2914-сон 22.08.2017. Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomni tasdiqlash haqida

Hujjat kuchini yo‘qotgan 31.01.2020

Oʻzbekiston Respublikasi Mudofaa vazirligi
Oʻzbekiston Respublikasi Ichki ishlar vazirligi
Oʻzbekiston Respublikasi Milliy Xavfsizlik xizmatining

Qarori

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomni tasdiqlash haqida

[Oʻzbekiston Respublikasi Adliya vazirligi tomonidan 2017-yil 22-avgustda roʻyxatdan oʻtkazildi, roʻyxat raqami 2914]

LexUZ sharhi

Mazkur qaror Oʻzbekiston Respublikasi Mudofaa vazirligi, Ichki ishlar vazirligi va Davlat xavfsizlik xizmatining 2019-yil 30-dekabrdagi 45, 104 va 38-son “Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomni tasdiqlash haqida”gi qarorni oʻz kuchini yoʻqotgan deb topish toʻgʻrisida”gi qaroriga (roʻyxat raqami 2914-1, 31.01.2020-y.) asosan oʻz kuchini yoʻqotgan.

Oʻzbekiston Respublikasi Prezidentining 2012-yil 31-maydagi PQ-1765-son “Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida”gi va 2017-yil 4-apreldagi PQ-2867-son “Oʻzbekiston Respublikasi Prezidentining 2012-yil 31-maydagi PQ-1765-son “Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida”gi qaroriga oʻzgartirishlar kiritish haqida””gi qarorlariga muvofiq Oʻzbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmati qaror qiladi:

1. Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizom 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror rasmiy eʼlon qilingan kundan eʼtiboran kuchga kiradi.

Mudofaa vaziri K. BERDIYEV

Toshkent sh.,

2017-yil 14-iyul,

22-son

Ichki ishlar vaziri A. AZIZOV

Toshkent sh.,

2017-yil 14-iyul,

30-son

Milliy xavfsizlik xizmati raisi R. INOYATOV

Toshkent sh.,

2017-yil 14-iyul,

82-son

Oʻzbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmatining 2017-yil 14-iyuldagi 22, 30, 82-sonli qaroriga
1-ILOVA

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi

NIZOM

Mazkur Nizom Oʻzbekiston Respublikasi Prezidentining 2012-yil 31-maydagi PQ-1765-son “Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida”gi qaroriga muvofiq muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar (bundan buyon matnda tavsiyanoma deb yuritiladi) berish tartibini belgilaydi.

1-bob. Umumiy qoidalar

1. Tavsiyanomalar Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan, jangovar va maʼnaviy-maʼrifiy tayyorgarlik boʻyicha yuksak natijalarga erishgan, zaruriy bilim saviyasiga ega, namunali harbiy intizomini namoyon etgan eng munosib harbiy xizmatchilarga harbiy qism komandiri tomonidan beriladi.

2. Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan, harbiy qismlar qoʻmondonligining tegishli tavsiyanomalariga ega boʻlgan fuqarolar barcha yoʻnalishlar va mutaxassisliklar boʻyicha bakalavrlar tayyorlashda respublikaning barcha oliy taʼlim muassasalariga kirishda test sinovlari natijalariga koʻra toʻplagan ballarining 50 foizi miqdorida qoʻshimcha ball shaklidagi imtiyozga ega boʻladilar.

2-bob. Jangovar va maʼnaviy-maʼrifiy tayyorgarlik natijalari uchun ballarni hisoblash

3. Guruh (boʻlinma) komandirlari tomonidan haftalik davriylik asosida muddatli harbiy xizmatchilarning jangovar va maʼnaviy-maʼrifiy tayyorgarlik natijalari boʻyicha reyting koʻrsatkichlari yuritiladi.

4. Muddatli harbiy xizmatchilarning hafta davomidagi reyting koʻrsatkichlarini hisoblash quyidagi uchta baholash mezoni boʻyicha amalga oshiriladi:

I — oʻquv fanlaridan qoʻyilgan baholarning oʻrtacha koʻrsatkichi;

II — kundalik xizmat faoliyati uchun berilgan ball;

III — qorovulda, sutkalik naryadlarda xizmatni oʻtashi, topshirilgan maxsus majburiyatlarning bajarilishi uchun berilgan ball.

Oʻquv fanlaridan qoʻyilgan baholarning oʻrtacha koʻrsatkichi, shuningdek kundalik xizmat faoliyati uchun hamda qorovulda, sutkalik naryadlarda xizmatni oʻtashi, topshirilgan maxsus majburiyatlarning bajarilishi uchun berilgan ballar haftalik asosda butun oʻquv yili davomida hisoblab boriladi hamda mazkur Nizomning 1, 2 va 3-ilovalarining tegishli grafalariga kiritiladi.

5. Jangovar va maʼnaviy-maʼrifiy tayyorgarlik jurnallarida muddatli harbiy xizmatchiga oʻquv fanlaridan qoʻyilgan baholar ularning oʻrtacha koʻrsatkichini hisoblab chiqarish uchun asos boʻladi. Bunda, barcha oʻquv fanlaridan qoʻyilgan baholar yigʻindisi oʻtilgan oʻquv fanlarining soniga boʻlinadi. Masalan, agar muddatli harbiy xizmatchi hafta davomida otish tayyorgarligi mashgʻulotlarida 4 baho, taktik tayyorgarlik mashgʻulotlarida 5 baho, maʼnaviy-maʼrifiy tayyorgarlik mashgʻulotlarida 4 baho olgan boʻlsa, oʻrtacha koʻrsatkich quyidagicha hisoblanadi: 4 + 5 + 4 = 13 : 3 = 4,3.

6. Oʻquv yili yakunida test sinovlari oʻtkazilishidan oldin harbiy qism shaxsiy tarkibi roʻyxatiga kiritilgan muddatli harbiy xizmatchilarning 40 foiziga qoʻshimcha ball beriladi. Bunda, uchta baholash mezoni boʻyicha yakuniy oʻrtacha koʻrsatgichi eng yuqori boʻlgan hamda oʻquv fanlaridan qoʻyilgan yakuniy oʻrtacha koʻrsatkichi 4,0 dan 5 gacha boʻlgan muddatli harbiy xizmatchilarga quyidagi tartibda qoʻshimcha ball beriladi:

4,0 dan 4,3 gacha — 10 ball;

4,4 dan 4,7 gacha — 15 ball;

4,8 dan 5,0 gacha — 20 ball.

Agar bir nechta muddatli harbiy xizmatchilarning yakuniy oʻrtacha koʻrsatkichlari teng boʻlib qolishi natijasida 40 foizli cheklovga amal qilishning imkoni boʻlmasa, ushbu harbiy xizmatchilarning barchasiga ballar beriladi. Umumiy bahosi 4,0 dan kam boʻlgan harbiy xizmatchiga ballar hisoblanmaydi.

Oʻquv fanlaridan qoʻyilgan baholarning yakuniy oʻrtacha koʻrsatkichi uchun berilgan qoʻshimcha ball mazkur Nizomning 4-ilovasiga muvofiq shakldagi Reyting natijalarining yigʻma vedomostiga kiritiladi.

7. Kundalik xizmat faoliyati uchun muddatli harbiy xizmatchilarga mazkur Nizomning 5-ilovasida koʻrsatilgan mezonlar asosida har hafta yakunida bir marta besh ballik tizim boʻyicha baho qoʻyiladi hamda mazkur Nizomning 1, 2 va 3-ilovalarining tegishli grafalariga kiritiladi.

8. Qorovulda, sutkalik naryadlarda xizmatni oʻtashi, topshirilgan maxsus majburiyatlarning bajarilishi uchun muddatli harbiy xizmatchilarga mazkur Nizomning 6-ilovasida koʻrsatilgan mezonlar asosida har hafta yakunida bir marta besh ballik tizim boʻyicha baho qoʻyiladi hamda mazkur Nizomning 1, 2 va 3-ilovalarining tegishli grafalariga kiritiladi.

9. Reyting koʻrsatkichlarining natijalari vzvod komandirining shaxsiy tarkib bilan ishlash va jangovar tayyorgarlik boʻyicha oʻrinbosarlari bilan kelishiladi hamda koʻrib chiqish uchun vzvod komandiriga taqdim qilinadi. Muddatli harbiy xizmatchilar olgan reyting koʻrsatkichlarining yakuniy natijalari hafta yakunida vzvod komandiri tomonidan eʼlon qilinadi va bayonnoma bilan rasmiylashtiriladi. Olingan reyting koʻrsatkichlari mazkur Nizomning 1-ilovasiga muvofiq shakldagi Reyting natijalarining vedomosti bilan rasmiylashtirilib, boʻlinmalarda koʻrinadigan joyga ilib qoʻyiladi hamda muddatli harbiy xizmatchilar xizmat muddatini oʻtab boʻlgandan keyin besh yil davomida saqlanadi.

10. Oy yakunlari boʻyicha muddatli harbiy xizmatchilar reyting koʻrsatkichlarining natijalari umumlashtirilib, mazkur Nizomning 2-ilovasiga muvofiq pasayib borish tartibida tuziladigan Reyting natijalarining oylik vedomosti rasmiylashtiriladi hamda batalon komandirining shaxsiy tarkib bilan ishlash va jangovar tayyorgarlik boʻyicha oʻrinbosarlari bilan kelishilgan holda har oyning toʻrtinchi payshanba kuni batalon (batalonga tenglashtirilgan boʻlinma) komandiriga taqdim etiladi. Reyting natijalarining oylik vedomosti muddatli harbiy xizmatchilar xizmat muddatini oʻtab boʻlgandan keyin besh yil davomida saqlanadi.

11. Batalon komandiri vzvod (boʻlinma) komandirlari tomonidan taqdim qilingan muddatli harbiy xizmatchilarning reytingi haqidagi maʼlumotlarni umumlashtirishni tashkillashtirib, mazkur Nizomning 3-ilovasiga muvofiq Haftalik reyting vedomostini rasmiylashtiradi va harbiy qism komandirining shaxsiy tarkib bilan ishlash va jangovar tayyorgarlik boʻyicha oʻrinbosarlari bilan kelishgan holda har oyning toʻrtinchi juma kuni harbiy qism komandiriga taqdim etadi. Haftalik reyting vedomosti muddatli harbiy xizmatchilar xizmat muddatini oʻtab boʻlgandan keyin besh yil davomida saqlanadi.

12. Harbiy qism komandiri (muassasa boshligʻi) butun oʻquv yili davomida muddatli harbiy xizmatchilarning reyting natijalarining haftalik monitoringini olib borishni tashkil etadi.

13. Jangovar va maʼnaviy-maʼrifiy tayyorgarlik jurnallari muddatli harbiy xizmatchilarning baholari hisoblab boriladigan asosiy hujjat hisoblanadi. Mazkur jurnallarga oʻzgartirish kiritish va ularni yaroqsiz holatga keltirish taqiqlanadi.

3-bob. Namunali harbiy intizom uchun ballarni hisoblash

14. Har bir harbiy qismdagi harbiy intizom holati xolisona tarzda qayd etib borilishi zarur. Namunali harbiy intizom uchun harbiy xizmatchilarga ballarni chiqarishda xolisona qaror qabul qilish masʼuliyati guruh, vzvod, batalon va brigada komandirlarining zimmasiga yuklanadi.

15. Agar muddatli harbiy xizmatchi Oʻzbekiston Respublikasi Qurolli Kuchlarining Intizom nizomida koʻzda tutilgan tartibda namunali harbiy intizom uchun ragʻbatlantirilsa (bundan oldin berilgan intizomiy taʼzir bekor qilinishi mustasno), harbiy qism komandiri (muassasa boshligʻi) tomonidan unga 10 ball qoʻyiladi.

Muddatli harbiy xizmat davomida necha marta ragʻbatlantirilganidan qatʼi nazar, muddatli harbiy xizmatchilarga namunali harbiy intizom uchun 10 balldan koʻp ball qoʻyilmaydi.

Namunali harbiy intizom uchun berilayotgan ball mazkur Nizomning 4-ilovasining tegishli grafasiga kiritiladi.

16. Muddatli harbiy xizmatchilarning barcha ragʻbatlantirilishlari harbiy qism komandirlarining buyruqlari bilan eʼlon qilinadi. Har bir nomzod jangovar va maʼnaviy-maʼrifiy tayyorgarlik natijalari uchun reyting koʻrsatkichlarini inobatga olgan holda harbiy xizmatchining bevosita komandiri (boshligʻi) bergan iltimosnomaga asosan koʻrib chiqiladi.

17. Test sinovlari oʻtkazilishidan besh kun oldin mazkur Nizomning 4-ilovasiga muvofiq Reyting natijalarining yigʻma vedomosti tuziladi. Reyting natijalarining yigʻma vedomosti bevosita komandirlar, komandir oʻrinbosarlari tomonidan imzolanadi, harbiy qism komandiri tomonidan tasdiqlanadi. Reyting natijalarining yigʻma vedomostining nusxasi shtab boshligʻining imzosi va harbiy qismning gerbli muhri bilan tasdiqlanadi hamda test sinovlari boshlanishidan uch kun oldin boʻlinmalarda koʻrinadigan joyga ilib qoʻyiladi. Reyting natijalarining yigʻma vedomosti muddatli harbiy xizmatchilar xizmat muddatini oʻtab boʻlgandan keyin besh yil davomida saqlanadi.

Reyting natijalarining yigʻma vedomosti tasdiqlangandan soʻng olingan ragʻbatlantirishlar uchun ballar hisoblanmaydi.

4-bob. Test sinovlarini oʻtkazish

18. Muddatli harbiy xizmatchilar tomonidan jangovar va maʼnaviy-maʼrifiy tayyorgarlik dasturlarining oʻzlashtirganligini yakuniy baholash, shuningdek ularning bilim darajasini tekshirish maqsadida Oʻzbekiston Respublikasi Vazirlar Mahkamasi huzuridagi Davlat test markazi (bundan buyon matnda DTM, deb yuritiladi) tomonidan har bir harbiy qismda test sinovlari oʻtkaziladi. Test sinovlariga hech bir istisnosiz barcha muddatli harbiy xizmatchilar kiritiladi.

Test sinovlarini oʻtkazish muddati tegishli vazirliklar, davlat qoʻmitalari va idoralari tomonidan DTM bilan kelishilgan holda belgilanadi.

19. Test sinovlarini oʻtkazishdan bir oy avval tegishli vazirliklar, davlat qoʻmitalari va idoralari DTM bilan hamkorlikda Oʻzbekiston Respublikasi Qurolli Kuchlarining qoʻshin turlaridagi jangovar-xizmat vazifalarning xususiyatlarini inobatga olgan holda muddatli harbiy xizmatchilarning tayyorgarlik dasturlariga mos namunali test savollari tuziladi. Matematika va fizika fanlari boʻyicha hamda mantiqiy test savollari DTM tomonidan tegishli vazirliklar, davlat qoʻmitalari va idoralari ishtirokida umumtaʼlim va oʻrta maxsus taʼlim muassasalaridagi oʻquv dasturlarini inobatga olgan holda tuziladi. Test savollari muddatli harbiy xizmatchilarning jangovar va maʼnaviy-maʼrifiy tayyorgarlik dasturlaridagi oʻzgarishlarni inobatga olgan holda har yili tegishli vazirliklar, davlat qoʻmitalari va idoralari tomonidan DTM bilan hamkorlikda qaytadan koʻrib chiqilishi kerak.

20. Muddatli harbiy xizmatchilar uchun moʻljallangan test savollarining umumiy soni 100 ta boʻlib, ularning 40 tasi — jangovar tayyorgarlikdan, 20 tasi — maʼnaviy-maʼrifiy tayyorgarlikdan, 10 tasi — matematikadan, 10 tasi — fizikadan, 20 tasi — mantiqiy savollardan iboratdir. Har bir toʻgʻri javob uchun: jangovar tayyorgarlik boʻyicha — 1,2 ball, maʼnaviy-maʼrifiy tayyorgarlik boʻyicha — 1,1 ball, matematika boʻyicha — 1 ball, fizika boʻyicha — 1 ball, mantiqiy savollar boʻyicha — 1 ball. Test sinovi uchun 2 soat 30 daqiqa ajratiladi. Javob varaqalarini toʻldirish uchun qoʻshimcha ravishda 30 daqiqa ajratiladi. Test sinovlarini oʻtkazishning umumiy vaqti 3 soatni tashkil etadi.

21. DTM dan test sinovlarining natijalari haqida rasmiy maʼlumotlar olingandan soʻng har bir harbiy qismda mazkur Nizomning 7-ilovasiga muvofiq test sinovlarining natijalari va muddatli harbiy xizmatchilarning harbiy xizmat mobaynida toʻplagan ballari koʻrsatilgan Yakuniy vedomost tuziladi. Yakuniy vedomost toʻplangan ballar pasayib boruvchi tartibda tuziladi hamda muddatli harbiy xizmatchilar xizmat muddatini oʻtab boʻlgandan keyin besh yil davomida saqlanadi. Yakuniy vedomost nusxasi shtab boshligʻining imzosi va harbiy qismning gerbli muhri bilan tasdiqlanadi hamda DTM dan olingan test natijalariga oid rasmiy hujjatlarning nusxalari bilan birgalikda koʻrinadigan joyga ilib qoʻyiladi.

Harbiy qismlarning (muassasalarning) saf boʻlimida mazkur Nizomning 1, 2, 3, 4 va 7-ilovalariga muvofiq tuzilgan vedomostlar roʻyxatga olinadi va ularning qatʼiy hisobi yuritiladi.

5-bob. Tavsiyanomalarni berish

22. Tavsiyanoma berish toʻgʻrisidagi yakuniy qarorni qabul qilish uchun harbiy qism komandiri boshchiligida har bir nomzod muddatli harbiy xizmatchilarning umumiy yigʻilishida koʻrib chiqilib, uning xizmat faoliyati baholanadi, test sinovlarining natijalari, namunali harbiy intizomi, oʻquv fanlaridan qoʻyilgan yakuniy oʻrtacha koʻrsatkichi va qoʻshimcha ball miqdori, shuningdek toʻplangan ballarning umumiy yigʻindisi eʼlon qilinadi. Harbiy xizmatchilarning umumiy yigʻilishi natijalari bayonnoma bilan rasmiylashtiriladi va harbiy qism komandiri tomonidan tasdiqlanadi.

Muddatli harbiy xizmatchiga tavsiyanoma berish toʻgʻrisida xolisona qaror qabul qilish masʼuliyati shaxsan harbiy qism komandirining zimmasiga yuklanadi.

Beriladigan tavsiyanomalarning umumiy soni harbiy qism shaxsiy tarkibi roʻyxatiga kiritilgan muddatli harbiy xizmatchilar sonining 40 foizidan oshmasligi kerak.

Bir nechta muddatli harbiy xizmatchilar teng miqdorda ball toʻplagani natijasida 40 foizli cheklovga amal qilishning imkoni boʻlmagan taqdirda ushbu harbiy xizmatchilar soniga mos ravishda beriladigan tavsiyanomalar sonini oshirishga ruxsat etiladi.

23. Xizmat mobaynida Davlat mukofotlari bilan taqdirlangan muddatli harbiy xizmatchilar test sinovlarining natijalaridan qatʼi nazar, tavsiyanoma olish huquqiga ega boʻladi.

24. Muddatli harbiy xizmatni oʻtash mobaynida qoʻpol intizomiy xatti-harakatlar sodir etgan muddatli harbiy xizmatchi, agar ular boʻyicha xizmat surishtiruvlari oʻtkazilgan va harbiy qism komandirlarining tegishli buyruqlari mavjud boʻlsa, toʻplagan ballari miqdoridan qatʼi nazar, tavsiyanoma olish huquqiga ega emas.

25. Muddatli harbiy xizmatchiga tavsiyanoma berilgan taqdirda harbiy qism komandirining ushbu harbiy xizmatchini harbiy qism shaxsiy tarkibi roʻyxatidan chiqarish toʻgʻrisidagi buyrugʻiga quyidagi mazmundagi band kiritiladi:

“Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga beriladigan imtiyozlar tizimini takomillashtirishga oid qoʻshimcha chora-tadbirlar toʻgʻrisida”gi Oʻzbekiston Respublikasi Prezidentining 2012-yil 31-maydagi PQ-1765- son Qaroriga muvofiq, oʻz harbiy burchini vijdonan ado etgan ______________________________ ga Oʻzbekiston Respublikasi oliy taʼlim muassasalariga oʻqishga kirish uchun tavsiyanoma berildi”.

Harbiy guvohnomaning “Alohida qaydlar” boʻlimiga quyidagi mazmunga ega yozuv kiritiladi: “Oʻzbekiston Respublikasi oliy taʼlim muassasalariga oʻqishga kirishi uchun 20 __ yil “___” ______ kuni ___ seriyali ____________ raqamli tavsiyanoma berildi”. Ushbu yozuv harbiy qism shtab boshligʻining imzosi va harbiy qismning gerbli muhri bilan tasdiqlanadi.

Tavsiyanoma harbiy xizmatdan rezervga boʻshatilayotgan muddatli harbiy xizmatchiga boshqa hujjatlar bilan birga tantanali tarzda topshiriladi.

26. Tavsiyanoma blankalari qatʼiy hisobot beriladigan hujjatlar hisoblanib, hisobga olish seriyasi va raqami hamda himoyalanganlik darajasiga ega. Tavsiyanoma blankalari mazkur Nizomning 8-ilovasiga muvofiq shaklda “Davlat belgisi” Davlat ishlab chiqarish birlashmasining Toshkent bosma fabrikasida tayyorlanadi.

Tavsiyanoma blankalarining hisobini yuritish va butligini taʼminlash hamda ulardan maqsadli foydalanish masʼuliyati harbiy qism komandirlarining shaxsiy tarkib bilan ishlash boʻyicha oʻrinbosarlari zimmasiga yuklanadi.

Har yili mart-aprel oylarida muddatli harbiy xizmatchilarga berilgan tavsiyanomalar soni, ularning seriya va raqamlari koʻrsatilgan hisobotlar, shuningdek tavsiyanomalarni olgan harbiy xizmatchilar roʻyxati va harbiy xizmatchilarning umumiy yigʻilishi bayonnomalarining nusxalari vazirlik, davlat qoʻmitalari va idoralarning tegishli boʻlinmalariga taqdim etiladi. Berilgan tavsiyanomalarning koreshoklari harbiy qism arxivida besh yil davomida saqlanadi.

27. Yoʻqolgan yoki yaroqsiz holga kelgan tavsiyanoma oʻrniga tavsiyanoma egasining arizasi boʻyicha harbiy qism komandirining buyrugʻiga binoan tavsiyanoma dublikati beriladi. Tavsiyanoma egasi tavsiyanomani yoʻqotganligi haqida davriy nashrda eʼlon qilishi hamda harbiy qismga nashr nusxasini taqdim qilishi kerak. Yaroqsiz holga kelgan tavsiyanoma harbiy qismga qaytarilishi va oʻrnatilgan tartibda yoʻq qilinishi zarur.

Tavsiyanoma dublikati yuqori oʻng burchagida “Dublikat” degan shartli yozuvi boʻlgan yangi blankada, asl nusxasida (koreshokda) koʻrsatilgan maʼlumotlar kiritilgan holda rasmiylashtiriladi. Dublikatning orqa tomoniga “20__ yil “___” __________” da berilgan ________-sonli tavsiyanoma oʻrniga berilgan” degan qayd yoziladi va harbiy qismning gerbli muhri bilan tasdiqlanadi.

6-bob. Yakuniy qoida

28. Mazkur Nizom Oʻzbekiston Respublikasi Vazirlar Mahkamasi huzuridagi Davlat test markazi bilan kelishilgan.

Vazirlar Mahkamasi huzuridagi Davlat test markazi direktori M. KARIMOV

2017-yil 14-iyul

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
1-ILOVA

Reyting natijalarining
VEDOMOSTI

20__/___ oʻquv yili________ oyi uchun

qism: “_______________” _____guruhi

T/r

Harbiy unvoni F.I.O.

1-hafta

2-hafta

3-hafta

4-hafta

Oʻrtacha koʻrsatkich

***

III

____________________________

komandiri

_____________________

(F.I.O.)

1. * Uchta baholash mezoni:

I — oʻquv fanlaridan qoʻyilgan baholarning oʻrtacha koʻrsatkichi;

II — kundalik xizmat faoliyati uchun berilgan ball;

III — qorovulda, sutkalik naryadlarda xizmatni oʻtashi, topshirilgan maxsus majburiyatlarning bajarilishi uchun berilgan ball.

2. ** Har bir baholash mezoni boʻyicha olingan koʻrsatkichlar kiritiladi.

3. *** Uchta baholash mezoni boʻyicha olingan koʻrsatkichlarning umumiy oʻrtacha qiymati kiritiladi, shuningdek qavsda oʻquv fanlaridan qoʻyilgan baholarning oʻrtacha koʻrsatkichi alohida koʻrsatiladi.

4. “Oʻrtacha koʻrsatkich” grafasiga toʻrt hafta davomida har bir baholash mezoni boʻyicha toʻplangan koʻrsatkichlar yigʻindisining umumiy oʻrtacha qiymati, shuningdek qavsda oʻquv fanlari boʻyicha olingan baholarning umumiy oʻrtacha qiymati kiritiladi.

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
2-ILOVA

Reyting natijalarining oylik VEDOMOSTI

	20__/___ oʻquv yili______ oyi uchun			qism: “____________”		_____guruhi

T/r	Harbiy unvoni F.I.O.	1-hafta	2-hafta	3-hafta	4-hafta	20___ yil _______ oyi uchun oʻrtacha koʻrsatkich
1	2	3	4	5	6	7
1.
2.
3.

	____________________________	komandiri		___________________
				(F.I.O)

3, 4, 5, 6-grafalarga mazkur Nizomning 1-ilovasining tegishli grafalaridagi koʻrsatkichlar kiritiladi, yaʼni tegishli haftada uchta baholash mezoni boʻyicha toʻplangan koʻrsatkichlarning umumiy oʻrtacha qiymati, shuningdek qavsda oʻquv fanlari boʻyicha olingan baholarning umumiy oʻrtacha qiymati kiritiladi. 7-grafaga 3, 4, 5, 6-grafalardagi koʻrsatkichlarning umumiy oʻrtacha qiymati kiritiladi.

Muddatli harbiy xizmat oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
3-ILOVA

T.r.

F.I.O.

201__ yil _______oyi

201__ yil ______oyi

201__ yil _____oyi

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

1-hafta

2-hafta

3-hafta

4-hafta

Oʻrtacha koʻrsatkich

Yakuniy

oʻrtacha koʻrsatkich

Koʻrsatkichlar toʻgʻriligini tasdiqlayman

_______

(imzo)

-vzvod komandiri

___________________

(ha�biy unvon, F.I.O.)

_______

(imzo)

-vzvod komandiri

___________________

(harbiy unvon, F.I.O.)

_______

(imzo)

-vzvod komandiri

____________________

(harbiy unvon, F.I.O.)

_______

(imzo)

-vzvod komandiri

___________________

(harbiy unvon, F.I.O.)

_______

(imzo)

-vzvod komandiri

___________________

(harbiy unvon, F.I.O.)v

_______

(imzo)

-vzvod komandiri

___________________

(harbiy unvon, F.I.O.)

_______

(imzo)

-vzvod komandiri

___________________

(harbiy unvon, F.I.O.)

_______

(imzo)

-vzvod komandiri

___________________

(harbiy unvon, F.I.O.)

_______

(imzo)

-vzvod komandiri

__________________

(harbiy unvon, F.I.O.)

_______

(imzo)

-vzvod komandiri

_________________

(harbiy unvon, F.I.O.)

1. “201__ yil ________oyi” grafasiga mazkur Yoʻriqnomaning 2-ilovasining 3, 4, 5, 6 va 7-grafalaridagi koʻrsatkichlar kiritiladi.

2. “Yakuniy oʻrtacha koʻrsatkich” grafasiga jadvaldagi “Oʻrtacha koʻrsatkich” grafasida keltirilgan koʻrsatkichlarning umumiy oʻrtacha qiymati kiritiladi.

Muddatli harbiy xizmat oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
4-ILOVA

“TASDIQLAYMAN”

00000- HARBIY QISM
KOMANDIRI

Reyting natijalarining

YIGʻMA VEDOMOSTI

20__-__ oʻquv yili

20 ___ yil “___” __________

______________

^{(boʻlinma nomi)}

T/r

Harbiy unvoni

F.I.O.

Oʻquv fanlaridan qoʻyilgan yakuniy oʻrtacha koʻrsatkichi va qoʻshimcha ball miqdori

Namunali harbiy intizom uchun ball

Umumiy ball miqdori

oʻquv fanlaridan qoʻyilgan yakuniy oʻrtacha koʻrsatkichi

qoʻshimcha ball miqdori

kim tomonidan ragʻbatlantirilgan

(buyruq soni)

ball miqdori

Harbiy qism komandirining birinchi oʻrinbosari — shtab boshligʻi

Harbiy qism komandirining shaxsiy tarkib

bilan ishlash boʻyicha oʻrinbosari

Harbiy qism komandirining jangovar

tayyorgarlik boʻyicha oʻrinbosari

Harbiy qism komandirining front orti boʻyicha oʻrinbosari

Harbiy qism komandirining qurollanish boʻyicha oʻrinbosari

Batalon (vzvod) komandiri

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
5-ILOVA

Muddatli harbiy xizmatchilarning kundalik xizmat faoliyatini baholash

mezonlari

1. Quyidagi holatlarda muddatli harbiy xizmatchiga 5 ball qoʻyiladi:

zimmasiga yuklatilgan majburiyatlarni aʼlo darajada bilsa, berilgan topshiriqlarni aniq va oʻz vaqtida va aʼlo bajarsa;

unga ishonib topshirilgan harbiy texnika, qurol-aslaha va harbiy mulkni yaroqli va namunali holatda saqlasa;

harbiy intizom talablariga qatʼiy va aniq rioya etsa, xulqi va xushmuomalalik, harbiycha salomlashish qoidalariga amal qilsa;

hamisha Nizom boʻyicha saranjom-sarishta kiyinib, shaxsiy va jamoat gigiyenasi qoidalariga rioya qilsa;

kasallikka chalinish va jarohat olishdan himoyalanish talablarini bilsa, oʻzini zararli odatlardan toʻliq tiysa;

kundalik faoliyatda amalga oshiriladigan tadbirlarda (bayram tadbirlari, davra suhbatlari, xizmat yigʻilishlari, hashar, park xoʻjalik ishlarida va hokazo) faol va muntazam ishtirok etsa.

2. Quyidagi holatlarda muddatli harbiy xizmatchiga 4 ball qoʻyiladi:

zimmasiga yuklatilgan majburiyatlarni yaxshi darajada bilsa, berilgan topshiriqlarni oʻz vaqtida bajarsa;

unga ishonib topshirilgan harbiy texnika, qurol-aslaha va harbiy mulkni yaroqli holatda saqlasa;

harbiy intizom talablariga qatʼiy va aniq rioya etsa, xulqi va xushmuomalalik, harbiycha salomlashish qoidalariga amal qilsa;

hamisha Nizom boʻyicha saranjom-sarishta kiyinib, shaxsiy va jamoat gigiyenasi qoidalariga rioya qilsa;

kasallikka chalinish va jarohat olishdan himoyalanish talablarini bilsa, oʻzini zararli odatlardan toʻliq tiysa;

kundalik faoliyatda amalga oshiriladigan tadbirlarda (bayram tadbirlari, davra suhbatlari, xizmat yigʻilishlari, hashar, park xoʻjalik ishlarida va hokazo) muntazam ishtirok etsa.

3. Quyidagi holatlarda muddatli harbiy xizmatchiga 3 ball qoʻyiladi:

zimmasiga yuklatilgan majburiyatlarni qoniqarli darajada bilsa, berilgan topshiriqlarni oʻz vaqtida bajarsa;

unga ishonib topshirilgan harbiy texnika, qurol-aslaha va harbiy mulkni yaroqli holatda saqlasa;

harbiy intizom talablariga qatʼiy va aniq rioya etsa, xulqi va xushmuomalalik, harbiycha salomlashish qoidalariga amal qilsa;

Nizom boʻyicha saranjom-sarishta kiyinib, shaxsiy va jamoat gigiyenasi qoidalariga rioya qilsa;

kasallikka chalinish va jarohat olishdan himoyalanish talablarini bilsa, oʻzini zararli odatlardan toʻliq tiya olmasa;

kundalik faoliyatda amalga oshiriladigan tadbirlarda (bayram tadbirlari, davra suhbatlari, xizmat yigʻilishlari, hashar, park xoʻjalik ishlarida va hokazo) muntazam ishtirok etmasa.

4. Quyidagi holatlarda muddatli harbiy xizmatchiga 2 ball qoʻyiladi:

zimmasiga yuklatilgan majburiyatlarni qoniqarsiz darajada bilsa, berilgan topshiriqlarni oʻz vaqtida bajarmasa;

unga ishonib topshirilgan harbiy texnika, qurol-aslaha va harbiy mulkni doimo yaroqli holatda saqlasa;

ogʻzaki tanbehdan soʻng harbiy intizom talablariga rioya etsa, xulqi va xushmuomalalik, harbiycha salomlashish qoidalariga amal qilsa;

ogʻzaki tanbehdan soʻng Nizom boʻyicha kiyinib, shaxsiy va jamoat gigiyenasi qoidalariga rioya qilsa;

ogʻzaki tanbehdan soʻng kasallikka chalinish va jarohat olishdan himoyalanish talablariga rioya etib, oʻzini zararli odatlardan toʻliq tiya olmasa;

kundalik faoliyatda amalga oshiriladigan tadbirlarda (bayram tadbirlari, davra suhbatlari, xizmat yigʻilishlari, hashar, park xoʻjalik ishlarida va hokazo) befarq ishtirok etsa.

5. Quyidagi holatlarda muddatli harbiy xizmatchiga 1 ball qoʻyiladi:

uning zimmasiga yuklatilgan majburiyatlarni qoniqarsiz darajada bilsa, berilgan topshiriqlarni tanbehdan soʻng bajarsa;

unga ishonib topshirilgan harbiy texnika, qurol-aslaha va harbiy mulkni yaroqli holatda saqlasa;

ogʻzaki tanbehdan soʻng harbiy intizom talablariga rioya etib, xulqi va xushmuomalalik, harbiycha salomlashish qoidalarini bajarsa;

ogʻzaki tanbehdan soʻng Nizom boʻyicha kiyinib, shaxsiy va jamoat gigiyenasi qoidalariga rioya qilsa;

ogʻzaki tanbehdan soʻng kasallikka chalinish va jarohat olishdan himoyalanish qoidalariga rioya etib, oʻzini zararli odatlardan toʻliq tiya olmasa;

kundalik amalga oshiriladigan tadbirlarda (bayram tadbirlari, davra suhbatlari, xizmat yigʻilishlari, hashar, park xoʻjalik ishlarida va hokazo) sovuqqon ishtirok etsa;

hafta davomida intizomiy taʼzir olganda.

Muddatli harbiy xizmat oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
6- ILOVA

Muddatli harbiy xizmatchilarning qorovulda, sutkalik naryadlarda xizmatni oʻtashi, topshirilgan maxsus majburiyatlarning bajarilishini baholash

mezonlari

1. Quyidagi holatlarda muddatli harbiy xizmatchiga 5 ball qoʻyiladi:

muddatli harbiy xizmatchi xizmatni oʻtash boʻyicha maxsus majburiyatlarni va yoʻriqnomani bilib, aniq va ravon bildiruv bersa, majburiyatlarni bajarish mazmun-mohiyatini ochib bera olsa. Tabiiy ofat oqibatlarini bartaraf qilish va boshqa favqulodda vaziyatlarga jalb qilinganda ishonch bilan harakat qilsa, mardlik va oqilona tashabbuskorlik koʻrsatsa;

harbiy xizmatchi xizmatni boshqaruv hujjatlarining talablariga muvofiq toʻgʻri olib borsa, xizmatning qanday oʻtilayotganini tekshirish uchun kelgan shaxslar tomonidan uning yaxshi tomonlari qayd qilinsa.

2. Quyidagi holatlarda muddatli harbiy xizmatchiga 4 ball qoʻyiladi:

harbiy xizmatchi xizmatni boshqaruv hujjatlarining talablariga muvofiq toʻgʻri olib borsa.

3. Quyidagi holatlarda muddatli harbiy xizmatchiga 3 ball qoʻyiladi:

muddatli harbiy xizmatchi xizmatni oʻtash boʻyicha maxsus majburiyatlarni va yoʻriqnomani bilib, aniq va ravon bildiruv bersa, biroq majburiyatlarni bajarish mazmun-mohiyatini ochib berishda qiynalsa. Tabiiy ofat oqibatlarini bartaraf qilish va boshqa favqulodda vaziyatlarga jalb qilinganda ishonch bilan harakat qila olmasa, topshiriqlarni bajarish vaqtida faol ishtirok etmay, doimiy ravishda nazorat talab qilinsa;

harbiy xizmatchi xizmatni boshqaruv hujjatlarining talablariga muvofiq toʻgʻri olib borsa.

4. Quyidagi holatlarda muddatli harbiy xizmatchiga 2 ball qoʻyiladi:

muddatli harbiy xizmatchi xizmatni oʻtash boʻyicha maxsus majburiyatlarni va yoʻriqnomani bilsa, biroq bildiruv berish vaqtida materiallarni bayon qilish va majburiyatlarni bajarish mazmun-mohiyatini ochib berishda qiynalsa. Tabiiy ofat oqibatlarini bartaraf qilish va boshqa favqulodda vaziyatlarga jalb qilinganda ishonch bilan harakat qila olmasa, topshiriqlarni bajarishdan oʻzini olib qochsa, doimiy ravishda nazorat talab qilinsa;

harbiy xizmatchi xizmatni boshqaruv hujjatlarining talablariga muvofiq toʻgʻri olib borsa.

5. Quyidagi holatlarda muddatli harbiy xizmatchiga 1 ball qoʻyiladi:

muddatli harbiy xizmatchi xizmatni oʻtash boʻyicha maxsus majburiyatlarni va yoʻriqnomani yaxshi bilmasa. Tabiiy ofat oqibatlarini bartaraf qilish va boshqa favqulodda vaziyatlarga jalb qilinganda qoʻrqoqligini namoyon qilsa, qoʻyilgan topshiriqlarni bajarmasa;

harbiy xizmatchi xizmatni oʻtash vaqtida xizmatning qanday oʻtilayotganini tekshirish uchun kelgan shaxslar uning salbiy tomonlarini qayd qilsa yoki intizomiy nuqtai nazardan nojoʻya xatti-harakatga yoʻl qoʻysa.

Muddatli harbiy xizmat oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
7-ILOVA

“TASDIQLAYMAN”

00000- HARBIY QISM
KOMANDIRI

20 ___ yil “___” ____________

________________________________________________ muddatli harbiy xizmatni oʻtash davrida muddatli harbiy xizmatchilar

^{(boʻlinma nomi)}

bilan oʻtkazilgan test sinovlarining natijalari va toʻplagan ballarining

YAKUNIY VEDOMOSTI

T/r

Harbiy unvoni

F.I.O.

Javob varaqasi raqami

Test sinovlari natijalari

Test sinovlari natijalari boʻyicha umumiy ballar

Mazkur Nizomning

4-ilovasidagi umumiy ball miqdori

Toʻplangan ballarning umumiy soni

toʻgʻri javoblar umumiy soni

Shu bilan birga

jangovar tayyorgarlik boʻyicha

maʼnaviy-maʼrifiy tayyorgarlik boʻyicha

matematika fanidan

fizika fanidan

mantiqiy testlar boʻyicha

toʻgʻri
javoblar soni

ballar
miqdori

toʻgʻri
javoblar soni

ballar
miqdori

toʻgʻri
javoblar soni

ballar
miqdori

toʻgʻri
javoblar soni

ballar
miqdori

toʻgʻri
javoblar soni

ballar
miqdori

Harbiy qism komandirining birinchi oʻrinbosari — shtab boshligʻi

Harbiy qism komandirining shaxsiy tarkib bilan ishlash boʻyicha oʻrinbosari

Harbiy qism komandirining jangovar

tayyorgarlik boʻyicha oʻrinbosari

Harbiy qism komandirining front orti boʻyicha oʻrinbosari

Harbiy qism komandirining qurollanish boʻyicha oʻrinbosari

Batalon (vzvod) komandiri

Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga
8-ILOVA

Oʻzbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmatining 2017-yil 14-iyuldagi 22, 30, 82-sonli qaroriga
2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

ROʻYXATI

1. Oʻzbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmatining 2012-yil 23-oktabrdagi 11, 33, 113-son “Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomni tasdiqlash haqida”gi qarori (roʻyxat raqami 2402, 2012-yil 21-noyabr) (Oʻzbekiston Respublikasi qonun hujjatlari toʻplami, 2012-y., 46-47-son, 532-modda).

2. Oʻzbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmatining 2013-yil 5-iyuldagi 7, 19, 50-son “Muddatli harbiy xizmatni oʻtayotgan harbiy xizmatchilarga Oʻzbekiston Respublikasi oliy taʼlim muassasalariga oʻqishga kirish uchun tavsiyanomalar berish tartibi toʻgʻrisidagi nizomga oʻzgartirish kiritish haqida”gi qarori (roʻyxat raqami 2402-1, 2013-yil 31-iyul) (Oʻzbekiston Respublikasi qonun hujjatlari toʻplami, 2013-y., 31-son, 423-modda).

(Oʻzbekiston Respublikasi qonun hujjatlari toʻplami, 2017-y., 34-son, 901-modda; Qonun hujjatlari maʼlumotlari milliy bazasi, 31.01.2020-y., 10/20/2914-1/0117-son)