572-сон 09.07.2019. Oliy taʼlim muassasalariga test sinovlari orqali qabul qilish tizimi takomillashtirilishi munosabati bilan Oʻzbekiston Respublikasi Vazirlar Mahkamasi huzuridagi Davlat test markazining faoliyatini kuchaytirish toʻgʻrisida

Oʻzbekiston Respublikasi Vazirlar Mahkamasining

qarori

Oliy taʼlim muassasalariga test sinovlari orqali qabul qilish tizimi takomillashtirilishi munosabati bilan Oʻzbekiston Respublikasi Vazirlar Mahkamasi huzuridagi Davlat test markazining faoliyatini kuchaytirish toʻgʻrisida

Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida” 2019-yil 17-yanvardagi PF-5635-son Farmoni hamda “Oliy taʼlim muassasalariga test sinovlari orqali qabul qilish tizimini takomillashtirish boʻyicha qoʻshimcha chora-tadbirlar toʻgʻrisida” 2019-yil 14-maydagi PQ-4319-son qarorida belgilangan vazifalar ijrosini sifatli taʼminlash, oliy taʼlim muassasalariga qabul jarayonini takomillashtirish hamda Oʻzbekiston Respublikasi Vazirlar Mahkamasi huzuridagi Davlat test markazi faoliyatini kuchaytirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oliy taʼlim muassasalariga test sinovlari orqali qabul qilish tizimini takomillashtirish boʻyicha qoʻshimcha chora-tadbirlar toʻgʻrisida” 2019-yil 14-maydagi PQ-4319-son qaroriga muvofiq:

a) 2019/2020 oʻquv yili qabulidan boshlab:

abituriyentlarga oliy taʼlim muassasalarining test sinovi topshiriladigan fanlar majmuasi bir xil boʻlgan uchtagacha bakalavriat taʼlim yoʻnalishida tanlovda ishtirok etish huquqi berilishi;

oliy taʼlim muassasasiga oʻqishga qabul qilish boʻyicha kirish test sinovlari iyul-avgust oylarida oʻtkazilishi;

b) 2020/2021 oʻquv yili qabulidan boshlab test sinovi topshiriladigan fanlar majmuasi ikki boʻlimga ajratilib, birinchi boʻlimga barcha test topshiruvchilar uchun majburiy uchta fan — ona tili (oʻzbek, rus yoki qoraqalpoq tili), matematika va Oʻzbekiston tarixi, ikkinchi boʻlimga abituriyent tanlagan bakalavriat taʼlim yoʻnalishiga mos ikkita fan kiritilishi maʼlumot uchun qabul qilinsin.

2. Oʻzbekiston Respublikasi Vazirlar Mahkamasi huzuridagi Davlat test markazi xodimlarning umumiy cheklangan soni 186 nafardan iborat boʻlgan yangilangan tuzilmasi 1-ilovaga muvofiq tasdiqlansin.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Vazirlar Mahkamasi huzuridagi Davlat test markazi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Vazirlar Mahkamasi huzuridagi Davlat test markazi direktori M.M. Karimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 9-iyul,

572-son

Vazirlar Mahkamasining 2019-yil 9-iyuldagi 572-son qaroriga
1-ILOVA

Oldingi tahrirga qarang.

Oʻzbekiston Respublikasi Vazirlar Mahkamasi huzuridagi Davlat test markazining

TUZILMASI

Boshqaruv xodimlarining umumiy cheklangan soni — 186 nafar.

Xizmat koʻrsatuvchi va texnik xodimlar soni davlat boshqaruvchi organlari uchun qonun hujjatlarida belgilangan normativlar asosida aniqlanadi.

(1-ilovaning matni Oʻzbekiston Respublikasi Vazirlar Mahkamasining 2020-yil 17-sentabrdagi 562-sonli qarori tahririda — Qonun hujjatlari maʼlumotlari milliy bazasi, 17.09.2020-y., 09/20/562/1294-son)

Vazirlar Mahkamasining 2019-yil 9-iyuldagi 572-son qaroriga
2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

Oldingi tahrirga qarang.

(1-band Oʻzbekiston Respublikasi Vazirlar Mahkamasining 2025-yil 13-sentabrdagi 578-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.09.2025-y., 09/25/578/0826-son)

Oldingi tahrirga qarang.

(2-band Oʻzbekiston Respublikasi Vazirlar Mahkamasining 2025-yil 30-dekabrdagi 840-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 06.01.2026-y., 09/26/840/0012-son)

3. Vazirlar Mahkamasining 2018-yil 3-apreldagi 261-son qarori (Oʻzbekiston Respublikasi QT, 2018-y., 4-son, 76-modda) bilan tasdiqlangan Oʻzbekiston Respublikasi oliy taʼlim muassasalarining bakalavriatiga oʻqishga qabul qilish uchun kirish test sinovlarini oʻtkazish tartibi toʻgʻrisidagi nizomda:

a) 3-bandda:

ikkinchi xatboshi quyidagi tahrirda bayon qilinsin:

“abituriyent — belgilangan tartibda oliy taʼlim muassasasiga oʻqishga kirish uchun roʻyxatdan oʻtgan va Davlat test markazining ruxsatnomasiga ega boʻlgan, test sinovi qoidalariga qatʼi amal qilgan holda belgilangan guruhda test sinovlarida ishtirok etuvchi talabgor”;

toʻqqizinchi xatboshi chiqarib tashlansin;

b) 6-bandning birinchi xatboshisidagi “, maxsus sirtqi” soʻzlari chiqarib tashlansin, “1-avgustdan 15-avgustgacha boʻlgan muddatda” soʻzlari “iyul — avgust oylarida” soʻzlari bilan almashtirilsin;

v) 7-bandga quyidagi mazmundagi birinchi xatboshi qoʻshilsin:

“Hujjatlarni roʻyxatdan oʻtkazishning muddati yakunlanganidan soʻng, ikki hafta muddatda abituriyent ruxsatnomasini qabul komissiyasidan yoki Davlat test markazining rasmiy veb-saytidan oladi.

Abituriyent ruxsatnomasida koʻrsatilgan sana va vaqtda test sinovlarida ishtirok etadi.

Abituriyent uchun ushbu sana va vaqt qatʼiy hisoblanib, unga boshqa sana va vaqtda test sinovlarida ishtirok etish uchun ruxsat berilmaydi”;

g) 9-band quyidagi tahrirda bayon qilinsin:

“9. Bakalavriat taʼlim yoʻnalishlariga mos test sinovi topshiriladigan fanlar majmuasi, baholash mezonlari, test topshiriqlari soni hamda test sinovlarini oʻtkazishning aniq muddatlari Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasi (keyingi oʻrinlarda Davlat komissiyasi deb ataladi) tomonidan belgilanadi”;

d) 10, 11 va 12-bandlar quyidagi tahrirda bayon qilinsin:

“10. Abituriyent oʻzi tanlagan hududda (Qoraqalpogʻiston Respublikasi, viloyatlar markazi yoki Toshkent shahrida) tashkil etiladigan test sinovlarida ishtirok etish huquqiga ega.

11. Test topshiriqlarini bajarish uchun (javoblar varaqasini toʻldirish bilan birga) har 30 ta test topshirigʻiga 1 soat vaqt belgilanadi.

12. Abituriyentlarning toʻplagan ballari haqidagi maʼlumot test sinovi oʻtkazilgan kunning ertasiga, tanlov asosida talabalikka tavsiya etilgani yoki etilmagani boʻyicha belgilangan tartibda tasdiqlangan test sinovlari natijalari test sinovlari toʻliq yakunlangandan keyin bir hafta ichida Davlat test markazining rasmiy veb-saytida eʼlon qilinadi hamda oliy taʼlim muassasalariga yetkaziladi”;

e) 15-bandning ikkinchi xatboshisi quyidagi tahrirda bayon qilinsin:

“Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan tegishli joylar shaxsni identifikatsiyalash vositalari (videofiksatsiya va barmoq izlarini tekshiruvchi vositalar) videokuzatuv, mobil aloqa toʻlqinini toʻsuvchi qurilmalar bilan taʼminlanadi hamda vazirlik oʻtkazilgan test sinovlari jarayoni boʻyicha video yozuvlarni saqlaydi va ularni test sinovlari oʻtkazilgan kunning ertasiga Davlat test markaziga topshiradi”;

j) 18-banddagi “tariqasida,” soʻzidan keyin “bino elektron soat, ovoz kuchaytirish vositalari,” soʻzlari qoʻshilsin;

z) 24-bandda:

toʻrtinchi xatboshi quyidagi tahrirda bayon qilinsin:

“har yili 15-iyundan 15-iyulgacha abituriyentlarni oliy taʼlim muassasasiga oʻqishga kirish uchun roʻyxatdan oʻtkazish va abituriyentlarga roʻyxatdan oʻtkazilganligi toʻgʻrisida abituriyentning qayd varaqasi hamda eslatmani berish”;

oltinchi xatboshi quyidagi tahrirda bayon qilinsin:

“oliy taʼlim muassasasiga oʻqishga kirish uchun roʻyxatdan oʻtgan abituriyentlar haqidagi maʼlumotlarni shu kunning oʻzida Davlat test markazining maxsus dasturi hamda qayd daftarlariga kiritish”;

sakkizinchi xatboshi quyidagi tahrirda bayon qilinsin:

“taʼlim yoʻnalishlari, oʻqitish tili va taʼlim shakli boʻyicha oliy taʼlim muassasasiga roʻyxatdan oʻtgan abituriyentlar soni, shu jumladan, fan olimpiadalari gʻoliblari, harbiy va boshqa imtiyozga ega boʻlgan hamda toʻliq davlat taʼminotidagi yetim bolalar va koʻzi ojizlar toifasiga kiruvchi abituriyentlar haqidagi maʼlumotlarni abitiuriyentlar va ota-onalar eʼtibori uchun har kuni eʼlon qilib borish”;

oʻninchi xatboshi quyidagi tahrirda bayon qilinsin:

“har yili 24-iyuldan keyin test sinovlari boshlanguniga qadar murojaat qilgan abituriyentlarga ruxsatnomani chop etib tasdiqlab tarqatish”;

toʻqqizinchi, oʻn birinchi, oʻn ikkinchi va oʻn uchinchi xatboshilar chiqarib tashlansin;

i) 25-bandning birinchi xatboshisi quyidagi tahrirda bayon qilinsin:

“25. Qabul komissiyasi har yili 16-iyul kuni xalqaro va respublika fan olimpiadalari, tanlovlar va musobaqalar gʻoliblari hamda shu kabi test sinovlarisiz oʻqishga kirish imtiyoziga ega boʻlgan abituriyentlar haqida qabul komissiyasining raisi va masʼul kotibi tomonidan imzolangan maʼlumotlarni Davlat test markaziga taqdim etadi”;

k) 28-bandda:

quyidagi mazmundagi ikkinchi xatboshi qoʻshilsin:

“test sinovlarini oʻtkazish jarayonida qoʻllaniladigan shakllar va jadvallarni ishlab chiqish”;

ikkinchi — toʻqqizinchi xatboshilar tegishlicha uchinchi-oʻninchi xatboshilar deb hisoblansin;

uchinchi xatboshidan “1-avgustgacha va undan keyin” soʻzlari chiqarib tashlansin;

beshinchi xatboshi quyidagi tahrirda bayon qilinsin:

“belgilangan tartibda abituriyentlar haqida tushgan maʼlumotlar asosida guruhlarni shakllantirish va ularning binolar boʻyicha oʻtirish oʻrinlarini belgilash hamda test sinovlari va tanlovni tashkil etish”;

oltinchi xatboshidan “taʼlim yoʻnalishlari kesimida” va “mazkur Nizomga 5-ilovada keltirilgan 2-shaklga muvofiq” soʻzlari chiqarib tashlansin;

l) 29-bandga quyidagi mazmundagi oltinchi xatboshi qoʻshilsin:

“test sinovi boʻlib oʻtadigan binolarni zaxira energiya manbai bilan taʼminlash”;

m) 31-band quyidagi tahrirda bayon qilinsin:

“31. Test sinovlari oʻtkaziladigan hududga yoki binoga kirish joylarida tashkil etilgan nazorat xizmati postlarida xizmat olib borayotgan Oʻzbekiston Respublikasi Ichki ishlar vazirligi va Axborot texnologiyalari va kommunikatsiyalarini rivojlantirish vazirligi xodimlari tomonidan tekshiruv vaqtida abituriyent va guruh nazoratchilarida mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari, shpargalkalar mavjudligi, shuningdek, barmoq izlari va fotosurati tekshirilgan vaqtda shaxsi tasdiqlanmaganligi aniqlangan taqdirda, bu haqida Davlat test markazining vakilini xabardor qilinib, ularni test sinovlariga kiritmaslik toʻgʻrisida dalolatnoma rasmiylashtiradi”;

n) 34-bandda:

beshinchi xatboshi chiqarib tashlansin;

oltinchi xatboshi quyidagi tahrirda bayon qilinsin:

“guruh nazoratchilariga abituriyent tomonidan test sinovlari qoidalari buzilganda, uni test sinovlaridan chetlashtirish toʻgʻrisida koʻrsatma berish”;

yettinchi xatboshidan “mazkur Nizomga 7-ilovada keltirilgan test materiallari qutisi reyestri asosida” soʻzlari chiqarib tashlansin;

o) 39-bandda:

uchinchi xatboshidan “mazkur Nizomga 8-ilovaga muvofiq” soʻzlari chiqarib tashlansin;

toʻrtinchi xatboshidan “titul varaqalarini, mazkur Nizomga 9-ilovada keltirilgan 1-shakl boʻyicha” soʻzlari chiqarib tashlansin;

yettinchi xatboshidan “mazkur Nizomga 9-ilovada keltirilgan 2-shakl boʻyicha” soʻzlari chiqarib tashlansin;

sakkizinchi xatboshi quyidagi tahrirda bayon qilinsin:

“guruhlarda test sinovlarini oʻtkazish tartibini buzgan abituriyentlarning test sinovlaridan chetlashtirilishini nazorat qilish”;

oʻninchi va oʻn birinchi xatboshilar quyidagi tahrirda bayon qilinsin:

“test sinovlari uchun belgilangan vaqt tugagandan soʻng 20 daqiqa ichida javoblar varaqasi paketi, test topshiriqlari kitobi qutisi guruhlarda muhrlanishini nazorat qilish hamda guruh nazoratchilaridan muhrlangan javoblar varaqasi paketi va test materiallari qutilarini qabul qilib olish;

abituriyentlarning guruhlar boʻyicha roʻyxati solingan va muhrlangan paketni, test materiallari hamda bino boʻyicha toʻplangan javob varaqalari paketlari solingan va muhrlangan qutilarni Davlat test markazi vakiliga (Davlat feldyegerlik xizmatiga) topshirish”;

p) 43-bandda:

toʻrtinchi xatboshidan “titul varaqalari” soʻzlari chiqarib tashlansin;

beshinchi xatboshidan “titul varaqasidagi rasmi” va “(rasmlar shu abituriyentga tegishliligiga ishonch hosil qilib),” soʻzlari chiqarib tashlansin;

oltinchi xatboshi chiqarib tashlansin;

yettinchi xatboshida:

“va titul varaqalari” soʻzlari chiqarib tashlansin;

“paketlar” soʻzidan keyin “va muhrlar” soʻzlari qoʻshilsin;

sakkizinchi va toʻqqizinchi xatboshilar quyidagi tahrirda bayon etilsin:

“abituriyentlarga test topshiriqlari kitobi va mazkur Nizomga 11-ilovada namuna sifatida keltirilgan javoblar varaqalarini tarqatish;

test topshiriqlari kitobi va javoblar varaqasining nuqsonsizligini tekshirib chiqish hamda ularning tegishli boʻlimlarini rasmiylashtirish boʻyicha abituriyentlarga koʻrsatma berish”;

oʻn birinchi xatboshidan “va titul varaqasini” soʻzlari chiqarib tashlansin;

yigirmanchi xatboshi quyidagi tahrirda bayon qilinsin:

“ishlatilmagan test topshiriqlari kitobi paketi hamda ishlatilgan test topshiriqlari kitoblarini test materiallari qutisiga solib muhrlash”;

yigirma ikkinchi xatboshidagi “materiallari qutisini” soʻzlari “materiallarini” soʻzi bilan almashtirilsin;

r) 44-bandda:

ikkinchi xatboshidan “javoblar varaqasi bilan birga” soʻzlari chiqarib tashlansin;

uchinchi xatboshi quyidagi tahrirda bayon qilinsin:

“guruhda ortiqcha test topshiriqlari kitobi boʻlmasa, bino rahbaridan zaxiradagi shu taʼlim yoʻnalishi va tiliga mos boʻlgan test topshiriqlari kitobini berishni soʻraydi. Bu jarayonni dalolatnoma bilan rasmiylashtiradi”;

s) 47-bandda:

birinchi xatboshidagi “soat 13:00”, “soat 13:30” soʻzlari tegishlicha “soat 14:00”, “soat 14:30” soʻzlari bilan almashtirilsin;

ikkinchi, oltinchi va yettinchi xatboshilar chiqarib tashlansin;

beshinchi xatboshidagi “joyga familiyasi, ismi, otasining ismini yozib, imzo qoʻyish;” soʻzlari “joylarni rasmiylashtirish;” soʻzlari bilan almashtirilsin;

t) 52-bandga quyidagi mazmundagi toʻrtinchi xatboshi qoʻshilsin:

“test sinovlari jarayonida bir-biri bilan gaplashsa”;

toʻrtinchi — oltinchi xatboshilar tegishlicha beshinchi-yettinchi xatboshilar deb hisoblansin;

u) 53-band quyidagi tahrirda bayon qilinsin:

“53. Test sinovlari natijasidan norozi boʻlgan abituriyentlar 21-avgustdan 30-avgustgacha (belgilangan ish vaqtiga muvofiq) boʻlgan muddatda Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi tomonidan tasdiqlangan apellyatsiya komissiyasiga mazkur Nizomga 13-ilovada keltirilgan shaklga muvofiq yozma yoki elektron shaklda apellyatsiya shikoyatini berish huquqiga ega”;

f) 57-bandga quyidagi mazmundagi xatboshi qoʻshilsin:

“Abituriyent murojaat qilganda unga apellyatsiya shikoyati boʻyicha qabul qilingan qarordan koʻchirma beriladi”;

x) Nizomga 2 — 10-ilovalar oʻz kuchini yoʻqotgan deb hisoblansin;

s) Nizomga 1-ilova quyidagi tahrirda bayon qilinsin:

“Oʻzbekiston Respublikasi oliy taʼlim muassasalarining bakalavriatiga oʻqishga qabul qilish uchun kirish test sinovlarini tashkil etish
SXEMASI

Bosqich	Talablar	Masʼullar	Bajarish muddati

I bosqich	Abituriyentlarning oʻqishga qabul qilish uchun roʻyxatdan oʻtkazish.	Oliy taʼlim muassasalari qabul komissiyalari yoki Davlat xizmatlari markazlari	har yili 15-iyundan 15-iyulgacha
I bosqich			har yili 15-iyundan 15-iyulgacha

II bosqich	Xalqaro va respublika fan olimpiadalari, tanlov va musobaqalar gʻoliblari va shu kabi test sinovlarisiz oʻqishga kirish imtiyoziga ega boʻlgan abituriyentlar haqidagi maʼlumotni qabul komissiyasining raisi va masʼul kotibi tomonidan imzolangan holda Davlat test markaziga taqdim etadi.	Oliy taʼlim muassasalari qabul komissiyalari	har yili 16-iyulda
II bosqich		Oliy taʼlim muassasalari qabul komissiyalari	har yili 16-iyulda

III bosqich	Test sinovlari oʻtkaziladigan binolarni test sinovlariga tayyor holatga keltiradi hamda bu haqda Davlat test maʼlumot xabar beradi.	Mahalliy davlat hokimiyati organlari, oliy taʼlim muassasalari qabul komissiyalari	har yili 16-iyulda
III bosqich			har yili 16-iyulda

IV bosqich	Kasbiy (ijodiy) imtihonlar natijalarini maxsus dastur orqali bazaga kiritadi, rasmiylashtiradi va Davlat test markaziga taqdim etadi.	Oliy taʼlim muassasalari qabul komissiyalari	har yili 22-iyulda
IV bosqich		Oliy taʼlim muassasalari qabul komissiyalari	har yili 22-iyulda

V bosqich	Murojaat etgan abituriyentlarga ruxsatnomasini chop etib, taqdim etadi.	Oliy taʼlim muassasalari qabul komissiyalari	har yili 24-iyuldan
V bosqich		Oliy taʼlim muassasalari qabul komissiyalari	har yili 24-iyuldan

VI bosqich	1. Test sinovlari oʻtkaziladigan kuni abituriyentlarni belgilangan tartibda binoga kiritilishini taʼminlaydi. 2. Test sinovlarini belgilangan tartibda oʻtkazilishini taʼminlaydi.	Davlat test markazi, Ichki ishlar vazirligi, oliy taʼlim muassasalari qabul komissiyalari	har yili iyul-avgust
VI bosqich			har yili iyul-avgust

VII bosqich	Test sinovlari boʻyicha abituriyentlarning toʻplagan umumiy ballarini DTMning rasmiy dtm.uz saytida eʼlon qiladi.	Davlat test markazi	test sinovi oʻtkazilgan kunning ertasiga
VII bosqich		Davlat test markazi	test sinovi oʻtkazilgan kunning ertasiga

VIII bosqich	Tanlov natijalarini eʼlon qiladi	Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasi, Davlat test markazi	test sinovlari toʻliq yakunlangandan keyin bir hafta ichida
VIII bosqich	Tanlov natijalarini eʼlon qiladi		test sinovlari toʻliq yakunlangandan keyin bir hafta ichida

IX bosqich	Abituriyentlarning apellyatsiya shikoyatlarini koʻrib chiqadi va uning natijalarini eʼlon qiladi.	Oʻzbekiston Respublikasi taʼlim muassasalariga qabul qilish boʻyicha Davlat komissiyasi, Davlat test markazi	har yili 21-avgust — 30-sentabr
IX bosqich			har yili 21-avgust — 30-sentabr	”.

ch) Nizomga 11-ilova quyidagi tahrirda bayon etilsin:

“Javoblar varaqasi namunasi

”.

(Qonun hujjatlari maʼlumotlari milliy bazasi, 11.07.2019-y., 09/19/572/3407-son; 17.09.2020-y., 09/20/562/1294-son; Qonunchilik maʼlumotlari milliy bazasi, 15.09.2025-y., 09/25/578/0826-son; 06.01.2026-y., 09/26/840/0012-son)