʻrisidagi maʼlumot, shuningdek, negizida yangi KSZ tashkil etish yoki yer uchastkalarini faoliyat koʻrsatayotgan KSZ tarkibiga kiritish rejalashtirilayotgan, muhandislik-texnik kommunikatsiyasi mavjud boʻlgan yoki uni oʻtkazish oson boʻlgan faoliyat koʻrsatmayotgan ishlab chiqarish maydonlari va qishloq xoʻjaligiga moʻljallanmagan boʻsh turgan yer uchastkalarining roʻyxati;
yangi KSZ tashkil etish yoki faoliyat koʻrsatayotgan KSZ tarkibiga kiritish taklif etilayotgan hududning muhandislik-texnik kommunikatsiyasi va ishlab chiqarish infratuzilmasi mavjudligi, shuningdek, infratuzilma obyektlarini qurish boʻyicha asosli hisob-kitoblar va moliyalashtirish manbalari koʻrsatilgan taxminiy talablar toʻgʻrisida maʼlumotlar.
7. KSZ hududida shaharsozlik faoliyati KSZning bosh rejasiga muvofiq amalga oshiriladi.
Oldingi tahrirga qarang.
KSZning bosh rejasi loyiha tashkilotlari tomonidan ishlab chiqiladi va aholi punktining bosh rejasi yoki kishloq hududini arxitektura-rejalashtirish jihatidan tashkil etishning loyihasi asosida Maʼmuriy kengash tomonidan tasdiqlanadi, aholi punktining bosh rejasi yoki kishloq hududini arxitektura-rejalashtirish jihatidan tashkil etish loyihasi mavjud boʻlmagan taqdirda, KSZning bosh rejasi Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi huzuridagi hududiy arxitektura-shaharsozlik kengashlari bilan kelishgan holda Maʼmuriy kengash tomonidan tasdiqlanadi.
(7-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Direksiya KSZning bosh rejasini ishlab chiqish boʻyicha buyurtmachi hisoblanadi.
8. KSZ faoliyati Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida tashkil etiladigan direksiyalar tomonidan boshqariladi.
9. Direksiyalar mazkur Nizomga 1-ilovaga muvofiq tuzilmaga asosan davlat muassasasi shaklida tashkil etiladi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadigan ustavlar asosida faoliyat yuritadi yoki xususiy boshqaruv tashkilotlari tomonidan ishonchli boshqaruv shartnomasi asosida boshqarilishi mumkin.
Oldingi tahrirga qarang.
Direksiya oʻziga biriktirilgan mulklarga nisbatan egalik va foydalanish huquqini, shuningdek, qonunchilik hujjatlariga muvofiq KSZ uchun ajratilgan yer uchastkasidan doimiy foydalanish huquqini amalga oshiradi.
(9-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Direksiya tugatilgan direksiyalarning barcha huquqlari, majburiyatlari va avval tuzilgan shartnomalarining ijrosi boʻyicha huquqiy vorisi hisoblanadi.
Direksiyaga Oʻzbekiston Respublikasi Iqtisodiyot va sanoat vazirligi bilan kelishgan holda, Maʼmuriy kengashning qarori bilan lavozimga tayinlanadigan va lavozimdan ozod etiladigan direktor rahbarlik qiladi.
Qoraqalpogʻiston Respublikasi Vazirlar Kengashi raisining birinchi oʻrinbosari, viloyatlar va Toshkent shahar hokimlarining birinchi oʻrinbosarlari hududlarda KSZni rivojlantirish uchun shaxsan masʼul hisoblanadi.
10. Quyidagilar Direksiyalar faoliyatini moliyalashtirishning asosiy manbalari hisoblanadi:
Qoraqalpogʻiston Respublikasi Moliya vazirligi, viloyatlar va Toshkent shahar moliya bosh boshqarmalari bilan kelishgan holda, Maʼmuriy kengash tomonidan tasdiqlangan shtatlar jadvali va xarajatlar smetasi asosida Qoraqalpogʻiston Respublikasi budjeti, tegishli viloyatlar va Toshkent shahar mahalliy budjetlarining qoʻshimcha manbalaridan ajratiladigan mablagʻlar;
KSZ ishtirokchilariga koʻrsatilgan xizmatlardan olingan daromadlar, shu jumladan, hududni saqlash va qoʻriqlash, shuningdek, ishlab chiqarish maydonlari va yer uchastkalarini KSZ ishtirokchilariga ijaraga berishdan tushadigan tushumlar;
Oldingi tahrirga qarang.
qonunchilik hujjatlarida taqiqlanmagan boshqa manbalar.
(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Direksiyalar faoliyati KSZ tashkil qilingan paytdan boshlab uch yil mobaynida Qoraqalpogʻiston Respublikasi budjeti va tegishli viloyatlar va Toshkent shahar mahalliy budjetlari hisobidan taʼminlanadi va keyingi yillarda oʻzini oʻzi moliyalashtirishga oʻtkaziladi.
11. Quyidagilar direksiyaning asosiy vazifalari va funksiyalari hisoblanadi:
KSZ hududida investitsiya loyihalarini amalga oshirish uchun ishlab chiqish va investorlarni topish;
KSZda tashkiliy-boshqaruv faoliyatini amalga oshirish;
KSZ ishtirokchilari bilan Maʼmuriy kengashning qarorlariga, shuningdek, KSZ hududida xizmat koʻrsatish toʻgʻrisidagi shartnomalarga muvofiq investitsiya loyihalarini amalga oshirish haqida bitimlar, ishlab chiqarish maydonlari yoki yer uchastkalarini uzoq muddatli ijaraga olish (balansda saqlovchi nomidan) shartnomalarini tuzish;
Maʼmuriy kengashning qaroriga asosan maʼqullangan investitsiya loyihalarini joylashtirish va KSZ ishtirokchilari roʻyxatini yuritish;
investitsiya loyihalarini amalga oshirish haqidagi bitimlar va uzoq muddatli ijara shartnomalariga asosan KSZ ishtirokchilari tomonidan oʻzlari qabul qilgan majburiyatlarni bajarishi boʻyicha monitoring olib borish;
KSZ ishtirokchilariga keyinchalik ijaraga berish, shu jumladan, sotish uchun ishlab chiqarish inshootlari va maʼmuriy binolarni qurish;
KSZ ishtirochilariga zarur muhandislik-kommunikatsiya infratuzilmasi tarmoqlariga ulanishida yordam berish;
KSZ ishtirokchilariga ishlab chiqarish, moliya, marketing, huquqiy, tashqi iqtisodiy va boshqa masalalarni hal etishda yordam berish;
KSZ ishtirokchilari va boshqa xoʻjalik subyektlari oʻrtasida kooperatsiyani rivojlantirishga koʻmaklashish;
KSZ ishtirokchilari bitimlar va shartnomalar shartlarini buzgan, shuningdek, oʻzlari qabul qilgan majburiyatlarni bajarmagan hollarda, bitimlarni va ishlab chiqarish maydonlari va (yoki) yer uchastkalarining uzoq muddatli ijaraga olish shartnomalarini belgilangan tartibda bekor qilish masalalarini Maʼmuriy kengash tomonidan koʻrib chiqish tashabbusini bildirish.
12. KSZning loyiha-rejalashtirish hujjatlarini ishlab chiqish, shu jumladan, yer uchastkalarini tanlash va ajratish boʻyicha materiallarni tayyorlash Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Qoraqalpogʻiston Respublikasi budjeti, viloyatlar va Toshkent shahar mahalliy budjetlari hisobidan loyiha tashkilotlarini jalb qilgan holda taʼminlanadi.
Oldingi tahrirga qarang.
13. Oʻzbekiston Respublikasi Energetika vazirligi, Qurilish va uy-joy kommunal xoʻjaligi vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda KSZda tadbirkorlik subyektlarini joylashtirish boʻyicha ishlab chiqilgan loyihalarga muvofiq Qoraqalpogʻiston Respublikasi budjeti, viloyatlar va Toshkent shahar mahalliy budjeti, shuningdek, xizmatlarni yetkazib beruvchilar mablagʻlari hisobidan KSZning boʻlinish chegarasiga qadar zarur muhandislik-texnik kommunikatsiyalar qurilishi va modernizatsiya qilinishini taʼminlaydi.
(13-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
3-bob. KSZ ishtirokchilarini tanlab olish tartibi
14. KSZ hududida joylashtirish uchun investitsiya loyihalari Maʼmuriy kengash tomonidan boʻsh maydonlar, bino va inshootlar mavjud boʻlganda, ikki oyda kamida bir marta oʻtkaziladigan tanlov asosida tanlab olinadi.
15. Quyidagilar investitsiya loyihalarini KSZ hududida joylashtirishning asosiy mezonlari hisoblanadi:
Maʼmuriy kengash tomonidan belgilanadigan tarmoq xususiyatiga muvofiq sanoat mahsulotlarini ishlab chiqarishni tashkil etish;
yangi ish oʻrinlarini tashkil qilish;
Oldingi tahrirga qarang.
pul bilan ifodalanadigan qiymatga ega boʻlgan investitsiyalarni qonunchilik hujjatlariga zid boʻlmagan shakllarda kiritish;
(15-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
muqobil va qayta tiklanuvchi energiya manbalarini qoʻllagan holda, zamonaviy energiya tejovchi tizimlar va texnologiyalarni joriy etish asosida import oʻrnini bosadigan va (yoki) eksportga yoʻnaltirilgan tayyor mahsulotlar turlari, materiallar va butlovchi buyumlarni ishlab chiqarish boʻyicha investitsiya loyihalarini amalga oshirish.
16. Maʼmuriy kengash hudud iqtisodiyotining ehtiyojlari, shuningdek, hududlarning mavjud mineral xom ashyo, yer, suv, qishloq xoʻjaligi resurslari, ishlab chiqarish va eksport salohiyati, ekologik sharoitlari va infratuzilmasini inobatga olgan holda, har bir KSZning tarmoq ixtisoslashuvini belgilashga haqli.
17. Direksiya Maʼmuriy kengashning qarori asosida KSZ hududida investitsiya loyihalarini joylashtirish uchun ularni tanlab olish boʻyicha tanlov oʻtkazishning barcha tashkiliy masalalarini hal qiladi.
18. Tanlovga tayyorgarlik koʻrish va oʻtkazishni tashkil etish uchun Direksiya:
Maʼmuriy kengashning qaroriga muvofiq tanlovni oldindan eʼlon qiladi va oʻtkazishni tashkil etadi;
tanlovda qatnashish uchun talabgorlarning muhrlangan buyurtmanomalarini olingan sanasi va vaqtini koʻrsatgan holda qabul qiladi;
talabgorlarning investitsiya buyurtmanomalari solingan konvertlar belgilangan tartibda ochilishiga qadar ularning saqlanishi va maxfiyligini taʼminlaydi;
Maʼmuriy kengash tomonidan unga yuklangan boshqa funksiyalarni amalga oshiradi.
19. Direksiya tanlovni oʻtkazishda investitsiya buyurtmanomalari solingan konvertlar ochiladigan sanadan oʻttiz kun avval mahalliy bosma nashrlarda, Erkin iqtisodiy zonalar va kichik sanoat zonalarining yagona portalida, shuningdek, Oʻzbekiston Respublikasi Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida tanlov oʻtkazilishi haqida eʼlon qilinishini tashkil etadi.
Investitsiya buyurtmanomalarini qabul qilish tanlov oʻtkazilishiga uch ish kuni qolganda toʻxtatiladi.
Direksiya ishchi organga investitsiya loyihalarini tanlab olish boʻyicha tanlov oʻtkazish bilan bogʻliq barcha zarur materiallarning taqdim etilishini taʼminlaydi.
20. Investitsiya loyihalarini tanlab olish boʻyicha tanlov oʻtkazilishi haqidagi eʼlonda quyidagi maʼlumotlar boʻlishi lozim:
KSZning tarmoq ixtisoslashuvi;
Oldingi tahrirga qarang.
ishlab chiqarish maydonlari va investitsiya loyihasi amalga oshiriladigan hamda elektron-onlayn auksionga qoʻyiladigan yer uchastkalarining nomi, soni, tavsifi, ular joylashgan joy, oʻtkazilgan va ulangan muhandislik-texnik kommunikatsiyalar mavjudligi;
(20-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
buyurtmanomalarni qabul qilishning (kuni va soati koʻrsatilgan holda) oxirgi muddati;
ishchi organning nomi va pochta manzili, bogʻlanish uchun telefon raqami, telefaksi, elektron pochta manzili va qoʻshimcha maʼlumot olish mumkin boʻlgan boshqa rekvizitlari;
tanlovni oʻtkazish (investitsiya buyurtmanomalari solingan konvertlarni ochish) sanasi, vaqti va joyi;
talabgor taqdim etishi lozim boʻlgan zarur hujjatlar roʻyxati;
tutash yer uchastkalari toʻgʻrisida ularning qoʻriqlanadigan zonalari (mavjud boʻlsa) hajmlari koʻrsatilgan maʼlumotlar;
investitsiya buyurtmanomalari solingan konvertlarni taqdim etish tartibi va shakli.
21. Tanlovda ishtirok etish uchun talabgor yoki uning vakolatli vakili bevosita kelib yoki pochta (xabardor qilgan holda buyurtma xati) orqali direksiyaga KSZ hududida investitsiya loyihasini amalga oshirish uchun ushbu Nizomga 2-ilovaga muvofiq shaklda toʻldirilgan va quyidagilar ilova qilgan investitsiya buyurtmanomasini (keyingi oʻrinlarda investitsiya buyurtmanomasi deb ataladi) ikki nusxada, muhrlangan konvertlarda tanlov haqidagi eʼlonda koʻrsatilgan muddatlarda taqdim etadi:
taklif etilayotgan investitsiya loyihasining biznes-rejasi;
investorning oxirgi uch yil (mavjud boʻlganda) davomidagi moliyaviy-xoʻjalik faoliyati toʻgʻrisida maʼlumot;
talabgorning koʻrsatilgan sohada ish tajribasi haqida maʼlumot.
Bunda taqdim etilgan hujjatlarning barcha varaqlari talabgorning imzosi bilan tasdiqlanishi lozim.
Talabgor taqdim etilayotgan maʼlumotlar va hujjatlarning ishonchliligi uchun javob beradi.
22. Tanlov toʻgʻrisidagi eʼlonda koʻrsatilgan muddat oʻtgandan soʻng tanlovda qatnashish boʻyicha kelgan investitsiya buyurtmanomalari koʻrib chiqish uchun qabul qilinmaydi. Tanlovga qatnashish rad etilishiga boshqa asoslar boʻyicha yoʻl qoʻyilmaydi.
Qabul qilinmagan buyurtmanomalar bir ish kuni mobaynida rad javobi belgisi qoʻyilib, talabgorga yoki uning vakiliga tilxat orqali qaytarib (taqdim etiladi) beriladi yoxud koʻrsatilgan hujjatlar pochta (olgani haqidagi xabardor qilgan holda buyurtma xati) orqali joʻnatiladi.
23. Direksiyaga taqdim etilgan va taklif etiladigan investitsiya loyihasining biznes-rejasi quyidagi maʼlumotlarni oʻz ichiga olishi lozim:
yuridik shaxsni tashkil etish yoki uning taʼsischilari, ularning tegishli sohadagi ish tajribasi va shunday investitsiya loyihasini amalga oshirganligi haqidagi maʼlumotlar;
investitsiya loyihasini ishlab chiqarish quvvatlarini ishga tushirish sanasini koʻrsatgan holda amalga oshirish jadvali;
xodimlarni yollash manbalarini koʻrsatgan holda yaratiladigan yangi ish oʻrinlari soni (bandlik markazi tomonidan yoʻnaltirilgan kollej bitiruvchilari va boshqa shaxslar, xorijiy mutaxassislar);
ishlab chiqarish rejalashtirilayotgan mahsulotning nomi, xususiyatlari va hajmlari;
ichki va tashqi bozorlarga yetkazib berish hajmlarini koʻrsatgan holda, ishlab chiqariladigan mahsulotlarning taxminiy qiymati va sotish bozorlari;
ishlab chiqarish rejalashtirilayotgan mahsulotlar ichki va tashqi bozorlarining marketing tadqiqotlari;
mahalliy va import materiallar, butlovchi qismlarni alohida koʻrsatgan holda, xom ashyo bazasining mavjudligi va investitsiya loyihasini amalga oshirish davrida materiallar va xom ashyo bilan taʼminlanishini kafolatlovchi imkoniyatlar;
ishlab chiqarish uchun zarur boʻlgan resurslar va tayyor mahsulotlar logistikasi va transportda tashish sxemasi toʻgʻrisida maʼlumotlar;
investitsiya loyihasini amalga oshirish va ishlab chiqarish barqaror ishlashi uchun muhandislik-kommunikatsiya taʼminoti vositalarining (elektr energiyasi, tabiiy gaz, ichimlik va texnik suv, kanalizatsiya, avtoyoʻl) zarur miqdorlari va parametrlari;
gaz, qattiq va suyuq chiqindilarning turlari va miqdorlarini koʻrsatgan holda, ishlab chiqarish tashlamalarining mavjudligi;
ishlab chiqarishni samarali joylashtirish uchun zarur boʻlgan yer uchastkasining (ishlab chiqarish maydonining) taxminiy hajmlari;
texnologik uskunalar, ishlab chiqaruvchilar, taʼminotchilar roʻyxati bilan birgalikda (ekologik talablarni hisobga olgan holda) ishlab chiqarish texnologiyasining tavsifi;
ishlab chiqarishda foydalanishga moʻljallanayotgan texnologik uskunalar tavsifi;
investitsiyalarning rejalashtirilayotgan miqdorlari, turi va kiritish muddatlari, moliyalashtirish manbalari va kredit jalb qilingan taqdirda, majburiyatning rejalashtirilayotgan garov taʼminoti;
investitsiya loyihasini amalga oshirishning moliyaviy-iqtisodiy hisob-kitoblari va iqtisodiy samaradorlik koʻrsatkichlari;
ehtimoli mavjud tavakkalchiliklar tahlili.
24. Talabgorlar tomonidan taqdim etilgan investitsiya buyurtmanomalari solingan konvertlarning birinchi nusxalari Maʼmuriy kengash yigʻilishida ochiladi. Konvertlarning ikkinchi nusxalari ishchi organda saqlanadi va investitsiya loyihalar mazmuni boʻyicha munozarali holatlar vujudga kelganda ochiladi.
25. KSZ hududida investitsiya loyihasini joylashtirish toʻgʻrisida qaror qabul qilinganda, Maʼmuriy kengash quyidagilarni koʻrib chiqadi:
investitsiya loyihasining ushbu Nizomning 21 va 23-bandlari talablariga muvofiqligi;
investitsiyalar manbalari (oʻz mablagʻlari, tijorat banklarining kreditlari va boshqalar);
talabgorlarning moliyaviy barqarorligi, texnik va texnologik bazasining mavjudligi;
texnologik uskunalar parametrlarining zamonaviy texnologik talablarga mosligi;
Oldingi tahrirga qarang.
raqobat toʻgʻrisidagi qonunchilik hujjatlari talablariga rioya etilishi.
(25-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
26.Tanlovni oʻtkazish davomida Maʼmuriy kengash taqdim etilgan investitsiya buyurtmanomalarini koʻrib chiqadi va quyidagilar toʻgʻrisida qaror qabul qiladi:
Oldingi tahrirga qarang.
KSZ hududida investitsiya loyihasini joylashtirish va tadbirkorlik subyektiga shartnoma asosida umumiy maydonini koʻrsatib, ishlab chiqarish maydonlarini ajratgan holda, KSZ ishtirokchisi maqomini berish, yer uchastkalarida amalga oshiriladigan investitsiya loyihalari bundan mustasno;
(26-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
KSZ hududida investitsiya loyihasini joylashtirish maqsadga muvofiq emasligi.
Maʼmuriy kengash aʼzolari tomonidan talabgorning ishonchsiz maʼlumotlari haqida dalolat beruvchi holatlar aniqlansa, bunday investitsiya loyihasini koʻrib chiqish toʻxtatiladi.
27. Yaratiladigan yangi ish oʻrinlari soni, raqobatbardosh, xaridorgir, eksportga yoʻnaltirilgan va (yoki) import oʻrnini bosuvchi mahsulotlar ishlab chiqarishning texnologik izchil zanjirini tashkil etish hisobga olingan holda eng jozibador investitsiya buyurtmanomasi eng yaxshi investitsiya loyihasi deb tan olinadi.
28. Agar oʻtkazilgan tanlov natijalari boʻyicha talabgorlardan investitsiya buyurtmanomalari kelib tushmasa yoki bitta investitsiya buyurtmanomasi kelib tushsa, shuningdek, KSZ hududida investitsiya loyihasini joylashtirish maqsadga muvofiq emasligi toʻgʻrisida qaror qabul qilingan taqdirda, tanlov oʻtmagan deb hisoblanadi.
Maʼmuriy kengash tomonidan takroriy tanlov oʻtkazish sanasi belgilanadi va bu haqda yagona buyurtmanomani bergan ishtirokchi xabardor qilinadi.
Takroriy tanlov oʻtkazish sanasi eʼlon qilingan sanadan boshlab oʻn besh kun mobaynida belgilanadi.
Oldingi tahrirga qarang.
29. Agar takroriy tanlovda talabgorlardan investitsiya buyurtmanomalari kelib tushmasa, Maʼmuriy kengash yagona talabgorning buyurtmanomasini koʻrib chiqish va KSZning tarmoq ixtisoslashuviga muvofiq ushbu investitsiya loyihasini KSZ hududidagi ishlab chiqarish maydonlarida joylashtirish yoki joylashtirish maqsadga muvofiq emasligi toʻgʻrisida qaror qabul qilishga majbur, mazkur bandning ikkinchi xatboshida koʻrsatilgan holat bundan mustasno.
Takroriy tanlovda talabgorlardan investitsiya buyurtmanomalari kelib tushmasa, Maʼmuriy kengash yagona talabgorning buyurtmanomasini koʻrib chiqish va KSZning tarmoq ixtisoslashuviga muvofiq ushbu investitsiya loyihasi shartlari asosida KSZ hududidagi yer uchastkasini elektron-onlayn auksionga joylashtirish yoki joylashtirish maqsadga muvofiq emasligi toʻgʻrisida qaror qabul qiladi.
(29-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
30. Maʼmuriy kengashning investitsiya buyurtmanomasini koʻrib chiqish natijalari boʻyicha qarori uning aʼzolarining koʻpchilik ovozi bilan qabul qilinadi, bunda ovozlar teng boʻlganda, Maʼmuriy kengash raisining ovozi hal qiluvchi hisoblanadi. Maʼmuriy kengashning qarori bayonnoma shaklida rasmiylashtiriladi hamda:
direksiya va KSZ ishtirokchisi oʻrtasida ishlab chiqarish maydonida investitsiya loyihasini amalga oshirish toʻgʻrisidagi bitimni (keyingi oʻrinlarda loyihani amalga oshirish toʻgʻrisidagi bitim deb ataladi) tuzish uchun;
loyiha shartlari asosida yer uchastkasini elektron-onlayn auksionga joylashtirish uchun asos boʻladi.
(30-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
31. Maʼmuriy kengashning qarori tanlovning barcha ishtirokchilari, ularning takliflari mazmuni va investitsiya loyihasini tanlab olish toʻgʻrisidagi qarorni koʻrsatgan holda, tanlov oʻtkazilgan sanadan boshlab besh ish kuni mobaynida rasmiylashtiriladi.
Maʼmuriy kengash majlisining bayonnomasi majlisda qatnashgan uning barcha aʼzolari va majlis kotibi tomonidan imzolanib, Maʼmuriy kengash raisi tomonidan tasdiqlanadi va shu kunning oʻzida ishchi organ tomonidan Maʼmuriy kengash aʼzolariga, direksiyaga, KSZ ishtirokchisiga yoki u vakolat bergan shaxsga, shuningdek, manfaatdor tashkilotlarga yuboriladi.
Maʼmuriy kengash bayonnomasining asl nusxasi va unga tegishli materiallar ishchi organda saqlanadi.
32. Direksiya tanlov natijalari toʻgʻrisida maʼlumotlarni Maʼmuriy kengashning bayonnomasi rasmiylashtirilgan kunning oʻzida tanlov toʻgʻrisidagi eʼlon avval nashr qilingan Erkin iqtisodiy zonalar va kichik sanoat zonalarining yagona portalida va Oʻzbekiston Respublikasi Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida, shuningdek, ommaviy axborot vositalarining yaqin sonlarida eʼlon qilinadi.
Oldingi tahrirga qarang.
33. Maʼmuriy kengash, ishchi organ va direksiya talabgor tomonidan taqdim etilgan maxfiy maʼlumotlarni oshkor qilgani uchun qonunchilik hujjatlariga muvofiq javob beradi.
(33-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
34. Maʼmuriy kengash KSZ hududida joylashtirish uchun investitsiya loyihasini tanlab olish boʻyicha oʻtkaziladigan tanlovning oshkoraligini taʼminlashga majbur.
4-bob. KSZ ishtirokchilarini joylashtirish tartibi
Oldingi tahrirga qarang.
35. Maʼmuriy kengashning bayonnomasi qabul qilingandan boshlab uch ish kuni mobaynida direksiya tanlab olingan investitsiya loyihasi shartlari asosida yer uchastkalarining investitsiya bitimi bilan birga elektron-onlayn auksionga joylashtirilishini taʼminlaydi.
Yer uchastkalarining elektron-onlayn auksion savdolari qonunchilikda belgilangan tartibda amalga oshiriladi hamda avtomatik ravishda:
LexUZ sharhiQarang: Vazirlar Mahkamasining 2022-yil 12-yanvardagi 18-sonli qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizom.
auksion gʻolibiga KSZ ishtirokchisi maqomi beriladi.
Direksiya auksion gʻolibi bilan bir ish kunida tanlab olingan investitsiya loyihasi shartlari asosida investitsiya loyihasini amalga oshirish toʻgʻrisidagi bitimni imzolaydi.
(35-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
36. Direksiya va KSZ ishtirokchisi oʻrtasida investitsiya loyihasini amalga oshirish toʻgʻrisidagi bitim tomonlar imzolagan sanadan boshlab kuchga kiradi va KSZ faoliyat yuritishining butun davrida amal qiladi.
37. KSZda investitsiya loyihasini amalga oshirish toʻgʻrisidagi bitimning amal qilishi quyidagi holatlarda tugatiladi:
KSZ ishtirokchisi bitimda koʻrsatilgan majburiyatlarini bajarmasligi;
KZS ishtirokchisi maqomidan mahrum boʻlganda;
KSZning faoliyati muddatidan oldin tugatilganda;
tomonlarning kelishuvi yoki sud qarori mavjud boʻlganda;
Oldingi tahrirga qarang.
qonunchilik hujjatlarida nazarda tutilgan boshqa holatlarda.
(37-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
38. Direksiya investitsiya loyihasini amalga oshirish toʻgʻrisidagi bitim imzolangan kundan boshlab bir ish kuni mobaynida tadbirkorlik subyektini KSZ ishtirokchisi sifatida roʻyxatga oladi va ushbu Nizomga 4-ilovaga muvofiq shakl boʻyicha KSZ ishtirokchisi guvohnomasini beradi.
Oldingi tahrirga qarang.
(39-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
(40-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 09/22/375/0618-son)
41. Yer uchastkasining uzoq muddatli ijara shartnomasi tuzilgandan soʻng direksiya “bir darcha” tamoyili boʻyicha quyidagilar amalga oshirilishini taʼminlaydi:
Oldingi tahrirga qarang.
tuman (shahar) qurilish va uy-joy kommunal xoʻjaligi va kadastr organlari bilan birgalikda — yer uchastkasining chegaralarini naturada belgilash (Maʼmuriy kengashning yer uchastkasini ajratish toʻgʻrisida bayonnomasi qabul qilingan kundan boshlab uch kun mobaynida);
(41-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
ekspluatatsiya tashkilotlari bilan birgalikda — KSZ ishtirokchisi tomonidan taqdim etiladigan ehtiyojlarga muvofiq muhandislik-texnik kommunikatsiyalarga ulanishning texnik shartlarini tayyorlash (Maʼmuriy kengashning yer uchastkasini ajratish toʻgʻrisida bayonnomasi qabul qilingan kundan boshlab uch kun mobaynida);
bino va inshootlarni qurish loyihasi boʻyicha davlat ekspertizasi xulosasini belgilangan tartibda ishlab chiqish, kelishish va olishda amaliy yordam berish;
Oldingi tahrirga qarang.
tuman va shahar qurilish va uy-joy kommunal xoʻjaligi organi bilan birgalikda — arxitektura-rejalashtirish topshirigʻini ishlab chiqish (texnik shartlarni olgandan soʻng bir hafta muddatda);
(41-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Oldingi tahrirga qarang.
obyektlarni qurish va rekonstruksiya qilish boʻyicha qurilish-montaj ishlari bajarilishining nazoratini belgilangan tartibda taʼminlash uchun qurilish va uy-joy kommunal xoʻjaligi sohasida hududiy nazorat inspeksiyalar bilan shartnoma tuzishda yordam berish.
(41-bandning oltinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Yer uchastkasining chegaralarini naturada belgilash va arxitektura-rejalashtirish topshirigʻini ishlab chiqish boʻyicha ishlar qiymati qonunchilik hujjatlarida belgilangan tartib va miqdorlarda KSZ ishtirokchisi tomonidan toʻlanadi.
42. Vakolatli organ KSZ hududida qurilishi tugallangan obyektni foydalanishga qabul qilishda, foydalanishga qabul qilish toʻgʻrisidagi dalolatnomani majburiy tartibda Direksiya bilan kelishadi.
Oldingi tahrirga qarang.
43. Agar KSZ hududida ishlab chiqarish maydonlarini uzoq muddatli ijaraga berish tanlov predmeti hisoblansa, investitsiya loyihasini amalga oshirish toʻgʻrisida bitim tuzilgandan soʻng uch kun mobaynida direksiya va tanlov gʻolibi oʻrtasida KSZ hududida joylashgan ishlab chiqarish maydonlarining uzoq muddatli ijara shartnomasi tuziladi.
(43-bandning birinchi xatboshisi Oʻzbekiston Respublikasi Vazirlar Mahkamasining 2021-yil 22-noyabrdagi 705-sonli qarori tahririda — Qonunchilik maʼlumotlari milliy bazasi, 23.11.2021-y., 09/21/705/1082-son)
Oldingi tahrirga qarang.
Uzoq muddatli ijara shartnomasida, agar qonunchilik hujjatlarida boshqacha tartib nazarda tutilmagan boʻlsa, ijaraga olingan maydonda amalga oshiriladigan faoliyat turidan kelib chiqib, tegishli koeffitsiyentlarni qoʻllamagan holda ishlab chiqarish maydonlaridan foydalanganlik uchun ijara toʻlovining eng kam stavkasi belgilanadi.
(43-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
44. Ishlab chiqarish maydonlari va (yoki) yer uchastkalarining uzoq muddatli ijara shartnomasining muddati tugaganidan soʻng KSZ ishtirokchilari avval tuzilgan shartnoma boʻyicha majburiyatlarini oʻz vaqtida va toʻliq bajargan boʻlsa, shartnoma muddatini belgilangan tartibda uzaytirish huquqiga ega.
5-bob. KSZ ishtirokchilarining majburiyatlarni qabul qilishi
Oldingi tahrirga qarang.
45. Direksiyaning tegishli qarori qabul qilinishi KSZ ishtirokchilari tomonidan investitsiya loyihasini amalga oshirish toʻgʻrisidagi bitimda nazarda tutilgan muddatlar tugagandan soʻng oʻzlari qabul qilgan barcha ijtimoiy va investitsiya majburiyatlari bajarilganining tasdigʻi hisoblanadi.
Bunda kiritilgan investitsiyalar miqdori KSZ ishtirokchisi tomonidan jalb etiladigan tashkilotlarning nazorat oʻlchovi va auditorlik tashkilotining hisoboti asosida aniqlanadi.
Ijtimoiy majburiyatlar bajarilishi (mavjud boʻlganda) KSZ ishtirokchisi tomonidan taqdim etiladigan maʼlumotlar, mehnat, soliq va boshqa organlardan olinadigan maʼlumot orqali aniqlanadi.
(45-band Oʻzbekiston Respublikasi Vazirlar Mahkamasining 2024-yil 17-iyuldagi 432-sonli qarori tahririda — Qonunchilik maʼlumotlari milliy bazasi, 20.07.2024-y., 09/24/432/0535-son)
Oldingi tahrirga qarang.
451. Direksiya zaruratga koʻra, investitsiyaviy va ijtimoiy majburiyatlar bajarilishini qabul qilish boʻyicha komissiya tashkil etishi mumkin.
452. Direksiya quyidagi asoslarga koʻra investitsiya va ijtimoiy majburiyatlar bajarilishini qabul qilishni rad etish toʻgʻrisida qaror qabul qiladi:
KSZ ishtirokchisi tomonidan investitsiya va ijtimoiy majburiyatlar toʻliq bajarilmaganda;
KSZ ishtirokchisi oʻz faoliyatini loyihada koʻrsatilgan quvvatda amalga oshirmaganda yoki investitsiya loyihasini amalga oshirish toʻgʻrisidagi bitimda nazarda tutilgan faoliyatni amalga oshirmaganda;
KSZ ishtirokchisiga mazkur Nizomga muvofiq yer uchastkalari hamda davlat koʻchmas mulk obyektlari (ularning bir qismi) ajratib berilmaganda.
KSZ ishtirokchisi Direksiyaning investitsiya va ijtimoiy majburiyatlar bajarilishini qabul qilishni rad etish toʻgʻrisidagi qarori ustidan belgilangan tartibda sudga murojaat etishga haqli.
(451 va 452-bandlar Oʻzbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik maʼlumotlari milliy bazasi, 20.07.2024-y., 09/24/432/0535-son)
46. KSZ ishtirokchisi tomonidan investitsiya loyihasi KSZ hududiga joylashtirilgan kundan boshlab uch oy davomida uni amalga oshirish boʻyicha choralar koʻrilmasligi, shuningdek, obyektdan ishlab chiqarish maydonlari va (yoki) yer uchastkalarining uzoq muddatli ijara shartnomasida koʻrsatilgan maqsaddan tashqari foydalanish shartnomani bir tomonlama bekor qilish uchun asos boʻladi.
47. Agar KSZ ishtirokchisi tomonidan obyektiv sabablarga koʻra investitsiya loyihasini ishlab chiqarish maydonlari va (yoki) yer uchastkalarining uzoq muddatli ijara shartnomasida koʻrsatilgan muddatda amalga oshirish taʼminlanmasa yoxud olti oy mobaynida ishlab chiqarish faoliyati amalga oshirilmasa, Maʼmuriy kengash:
loyihani amalga oshirishni tezlashtirish boʻyicha “yoʻl xaritasi”ni tasdiqlagan holda, unga qoʻshimcha muddat berish;
yoxud u bilan shartnomani bekor qilish toʻgʻrisida qaror qabul qilishi mumkin.
6-bob. KSZ hududlarida yer uchastkalarini uzoq muddatli ijaraga berish tartibi
Oldingi tahrirga qarang.
48. KSZ hududida yer uchastkalari loyiha shartlari asosida elektron-onlayn auksion orqali 10 yilgacha uzoq muddatli ijaraga beriladi.
(48-bandning birinchi xatboshisi Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
Ijara shartnomasining barcha shartlarini bajargan ijarachi yer uchastkasi uzoq muddatli ijarasining muddatini uzaytirishda ustuvor huquqqa ega boʻladi.
49. Yer uchastkasini uzoq muddatli ijaraga olgan ijarachi yer uchastkasini saqlash majburiyatlarini bajarganda, qonunchilik hujjatlarida belgilangan tartibda ushbu yer uchastkasida bino, qurilmalar va inshootlarni qurish yoki buzishga haqli.
Oldingi tahrirga qarang.
Ijarachiga ijaraga berilgan yer uchastkasida qonunchilik hujjatlarida belgilangan tartibda oʻzi tomonidan qurilgan binolar va inshootlarga ular foydalanishga topshirilgani toʻgʻrisidagi dalolatnoma rasmiylashtirilgandan soʻng bir oy muddatda egalik huquqi beriladi.
(49-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
50. Ijaraga olingan yer uchastkasini yoki uning qismini subijaraga berish taqiqlanadi, qonunchilik hujjatlarida nazarda tutilgan holatlar bundan mustasno.
51. Uzoq muddatli ijaraga berilgan yer uchastkalari oldi-sotdi, garov, hadya, almashtirish obyekti boʻla olmaydi.
Ijarachi oʻzining yer uchastkasiga boʻlgan ijara huquqlarini faqat qonunchilik hujjatlarida yoki ijara shartnomasida nazarda tutilgan holatlardagina ijaraga beruvchining roziligisiz garovga berishi mumkin.
KSZ ishtirokchisi tomonidan ijaraga olingan yer uchastkasida barpo etilgan bino va (yoki) inshootlar garov boʻyicha qarzlarni qoplash bilan bogʻliq holda sotilganda, hadya qilinganda, almashtirilganda yoki yoʻqotilganda, ushbu binolar va (yoki) inshootlar Maʼmuriy kengashning qaroriga asosan KSZ ishtirokchisi maqomini olgan yangi mulkdorga oʻtadi.
Bunda KSZ ishtirokchisi maqomini yangi olgan shaxs bilan belgilangan tartibda KSZ hududida investitsiya loyihasini amalga oshirish toʻgʻrisida bitim va yer uchastkasining uzoq muddatli ijara shartnomasi tuziladi.
Oldingi tahrirga qarang.
(52-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
(53-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
54. Direksiya yer uchastkasiga boʻlgan huquqni davlat roʻyxatidan oʻtkazish uchun yer uchastkasining uzoq muddatli ijara shartnomasi tuzilgandan soʻng uch ish kuni mobaynida elektron-onlayn auksion natijalari toʻgʻrisidagi bayonnoma va ijara shartnomasining nusxasini davlat yer tuzish korxonasining filialiga yuboradi.
(54-band Oʻzbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik maʼlumotlari milliy bazasi, 08.07.2022-y., 09/22/375/0618-son)
Oldingi tahrirga qarang.
55. Davlat yer tuzish korxonasining filiali tuman (shahar) qurilish va uy-joy kommunal xoʻjaligi boʻlimi bilan birgalikda mazkur Nizomning 54-bandidagi hujjatlarni olgandan soʻng ikki ish kuni mobaynida yer uchastkasi chegaralarini naturada belgilaydi, yer uchastkasining chegaralarini natura shaklida ijarachiga koʻrsatadi hamda yer uchastkasini uzoq muddatli ijaraga olish huquqini belgilangan tartibda davlat roʻyxatidan oʻtkazadi.
(55-band Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Oldingi tahrirga qarang.
56. Yer tuzish davlat korxonasi filialining va tuman (shahar) qurilish va uy-joy kommunal xoʻjaligi boʻlimining yer uchastkasining topografik xaritasini tayyorlash, yer uchastkasining rejasini tuzish, yer uchastkasi chegaralarini naturada belgilash va koʻrsatish boʻyicha bajargan ishlarining qiymati qonunchilik hujjatlariga muvofiq aniqlanadi.
(56-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
LexUZ sharhiQarang: Oʻzbekiston Respublikasining “Baholash faoliyati toʻgʻrisida”gi Qonuni.
Ishlar qiymati KSZ ishtirokchisi tomonidan shartnoma asosida toʻlanadi.
Oldingi tahrirga qarang.
57. Yer uchastkasining ijara toʻlovi qonunchilik hujjatlarida belgilangan yer soligʻini toʻlash muddatlarida va stavkalari boʻyicha toʻlanadi.
LexUZ sharhiQarang: Oʻzbekiston Respublikasi Soliq kodeksining XVI boʻlimi.
Yer uchastkasining ijara shartnomasida belgilangan ijara toʻlovi miqdori mazkur yer uchastkasiga qonunchilik hujjatlarida belgilangan yer soligʻi miqdoridan kam boʻlmasligi kerak.
(57-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Kichik sanoat zonalari hududlarida investitsiya loyihalarini amalga oshirish uchun auksion orqali yer ijaraga olinganda ijara toʻlovlari loyiha ishga tushgunga qadar, biroq 2 yildan koʻp boʻlmagan muddatga toʻlashni kechiktirib toʻlashi mumkin.
(57-band Oʻzbekiston Respublikasi Vazirlar Mahkamasining 2025-yil 26-avgustdagi 538-sonli qaroriga asosan uchinchi xatboshi bilan toʻldirilgan — Qonunchilik maʼlumotlari milliy bazasi, 27.08.2025-y., 09/25/538/0782-son)
58. Ijarachi loyiha-smeta hujjatlari ishlab chiqilishini taʼminlaydi, qonunchilik hujjatlarida belgilangan talablarga muvofiq shaharsozlik faoliyati bilan bogʻliq qurilish va boshqa tadbirlarni amalga oshiradi.
Qurilish loyihasisiz barpo etilgan bino yoki inshootlarga egalik huquqini davlat roʻyxatidan oʻtkazish taqiqlanadi.
59. Uzoq muddatli ijara shartnomasiga rioya qilinmagan taqdirda, ijaraga beruvchi uni bekor qilish uchun tashabbus koʻrsatishga haqli.
Oldingi tahrirga qarang.
60. KSZ ishtirokchisidan yer uchastkasi uzoq muddatli ijara shartnomasi Oʻzbekiston Respublikasining Yer kodeksida belgilangan tartibda bekor boʻlganda olib qoʻyiladi.
Oldingi tahrirga qarang.
Alohida loyihalarni ishlab chiqish va namunaviy loyihalarni bogʻlash belgilangan tartibda tegishli litsenziyaga ega boʻlgan loyiha tashkilotlari tomonidan yer ijarasi shartnomasi, qurilish tashkiloti tomonidan beriladigan loyihalash topshiriqlari va Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari hamda Toshkent shahar qurilish bosh boshqarmasi tomonidan beriladigan arxitektura-rejalashtirish topshiriqlari asosida amalga oshiriladi.
(60-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
7-bob. KSZ hududida joylashgan binolar va inshootlarni xususiylashtirish tartibi
61. KSZ ishtirokchilariga quyidagi huquqlar beriladi:
KSZ xududida oʻz mablagʻlari hisobidan qurilgan binolar va inshootlarga (ularning qismiga) egalik huquqini belgilangan tartibda rasmiylashtirish;
ularga berilgan bino va inshootlarni (yoki ularning qismini) investitsiya va boshqa ijtimoiy majburiyatlarni toʻliq bajarish sharti bilan, ammo KSZ ishtirokchisi maqomini olgan sanadan boshlab besh yildan kam boʻlmagan muddatda xususiylashtirish;
oʻz mablagʻlari hisobidan rekonstruksiya qilingan yoki kapital taʼmirlangan bino va inshootlarni (yoki ularning qismini) KSZ ishtirokchisi maqomini olgan sanadan boshlab uch yildan soʻng xususiylashtirish.
62. KSZ ishtirokchisi tomonidan bino va inshootlarni (yoki ularning qismini) rekonstruksiya qilish yoki kapital taʼmirlashga yoʻnaltirilgan mablagʻlar vakolatli organning xulosasi asosida ularni xususiylashtirishda inobatga olinadi.
63. KSZ hududidagi bino va inshootlar (yoki ularning qismi):
KSZ ishtirokchisining oʻz mablagʻlari hisobidan rekonstruksiya qilingan yoki kapital taʼmirlangan bino va inshootlar (yoki ularning qismi) KSZ ishtirokchisi maqomini olgan sanadan boshlab uch yildan soʻng — rekonstruksiya qilish yoki kapital taʼmirlash xarajatlarini chegirib tashlagan holda, belgilangan tartibda aniqlanadigan baholash qiymati boʻyicha;
investitsiya va ijtimoiy majburiyatlarni toʻliq bajarish sharti bilan (ishtirokchining oʻz mablagʻlari hisobidan rekonstruksiya qilish va kapital taʼmirlashni amalga oshirmasdan), ammo KSZ ishtirokchisi maqomini olgan sanadan boshlab besh yildan soʻng — toʻlovlarni besh yil mobaynida teng ulushlarda amalga oshirish huquqini bergan holda, belgilangan tartibda aniqlanadigan baholash qiymati boʻyicha xususiylashtiriladi.
64. KSZ hududidagi bino va inshootlar ushbu Nizom talablarini inobatga olgan holda, davlat tasarrufidagi obyektlarni xususiylashtirish toʻgʻrisidagi qonunchilik hujjatlarida belgilangan tartibda xususiylashtiriladi.
LexUZ sharhiQarang: “Davlat mulkini xususiylashtirish toʻgʻrisida”gi Qonun.
KSZ hududidagi koʻchmas mulklarga egalik huquqini davlat roʻyxatidan oʻtkazish belgilangan tartibda hududiy yer tuzish va koʻchmas mulk kadastri davlat korxonalari tomonidan amalga oshiriladi.
KSZ hududida joylashgan bino va inshootlarni xususiylashtirish masalalari ushbu Nizom talablarini bajarish sharti bilan Maʼmuriy kengashning tegishli qarori asosida belgilangan tartibda ilgari suriladi.
Oldingi tahrirga qarang.
641. KSZ hududidagi davlat koʻchmas mulk obyektlari (ularning bir qismi) mazkur Nizomga 5-ilovadagi sxemaga muvofiq xususiylashtiriladi.
Investitsiya va ijtimoiy majburiyatlarni bajargan KSZ ishtirokchisi davlat koʻchmas mulk obyektlarini (ularning bir qismini) xususiylashtirish uchun quyidagi hujjatlarni ilova qilgan holda Direksiyaga ariza bilan murojaat qiladi:
investitsiya loyihasini amalga oshirish toʻgʻrisidagi bitimga asosan davlat koʻchmas mulk obyektlari (ularning bir qismi) qabul qilingan kundan boshlab xususiylashtirishga ariza berilgan davrda KSZ ishtirokchisi tomonidan oʻz mablagʻlari hisobidan rekonstruksiya qilingan yoki kapital taʼmirlangan davlat koʻchmas mulk obyektlari (ularning bir qismi) boʻyicha nazorat oʻlchovi hamda KSZ ishtirokchisi maqomini olganiga kamida uch yil boʻlganini tasdiqlovchi hujjat;
KSZ ishtirokchisi maqomini olganiga kamida besh yil boʻlganini tasdiqlovchi hujjat va davlat koʻchmas mulk obyektlariga (ularning bir qismiga) KSZ ishtirokchisi tomonidan Direksiya bilan kelishilgan holda ularga qilingan xarajatlar boʻyicha nazorat oʻlchovi.
642. Direksiya besh ish kuni ichida davlat koʻchmas mulk obyektlarini (ularning bir qismini) xususiylashtirish boʻyicha tegishli hujjatlarni (investitsiya va ijtimoiy majburiyatlarni bajarilganligi toʻgʻrisida Direksiya qarori, kadastr hujjati, nazorat oʻlchovi, KSZ ishtirokchisiga ijara haqidan chegirma berilganligi toʻgʻrisidagi maʼlumot) ilova qilgan holda, Davlat aktivlarini boshqarish agentligining hududiy boshqarmasiga taqdim etadi.
643. Davlat aktivlarini boshqarish agentligining hududiy boshqarmasi mazkur Nizomning 642-bandida nazarda tutilgan hujjatlar toʻliq taqdim etilmagan taqdirda, xulosa kelib tushgan paytdan boshlab uch ish kuni ichida kamchiliklarni bartaraf etish uchun hujjatlarni Direksiyaga qaytaradi.
644 Davlat aktivlarini boshqarish agentligining hududiy boshqarmasi:
Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat koʻchmas mulk obyektlarini sotish tartibi toʻgʻrisidagi nizomga asosan buxgalteriya hisobi milliy standartlariga muvofiq besh ish kuni ichida davlat koʻchmas mulki obyektini xatlovdan oʻtkazish toʻgʻrisida balansda saqlovchiga yozma talabnoma yuboradi;
balansda saqlovchi tomonidan taqdim etilgan materiallar va hujjatlar koʻrib chiqilgandan yetti kun muddatda baholovchi tashkilotni belgilangan tartibda jalb etadi. Bunda baholovchi tashkilotni jalb etish uchun ishlab chiqilgan texnik shartda oʻn kun muddatda baholovchi tashkilot tomonidan davlat koʻchmas mulk obyektini baholash toʻgʻrisidagi hisobot va ushbu hisobotning ishonchliligini ekspertizadan oʻtkazish natijalari toʻgʻrisidagi ekspert xulosasida obyektning bugungi kundagi baholangan qiymati va KSZ ishtirokchisi tomonidan davlat koʻchmas mulk obyektlariga (ularning bir qismiga) sarflangan xarajatlar chegirilgan holdagi qiymati, shuningdek, binoga sarflangan xarajatlarni chegirishda, avval mazkur KSZ ishtirokchisiga ijara haqi yuzasidan berilgan chegirmalar inobatga olinishi lozimligi koʻrsatiladi;
belgilangan tartibda baholovchi tashkilot jalb etilgandan soʻng unga mazkur Nizomning 642-bandida nazarda tutilgan hujjatlarni hamda balansda saqlovchining rahbari tomonidan imzolangan tegishli xatlovdan oʻtkazish dalolatnomalari, madaniy meros, fuqaro muhofazasi obyektlari va servitut mavjudligi hamda KSZ ishtirokchisiga ijara haqidan chegirma berilganligi toʻgʻrisidagi maʼlumotlarni taqdim etadi.
645. Davlat koʻchmas mulk obyektining bahosi baholovchi tashkilot tomonidan aniqlangandan keyin Davlat aktivlarini boshqarish agentligining hududiy boshqarmasi bir ish kuni ichida KSZ ishtirokchisiga davlat koʻchmas mulk obyektini baholangan qiymatda sotib olish boʻyicha yozma taklif (shaxsan tilxat orqali yoki pochtada topshirilganligi maʼlum qilinadigan buyurtma xat orqali) taqdim etadi.
Bunda KSZ ishtirokchisi tomonidan baholash toʻgʻrisidagi hisobotning ishonchliligini ekspertizadan oʻtkazish natijalari toʻgʻrisida ekspert xulosasi olinishi mumkin.
KSZ ishtirokchisining davlat koʻchmas mulk obyektini sotib olish yuzasidan roziligi olingan taqdirda, oʻn ish kuni ichida davlat koʻchmas mulk obyektini KSZ ishtirokchisi bilan toʻgʻridan-toʻgʻri oldi-sotdi shartnomasi tuzish orqali sotadi.
Bunda KSZ ishtirokchisi davlat koʻchmas mulk obyektini sotib olishni rad etgan yoki bir oy muddatda munosabat bildirmagan taqdirda, davlat mulkini ijaraga olish boʻyicha shartnomada belgilangan muddatda faoliyatini amalga oshirishga, shuningdek, ijaraga olish shartnomasi boʻyicha muddat yakunlanganda, Oʻzbekiston Respublikasining Fuqarolik kodeksiga asosan shartnomani qayta rasmiylashtirishga haqlidir.
Taraflarning oʻzaro kelishuviga erishish imkoniyati boʻlmagan taqdirda, Oʻzbekiston Respublikasi qonunchiligiga muvofiq Oʻzbekiston Respublikasi sudlarida koʻrib chiqiladi.
Taraflar sudlarga murojaat qilishdan avval kelishmovchiliklarni muzokaralar yoʻli bilan hal qilish uchun barcha zarur choralarni koʻrish majburiyatini oʻz zimmalariga oladilar.
646. Davlat koʻchmas mulk obyektlarini sotib olish uchun toʻlovlarni amalga oshirish muddati oldi-sotdi shartnomasi kuchga kirgan kundan boshlab besh yil ichida teng ulushlarda toʻlanishi mumkin.
Bunda toʻlovning 35 foizi bir oy ichida toʻlanishi lozim, agar toʻlanmagan taqdirda, Markaziy bankning asosiy stavkasi boʻyicha foizlar hisoblanadi.
Davlat aktivlarini boshqarish agentligining hududiy boshqarmasi sotilgan davlat koʻchmas mulk obyekti boʻyicha toʻlovlar va penya (yuzaga kelgan taqdirda) toʻliq hajmda qoplangan kundan boshlab besh ish kuni ichida KSZ ishtirokchisiga mulk huquqini tasdiqlovchi davlat orderini beradi.
647. Oʻzbekiston Respublikasining “Qishloq xoʻjaligiga moʻljallanmagan yer uchastkalarini xususiylashtirish toʻgʻrisida”gi Qonuni doirasida KSZ hududidagi yer uchastkalari Vazirlar Mahkamasining 2022-yil 14-fevraldagi 71-son qarori bilan tasdiqlangan Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglament talablari asosida xususiylashtiriladi.
648. KSZ hududida joylashgan va KSZ ishtirokchilariga berilgan hamda investitsiya bitimlari yoki shartnomalarda xususiylashtirilishi koʻrsatilmagan davlat koʻchmas mulk obyektlari investitsiya va ijtimoiy majburiyatlarni toʻliq bajargan ishtirokchilarga qonunga muvofiq xususiylashtirib beriladi.
(641 — 648-bandlar Oʻzbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik maʼlumotlari milliy bazasi, 20.07.2024-y., 09/24/432/0535-son)
8-bob. KSZ ishtirokchilarining huquqlari va majburiyatlari
65. KSZ ishtirokchilari quyidagi huquqlarga ega:
uzoq muddatli ijara shartnomalari doirasida ajratilgan yer uchastkalari va (yoki) ishlab chiqarish maydonlariga mustaqil egalik qilish va ulardan foydalanish;
tashqi muhandislik-texnik kommunikatsiyalarning barqaror ishlashini taʼminlashni talab etish;
ishlab chiqarish faoliyatining boshlanishi kechikishiga obyektiv sabablar mavjud boʻlganda, Maʼmuriy kengashning qarori asosida investitsiya loyihasini amalga oshirish doirasida ishlab chiqarish quvvatlarini ishga tushirish muddatini uzaytirish.
66. KSZ ishtirokchilari:
Oldingi tahrirga qarang.
qonunchilik hujjatlari va Maʼmuriy kengashning talablariga, shu jumladan, KSZ ixtisoslashuvi boʻyicha tegishli talablarga rioya etishga;
(66-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
ishlab chiqarish faoliyatini amalga oshirish boshlanishi bilan investitsiya loyihasini amalga oshirish toʻgʻrisida bitimda nazarda tutilgan va ijtimoiy sugʻurta badallari toʻlayotgan xodimlarning haqiqiy soni toʻgʻrisida davlat soliq xizmati organlari tomonidan tasdiqlangan miqdorda yangi ish oʻrinlari yaratish va xodimlarni qoʻshimcha yollashni taʼminlashga;
investitsiya loyihasini amalga oshirish toʻgʻrisida tuzilgan bitim va uzoq muddatli ijara shartnomasi shartlarini bajarishga;
investitsiya loyihasini amalga oshirish toʻgʻrisidagi bitimda nazarda tutilgan majburiyatlarni bajarish jadvalining muddatlari va parametrlariga rioya etishga;
ishlab chiqarish maydonlarining uzoq muddatli ijara shartnomasi tuzilganidan boshlab olti oydan kechikmasdan, KSZ hududida ishlab chiqarish faoliyatini amalga oshirishni boshlashga majbur.
9-bob. KSZ ishtirokchisi maqomini toʻxtatish yoki undan mahrum qilish
67. KSZ ishtirokchisi maqomini toʻxtatish yoki undan mahrum qilish belgilangan tartibda direksiya yoki ishchi organning asoslantirilgan takliflariga koʻra Maʼmuriy kengash tomonidan amalga oshiriladi.
Oldingi tahrirga qarang.
68. KSZ ishtirokchisi maqomidan mahrum qilish haqidagi qaror KSZ ishtirokchisining uni ushbu maqomdan mahrum qilish haqida bergan arizasiga asosan yoxud qonunchilik hujjatlariga muvofiq u tugatilgan hollarda Maʼmuriy kengash tomonidan qabul qilinishi mumkin.
(68-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
KSZ ishtirokchisi maqomini olish, KSZ hududida investitsiya loyihasini amalga oshirish jarayonida vujudga keladigan bahs va kelishmovchiliklar Maʼmuriy kengashning qarori asosida direksiyaning arizasi boʻyicha sud tartibida hal etiladi.
Direksiya Maʼmuriy kengashning qarori qabul qilingandan soʻng yoki KSZ ishtirokchisini ushbu maqomdan mahrum qilish toʻgʻrisida sud qarori kuchga kirgan kunning oʻzida KSZ ishtirokchilari reyestriga KSZ ishtirokchisi maqomidan mahrum qilingani haqidagi yozuvni kiritadi.
10-bob. Yakunlovchi qoidalar
69. KSZ faoliyatini tugatish haqidagi qaror Oʻzbekiston Respublikasi Iqtisodiyot va sanoat vazirligi bilan kelishilgan holda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan qabul qilinadi.
70. Maʼmuriy kengash raisi, uning aʼzolari va ishchi organi, direksiya direktori va xodimlari, KSZ ishtirokchilari, shuningdek, manfaatdor tashkilotlar rahbarlari ushbu Nizom talablariga rioya etilishiga shaxsan javob beradi.
71. Ushbu Nizomning talablarini bajarishda vujudga keladigan nizo va munozaralar sud tartibida koʻrib chiqiladi.
Kichik sanoat zonalari toʻgʻrisidagi nizomga
1-ILOVA
1-ILOVA
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Kichik sanoat zonasini boshqarish direksiyasining
NAMUNAVIY TUZILMASI
|
|
Direktor |
|||||||||||||||||||||||
|
|
||||||||||||||||||||||||
|
|
||||||||||||||||||||||||
|
Tashkiliy masalalar, monitoring va tahlil sektori 1 |
Bosh buxgalter 1 |
|||||||||||||||||||||||
|
|
||||||||||||||||||||||||
|
|
Shartnomalarni roʻyxatga olish sektori (yuriskonsult) 1 |
|||||||||||||||||||||||
|
Investorlar bilan ishlash boʻyicha bosh mutaxassis 1 |
||||||||||||||||||||||||
|
|
||||||||||||||||||||||||
|
Infratuzilma bilan ishlash boʻyicha yetakchi mutaxassis 1 |
Har bir kichik sanoat zonasiga biriktirilgan bir nafardan masʼul xodimlar (zaruratga koʻra) |
|||||||||||||||||||||||
Izoh. Har bir kichik sanoat zonasiga biriktiriladigan masʼul xodimlarning soni Qoraqalpogʻiston Respublikasi, viloyatlar va Toshkent shahridagi erkin iqtisodiy zonalar va kichik sanoat zonalarining Maʼmuriy kengashlari tomonidan hududdagi kichik sanoat zonalari sonidan kelib chiqib belgilanadi.
Texnik va xizmat koʻrsatuvchi xodimlar soni tasdiqlangan meʼyorlar boʻyicha belgilanadi.
Toshkent shahar hokimligi huzuridagi Kichik zonalarni boshqarish boʻyicha yagona direksiyaning tashkiliy tuzilmasi Oʻzbekiston Respublikasi Prezidentining “Toshkent shahrida boshqarishning oʻziga xos tartibini kiritish boʻyicha xuquqiy tajriba toʻgʻrisida” 2018-yil 17-avgustdagi PF-5515-son Farmoniga muvofiq erkin iqtisodiy zonalar va kichik sanoat zonalari Maʼmuriy kengashi tomonidan tasdiqlanadi.
Kichik sanoat zonalari toʻgʻrisidagi nizomga
2-ILOVA
2-ILOVA
|
|
__________ viloyatining Erkin iqtisodiy zonalar va kichik sanoat zonalarining maʼmuriy kengashiga | |
|
| ||
|
“______________________” kichik sanoat zonasida joylashgan investitsiya loyihasini amalga oshirish uchun INVESTITSIYA BUYURTMANOMASI | ||
|
| ||
|
1. Talabgor haqida maʼlumot: | ||
|
Talabgor tashkilotning nomi, joylashgan mamlakati |
||
|
Talabgor haqida maʼlumotlar, shu jumladan davlat roʻyxatidan oʻtgan sanasi va joyi, taʼsischisi(lari) va boshqalar. |
||
|
Yuridik shaxsning tashkiliy-huquqiy shakli, ustav fondida taʼsischilar ulushlarining taqsimlanishi va ulushlar shakli |
||
|
Talabgor tashkilot joylashgan joy (manzili) |
||
|
2. Investitsiya loyihasi haqida maʼlumotlar: | ||
|
Investitsiya loyihasining nomi |
||
|
Investitsiya loyihasining tavsifi i maqsadi, shu jumladan rejalashtirilayotgan yillik ishlab chiqarish quvvati |
||
|
Ishlab chiqariladigan mahsulotning nomi, maqsadi va asosiy xususiyatlari |
||
|
Mahsulot ishlab chiqarishning oʻrtacha yillik hajmi, shu jumladan eksport qilish va ichki bozor uchun moʻljallangan hajmlar (fizik va qiymat koʻrinishida) |
||
|
Xom ashyo, materiallar va butlovchi qismlarning asosiy turlari (mahalliy va import), ularning tayyor mahsulotdagi ulushi ( % da) |
||
|
Xom ashyo, materiallar va butlovchi qismlarga boʻlgan yillik ehtiyoj (soʻmda yoki AQSH dollari ekv.), shu jumladan mahalliy va import. |
||
|
Mahsulot standartlari — O`zDst, ISO 9001 va ISO 14001 va boshqalar. |
||
|
Ishlab chiqarish ishga tushgan sana |
||
|
Yaratilgan yangi ish oʻrinlarining soni, shu jumladan mahalliy ishchilar |
||
|
3. Zarur maydon va infratuzilma haqidagi maʼlumot: | ||
|
Talab etiladigan maydon (ga) |
||
|
Talab etiladigan ishlab chiqarish maydoni (kv. metr) |
||
|
Elektr energiyasiga boʻlgan ehtiyoj (bir yilda kVt/soat), belgilanayotgan quvvat (kVt yoki MVt) |
||
|
Tabiiy gazga boʻlgan ehtiyoj (bir yilda kub metr), bosim (atm.) |
||
|
Ichimlik va texnik suviga (yiliga kub metr) hamda kanalizatsiyaga boʻlgan ehtiyoj |
||
|
Mavjud tashlamalar, shu jumladan gazlar (nomi) kg yiliga yoki soatiga, qattiq chiqindilar (nomi) t/oyiga, suyuq chiqindilar (nomi) t/oyiga va boshqalar. |
||
|
4. Loyihaning moliyaviy-iqtisodiy koʻrsatkichlari: | ||
|
Investitsiya loyihasining qiymati (soʻmda yoki AQSH dollari ekv.) |
||
|
Moliyalashtirish manbalari (toʻgʻridan-toʻgʻri xorijiy investitsiyalar, taʼsischilarning mablagʻlari, tijorat banklarining kreditlari) |
||
|
Mashina va uskunalarning qiymati (soʻmda yoki AQSH dollari ekv.), shu jumladan mahalliy va import |
||
|
QMI qiymati (soʻmda yoki AQSH dollari ekv.) |
||
|
Aylanma kapitalning summasi (soʻmda yoki AQSH dollari ekv.) |
||
|
Investitsiyalar kiritish jadvali va shakli |
||
|
Loyihaning qoplash muddati (biznes-rejaga muvofiq) |
||
|
|
||
|
Rahbar |
______________ (imzo) |
_________________________________ (F.I.O.) |
Oldingi tahrirga qarang.
(3-ilova Oʻzbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 23.11.2021-y., 09/21/705/1082-son)
Kichik sanoat zonalari toʻgʻrisidagi nizomga
4-ILOVA
4-ILOVA
|
| |||||||||||||||||||
|
“____________________” | |||||||||||||||||||
| | | | | | | | | | | | | | | | | | | | |
| Tartib raqami: ________________ | |||||||||||||||||||
| Berilgan: ______________________________________________________________________________________________ | |||||||||||||||||||
|
(tashkilot nomi) | |||||||||||||||||||
| | | | | | | | | | | | | | | | | | | | |
|
KICHIK SANOAT ZONASI ISHTIROKCHISI SIFATIDA | |||||||||||||||||||
| Berilgan sanasi: __________________________ | |||||||||||||||||||
| | | | | | | | | | | | | | | | | | | | |
| | | | | | | | | | | | | | | | | | | | |
| Asos: |
____________________________________________________________________________________________ | ||||||||||||||||||
| | |
(“_______________” viloyati Erkin iqtisodiy zonalar va kichik sanoat zonalari | |||||||||||||||||
| | | | | | | | | | | | | | | | | | | | |
|
Soliq toʻlovchining identifikatsiya raqami (STIR kodi): _______________________________________ | |||||||||||||||||||
| | | | | | | | | | | | | | | | | | | | |
| KZS Direksiyasi direktor:______________ | | | | | | | | |
________________________ |
| |||||||||
| | |
(F.I.O.) |
| | | | | | | | |
(imzo) |
| ||||||
| | | | | | | | | | | | | | | | | | | | |
Oldingi tahrirga qarang.
(5-ilova Oʻzbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 23.11.2021-y., 09/21/705/1082-son)
Oldingi tahrirga qarang.
Kichik sanoat zonalari toʻgʻrisidagi nizomga
5-ILOVA
5-ILOVA
Kichik sanoat zonasi hududidagi davlat koʻchmas mulk obyektlarini (ularning bir qismini) xususiylashtirish
SXEMASI
|
Bosqichlar |
Subyektlar |
Tadbirlar |
Muddatlar |
|||
|
1-bosqich |
Investitsiya va ijtimoiy majburiyatlarni bajargan kichik sanoat zonasi ishtirokchisi |
Davlat koʻchmas mulk obyektlarini (ularning bir qismini) xususiylashtirish uchun Direksiyaga ariza bilan murojaat qiladi. |
Bitimda nazarda tutilgan muddatlar tugagandan soʻng |
|||
|
2-bosqich |
Direksiya |
Davlat koʻchmas mulk obyektlarini (ularning bir qismini) xususiylashtirish boʻyicha tegishli hujjatlarni ilova qilgan holda Davlat aktivlarini boshqarish agentligining hududiy boshqarmasiga taqdim etadi. |
Besh ish kuni ichida |
|||
|
3-bosqich |
Davlat aktivlarini boshqarish agentligining hududiy boshqarmasi |
Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat koʻchmas mulk obyektlarini sotish tartibi toʻgʻrisidagi nizomga asosan buxgalteriya hisobi milliy standartlariga muvofiq davlat koʻchmas mulki obyektini xatlovdan oʻtkazish toʻgʻrisida balansda saqlovchiga yozma talabnoma yuboradi. |
Besh ish kuni ichida |
|||
|
2. Baholovchi tashkilotni jalb etadi va davlat koʻchmas mulki obyektini baholatadi. |
Oʻn yetti kun muddatda |
|||||
|
KSZ ishtirokchisiga davlat koʻchmas mulk obyektini baholangan qiymatda sotib olish boʻyicha yozma taklif (shaxsan tilxat orqali yoki pochtada topshirilganligi maʼlum qilinadigan buyurtma xat orqali) taqdim etadi. |
Bir ish kuni ichida |
|||||
|
4-bosqich |
Davlat aktivlarini boshqarish agentligining hududiy boshqarmasi, Direksiya, Kichik sanoat zonasi ishtirokchisi |
KSZ ishtirokchisining davlat koʻchmas mulk obyektini sotib olish yuzasidan roziligi olingan taqdirda, davlat koʻchmas mulk obyektini KSZ ishtirokchisi bilan toʻgʻridan-toʻgʻri oldi-sotdi shartnomasi tuzish orqali sotadi. |
Oʻn ish kuni ichida |
|||
|
5-bosqich |
Davlat aktivlarini boshqarish agentligining hududiy boshqarmasi |
KSZ ishtirokchisiga mulk huquqini tasdiqlovchi davlat orderini beradi. |
Toʻlovlar va penya (yuzaga kelgan taqdirda) toʻliq hajmda qoplangan kundan boshlab besh ish kuni ichida |
|||
(5-ilova Oʻzbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik maʼlumotlari milliy bazasi, 20.07.2024-y., 09/24/432/0535-son)
Oldingi tahrirga qarang.
(6-ilova Oʻzbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 23.11.2021-y., 09/21/705/1082-son)
(Qonun hujjatlari maʼlumotlari milliy bazasi, 10.03.2020-y., 09/20/134/0272-son; Qonunchilik maʼlumotlari milliy bazasi, 09.06.2021-y., 06/21/6243/0540-son, 23.11.2021-y., 09/21/705/1082-son; 05.04.2022-y., 09/22/153/0266-son; 08.07.2022-y., 09/22/375/0618-son; 26.02.2024-y., 09/24/100/0152-son; 20.07.2024-y., 09/24/432/0535-son; 27.08.2025-y., 09/25/538/0782-son)
