O‘zbekiston Respublikasi Prezidentining
Farmoni
O‘ZBEKISTON RESPUBLIKASIDA PASPORT TIZIMINI TAKOMILLASHTIRISHGA DOIR QO‘SHIMCHA CHORA-TADBIRLAR TO‘G‘RISIDA
O‘zbekiston Respublikasi Prezidentining 2009-yil 23-iyunda qabul qilingan “O‘zbekiston Respublikasida pasport tizimini yanada takomillashtirish chora-tadbirlari to‘g‘risida”gi PF-4117-sonli Farmoniga muvofiq hamda zamonaviy xalqaro standartlar va talablarni inobatga olgan holda O‘zbekiston Respublikasi fuqarosi pasportini, shuningdek, fuqaroligi bo‘lmagan shaxslarga harakatlanish hujjatlarini rasmiylashtirish, berish va almashtirish tartibini yanada takomillashtirish maqsadida:
1. Quyidagilar:
Oldingi tahrirga qarang.
O‘zbekiston Respublikasi fuqarosining biometrik pasporti to‘g‘risidagi nizom 1-ilovaga muvofiq;
(1-bandning ikkinchi xatboshisi O‘zbekiston Respublikasi Prezidentining 2022-yil 20-apreldagi PF-112-sonli Farmoni tahririda — Qonunchilik ma’lumotlari milliy bazasi, 20.04.2022-y., 06/22/112/0326-son)
O‘zbekiston Respublikasining fuqaroligi bo‘lmagan shaxslarining biometrik harakatlanish hujjati to‘g‘risidagi nizom 2-ilovaga muvofiq tasdiqlansin.
2. O‘zbekiston Respublikasi Prezidentining 1999-yil 26-fevralda qabul qilingan PF-2240-sonli Farmoni bilan tasdiqlangan O‘zbekiston Respublikasida pasport tizimi to‘g‘risidagi nizom, O‘zbekiston Respublikasi fuqarosining amaldagi pasporti va fuqaroligi bo‘lmagan shaxsning shaxsini tasdiqlovchi guvohnoma 2015-yil 31-dekabrgacha haqiqiyligi ma’lumot uchun qabul qilinsin.
3. O‘zbekiston Milliy teleradiokompaniyasi (A. Xo‘jayev), O‘zbekiston Milliy axborot agentligi (M. Hazratqulov) ommaviy axborot vositalarida (matbuot, televideniye, radioeshittirish) fuqarolar o‘rtasida mazkur Farmonning asosiy qoidalarini keng targ‘ib qilish bo‘yicha chiqishlar va mavzuga oid ko‘rsatuvlar tayyorlashni ta’minlasin.
4. O‘zbekiston Respublikasi Tashqi ishlar vazirligi (E. G‘aniyev) belgilangan tartibda xorijiy davlatlar hukumatlarini, Xalqaro fuqaro aviatsiyasi tashkilotini va Xalqaro standartlashtirish tashkilotini O‘zbekistonda milliy pasport tizimini takomillashtirish bo‘yicha amalga oshirilayotgan tadbirlar to‘g‘risida xabardor qilsin.
Oldingi tahrirga qarang.
(5-band O‘zbekiston Respublikasi Prezidentining 2023-yil 31-oktabrdagi PF-186-sonli Farmoniga asosan o‘z kuchini yo‘qotgan)
6. O‘zbekiston Respublikasi Ichki ishlar vazirligi (B. Matlyubov) Adliya vazirligi (R. Muhitdinov) va boshqa manfaatdor vazirliklar, idoralar bilan birgalikda ikki oy muddatda qonun hujjatlariga mazkur Farmondan kelib chiqqan holda tegishli o‘zgartish va qo‘shimchalar kiritish to‘g‘risida O‘zbekiston Respublikasi Vazirlar Mahkamasiga takliflar kiritsin.
7. Ushbu Farmonning ijrosini nazorat qilish O‘zbekiston Respublikasi Bosh vaziri Sh. Mirziyoyev zimmasiga yuklansin.
O‘zbekiston Respublikasi Prezidenti I. KARIMOV
Toshkent sh.,
2011-yil 5-yanvar,
PF-4262-son
Oldingi tahrirga qarang.
O‘zbekiston Respublikasi Prezidentining 2011-yil 5-yanvardagi PF-4262-sonli Farmoniga
1-ILOVA
1-ILOVA
O‘zbekiston Respublikasi fuqarosining biometrik pasporti to‘g‘risida
NIZOM
1-bob. Umumiy qoidalar
1. Ushbu Nizom O‘zbekiston Respublikasi fuqarosining biometrik pasportidan foydalanish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
O‘zbekiston Respublikasi fuqarosining biometrik pasporti (keyingi o‘rinlarda — pasport) — O‘zbekiston Respublikasining fuqaroligini va egasining shaxsini O‘zbekiston Respublikasi hududida tasdiqlovchi, pasport egasining shaxsiy biografik ma’lumotlari va biometrik parametrlari kiritilgan elektron tashuvchi qurilma (chip)ga ega bo‘lgan hujjat;
personallashtirish — pasport egasining biografik ma’lumotlarini va biometrik parametrlarini pasport blankasiga kiritish;
verifikatsiya — pasportga kiritilgan biometrik parametrlarning pasport egasining biometrik parametrlari bilan mosligini mashina yordamida tekshirish;
Oldingi tahrirga qarang.
O‘zbekiston Respublikasining xorijda doimiy yashovchi fuqarosi — O‘zbekiston Respublikasidagi yashash joyi bo‘yicha ro‘yxatdan o‘tganligi bekor qilingan hamda xorijga doimiy yashash uchun chiqib ketishga doir ruxsatnoma rasmiylashtirgan O‘zbekiston Respublikasi fuqarosi;
(2-bandning beshinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
xorijda vaqtincha bo‘ladigan O‘zbekiston Respublikasi fuqarolari — O‘zbekiston Respublikasida doimiy yashaydigan, xorijga chiqib, vaqtincha u yerda bo‘ladigan O‘zbekiston Respublikasi fuqarolari;
konsullik muassasasi — O‘zbekiston Respublikasi diplomatik vakolatxonasining konsullik bo‘limi, O‘zbekiston Respublikasining xorijiy davlatda ta’sis etiladigan bosh konsulxonasi, konsulxonasi, vitse-konsulxonasi va konsullik agentligi;
konsullik ro‘yxati — tegishli konsullik okrugi hududiga kelgan O‘zbekiston Respublikasi fuqarolarini xorijdagi O‘zbekiston Respublikasining konsullik muassasalari qoshida belgilangan tartibda qayddan o‘tkazish;
doimiy konsullik ro‘yxati — doimiy yashash uchun xorijga chiqish ruxsatnomasi belgilangan tartibda rasmiylashtirilgan, O‘zbekiston Respublikasining xorijdagi konsullik muassasasi konsullik okrugi hududida doimiy yashayotgan O‘zbekiston Respublikasi fuqarolarini qayddan o‘tkazish;
vaqtincha konsullik ro‘yxati — O‘zbekiston Respublikasida doimiy yashaydigan, xorijda vaqtincha bo‘ladigan, xorijga vaqtincha chiqish ruxsatnomasini belgilangan tartibda rasmiylashtirgan O‘zbekiston Respublikasi fuqarolarini xorijdagi O‘zbekiston Respublikasi konsullik muassasalari tomonidan qayddan o‘tkazish;
konsullik okrugi — konsullik muassasasiga konsullik vazifalarini bajarish uchun biriktirilgan bir yoki bir necha davlat hududi;
Oldingi tahrirga qarang.
ma’lumotlarni yig‘ish punkti — pasport olish uchun murojaat qilgan fuqarolarning biografik ma’lumotlarini va biometrik parametrlarini jamlash, ushbu ma’lumotlarni O‘zbekiston Respublikasi Adliya vazirligi huzuridagi Personallashtirish agentligiga topshirish hamda fuqarolarga biometrik parametrlarga ega pasportlar berish bo‘yicha vazifalarni bajaruvchi ichki ishlar organlarining migratsiya va fuqarolikni rasmiylashtirish bo‘linmalari.
(2-bandning o‘n ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
3. Pasport u berilgan kundan boshlab 10 yil davomida amalda bo‘ladi va 2030-yil 31-dekabrgacha O‘zbekiston Respublikasi fuqarosining identifikatsiyalovchi ID-kartasi (keyingi o‘rinlarda — ID-karta) bilan bir qatorda O‘zbekiston Respublikasi hududida O‘zbekiston Respublikasining fuqaroligini va egasining shaxsini tasdiqlovchi asosiy hujjatdir.
4. Pasport O‘zbekiston Respublikasi mulkidir va uning egasi O‘zbekiston Respublikasi himoyasidadir.
5. O‘zbekiston Respublikasi Qurolli Kuchlari safiga muddatli harbiy xizmatni o‘tashga chaqirilgan fuqarolarning pasportlari mudofaa ishlari bo‘limlari tomonidan olib qo‘yiladi va xizmat tugagunicha saqlanadi. Muddatli harbiy xizmat tugagach mudofaa ishlari bo‘limlari bir oy muddat ichida fuqarolarga olib qo‘yilgan pasportlarini qaytarishlari shart.
Kontrakt asosida harbiy xizmatga kirgan, oliy harbiy-ta’lim muassasalariga o‘qishga kirgan fuqarolarning pasportlari harbiy qismlarning va oliy harbiy-ta’lim muassasalarining kadrlar bo‘limlari tomonidan olib qo‘yilib, shtablarda saqlanadi.
Harbiy xizmatchilarning vazirliklar va idoralarning tegishli bo‘linmalarida saqlanayotgan pasportlari amal qilish muddati tugagandan keyin belgilangan tartibda yo‘q qilish uchun ma’lumotlarni yig‘ish punktiga jo‘natiladi.
6. Pasport blankasiga quyidagi asosiy ma’lumotlar kiritilgan bo‘lishi lozim:
pasportni bergan davlatning nomi;
hujjatning nomi;
hujjatning turi;
pasportni bergan davlatning kodi;
pasportning raqami;
familiyasi, ismi, otasining ismi;
millati;
fuqaroligi;
tug‘ilgan sanasi;
tug‘ilgan joyi;
jinsi;
berilgan sanasi;
kim tomonidan berilgani;
personallashtiruvchi idora;
amal qilish muddati tugaydigan sana;
egasining raqamli surati;
egasi haqidagi mashina o‘qiydigan ma’lumotlar.
7. Chipga quyidagi ma’lumotlar kiritilgan bo‘lishi lozim:
pasport egasi to‘g‘risidagi biografik ma’lumotlar;
egasining raqamli surati;
qo‘l barmoq izlari.
8. Fuqaroning yozma arizasiga ko‘ra millati haqidagi yozuv faqat bir marta otasi yoki onasining millatiga o‘zgartirilishi mumkin.
9. Pasportga:
harbiy majburiyat to‘g‘risidagi;
nikoh qayd etilganligi yoki bekor qilinganligi to‘g‘risidagi;
xorijga chiqish biometrik pasporti berilganligi to‘g‘risidagi;
O‘zbekiston Respublikasining Davlat chegarasidan o‘tish to‘g‘risidagi;
konsullik ro‘yxatiga olingani yoki konsullik ro‘yxatidan chiqarilgani to‘g‘risidagi;
ilgari qo‘yilgan qaydlarni bekor qilish to‘g‘risidagi ma’lumotlar kiritiladi.
Pasportda egasining imzosi bo‘lishi lozim.
Fuqarolarning roziligiga ko‘ra ularning pasportlariga pasport egasining qon guruhi va rezus mansubligi (faktori) to‘g‘risidagi ma’lumotlar kiritiladi.
10. Pasportga:
ichki ishlar organlari bo‘linmalari tomonidan — xorijga chiqish biometrik pasporti berilganligi, ilgari qo‘yilgan qaydlarni bekor qilish haqidagi;
mudofaa ishlari bo‘limlari tomonidan — harbiy majburiyat to‘g‘risidagi;
chegara nazorati bo‘linmalari tomonidan — O‘zbekiston Respublikasining Davlat chegarasidan o‘tganlik holati haqidagi va ilgari qo‘yilgan qaydlarni bekor qilish haqidagi;
fuqarolik holatlari dalolatnomalarini yozish idoralari tomonidan — nikohni qayd etish va bekor qilish haqidagi;
sog‘liqni saqlash muassasalari tomonidan — qon guruhi va rezus mansubligi (faktori) haqidagi;
O‘zbekiston Respublikasining konsullik muassasalari tomonidan — konsullik ro‘yxatiga olish yoki konsullik ro‘yxatidan chiqarish haqidagi, nikohni qayd etish va bekor qilish haqidagi, ilgari qo‘yilgan qaydlarni bekor qilish haqidagi qaydlar kiritiladi.
Pasportga ushbu Nizomda nazarda tutilmagan yozuvlar va qaydlarni kiritish taqiqlanadi.
2-bob. Pasportni almashtirish tartibi
11. Pasport quyidagi hollarda ID-kartaga almashtiriladi:
pasportning amal qilish muddati tugaganida;
familiyasi, ismi, otasining ismi, millati, tug‘ilgan sanasi o‘zgarganida;
pasportdagi yozuvlarda noaniqliklar va xatolar mavjudligi aniqlanganida;
sud ajrimi bilan pasportning amal qilishi to‘xtatib turilganda;
pasport blankasi yaroqsiz holga kelganida;
pasport yo‘qotib qo‘yilganida.
Ichki ishlar organlarining migratsiya va fuqarolikni rasmiylashtirish bo‘linmalari pasportning amal qilishi to‘xtatib turilganligi to‘g‘risidagi sud ajrimini O‘zbekiston Respublikasi Tashqi ishlar vazirligining Konsullik-huquqiy departamenti orqali O‘zbekiston Respublikasining xorijdagi konsullik muassasalariga ma’lumot uchun yuboradi.
Fuqaro pasportining amal qilish muddati tugagandan so‘ng yoki familiyasi, ismi, otasining ismi, tug‘ilgan yili va millati o‘zgargandan so‘ng pasporti bir oy muddatda ID-kartaga almashtirishi lozim.
12. Topib olingan pasport ichki ishlar organlariga yoki O‘zbekiston Respublikasining xorijdagi konsullik muassasasiga topshirilishi lozim.
13. Vafot etgan shaxsning pasporti mavjud bo‘lgan taqdirda fuqarolik holati dalolatnomalarini yozish organiga topshiriladi va fuqarolik holati dalolatnomalarini yozish organi hujjatni yo‘q qilish maqsadida ma’lumotlarni yig‘ish punktiga yuboradi.
Xorijda vafot etgan fuqaroning pasporti O‘zbekiston Respublikasining konsullik muassasasi tomonidan O‘zbekiston Respublikasi Tashqi ishlar vazirligiga jo‘natiladi. Ushbu vazirlik esa hujjatni yo‘q qilish uchun Ichki ishlar vazirligiga yuboradi.
14. Hibsga olingan yoki ozodlikdan mahrum etishga hukm qilingan shaxsning pasporti tergovga qadar tekshiruv, surishtiruv, tergov organlari yoki sud tomonidan olib qo‘yiladi. Agar shaxs sudning hukmi bilan ozodlikdan mahrum etilsa, uning pasporti O‘zbekiston Respublikasi Ichki ishlar vazirligi Jazoni ijro etish departamentiga yuboriladi.
Shaxs hibsdan ozod qilinganda yoki jazoni ijro etish muassasasidan ozod etilganida, unga pasporti tergovga qadar tekshiruv, surishtiruv, tergov organlari, sud yoxud jazoni ijro etish muassasasining ma’muriyati tomonidan qaytariladi.
Hibsga olingan yoki ozodlikdan mahrum etishga hukm qilingan shaxslarning tergov, sud idoralarida yoki jazoni ijro etish muassasasi ma’muriyatida saqlanayotgan muddati o‘tgan pasportlari ushbu Nizomda belgilangan tartibda yo‘q qilish uchun ma’lumotlarni yig‘ish punktiga jo‘natiladi.
15. Tekshirish, verifikatsiya (solishtirib o‘qish) jarayonida noaniqliklar yoki chegara (migratsiya) belgilari, xorijiy vizalar, ruxsatnoma yozuvlari qalbakilashtirilgani alomatlari aniqlangan, shuningdek belgilangan tartibda haqiqiy emas deb topilgan pasportlar tegishli vazirliklar va idoralarga jo‘natish uchun chegara nazorati bo‘linmalari tomonidan olib qo‘yilishi mumkin.
16. Ushbu Nizomning 5 va 12 — 15-bandlarida nazarda tutilgan hollardan tashqari, fuqarolardan pasportlarini olib qo‘yish taqiqlanadi.
17. Fuqaro pasportini ehtiyot qilib saqlashi shart.
Pasportini yo‘qotib qo‘ygan fuqaro zudlik bilan o‘ziga qulay bo‘lgan ma’lumotlarni yig‘ish punktiga xabar berishi lozim, unga qonun hujjatlarida nazarda tutilgan tartibda va muddatlarda yangi ID-karta rasmiylashtirib beriladi.
LexUZ sharhiQarang: O‘zbekiston Respublikasi Prezidentining 2020-yil 22-sentabrdagi PF-6065-sonli Farmoni bilan tasdiqlangan O‘zbekiston Respublikasi fuqarosining identifikatsiya ID-kartasi to‘g‘risidagi nizom.
Vaqtincha xorijda bo‘lgan fuqarolar pasportini yo‘qotgan, pasporti yaroqsiz holga kelgan yoki uning amal qilish muddati tugagan hollarda O‘zbekiston Respublikasiga qaytish guvohnomasini olish uchun O‘zbekiston Respublikasining konsullik muassasasiga murojaat etadilar.
Ichki ishlar organlarining migratsiya va fuqarolikni rasmiylashtirish bo‘linmalari pasportning amal qilishi to‘xtatib turilganligi to‘g‘risidagi sud ajrimini O‘zbekiston Respublikasi Tashqi ishlar vazirligining Konsullik-huquqiy departamenti orqali O‘zbekiston Respublikasining xorijdagi konsullik muassasalariga ma’lumot uchun yuboradi.
18. O‘zbekiston Respublikasi fuqarolari, chet el fuqarolari va fuqaroligi bo‘lmagan shaxslarning pasportini yoki shaxsni tasdiqlovchi boshqa hujjatini yo‘qotganliklari haqidagi arizalari bo‘yicha ichki ishlar organlarining migratsiya va fuqarolikni rasmiylashtirish bo‘linmasi tomonidan tegishincha mazkur Nizomning 1 va 2-ilovalariga muvofiq belgilangan shakldagi ma’lumotnoma beriladi.
19. Pasport yo‘qolganligi to‘g‘risidagi arizalar hisobga olish jurnalida O‘zbekiston Respublikasi Ichki ishlar vazirligi tomonidan o‘rnatilgan tartibda ro‘yxatga olinadi.
20. Fuqarolar topilgan pasportlarni zudlik bilan ichki ishlar organlariga topshirishlari lozim.
21. Topilgan pasportlarda oldingi yashash joyidan ro‘yxatdan chiqqanligi haqida shtamplar mavjud bo‘lsa, bunday pasportlar ularni bergan ichki ishlar organlariga yo‘q qilinish uchun yuboriladi.
22. Pasport o‘g‘irlangan hollarda bu haqidagi arizalar jinoyat sodir etilgan joydagi yoki fuqaroning yashash joyidagi hududiy ichki ishlar organlarining navbatchilik qismlari xodimlari tomonidan qabul qilinadi. Bunday arizalar qabul qilinganligi haqida fuqarolarga ma’lumotnomalar beriladi va ular javobgarlikka tortilmaydi.
Jazoni ijro etish muassasasida jazoni o‘tab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi oqibatida pasporti yo‘qolganligi yoki yaroqsiz holga kelganligi to‘g‘risida ariza bilan murojaat etgan shaxslar ham javobgarlikka tortilmaydi.
Bunda, jazoni ijro etish muassasasida jazoni o‘tab chiqqan shaxs bu holatni tasdiqlovchi tegishli hujjatni arizaga ilova qiladi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi holatini tasdiqlash zarurati bo‘lganda, ichki ishlar organlarining migratsiya va fuqarolikni rasmiylashtirish bo‘limlari tomonidan so‘rov asosida qonunchilikda belgilangan vakolatli idoralardan ma’lumotnoma olinadi.
LexUZ sharhiQarang: Vazirlar Mahkamasining 2023-yil 29-apreldagi 171-son “O‘zbekiston Respublikasi Favqulodda vaziyatlarning oldini olish va bunday vaziyatlarda harakat qilish davlat tizimi faoliyatini samarali tashkil etish chora-tadbirlari to‘g‘risida”gi qarori.
Ichki ishlar organlarining muayyan yashash joyiga ega bo‘lmagan shaxslarni reabilitatsiya qilish markazlaridan ozod etilgan va pasportini yo‘qotgan shaxslarga mazkur Nizomning 1-ilovasiga muvofiq shakl bo‘yicha ma’lumotnoma beriladi.
Oldingi tahrirga qarang.
Bunday shaxslarga ID-karta berish masalalari ilgari hujjatlashtirilgan yoki so‘nggi yashash joyi yoxud turgan joyi bo‘yicha ro‘yxatdan o‘tgan joyidagi ichki ishlar organlari tomonidan, agar ular O‘zbekiston Respublikasi fuqarolari bo‘lsalar, ko‘rib chiqiladi.
(22-bandning beshinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
23. Agar fuqaro kelgan davlatida O‘zbekiston Respublikasining konsullik muassasasi bo‘lmasa, u O‘zbekiston Respublikasining mazkur davlat konsullik okrugiga kiradigan xorijdagi konsullik muassasasiga murojaat qiladi.
24. O‘zbekiston Respublikasi fuqaroligini yo‘qotgan shaxs pasportini so‘nggi yashash joyidagi ichki ishlar organiga yoki turgan joyi bo‘yicha O‘zbekiston Respublikasining xorijdagi diplomatik vakolatxonasi yoxud konsullik muassasasiga topshirishi shart.
3-bob. Sud ajrimi bilan amal qilishi to‘xtatib turilgan pasport
25. Qidiruvda bo‘lgan ayblanuvchi yoki sudlanuvchi respublika hududida ushlangan taqdirda sud ajrimi bilan amal qilishi to‘xtatib turilgan pasport ichki ishlar organlari yoki chegara nazorati bo‘linmalari tomonidan ma’lumotlarni yig‘ish punktiga yo‘q qilish uchun jo‘natish maqsadida olib qo‘yiladi va unga pasporti olib qo‘yilganligi haqida dalolatnoma beriladi.
26. Vaqtincha xorijda bo‘lgan pasportining amal qilishi to‘xtatib turilgan ayblanuvchi yoki sudlanuvchi O‘zbekiston Respublikasiga qaytish guvohnomasini olish uchun O‘zbekiston Respublikasining konsullik muassasasiga murojaat etganda uning pasporti olib qo‘yiladi va unga bu haqida dalolatnoma beriladi. Olib qo‘yilgan pasportni yo‘q qilish uchun O‘zbekiston Respublikasi Tashqi ishlar vazirligi orqali ma’lumotlarni yig‘ish punktiga yuboriladi.
27. Sud ajrimi bilan pasportining amal qilishi to‘xtatib turilgan ayblanuvchiga yoki sudlanuvchiga ID-karta ma’lumotlarni yig‘ish punkti tomonidan qonunchilik hujjatlariga muvofiq rasmiylashtirib beriladi.
LexUZ sharhiQarang: O‘zbekiston Respublikasi Prezidentining 2020-yil 22-sentabrdagi PF-6065-sonli Farmoni bilan tasdiqlangan O‘zbekiston Respublikasi fuqarosining identifikatsiya ID-kartasi to‘g‘risidagi nizom.
4-bob. Yakunlovchi qoida
28. Qonun hujjatlarida quyidagilar uchun javobgarlik belgilanadi:
O‘zbekiston Respublikasi fuqarosining pasportsiz yoxud haqiqiy bo‘lmagan pasport bilan yashashi, pasportini qasddan yaroqsizlantirishi yoki uni ehtiyot qilib saqlamaganligi oqibatida yo‘qotib qo‘yganligi;
fuqarolar tomonidan yo‘qolganligi to‘g‘risida ariza berilgan o‘z pasportlaridan, shuningdek, boshqa shaxslarga tegishli bo‘lgan pasportlardan g‘arazli maqsadlarda foydalanganligi;
Oldingi tahrirga qarang.
pasport tizimi qoidalariga rioya etish uchun mas’ul bo‘lgan shaxslar tomonidan shaxslarning shaxsini tasdiqlovchi hujjatlarsiz yashashiga yo‘l qo‘yilganligi, xuddi shuningdek fuqarolar tomonidan o‘z turar joylarida shaxslarning shaxsini tasdiqlovchi hujjatlarsiz, yashash va turgan joyi bo‘yicha ro‘yxatdan o‘tmasdan yashashiga yo‘l qo‘yilganligi;
(28-bandning to‘rtinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
boshqa shaxsga tegishli bo‘lgan pasportni qonunga xilof ravishda olib qo‘yilganda yoki pasportni garov sifatida qabul qilinganda;
chegara zonasiga kirish yoki bu zonada yashash, shuningdek fuqarolarning kirishi va bo‘lishi vaqtincha cheklangan joylarga kirish va bu joylarda bo‘lish qoidalarini buzish;
g‘arazli maqsadlarda pasportni egallab olish, xuddi shuningdek, uni yo‘q qilish, yaroqsiz holga keltirish, yashirish.
LexUZ sharhiQarang: O‘zbekiston Respublikasi Ma’muriy javobgarlik to‘g‘risidagi kodeksining 223, 2231, 2233-moddalari.
O‘zbekiston Respublikasi fuqarosining biometrik pasporti to‘g‘risidagi nizomga
1-ILOVA
1-ILOVA
| Hududiy ichki ishlar organining shtampi | | | | | | | | | | |||||
| | | | | | | | | | | | | | | |
| 20___ y. “____” _____________ _______________________-son |
| | | | | | | | | |||||
| | | | | | | | | | | | | | | |
|
MA’LUMOTNOMA | ||||||||||||||
| | | | | | | | | | | | | | | |
|
|
| | | | | | | | | | | | ||
| | | | | | | | | | | | | | | |
| |
Fuqaro________________________________________________________________________________ | |||||||||||||
| | Amal qilish muddati “______” ___________________ 20_____ y. | |||||||||||||
| | | | | | | | | | | | | | | |
| | TSHIIB MvaFRB boshlig‘i________________________________________________________________ | |||||||||||||
| | | | | | | | | | | | | | | |
| | | | | | | | | | | | | | | |
|
M.O‘. |
| | | | | | | | | | | | | |
O‘zbekiston Respublikasi fuqarosining biometrik pasporti to‘g‘risidagi nizomga
2-ILOVA
2-ILOVA
Oldingi tahrirga qarang.
| Hududiy ichki ishlar organining shtampi | | | | | | | | | | |||||
| | | | | | | | | | | | | | | |
| 20___ y. “____” _____________ _______________________-son | | | | | | | | | | |||||
| | | | | | | | | | | | | | | |
MA’LUMOTNOMA | ||||||||||||||
| | | | | | | | | | | | | | | |
| | | | | | | | | | | | | ||
| | | | | | | | | | | | | | | |
| | Chet el fuqarosi (fuqaroligi bo‘lmagan shaxs) ______________________________________________________________________________________ | |||||||||||||
| | (keraksizi o‘chirilsin) | |||||||||||||
| | ______________________________________________________________________________________ | |||||||||||||
| | milliy pasportning, xizmat pasportining, shaxsni tasdiqlovchi boshqa hujjatning yo‘qotilganligi haqida murojaat qildi. ____________________________________(keraksizi o‘chirilsin) Yuqoridagi shaxs haqiqatdan _____________________________________________________________da | |||||||||||||
| | | | | (migratsiya va fuqarolikni rasmiylashtirish bo‘limining nomi) | ||||||||||
| | 20____ y. “_____” __________________dan 20____ y. “_____” _______________gacha __________________________________________________-son milliy pasport (fuqaroligi yo‘q shaxsning guvohnomasi) bo‘yicha yashash joyi bo‘yicha ro‘yxatdan o‘tkazilgan. | |||||||||||||
| | | | | | | | | | | | | | | |
| | Amal qilish muddati “______” ___________________ 20_____ y. | |||||||||||||
| | | | | | | | | | | | | | | |
| | TSHIIB MvaFRB boshlig‘i________________________________________________________________ | |||||||||||||
| | | | | | | | | | | | | | | |
| | | | | | | | | | | | | | | |
M.O‘. | | | | | | | | | | | | | ||
(2-ilova O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
O‘zbekiston Respublikasi Prezidentining 2011-yil 5-yanvardagi PF-4262-sonli Farmoniga
2-ILOVA
2-ILOVA
O‘zbekiston Respublikasining fuqaroligi bo‘lmagan shaxslarining biometrik harakatlanish hujjati to‘g‘risidagi
NIZOM
I. Umumiy qoidalar
1. Fuqaroligi bo‘lmagan shaxslarning biometrik harakatlanish hujjati to‘g‘risidagi Nizom (keyingi o‘rinlarda — Nizom) fuqaroligi bo‘lmagan shaxslarning xorijga chiqishi uchun biometrik harakatlanish hujjatini rasmiylashtirish, berish, almashtirish tartibini belgilab beradi.
2. Ushbu Nizomda quyidagi asosiy tushunchalardan foydalaniladi:
fuqaroligi bo‘lmagan shaxsning biometrik harakatlanish hujjati (keyingi o‘rinlarda — harakatlanish hujjati) — O‘zbekiston Respublikasida doimiy yashovchi fuqaroligi bo‘lmagan shaxsning xorijda shaxsini tasdiqlovchi, harakatlanish hujjati egasining shaxsiy biografik ma’lumotlari va biometrik parametrlari kiritilgan elektron tashuvchi qurilma (chip)ga ega bo‘lgan hujjat;
personallashtirish — harakatlanish hujjati blankasiga uning egasi to‘g‘risidagi biografik ma’lumotlar va biometrik parametrlarni kiritish;
verifikatsiya — harakatlanish hujjatiga kiritilgan biometrik parametrlarning harakatlanish hujjati egasining biometrik parametrlari bilan mosligini mashina yordamida tekshirish;
konsullik muassasasi — O‘zbekiston Respublikasi diplomatik vakolatxonasining konsullik bo‘limi, O‘zbekiston Respublikasining xorijiy davlatda ta’sis etiladigan bosh konsulxonasi, konsulxonasi, vitse-konsulxonasi va konsullik agentligi;
konsullik ro‘yxati — tegishli konsullik okrugi hududiga kelgan fuqaroligi bo‘lmagan shaxsni xorijdagi O‘zbekiston Respublikasining konsullik muassasalari qoshida belgilangan tartibda qayddan o‘tkazish;
doimiy konsullik ro‘yxati — doimiy yashash uchun xorijga chiqish ruxsatnomasini belgilangan tartibda rasmiylashtirgan, O‘zbekiston Respublikasining xorijdagi konsullik muassasasi konsullik okrugi hududida doimiy yashayotgan fuqaroligi bo‘lmagan shaxsni qayddan o‘tkazish;
vaqtincha konsullik ro‘yxati — xorijga vaqtincha chiqish ruxsatnomasini belgilangan tartibda rasmiylashtirgan, O‘zbekiston Respublikasida doimiy yashovchi fuqaroligi bo‘lmagan shaxslarni O‘zbekiston Respublikasining xorijdagi konsullik muassasalari tomonidan qayddan o‘tkazish;
konsullik okrugi — konsullik muassasasiga konsullik vazifalarini bajarish uchun biriktirilgan bir yoki bir necha davlat hududi;
Oldingi tahrirga qarang.
ma’lumotlarni yig‘ish punkti — pasport olish uchun murojaat qilgan fuqarolarning biografik ma’lumotlarini va biometrik parametrlarini jamlash, ushbu ma’lumotlarni O‘zbekiston Respublikasi Adliya vazirligi huzuridagi Personallashtirish agentligiga (keyingi o‘rinlarda — Personallashtirish agentligi) topshirish hamda fuqarolarga biometrik parametrlarga ega pasportlar berish bo‘yicha vazifalarni bajaruvchi ichki ishlar organlarining migratsiya va fuqarolikni rasmiylashtirish bo‘linmalari, O‘zbekiston Respublikasi Tashqi ishlar vazirligining Konsullik-huquq departamenti, O‘zbekiston Respublikasining xorijdagi konsullik muassasalari;
(2-bandning o‘ninchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
harakatlanish hujjati olish uchun talabnoma — harakatlanish hujjati oluvchi haqida ma’lumotlarni yig‘ish punkti tomonidan shakllantirilgan biografik ma’lumotlar va biometrik parametrlarni o‘z ichiga olgan elektron hujjat (keyingi o‘rinlarda — talabnoma).
Oldingi tahrirga qarang.
Oldingi tahrirga qarang.
3. Fuqaroligi bo‘lmagan shaxs harakatlanish hujjati olish uchun yashash joyi bo‘yicha ro‘yxatdan o‘tkazilgan joyi bo‘yicha ma’lumotlarni yig‘ish punktiga murojaat qiladi.
(3-bandning birinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
Fuqaroligi bo‘lmagan shaxslarga harakatlanish hujjati besh yil muddatga beriladi.
Oldingi tahrirga qarang.
Bir yoshga to‘lmagan fuqaroligi bo‘lmagan shaxslarga harakatlanish hujjati ikki yil muddatga beriladi;
(3-bandning uchinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Harakatlanish hujjatining amal qilish muddati tugagach, shaxs uni ma’lumotlarni yig‘ish punktiga topshirishi shart.
Oldingi tahrirga qarang.
O‘zgalar yordamiga muhtoj qariyalar va nogironligi bo‘lgan shaxslarga harakatlanish hujjatini rasmiylashtirish va berish tegishli murojaat asosida belgilangan tartibda ushbu shaxslarning yashash yoki turgan joyiga borgan holda amalga oshiriladi.
(3-bandning beshinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
4. Harakatlanish hujjati blanki qat’iy hisobga olinadigan hujjat hisoblanadi.
Oldingi tahrirga qarang.
Harakatlanish hujjati blanklarini ishlab chiqarish “Davlat belgisi” Davlat ishlab chiqarish birlashmasida, harakatlanish hujjatini personallashtirish va yo‘q qilish — Personallashtirish agentligida, harakatlanish hujjatini egalariga berish — ma’lumotlarni yig‘ish punktlarida amalga oshiriladi.
(4-bandning ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
Harakatlanish hujjatlarini O‘zbekiston Respublikasi hududidagi ma’lumotlarni yig‘ish punktlariga yetkazib berish O‘zbekiston Respublikasi Vazirlar Mahkamasi tomonidan belgilangan tartibda O‘zbekiston Respublikasi Axborot texnologiyalari va kommunikatsiyalarini rivojlantirish vazirligining Davlat feldyegerlik xizmati (keyingi o‘rinlarda — DFX) tomonidan amalga oshiriladi.
(4-bandning uchinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Harakatlanish hujjatlarini xorijdagi ma’lumotlarni yig‘ish punktlariga va konsullik muassasalaridan O‘zbekiston Respublikasiga yetkazib berish belgilangan tartibda diplomatik pochta vositasi orqali amalga oshiriladi.
Oldingi tahrirga qarang.
5. O‘zbekiston Respublikasi hududida harakatlanish hujjati talabnoma Personallashtirish agentligiga jo‘natilganidan keyin ma’lumotlarni yig‘ish punktida o‘n ish kuni mobaynida, xorijda — o‘n besh ish kuni mobaynida beriladi.
(5-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
6. Harakatlanish hujjati belgilangan namuna bo‘yicha tayyorlanadi va o‘zbek hamda ingliz tillarida, Qoraqalpog‘iston Respublikasi uchun esa qoraqalpoq, o‘zbek va ingliz tillarida personallashtiriladi.
7. Harakatlanish hujjati blankasiga quyidagi asosiy ma’lumotlar kiritiladi:
harakatlanish hujjatini bergan davlatning nomi;
hujjatning nomi;
hujjatning turi;
harakatlanish hujjatini bergan davlatning kodi;
harakatlanish hujjatining raqami;
familiyasi, ismi, otasining ismi;
millati;
fuqaroligi;
tug‘ilgan sanasi;
tug‘ilgan joyi;
jinsi;
berilgan sanasi;
kim tomonidan berilgani;
personallashtiruvchi idora;
amal qilish muddati tugaydigan sana;
egasining raqamli surati;
egasi haqidagi mashina o‘qiydigan ma’lumotlar.
8. Chipga quyidagi ma’lumotlar kiritiladi:
harakatlanish hujjatining egasi to‘g‘risidagi biografik ma’lumotlar;
egasining raqamli surati;
Oldingi tahrirga qarang.
pasport egasining qo‘l barmoqlari izlari — 16 yoshga yetganidan keyin.
(8-bandning to‘rtinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
9. Harakatlanish hujjatiga:
Oldingi tahrirga qarang.
(9-bandning ikkinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoniga asosan chiqarilgan — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
hamrohlik qilayotgan shaxslar to‘g‘risidagi (16 yoshgacha bo‘lgan bolalar uchun);
O‘zbekiston Respublikasining Davlat chegarasidan o‘tish to‘g‘risidagi;
konsullik ro‘yxatiga olingani yoki konsullik ro‘yxatidan chiqarilgani to‘g‘risidagi;
xorijiy davlatlarga kirish uchun ruxsatnoma (viza) to‘g‘risidagi;
vaqtincha qayd to‘g‘risidagi;
ilgari qo‘yilgan qaydlarni bekor qilish to‘g‘risidagi ma’lumotlar kiritiladi.
Fuqaroligi bo‘lmagan shaxslarning roziligiga ko‘ra ularning harakatlanish hujjatlariga hujjat egasining qon guruhi va qaysi rezusga mansubligi to‘g‘risidagi qaydlar kiritiladi.
10. Harakatlanish hujjatiga:
Oldingi tahrirga qarang.
ichki ishlar organlari bo‘linmalari tomonidan — hamrohlik qiluvchi shaxslar (16 yoshgacha bo‘lgan bolalar uchun) haqidagi, turgan joyi bo‘yicha ro‘yxatdan o‘tkazilganligi haqidagi, ilgari qo‘yilgan qaydlarni bekor qilish haqidagi;
(10-bandning ikkinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
chegara nazorati bo‘linmalari tomonidan — O‘zbekiston Respublikasining Davlat chegarasidan o‘tganlik holati haqidagi va ilgari qo‘yilgan qaydlarni bekor qilish haqidagi;
sog‘liqni saqlash muassasalari tomonidan — qon guruhi va qaysi rezusga mansubligi haqidagi;
Oldingi tahrirga qarang.
O‘zbekiston Respublikasining konsullik muassasalari tomonidan — konsullik ro‘yxatiga olish yoki konsullik ro‘yxatidan chiqarish haqidagi, hamrohlik qiluvchi shaxslar haqidagi (16 yoshga to‘lmagan bolalar uchun), ilgari qo‘yilgan qaydlarni bekor qilish haqidagi;
(10-bandning beshinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
xorijiy davlatlarning diplomatik vakolatxonalari va konsullik muassasalari tomonidan — xorijiy davlatlarga kirish ruxsatnomalari (vizalar) haqidagi qaydlar kiritiladi.
Harakatlanish hujjatiga ushbu Nizomda nazarda tutilmagan yozuv va qaydlarni kiritish taqiqlanadi.
II. Harakatlanish hujjatini rasmiylashtirish, berish va undan foydalanish tartibi
11. Harakatlanish hujjati quyidagi hollarda rasmiylashtiriladi va beriladi:
fuqaroligi bo‘lmagan shaxs xorijga chiqayotganda;
fuqaroligi bo‘lmagan shaxslar uchun O‘zbekiston Respublikasi harakatlanish hujjatlari bilan hujjatlashtirilgan shaxslarning farzandi O‘zbekiston Respublikasidan tashqarida tug‘ilganida;
amal qilish muddati tugaganida;
shaxsning familiyasi, ismi, otasining ismi, millati, tug‘ilgan sanasi o‘zgarganida;
yozuvlarda noaniqliklar va xatolar mavjudligi aniqlanganda;
alohida ma’lumotlar yoki vizalar uchun mo‘ljallangan betlari ishlatilib bo‘linganida;
Oldingi tahrirga qarang.
sud ajrimi bilan harakatlanish hujjatining amal qilishi to‘xtatilganida;
(11-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoniga asosan sakkizinchi xatboshi bilan to‘ldirilgan — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
harakatlanish hujjati blankasi yaroqsiz holga kelganida;
harakatlanish hujjati yo‘qotib qo‘yilganida.
Harakatlanish hujjati egasining familiyasi, ismi, otasining ismi, millati, tug‘ilgan sanasi o‘zgarganligi yoki yozuvlarda noaniqliklar mavjudligi aniqlanganligi munosabati bilan almashtirilayotganda, fuqaroligi bo‘lmagan shaxs ma’lumotlarni yig‘ish punktiga ushbu holatlarni tasdiqlovchi hujjatlarni taqdim etadi.
Agar fuqaroligi bo‘lmagan shaxs O‘zbekiston Respublikasidan tashqariga chiqayotganida harakatlanish hujjatining amal qilish muddati bir yildan kamroq vaqtni tashkil etsa, ushbu hujjat almashtirilishi mumkin.
Oldingi tahrirga qarang.
Oldingi tahrirga qarang.
12. O‘zbekiston Respublikasi hududida doimiy yashovchi fuqaroligi bo‘lmagan shaxs harakatlanish hujjatini olish va almashtirish uchun o‘zi yashash joyi bo‘yicha ro‘yxatdan o‘tkazilgan joydagi ma’lumotlarni yig‘ish punktiga quyidagilarni taqdim etadi:
(12-bandning birinchi xatboshisi O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
belgilangan shakldagi ariza;
ilgari berilgan harakatlanish hujjati;
Oldingi tahrirga qarang.
fuqaroligi bo‘lmagan shaxsning O‘zbekiston Respublikasida istiqomat qilishi uchun berilgan guvohnomasi yoki ID-kartasi;
(12-bandning to‘rtinchi xatboshisi O‘zbekiston Respublikasi Prezidentining 2022-yil 20-apreldagi PF-112-sonli Farmoni tahririda — Qonunchilik ma’lumotlari milliy bazasi, 20.04.2022-y., 06/22/112/0326-son)
tug‘ilganlik haqida guvohnoma (16 yoshga to‘lmagan shaxslar uchun);
ota-onalar, vasiylar (homiylar)ning fuqaroligi bo‘lmagan shaxsga (voyaga yetmaganlar uchun) xorijga chiqishi uchun notarial tasdiqlangan roziligi;
fuqaroligi bo‘lmagan shaxsga (voyaga yetmaganlar uchun) hamrohlik qiluvchi shaxsning notarial tasdiqlangan majburiyati;
35 x 45 mm o‘lchamdagi 2 ta fotosurat;
davlat boji to‘langanligi haqida kvitansiya.
15 yoshdan 18 yoshgacha bo‘lgan fuqaroligi bo‘lmagan shaxslar ota-onalar, vasiylar (homiylar)ning voyaga yetmagan shaxsning mustaqil ravishda xorijga chiqishiga notarial tasdiqlangan roziligi bo‘lgan taqdirda xorijga kuzatuvchisiz chiqishi mumkin.
(12-band O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Oldingi tahrirga qarang.
13. O‘zbekiston Respublikasining xorijdagi konsullik muassasalarida doimiy va vaqtincha konsullik ro‘yxatiga olingan fuqaroligi bo‘lmagan shaxslar ushbu Nizomning 11-bandida ko‘rsatilgan hollarda harakatlanish hujjatini olish uchun ma’lumotlarni yig‘ish punktiga quyidagi hujjatlarni taqdim etadilar:
belgilangan shakldagi ariza;
ilgari berilgan harakatlanish hujjati;
tug‘ilganlik haqida guvohnoma (birinchi marta harakatlanish hujjatini olishda);
35 x 45 mm o‘lchamdagi 2 ta fotosurat;
harakatlanish hujjati yo‘qotib qo‘yilganligi to‘g‘risida ma’lumotnoma (u yo‘qotib qo‘yilganda);
fuqaroligi bo‘lmagan shaxsga (voyaga yetmaganlar uchun) hamrohlik qiluvchi shaxsning notarial tasdiqlangan majburiyati;
konsullik yig‘imi va haqiqatda qilingan xarajatlarni qoplash hisobiga yig‘imlar to‘langanligi to‘g‘risida kvitansiya.
(13-band O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Oldingi tahrirga qarang.
131. Voyaga yetmagan fuqaroligi bo‘lmagan shaxsga harakatlanish hujjatini rasmiylashtirishda quyidagi hollarda ota-onalardan birining roziligi talab qilinmaydi:
ota-onaning biri vafot etganida (vafot etganlik to‘g‘risidagi guvohnomaning nusxasi taqdim etilgan taqdirda);
fuqarolik holati dalolatnomalarini yozish organi tomonidan berilgan yolg‘iz ona to‘g‘risidagi ma’lumotnoma mavjud bo‘lganda;
agar bolaning ota-onasidan biri chet el fuqarosi bo‘lsa;
ota-onalardan biri sud tomonidan ota-onalik huquqidan mahrum qilinganida (sud qarorining nusxasi taqdim etilgan taqdirda);
ota-onalardan biri sud tomonidan bedarak yo‘qolgan deb topilganda (sud qarorining nusxasi taqdim etilgan taqdirda);
ota-onalardan biri sud tomonidan muomalaga layoqatsiz deb topilganda (sud qarorining nusxasi taqdim etilgan taqdirda);
agar ota-onalardan biri O‘zbekiston Respublikasi hududidan o‘chirilganda va xorijda doimiy yashayotganda.
Ushbu masala yuzasidan ota-onalar yoki ularning o‘rnini bosuvchi shaxslar o‘rtasida chiqqan har qanday nizolar sud tartibida hal qilinadi.
Ota-onalardan biri o‘z bolasining xorijga chiqishiga rozi bo‘lmagan taqdirda, uning xorijga chiqish huquqini cheklash uchun sudga murojaat qilish huquqiga ega.
16 yoshga to‘lmagan shaxslar nomidan ularning ota-onalari, vasiylari (homiylari), ushbu shaxslarni xorijga yuborayotgan tashkilotlarning vakillari tegishli arizalar bilan murojaat qiladilar.
(131-band O‘zbekiston Respublikasi Prezidentining 2019-yil 28-noyabrdagi PF-5885-sonli Farmoniga asosan kiritilgan — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Oldingi tahrirga qarang.
14. Ma’lumotlarni yig‘ish punkti taqdim etilgan hujjatlar asosida arizachining biografik ma’lumotlarini, elektron ko‘rinishdagi (16 yoshdan katta shaxslar uchun) qo‘l barmoq izlarini yig‘adi, shaxsni old tomonidan raqamli formatda suratga oladi va harakatlanish hujjatini rasmiylashtirish uchun talabnoma tuzib, so‘ng Personallashtirish agentligiga jo‘natadi.
(14-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
15. Agar fuqaroligi bo‘lmagan shaxs qo‘l barmoq izlari olinishidan bosh tortsa va ko‘zoynakda yoki bosh kiyimda suratga tushish istagidan qaytmasa, ma’lumotlarni yig‘ish punkti unga harakatlanish hujjati rasmiylashtirishni rad etish huquqiga ega.
Oldingi tahrirga qarang.
16. Ma’lumotlarni yig‘ish punkti fuqaroligi bo‘lmagan shaxsga yangi harakatlanish hujjati berish chog‘ida ilgari berilgan hujjatni olib qo‘yadi va uni yo‘q qilish uchun Personallashtirish agentligiga jo‘natadi.
(16-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
17. Personallashtirish agentligi fuqaroligi bo‘lmagan shaxsning tayyor harakatlanish hujjatini DFX orqali hujjat rasmiylashtirish uchun talabnoma jo‘natgan ma’lumotlarni yig‘ish punktiga yoki diplomatik kanallar orqali ma’lumotlarni yig‘ish punktlariga yetkazib berish uchun O‘zbekiston Respublikasi Tashqi ishlar vazirligiga topshiradi. Ma’lumotlarni yig‘ish punktlari esa harakatlanish hujjatlarini egalariga berishni ta’minlashlari kerak.
(17-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
171. 16 yoshga to‘lmagan fuqaroligi bo‘lmagan shaxslarning harakatlanish hujjati ularning ota-onalariga, vasiylari (homiylari)ga, harakatlanish hujjati berish haqida ariza bilan murojaat qilgan tashkilotlarning vakillariga beriladi.
(171-band O‘zbekiston Respublikasi Prezidentining 2019-yil 28-noyabrdagi PF-5885-sonli Farmoniga asosan kiritilgan — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
18. O‘zbekiston Respublikasining xorijdagi konsullik muassasalarida doimiy konsullik ro‘yxatiga olingan va vaqtincha O‘zbekiston Respublikasida bo‘ladigan fuqaroligi bo‘lmagan shaxslar ushbu Nizomning 11-bandida ko‘rsatilgan hollarda harakatlanish hujjatini olish va almashtirish uchun ushbu Nizomning 13-bandida ko‘rsatilgan hujjatlar bilan O‘zbekiston Respublikasi Tashqi ishlar vazirligiga murojaat etadilar.
Oldingi tahrirga qarang.
19. Xorijga doimiy yashash uchun belgilangan tartibda chiqqan, ammo O‘zbekiston Respublikasining konsullik muassasasida konsullik ro‘yxatiga olinmagan va O‘zbekiston Respublikasida bo‘lgan paytlarida harakatlanish hujjatlarini yo‘qotib qo‘ygan fuqaroligi bo‘lmagan shaxslar so‘nggi yashash joyi bo‘yicha ro‘yxatdan o‘tkazilgan joylaridagi ma’lumotlarni yig‘ish punktlariga murojaat etadilar.
(19-band O‘zbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik ma’lumotlari milliy bazasi, 10.06.2026-y., 06/26/109/0580-son)
20. Agar fuqaroligi bo‘lmagan shaxs kelgan mamlakatda O‘zbekiston Respublikasining konsullik muassasasi bo‘lmasa, u O‘zbekiston Respublikasining mazkur mamlakat konsullik okrugiga kiradigan xorijdagi konsullik muassasasiga murojaat etadi.
21. Fuqaroligi bo‘lmagan shaxs harakatlanish hujjatini ehtiyot qilib saqlashi shart.
Fuqaroligi bo‘lmagan shaxs harakatlanish hujjatini O‘zbekiston Respublikasi hududida yo‘qotib qo‘ygan taqdirda bu haqda o‘z vaqtida uni bergan ma’lumotlarni yig‘ish punktiga xabar berishi lozim. Mazkur ma’lumotlarni yig‘ish punkti qonunda nazarda tutilgan choralarni ko‘rganidan keyin unga ushbu Nizomda ko‘zda tutilgan tartibda yangi harakatlanish hujjatini beradi.
Oldingi tahrirga qarang.
22. Fuqaroligi bo‘lmagan shaxslar boshqa davlat fuqaroligini olgan taqdirda harakatlanish hujjatini keyin Personallashtirish agentligiga yo‘q qilish maqsadida topshirish uchun o‘zlari kelgan joydagi ma’lumotlarni yig‘ish punktiga topshirishlari shart.
(22-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
23. Topib olingan harakatlanish hujjati ichki ishlar organlariga yoki O‘zbekiston Respublikasining xorijdagi konsullik muassasasiga topshirilishi lozim.
(23-band O‘zbekiston Respublikasi Prezidentining 2018-yil 1-iyundagi PF-5454-sonli Farmoni tahririda — Qonun hujjatlari ma’lumotlari milliy bazasi, 01.06.2018-y., 06/18/5454/1290-son)
Oldingi tahrirga qarang.
24. Vafot etgan shaxsning harakatlanish hujjati fuqarolik holatlari dalolatnomalarini yozish idorasiga topshiriladi. Ushbu idora esa hujjatni yo‘q qilish maqsadida Personallashtirish agentligiga topshirish uchun ma’lumotlarni yig‘ish punktiga jo‘natadi.
Xorijda vafot etgan fuqaroligi bo‘lmagan shaxsning harakatlanish hujjati O‘zbekiston Respublikasining konsullik muassasasi tomonidan O‘zbekiston Respublikasi Tashqi ishlar vazirligiga jo‘natiladi. Ushbu vazirlik esa hujjatni yo‘q qilish uchun Personallashtirish agentligiga yuboradi.
(24-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
25. Hibsga olingan yoki ozodlikdan mahrum etishga hukm qilingan fuqaroligi bo‘lmagan shaxsning harakatlanish hujjati surishtiruv, tergov idoralari yoki sud tomonidan olib qo‘yiladi. Agar shaxs sudning hukmi bilan qamoqda qoldirilsa, uning harakatlanish hujjati O‘zbekiston Respublikasi Ichki ishlar vazirligi Jazoni ijro etish bosh boshqarmasiga jo‘natiladi.
(25-bandning birinchi xatboshisi O‘zbekiston Respublikasi Prezidentining 2017-yil 10-maydagi PF-5040-sonli Farmoni tahririda — O‘zbekiston Respublikasi qonun hujjatlari to‘plami, 2017-y., 19-son, 334-modda)
Shaxs qamoqdan ozod etilganida yoki jazo muddatini o‘tab bo‘lgach, unga harakatlanish hujjati tergov, sud idoralari yoki jazoni ijro etish muassasasi ma’muriyati tomonidan qaytariladi.
Hibsga olingan yoki ozodlikdan mahrum etishga hukm qilingan shaxslarning tergov, sud idoralarida yoki jazoni ijro etish muassasasi ma’muriyatida saqlanayotgan muddati o‘tgan harakatlanish hujjatlari ushbu Nizomda belgilangan tartibda yo‘q qilish uchun ma’lumotlarni yig‘ish punktiga jo‘natiladi.
26. Tekshirish, verifikatsiya (solishtirib o‘qish) jarayonida noaniqliklar yoki chegara (migratsiya) belgilari, xorijiy vizalar, ruxsatnoma yozuvlari qalbakilashtirilgani alomatlari aniqlangan, belgilangan tartibda haqiqiy emas deb topilgan harakatlanish hujjatlari tegishli vazirliklar va idoralarga jo‘natish uchun chegara nazorati bo‘linmalari tomonidan olib qo‘yilishi mumkin.
27. Ushbu Nizomning 16, 25 va 26-bandlarida ko‘zda tutilgan xollardan tashqari fuqaroligi bo‘lmagan shaxslardan harakatlanish hujjatlarini olib qo‘yish taqiqlanadi.
Majburiyatni bajarish maqsadida harakatlanish hujjatini garov sifatida qabul qilish va topshirish taqiqlanadi.
28. Harakatlanish hujjati:
amal qilish muddati tugaganida;
harakatlanish hujjati blankasi yaroqsiz holga kelganida;
Oldingi tahrirga qarang.
sud ajrimi bilan amal qilishi to‘xtatib turilganida;
(28-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoniga asosan to‘rtinchi xatboshi bilan to‘ldirilgan — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
egasi biror-bir davlat fuqaroligini qabul qilganida;
uni rasmiylashtirish chog‘ida ataylab yolg‘on ma’lumotlar taqdim qilinganida o‘z kuchini yo‘qotadi.
Oldingi tahrirga qarang.
29. Ushbu Nizom talablarini amalga oshirish uchun zarur bo‘lgan shtamplar va blankalar namunalari tegishli ravishda O‘zbekiston Respublikasi Ichki ishlar, Tashqi ishlar, Sog‘liqni saqlash vazirliklari va Davlat xavfsizlik xizmati tomonidan tasdiqlanadi.
(29-band O‘zbekiston Respublikasi Prezidentining 2018-yil 5-iyundagi PF-5456-sonli Farmoni tahririda — Qonun hujjatlari ma’lumotlari milliy bazasi, 07.06.2018-y., 06/18/5456/1316-son)
Oldingi tahrirga qarang.
30. Harakatlanish hujjatini berish uchun O‘zbekiston Respublikasining qonunchilik hujjatlarida belgilangan miqdorda davlat boji yoki konsullik yig‘imlari undiriladi.
Jazoni ijro etish muassasasida jazoni o‘tab chiqqan, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi oqibatida harakatlanish hujjati yo‘qolganligi yoki yaroqsiz holga kelganligi to‘g‘risida ariza bilan murojaat etgan shaxs javobgarlikka tortilmaydi.
Bunda, jazoni ijro etish muassasasida jazoni o‘tab chiqqan shaxs bu holatni tasdiqlovchi tegishli hujjatni arizaga ilova qiladi, tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun mo‘ljallanmagan joylarning yong‘ini, qulashi, transport vositalarining yonishi) yuz berganligi holatini tasdiqlash zarurati bo‘lganda, ichki ishlar organlarining migratsiya va fuqarolikni rasmiylashtirish bo‘limlari tomonidan so‘rov asosida qonunchilik hujjatlarida belgilangan vakolatli idoralardan ma’lumotnoma olinadi.
(30-band O‘zbekiston Respublikasi Prezidentining 2022-yil 20-apreldagi PF-112-sonli Farmoni tahririda — Qonunchilik ma’lumotlari milliy bazasi, 20.04.2022-y., 06/22/112/0326-son)
LexUZ sharhiQarang: O‘zbekiston Respublikasining “Davlat boji to‘g‘risida”gi Qonuni, Vazirlar Mahkamasining 2023-yil 29-apreldagi 171-son “O‘zbekiston Respublikasi Favqulodda vaziyatlarning oldini olish va bunday vaziyatlarda harakat qilish davlat tizimi faoliyatini samarali tashkil etish chora-tadbirlari to‘g‘risida”gi qarori.
Oldingi tahrirga qarang.
II1. Sud ajrimi bilan amal qilishi to‘xtatib turilgan harakatlanish hujjati o‘rniga yangi harakatlanish hujjati berish tartibi
301. Qidiruvda bo‘lgan ayblanuvchi yoki sudlanuvchi respublika hududida ushlangan taqdirda sud ajrimi bilan amal qilishi to‘xtatib turilgan harakatlanish hujjati ichki ishlar organlari yoki chegara nazorati bo‘linmalari tomonidan ma’lumotlarni yig‘ish punktiga yo‘q qilish uchun jo‘natish maqsadida olib qo‘yiladi va unga harakatlanish hujjati olib qo‘yilganligi haqida dalolatnoma beriladi.
302. Vaqtincha xorijda bo‘lgan sud ajrimi bilan harakatlanish hujjatining amal qilishi to‘xtatib turilgan ayblanuvchi yoki sudlanuvchi O‘zbekiston Respublikasiga qaytish guvohnomasini olish uchun O‘zbekiston Respublikasining konsullik muassasasiga murojaat etganda uning harakatlanish hujjati olib qo‘yiladi va unga bu haqida dalolatnoma beriladi. Olib qo‘yilgan harakatlanish hujjati yo‘q qilish uchun O‘zbekiston Respublikasi Tashqi ishlar vazirligi orqali ma’lumotlarni yig‘ish punktiga yuboriladi.
303. Sud ajrimi bilan harakatlanish hujjatining amal qilishi to‘xtatib turilgan ayblanuvchiga yoki sudlanuvchiga yangi harakatlanish hujjati ma’lumotlarni yig‘ish punkti tomonidan ushbu bandda ko‘rsatib o‘tilgan hujjatlar taqdim etilgan kundan boshlab o‘n kun ichida beriladi.
Yangi harakatlanish hujjatini olish uchun quyidagi hujjatlar taqdim etilishi lozim:
belgilangan shakldagi ariza;
protsessual majburlov chorasi bekor qilinganligi haqida tasdiqlangan qaror nusxasi;
davlat boji to‘langanligi haqida kvitansiya.
Sud ajrimi bilan harakatlanish hujjatining amal qilishi to‘xtatib turilgan ayblanuvchi yoki sudlanuvchi pasport tizimi qoidalarini buzganlik uchun ma’muriy javobgarlikka tortilmaydi.
304. Tergov hibsxonalari yoki vaqtincha saqlash hibsxonalarida saqlanayotgan shaxsga yangi harakatlanish hujjatini rasmiylashtirish ushbu shaxslar saqlanayotgan joyga borgan holda amalga oshiriladi.
(II1-bo‘lim O‘zbekiston Respublikasi Prezidentining 2021-yil 26-yanvardagi PF-6146-sonli Farmoniga asosan kiritilgan — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
III. Konsullik ro‘yxati
31. Belgilangan tartibda xorijga doimiy yashash uchun chiqqan, shuningdek vaqtincha xorijda bo‘ladigan fuqaroligi bo‘lmagan shaxslar O‘zbekiston Respublikasining xorijdagi konsullik muassasalarida doimiy yoki vaqtincha konsullik ro‘yxatida turishlari shart.
32. Xorijga doimiy yashash uchun chiqqan va xorijga doimiy yashash uchun chiqishlarini belgilangan tartibda rasmiylashtirgan fuqaroligi bo‘lmagan shaxslar doimiy konsullik ro‘yxatiga olinadilar.
Oldingi tahrirga qarang.
33. Xorijga xizmat safari, o‘qish, davolanish, ishlash va o‘z oilasi bilan birlashish maqsadida chiqib ketgan va xorijga vaqtincha chiqishlarini o‘rnatilgan tartibda rasmiylashtirgan fuqaroligi bo‘lmagan shaxslar vaqtincha konsullik ro‘yxatiga olinadilar.
(33-bandning birinchi xatboshisi O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
Fuqaroligi bo‘lmagan shaxs o‘zi borayotgan mamlakatga qonuniy tarzda va olti oydan ortiq vaqtga kelgan taqdirda, u vaqtincha konsullik ro‘yxatiga olinadi.
34. Agar fuqaroligi bo‘lmagan shaxslar doimiy yashash, shuningdek ish, o‘qish yoki xizmat safari joyi o‘zgarishi munosabati bilan olti oydan ortiq muddatga O‘zbekiston Respublikasining boshqa konsullik muassasasining konsullik okrugi hududiga ko‘chib o‘tishsa, ilgari turgan joylaridagi konsullik ro‘yxatidan (doimiy, vaqtincha) chiqishlari va yangi kelgan joylarida konsullik ro‘yxatiga turishlari lozim.
Oldingi tahrirga qarang.
35. Doimiy konsullik ro‘yxatiga olish uchun O‘zbekiston Respublikasining qonun hujjatlarida belgilangan miqdorda konsullik yig‘imlari undiriladi.
(35-band O‘zbekiston Respublikasi Prezidentining 2019-yil 28-noyabrdagi PF-5885-sonli Farmoni tahririda — Qonun hujjatlari ma’lumotlari milliy bazasi, 29.11.2019-y., 06/20/5885/0067-son)
LexUZ sharhiQarang: O‘zbekiston Respublikasi Tashqi ishlar vazirligi, O‘zbekiston Respublikasi Moliya vazirligining 2021-yil 25-fevraldagi 61, 10-sonli qarori bilan tasdiqlangan Konsullik harakatlarini bajarish bilan bog‘lik haqiqiy xarajatlarning o‘rnini qoplash hisobidan yig‘imlar undirish va kelib tushgan pul mablag‘laridan foydalanish xamda konsullik yig‘imlari tarifini AQSH dollari kursiga nisbatan qayta hisoblash tartibi to‘g‘risidagi nizom (ro‘yxat raqami 3291, 27.03.2021-y.).
36. Fuqaroligi bo‘lmagan shaxslarning konsullik ro‘yxatiga olish va konsullik ro‘yxatidan chiqarish to‘g‘risidagi arizalarining, ularni konsullik ro‘yxatiga olish va konsullik ro‘yxatidan chiqarishga taalluqli qayd qilish kitoblari va boshqa hujjatlarning shakllari O‘zbekiston Respublikasi Tashqi ishlar vazirligi tomonidan belgilanadi.
IV. Fuqaroligi bo‘lmagan shaxsning harakatlanish hujjatidan foydalanish qoidalarini buzganlik uchun javobgarlik
37. Qonun hujjatlarida quyidagilar uchun javobgarlik belgilanadi:
fuqaroligi bo‘lmagan shaxsning haqiqiy bo‘lmagan harakatlanish hujjatidan foydalanganligi, harakatlanish hujjatini ataylab yaroqsiz holga keltirganligi, shuningdek uni ehtiyot qilib saqlamaganligi oqibatida yo‘qotib qo‘yganligi;
fuqaroligi bo‘lmagan shaxslar o‘zlarining harakatlanish hujjatlaridan g‘arazli maqsadlari yo‘lida foydalanganligi, so‘ng ularni yo‘qotib qo‘yganligi to‘g‘risida ariza berganligi, shuningdek boshqa shaxslarga tegishli harakatlanish hujjatlaridan foydalanganligi;
g‘arazli yoki boshqa maqsadlarda harakatlanish hujjatiga egalik qilganligi, uni yo‘q qilganligi, yaroqsiz holga keltirganligi, yashirganligi.
LexUZ sharhiQarang: O‘zbekiston Respublikasi Ma’muriy javobgarlik to‘g‘risidagi kodeksining 223, 2231, 2233-moddalari.
(O‘zbekiston Respublikasi qonun hujjatlari to‘plami, 2011-y., 1-2-son, 2-modda; 2017-y., 19-son, 334-modda; Qonun hujjatlari ma’lumotlari milliy bazasi, 01.06.2018-y., 06/18/5454/1290-son, 07.06.2018-y., 06/18/5456/1316-son; 31.10.2018-y., 06/20/5567/0802-son; 30.08.2018-y., 06/18/5528/1812-son; 19.11.2018-y., 06/20/5578/0984-son; 29.11.2019-y., 06/20/5885/0067-son; Qonunchilik ma’lumotlari milliy bazasi, 27.01.2021-y., 06/21/6146/0065-son; 20.04.2022-y., 06/22/112/0326-son; 25.05.2024-y., 06/24/80/0364-son; 10.06.2026-y., 06/26/109/0580-son)
