2564-сон 28.02.2014. Sugʻurtalovchilar tomonidan yillik moliyaviy hisobotni eʼlon qilish tartibi toʻgʻrisidagi Nizomni tasdiqlash haqida

Oʻzbekiston Respublikasi Moliya vazirining

buyrugʻi

Sugʻurtalovchilar tomonidan yillik moliyaviy hisobotni eʼlon qilish tartibi toʻgʻrisidagi Nizomni tasdiqlash haqida

[Oʻzbekiston Respublikasi Adliya vazirligi tomonidan 2014-yil 28-fevralda roʻyxatdan oʻtkazildi, roʻyxat raqami 2564]

Oldingi tahrirga qarang.

Oʻzbekiston Respublikasining “Sugʻurta faoliyati toʻgʻrisida”gi va “Buxgalteriya hisobi toʻgʻrisida”gi qonunlariga muvofiq buyuraman:

(muqaddima Oʻzbekiston Respublikasi iqtisodiyot va moliya vazirining 2023-yil 25-iyuldagi 68-sonli buyrugʻi (roʻyxat raqami 2564-2, 23.08.2023-y.) tahririda — Qonunchilik maʼlumotlari milliy bazasi, 25.08.2023-y., 10/23/2564-2/0653-son)

1. Sugʻurtalovchilar tomonidan yillik moliyaviy hisobotni eʼlon qilish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2014-yil 17-fevral,

9-son

Oʻzbekiston Respublikasi moliya vazirining 2014-yil 17-fevraldagi 9-sonli buyrugʻiga
ILOVA

Sugʻurtalovchilar tomonidan yillik moliyaviy hisobotni eʼlon qilish tartibi toʻgʻrisidagi

NIZOM

Oldingi tahrirga qarang.

Mazkur Nizom sugʻurtalovchilar tomonidan eʼlon qilinadigan yillik moliyaviy hisobotning shaklini, shuningdek uni eʼlon qilish tartibi va muddatlarini belgilaydi.

1-bob. Sugʻurtalovchilar tomonidan eʼlon qilinadigan yillik moliyaviy hisobotning shakli

1. Sugʻurtalovchilar tomonidan eʼlon qilinadigan yillik moliyaviy hisobot quyidagilarni oʻz ichiga oladi:

Sugʻurtalovchilarning moliyaviy hisobot shakllarini toʻldirish boʻyicha qoidalarga (roʻyxat raqami 1945, 2009-yil 20-aprel) (Oʻzbekiston Respublikasi qonun hujjatlari toʻplami, 2009-y., 17-son, 217-modda) muvofiq tuzilgan sugʻurtalovchilarning yillik moliyaviy hisobot shakllari;

Oldingi tahrirga qarang.

Oʻzbekiston Respublikasi buxgalteriya hisobining milliy standarti (1-sonli BHMS) “Moliyaviy hisobotni taqdim etish va hisob siyosati”da (roʻyxat raqami 3544, 2024-yil 6-avgust) belgilangan talablarga muvofiq ravishda tuzilgan, sugʻurtalovchi faoliyatining yakuniy natijalariga hisobot yilida taʼsir koʻrsatgan asosiy omillar bayon etilgan tushuntirish xati;

(1-bandning uchinchi xatboshisi Oʻzbekiston Respublikasi Istiqbolli loyihalar milliy agentligi direktorining 2026-yil 13-martdagi 03-sonli buyrugʻi (roʻyxat raqami 2564-3, 19.03.2026-y.) tahririda — Qonunchilik maʼlumotlari milliy bazasi, 19.03.2026-y., 10/26/2564-3/0261-son)

majburiy auditorlik tekshiruvi natijalari boʻyicha tuzilgan auditorlik xulosasi.

Oldingi tahrirga qarang.

Xalqaro moliyaviy hisobot standartlariga muvofiq yillik moliyaviy hisobotni tuzuvchi sugʻurtalovchi, uni Xalqaro audit standartlariga muvofiq tashqi auditdan oʻtkazilganidan keyin eʼlon qiladi.

(1-bandning beshinchi xatboshisi Oʻzbekiston Respublikasi Istiqbolli loyihalar milliy agentligi direktorining 2026-yil 13-martdagi 03-sonli buyrugʻi (roʻyxat raqami 2564-3, 19.03.2026-y.) tahririda — Qonunchilik maʼlumotlari milliy bazasi, 19.03.2026-y., 10/26/2564-3/0261-son)

Oldingi tahrirga qarang.

2. Sugʻurtalovchi qoʻshimcha ravishda qonunchilik hujjatlarida taqiqlanmagan boshqa axborotni ham eʼlon qilishi mumkin.

(2-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)

2-bob. Sugʻurtalovchilar tomonidan yillik moliyaviy hisobotni eʼlon qilish tartibi va muddatlari

Oldingi tahrirga qarang.

3. Sugʻurtalovchi yillik moliyaviy hisobotni majburiy auditorlik tekshiruvi yakunlanganidan keyin oʻn besh kun ichida, lekin sugʻurtalovchining yuqori boshqaruv organining yillik umumiy yigʻilishi oʻtkaziladigan sanadan kamida ikki hafta oldin, oʻzining rasmiy veb-saytida va ommaviy axborot vositalarida eʼlon qiladi.

(3-band Oʻzbekiston Respublikasi iqtisodiyot va moliya vazirining 2023-yil 25-iyuldagi 68-sonli buyrugʻi (roʻyxat raqami 2564-2, 23.08.2023-y.) tahririda — Qonunchilik maʼlumotlari milliy bazasi, 25.08.2023-y., 10/23/2564-2/0653-son)

4. Sugʻurtalovchi oʻzi tomonidan eʼlon qilingan yillik moliyaviy hisobotdagi maʼlumotlar oʻzgargan taqdirda besh ish kuni ichida oʻzgartirilgan maʼlumotlar, oʻzgartirish sabablari hamda oldin eʼlon qilingan axborotni haqiqiy emas deb topish toʻgʻrisidagi maʼlumotlarni majburiy ravishda koʻrsatgan holda oʻzgartirilgan yillik moliyaviy hisobotni eʼlon qilishi shart.

Oldingi tahrirga qarang.

5. Sugʻurtalovchi ushbu Nizomning 3 va 4-bandlariga muvofiq oʻzi tomonidan yillik moliyaviy hisobot (oʻzgartirilgan yillik moliyaviy hisobot) eʼlon qilingan kundan eʼtiboran besh ish kuni ichida Oʻzbekiston Respublikasi Istiqbolli loyihalar milliy agentligini xabardor qiladi.

(5-band Oʻzbekiston Respublikasi adliya vazirining 2024-yil 25-dekabrdagi 34-mh-sonli buyrugʻi (roʻyxat raqami 3595, 27.12.2024-y.) tahririda — Qonunchilik maʼlumotlari milliy bazasi, 28.12.2024-y., 10/24/3595/1086-son)

3-bob. Yakuniy qoidalar

6. Sugʻurtalovchi oʻzi tomonidan eʼlon qilingan yillik moliyaviy hisobotning toʻliqligi va ishonchliligi uchun javobgardir.

Oldingi tahrirga qarang.

7. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladilar.

(7-band Oʻzbekiston Respublikasi adliya vazirining 2021-yil 30-noyabrdagi 20-mh-sonli buyrugʻi (roʻyxat raqami 3338, 30.11.2021-y.) tahririda — Qonunchilik maʼlumotlari milliy bazasi, 30.11.2021-y., 10/21/3338/1117-son)

LexUZ sharhi

Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 175¹-moddasi.

(Oʻzbekiston Respublikasi qonun hujjatlari toʻplami, 2014-y., 9-son, 102-modda; 2016-y., 9-son, 96-modda; Qonunchilik maʼlumotlari milliy bazasi, 30.11.2021-y., 10/21/3338/1117-son; 25.08.2023-y., 10/23/2564-2/0653-son; 28.12.2024-y., 10/24/3595/1086-son; 19.03.2026-y., 10/26/2564-3/0261-son)