Oʻzbekiston Respublikasi Prezidentining

Qarori

Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida

Respublikada baliqchilik tarmogʻini jadal rivojlantirish, baliq mahsulotlari ishlab chiqarishning zamonaviy va innovatsion uslublarini joriy etgan holda hajmlarini oshirish, sohani tartibga solish boʻyicha bir qator qonun hujjatlari qabul qilinib, ularning ijrosini sifatli va puxta taʼminlash choralari koʻrilmoqda.

Shu bilan birga, intensiv usulda baliq yetishtirish boʻyicha ishlarga yetarli darajada eʼtibor qaratilmayapti, hududlarda baliqchilik tarmogʻini rivojlantirishda yuzaga kelayotgan muammolarni hal etish, baliqchilik xoʻjaliklarini qoʻllab-quvvatlash borasida olib borilayotgan ishlar yetarli darajada emas.

Baliqchilik xoʻjaliklariga biriktirilgan suv havza maydonlaridan ilmiy yondashuv asosida samarali foydalanish, ularning meliorativ holatini yaxshilash, shuningdek, resurs tejamkor texnologiyalar va innovatsiyalarni keng koʻlamda joriy qilish ishlariga yetarlicha eʼtibor berilmayapti.

Sunʼiy suv havzalari hosildorligini oshirish uchun baliqchilik xoʻjaliklarining mineral oʻgʻitlarga boʻlgan talabi toʻliq qondirilmayapti. Shuningdek, mineral oʻgʻitni boshqa muqobil oʻgʻitlar bilan almashtirish boʻyicha ilmiy-tadqiqot ishlarini olib borish yoʻlga qoʻyilmagan.

Baliqni intensiv usulda yetishtirish, ovlash va qayta ishlash uchun zarur asbob-uskuna, anjom va mexanizmlarni mahalliy ishlab chiqarish yoʻlga qoʻyilmagan. Buning oqibatida koʻplab tadbirkorlar vaqt va mablagʻini ortiqcha sarflab, ularni chet eldan xarid qilmoqda.

Baliqchilik sohaga toʻgʻridan-toʻgʻri xorijiy investitsiyalarni kiritish ishlari lozim darajada tashkil etilmagan, bu borada xorijiy davlatlar va tashkilotlar bilan samarali, oʻzaro manfaatli hamkorlik yoʻlga qoʻyilmagan.

Respublikada intensiv usulda baliq yetishtirishni bosqichma-bosqich yoʻlga qoʻyish va ragʻbatlantirish, mavjud suv resurslaridan samarali foydalanish, sohaga innovatsion gʻoyalar, ilmiy ishlanmalar, zamonaviy texnologiyalar va ilm-fan yutuqlarini keng koʻlamda joriy qilish, baliqchilik tarmogʻini yanada qoʻllab-quvvatlash maqsadida:

1. Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi, “Oʻzbekbaliqsanoat” uyushmasi hamda Qoraqalpogʻiston Respublikasi Vazirlar Kengashi va viloyatlar hokimliklarining uzluksiz suv taʼminlash imkoniyati boʻlgan sunʼiy suv havza maydonlari mavjud boʻlgan baliqchilik xoʻjaliklarini bosqichma-bosqich intensiv usulda baliq yetishtirishga ixtisoslashtirish toʻgʻrisidagi taklifi qabul qilinsin.

2. Oʻzbekiston Respublikasi Qishloq xoʻjaligi vazirligi, Iqtisodiyot vazirligi, Davlat soliq qoʻmitasi, “Oʻzbekbaliqsanoat” uyushmasi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ishlab chiqilgan 2019-yilda respublikada:

baliq yetishtirish va ovlash prognoz parametrlari 1 va 1a-ilovalarga muvofiq;

baliq yetishtirish inshootlari va qurilmalarini barpo etishning prognoz parametrlari 2-ilovaga muvofiq;

baliqchilik xoʻjaliklariga omuxta yem va mineral oʻgʻit (ammofos) yetkazib berishning prognoz parametrlari 3-ilovaga muvofiq;

reproduktor hovuzlarni tashkil etish, baliq chavoqlari yetishtirish, baliq mahsulotlarini qayta ishlash va saqlash quvvatlarini ishga tushirishning prognoz parametrlari 4-ilovaga muvofiq tasdiqlansin.

Qoraqalpogʻiston Respublikasi Vazirlar Kengashi va viloyatlar hokimliklari bir oy muddatda Oʻzbekiston Respublikasi Qishloq xoʻjaligi vazirligi, “Oʻzbekbaliqsanoat” uyushmasi va “Ipoteka-bank” ATIB bilan birgalikda ushbu qarorga asosan oʻrnatilgan prognoz parametrlarining ijrosini taʼminlash yuzasidan tumanlar va baliqchilik xoʻjaliklari kesimida manzilli chora-tadbirlar dasturlarini ishlab chiqib tasdiqlasin, ularning samarali va toʻliq ijrosi yuzasidan tizimli monitoring oʻrnatsin.

3. Oʻzbekiston Respublikasi Tiklanish va taraqqiyot jamgʻarmasining (keyingi oʻrinlarda — Jamgʻarma) mablagʻlari hisobidan ekvivalenti 50 million AQSH dollari miqdorida “Ipoteka bank” ATIBning ustav kapitalidagi davlat ulushini oshirilsin.

Belgilansinki, “Ipoteka bank” ATIB ustav kapitaliga yoʻnaltiriladigan Jamgʻarma mablagʻlari Oʻzbekiston Respublikasi Prezidentining 2017-yil 6-yanvardagi PQ-2718-son “Oziq-ovqat, charm-poyabzal va farmatsevtika sanoatida investitsiya loyihalarini moliyalashtirish manbalarini kengaytirish chora-tadbirlari toʻgʻrisida”gi qaroriga muvofiq “Oʻzsanoatqurilishbank” ATB tomonidan ochilgan kredit liniyasi mablagʻlari hisobidan ajratiladi.

Jamgʻarma uch oy muddatda ushbu bandda koʻrsatilgan mablagʻlarni “Ipoteka bank” ATIB ustav kapitaliga oʻtkazib berilishini taʼminlasin.

Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi oʻrnatilgan tartibda “Ipoteka bank” ATIB tomonidan chiqariladigan aksiyalarni roʻyxatdan oʻtkazilishini taʼminlasin.

4. Belgilab qoʻyilsinki:

“Ipoteka bank” ATIB ustav kapitaliga kiritilayotgan ekvivalenti 50 million AQSH dollari miqdoridagi Jamgʻarmaning valyuta mablagʻlaridan zarurat boʻlganda baliqchilikni rivojlantirish sohasidagi loyihalarni moliyalashtirish uchun foydalaniladi;

Oldingi tahrirga qarang.

(4-bandning uchinchi xatboshisi Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan chiqarilgan — Qonunchilik maʼlumotlari milliy bazasi, 11.11.2023-y., 06/23/193/0844-son)

Oldingi tahrirga qarang.

(4-bandning toʻrtinchi xatboshisi Oʻzbekiston Respublikasi Prezidentining 2020-yil 8-iyuldagi PF-6021-son Farmoniga asosan chiqarilgan — Qonun hujjatlari maʼlumotlari milliy bazasi, 09.07.2020-y., 06/20/6021/1047-son)

“Ipoteka bank” ATIB baliqchilik sohasini rivojlantirishni moliyalashtirish uchun taqdim etilgan loyihalarni chuqur tahlillar asosida rentabellik, samaradorlik va pul oqimlarining kredit hamda ular boʻyicha foizlarni oʻz vaqtida qaytarishni taʼminlaydigan loyihalarning kreditlanishini amalga oshiradi.

Oldingi tahrirga qarang.

(5-band Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 11.11.2023-y., 06/23/193/0844-son)

6. Oʻzbekiston Respublikasi Moliya vazirligi har yili 15 million AQSH dollari ekvivalenti miqdoridagi mablagʻlarni 2019-2020-yillar davomida tegishli yilning 1-fevraliga qadar baliqchilik loyihalarini moliyalashtirish maqsadida Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasiga oʻtkazib bersin.

7. Qishloq xoʻjaligi vazirligi, Iqtisodiyot vazirligi, “Oʻzbekbaliqsanoat” uyushmasi, “Ipoteka bank” ATIB, Qoraqalpogʻiston Respublikasi Vazirlar Kengashi va viloyatlar hokimliklarining baliqchilik sohasida toʻliq tizimli (inkubatsiya sexi, chavoq va tovar baliq yetishtirish, yuqori oqsilga boy baliq yemi, qayta ishlash va saqlash) ishlab chiqarishga ixtisoslashtirilgan baliqchilik klasterlarini tashkil etish toʻgʻrisidagi taklifi maʼqullansin.

Oldingi tahrirga qarang.

(7-bandning ikkinchi xatboshisi Oʻzbekiston Respublikasi Prezidentining 2022-yil 8-apreldagi PF-101-sonli Farmoniga asosan chiqarilgan — Qonunchilik maʼlumotlari milliy bazasi, 09.04.2022-y., 06/22/101/0288-son — bekor qilinayotgan imtiyozdan foydalanayotgan tadbirkorlik subyektlari uchun uning amal qilish muddati saqlab qolinadi)

Qishloq xoʻjaligi vazirligi Suv xoʻjaligi vazirligi, Iqtisodiyot vazirligi, “Oʻzbekbaliqsanoat” uyushmasi, “Ipoteka bank” ATIB, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2019-yil 1-fevralga qadar muddatda salohiyatli tadbirkorlik subyektlarini, moliyalashtirish manbalari hamda yer maydonlarini aniqlab 2019 — 2021-yillarda baliqchilik klasterlarini tashkil etishning manzilli dasturi loyihasini tasdiqlash uchun Oʻzbekiston Respublikasi Vazirlar Mahkamasiga kiritsin.

8. “Oʻzeltexsanoat” AK, Oʻzbekiston Respublikasi Iqtisodiyot vazirligi va Qishloq xoʻjaligi vazirligi bilan birgalikda ikki oy muddatda baliqni intensiv usulda yetishtirish, ovlash va qayta ishlash uchun zarur boʻladigan asbob-uskuna, jihoz va mexanizmlar ishlab chiqarishni 2019-yil yakuniga qadar mahalliylashtirish choralarini koʻrsin.

Oldingi tahrirga qarang.

Oʻzbekiston Respublikasi Investitsiyalar va tashqi savdo vazirligi respublikada baliqni intensiv usulda yetishtirish, ovlash va qayta ishlash uchun zarur boʻladigan asbob-uskuna, jihoz va mexanizmlarni ishlab chiqish maqsadida “Oʻzeltexsanoat” AK tomonidan taqdim etilgan loyiha hujjatlariga asosan xorijiy investorlarni jalb etsin.

(8-bandning ikkinchi xatboshisi Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)

Oldingi tahrirga qarang.

(Oʻzbekiston Respublikasi Prezidentining 2025-yil 30-dekabrdagi PF-269-sonli Farmoniga asosan 9-bandning oʻz kuchini yoʻqotish sanasi — 2026-yil 1-yanvar — Qonunchilik maʼlumotlari milliy bazasi, 30.12.2025-y., 06/25/269/1253-son)

10. “Oʻzkimyosanoat” AJ baliqchiliq xoʻjaliklariga talab qilinadigan 30,7 ming tonna mineral oʻgʻit (ammofos)ning 2019-yil davomida ishlab chiqarilishi va birja savdolariga qoʻyib borilishini taʼminlasin.

11. Oʻzbekiston Respublikasi Suv xoʻjaligi vazirligi 2019-yil 1-aprelga qadar muddatda prognozlashtirilgan suv miqdoridan kelib chiqib, oʻrnatilgan tartibda faoliyat yuritayotgan baliqchilik xoʻjaliklari bilan suvdan foydalanish boʻyicha shartnoma tuzilishini va baliqchilik xoʻjaliklari uchun belgilangan suv miqdorining kafolatli yetkazib berilishini taʼminlasin.

Suv tanqisligi sharoitida baliqchilik xoʻjaliklari tomonidan sunʼiy suv havzalariga boshqa manbalardan qoʻshimcha suv olib kelish choralari koʻriladi hamda mazkur ishlar baliqchilik xoʻjaliklarining oʻz mablagʻlari hisobidan amalga oshiriladi.

12. Belgilab qoʻyilsinki, yangidan tashkil etiladigan sunʼiy suv havzalarida baliq yetishtirish loyihalariga yer uchastkalari:

faqatgina intensiv usul va resurs tejamkor texnologiyalar qoʻllanganda;

suv bilan kafolatli taʼminlash va yerlarning meliorativ holatiga salbiy taʼsiri yoʻqligi boʻyicha Oʻzbekiston Respublikasi Suv xoʻjaligi vazirligining xulosasi asosida ajratiladi.

13. Baliqchilik xoʻjaliklarining sunʼiy suv havza maydonlari va ichki kanal, kollektor va drenajlardagi melioratsiya va chuqurlashtirish ishlari Oʻzbekiston Respublikasi Suv xoʻjaligi vazirligi tizimidagi ixtisoslashtirilgan tashkilotlar tomonidan amalga oshiriladi.

Belgilansinki:

baliqchilik xoʻjaliklari sunʼiy suv havza maydonlarida ichki kanal, melioratsiya va chuqurlashtirish boʻyicha bajariladigan ishlar baliqchilik xoʻjaliklarining oʻz mablagʻlari;

barcha kollektor va drenajlarda melioratsiya boʻyicha bajariladigan ishlar Vazirlar Mahkamasi huzuridagi Sugʻoriladigan yerlarning meliorativ holatini yaxshilash jamgʻarmasi mablagʻlari hisobidan amalga oshiriladi.

14. Oʻzbekiston Respublikasi Fanlar akademiyasi:

“Oʻzbekbaliqsanoat” uyushmasi bilan birgalikda bir oy muddatda baliqchilik sohasida ilm-fan va ishlab chiqarish integratsiyasini yanada kuchaytirish maqsadida uzviy hamkorlikni yoʻlga qoʻysin, baliqchilik sohasida mavjud muammolarni bartaraf etish boʻyicha “yoʻl xarita”si ishlab chiqilishini;

Oʻzbekiston Respublikasi Qishloq xoʻjaligi vazirligi va “Oʻzbekbaliqsanoat” uyushmasi bilan birgalikda ikki oy muddatda baliqchilik sohasi rivojlangan xorijiy davlatlarning ilgʻor va zamonaviy texnologiyalari asosida sunʼiy suv havza maydonlarida intensiv usulda baliq yetishtirishni tashkil etish boʻyicha uslubiy tavsiyalar va namunaviy loyihalar ishlab chiqilib joylarga yetkazilishini;

“Oʻzkimyosanoat” AJ bilan birgalikda sunʼiy suv havzalarida baliq yetishtirish hosildorligini oshirish uchun sarflanadigan mineral oʻgʻitni (ammofos) boshqa muqobil oʻgʻit bilan almashtirish boʻyicha ilmiy asoslangan tavsiyalar ishlab chiqilib, ular haqida baliqchilik xoʻjaliklariga tushuntirish ishlarini tashkillashtirsin.

15. “Oʻzbekbaliqsanoat” uyushmasi Baliqchilik ilmiy-tadqiqot institutining ilm-fan sohasini rivojlantirish, innovatsion gʻoyalar, ilmiy ishlanmalar, zamonaviy texnologiyalarni ishlab chiqish va amaliyotda joriy etish maqsadida 2019-yilda uyushmaning Baliqchilikni rivojlantirish jamgʻarmasi hisobidan 1 milliard soʻm yoʻnaltirsin.

16. “Oʻzbekbaliqsanoat” uyushmasining ilm-fan va innovatsion texnologiyalarni joriy etish hamda yangi turdagi baliqlarni mahalliylashtirish masalalari boʻyicha rais oʻrinbosari lavozimini joriy etish toʻgʻrisidagi taklifi maʼqullansin.

“Oʻzbekbaliqsanoat” uyushmasi Qishloq xoʻjaligi vazirligi bilan birgalikda innovatsion gʻoyalar, ilmiy ishlanmalar, zamonaviy texnologiyalar va ilm-fan yutuqlarini baliq yetishtirish va uni qayta ishlash tarmogʻiga yoʻnaltirish samaradorligini oshirish maqsadida yangidan joriy etilgan lavozimga chet ellik mutaxassisni jalb qilish choralarini koʻrsin.

17. Oʻzbekiston Respublikasi Innovatsion rivojlanish vazirligi fundamental, amaliy hamda innovatsion tadqiqotlar davlat ilmiy-texnik dasturlarini shakllantirishda baliqchilik tashkilotlari suv havza yer uchastkalaridan samarali foydalanish boʻyicha innovatsion ishlanmalar va zamonaviy texnologiyalar ishlab chiqilishini nazarda tutuvchi ilmiy loyihalar kiritilishini taʼminlasin.

18. Belgilansinki, Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarori 3-bandining ikkinchi xatboshisi “Oʻzbekbaliqsanoat” uyushmasining aʼzolari boʻlgan baliqchilik fermer xoʻjaliklariga nisbatan tatbiq etilmaydi.

19. Oʻzbekiston Respublikasi Vazirlar Mahkamasi Qishloq xoʻjaligi vazirligi, Moliya vazirligi, Davlat soliq qoʻmitasi, “Oʻzbekbaliqsanoat” uyushmasi bilan birgalikda ikki oy muddatda baliqchiliq xoʻjaliklariga sunʼiy suv havza maydonlarida yetishtirilgan baliq hosildorligidan kelib chiqib, shuningdek, bu sohadagi ilgʻor xorijiy tajribani inobatga olgan holda tabaqalashtirilgan yagona yer soligʻi stavkalarini qoʻllash boʻyicha taklif kiritsin.

20. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda:

dehqon bozorlari va aholi gavjum boʻlgan hududlarda baliq sotishni tashkil etish uchun akvariumlar oʻrnatilishi va ixtisoslashgan savdo nuqtalari tashkil etilishi boʻyicha manzilli dasturlarni tasdiqlasin;

baliqchilik sohasiga toʻgʻridan-toʻgʻri xorijiy investitsiyalarni jalb etish maqsadida investitsiya loyihalarining roʻyxatini puxta ishlab chiqib, xorijiy hamkorlarni jalb etish uchun Oʻzbekiston Respublikasi Tashqi ishlar vazirligi, Investitsiyalar boʻyicha davlat qoʻmitasi va “Ipoteka bank” ATIBga taqdim etsin.

Oldingi tahrirga qarang.

21. Oʻzbekiston Respublikasi Qishloq xoʻjaligi vazirligi, Ichki ishlar vazirligi, Suv xoʻjaligi vazirligi, Iqtisodiyot va moliya vazirligi, Milliy statistika qoʻmitasi, Soliq qoʻmitasi, Bojxona qoʻmitasi, Ekologiya, atrof-muhitni muhofaza qilish va iqlim oʻzgarishi vazirligi, Veterinariya va chorvachilikni rivojlantirish qoʻmitasi, boshqa vazirlik va idoralar “Oʻzbekbaliqsanoat” uyushmasiga mazkur qaror va boshqa qonun hujjatlari bilan yuklatilgan vazifalarning sifatli va oʻz vaqtida bajarilishi uchun har tomonlama amaliy yordam koʻrsatsin.

(21-band Oʻzbekiston Respublikasi Prezidentining 2025-yil 24-fevraldagi PF-27-sonli Farmoni tahririda — Qonunchilik maʼlumotlari milliy bazasi, 01.03.2025-y., 06/25/27/0196-son)

Oldingi tahrirga qarang.

(22-band Oʻzbekiston Respublikasi Prezidentining 2022-yil 8-iyuldagi PF-167-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 06/22/167/0619-son)

23. Mamlakatda akkreditatsiyadan oʻtgan diplomatik vakolatxonalar, xorijiy turistlar, turli mamlakatlarning baliqchilik sohasi vakillari, ekspert va mutaxassislarni keng jalb qilgan holda 2019-yildan boshlab har yili noyabr oyida baliqchilikka oid koʻrgazma oʻtkazish amaliyoti joriy qilinsin.

24. Oʻzbekiston Respublikasi Bosh vazirining oʻrinbosari —

Oldingi tahrirga qarang.

Investitsiyalar va tashqi savdo vaziri — S.Oʻ. Umurzakovga — hududlarning baliqchilikni rivojlantirish boʻyicha investitsiya loyihalarini moliyalashtirish uchun salohiyatli investorlarni izlash, baliqchilik sohasiga investitsiyalarni jalb qilish, jalb qilinayotgan mablagʻlarning oʻz vaqtida oʻzlashtirilishini taʼminlash, shuningdek, Komissiyaning samarali faoliyatini tashkil etish;

(24-bandning ikkinchi xatboshisi Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)

Qoraqalpogʻiston Respublikasi Vazirlar Kengashi Raisi va viloyatlar hokimlariga — qaror bilan tasdiqlangan prognoz parametrlarining ijrosini taʼminlash yuzasidan tumanlar va baliqchilik xoʻjaliklari kesimida manzilli chora-tadbirlar dasturlarini oʻz vaqtida ishlab chiqib, tasdiqlash va ularning ijrosi ustidan doimiy nazorat olib borish;

Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorovga — mazkur qarorda belgilangan budjetdan moliyalashtirish tadbirlari uchun mablagʻlarning oʻz vaqtida va toʻliq ajratilishi;

Oldingi tahrirga qarang.

Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi B.T. Norqobilovga — mazkur qaror bilan tasdiqlangan prognoz koʻrsatgichlar ijrosi ustidan xoʻjaliklar kesimida monitoring tizimi oʻrnatilishi va ularning hisoboti yuritilishi, baliqchilik klasterlarining faoliyati tashkil etilishi hamda ularga har tomonlama yordam koʻrsatilishi;

(24-bandning beshinchi xatboshisi Oʻzbekiston Respublikasi Prezidentining 2022-yil 11-fevraldagi PF-67-sonli Farmoni tahririda — Qonunchilik maʼlumotlari milliy bazasi, 12.02.2022-y., 06/22/67/0128-son)

Oʻzbekiston Respublikasi suv xoʻjaligi vaziri Sh.R. Xamrayevga — baliqchilik xoʻjaliklari bilan suvdan foydalanish boʻyicha shartnoma tuzilishi va ularga belgilangan suv miqdori kafolatli yetkazib berilishi;

Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi B.T. Kuchkarovga — tabiiy suv havzalarini baliqlantirish ishlari, baliq resurslari muhofaza qilinishi va ulardan oqilona foydalanilishi hamda baliq ovlash qoidalariga rioya etilishi ustidan tizimli nazorat oʻrnatish;

“Oʻzkimyosanoat” AJ raisi A.A. Abdullayevga — mineral oʻgʻit (ammofos)ning vegitativ mavsumda belgilangan miqdorda birja savdolariga chiqarilishi;

“Oʻzeltexsanoat” AK raisi A.A. Abdullayevga — baliqni intensiv usulda yetishtirish, ovlash va qayta ishlash uchun anjom, asbob-uskuna va mexanizmlarning respublikada ishlab chiqarilishini tashkil etish yuzasidan shaxsiy javobgarlik yuklansin.

25. Oʻzbekiston Milliy axborot agentligi va Oʻzbekiston Milliy teleradiokompaniyasiga Oʻzbekiston Respublikasi Qishloq xoʻjaligi vazirligi va “Oʻzbekbaliqsanoat” uyushmasi bilan birgalikda baliqchilik sohasida amalga oshirilayotgan islohotlarni ommaviy axborot vositalarida muntazam yoritib borish tavsiya etilsin.

26. Oʻzbekiston Respublikasi Prezidentining 2017-yil 1-maydagi “Baliqchilik tarmogʻini boshqarish tizimini takomillashtirish chora-tadbirlari toʻgʻrisida”gi PQ-2939-son qaroriga 6-ilovaga muvofiq oʻzgartishlar kiritilsin.

27. Oʻzbekiston Respublikasi Qishloq xoʻjaligi vazirligi Bosh prokuratura, Ichki ishlar vazirligi va boshqa manfaatdor idoralar bilan birgalikda ikki oy muddatda Vazirlar Mahkamasiga quyidagilar boʻyicha takliflar kiritsin:

tegishli ruxsati boʻlmay turib yoki taqiqlangan joylarda yoxud taqiqlangan muddatlarda, taqiqlangan qurollar yoki usullar bilan baliq tutganlik, shuningdek, baliq tutishning boshqa qoidalarini buzganlik uchun javobgarlikni yanada kuchaytirish toʻgʻrisida;

qonun hujjatlariga mazkur qarordan kelib chiqadigan oʻzgartish va qoʻshimchalar kiritish toʻgʻrisida.

28. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Bosh prokurori O.B. Murodov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 6-noyabr,

PQ-4005-son

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
1-ILOVA

2019-yilda baliq yetishtirish va ovlash

prognoz PARAMETRLARI

Hududlar	Jami baliq yetishtirish va ovlash hajmi (tonna)	Shundan
		Sunʼiy suv havzalarda			Tabiiy havza va suv omborlarida	Qafas (sadok) moslamasida	Intensiv usulda kichik suv havzalarida	Yopiq suv aylanma tizimi (UZV)da
		jami	shundan
		jami	ekstensiv	yarim intensiv
Qoraqalpogʻiston Respublikasi	15 000	5 250	4 200	1 050	8 000	300	850	600
Andijon viloyati	12 000	8 952	7 446	1 506	-	-	2 548	500
Buxoro viloyati	9 100	4 085	3 695	390	3 365	450	600	600
Jizzax viloyati	9 910	8 040	7 200	840	250	750	570	300
Qashqadaryo viloyati	12 000	6 885	5 785	1 100	1 700	900	2 115	400
Navoiy viloyati	13 000	4 030	2 830	1 200	3 000	4 500	1 170	300
Namangan viloyati	15 000	8 955	6 195	2 760	300	1 500	3 645	600
Samarqand viloyati	12 000	3 905	2 639	1 266	1 100	1 245	5 410	340
Sirdaryo viloyati	19 500	18 490	16 810	1 680	600	-	110	300
Surxondaryo viloyati	7 000	3 497	3 005	492	753	900	1 000	850
Toshkent viloyati	21 500	16 860	15 072	1 788	300	1 200	1 540	1 600
Fargʻona viloyati	20 000	12 065	10 223	1 842	500	3 000	3 495	940
Xorazm viloyati	16 000	13 305	11 842	1 463	1 000	-	1 025	670
Aydar-Arnasoy koʻllari	19 490	-	-	-	17 330	2 160	-	-
Jami	201 500	114 319	96 942	17 377	38 198	16 905	24 078	8 000

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
1a-ILOVA

2019-yilda baliq yetishtirish va ovlash

prognoz PARAMETRLARI

Hududlar	Jami baliq yetishtirish va ovlash hajmi (tonna)	Shundan
		Sunʼiy suv havzalarda			Tabiiy havza va suv omborlarida	Qafas (sadok) moslamasida	Intensiv usulda kichik suv havzalarda	Yopiq suv aylanma tizimi (UZV)da
		jami	shundan
		jami	ekstensiv	yarim intensiv
Respublika boʻyicha	201 500	114 319	96 942	17 377	38 198	16 905	24 078	8 000
Qoraqalpogʻiston Respublikasi	15 000	5 250	4 200	1 050	8 000	300	850	600
shundan
Amudaryo tumani	567	499	499		18		50
Beruniy tumani	422	314	290	24	8		100
Kegeyli tumani	607	237	237		20		50	300
Qonlikoʻl tumani	267	217	211	6			50
Qoraoʻzak tumani	128	37	37		41		50
Qoʻngʻirot tumani	987	412	388	24	525		50
Moʻynoq tumani	6 990	355	355		6 585		50
Nukus tumani	1 153	750	696	54	3		100	300
Taxiatosh tumani	58	5	5		3		50
Taxtakoʻpir tumani	1 339	499	199	300	490	300	50
Toʻrtkoʻl tumani	1 133	1 028	416	612	55		50
Xoʻjayli tumani	220	166	166		4		50
Chimboy tumani	282	232	208	24			50
Shoʻmanay tumani	158	105	105		3		50
Ellikqalʼa tumani	689	394	388	6	245		50
Andijon viloyati	12 000	8 952	7 446	1 506			2548	500
shundan
Andijon tumani	122	72	72				50
Asaka tumani	220	70	70				150
Baliqchi tumani	350	250	238	12			100
Boʻz tumani	124	116	92	24			8
Buloqboshi tumani	86	36	36				50
Jalolquduq tumani	206	56	56				150
Izboskan tumani	659	59	53	6			600
Qoʻrgʻontepa tumani	446	96	90	6			50	300
Marhamat tumani	600	50	50				400	150
Oltinkoʻl tumani	493	143	143				350
Paxtaobod tumani	72	22	22				50
Ulugʻnor tumani	8 120	7 620	6 174	1 446			500
Xoʻjaobod tumani	230	180	168	12			50
Shahrixon tumani	272	182	182				40	50
Buxoro viloyati	9 100	4 085	3 695	390	3 365	450	600	600
shundan
Buxoro shahri	8	8	8
Buxoro tumani	1 184	834	684	150			200	150
Vobkent tumani	312	312	312
Gʻijduvon tumani	1 504	128	116	12	926	150		300
Jondor tumani	89	89	89
Kogon tumani	1078	628	598	30			300	150
Qorakoʻl tumani	1 090	474	432	42	476	90	50
Qorovulbozor tumani	684	190	160	30	404	90
Olot tumani	1 024	672	630	42	242	60	50
Peshku tumani	1 399	22	22		1 317	60
Romiton tumani	99	99	87	12
Shofirkon tumani	629	629	557	72
Jizzax viloyati	9 910	8 040	7 200	840	250	750	570	300
shundan
Jizzax shahri	300							300
Arnasoy tumani	292	192	42	150			100
Baxmal tumani	19	19	19
Gʻallaorol tumani	416	39	39		77	300
Doʻstlik tumani	30	30	30
Zarbdor tumani	651	631	571	60			20
Zafarobod tumani	1 162	1 062	930	132			100
Zomin tumani	400	400	400
Mirzachoʻl tumani	142	142	130	12
Paxtakor tumani	61	61	49	12
Forish tumani	4 696	4 446	4 050	396			250
Sharof Rashidov tumani	1 741	1 018	940	78	173	450	100
Qashqadaryo viloyati	12 000	6 885	5 785	1 100	1 700	900	2 115	400
shundan
Gʻuzor tumani	202	152	140	12			50
Dexqonobod tumani	54	4	4				50
Kasbi tumani	344	294	282	12			50
Kitob tumani	373	321	321		2		50
Koson tumani	533	483	471	12			50
Qamashi tumani	1 340	510	510		540	90	200
Qarshi tumani	2 240	1 775	1 125	650			65	400
Mirishkor tumani	1 939	179	167	12	710	300	750
Muborak tumani	560	510	510				50
Nishon tumani	2 128	1 050	690	360	428	450	200
Chiroqchi tumani	350	300	300				50
Shahrisabz tumani	572	522	480	42			50
Yakkabogʻ tumani	1 365	785	785		20	60	500
Navoiy viloyati	13 000	4 030	2 830	1 200	3 000	4 500	1 170	300
shundan
Navoiy shahri	93	93	93
Zarafshon shahri	6	6	6
Karmana tumani	426	276	264	12			150
Konimex tumani	600	450	270	180			150
Qiziltepa tumani	9 392	1 292	920	372	3 000	4 500	300	300
Navbahor tumani	1 672	1 322	842	480			350
Nurota tumani	474	354	210	144			120
Tomdi tumani	3	3	3
Xatirchi tumani	334	234	222	12			100
Namangan viloyati	15 000	8 955	6 195	2 760	300	1 500	3 645	600
shundan
Kosonsoy tumani	201	156	156				45
Mingbuloq tumani	3 582	2 682	2 088	594			900
Namangan tumani	616	391	265	126			225
Norin tumani	319	229	229				90
Pop tumani	6 710	4 275	2 265	2 010	50	75	1 710	600
Toʻraqoʻrgʻon tumani	147	102	90	12			45
Uychi tumani	379	334	334				45
Uchqoʻrgʻon tumani	625	400	400				225
Chortoq tumani	170	22	22		28	75	45
Chust tumani	1 927	347	329	18	215	1 275	90
Yangiqoʻrgʻon tumani	324	17	17		7	75	225
Samarqand viloyati	12 000	3 905	2 639	1 266	1 100	1 245	5 410	340
shundan
Bulungʻur tumani	250	50	50				200
Jomboy tumani	638	138	132	6			500
Ishtixon tumani	1 481	316	310	6	70	495	600
Kattaqoʻrgʻon tumani	2 640	558	516	42	992	390	600	100
Qoʻshrobot tumani	243	43	43				200
Narpay tumani	406	106	100	6			300
Nurobod tumani	226	26	26				200
Oqdaryo tumani	567	227	179	48			300	40
Payariq tumani	1 835	1 208	440	768	27		600
Pastdargʻom tumani	1 377	677	437	240			600	100
Paxtachi tumani	469	269	239	30			200
Samarqand tumani	990	180	60	120			710	100
Tayloq tumani	250	50	50				200
Urgut tumani	628	57	57		11	360	200
Sirdaryo viloyati	19 500	18 490	16 810	1 680	600		110	300
shundan
Guliston shahri	18	18	18
Shirin shahri	8	8	8
Yangiyer shahri	470	470	470
Boyovut tumani	1 484	1 476	1 380	96	8
Guliston tumani	294	264	240	24	0		30
Mirzaobod tumani	12 593	11 800	10 390	1 410	563		30	200
Oqoltin tumani	482	482	446	36
Sayxunobod tumani	1 298	1 131	1 095	36	17		50	100
Sardoba tumani	390	390	390
Sirdaryo tumani	1 668	1 656	1 620	36	12
Xovos tumani	795	795	753	42
Surxondaryo viloyati	7 000	3 497	3 005	492	753	900	1 000	850
shundan
Angor tumani	396	396	396
Boysun tumani	85	82	82		3
Denov tumani	610	360	360				250
Jarqoʻrgʻon tumani	705	363	351	12	52	240	50
Qiziriq tumani	136	86	74	12			50
Qumqoʻrgʻon tumani	1 690	355	235	120	525	360	50	400
Muzrabot tumani	85	85	85
Oltinsoy tumani	71	60	60		11
Sariosiyo tumani	345	145	145				200
Termiz tumani	1 688	676	436	240	162	300	250	300
Uzun tumani	828	528	420	108			150	150
Sherabod tumani	170	170	170
Shoʻrchi tumani	191	191	191
Toshkent viloyati	21 500	16 860	15 072	1 788	300	1 200	1 540	1 600
shundan
Bekobod tumani	906	831	807	24	45		30
Boʻka tumani	646	646	610	36
Boʻstonliq tumani	759	173	161	12	36	450	100
Zangiota tumani	1 024	1 024	784	240
Qibray tumani	233	232	208	24	1
Quyichirchiq tumani	10 369	8 169	7 071	1 098			1 000	1 200
Oqqoʻrgʻon tumani	1 189	1 189	1 105	84
Ohangaron tumani	578	533	533	0	45
Parkent tumani	4	3	3	0	1
Pskent tumani	901	836	764	72			65
Toshkent tumani	143	93	93					50
Oʻrtachirchiq tumani	2 051	730	688	42	171	750	150	250
Chinoz tumani	1 602	1 306	1 222	84	1		195	100
Yuqorichirchiq tumani	335	335	287	48
Yangiyoʻl tumani	760	760	736	24
Fargʻona viloyati	20 000	12 065	10 223	1 842	500	3 000	3 495	940
shundan
Fargʻona shahri	181	106	94	12			75
Quvasoy shahri	85	35	23	12			50
Margʻilon shahri	600							600
Beshariq tumani	3 316	3 036	2 214	822			280
Bogʻdod tumani	1 156	1 126	1 072	54			30
Buvayda tumani	832	802	718	84			30
Dangʻara tumani	1 789	1 274	938	336			515
Yozyovon tumani	5 549	3 396	3 000	396	428	1 500	225
Quva tumani	896	143	125	18	48	450	215	40
Qoʻshtepa tumani	209	94	88	6			115
Oltiariq tumani	2 389	200	200		24	1 050	815	300
Rishton tumani	257	102	90	12			155
Soʻx tumani	102	2	2				100
Toshloq tumani	711	496	490	6			215
Oʻzbekiston tumani	283	68	68				215
Uchkoʻprik tumani	803	588	576	12			215
Fargʻona tumani	333	118	46	72			215
Furqat tumani	509	479	479				30
Xorazm viloyati	16 000	13 305	11 842	1 463	1 000		1 025	670
shundan
Bogʻot tumani	908	824	791	33	34		50
Gurlan tumani	621	351	351					270
Qoʻshqoʻpir tumani	2 304	1 998	1 855	143	71		75	160
Urganch tumani	419	299	293	6				120
Xazorasp tumani	1 709	1 069	1 069		590		50
Xonqa tumani	298	298	298
Xiva tumani	3 104	2 112	1 832	280	72		800	120
Shovot tumani	919	904	904		15
Yangiariq tumani	5 589	5 321	4 320	1 001	218		50
Yangibozor tumani	129	129	129
Aydar-Arnasoy koʻllari	19 490				17 330	2 160

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
2-ILOVA

2019-yilda baliq yetishtirish inshootlari va qurilmalarini barpo etishning

prognoz PARAMETRLARI

Hududlar	Inkubatsiya sexlarini qurish		Qafas (sadok) oʻrnatish		Intensiv suv havzalar barpo etish				Yopiq suv aylanma tizimini (UZV) qurish
	Inkubatsiya sexlarini qurish		Qafas (sadok) oʻrnatish		Intensiv usulda kichik suv havzalarida		Yarim intensiv		Yopiq suv aylanma tizimini (UZV) qurish
	soni	quvvati (mln dona)	soni	baliq yetishtirish (tonna)	maydoni (ga)	baliq yetishtirish (tonna)	maydoni (ga)	baliq yetishtirish (tonna)	soni	baliq yetishtirish (tonna)
Qoraqalpogʻiston Respublikasi	1	50	100	300	12	795	175	1 050	1	300
Andijon viloyati	1	50	-	-	10	500	251	1 506	1	300
Buxoro viloyati	1	30	-	-	8	400	65	390	1	300
Jizzax viloyati	1	50	50	150	2	100	140	840	-	-
Qashqadaryo viloyati	1	50	100	300	36	1 800	183	1 100	-	-
Navoiy viloyati	1	50	1 000	3 000	7	350	200	1 200	1	300
Namangan viloyati	1	50	130	390	71	3 195	460	2 760	2	600
Samarqand viloyati	1	50	100	300	41	4100	211	1 266	3	300
Sirdaryo viloyati	-	-	-	-	4	200	280	1 680	1	100
Surxondaryo viloyati	1	50	-	-	12	600	82	492	2	550
Toshkent viloyati	-	-	50	150	20	1 000	298	1 788	4	1 200
Fargʻona viloyati	-	-	400	1 200	38	1 900	307	1 842	-	-
Xorazm viloyati	-	-	-	-	2	100	225	1 463	3	300
Aydar-Arnasoy koʻllari	1	100	1 000	2160	-	-	-	-	-	-
Jami	10	530	2 930	7 950	263	15 040	2877	17 377	19	3 700

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
3-ILOVA

2019-yilda baliqchilik xoʻjaliklariga omuxta yem va mineral oʻgʻit (ammofos) yetkazib berishning

prognoz PARAMETRLARI

Hududlar	2019-yilda foydalaniladigan sunʼiy suv havzalari		Sarf etiladigan omuxta yem (tonna)	Shundan
				Sunʼiy suv havzalarida	intensiv texnologiyalarda
					Qafas (sadok) moslamasida	Intensiv usulda kichik suv havzalarda	Yopiq suv aylanma tizimi (UZV)
	jami maydon (ga)	sarf etiladigan mineral oʻgʻit (tonna)			Qafas (sadok) moslamasida	Intensiv usulda kichik suv havzalarda	Yopiq suv aylanma tizimi (UZV)
Qoraqalpogʻiston Respublikasi	1 336	1 069	9 748	3 948	275	4 565	960
Andijon viloyati	3 036	2 429	16 921	6 848	0	9 273	800
Buxoro viloyati	1 621	1 297	5 967	3 837	990	660	480
Jizzax viloyati	3 283	2 626	10 932	7 520	1 540	1 232	640
Qashqadaryo viloyati	1 237	990	16 750	4 230	1 980	9 900	640
Navoiy viloyati	1 273	1 018	17 410	3 290	9 900	3 740	480
Namangan viloyati	2 301	1 841	23 450	6 580	2 970	13 420	480
Samarqand viloyati	1 647	1 318	18 070	4 230	1 980	11 220	640
Sirdaryo viloyati	7 004	5 603	20 106	15 886	0	3 740	480
Surxondaryo viloyati	1 220	976	8 240	2 820	1 980	2 640	800
Toshkent viloyati	6 341	5 072	25 310	15 510	2 640	5 720	1 440
Fargʻona viloyati	4 439	3 551	27 216	11 280	6 600	7 832	1 504
Xorazm viloyati	3 225	2 580	18 250	10 890	0	6 336	1 024
Aydar-Arnasoy koʻllari	350	280	4 752	-	4 752	-	-
Jami	38 313	30 650	223 122	96 869	35 607	80 278	10 368

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
4-ILOVA

2019-yilda reproduktor hovuzlarni tashkil etish, baliq chavoqlari yetishtirish, baliq mahsulotlarini qayta ishlash va saqlash quvvatlarini ishga tushirishning

prognoz PARAMETRLARI

Hududlar	Reproduktor hovuzlar				Chavoq yetishtirish (mln dona)			Baliqni saqlash va qayta ishlash sexlari (muzlatkich, polufabrikat, tushka) barpo etish
	Mavjud		2019-yilda tashkil etiladi		Jami	shundan		mavjud		2019-yilda tashkil etiladigan
	maydon (ga)	quvvati (mln dona)	maydon (ga)	quvvati (mln dona)	Jami	oʻsimlik-xoʻr	karp	soni	quvvati (tonna)	soni	quvvati (tonna)
Qoraqalpogʻiston Respublikasi	400	30	50,0	2,5	32,5	26	6,5	2	1 400	4	1 150
Andijon viloyati	527	26	50,0	2,5	28,5	22,8	5,7	2	350	3	2 500
Buxoro viloyati	149	7	50,0	2,5	9,5	7,6	1,9	4	790	1	500
Jizzax viloyati	278	17	50,0	2,5	19,5	15,6	3,9	2	750	2	600
Qashqadaryo viloyati	124	11	70,0	3,5	14,5	11,6	2,9	3	525	2	800
Navoiy viloyati	376	19	50,0	2,5	21,5	17,2	4,3	2	40	2	3 300
Namangan viloyati	257	24	60,0	3,0	27,0	21,6	5,4	1	20	1	400
Samarqand viloyati	173	21	55,0	2,7	23,7	18,96	4,7	1	30	1	520
Sirdaryo viloyati	365	21	40,0	2,0	23,0	18,4	4,6	4	2 500	2	1 000
Surxondaryo viloyati	83	17	100,0	5,0	22,0	17,6	4,4	-	-	1	400
Toshkent viloyati	845	42			42,0	33,6	8,4	7	2 330	1	400
Fargʻona viloyati	176	9	80,0	4,0	13,0	10,4	2,6	1	300	1	300
Xorazm viloyati	417	30	30,0	1,5	31,5	25,2	6,3	2	1 100	6	1 575
Aydar-Arnasoy koʻllari	50	2,5	300,0	15,0	17,5	14	3,5	-	-	1	500
Jami	4 220	276,5	985	49,2	325,7	260,6	65,1	31	10 135	28	13 945

Oldingi tahrirga qarang.

(5-ilova Oʻzbekiston Respublikasi Prezidentining 2022-yil 8-iyuldagi PF-167-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 08.07.2022-y., 06/22/167/0619-son)

Oʻzbekiston Respublikasi Prezidentining 2018-yil 6-noyabrdagi PQ-4005-son qaroriga
6-ILOVA

Oʻzbekiston Respublikasi Prezidentining 2017-yil 1-maydagi “Baliqchilik tarmogʻini boshqarish tizimini takomillashtirish chora-tadbirlari toʻgʻrisida”gi PQ-2939-son qaroriga kiritilayotgan oʻzgartirishlar

1. 3-bandning birinchi xatboshisidagi “20 nafar” soʻzlari “28 nafar” soʻzlari bilan almashtirilsin.

2. 2-ilovaning matni quyidagi tahrirda bayon etilsin:

““Oʻzbekbaliqsanoat” uyushmasining ijro etuvchi apparati tashkiliy
tuzilmasi

Boshqaruv xodimlarining umumiy cheklangan soni — 28 kishi.”.

(Qonun hujjatlari maʼlumotlari milliy bazasi, 07.11.2018-y., 07/18/4005/2165-son; 19.06.2020-y., 06/20/6011/0780-son; 09.07.2020-y., 06/20/6021/1047-son; 29.08.2020-y., 07/20/4816/1239-son; 28.09.2020-y., 06/20/6075/1330-son; 31.10.2020-y., 06/20/6098/1432-son; Qonunchilik maʼlumotlari milliy bazasi, 16.12.2021-y., 06/21/34/1164-son; 12.02.2022-y., 06/22/67/0128-son; 09.04.2022-y., 06/22/101/0288-son; 10.06.2022-y., 06/22/150/0516-son; 08.07.2022-y., 06/22/167/0619-son; 11.11.2023-y., 06/23/193/0844-son; 01.03.2025-y., 06/25/27/0196-son; 30.12.2025-y., 06/25/269/1253-son)