1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
[TSZ:
1.Davlat va jamiyat qurilishi / Maʼmuriy-hududiy tuzilish]
“GEOGRAFIK OBYEKTLARNING NOMLARI TOʻGʻRISIDA”GI OʻZBEKISTON RESPUBLIKASI QONUNIGA MUVOFIQ GEOGRAFIK OBYEKTLARNING NOMLARI SOHASIDAGI ISHLARNI TARTIBGA SOLISH CHORA-TADBIRLARI HAQIDA
“Geografik obyektlarning nomlari toʻgʻrisida”gi Oʻzbekiston Respublikasi Qonunini ijro etish yuzasidan, shuningdek geografik obyektlarni nomlash va qayta nomlash sohasidagi davlat siyosatini yanada takomillashtirish hamda samarali amalga oshirish maqsadida Vazirlar Mahkamasi qaror qiladi:
1. Quyidagilar:
Geografik obyektlarni nomlash va qayta nomlash masalalari boʻyicha respublika komissiyasi toʻgʻrisidagi Nizom 1-ilovaga muvofiq;
Geografik obyektlarni nomlash va qayta nomlash masalalari boʻyicha respublika komissiyasining tarkibi 2-ilovaga muvofiq;
Geografik obyektlarni nomlash va qayta nomlash masalalari boʻyicha hududiy komissiyalar toʻgʻrisidagi Namunaviy nizom 3-ilovaga muvofiq;
(1-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
Geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalarining namunaviy tarkibi 4-ilovaga muvofiq;
Oʻzbekiston yoki jahon tarixida chuqur iz qoldirgan shaxslarning toifalarini aniqlash tartibi 5-ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2023-yil 15-avgustdgai 386-sonli qaroriga asosan beshinchi va oltinchi xatboshilar bilan toʻldirilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
2. Respublika komissiyasi va hududiy komissiyalar oʻz vakolatlariga muvofiq quyidagilarni taʼminlasinlar:
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni nomlash va qayta nomlash boʻyicha takliflarni takliflar kiritgan organlarga tegishli xulosalar bergan holda atroflicha oʻrganish;
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni nomlash va qayta nomlash boʻyicha takliflarni ularning geografik obyektlarning nomlari toʻgʻrisidagi qonunchilik talablariga muvofiqligi yuzasidan davlat ekspertizasidan oʻtkazishni tashkil qilish;
(2-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.04.00 Madaniy meros obyektlari]
geografik obyektlarning tarixiy-madaniy meros, Oʻzbekiston xalqining maʼnaviy-etnik qadriyatlari bilan bogʻliq nomlarini asrash, ularni asossiz qayta nomlashning oldini olish;
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
geografik obyektlarni Oʻzbekiston xalqining milliy anʼanalari va mentalitetiga yot boʻlgan nomlar bilan qayta nomlashga va ularga nom berishga yoʻl qoʻymaslik;
geografik obyektlarni nomlash va qayta nomlashda mahalliychilik, oshna-ogʻaynigarchilik, xizmat martabasini suiisteʼmol qilish hollarini istisno qilish;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
qarorlar qabul qilishda xolislik va oshkoralik, shuningdek geografik obyektlarni nomlash va qayta nomlash toʻgʻrisidagi takliflarni koʻrib chiqish tartib-qoidasi va muddatlariga rioya qilish;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni odamlarning ismlari bilan, shuningdek tarixiy voqealar sharafiga nomlash va qayta nomlash sohasida belgilangan cheklovlarga rioya qilish;
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.01.00 Umumiy qoidalar]
mahalliy aholining geografik, tarixiy, milliy, etnik, tilga oid va boshqa xususiyatlarini oʻrganish hamda hisobga olish;
1.11.00.00.00 Atrof tabiiy muhit va tabiiy resurslar / 11.03.00.00 Yerdan foydalanish va muhofaza qilish / 11.03.07.00 Yerlarning ayrim toifalari va turlarining huquqiy rejimi / 11.03.07.02 Aholi punktlari yerlari]
bir tuman, shahar doirasidagi, tarkibida tumanlar mavjud boʻlgan shahar yoki aholi punkti doirasidagi bir nechta turdosh geografik obyektlarga aynan bir xil nom berilishiga yoʻl qoʻymaslik;
(2-bandning oʻninchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
beriladigan nomlarning geografik obyektlar nomlarining geografik obyekt joylashgan joydagi mavjud tizimiga muvofiqligi;
geografik obyektlar nomlarining yanglishishlarga sabab boʻluvchi oʻxshashligini, ushbu nomlar mazmunlarining Oʻzbekiston xalqining tarixi, anʼanalari va madaniyatiga toʻgʻri kelmasligini nazarda tutgan holda, istisno qilish.
Hududiy komissiyalar rahbarlari zimmasiga geografik obyektlarning nomlari toʻgʻrisidagi qonunchilik talablari soʻzsiz bajarilishining taʼminlanishi uchun shaxsiy javobgarlik yuklansin.
(2-bandning oʻn uchinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
3. Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari oʻn kun muddatda:
tasdiqlangan Namunaviy nizom asosida geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalari (keyingi oʻrinlarda hududiy komissiyalar deb ataladi) toʻgʻrisidagi nizomlarni ishlab chiqsinlar va tasdiqlasinlar;
Qoraqalpogʻiston Respublikasi Vazirlar Kengashining Raisi, viloyatlar, tumanlar va shaharlar hokimlari boshchilik qiladigan hududiy komissiyalarning shaxsiy tarkibini tasdiqlasinlar, komissiyalar tarkibiga davlat va xoʻjalik boshqaruvi hududiy organlarining, mahalliy davlat hokimiyati organlarining rahbarlari va xodimlarini, fuqarolik jamiyati institutlarining, fuqarolarning oʻzini oʻzi boshqarish organlarining vakillarini, shuningdek fan va madaniyat arboblarini, ekspertlarni, mutaxassislarni hamda tegishli faoliyat sohalarida maxsus bilimlarga ega boʻlgan boshqa shaxslarni kiritsinlar.
4. Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari Oʻzbekiston Respublikasi “Yergeodezkadastr” davlat qoʻmitasi bilan birgalikda:
2013-yil 25-dekabrgacha “Geografik obyektlarning nomlari toʻgʻrisida”gi Oʻzbekiston Respublikasi Qonunining 4-moddasi talablariga muvofiq rasmiy kartografiya va maʼlumotnoma nashrlari, statistika, arxiv, tarixiy va boshqa manbalar maʼlumotlari asosida tumanlar, shaharlar, posyolkalar, qishloqlar, ovullar, aholi punktlari hamda ularning tarkibiy qismlari nomlarini xatlovdan oʻtkazish va maqbullashtirish ishlarini amalga oshirsinlar;
amalga oshirilgan ishlar yakunlari boʻyicha Oʻzbekiston Respublikasi Vazirlar Mahkamasiga, Qoraqalpogʻiston Respublikasi Joʻqorgʻi Kengesiga, xalq deputatlari viloyat, tuman va shahar Kengashlariga belgilangan tartibda tegishli takliflar kiritsinlar.
5. Oʻzbekiston Respublikasi “Yergeodezkadastr” davlat qoʻmitasi:
mavjud boʻlinmalar negizida “Yergeodezkadastr” davlat qoʻmitasiga idoraviy mansub tashkilotlar boshqaruv xodimlarining soni doirasida Respublika toponimika xizmatini tashkil etsin, unga davlat ekspertizasidan oʻtkazish, toponimik va boshqa ilmiy tadqiqotlarni bajarish, geografik obyektlarning nomlarini maqbullashtirish hamda davlat roʻyxatidan oʻtkazish, Geografik obyektlar nomlari davlat reyestrini tuzish va yuritish, normativ-huquqiy hujjatlar, geografik obyektlarning nomlari kataloglari hamda maʼlumotnomalarini ishlab chiqish funksiyalarini yuklasin;
rasmiy kartografiya va maʼlumotnoma nashrlari, statistika, arxiv, tarixiy hamda boshqa manbalar maʼlumotlari asosida geografik obyektlarning nomlarini qayta koʻrib chiqish boʻyicha ilmiy asoslangan, tizimli ishlarni tashkil etsin;
uch oy muddatda geografiya va toponimika sohasi ekspertlarini, shuningdek tegishli tarmoqlar yetakchi mutaxassislarini jalb etgan holda geografik obyektlarni nomlash va qayta nomlash toʻgʻrisidagi takliflarni davlat ekspertizasidan oʻtkazishning samarali tizimini ishlab chiqsin hamda joriy qilsin;
uch oy muddatda Geografik obyektlar nomlari davlat reyestrini tuzish va yuritish boʻyicha zarur chora-tadbirlarni koʻrsin, maʼlumotlarning elektron bazasini shakllantirsin;
Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan hamda “Geografik obyektlarning nomlari toʻgʻrisida”gi Oʻzbekiston Respublikasi Qonunidan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
1.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.01.00 Umumiy qoidalar]
6. Belgilab qoʻyilsinki, geografik obyektlarning nomlarini belgilash, maqbullashtirish va davlat roʻyxatidan oʻtkazish, shuningdek ularning rasmiy kataloglari va maʼlumotnomalarini tayyorlash hamda nashr etish ishlarini moliyalashtirish Oʻzbekiston Respublikasining Davlat budjeti parametrlarida Oʻzbekiston Respublikasi Iqtisodiyot va moliya vazirligi huzuridagi Kadastr agentligi uchun har yili nazarda tutiladigan budjetdan ajratiladigan mablagʻlar doirasida amalga oshiriladi.
(6-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
7. Respublika komissiyasi 2014-yil 1-martgacha boʻlgan muddatda “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq Oʻzbekiston Respublikasi Oliy Majlisi palatalariga geografik obyektlarni nomlash sohasidagi ishlarni tartibga solish borasida bajarilgan ishlarning yakunlari toʻgʻrisida axborot va paydo boʻlayotgan masalalarni hal etish hamda Qonun talablarining ijro etilishini nazorat qilishga oid tegishli umumlashtirilgan takliflar kiritsin.
8. Oʻzbekiston Respublikasi Iqtisodiyot vazirligi, Oliy va oʻrta maxsus taʼlim vazirligi belgilangan tartibda Vazirlar Mahkamasiga 2014/2015 oʻquv yilidan boshlab, 5440500 “Geografiya” taʼlim yoʻnalishlari asosida “Toponimika” mutaxassisligi boʻyicha magistraturada kadrlar tayyorlashni boshlash toʻgʻrisida takliflar kiritsinlar.
9. Quyidagilar:
Vazirlar Mahkamasining “Oʻzbekiston Respublikasidagi maʼmuriy-hududiy birliklar, aholi punktlari, tashkilotlar va boshqa toponimik obyektlarning nomlarini tartibga solish toʻgʻrisida” 1996-yil 31-maydagi 203-son qarori;
Vazirlar Mahkamasining “Oʻzbekiston Respublikasi Vazirlar Mahkamasining hukumat komissiyalarini tashkil etish masalalari boʻyicha ayrim qarorlarining oʻzgartirilishi, toʻldirilishi va oʻz kuchini yoʻqotgan deb topilishi toʻgʻrisida” 2000-yil 19-sentabrdagi 359-son qaroriga 1-ilovaning 4-bandi;
Vazirlar Mahkamasining “Oʻzbekiston Respublikasidagi maʼmuriy-hududiy birliklar, aholi punktlari, tashkilotlarga va boshqa toponimik obyektlarga nom berish ishlarini tartibga solish toʻgʻrisida” 2004-yil 11-avgustdagi 383-son qarori (Oʻzbekiston Respublikasi QT, 2004-y., 8-son, 78-modda) oʻz kuchini yoʻqotgan deb hisoblansin.
(10-band Oʻzbekiston Respublikasi Vazirlar Mahkamasining 2017-yil 19-iyuldagi 529-sonli qaroriga asosan oʻz kuchini yoʻqotgan — OʻR QHT, 2017-y., 30-son, 733-modda)
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
(11-band Oʻzbekiston Respublikasi Vazirlar Mahkamasining 2016-yil 20-oktabrdagi 352-sonli qarori tahririda — OʻR QHT, 2016-y., 42-son, 490-modda)
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 16-oktabr,
295-son
Vazirlar Mahkamasining 2012-yil 16-oktabrdagi 295-son qaroriga 1-ILOVA
Geografik obyektlarni nomlash va qayta nomlash masalalari boʻyicha respublika komissiyasi toʻgʻrisida
NIZOM
I. Umumiy qoidalar
1. Geografik obyektlarni nomlash va qayta nomlash masalalari boʻyicha respublika komissiyasi (keyingi oʻrinlarda Respublika komissiyasi deb ataladi) geografik obyektlarni nomlash va qayta nomlash masalalari koʻrib chiquvchi, shuningdek “Geografik obyektlarning nomlari toʻgʻrisida”gi Oʻzbekiston Respublikasi Qonuni talablarining bajarilishini nazorat qiluvchi maxsus organ hisoblanadi.
2. Respublika komissiyasi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.
1.01.00.00.00 Konstitutsiyaviy tuzum / 01.16.00.00 Fuqarolarning oʻzini oʻzi boshqarish organlari (shuningdek, 02.05.00.00ga qarang)]
Respublika komissiyasining tarkibi manfaatdor vazirlik va idoralar, mahalliy davlat hokimiyati organlari rahbarlari hamda xodimlaridan, fuqarolik jamiyati institutlari, fuqarolarning oʻzini oʻzi boshqarish organlari vakillaridan, shuningdek, fan va madaniyat arboblaridan, ekspertlardan, hudud tarixini biladigan tajribali mutaxassislardan (oʻlkashunoslardan) hamda tegishli faoliyat sohalarida maxsus bilimlarga ega boʻlgan boshqa shaxslardan shakllantiriladi.
(2-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.01.00.00.00 Konstitutsiyaviy tuzum / 01.11.00.00 Oʻzbekiston Respublikasi Vazirlar Mahkamasi (shuningdek, 02.01.00.00ga qarang)]
Respublika komissiyasi aʼzolarining shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.
II. Respublika komissiyasining vazifalari va funksiyalari
3. Quyidagilar Respublika komissiyasining asosiy vazifalari hisoblanadi:
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
geografik obyektlarning Oʻzbekiston xalqining tarixiy-madaniy qadriyatlari va merosi bilan bogʻliq nomlari asralishini taʼminlash, ularning asossiz qayta nomlanishining oldini olish;
geografik obyektlarni Oʻzbekiston xalqining milliy anʼanalari hamda mentalitetiga yot boʻlgan nomlar bilan qayta nomlashga va ularga nom berishga yoʻl qoʻymaslik;
geografik obyektlarni nomlash va qayta nomlashda mahalliychilik, oshna-ogʻaynigarchilik, xizmat martabasini suiisteʼmol qilish hollarini istisno qilish.
4. Respublika komissiyasi oʻziga yuklangan vazifalarga muvofiq quyidagi funksiyalarni bajaradi:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
viloyatlar, tumanlar, shaharlar, tabiiy obyektlar, transport va muhandislik-texnika infratuzilmasi obyektlarini nomlash va qayta nomlash toʻgʻrisidagi takliflarni atroflicha oʻrganishni tashkil etadi hamda tegishli xulosalar beradi, ularni Oʻzbekiston Respublikasi Vazirlar Mahkamasiga joʻnatadi;
(4-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
1.09.00.00.00 Tadbirkorlik va xoʻjalik faoliyati / 09.13.00.00 Shaharsozlik va arxitektura / 09.13.04.00 Muhandislik va transport inshootlari va kommunikatsiyalari tizimi.Obodonlashtirish. Koʻkalamzorlashtirish]
viloyatlar, tumanlar, shaharlar, tabiiy obyektlar, transport va muhandislik-texnika infratuzilmasi obyektlarini nomlash va qayta nomlash toʻgʻrisidagi takliflar davlat ekspertizasidan oʻtkazilishini taʼminlaydi;
(4-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.09.00.00.00 Tadbirkorlik va xoʻjalik faoliyati / 09.11.00.00 Geodeziya va kartografiya / 09.11.02.00 Kartografiya]
toponimik va boshqa tadqiqotlar oʻtkazish, kartografik, arxivga oid, tarixiy va boshqa materiallarni atroflicha oʻrganish, geografik obyektlarning nomlarini maqbullashtirish ishlarini muvofiqlashtiradi;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni asossiz qayta nomlashning, ularga Oʻzbekiston xalqining milliy anʼanalari va mentalitetiga yot boʻlgan nomlar berilishining oldini olish, ushbu sohada mahalliychilik, oshna-ogʻaynigarchilik, xizmat martabasini suiisteʼmol qilish hollariga yoʻl qoʻymaslik maqsadida geografik obyektlarni nomlash va qayta nomlash jarayonining xolisona hamda oshkora boʻlishini taʼminlash boʻyicha kompleks tadbirlarni ishlab chiqadi va tasdiqlaydi;
geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalari (keyingi oʻrinlarda hududiy komissiyalar deb ataladi) tomonidan geografik obyektlarning nomlari toʻgʻrisidagi qonunchilik talablarining bajarilishi yuzasidan nazoratni amalga oshiradi;
(4-bandning oltinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
geografik obyektlarning nomlaridan foydalanish va ularni asrash yuzasidan nazoratni amalga oshiradi;
“Geografik obyektlarning nomlari toʻgʻrisida”gi Oʻzbekiston Respublikasi Qonuni qoidalarini samarali amalga oshirishga qaratilgan boshqa funksiyalarni amalga oshiradi.
III. Respublika komissiyasining huquqlari va javobgarligi
5. Respublika komissiyasi oʻziga yuklangan vazifalarning bajarilishini taʼminlash uchun quyidagi huquqlarga ega:
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
zarur boʻlganda, davlat va xoʻjalik boshqaruvi organlaridan, mahalliy davlat hokimiyati organlaridan, korxonalar, muassasalar hamda tashkilotlardan geografik obyektlarni nomlash va qayta nomlash toʻgʻrisidagi takliflarni atroflicha oʻrganish uchun zarur boʻlgan maʼlumotlarni belgilangan tartibda soʻrash va olish;
1.13.00.00.00 Taʼlim. Fan. Madaniyat / 13.02.00.00 Fan / 13.02.04.00 Ilmiy xodimlar, ilmiy muassasalar mutaxassislari (maqom, attestatsiya, ilmiy daraja va unvonlar)]
ilmiy yondashuv va xolislikni taʼminlash maqsadida geografik obyektlarni nomlash va qayta nomlash toʻgʻrisidagi takliflarni atroflicha oʻrganish uchun vazirlik va idoralar, mahalliy davlat hokimiyati organlari, korxonalar, muassasalar hamda tashkilotlar mutaxassislarini, yetakchi olimlarni, fan va madaniyat arboblarini, shuningdek, tajribali tarixchi, etnograf, geograf, tilshunos-toponimist, oʻlkashunoslarni faol jalb etish;
(5-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.07.00 Hisob. Hisobot. Statistika (shuningdek, 07.29.00.00 ga qarang)]
oʻz vakolatiga kiruvchi masalalar boʻyicha davlat va xoʻjalik boshqaruvi organlari, mahalliy davlat hokimiyati organlari, hududiy komissiyalar rahbarlarining hisobotlarini eshitish;
hududiy komissiyalar qarorlarining qabul qilinishi va ijro etilishi tizimli monitoringini amalga oshirish hamda ularga aniqlangan kamchiliklarni bartaraf etish boʻyicha bajarilishi majburiy boʻlgan yozma koʻrsatmalar kiritish.
6. Respublika komissiyasi oʻziga yuklangan vazifalar va funksiyalar samarali bajarilishi uchun javob beradi.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.07.00 Hisob. Hisobot. Statistika (shuningdek, 07.29.00.00 ga qarang)]
Respublika komissiyasi oʻz faoliyati toʻgʻrisida har yili Oʻzbekiston Respublikasi Vazirlar Mahkamasiga hisobot beradi.
IV. Respublika komissiyasining faoliyatini tashkil qilish
7. Respublika komissiyasiga uning raisi hisoblanadigan Oʻzbekiston Respublikasining Bosh vaziri boshchilik qiladi.
8. Respublika komissiyasining raisi:
Respublika komissiyasi faoliyatiga umumiy rahbarlik qiladi va unga yuklangan vazifalarning bajarilishi uchun shaxsan javob beradi;
Respublika komissiyasi aʼzolarining vazifalarini belgilaydi va ularga yuklangan vazifalarni bajarish ishlarini muvofiqlashtiradi;
Respublika komissiyasining ish rejalarini, koʻrib chiqish uchun tushgan hujjatlarni koʻrib chiqish jadvallarini tasdiqlaydi;
Respublika komissiyasi majlislarining kun tartibini va chaqirilishini belgilaydi;
Respublika komissiyasi tomonidan qabul qilingan qarorlarning bajarilishi yuzasidan nazoratni tashkil etadi;
Respublika komissiyasining samarali ishlashini taʼminlash boʻyicha boshqa ishlarni amalga oshiradi.
Respublika komissiyasi majlislarida koʻrib chiqiladigan masalalarni muhokama qilishda, tegishli qarorlar qabul qilish va ijrosini taʼminlashda ishtirok etadilar;
(9-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
Respublika komissiyasiga geografik obyektlarni nomlash va qayta nomlashning dolzarb masalalari boʻyicha takliflar kiritadilar;
Respublika komissiyasi muhokama qiladigan masalalar boʻyicha xulosalar taqdim etadilar.
Respublika komissiyasi aʼzolari Respublika komissiyasidagi oʻz faoliyatini jamoatchilik asosida amalga oshiradilar.
10. Respublika komissiyasining kotibi:
Respublika komissiyasining navbatdagi majlisiga barcha zarur hujjatlarning oʻz vaqtida tayyorlanishini taʼminlaydi;
kun tartibidagi masalalar boʻyicha Respublika komissiyasining majlislari oʻtkazilishini tashkil etadi;
majlislarning oʻtkaziladigan vaqti va joyini, shuningdek taklif etiladiganlar tarkibini Respublika komissiyasining raisi bilan kelishadi;
(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
Respublika komissiyasining aʼzolarini va taklif etilgan shaxslarni majlisning oʻtkaziladigan sanasi, vaqti, joyi toʻgʻrisida xabardor qiladi;
Respublika komissiyasi qarorlarining bajarilishi monitoringini yuritadi va uning natijalarini Respublika komissiyasiga koʻrib chiqish uchun taqdim etadi;
Respublika komissiyasining bayonlarini rasmiylashtiradi va tasdiqlangan bayonlarni Respublika komissiyasining aʼzolariga hamda boshqa manfaatdor tashkilotlarga joʻnatadi.
(10-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
101. Oʻzbekiston Respublikasi Iqtisodiyot va moliya vazirligi huzuridagi Kadastr agentligi Respublika komissiyasining ishchi organi (keyingi oʻrinlarda — Ishchi organ) hisoblanadi.
(101-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
Respublika komissiyasining majlislari uchun tahliliy materiallar tayyorlaydi va kun tartibidagi masalalar boʻyicha boshqa zarur maʼlumotlarni oʻz vaqtida taqdim etadi;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni, jumladan, viloyatlar, tumanlar, shaharlar, tabiiy obyektlar, transport hamda muhandislik-texnik infratuzilma obyektlarini nomlash va qayta nomlash toʻgʻrisidagi takliflarni har tomonlama oʻrganadi, qonunda belgilangan tartibda va muddatlarda davlat ekspertiza xulosalarini Respublika komissiyasiga kiritadi;
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
geografik obyektlarni asossiz qayta nomlash, ularga Oʻzbekiston xalqining milliy anʼanalari va mentalitetiga yot boʻlgan nomlar berish, qonunga zid nomlash va qayta nomlash holatlarini tahlil qiladi va natijalari boʻyicha Respublika komissiyasiga maʼlumot kiritadi;
hududiy komissiyalar tomonidan geografik obyektlarning nomlari toʻgʻrisidagi qonunchilik hujjatlari talablarining bajarilishini oʻrganadi va natijasi boʻyicha Respublika komissiyasiga axborot beradi;
Oʻzbekiston xalqining tarixi, madaniyati, qadriyatlari va merosi bilan bogʻliq boʻlgan geografik obyektlarning nomlari yoʻq boʻlib ketishi, asossiz qayta nomlanishi holatlari yuzasidan Respublika komissiyasiga takliflar kiritadi.
Ishchi organ qonunchilik hujjatlariga muvofiq boshqa vazifalarni ham amalga oshirishi mumkin.
(102-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
11. Respublika komissiyasi oʻz faoliyatini tasdiqlangan reja asosida amalga oshiradi va majlislarni zaruratga qarab oʻtkazadi. Respublika komissiyasining raisi tomonidan navbatdan tashqari majlislar chaqirilishi mumkin.
(11-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
12. Respublika komissiyasining majlisini uning raisi olib boradi. Respublika komissiyasining raisi boʻlmagan taqdirda majlisni Respublika komissiyasi aʼzolaridan biri boshqaradi.
Respublika komissiyasining majlisi oʻz aʼzolarining kamida uchdan ikki qismi qatnashganda qonuniy hisoblanadi.
Majlisni oʻtkazish uchun kvorum yigʻilmagan taqdirda, Respublika komissiyasining yangi majlisi oʻtkaziladigan sana eʼlon qilinadi. Yangi majlisni oʻtkazishda kun tartibini oʻzgartirishga yoʻl qoʻyilmaydi.
13. Respublika komissiyasining majlisiga koʻrib chiqiladigan masalalarning xususiyatiga qarab davlat va xoʻjalik boshqaruvi organlari, boshqa tashkilotlarning rahbarlari hamda mutaxassislari taklif etilishi mumkin.
V. Respublika komissiyasi tomonidan qarorlar qabul qilish va ularning bajarilishini tashkil etish
14. Respublika komissiyasining qarori Respublika komissiyasining majlisda qatnashayotgan aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Respublika komissiyasi raisining ovozi hal qiluvchi hisoblanadi.
Respublika komissiyasining uzil-kesil qarorini qabul qilishda Oʻzbekiston Respublikasi Iqtisodiyot va moliya vazirligi huzuridagi Kadastr agentligi tomonidan oʻtkaziladigan davlat ekspertizasining xulosasi inobatga olinadi.
(14-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
Respublika komissiyasining har bir aʼzosi qabul qilinadigan qarorlar boʻyicha oʻz fikrini yozma ravishda bildirishga haqlidir.
15. Respublika komissiyasining raisi tegishli masala yuzasidan tezkor qaror qabul qilish zarurati tugʻilganda, komissiya aʼzolari fikrini soʻrov oʻtkazish yoʻli bilan aniqlashi mumkin.
(15-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
16. Respublika komissiyasining qarorlari majlis bayoni shaklida rasmiylashtiriladi va komissiya raisi tomonidan tasdiqlanadi.
(16-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
1.01.00.00.00 Konstitutsiyaviy tuzum / 01.11.00.00 Oʻzbekiston Respublikasi Vazirlar Mahkamasi (shuningdek, 02.01.00.00ga qarang)]
17. Respublika komissiyasi bayonining asl nusxasi va unga tegishli materiallar Vazirlar Mahkamasida saqlanadi.
(17-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
18. Respublika komissiyasi qabul qilingan qarorlarning bajarilishini muntazam ravishda oʻz majlislarida koʻrib chiqadi.
19. Respublika komissiyasining ish tartibi Reglament bilan belgilanadi. Reglament Respublika komissiyasi tomonidan qabul qilinadi.
20. Respublika komissiyasiga taqdim etilgan hujjatlarni koʻrib chiqish muddati uch oydan oshmasligi kerak.
VI. Respublika komissiyasining atributlari
[OKOZ:
1.01.00.00.00 Konstitutsiyaviy tuzum / 01.11.00.00 Oʻzbekiston Respublikasi Vazirlar Mahkamasi (shuningdek, 02.01.00.00ga qarang)]
21. Respublika komissiyasi belgilangan namunadagi, oʻz nomi yozilgan blankalarga ega boʻladi va Oʻzbekiston Respublikasi Vazirlar Mahkamasining muhridan foydalanadi.
Vazirlar Mahkamasining 2012-yil 16-oktabrdagi 295-son qaroriga 2-ILOVA
Geografik obyektlarni nomlash va qayta nomlash masalalari boʻyicha respublika komissiyasining
TARKIBI
1.
A.N. Aripov
—
Oʻzbekiston Respublikasining Bosh vaziri, komissiya raisi
2.
A.J. Ramatov
—
Oʻzbekiston Respublikasi Bosh vazirining oʻrinbosari, komissiya raisining oʻrinbosari
3.
X.M. Sultonov
—
Oʻzbekiston Respublikasi Prezidentining maslahatchisi — Spichrayteri (kelishuv boʻyicha), komissiya raisining oʻrinbosari
4.
B.A. Abduhalimov
—
Oʻzbekiston Respublikasi Fanlar akademiyasi vitse-prezidenti
5.
I.I. Norkulov
—
iqtisodiyot va moliya vazirining birinchi oʻrinbosari
6.
K.X. Karimov
—
oliy taʼlim, fan va innovatsiyalar vazirining birinchi oʻrinbosari
7.
O.N. Qudratov
—
ekologiya, atrof-muhitni muhofaza qilish va iqlim oʻzgarishi vazirining birinchi oʻrinbosari
8.
O.Z. Nasritdinxodjayev
—
togʻ-kon sanoati va geologiya vazirining birinchi oʻrinbosari
9.
Sh.S. Xidoyatov
—
qurilish va uy-joy kommunal xoʻjaligi vazirining birinchi oʻrinbosari
10.
lavozimiga koʻra
—
kambagʻallikni qisqartirish va bandlik vazirining oʻrinbosari
11.
lavozimiga koʻra
—
transport vazirining oʻrinbosari
12.
D.A. Xodjiaxmedov
—
suv xoʻjaligi vazirining birinchi oʻrinbosari
13.
lavozimiga koʻra
—
ichki ishlar vazirining oʻrinbosari
14.
B.M. Axmedov
—
madaniyat vazirining oʻrinbosari
15.
Z.M. Ziyayev
—
Oʻzbekiston Respublikasi Prezidenti huzuridagi Davlat statistika agentligi direktorining oʻrinbosari
16.
J.F. Pulatov
—
Oʻzbekiston Respublikasi Iqtisodiyot va moliya vazirligi huzuridagi Kadastr agentligi direktori
17.
Sh.Sh. Minovarov
—
Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazi direktori
18.
M.M. Hojimatov
—
Respublika Maʼnaviyat va maʼrifat markazi rahbari
19.
S.S. Saidov
—
Oʻzbekiston Yozuvchilar uyushmasi raisi
20.
Sh.S. Sirojiddinov
—
Alisher Navoiy nomidagi Toshkent davlat oʻzbek tili va adabiyoti universiteti rektori
21.
A. Ziyo
—
Oʻzbekiston Respublikasi Fanlar akademiyasi Tarix instituti direktori
22.
N.M. Mahmudov
—
Oʻzbekiston Respublikasi Fanlar akademiyasi Oʻzbek tili, adabiyoti va folklori instituti direktori
23.
X.O. Buriyeva
—
Mirzo Ulugʻbek nomidagi Oʻzbekiston milliy universiteti manbashunoslik va arxivshunoslik kafedrasi dotsenti
24.
M.T. Mirakmalov
—
Mirzo Ulugʻbek nomidagi Oʻzbekiston milliy universiteti tabiiy geografiya kafedrasi professori
25.
N.J. Xolboʻtayev
—
Oʻzbekiston Respublikasi Vazirlar Mahkamasining Davlat tilini rivojlantirish departamenti rahbari, komissiya kotibi
Izoh. Komissiya aʼzolari boshqa ishga oʻtgan taqdirda, komissiya tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaxslar kiritiladi.
(2-ilovaning matni Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
Vazirlar Mahkamasining 2012-yil 16-oktabrdagi 295-son qaroriga 3-ILOVA
Geografik obyektlarni nomlash va qayta nomlash masalalari boʻyicha hududiy komissiyalar toʻgʻrisida
NAMUNAVIY NIZOM
I. Umumiy qoidalar
1. Geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalari (keyingi oʻrinlarda hududiy komissiyalar deb ataladi) geografik obyektlarni nomlash va qayta nomlash masalalarini koʻrib chiquvchi, shuningdek “Geografik obyektlarning nomlari toʻgʻrisida”gi Oʻzbekiston Respublikasi Qonuni talablarining bajarilishini nazorat qiluvchi maxsus organlar hisoblanadi.
2. Hududiy komissiyalar oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek ushbu Namunaviy nizomga amal qiladilar.
1.01.00.00.00 Konstitutsiyaviy tuzum / 01.16.00.00 Fuqarolarning oʻzini oʻzi boshqarish organlari (shuningdek, 02.05.00.00ga qarang)]
Hududiy komissiyalarning tarkibi manfaatdor vazirlik va idoralar, mahalliy davlat hokimiyati organlari rahbarlari hamda xodimlaridan, fuqarolik jamiyati institutlari, fuqarolarning oʻzini oʻzi boshqarish organlari vakillaridan, shuningdek, fan va madaniyat arboblaridan, ekspertlardan, hudud tarixini biladigan tajribali mutaxassislardan (oʻlkashunoslardan) hamda tegishli faoliyat sohalarida maxsus bilimlarga ega boʻlgan boshqa shaxslardan shakllantiriladi.
(2-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.02.00.00.00 Davlat boshqaruvi asoslari / 02.04.00.00 Mahalliy ijroiya organlari (Hokimliklar) (shuningdek, 01.15.03.00ga qarang) / 02.04.01.00 Umumiy qoidalar]
Hududiy komissiyalar aʼzolarining shaxsiy tarkibi va ular toʻgʻrisidagi nizomlar tegishli ravishda Qoraqalpogʻiston Respublikasi Vazirlar Kengashining Raisi, viloyatlar, tumanlar, shaharlar hokimlari tomonidan tasdiqlanadi.
II. Hududiy komissiyalarning vazifalari va funksiyalari
3. Quyidagilar hududiy komissiyalarning asosiy vazifalari hisoblanadi:
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
geografik obyektlarning Oʻzbekiston xalqining tarixiy-madaniy qadriyatlari va merosi bilan bogʻliq nomlari asralishini taʼminlash, ularning asossiz qayta nomlanishining oldini olish;
geografik obyektlarni Oʻzbekiston xalqining milliy anʼanalari hamda mentalitetiga yot boʻlgan nomlar bilan qayta nomlashga va ularga nom berishga yoʻl qoʻymaslik;
geografik obyektlarni nomlash va qayta nomlashda mahalliychilik, oshna-ogʻaynigarchilik, xizmat martabasini suiisteʼmol qilish hollarini istisno qilish.
4. Hududiy komissiyalar oʻzlariga yuklangan vazifalarga muvofiq quyidagi funksiyalarni bajaradilar:
[OKOZ:
1.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.02.00 Hokim]
geografik obyektlarni nomlash va qayta nomlash toʻgʻrisidagi takliflarni atroflicha oʻrganishni tashkil etadilar hamda tegishli xulosalar beradilar, ularni ushbu takliflarni kiritgan tumanlar, shaharlar hokimlariga joʻnatadilar;
qabul qilingan qarorlarning bajarilishi yuzasidan tizimli monitoring olib boradilar;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni nomlash va qayta nomlash jarayonida toponimik tadqiqotlar natijalaridan, kartografik va arxiv materiallaridan foydalangan holda kompleks chora-tadbirlar ishlab chiqadilar;
geografik obyektlarni asossiz qayta nomlanishining, ularga Oʻzbekiston xalqining milliy anʼanalari va mentalitetiga yot boʻlgan nomlar berilishining oldini olish, ushbu sohada mahalliychilik, oshna-ogʻaynigarchilik, xizmat martabasini suiisteʼmol qilish hollariga yoʻl qoʻymaslik maqsadida geografik obyektlarni nomlash va qayta nomlash jarayonining xolisona hamda oshkora boʻlishini taʼminlash boʻyicha kompleks tadbirlarni ishlab chiqadilar va tasdiqlaydilar;
[OKOZ:
1.13.00.00.00 Taʼlim. Fan. Madaniyat / 13.03.00.00 Madaniyat / 13.03.07.00 Madaniy meros obyektlaridan foydalanish va ularni muhofaza qilishning boshqa masalalari]
oʻz vakolatlari doirasida geografik obyektlarning nomlaridan foydalanish va ularni asrash yuzasidan nazoratni amalga oshiradilar;
“Geografik obyektlarning nomlari toʻgʻrisida”gi Oʻzbekiston Respublikasi Qonuni qoidalarini samarali bajarishga qaratilgan boshqa funksiyalarni amalga oshiradilar.
[OKOZ:
1.11.00.00.00 Atrof tabiiy muhit va tabiiy resurslar / 11.03.00.00 Yerdan foydalanish va muhofaza qilish / 11.03.07.00 Yerlarning ayrim toifalari va turlarining huquqiy rejimi / 11.03.07.02 Aholi punktlari yerlari]
Qoraqalpogʻiston Respublikasi va viloyatlar komissiyalari oʻz vakolatlari doirasida tumanlar, shaharlar, shaharchalar, qishloqlar, ovullar, aholi punktlari va ularning tarkibiy qismlarini nomlash va qayta nomlash toʻgʻrisidagi takliflarning davlat ekspertizasidan oʻtkazilishini taʼminlaydilar.
Toshkent shahar komissiyasi aholi punktlarining tarkibiy qismlarini nomlash va qayta nomlash toʻgʻrisidagi takliflarning davlat ekspertizasidan oʻtkazilishini taʼminlaydi.
(4-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
III. Hududiy komissiyalarning huquqlari va javobgarligi
5. Hududiy komissiyalar ularga yuklangan vazifalarning ijro etilishini taʼminlash uchun quyidagi huquqlarga ega:
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
davlat va xoʻjalik boshqaruvi organlaridan, mahalliy davlat hokimiyati organlaridan, korxonalar, muassasalar hamda tashkilotlardan geografik obyektlarni nomlash va qayta nomlash toʻgʻrisidagi takliflarni atroflicha oʻrganish uchun zarur boʻlgan maʼlumotlarni belgilangan tartibda soʻrash va olish;
1.13.00.00.00 Taʼlim. Fan. Madaniyat / 13.02.00.00 Fan / 13.02.04.00 Ilmiy xodimlar, ilmiy muassasalar mutaxassislari (maqom, attestatsiya, ilmiy daraja va unvonlar)]
ilmiy yondashuv va xolislikni taʼminlash maqsadida geografik obyektlarni nomlash va qayta nomlash toʻgʻrisidagi takliflarni atroflicha oʻrganish uchun vazirlik va idoralar, mahalliy davlat hokimiyati organlari, korxonalar, muassasalar hamda tashkilotlar mutaxassislarini, yetakchi olimlarni, fan va madaniyat arboblarini, shuningdek, tajribali tarixchi, etnograf, geograf, tilshunos-toponimist, oʻlkashunoslarni faol jalb etish;
(5-bandning uchinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.07.00 Hisob. Hisobot. Statistika (shuningdek, 07.29.00.00 ga qarang)]
oʻz vakolatiga kiruvchi masalalar boʻyicha davlat va xoʻjalik boshqaruvi organlari, mahalliy davlat hokimiyati organlari rahbarlarining hisobotlarini eshitish.
6. Hududiy komissiyalar oʻzlariga yuklangan vazifalar va funksiyalarning samarali bajarilishi uchun javob beradilar.
(6-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan chiqarilgan — Qonunchilik maʼlumotlari milliy bazasi, 16.12.2025-y., 09/25/791/1167-son)
Qoraqalpogʻiston Respublikasi, viloyatlar va Toshkent shahar komissiyalari har chorakda oʻz faoliyati toʻgʻrisida Geografik obyektlarni nomlash va qayta nomlash masalalari boʻyicha respublika komissiyasiga axborot taqdim etadilar.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.07.00 Hisob. Hisobot. Statistika (shuningdek, 07.29.00.00 ga qarang)]
Tumanlar va shaharlar komissiyalari har chorakda oʻz faoliyati toʻgʻrisida tegishli ravishda geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar va Toshkent shahar komissiyalariga axborot taqdim etadilar.
IV. Hududiy komissiyalarning faoliyatini tashkil qilish
[OKOZ:
1.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.02.00 Hokim]
7. Hududiy komissiyaga uning raisi hisoblanadigan Qoraqalpogʻiston Respublikasi Vazirlar Kengashining Raisi, viloyat, tuman, shahar hokimi boshchilik qiladi.
8. Hududiy komissiya raisi:
hududiy komissiya faoliyatiga umumiy rahbarlik qiladi va unga yuklangan vazifalarning bajarilishi uchun shaxsan javob beradi;
hududiy komissiya aʼzolarining vazifalarini belgilaydi va ularga yuklangan vazifalarni bajarish ishlarini muvofiqlashtiradi;
hududiy komissiyaning ish rejalarini, tushgan hujjatlarni koʻrib chiqish jadvallarini tasdiqlaydi;
hududiy komissiya majlislarining kun tartibini va chaqirilishini belgilaydi;
hududiy komissiya tomonidan qabul qilingan qarorlarning bajarilishi yuzasidan nazoratni tashkil etadi;
hududiy komissiyaning samarali ishlashini taʼminlash boʻyicha boshqa ishlarni amalga oshiradi.
hududiy komissiya majlislarida koʻrib chiqiladigan masalalarni muhokama qilishda, tegishli qarorlar qabul qilishda va ijrosini taʼminlashda ishtirok etadilar;
(9-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
hududiy komissiyaga geografik obyektlarni nomlash va qayta nomlashning dolzarb masalalari boʻyicha takliflar kiritadilar;
hududiy komissiya tomonidan muhokama qilinadigan masalalar boʻyicha xulosalar taqdim etadilar.
Hududiy komissiya aʼzolari komissiyadagi oʻz faoliyatini jamoatchilik asosida amalga oshiradilar.
10. Hududiy komissiya kotibi:
hududiy komissiyaning navbatdagi majlisiga barcha zarur hujjatlarning oʻz vaqtida tayyorlanishini taʼminlaydi;
kun tartibidagi masalalar boʻyicha hududiy komissiyaning majlislari oʻtkazilishini tashkil etadi;
majlislarning oʻtkaziladigan vaqti va joyini, shuningdek taklif etiladiganlar tarkibini hududiy komissiya raisi bilan kelishadi;
(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
hududiy komissiya aʼzolarini va taklif etilgan shaxslarni majlisning oʻtkaziladigan sanasi, vaqti, joyi toʻgʻrisida xabardor qiladi;
hududiy komissiya qarorlarining bajarilishi monitoringini yuritadi va uning natijalarini komissiya majlisida koʻrib chiqish uchun taqdim qiladi;
hududiy komissiyaning bayonlarini rasmiylashtiradi va tasdiqlangan bayonlarni hududiy komissiyaning aʼzolariga hamda boshqa manfaatdor tashkilotlarga joʻnatadi.
(10-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
101. Kadastr agentligi huzuridagi Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hamda tuman (shahar) filiallari hududiy komissiyalarning ishchi organi (keyingi oʻrinlarda — Ishchi organ) hisoblanadi.
(101-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
hududiy komissiyalarning majlislari uchun mavjud geografik obyektlar haqida hamda kun tartibidagi masalalar boʻyicha zarur maʼlumotlarni oʻz vaqtida taqdim etadi;
[OKOZ:
1.01.00.00.00 Konstitutsiyaviy tuzum / 01.24.00.00 Buyuk shaxslar xotirasi, tarixiy voqealarni abadiylashtirish. Nom berish, toponimik obyektlarni nomlash va nomini oʻzgartirish]
geografik obyektlarni nomlash va qayta nomlash jarayonida tegishli kartografiya materiallarini hududiy komissiyalarga kiritadi;
geografik obyektlarning nomlarini xatlovdan oʻtkazishda ishtirok etadi;
hududiy komissiyaga geografik obyektlarni nomlash va qayta nomlash boʻyicha takliflar kiritadi.
Ishchi organ qonunchilik hujjatlariga muvofiq boshqa vazifalarni ham amalga oshirishi mumkin.
(102-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
11. Hududiy komissiya oʻz faoliyatini tasdiqlangan reja asosida amalga oshiradi va majlislarni zaruratga qarab oʻtkazadi. Hududiy komissiya raisi tomonidan navbatdan tashqari majlislar chaqirilishi mumkin.
(11-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
12. Hududiy komissiyaning majlisini uning raisi olib boradi. Hududiy komissiya raisi boʻlmagan taqdirda majlisni komissiya aʼzolaridan biri boshqaradi.
Hududiy komissiyaning majlisi uning aʼzolarining kamida uchdan ikki qismi qatnashganda qonuniy hisoblanadi.
Majlisni oʻtkazish uchun kvorum yigʻilmagan taqdirda hududiy komissiyaning yangi majlisi oʻtkaziladigan sana eʼlon qilinadi. Yangi majlisni oʻtkazishda kun tartibini oʻzgartirishga yoʻl qoʻyilmaydi.
13. Hududiy komissiyaning majlisiga koʻrib chiqiladigan masalalarning xususiyatiga qarab davlat va xoʻjalik boshqaruvi organlari, boshqa tashkilotlarning rahbarlari hamda mutaxassislari taklif etilishi mumkin.
V. Hududiy komissiya tomonidan qarorlar qabul qilish va ularning bajarilishini tashkil etish
14. Hududiy komissiyaning qarori majlisda qatnashayotgan hududiy komissiya aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda hududiy komissiya raisining ovozi hal qiluvchi hisoblanadi.
Qoraqalpogʻiston Respublikasi va viloyatlar hududiy komissiyalarining uzil-kesil qarorni qabul qilishda Oʻzbekiston Respublikasi “Yergeodezkadastr” davlat qoʻmitasi tomonidan oʻtkaziladigan ekspertiza xulosasi inobatga olinadi.
Hududiy komissiyaning har bir aʼzosi qabul qilinadigan qarorlar boʻyicha oʻz fikrini yozma ravishda bildirishga haqlidir.
15. Hududiy komissiyaning raisi tegishli masala yuzasidan tezkor qaror qabul qilish zarurati tugilganda, komissiya aʼzolari fikrini soʻrov oʻtkazish yoʻli bilan bilishi mumkin.
(15-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
16. Hududiy komissiya qarorlari majlis bayoni shaklida rasmiylashtiriladi va komissiya raisi tomonidan tasdiqlanadi.
(16-band Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qarori tahririda — Qonunchilik maʼlumotlari milliy bazasi, 17.08.2023-y., 09/23/386/0622-son)
[OKOZ:
1.02.00.00.00 Davlat boshqaruvi asoslari / 02.04.00.00 Mahalliy ijroiya organlari (Hokimliklar) (shuningdek, 01.15.03.00ga qarang) / 02.04.01.00 Umumiy qoidalar]
17. Hududiy komissiya protokolining asl nusxasi va unga tegishli materiallar tegishli ravishda Qoraqalpogʻiston Respublikasi Vazirlar Kengashi, viloyatlar, tumanlar, shaharlar hokimliklarining ijro etuvchi apparatida saqlanadi.
18. Hududiy komissiya kotibi komissiya aʼzolari yordamida komissiya qarorlarining bajarilishini muntazam oʻrganib boradi, zarurat boʻlganda hududiy komissiya raisiga tegishli takliflar kiritadi.
19. Hududiy komissiya qabul qilingan qarorlarning bajarilishini muntazam ravishda oʻz majlislarida koʻrib chiqadi.
20. Hududiy komissiyaning ish tartibi Reglament bilan belgilanadi. Reglament hududiy komissiya tomonidan qabul qilinadi.
21. Hududiy komissiyaga taqdim etilgan hujjatlarni koʻrib chiqish muddati uch oydan oshmasligi kerak.
VI. Hududiy komissiyaning atributlari
[OKOZ:
1.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.02.00 Hokim;
2.12.00.00.00 Axborot va axborotlashtirish / 12.05.00.00 Ish yuritish (shtamplar, blankalar)]
22. Hududiy komissiyalar belgilangan namunadagi, oʻz nomi yozilgan blankalarga ega boʻladilar va tegishli ravishda Qoraqalpogʻiston Respublikasi Vazirlar Kengashi, viloyatlar, tumanlar, shaharlar hokimliklarining muhridan foydalanadilar.
Vazirlar Mahkamasining 2012-yil 16-oktabrdagi 295-son qaroriga 4-ILOVA
Geografik obyektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalarining namunaviy tarkibi
1.
lavozimiga koʻra
—
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlari, komissiya raisi
2.
lavozimiga koʻra
—
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, komissiya raisi oʻrinbosari
3.
lavozimiga koʻra
—
Iqtisodiyot va moliya vazirligining Qoraqalpogʻiston Respublikasi, viloyatlar, Toshkent shahar hamda tumanlar va shaharlar tarkibiy boʻlinmalari boshliqlari
4.
lavozimiga koʻra
—
Qurilish va uy-joy kommunal xoʻjaligi vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari
5.
lavozimiga koʻra
—
Kambagʻallikni qisqartirish va bandlik vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari
6.
lavozimiga koʻra
—
Ekologiya, atrof-muhitni muhofaza qilish va iqlim oʻzgarishi vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari
8.
lavozimiga koʻra
—
Madaniyat vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari
9.
lavozimiga koʻra
—
Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari hamda tuman (shahar) boʻlinmalari rahbarlari
10.
lavozimiga koʻra
—
Kadastr agentligi huzuridagi Davlat kadastrlari palatasining Qoraqalpogʻiston Respublikasi, viloyatlar, Toshkent shahar boshqarmalari boshliqlari hamda tuman (shahar) filiallari boshliqlari
11.
kelishuvga koʻra
—
hududdagi tajribali tilshunos-toponimist, tarixchi, geograf, etnograf va oʻlkashunoslar
12.
lavozimiga koʻra
—
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimliklari muassisligidagi davriy bosma nashrlar bosh muharrirlari
13.
lavozimiga koʻra
—
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlarining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchilari, komissiya kotibi
(4-ilova Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
Vazirlar Mahkamasining 2012-yil 16-oktabrdagi 295-son qaroriga 5-ILOVA
Oʻzbekiston yoki jahon tarixida chuqur iz qoldirgan shaxslarning toifalarini aniqlash
TARTIBI
1. Mazkur Tartib koʻchalar, shoh koʻchalar, mahallalar, maydonlar, bogʻlar va aholi punktlarining boshqa tarkibiy qismlariga Oʻzbekiston yoki jahon tarixida chuqur iz qoldirgan shaxslar nomini berishda ularning ushbu toifaga mansubligini aniqlaydi.
2. Ushbu Tartibda quyidagi asosiy tushunchalardan foydalaniladi:
Oʻzbekiston yoki jahon tarixida chuqur iz qoldirgan shaxslar (keyingi oʻrinlarda — tarixda chuqur iz qoldirgan shaxslar) — Oʻzbekiston davlatchiligini rivojlantirish, mustahkamlash va uning xalqaro nufuzini yuksaltirishga xizmat qilgan, mamlakat tinchligi va xavfsizligini saqlash yoʻlida jasorat koʻrsatgan, noyob isteʼdodi bilan ilm-fan, adabiyot va sanʼat sohalariga, jahon tarixi va madaniyatiga ulkan hissa qoʻshgan hamda milliy va xalqaro miqyosda tan olingan shaxslar;
Oʻzbekiston yoki jahon tarixida chuqur iz qoldirgan shaxslarning nomlari — shaxsning ismi, ismi va otasining ismi, ismi va familiyasi, familiyasi, taxallusi.
3. Aholi punktlarining tarkibiy qismlariga tarixda chuqur iz qoldirgan shaxslarning nomi “Geografik obyektlarning nomlari toʻgʻrisida”gi Oʻzbekiston Respublikasi Qonunining 101-moddasida belgilangan tartibga asosan hamda mazkur Tartibga ilovadagi sxemaga muvofiq beriladi.
4. Tarixda chuqur iz qoldirgan shaxslar quyidagi tamoyillar asosida aniqlanadi:
tarixiy ahamiyatga egalik — shaxsning Oʻzbekiston yoki jahon tarixida ulkan bunyodkorlik ishlarini amalga oshirgani, sivilizatsiyaga salmoqli hissa qoʻshgani, milliy davlatchilik asoslarini shakllantirish va mustahkamlashga xizmat qilgani, Vatan ozodligi hamda yurt tinchligi yoʻlida jasorat koʻrsatgani, ilm-fan, adabiyot va sanʼat sohalari taraqqiyotiga ulkan hissa qoʻshgani;
haqqoniylik — shaxsning hayoti, faoliyati hamda yutuqlari tarixiy manbalar, jumladan, qadimiy qoʻlyozma va toshbosmalar, arxiv materiallari, muzey eksponatlari, obida va yodgorliklar, shuningdek, rasmiy hujjatlarda oʻz tasdigʻini topgani;
umumeʼtirof etilganlik — shaxsning ilmiy-ijodiy merosi xalqimiz yoxud jahon hamjamiyati tomonidan tarixiy-madaniy qadriyat sifatida tan olingani, uning faoliyati milliy yoki xalqaro miqyosda eʼtirof etilib, oliy darajadagi mukofotlar bilan taqdirlangani;
daxldorlik — muayyan hududga nomi beriladigan shaxs hayoti va faoliyatining tarixiy, maʼnaviy, ilmiy, ijodiy aloqadorligi, shuningdek, tegishli hudud aholisining madaniy merosi va qadriyatlari bilan bogʻliqligi.
5. Tarixda chuqur iz qoldirgan shaxslar quyidagi mezonlar asosida aniqlanadi:
milliy davlatchilik asoslarini yaratish, mustahkamlash va rivojlantirish yoʻlida yetakchilik qilganligi;
xalqaro maydonda tinchlikni va davlatlararo doʻstlikni mustahkamlashga hamda mamlakat nufuzini yuksaltirishga alohida hissa qoʻshganligi;
Vatan ozodligi, yurt tinchligi va xavfsizligi yoʻlida qahramonlik va jasorat koʻrsatganligi;
jahon sivilizatsiyasiga ulkan hissa qoʻshganligi;
ilmiy-ijodiy merosi milliy yoki xalqaro miqyosda tarixiy-madaniy qadriyat sifatida tan olinganligi;
milliy va xalqaro miqyosdagi oliy darajadagi davlat mukofotlariga sazovor boʻlganligi.
6. Aholi punktlarining tarkibiy qismlariga (mahallalar, shoh koʻchalar, koʻchalar, maydonlar, bogʻlar, xiyobonlarga) shaxslarning nomi ularning vafotidan keyin beriladi.
7. Mazkur Tartib talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Oʻzbekiston yoki jahon tarixida chuqur iz qoldirgan shaxslarning toifalarini aniqlash tartibiga ILOVA
Oʻzbekiston yoki jahon tarixida chuqur iz qoldirgan shaxslar nomini geografik obyektlarga berish
SXEMASI
Bosqichlar
Subyektlar
Tadbirlar
Ijro muddati
1-bosqich
Fuqarolarning oʻzini oʻzi boshqarish organlari, tashkilotlar
1. Geografik obyektlarga shaxslar nomini berish toʻgʻrisidagi takliflarni fuqarolar yigʻinida (tashkilotda) muhokama qiladi, belgilangan tartibda bayonnoma rasmiylashtiradi va tegishli hujjatlar tayyorlaydi.
2. Tuman (shahar) hokimiga shaxslar nomini tegishli geografik obyektlarga berish toʻgʻrisida iltimosnoma va tegishli hujjatlarni taqdim etadi.
Zaruratga koʻra
2-bosqich
Tuman (shahar) hokimi, komissiya
1. Tuman (shahar) hokimi geografik obyektlarga shaxslar nomini berish toʻgʻrisidagi takliflarni muhokama qilish uchun ularni oʻz rasmiy nashrlarida, rasmiy veb-saytlarida, shuningdek, ommaviy axborot vositalarida eʼlon qilinishini taʼminlaydi.
Takliflar kiritilgan kundan eʼtiboran 5 ish kunida
2. Tuman (shahar) hokimi geografik obyektlarga shaxslar nomini berish toʻgʻrisidagi iltimosnomani koʻrib chiqish uchun komissiyaga taqdim etadi.
3. Komissiya geografik obyektlarga shaxslar nomini berish toʻgʻrisidagi iltimosnomani koʻrib chiqadi va tegishli takliflarni tuman (shahar) hokimiga taqdim egadi.
Takliflar kiritilgan kundan eʼtiboran 15 ish kunida
4. Tuman (shahar) xokimi geografik obyektlarga shaxslar nomini berish toʻgʻrisidagi takliflarni tegishlicha Qoraqalpogʻiston Respublikasi, viloyatlar va Toshkent shahar komissiyasiga yuboradi.
3-bosqich
Qoraqalpogʻiston Respublikasi, viloyatlar, Toshkent shahar komissiyasi
1. Tegishli geografik obyektlarga nomi berilishi taklif etilayotgan shaxslar hayoti va faoliyatini har tomonlama oʻrganadi hamda komissiyada qoʻrib chiqib, tegishli xulosa qabul qiladi.
2. Geografik obyektlarga nomi berilishi taklif etilayotgan shaxslar yuzasidan tegishli tashkilotlar bilan kelishadi.
3. Qonunchilik talablariga muvofiqligi yoki muvofiq emasligi nuqtai nazaridan davlat ekspertizasidan oʻtkazish uchun Kadastr agentligiga topshiradi.
Takliflar kiritilgan kundan eʼtiboran 15 ish kunida
4-bosqich
Kadastr agentligi
1. Shaxslar nomining tegishli geografik obyektlarga berilishi haqidagi takliflarni Ekspertiza guruhida koʻrib chiqadi.
2. Kelishish natijasiga koʻra, geografik obyektlarga shaxslar nomini berish yoki berishni rad etish boʻyicha xulosani Qoraqalpogʻiston Respublikasi, viloyatlar, Toshkent shahar komissiyasiga taqdim etadi.
Takliflar kiritilgan kundan eʼtiboran 10 ish kunida
5-bosqich
Qoraqalpogʻiston Respublikasi, viloyatlar, Toshkent shahar komissiyasi
1. Amalga oshirilgan ishlarning yakunlariga koʻra hamda davlat ekspertizasi natijalarini hisobga olgan holda tegishli xulosa beradi.
2. Tegishli xulosani Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga yuboradi.
Takliflar kiritilgan kundan eʼtiboran 10 ish kunida
6-bosqich
Qoraqalpogʻiston Respublikasi Vazirlar Kengashi Raisi*, viloyatlar, Toshkent shahar hokimlari
Oʻzbekiston yoki jahon tarixida chuqur iz qoldirgan shaxslarning nomini berish toʻgʻrisidagi iltimosnomani, shuningdek, Qoraqalpogʻiston Respublikasi, viloyat, Toshkent shahar komissiyasining xulosasini Vazirlar Mahkamasiga taqdim etadi.
Takliflar kiritilgan kundan eʼtiboran 10 ish kunida
7-bosqich
Vazirlar Mahkamasi
Iltimosnomalarni koʻrib chiqadi hamda zarur hujjatlar bilan birga xulosa olish uchun Respublika komissiyasiga yuboradi.
belgilangan muddatda
8-bosqich
Respublika komissiyasi
Taqdim etilgan hujjatlarni har tomonlama oʻrganib chiqadi va tegishli xulosa qabul qilib, Vazirlar Mahkamasiga taqdim etadi.
belgilangan muddatda
9-bosqich
Vazirlar Mahkamasi
Respublika komissiyasining xulosasini hisobga olgan holda takliflar tayyorlaydi hamda ularni Oʻzbekiston Respublikasi Prezidentiga koʻrib chiqish uchun kiritadi.
belgilangan muddatda
* Qoraqalpogʻiston Respublikasi Vazirlar Kengashining Raisi aholi punktlarining tarkibiy qismlariga (mahallalar, shoh koʻchalar, koʻchalar, maydonlar, bogʻlar, xiyobonlarga) Oʻzbekiston yoki jahon tarixida chuqur iz qoldirgan shaxslarning nomini berish toʻgʻrisidagi taklifni Qoraqalpogʻiston Respublikasi Joʻqorgʻi Kengesi bilan kelishadi.
(5-ilova Oʻzbekiston Respublikasi Vazirlar Mahkamasining 2023-yil 15-avgustdagi 386-sonli qaroriga asosan kiritilgan — Qonunchilik maʼlumotlari milliy bazasi, 17.08.2023-y., 09/23/386/0622-son)
(Oʻzbekiston Respublikasi qonun hujjatlari toʻplami, 2012-y., 41-42-son, 483-modda; 2016-y., 17-son, 176-modda, 42-son, 490-modda; 2017-y., 30-son, 733-modda; Qonun hujjatlari maʼlumotlari milliy bazasi, 01.06.2018-y., 09/18/400/1289-son; Qonunchilik maʼlumotlari milliy bazasi, 05.04.2022-y., 09/22/153/0266-son; 17.08.2023-y., 09/23/386/0622-son; 16.12.2025-y., 09/25/791/1167-son)
