C‎

S‎

1

2‎

3‎

4‎

5‎

9‎

CCCCC
‎I
‎I
‎I
‎I
‎I
‎I
‎I
‎I
‎I
‎I

KK
‎I
‎I
‎I
‎I
‎I
‎I
‎I
‎I

SSSSSS‎‎‎
‎I
‎I
‎I
‎I
‎I
‎I

NN
‎I
‎I
‎I
‎I
‎I

Hisobvaraqning tartib raqami

Kredit uyushmasi aʼzosining kodi

Nazorat kaliti

Balans hisobvaragʻi‎

‎

55801‎

—‎

Qimmatli qogʻozlarga qilingan investitsiyani sotish yoki dispozitsiya qilishdan koʻrilgan zararlar‎

Ushbu hisobvaraqda kredit uyushmasining xazinasidagi, kirim va chiqim kassalaridagi saralangan va saralanmagan naqd pullarni ham hisobga olgan holda, banknot va tanga koʻrinishidagi naqd pul mablagʻlarining hisobi yuritiladi.
‎Kassa operatsiyalarini amalga oshirish tartibi Oʻzbekiston Respublikasi Markaziy banki tomonidan tartibga solinadi.
‎Hisobvaraqning debetida kredit uyushmasining kassasiga kirim qilingan mablagʻlarining tushumi aks ettiriladi.
‎Hisobvaraqning kreditida kredit uyushmasi kassasidan mablagʻlar toʻlovlari, shuningdek, limitdan yuqori boʻlgan pul mablagʻlarining xizmat koʻrsatuvchi bankka topshirilishi aks ettiriladi.
‎Tahliliy hisob bitta shaxsiy hisobvaraqda olib boriladi.
‎

Olish uchun hisoblangan, biroq shartnoma muddatida toʻlanmagan foizlar

Ushbu hisobvaraqda olinishi lozim boʻlgan hisoblangan, lekin shartnoma boʻyicha muddatida toʻlanmagan foizlar hisobi olib boriladi.
‎Hisobvaraqning debetida olinishi lozim boʻlgan hisoblangan, lekin shartnoma boʻyicha muddatida toʻlanmagan foizlar summasi aks ettiriladi.
‎Hisobvaraqning kreditida toʻlangan (qoplangan) yoki hisobdan chiqarilgan foizlar summasi, shuningdek, notoʻgʻri hisoblangan foizlarning qaytarilish summasi aks ettiriladi.
‎Tahliliy hisob har bir aktiv va qarzdor boʻyicha shartnomalar kesimida alohida shaxsiy hisobvaraqlarda olib boriladi.‎
‎

Boshqa olinishi lozim boʻlgan hisoblangan foizlar (vositachilik haqi)
‎Ushbu hisobvaraqda boshqa olinishi lozim boʻlgan hisoblangan foizlar (shu jumladan vositachilik haqlari) hisobi yuritiladi.
‎Hisobvaraqning debetida hisoblangan, lekin hali olinmagan foizlar (vositachilik haqlari) summasi aks ettiriladi.
‎Hisobvaraqning kreditida toʻlangan (qoplangan) yoki hisobdan chiqarilgan foizlar (vositachilik haqlari), shuningdek, notoʻgʻri hisoblangan foizlarni (vositachilik haqlarini) qaytarish summasi aks ettiriladi.
‎Tahliliy hisob majburiyatlar turi boʻyicha alohida shaxsiy hisobvaraqlarda olib boriladi.
‎

Yer
‎Ushbu hisobvaraqda qonun hujjatlariga muvofiq, kredit uyushmalariga foydalanish uchun berilgan yoki foydalanish huquqi bilan sotib olingan yer qiymati hisobi olib boriladi. Yerni sotib olishda qoʻshimcha xarajatlar, yaʼni koʻchmas mulk boʻyicha vositachilik haqlari, yuridik xizmat toʻlovlari, sotib olishdagi soliqlar, erni tozalash va tekislash, drenaj qiymatlari ham erning qiymati singari hisobvaraqning debetida aks ettiriladi.
‎Hisobvaraqning debetida sotib olingan erning yer kadastri maʼlumotlariga koʻra qiymati aks ettiriladi.
‎‎Hisobvaraqning kreditida hisobdan chiqarilgan yer qiymati aks ettiriladi.
‎‎Tahliliy hisob har bir yer maydoni boʻyicha alohida shaxsiy hisobvaraqlarda olib boriladi.‎‎
‎

Tugallanmagan qurilish
‎Ushbu hisobvaraqda binolarni, inshootlarni qurish, jihozlarni oʻrnatish va boshqa asosiy vositalar bilan bogʻliq boʻlgan barcha xarajatlar qiymati hisobi yuritiladi.
‎Hisobvaraqning debetida asosiy vositalarni qayta qurish yoki qayta tiklash, qurilish bilan bogʻliq boʻlgan barcha xarajatlar aks ettiriladi.
‎Hisobvaraqning kreditida nihoyasiga yetkazilgan qurilish yoki qayta qurish aks ettiriladi.
‎Tahliliy hisob asosiy vositalar turi (obyektlari) boʻyicha alohida shaxsiy hisobvaraqlarda olib boriladi.
‎

Binolar va boshqa qurilishlar
‎Ushbu hisobvaraqda kredit uyushmasining faoliyati va toʻliq ish yuritishi uchun zarur boʻlgan, unga tegishli binolar, inshootlar va boshqa qurilishlarning (xizmat binolari, ombor, garaj, oshxona, oʻquv markazi, ijtimoiy infratuzilma obyektlarining) qiymati hisobi yuritiladi. Mustaqil iqtisodiy ahamiyatga ega boʻlgan alohida turgan har bir bino yoki qurilish inventar obyekti hisoblanadi.
‎Hisobvaraqning debetida qurilgan bino va boshqa inshootlarning qiymati, qurilishga haqiqatda ketgan xarajatlardan kelib chiqib yoki sotib olingan bino va inshootlar qiymati toʻlangan va qaytarilmaydigan soliqlarni (yigʻimlarni) inobatga olib, shuningdek, bino va inshootlarni ish holatiga keltirish bilan bogʻliq yetkazib berish, montaj, oʻrnatish va ekspluatatsiyaga topshirish boʻyicha chiqimlar va boshqa chiqimlar qiymati aks ettiriladi.
‎Hisobvaraqning kreditida (realizatsiya, hisobdan chiqarish, almashtirish, toʻliq eskirish, begʻaraz yordam sifatida berish va boshqalar natijasida) hisobdan chiqarilgan bino va qiymati aks ettiriladi.
‎Tahliliy hisob har bir bino va inshoot boʻyicha alohida shaxsiy hisobvaraqlarda olib boriladi.
‎‎

Binolar va boshqa qurilishlarning yigʻilgan eskirish summasi (kontr-aktiv)

Ushbu hisobvaraqda bino va boshqa qurilishlarning yigʻilgan eskirish summasi hisobi yuritiladi. Eskirish qonun hujjatlarida belgilangan eskirish meʼyorlari va eskirishni hisoblash qoʻllanmasiga asosan har oy hisoblanadi.

Hisobvaraqning kreditida kredit uyushmasiga tegishli boʻlgan bino va boshqa qurilishlarning yigʻilgan eskirish summasi aks ettiriladi.

Hisobvaraqning debetida hisobdan chiqarilgan bino va boshqa qurilishlarning yigʻilgan eskirish summasi aks ettiriladi.

Obyektlarni ijaraga olish va uni takomillashtirish
‎Ushbu hisobvaraqda kredit uyushmasi tomonidan uzoq muddatli ijaraga olingan asosiy vositalarning (bino, er, transport va boshqalarning) va ijara boʻyicha foydalanilayotgan ijara mulkini takomillashtirish xarajatlari hisobi olib boriladi.
‎Hisobvaraqning debetida ijaraga olingan obyektlarning ijaraga olish huquqi bilan bogʻliq barcha xarajatlarni hisobga olgan holdagi qiymati, shuningdek, ijaraga olinadigan obyektlarni rekonstruksiyalash va takomillashtirish bilan bogʻliq qiymati va qayta baholash natijasida kiritilgan tuzatishlar aks ettiriladi.
‎Hisobvaraqning kreditida ijaraga olingan asosiy vositalarning ijara muddati tugagach yoki ijara huquqi bekor qilingan taqdirda ijaraga beruvchiga qaytarilgan yoki asosiy vositalarning ijara muddati tugagandan keyin kredit uyushmasi tomonidan sotib olingan va sotilgan va/yoki qayta tasniflangan ijaraga olingan mulkni takomillashtirish bilan bogʻliq qiymati va qayta baholash natijasida kiritilgan tuzatishlar aks ettiriladi.
‎Tahliliy hisob har bir ijaraga olingan obyekt boʻyicha alohida shaxsiy hisobvaraqlarda olib boriladi.‎
‎

Obyektlarni ijaraga olish va uni takomil�ashtirish boʻyicha yigʻilgan eskirish summasi (kontr-aktiv)

Ushbu hisobvaraqda kredit uyushmasi tomonidan ijara shartnomasi boʻyicha olingan asosiy vositalarning (bino, er, transport va boshqalarning) yigʻilgan eskirish hisobi yuritiladi.

Hisobvaraqning kreditida kredit uyushmasi tomonidan ijara shartnomasi boʻyicha olingan asosiy vositalarning eskirish summasi aks ettiriladi.

Hisobvaraqning debetida ijaraga beruvchiga qaytarilgan yoki ijara shartnomasi muddati tugagandan keyin kredit uyushmasining asosiy vositalarning tegishli eskirish hisobvaragʻiga oʻtkazilgan asosiy vositalar summasi aks ettiriladi.

Transport vositalari

Ushbu hisobvaraqda kredit uyushmasi transport vositalarining (avtomashina, yuk mashinalari va boshqa harakatlanuvchi vositalarning) qiymati hisobi yuritiladi.

Hisobvaraqning debetida transport vositalarining ularni sotib olish bilan bogʻliq barcha xarajatlarini hisobga olgan holdagi qiymati, shuningdek, transport vositalari qiymatining oʻsish bahosi aks ettiriladi.

Hisobvaraqning kreditida transport vositalarining realizatsiya, toʻliq eskirish, tekinga berish va boshqalar natijasida hisobdan chiqarilgan qiymati aks ettiriladi.

Transport vositalarining yigʻilgan eskirish summasi (kontr-aktiv)

Ushbu hisobvaraqda kredit uyushmasi transport vositalarining (avtomashina, yuk mashinalari va boshqa harakatlanuvchi vositalarning) yigʻilgan eskirish summasi hisobi yuritiladi.

Hisobvaraqning kreditida transport vositalarining eskirishini baholash summasi aks ettiriladi.

Hisobvaraqning debetida transport vositalarining realizatsiya, toʻliq eskirish, tekinga berish va boshqalar natijasida hisobdan chiqarilgan qiymati aks ettiriladi.

Mebel, moslama va jihozlar

Ushbu hisobvaraqda kredit uyushmasi faoliyati uchun sotib olingan, ofis va boshqa jihozlashlar uchun zarur boʻlgan mebellar, kompyuterlar, moslamalarning qiymati hisobi yuritiladi.

Hisobvaraqning debetida mebel, moslama va jihozlarni sotib olish, olib kelish, oʻrnatish va foydalanish muddatini uzaytirish maqsadida qilingan yirik taʼmirlash bilan bogʻliq barcha xarajatlarni hisobga olgan holdagi qiymati, shuningdek, ular qiymatining oʻsish bahosi aks ettiriladi.

Hisobvaraqning kreditida realizatsiya, almashtirish, toʻliq eskirish, tekinga berish va boshqalar natijasida hisobdan chiqarilgan mebel, moslama va jihozlarning qiymati aks ettiriladi.

Mebel, moslama va jihozlarning yigʻilgan eskirish summasi
(kontr-aktiv)

Ushbu hisobvaraqda kredit uyushmasi mebellari, kompyuterlari va moslamalarining yigʻilgan eskirish summasi hisobi yuritiladi.

Hisobvaraqning kreditida mebel, moslama va jihozlarning eskirish summasi aks ettiriladi.

Hisobvaraqning debetida realizatsiya, almashtirish, toʻliq eskirish, tekinga berish va boshqalar natijasida mebel, moslama va jihozlarning hisobdan chiqarilgan eskirish summasi aks ettiriladi.

Ijaraga berilgan asosiy vositalar

Ushbu hisobvaraqda kredit uyushmasining asosiy faoliyatida foydalanilmaydigan, balki qisqa muddatli ijara shartnomasi boʻyicha ijaraga oluvchiga foydalanishga berilgan asosiy vositalar (yoki ularning qismi) hisobi yuritiladi.

Hisobvaraqning debetida ijaraga berilgan asosiy vositalarning qiymati aks ettiriladi.

Hisobvaraqning kreditida ijara muddati tugashi yoki ijara shartnomasi bekor qilinishi natijasida qaytarilgan asosiy vositalarning qiymati aks ettiriladi.

Ijaraga berilgan asosiy vositalarning yigʻilgan eskirish summasi
(kontr-aktiv)

Ushbu hisobvaraqda kredit uyushmasining asosiy faoliyatida foydalanilmaydigan, balki qisqa muddatli ijara shartnomasi boʻyicha ijaraga oluvchiga foydalanishga berilgan asosiy vositalar (yoki ular qismi)ning yigʻilgan eskirish hisobi yuritiladi.

Hisobvaraqning kreditida ijaraga berilgan asosiy vositalarning eskirishini baholash summasi aks ettiriladi.

Hisobvaraqning debetida ijara muddati tugashi yoki ijara shartnomasi bekor qilinishi natijasida qaytarilgan asosiy vositalarning qiymati aks ettiriladi.

Ombordagi asosiy vositalar

Ushbu hisobvaraqda kredit uyushmasi tomonidan sotib olingan va omborda ekspluatatsiyaga kiritilgunga qadar hamda ekspluatatsiyadan chiqarilgandan keyin saqlanadigan asosiy vositalarning qiymati hisobga olinadi.

Hisobvaraqning debetida sotib olingan va omborda saqlanadigan asosiy vositalar deb aks ettiriladigan asosiy vositalarning qiymati hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida ekspluatatsiyaga kiritilgan yoki hisobdan chiqarilgan asosiy vositalarning qiymati hamda qayta baholash natijasida kiritilgan tuzatishlar summasi aks ettiriladi.

Ombordagi asosiy vositalarning yigʻilgan eskirish summasi
(kontr-aktiv)

Ushbu hisobvaraqda ombordagi asosiy vositalarning yigʻilgan eskirish va ularning qadrsizlanishi natijasida yigʻilgan zararlar summasi hisobga olinadi.

Hisobvaraqning kreditida omborda saqlanadigan asosiy vositalarning eskirish qiymati va qadrsizlanishi natijasida vujudga kelgan zarar hamda qayta baholash natijasida kiritilgan tuzatishlar summasi aks ettiriladi.

Hisobvaraqning debetida ekspluatatsiyaga beriladigan, sotish va/yoki boshqa yoʻl bilan hisobdan chiqarishdagi asosiy vositalarning yigʻilgan eskirish summasining hisobdan chiqarish hamda qayta baholash natijasida kiritilgan tuzatishlar summasi aks ettiriladi.

Nomoddiy aktivlarning yigʻilgan eskirish summasi (kontr-aktiv)

Ushbu hisobvaraqda nomoddiy aktivlarning yigʻilish eskirish summasi va qadrsizlanish natijasida yigʻilgan zararlar hisobga olinadi.

Hisobvaraqning debetida sotilayotgan va/yoki boshqa yoʻl bilan hisobdan chiqarilayotgan nomoddiy aktivlarning yigʻilgan eskirish hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida nomoddiy aktivlarning amortizatsiya summasi, qadrsizlanish natijasida koʻrilgan zararlar, shuningdek, qayta baholash natijasida kiritilgan tuzatishlar summasi aks ettiriladi.

Oʻrnatish va yaratish jarayonidagi nomoddiy aktivlar

Ushbu hisobvaraqda ekspluatatsiyaga tayyor boʻlmagan, oʻrnatish va/yoki yaratish jarayonidagi nomoddiy aktivlar boʻyicha xarajatlar hisobga olinadi.

Hisobvaraqning debetida ekspluatatsiyaga tayyor boʻlmagan nomoddiy aktivlarning oʻrnatish va/yoki yaratish bilan bogʻliq barcha xarajatlarni hisobga olgan holdagi qiymati, shuningdek, qayta baholash natijasida kiritilgan tuzatishlar summasi aks ettiriladi.

Hisobvaraqning kreditida ekspluatatsiyaga berilayotgan, sotilayotgan va/yoki boshqa yoʻl bilan hisobdan chiqarilayotgan nomoddiy aktivlarning qiymati, shuningdek, qayta baholash natijasida kiritilgan tuzatishlar summasi aks ettiriladi.

Gudvill

Ushbu hisobvaraqda xoʻjalik subyektlarining qoʻshilishi yoki qoʻshib olinishi natijasida vujudga keluvchi gudvill hisobga olinadi.

Hisobvaraqning debetida xoʻjalik subyektlarining qoʻshilish yoki qoʻshib olinishi natijasida sotib olingan sof aktivlarining xarid qilish bahosini ularning haqiqiy bahosidan oshiq summasi aks ettiriladi.

Hisobvaraqning kreditida gudvillning qadrsizlanishi va/yoki hisobdan chiqarilishi aks ettiriladi.

Oʻrnatish va yaratish jarayonidagi nomoddiy aktivlar boʻyicha koʻrilishi mumkin boʻlgan zararlarni qoplash zaxirasi (kontr-aktiv)

Ushbu hisobvaraqda oʻrnatish va/yoki yaratish jarayonidagi nomoddiy aktivlar qadrsizlanishi boʻyicha zararlarni qoplash zaxirasi hisobi yuritiladi.

Hisobvaraqning debetida ekspluatatsiyaga berilayotgan va/yoki boshqa yoʻl bilan hisobdan chiqarilayotgan nomoddiy aktivlarning qadrsizlanishi boʻyicha zararlarni hisobdan chiqarish hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida qadrsizlanish natijasida vujudga kelgan zararlar va qayta baholash boʻyicha kiritilgan tuzatishlar summasi aks ettiriladi.

Kredit va lizing boʻyicha koʻchmas mulk garovi hisobidan undirilgan mulk

Ushbu hisobvaraqda ijara huquqini inobatga olgan holda kredit uyushmasining asosiy faoliyatida foydalanilmaydigan koʻchmas mulk hamda qarzdor tomonidan kredit uyushmasi oldidagi qarzini toʻliq yoki qisman toʻlash, oʻtkazib yuborish yoʻli yoki boshqa usullar bilan olingan koʻchmas mulk hisobi yuritiladi.

Hisobvaraqning debetida olingan koʻchmas mulkdan qoplanadigan aktivning toʻliq qiymatidan hamda kelgusi sotish xarajatlariga kamaytirilgan koʻchmas mulkning bozor qiymatidan eng kami aks ettiriladi.

Hisobvaraqning kreditida sotish, almashtirish, tekinga berish, hisobdan chiqarish va boshqalar natijasida hisobdan chiqarilgan koʻchmas mulkning qiymati aks ettiriladi.

Kredit va lizing boʻyicha boshqa mulk garovi hisobidan undirilgan mulk

Ushbu hisobvaraqda ijara huquqini inobatga olgan holda kredit uyushmasining asosiy faoliyatida foydalanilmaydigan boshqa mulk hamda qarzdor tomonidan kredit uyushmasi oldidagi qarzini toʻliq yoki qisman toʻlash, oʻtkazib yuborish yoʻli yoki boshqa usullar bilan olingan boshqa mulk hisobi yuritiladi.

Hisobvaraqning debetida olingan mulkdan qoplanadigan aktivning toʻliq qiymatidan hamda kelgusi sotish xarajatlariga kamaytirilgan mulkning bozor qiymatidan eng kami aks ettiriladi.

Hisobvaraqning kreditida sotish, almashtirish, tekinga berish, hisobdan chiqarish va boshqalar natijasida hisobdan chiqarilgan boshqa mulkning qiymati aks ettiriladi.

Koʻchmas mulk va boshqa oʻz xususiy mulki boʻyicha koʻrilishi mumkin boʻlgan zararlarni qoplash zaxirasi (kontr-aktiv)

Ushbu hisobvaraqda keyinchalik qayta baholash natijasida mulk qiymatining bozor qiymatiga nisbatan tushib ketishi oqibatida koʻrilishi mumkin boʻlgan zararlar hisobi yuritiladi.

Hisobvaraqning kreditida tashkil etilgan zaxira summasi yoki zaxiraning oʻsish summasi aks ettiriladi.

Hisobvaraqning debetida zaxiraning kamayish summasi yoki bekor qilingan summasi aks ettiriladi.

BOShQA AKTIVLAR
‎

Mayda xarajatlar

Ushbu hisobvaraqda oʻrnatilgan tartibda mayda xarajatlar uchun beriladigan hisobdorlik summalari hisobi yuritiladi.

Hisobvaraqning debetida mayda xarajatlar uchun berilgan hisobdorlik summalari aks ettiriladi.

Hisobvaraqning kreditida foydalanilmagan mablagʻlarning qaytarilishi, shuningdek, hisobdorlikdagi summalarning qoplanishi aks ettiriladi.

Bosh ofis va/yoki filiallardan olinadigan mablagʻlar

Ushbu hisobvaraqda kredit uyushmalarining bosh ofisi va filiallari oʻrtasida yoki bir kredit uyushmasi filiallari oʻrtasida boʻladigan operatsiyalarning hisobi olib boriladi. Ushbu hisobvaraq uchun 29809 — “Bosh ofis va/yoki filiallarga toʻlanadigan mablagʻlar” hisobvaragʻi oʻzaro mos hisobvaraqdir. Ushbu hisobvaraqlarning aylanma va qoldiq summalari bir-biriga teng boʻlishi va jamlanma balansda ushbu hisobvaraqlarda qoldiq boʻlmasligi shart.

Hisobvaraqning debetida bosh ofis va/yoki filiallarga berilgan mablagʻlar aks ettiriladi.

Hisobvaraqning kreditida bosh ofis va/yoki filiallarga toʻlangan qarzlar, notoʻgʻri oʻtkazilish natijasida qaytarilgan mablagʻlar summasi aks ettiriladi.

Olingan kreditlar boʻyicha garovga berilgan mulk va mulkiy huquqlar

Ushbu hisobvaraqda olingan kredit boʻyicha garovga berilgan mulklar va mulkiy huquqlar hisobi yuritiladi.

Hisobvaraqning debetida olingan kreditlar taʼminotiga kredit uyushmasi tomonidan yoʻnaltirilgan mulklar va mulkiy huquqlar qiymati aks ettiriladi.

Kredit uyushmasi xodimlari bilan hisob-kitoblarda undirib olinishi lozim boʻlgan mablagʻlar

Ushbu hisobvaraqda kredit uyushmasi xodimlariga xizmat safari xarajatlari uchun avanslar, ortiqcha hisoblangan ish haqi yoki mukofot (badal) tariqasida toʻlangan mablagʻ, shuningdek, javobgar shaxs tomonidan yetkazilgan zarar hisobga olinadi.

Hisobvaraqning debetida kredit uyushmasi xodimlariga hisoblangan va toʻlangan summalar aks ettiriladi.

Hisobvaraqning kreditida hisoblangan va toʻlangan summalarni qoplash aks ettiriladi.

Tovar — moddiy qimmatliklar uchun toʻlangan mablagʻlar

Ushbu hisobvaraqda tovar-moddiy qimmatliklar, yaʼni asosiy vositalar, kam baholi va tez eskiruvchi buyumlar uchun va boshqa tovar-moddiy qimmatliklar uchun oʻtkaziladigan mablagʻlar hisobi yuritiladi.

Hisobvaraqning debetida tovar-moddiy qimmatliklar uchun oʻtkazilgan mablagʻlar aks ettiriladi.

Hisobvaraqning kreditida tovar-moddiy qimmatliklar kirim qilinganda summalar toʻlanadi yoki hisobdan chiqariladi.

Olinishi lozim boʻlgan mablagʻlar hisobvaraqlari boʻyicha koʻrilishi mumkin boʻlgan zararlarni qoplash zaxirasi (kontr-aktiv)

Ushbu hisobvaraqda kredit uyushmasi tomonidan hali undirib olinmagan, olinishi lozim boʻlgan mablagʻlar hisobvaraqlari boʻyicha koʻrilishi mumkin boʻlgan zararlarni qoplash zaxirasi summasi hisobi yuritiladi.

Hisobvaraqning kreditida tashkil etilgan zaxira summasi va/yoki zaxiraning oʻsish summasi aks ettiriladi.

Hisobvaraqning debetida zaxiraning kamayish summasi va/yoki bekor qilingan summasi aks ettiriladi.

Aniqlanish jarayonidagi olinishi lozim boʻlgan boshqa aktivlar

Ushbu hisobvaraqda biror-bir sabablarga (tegishli hujjatlarning mavjud boʻlmasligi, rekvizitlari notoʻgʻri koʻrsatilganda, qoʻshimcha oʻrganish talab qiladigan operatsiyalar va shu kabi boshqa hollarda) koʻra belgilangan maqsadi boʻyicha tegishli hisobvaraqlarda hisobga olinishi yoki hisobdan chiqarilishi mumkin boʻlmagan operatsiyalar hisobga olinadi. Aniqlanish jarayonida hisobvaraqdagi mablagʻlar maqsadi boʻyicha hisobdan chiqarilishi yoki qaytarilishi talab qilinishi lozim boʻlgan oʻrnatilgan muddat davomidagina qoldirilishi mumkin.

Hisobvaraqning debetida mablagʻlar kelib tushgan vaqtda tegishli hisobvaraqda hisobga olinishi mumkin boʻlmagan summa aks ettiriladi.

Hisobvaraqning kreditida belgilangan maqsadi boʻyicha hisobdan chiqarilgan yoki kredit uyushmasiga qaytarib yuborilgan mablagʻlar summasi aks ettiriladi.

Ombordagi kam baholi va tez eskiruvchi buyumlar hamda boshqa qimmatliklar

Ushbu hisobvaraqda kam baholi va tez eskiruvchi buyumlar va boshqa qimmatliklar, shuningdek, kredit uyushmasining binosi va boshqa inshootlarini taʼmirlashi uchun moʻljallangan materiallar hisobi yuritiladi.

Hisobvaraqning debetida sotib olingan va omborga kirim qilingan kam baholi va tez eskiruvchi buyumlar hamda boshqa qimmatliklar qiymati aks ettiriladi.

Hisobvaraqning kreditida hisobdan chiqarilgan va foydalanishga berilgan kam baholi va tez eskiruvchi buyumlar hamda boshqa qimmatliklar qiymati aks ettiriladi.

Oldindan toʻlangan xarajatlar

Ushbu hisobvaraqda joriy hisobot �avrida qilingan, lekin kelajakdagi hisobot davriga tegishli xarajatlarning (davriy nashrga yillik obuna, sugʻurta summalari, ijara va toʻlovlarni oldindan amalga oshirishning) summalari hisobi yuritiladi.

Hisobvaraqning debetida oldindan toʻlangan kelgusi davr hisobotlariga tegishli xarajatlar summasi aks ettiriladi.

Hisobvaraqning kreditida xarajatlar amalga oshirilgan davrga tegishli boʻlgan, kredit uyushmasining joriy xarajatlariga oʻtkazilgan haqiqiy xarajatlarni qoplash summasi aks ettiriladi.

Boshqa muddati uzaytirilgan xarajatlar

Ushbu hisobvaraqda joriy davrda oldindan toʻlangan, lekin kelgusi (1 yildan ortiq) (muddat shartnoma boʻyicha belgilanadi) davr xarajatlari hisoblanadigan va qabul qilinadigan xarajatlar hisobga olinadi. Bunga ijara boʻyicha boʻnak toʻlovlari, nashrla�ga obuna toʻlovlari hamda mulk sugʻurtasi toʻlovlari va h.k. kiradi.

Hisobvaraqning debetida kredit uyushmasining oldindan toʻlangan kelgusi davr xarajatlari summasi aks ettiriladi.

Hisobvaraqning kreditida oldindan toʻlangan mablagʻlarning xarajatlar hisobvaraqlariga debetlash orqali amortizatsiya qilingan qismining summasi, shuningdek, ularning qaytarilgan summasi aks ettiriladi.

Muddati uzaytirilgan daromad soligʻi

Ushbu hisobvaraqda qonun hujjatlarida belgilangan tartibda va hisobot davridagi soliqqa tortiladigan va moliyaviy foyda oʻrtasidagi davriy farqlar, shuningdek, boʻnak hisobidan toʻlangan boshqa soliqlar, yigʻimlar, budjet va budjetdan tashqari fondlarga oʻtkazmalar summasi natijasida yuzaga keladigan muddati uzaytirilgan daromad soligʻining summasi aks ettiriladi.

Hisobvaraqning debetida kelgusi davr hisobiga toʻ�angan foydadan soliq, shuningdek, boʻnak hisobidan toʻlangan boshqa soliqlar, yigʻimlar, budjet va budjetdan tashqari fondlarga oʻtkazmalar summasi aks ettiriladi.

Hisobvaraqning kreditida muddati uzaytirilgan xarajatlarning mos summasiga toʻlanishi lozim boʻlgan soliqni kamayishi aks ettiriladi.

Tugatilgan yoki tugatilish jarayonida boʻlgan banklardagi depozitlar

Ushbu hisobvaraqda kredit uyushmasining tugatilgan yoki tugatilish arafasida boʻlgan banklardagi (boshqa kredit tashkilotlaridagi) mablagʻlari hisobi yuritiladi.

Hisobvaraqning debetida tugatilgan yoki tugatilish arafasida boʻlgan banklardagi (boshqa kredit tashkilotlaridagi) depozitlar va boshqa hisobvaraqlar summasi aks ettiriladi.

Hisobvaraqning kreditida tugatilgan yoki tugatilish arafasida boʻlgan banklardagi (boshqa kredit tashkilotlaridagi) mablagʻlarni qoplash uchun koʻrilishi mumkin boʻlgan zararlarni qoplash zaxirasi hisobvaragʻidan kelib tushgan yoki boshqa aktivlar hisobidan qoplangan mablagʻlar summasi aks ettiriladi.

Tugatilgan va tugatilish jarayonida boʻlgan banklardagi depozitlar boʻyicha koʻrilishi mumkin boʻlgan zararlarni qoplash zaxirasi (kontr-aktiv)

Ushbu hisobvaraqda tugatilgan va tugatilish jarayonida boʻlgan banklardagi (boshqa kredit tashkilotlaridagi) kredit uyushmasining depozitlari va boshqa hisobvaraqlar boʻyicha koʻrilishi mumkin boʻlgan zararlarni qoplash zaxirasi hisobi yuritiladi.

Hisobvaraqning kreditida tashkil etilgan zaxira summasi va/yoki zaxiraning oʻsish aks ettiriladi.

Hisobvaraqning debetida zaxiraning bekor qilingan va/yoki kamayish summasi summasi aks ettiriladi.

Boshqa aktivlar

Ushbu hisobvaraqda yuqorida keltirilgan toifalarga toʻgʻri kelmaydigan kredit uyushmasining barcha boshqa aktivlari aks ettiriladi.

Hisobvaraqning debetida kredit uyushmasining boshqa aktivlari summasi aks ettiriladi.

Hisobvaraqning kreditida qaytarish natijasida hisobdan chiqarilgan, sotilgan yoki qayta tasniflangan boshqa aktivlarning summasi aks ettiriladi.

Kredit uyushmasi aʼzolari — jismoniy shaxslarning jamgʻarma depozitlari

Ushbu hisobvaraqda jismoniy shaxslarning maʼlum bir maqsad uchun foizlar hisoblanishi bilan shakllangan mablagʻlari hisobi olib boriladi.

Hisobvaraqning kreditida jismoniy shaxslarning jamgʻarma depozit hisobvaraqlariga kelib tushgan mablagʻlari aks ettiriladi.

Hisobvaraqning debetida jismoniy shaxslarning jamgʻarma depozit hisobvaraqlaridan hisobdan chiqarilgan mablagʻlari summasi aks ettiriladi.

Kredit uyushmasi aʼzolari — yuridik shaxslarning jamgʻarma depozitlari

Ushbu hisobvaraqda yuridik shaxslarning maʼlum bir maqsad uchun foizlar hisoblanishi bilan shakllangan mablagʻlari hisobi olib boriladi

Hisobvaraqning kreditida yuridik shaxslarning jamgʻarma depozit hisobvaraqlariga kelib tushgan mablagʻlari aks ettiriladi.

Hisobvaraqning debetida yuridik shaxslarning jamgʻarma depozit hisobvaraqlaridan hisobdan chiqarilgan mablagʻlari summasi aks ettiriladi.

Kredit uyushmasi aʼzolari — yakka tartibdagi tadbirkorlarning jamgʻarma depozitlari

Ushbu hisobvaraqda yakka tartibdagi tadbirkorlarning maʼlum bir maqsad uchun foizlar hisoblanishi bilan shakllangan mablagʻlari hisobi olib boriladi.

Hisobvaraqning kreditida yakka tartibdagi tadbirkorlarning jamgʻarma depozit hisobvaraqlariga kelib tushgan mablagʻlari aks ettiriladi.

Hisobvaraqning debetida yakka tartibdagi tadbirkorlarning jamgʻarma depozit hisobvaraqlaridan hisobdan chiqarilgan mablagʻlari summasi aks ettiriladi.

MUDDATLI DEPOZITLAR
‎

Kredit uyushmasi aʼzolari — jismoniy shaxslarning muddatli depozitlari

Ushbu hisobvaraqda jismoniy shaxslarning qatʼiy belgilangan muddatga foizlar hisoblanish sharti bilan qoʻyilgan mablagʻlari hisobi olib boriladi.

Hisobvaraqning kreditida jismoniy shaxslarning muddatli depozit hisobvaraqlariga kelib tushgan mablagʻlari aks ettiriladi.

Hisobvaraqning debetida jismoniy shaxslarning muddatli depozit hisobvaraqlaridan hisobdan chiqariladigan mablagʻlar aks ettiriladi.

Kredit uyushmasi aʼzolari — yuridik shaxslarning muddatli depozitlari

Ushbu hisobvaraqda yuridik shaxslarning qatʼiy oʻrnatilgan muddatga foizlar hisoblanishi bilan shakllangan mablagʻlari hisobi olib boriladi.

Hisobvaraqning kreditida yuridik shaxslarning muddatli depozit hisobvaraqlariga kelib tushgan mablagʻlar aks ettiriladi.

Hisobvaraqning debetida yuridik shaxslarning muddatli depozit hisobvaraqlaridan hisobdan chiqariladigan mablagʻlar aks ettiriladi.

Kredit uyushmasi aʼzolari — yakka tartibdagi tadbirkorlarning muddatli depozitlari

Ushbu hisobvaraqda yakka tartibdagi tadbirkorlarning qatʼiy belgilangan muddatga foizlar hisoblanish sharti bilan qoʻyilgan mablagʻlari hisobi olib boriladi.

Hisobvaraqning kreditida yakka tartibdagi tadbirkorlarning muddatli depozit hisobvaraqlariga kelib tushgan mablagʻlari aks ettiriladi.

Hisobvaraqning debetida yakka tartibdagi tadbirkorlarning muddatli depozit hisobvaraqlaridan hisobdan chiqarilgan mablagʻlari summasi aks ettiriladi.

TOʻLANIShI LOZIM BOʻLGAN QISQA MUDDATLI KREDITLAR
‎

Banklarga toʻlanishi lozim boʻlgan qisqa muddatli kreditlar

Ushbu hisobvaraqda banklardan olingan sanasidan 12 oygacha boʻlgan muddatdagi kreditlarning (mohiyati boʻyicha kreditlar boʻlgan moliyaviy lizing va boshqa operatsiyalarning) hisobi olib boriladi.

Hisobvaraqning kreditida olingan kreditlarning (mohiyati boʻyicha kreditlar boʻlgan moliyaviy lizing va boshqa operatsiyalarning) summasi aks ettiriladi.

Boshqalarga toʻlanishi lozim boʻlgan boshqa qisqa muddatli kreditlar

Ushbu hisobvaraqda boshqa kreditorlardan (banklar va boshqa kredit tashkilotlaridan tashqari) olingan sanasidan 12 oygacha boʻlgan muddatdagi kr�ditlarning (mohiyati boʻyicha kreditlar boʻlgan moliyaviy lizing va boshqa operatsiyalarlarning) hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida toʻlangan kreditlar summasi aks ettiriladi.

TOʻLANIShI LOZIM BOʻLGAN UZOQ MUDDATLI KREDITLAR
‎

Banklarga toʻlanishi lozim boʻlgan uzoq muddatli kreditlar

Ushbu hisobvaraqda banklardan olingan sanasidan 1 yildan ortiq muddatgacha boʻlgan kredit (mohiyati boʻyicha kreditlar boʻlgan moliyaviy lizing va boshqa operatsiya)larning hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida toʻlangan kreditlar summasi aks ettiriladi.

Toʻlanishi lozim boʻlgan boshqa uzoq muddatli kreditlar

Ushbu hisobvaraqda boshqa kreditorlardan (banklar va boshqa kredit tashkilotlaridan tashqari) olingan sanasidan boshlab 1 yildan ortiq muddatgacha boʻlgan kreditlarning (mohiyati boʻyicha kreditlar boʻlgan moliyaviy lizing va boshqa operatsiyalarning) hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida toʻlangan kreditlar summasi aks ettiriladi.

LIZING BOʻYIChA MAJBURIYATLAR
‎

TOʻLANIShI LOZIM BOʻLGAN HISOBLANGAN FOIZLAR
‎

Jamgʻarma depozitlari boʻyicha toʻlanishi lozim boʻlgan hisoblangan foizlar

Ushbu hisobvaraqda kredit uyushmasining jamgʻarma depozitlari boʻyicha hisoblangan, lekin hali toʻlanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida toʻlangan foizlar summasi, shuningdek, notoʻgʻri hisoblangan foizlarning qaytarilish summasi aks ettiriladi.

Muddatli depozitlar boʻyicha toʻlanishi lozim boʻlgan hisoblangan foizlar

Ushbu hisobvaraqda kredit uyushmasining muddatli depozitlari boʻyicha hisoblangan, lekin hali toʻlanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida toʻlangan foizlar summasi, shuningdek, notoʻgʻri hisoblangan foizlarning qaytarilish summasi aks ettiriladi.

Lizing boʻyicha toʻlanishi lozim boʻlgan hisoblangan foizlar

Ushbu hisobvaraqda kredit uyushmasining lizing boʻyicha toʻlanishi lozim boʻlgan hisoblangan foizlar hisobi olib boriladi.

Hisobvaraqning kreditida lizing toʻlovlari jadvali boʻyicha hisoblangan foizli xarajatlar summasi aks ettiriladi.

Hisobvaraqning debetida toʻlangan foizlar summasi, shuningdek, notoʻgʻri hisoblangan foizlarning qaytarilish summasi aks ettiriladi.

Kreditlar boʻyicha toʻlanishi lozim boʻlgan hisoblangan foizlar

Ushbu hisobvaraqda kredit uyushmasining kredit majburiyatlari (mohiyati boʻyicha kreditlar boʻlgan moliyaviy lizing va boshqa operatsiyalar) boʻyicha hisoblangan, lekin hali toʻlanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida toʻlangan foizlar summasi, shuningdek, notoʻgʻri hisoblangan foizlarning qaytarilish summasi aks ettiriladi.

Boshqa majburiyatlar boʻyicha hisoblangan foizlar

Ushbu hisobvaraqda yuqorida koʻrsatilgan turkum tasniflarga mos tushmaydigan majburiyatlar boʻyicha hisoblangan, lekin hali toʻlanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida toʻlangan foizlar summasi, shuningdek, notoʻgʻri hisoblangan foizlarning qaytarilish summasi hisobdan chiqariladi.

HISOBLA�GAN SOLIQLAR
‎

Daromaddan toʻlanishi lozim boʻlgan hisoblangan soliqlar

Ushbu hisobvaraqda hisoblangan, lekin hali toʻlanmagan daromad soliqlarining (qonun hujjatlariga muvofiq ravishda daromad, ijtimoiy infratuzilmani rivojlantirish, hududlarni obodonlashtirish soliqlarning) hisobi olib boriladi.

Hisobvaraqning kreditida hisoblangan daromad soliqlari summasi aks ettiriladi.

Hisobvaraqning debetida toʻlangan daromad soliqlari summasi, shuningdek, notoʻgʻri hisoblangan daromad soliqlari summasi aks ettiriladi.

Toʻlanishi lozim boʻlgan hisoblangan boshqa soliqlar

Ushbu hisobvaraqda hisoblangan, lekin hali olinmagan soliqlar (daromad soligʻidan tashqarilar) hisobi olib boriladi.

Hisobvaraqning kreditida kredit uyushmasining soliqlar boʻyicha hisoblangan summalar aks ettiriladi.

Hisobvaraqning debetida toʻlangan soliqlar summasi, shuningdek, notoʻgʻri hisoblangan soliqlarni qaytarish summalari aks ettiriladi.

Toʻlash uchun ushlab qolingan soliqlar

Ushbu hisobvaraqda qonun hujjatlariga muvofiq kredit uyushmasining xodimlaridan ushlab qolingan va budjet daromadiga oʻtkaziladigan soliqlar hisobi olib boriladi.

Hisobvaraqning kreditida kredit uyushmasi tomonidan ushlab qolingan soliqlar summasi aks ettiriladi.

Hisobvaraqning debetida budjetga oʻtkazilgan soliqlar summasi aks ettiriladi.

Budjetdan tashqari fondlar bilan hisob-kitoblar

Ushbu hisobvaraqda qonun hujjatlariga muvofiq yagona ijtimoiy toʻlovga, Bandlikka koʻmaklashish davlat jamgʻarmasiga, Oʻzbekiston Respublikasi Kasaba uyushmalari Federatsiyasiga va boshqa jamgʻarmalarga oʻtkaziladigan mablagʻlar hisobi olib boriladi.

Hisobvaraqning kreditida yagona ijtimoiy toʻlovga, Bandlikka koʻmaklashish davlat jamgʻarmasi va boshqa jamgʻarmalarga oʻtkaziladigan mablagʻlar summasi aks ettiriladi.

Hisobvaraqning debet�da yagona ijtimoiy toʻlovga, Bandlikka koʻmaklashish davlat jamgʻarmasi va boshqa jamgʻarmalarga oʻtkazilgan mablagʻlar summasi aks ettiriladi.

MUDDATI UZAYTIRILGAN DAROMADLAR
‎

Kelgusi davr foizli daromadlari

Ushbu hisobvaraqda oldindan olingan va ularning amalda ishlab topilganligiga qarab daromadga oʻtkazilgan foizlar hisobi olib boriladi.

Hisobvaraqning kreditida oldindan olingan foizlar summasi aks ettiriladi.

Hisobvaraqning debetida ishlab topilgan foizlar summasi ak� ettiriladi.

Boshqa muddati uzaytirilgan daromadlar

Ushbu hisobvaraqda muddati uzaytirilgan boshqa daromadlar (foizli daromaddan tashqari), ijara hamda boshqa foizsiz operatsiyalar boʻyicha boʻnak sifatida olingan pul mablagʻlari hisobi yuritilib, ular majburiyat deb tan olinadi va haqiqatda xizmat koʻrsatilishiga qadar kredit uyushmasining daromadi sifatida aks ettirilishi mumkin emas.

Hisobvaraqning kreditida boʻnak sifatida olingan pul mablagʻlari summasi aks ettiriladi.

Hisobvaraqning debetida hisobdan chiqarilib kredit uyushmasining daromadiga olingan ishlab topilgan daromad summalar aks ettiriladi.

BOShQA MAJBURIYATLAR
‎

Tovar-moddiy qimmatliklar va koʻrsatilgan xizmatlar uchun toʻlanadigan mablagʻlar

Ushbu hisobvaraqda olingan tovar-moddiy qimmatliklar va koʻrsatilgan xizmatlar (elektr, suv, gaz va boshqalar) uchun toʻlanishi lozim boʻlgan mablagʻlar hisobi olib boriladi.

Hisobvaraqning kreditida olingan tovar-moddiy qimmatliklar va koʻrsatilgan xizmatlar uchun toʻlanishi lozim boʻlgan mablagʻlar summasi aks ettiriladi.

Hisobvaraqning debetida tovar-moddiy qimmatliklar va koʻrsatilgan xizmatlar uchun toʻlangan mablagʻlar summasi aks ettiriladi.

Xodimlar bilan hisob-kitoblardagi toʻlanishi lozim boʻlgan mablagʻlar

Ushbu hisobvaraqda kredit uyushmasi xodimlariga ish haqi, pensiya, aliment, bolalar yordam puli, moddiy yordam, band qilingan ish haqi, boshqa mukofotlar yoki badallar berish uchun hisoblangan mablagʻlar hisobi olib boriladi.

Hisobvaraqning kreditida toʻlanishi lozim boʻlgan hisoblangan mablagʻlar aks ettiriladi.

Hisobvaraqning debetida berilgan mablagʻlar summasi aks ettiriladi.

Ijara boʻyicha toʻlanishi lozim boʻlgan mablagʻlar

Ushbu hisobvaraqda lizingga (moliyaviy ijaraga) tushmaydigan ijara boʻyicha hisoblangan majburiyat hisobi olib boriladi.

Hisobvaraqning kreditida ijara boʻyicha toʻlash uchun hisoblangan mablagʻlar summasi aks ettiriladi.

Hisobvaraqning debetida ijara boʻyicha toʻlash uchun hisoblangan summaning toʻlangan yoki hisobdan chiqarilgan summalari aks ettiriladi.

Bosh ofis va/yoki filiallarga toʻlanadigan mablagʻlar

Ushbu hisobvaraqda kredit uyushmalarining bosh ofisi va/yoki filiallari oʻrtasida yoki bir kredit uyushmasi filiallari oʻrtasidagi operatsiyalar hisobi olib boriladi. �shbu hisobvaraq 19902 — “Bosh ofis va/yoki filiallardan olinadigan mablagʻlar” hisobvaragʻi uchun oʻzaro bogʻliq hisobvaraq hisoblanadi. Ushbu hisobvaraqlarning aylanma va qoldiq summalari bir-biriga teng boʻlishi va jamlanma balansda ushbu hisobvaraqlarda qoldiq boʻlmasligi shart.

Hisobvaraqning kreditida bosh ofis va/yoki filiallarga toʻlanishi lozim boʻlgan mablagʻlar aks ettiriladi.

Hisobvaraqning debetida bosh ofis va/yoki filiallardan kelib tushgan moliyaviy yordam summasi aks ettiriladi.

Aniqlanish jarayonidagi toʻlanishi lozim boʻlgan boshqa majburiyatlar

Ushbu hisobvaraqda biror-bir sabablarga koʻra (tegishli hujjatlarning mavjud boʻlmasligi, rekvizitlari notoʻgʻri koʻrsatilganda, qoʻshimcha oʻrganish talab qiladigan operatsiyalar va shu kabi boshqa hollarda) belgilangan maqsadi boʻyicha tegishli hisobvaraqlarda hisobga olinishi yoki hisobdan chiqarilishi mumkin boʻlmagan operatsiyalar hisobga olinadi. Aniqlanish jarayonida hisobvaraqdagi mablagʻlar maqsadi boʻyicha hisobdan chiqarilishi yoki qaytarilishi lozim boʻlgan oʻrnatilgan muddat davomidagina qoldirilishi mumkin.

Hisobvaraqning kreditida mablagʻlar kelib tushgan vaqtda tegishli hisobvaraqda hisobga olinishi mumkin boʻlmagan summa aks ettiriladi.

Hisobvaraqning debetida belgilangan maqsadi boʻyicha hisobga olingan yoki qaytarib yuborilgan mablagʻlar summasi aks ettiriladi.

Toʻlanishi lozim boʻlgan dividendlar

Ushbu xisobvaraqda kredit uyushmasi tomonidan eʼlon qilingan, lekin hali toʻlanmagan dividendlarning hisobi olib boriladi.

Hisobvaraqning kreditida toʻlanishi lozim boʻlgan hisoblangan dividendlarning summasi aks ettiriladi.

Hisobvaraqning debetida kredit uyushmasi tomonidan toʻlangan dividendlarning summasi aks ettiriladi.

Boshqa majburiyatlar

Ushbu hisobvaraqda yuqorida koʻrsatilgan turkum tasniflarga mos tushmaydigan operatsiyalar hisobi olib boriladi.

Hisobvaraqning kreditida mablagʻlar kelib tushishi aks ettiriladi.

Hisobvaraqning debetida mablagʻlarni hisobdan chiqarish aks ettiriladi.

KAPITAL
‎

KREDIT UYuShMASINING USTAV FONDI
‎

Pay badallari

Ushbu hisobvaraqda kredit uyushmasining ustav fondini tashkil etuvchi kredit uyushmasi aʼzolarining pay badallari hisobi olib boriladi.

Hisobvaraqning kreditida kredit uyushmasi aʼzolaridan olingan pay badallari summasi aks ettiriladi.

Hisobvaraqning debetida kredit uyushmasi aʼzolari kredit uyushmasidan chiqqan taqdirda pay badalining qaytarilgan summasi aks ettiriladi.

ZAXIRA KAPITALI
‎

Zaxira fondi

Ushbu hisobvaraqda kredit uyushmasi Ustaviga muvofiq foyda hisobidan ajratilgan mablagʻlar hisobi yuritiladi. Ushbu zaxiraning maqsadi kredit uyushmasini operatsion zararlar hisobidan kapitalning kamayishini himoyalash.

Hisobvaraqning kreditida yil yakunidagi foydadan zaxira fondiga oʻtkazilgan mablagʻlar aks ettiriladi.

Hisobvaraqning debetida kredit uyushmasini tugatishda zaxira fondidan mablagʻlarni hisobdan chiqarilishi aks ettiriladi.

Tekinga olingan mulklar

Ushbu hisobvaraqda boshqa shaxslardan kredit uyushmasi mulkiga tekinga olingan mulklar qiymati hisobi yuritiladi.

Hisobvaraqning kreditida tekinga olingan mulklar qiymati aks ettiriladi.

Hisobvaraqning debetida boshqa shaxslarga tekinga (ilgari tekinga olingan) berilgan mulklar natijasida zararni qoplashga yoʻnaltirilgan summa, shuningdek, oʻrnatilgan tartibga muvofiq aktivlardan foydalanish meʼyoriga qarab, taqsimlanmagan foyda hisobiga oʻtkazilgan summalar aks ettiriladi.

Boshlangʻich qiymatiga nisbatan baholash qiymatining oshgan summasi

Ushbu hisobvaraqda kredit uyushmasi asosiy vositalarining bozor qiymati oʻsishi natijasida boshlangʻich qiymatiga nisbatan boʻlgan qoʻshimcha qiymat hisobi yuritiladi.

Hisobvaraqning kreditida kredit uyushmasi asosiy vositalarining boshlangʻich qiymatiga nisbatan boʻlgan qoʻshimcha qiymat bahosi aks ettiriladi.

Hisobvaraqning debetida mol-mulk sotilganda yoki almashtirilganda baholangan qoʻshimcha qiymat, shuningdek, kredit uyushmasi binosi qiymatining boshlangʻich qiymatiga nisbatan pasayib ketishi, oʻrnatilgan tartibga muvofiq qayta baholangan asosiy vositalardan foydalanishga qarab, taqsimlanmagan foyda hisobiga oʻtkazilgan summalar hisobdan chiqarilishi aks ettiriladi.

TAQSIMLANMAGAN FOYDA
‎

Taqsimlanmagan foyda (aktiv-passiv)

Ushbu hisobvaraqda kredit uyushmasining oʻtgan moliyaviy yillar faoliyati natijasida olgan taqsimlanmagan foydaning (zararning) hisobi yuritiladi.

Hisobvaraqning kreditida kredit uyushmasining taqsimlanmagan foydasi summasi, shuningdek, oʻrnatilgan tartibga muvofiq taqsimlanmagan foyda hisobiga oʻtkazilgan summalar aks ettiriladi.

Hisobvaraqning debetida har xil jamgʻarmalar uchun ajratmalar, hisoblangan dividendlar, kredit uyushmasining zararlari, shuningdek, kredit uyushmasi aʼzolarining qarori boʻyicha kredit uyushmasining ustav fondiga qayta investitsiya qilingan summalar aks ettiriladi.

Sof foyda (zarar) (aktiv-passiv)

Ushbu hisobvaraqda moliyaviy hisobot yilida kredit uyushmasi moliyaviy faoliyatining natijasida olingan sof foydaning (zararlarning) summasi hisobi yuritiladi.

Hisobvaraqning kreditida hisobot yilida kredit uyushmasi tomonidan olingan foyda, 31203 — “Taqsimlanmagan foyda (aktiv-passiv)” hisobvaragʻiga oʻtkazilgan zararlar summasi aks ettiriladi.

Hisobvaraqning debetida hisobot yilida kredit uyushmasi tomonidan koʻrilgan zararlar, 31203 — “Taqsimlanmagan foyda (aktiv-passiv)” hisobvaragʻiga oʻtkazilgan foydalar summasi aks ettiriladi.

DAROMADLAR
‎

BANKLARDAGI DEPOZITLAR BOʻYIChA FOIZLI DAROMADLAR
‎

Banklardagi depozitlar boʻyicha foizli daromadlar
‎Ushbu hisobvaraqda kredit uyushmasining banklardagi hisobvaraqlari boʻyicha foizli daromadlar hisobi yuritiladi.

Hisobvaraqning kreditida kelib tushgan daromad summasi, shuningdek, banklardan olinishi lozim boʻlgan hisoblangan foizli daromadlar summasi aks ettiriladi.

Hisobvaraqning debetida notoʻgʻri hisoblangan va olingan foizlarni qaytarish, shuningdek, moliyaviy hisobot yilining oxirida moliyaviy natija sifatida 31206 — “Sof foyda (zarar) (aktiv-passiv)” hisobvaragʻiga yopiladigan daromadlar summasi aks ettiriladi.
‎

QIMMATLI QOGʻOZLAR OLDI-SOTDISI HISOBVARAQLARI BOʻYIChA FOIZLI DAROMADLAR
‎

Davlat qimmatli qogʻozlari boʻyicha foizli daromadlar

Ushbu hisobv�raqda davlat qimmatli qogʻozlari oldi-sotdisi hisobvaraqlari boʻyicha foizli daromadlar hisobi yuritiladi.

Hisobvaraqning kreditida kelib tushgan daromad summasi, diskont amortizatsiyasi, shuningdek, davlat qimmatli qogʻozlari oldi-sotdisi hisobvaraqlari boʻyicha hisoblangan foizli daromadlar summasi aks ettiriladi.

Davlat qimmatli qogʻozlariga qilingan investitsiyalar boʻyicha foizli daromadlar

Ushbu hisobvaraqda kredit uyushmasining davlat qimmatli qogʻozlariga qilingan investitsiyalar boʻyicha foizli daromadlar hisobi yuritiladi.

Hisobvaraqning kreditida kelib tushgan daromad summasi, diskont amortizatsiyasi, shuningdek, investitsiyalar boʻyicha olinishi lozim boʻlgan foizli daromadlar summasi aks ettiriladi.

Boshqa foizli daromadlar

Ushbu hisobvaraqda yuqorida taʼriflangan toifalarga kirmaydigan kredit uyushmasining foizli daromadlari hisobi yuritiladi.

Hisobvaraqning kreditida kelib tushgan daromad summasi, shuningdek, olinishi lozim boʻlgan hisoblangan boshqa foizli daromadlar summasi aks ettiriladi.

Xizmatlar va vositachilik uchun olingan daromadlar

Ushbu hisobvaraqda kreditlar berish, rasmiylashtirish va xizmat koʻrsatish, kredit liniyasining zaxiralangani uchun berilgan kafolatlar va kafilliklar, shuningdek, boshqa operatsiyalar boʻyicha axborot va konsalting xizmatlari uchun kredit uyushmasi tomonidan olingan vositachilik daromadlari hisobi yuritiladi.

Hisobvaraqning kreditida vositachilik va xizmatlardan kelib tushgan daromadlar summasi aks ettiriladi.

Qimmatli qogʻozlarga qilingan investitsiyalarni sotish yoki dispozitsiya qilishdan olingan foyda

Ushbu hisobvaraqda kredit uyushmasining qimmatli qogʻozlarga qilingan investitsiyalarni sotish yoki dispozitsiya qilishdan olingan foyda hisobi yuritiladi.

Hisobvaraqning kreditida investitsiyalardan olingan foyda summasi aks ettiriladi.

Investitsiya qilingan xususiy kapital boʻyicha olingan dividendlar

Ushbu hisobvaraqda investitsiya qilingan xususiy kapital boʻyicha h�soblangan dividendlarning hisobi olib boriladi.

Hisobvaraqning kreditida investitsiyalardan olingan dividendlar summasi aks ettiriladi.

Mulklarning ijarasidan daromadlar

Ushbu hisobvaraqda kredit uyushmasining ijaraga bergan mulklari va boshqa xususiy mulklaridan olingan daromadlarining hisobi yuritiladi.

Hisobvaraqning kreditida kredit uyushmasining ijaraga berilgan mulklari va boshqa mulklaridan kelib tushgan daromadlari summasi aks ettiriladi.

Boshqa xususiy mulk va/yoki aktivlarni sotish yoki dispozitsiya qilishdan olingan foyda

Yuqorida koʻrsatilgan balans hisobvaraqlari oʻz xususiyatlari boʻyicha bir xil boʻlgani uchun ularning taʼrifi umumlashtirilib berilmoqda.

Ushbu hisobvaraqda kredit uyushmasining mulklarini va boshqa aktiv va/yoki xususiy mulklarini sotish yoki dispozitsiya qilish natijasida olingan foydalarining hisobi yuritiladi.

Hisobvaraqning kreditida kredit uyushmasining mulklarini va boshqa aktiv va/yoki xususiy mulklarini sotish yoki dispozitsiya qilish natijasida kelib tushgan daromadlari summasi aks ettiriladi.

Hisobdan chiqarilgan mablagʻlarning qaytarilishi

Ushbu hisobvaraqda kredit uyushmasining ilgari hisobdan chiqarilgan aktivlarining va tashkil etilgan zaxiralarining qaytarilish summasi hisobi olib boriladi.

Hisobvaraqning kreditida kredit uyushmasining ilgari hisobdan chiqarilgan aktivlari boʻyicha kelib tushgan daromadlari summasi aks ettiriladi.

Boshqa foizsiz daromadlar

Ushbu hisobvaraqda kredit uyushmasining yuqorida taʼriflangan turkum hisobvaraqlariga mos tushmaydigan foizsiz daromadlari (jarima, penya va boshqalar) hisobi olib boriladi.

Hisobvaraqning kreditida yuqorida taʼriflangan turkum hisobvaraqlarga mos tushmaydigan, kelib tushgan foizsiz daromadlar summasi aks ettiriladi.

Boshqa foizli xarajatlar

Ushbu hisobvaraqda yuqorida taʼriflangan turkum hisobvaraqlarga mos tushmaydigan foizli xarajatlar hisobi olib boriladi.

Hisobvaraqning debetida toʻlangan foizlar summasi, shuningdek, boshqa majburiyatlar boʻyicha toʻlanishi lozim boʻlgan hisoblangan foizli xarajatlar summasi aks ettiriladi.

Vositachilik xarajatlari va xizmatlar uchun xarajatlar

Ushbu hisobvaraqda bank yoki boshqa kredit tashkilotlari tomonidan kredit uyushmasiga koʻrsatiladigan xizmatlari uchun kredit uyushmasining vositachilik xarajatlari hisobi yuritiladi, shu jumladan berilgan kreditlar uchun kredit liniyasini zaxiralashga, axborot va kansalting xizmatlarini olganiga, toʻlovlar oʻtkazilganiga, inkasso operatsiyalarini oʻtkazganiga, kafolatlar va kafilliklar berganiga va boshqa vositachilik xarajatlariga boshqa banklar tomonidan koʻrsatilgan xizmatlar uchun kredit uyushmasining xarajatlari hisobi olib boriladi.

Hisobvaraqning kredit uyushmasi tomonidan sarf qilingan xarajatlar summasi aks ettiriladi.

Boshqa foizsiz xarajatlar

Ushbu hisobvaraqda yuqorida tasniflangan turkum hisobvaraqlarga mos tushmaydigan foizsiz xarajatlar hisobi olib boriladi.

Hisobvaraqning debetida yuqorida tasniflangan turkum hisobvaraqlarga mos tushmaydigan amalga oshirilgan foizsiz xarajatlar hisobi aks ettiriladi.

Ish haqi va unga tenglashtirilgan toʻlovlar

Ushbu hisobvaraqda xizmatchilarning mehnati evaziga ish haqi uchun, ish vaqtidan tashqari qilinadigan ishlar uchun, dam olish va bayram kunlaridagi ishlar uchun, mukofot toʻlovlari, xodimlarga berilgan sovgʻalar qiymati kredit uyushmasining ichki qoidalari va qonun hujjatlariga muvofiq ravishdagi boshqa toʻlovlar uchun kredit uyushmasining xarajatlari hisobi olib boriladi.

Hisobvaraqning debetida ish haqi va unga tenglashtirilgan toʻlovlarga sarf qilingan xarajatlar summasi aks ettiriladi.

Xodimlar uchun imtiyozlar

Ushbu hisobvaraqda kredit uyushmasining xodimlari uchun berilgan imtiyozlarga qilgan, mukofot pullariga oʻxshash (yil yakuni boʻyicha mukofotlar, koʻp yillik xizmati uchun, ish staji uchun qoʻshimcha haq, bayram va yubiley sanalariga beriladigan mukofotlar va boshqalar), kredit uyushmasi xodimlarining oʻqishlari uchun toʻlovlar, shuningdek, ularning stipendiyalari, xodimlarga beriladigan qimmatli sovgʻalar qiymati hamda kredit uyushmasi qoidalari va qonun hujjatlariga muvofiq ravishda jismoniy shaxslardan undirib qolingan toʻlov hisobiga kredit uyushmasi tomonidan toʻlanadigan summalar hisobi olib boriladi.

Hisobvaraqning debetida xodimlar imtiyozlari uchun amalga oshirilgan xarajatlar summasi aks ettiriladi.

Tibbiy, stomatologik xizmatlar va shifoxonada davolash xarajatlari

Ushbu hisobvaraqda kredit uyushmasi xodimlarga ambulatoriya yoki statsionar meditsina va stomatologiyaga oid koʻrsatgan xizmati uchun qilgan xarajatlari hamda ular va ularning bolalari uchun sogʻlomlashtirish lagerlariga, sanatoriya-kurort muassasalariga va boshqalarga oʻrnatilgan tartibda toʻliq yoki qisman toʻlanadigan yoʻllanmalar qiymatining hisobi olib boriladi.

Hisobvaraqning debetida tibbiy, stomatologik xizmatlarga va kasalxonaga yotqizishga qilinadigan xarajatlar summasi aks ettiriladi.

Ijtimoiy sugʻurta boʻyicha badallar

Ushbu hisobvaraqda kredit uyushmasining qonunchiligiga muvofiq ish haqi fondidan nodavlat pensiya fondlar?ga toʻlanadigan koʻngilli badallar, budjetdan tashqari Pensiya jamgʻarmasiga hisoblangan ajratmalar xarajatlarining hisobi olib boriladi.

Hisobvaraqning debetida ijtimoiy sugʻurta boʻyicha oʻtkazilgan xarajatlar summasi aks ettiriladi.

Ijtimoiy himoya boʻyicha xarajatlar

Ushbu hisobvaraqda kredit uyushmasining qonun hujjatlarida koʻrsatilgan hollarda mehnat shartnomasini muddatidan oldin tugatish vaqtida beriladigan nafaqa toʻlovlari va kompensatsiya toʻlovlar, shuningdek, qonun hujjatlariga va kredit uyushmasi qoidal�riga muvofiq ravishdagi nafaqa (bolalarga qonun hujjatlarida oʻrnatilgan balogʻat yoshiga yetgunicha beriladigan va boshqalar) toʻlovlari, moddiy yordam pullari va boshqa toʻlovlarini hisobi olib boriladi.

Hisobvaraqning debetida ijtimoiy himoya uchun amalga oshirilgan xarajatlar summasi aks ettiriladi.

Bandlikka koʻmaklashish davlat jamgʻarmasi va boshqa jamgʻarmalar uchun badallar

Ushbu hisobvaraqda kredit uyushmasining Bandlikka koʻmaklashish davlat jamgʻarmasiga, Oʻzbekiston Respublikasi Kasaba uyushmalarining Federatsiyasiga va boshqa jamgʻarmalarga ajratmalar, shuningdek, qonun hujjatlariga muvofiq kredit uyushmasi xodimlarining sogʻliqlarini majburiy va ixtiyoriy sugʻurtalash hamda boshqa badallarning hisobi olib boriladi.

Hisobvaraqning debetida Bandlikka koʻmaklashish davlat jamgʻarmasiga va boshqa jamgʻarmalar uchun amalga oshirilgan ajratmalar summasi aks ettiriladi.

Xodimlarga qilingan boshqa xarajatlar

Ushbu hisobvaraqda yuqoridagi tasniflangan hisobvaraqlarga mos tushmaydigan, xodimlarga toʻlanadigan (toʻgaraklarga, klublarga, mashgʻulotlarga, gazeta va jurnallarga obuna boʻlishga, qonun hujjatlarida oʻrnatilgan meʼyordan ortiqcha toʻlangan safar va vakolatli xarajatlar summasi va boshqalar) toʻlovlarning hisobi olib boriladi.

Hisobvaraqning debetida yuqorida tasniflangan turkumlarga mos tushmaydigan, amalga oshirilgan toʻlovlar summasi aks ettiriladi.

Reprezentatsiya va koʻngilochar tadbirlar xarajatlari

Ushbu hisobvaraqda kredit uyushmasining toʻgʻridan toʻgʻri mavqeyi (prestiji) va biznesining rivojlanishiga imkon beradigan reprezentatsiya va koʻngilochar tadbirlarga qilgan xarajatlari, shuningdek, taqdimot tadbirlari xarajatlari hisobi olib boriladi.

Hisobvaraqning debetida reprezentatsiya, koʻngilochar va taqdimot tadbirlari uchun qilingan xarajatlarining summasi aks ettiriladi.

Aʼzolik badallari

Ushbu hisobvaraqda kredit uyushmasi klublar, assotsiatsiya, ijtimoiy va boshqa tashkilotlarning aʼzolari boʻlib hisoblangan hollarda kredit uyushmasining aʼzolik badallarni toʻlash uchun qilgan xarajatlari hisobi olib boriladi.

Hisobvaraqning debetida aʼzolik badallari uchun toʻlangan xarajatlarning summasi aks ettiriladi.

Xayr-ehson va xayriya xarajatlari

Ushbu hisobvaraqda kredit uyushmasining xayr-ehson qilgan xarajatlari va xayriya jamgʻarmalari hamda boshqa notijorat tashkilotlarga omonat qoʻyilgan omonatlari, shuningdek, tabiiy ofatdan koʻrilgan talafotlarga qilingan xarajatlari hisobi olib boriladi.

Hisobvaraqning debetida xayr-ehson va xayriya uchun qilingan xarajatlar summasi aks ettiriladi.

Jarima va penya xarajatlari

Ushbu hisobvaraqda kredit uyushmasining amaldagi qonun hujjatlariga va qoidalarga asosan oʻziga solingan penya va jarimalar uchun qilgan xarajatlari hisobi olib boriladi.

Hisobvaraqning debetida toʻlangan jarima va penyalarning summasi aks ettiriladi.

Sud jarayoni va aktivlarni sotib olish bilan bogʻliq boʻlgan xarajatlar

Ushbu hisobvaraqda kredit uyushmasining sud jarayoni bilan bogʻliq xarajatlari, shuningdek, kredit uyushmasining xususiylikni oʻz nomiga oʻzlashtirish boʻyicha xarajatlari hisobi olib boriladi.

Hisobvaraqning debetida sud jarayoni muhokamasi, shuningdek, aktivlarni oʻzlashtirishga toʻlangan xarajatlarining summasi aks ettiriladi.

Boshqa koʻzda tutilmagan holatlar hisobvaraqlari

Ushbu hisobvaraqda yuqorida keltirilgan tasnifga kirmaydigan operatsiyalar hisobi yuritiladi.

Hisobvaraqning debetida kirim qilingan mablagʻlar, hujjatlar yoki qimmatliklar qiymati aks ettiriladi.