Hujjat kuchini yo‘qotgan 27.06.2018

Oʻzbekiston Respublikasi Prezidentining

Qarori

Davlat soliq xizmati organlari faoliyatini yanada takomillashtirish chora-tadbirlari toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2018-yil 26-iyundagi PQ-3802-sonli “Davlat soliq xizmati organlari faoliyatini tubdan takomillashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining 2017-yil 18-iyuldagi “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida”gi PF-5116-son Farmoni ijrosini taʼminlash maqsadida:

1. Quyidagilar:

Oʻzbekiston Respublikasi Davlat soliq qoʻmitasining tashkiliy tuzilmasi 1-ilovaga muvofiq;

Oʻzbekiston Respublikasi Davlat soliq qoʻmitasi markaziy apparatining tuzilmasi 2-ilovaga muvofiq;

Qoraqalpogʻiston Respublikasi, viloyatlar va Toshkent shahar davlat soliq boshqarmalarining, shuningdek, tumanlar (shaharlar) davlat soliq inspeksiyalarining namunaviy tuzilmalari 3 — 4-ilovalarga muvofiq;

davlat soliq xizmati hududiy organlari boshqaruv xodimlarining cheklangan soni 5-ilovaga muvofiq tasdiqlansin.

2. Davlat soliq xizmati organlari boshqaruv xodimlarining cheklangan soni 11 903 nafar, shu jumladan, markaziy apparatda 257 nafar etib belgilansin, shundan 11 828 nafari Oʻzbekiston Respublikasining Davlat budjetidan, 75 nafari Oʻzbekiston Respublikasi Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi (keyingi oʻrinlarda Maxsus jamgʻarma deb yuritiladi) mablagʻlari hisobidan moliyalashtiriladi.

(2-bandning birinchi xatboshisi Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)

Oʻzbekiston Respublikasi Davlat soliq qoʻmitasi raisiga:

zarur hollarda davlat soliq xizmati organlarining tasdiqlangan tuzilmalariga oʻzgartishlar kiritish;

Maxsus jamgʻarma mablagʻlari hisobidan davlat soliq xizmati organlarining qoʻshimcha shtat birliklarini joriy etish huquqi berilsin.

3. Oʻzbekiston Respublikasi Vazirlar Mahkamasi bir oy muddatda:

Oʻzbekiston Respublikasi Davlat soliq qoʻmitasi toʻgʻrisidagi nizomni;

Oʻzbekiston Respublikasi davlat soliq xizmati organlarida xizmatni oʻtash toʻgʻrisidagi nizomni;

tadbirlarni moliyalashtirishning aniq manbalarini, shu jumladan, Maxsus jamgʻarmaga ajratmalar miqdorini oshirishni nazarda tutuvchi Davlat soliq xizmati organlarining moddiy-texnika bazasini mustahkamlash boʻyicha chora-tadbirlar dasturini tasdiqlasin.

4. Davlat soliq qoʻmitasi va Moliya vazirligi ikki hafta muddatda Oʻzbekiston Respublikasi Davlat soliq qoʻmitasining xarajatlar smetasi va shtat jadvaliga oʻzgartishlar kiritsin.

5. Oʻzbekiston Respublikasi Prezidentining ayrim qarorlari 6-ilovaga muvofiq oʻz kuchini yoʻqotgan deb hisoblansin.

6. Oʻzbekiston Respublikasi Davlat soliq qoʻmitasi Adliya vazirligi, boshqa manfaatdor vazirlik va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan oʻzgartish va qoʻshimchalar kiritish toʻgʻrisida Oʻzbekiston Respublikasi Vazirlar Mahkamasiga takliflar kiritsin;

idoraviy normativ-huquqiy hujjatlarning ushbu qarorga muvofiqlashtirilishini taʼminlasin.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining davlat maslahatchilari V.A. Golishev va O.B. Murodov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 1-avgust,

PQ-3168-son

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
1-ILOVA

Oʻzbekiston Respublikasi Davlat soliq qoʻmitasining

TAShKILIY TUZILMASI

* Xoʻjalik hisobidagi idoraviy muassasalar.

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
2-ILOVA

Oʻzbekiston Respublikasi Davlat soliq qoʻmitasi markaziy

TUZILMASI

Oʻzbekiston Respublikasi Davlat soliq qoʻmitasi markaziy apparati boshqaruv xodimlarining cheklangan soni — 257 shtat birligidan iborat.

(2-ilova Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
3-ILOVA

Qoraqalpogʻiston Respublikasi, viloyatlar va Toshkent shahar davlat soliq boshqarmalarining

NAMUNAVIY TUZILMASI

Jami shtat birliklari 77 — 156 tani tashkil etadi.

Qoraqalpogʻiston Respublikasi, viloyatlar va Toshkent shahar davlat soliq boshqarmalari boshqaruv xodimlarining umumiy soni 1 302 birlikdan iborat.

(3-ilova Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
4-ILOVA

Tumanlar (shaharlar) davlat soliq inspeksiyalarining

NAMUNAVIY TUZILMASI

Jami shtat birliklari 16 — 210 tani tashkil etadi.

Tumanlar (shaharlar) davlat soliq inspeksiyalari boshqaruv xodimlarining umumiy soni 10 344 birlikdan iborat.

(4-ilova Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
5-ILOVA

Davlat soliq xizmati hududiy organlari boshqaruv xodimlarining

ChEKLANGAN SONI

T/r	Davlat soliq xizmati organlari	Davlat soliq xizmati organlari xodimlari cheklangan soni	Shundan:
T/r	Davlat soliq xizmati organlari		davlat soliq boshqarmalari	tumanlar (shaharlar) davlat soliq inspeksiyalari
1.	Qoraqalpogʻiston Respublikasi	613	88	525
2.	Andijon viloyati	873	91	782
3.	Buxoro viloyati	722	89	633
4.	Jizzax viloyati	500	77	423
5.	Qashqadaryo viloyati	739	85	654
6.	Navoiy viloyati	445	77	368
7.	Namangan viloya�i	727	85	642
8.	Samarqand viloyati	973	97	876
9.	Surxondaryo viloyati	608	84	524
10.	Sirdaryo viloyati	503	81	422
11.	Toshkent viloyati	1 238	112	1 126
12.	Fargʻona viloyati	1 181	96	1 085
13.	Xorazm viloyati	669	84	585
14.	Toshkent shahar	1 855	156	1 699
Jami		11 646	1 302	10 344

* Xoʻjalik hisobidagi tuzilmalar hisobga olinmagan.

(5-ilova Oʻzbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari maʼlumotlari milliy bazasi, 04.05.2018-y., 06/18/5428/1158-son)

Oʻzbekiston Respublikasi Prezidentining 2017-yil 1-avgustdagi PQ-3168-son qaroriga
6-ILOVA

Oʻzbekiston Respublikasi Prezidentining oʻz kuchini yoʻqotgan deb topilgan ayrim

qarorlari roʻyxati

1. Oʻzbekiston Respublikasi Prezidentining “Respublika soliq organlari tizimini yanada modernizatsiya qilish chora-tadbirlari toʻgʻrisida” 2010-yil 8-yanvardagi PQ-1257-son qarorining 2, 4 va 5-bandlari hamda uning 1, 3, 5 va 6-ilovalari.

2. Oʻzbekiston Respublikasi Prezidentining “Oʻzbekiston Respublikasi Davlat soliq qoʻmitasining tuzilmasiga oʻzgartishlar kiritish toʻgʻrisida” 2010-yil 15-yanvardagi PQ-1261-son qarori.

3. Oʻzbekiston Respublikasi Prezidentining “Oʻzbekiston Respublikasi Davlat soliq qoʻmitasining tuzilmasini yanada maqbullashtirish chora-tadbirlari toʻgʻrisida” 2010-yil 25-fevraldagi PQ-1290-son qarori.

4. Oʻzbekiston Respublikasi Prezidentining “Chakana savdo va xizmat koʻrsatish sohasida hisob-kitoblar mexanizmini yanada tartibga solish toʻgʻrisida” 2013-yil 24-yanvardagi PQ-1910-son qarori.

(Oʻzbekiston Respublikasi qonun hujjatlari toʻplami, 2017-y., 31-son, 773-modda; Qonun hujjatlari maʼlumotlari milliy bazasi, 04.05.2018-y., 06/18/5428/1158-son)