Oʻzbekiston Respublikasi Prezidentining “Oʻzbekneftgaz” milliy xolding kompaniyasi faoliyatini tashkil etishni takomillashtirish chora-tadbirlari toʻgʻrisida” 2006-yil 21-avgustdagi PQ-446-son qaroriga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

1. Vazirlar Mahkamasining “Oʻzbekneftgaz” milliy xolding kompaniyasini tashkil etish va uning faoliyati masalalari toʻgʻrisida” 1998-yil 15-dekabrdagi 523-son qarorida:

a) 9-bandda “Oʻzgeoburgʻuneftgazqazibchiqarish” soʻzi “Oʻzgeoburgʻuneftgaz”, “Oʻzneftgazqazibchiqarish”, “Oʻzneftgazqurilishinvest” soʻzlari bilan almashtirilsin;

b) 10-bandning birinchi va ikkinchi xatboshi quyidagi tahrirda bayon qilinsin:

“10. Belgilab qoʻyilsinki, “Oʻzbekneftgaz” milliy xolding kompaniyasi boshqaruvining raisi maqomiga koʻra Oʻzbekiston Respublikasi vaziriga, “Oʻzbekneftgaz” milliy xolding kompaniyasining bosh boshqarmasi boshligʻi — raisning birinchi oʻrinbosari — vazirning birinchi oʻrinbosariga, “Oʻzbekneftgaz” milliy xolding kompaniyasi bosh boshqarmalari boshliqlari — raisning oʻrinbosarlari — vazir oʻrinbosarlariga tenglashtiriladi.

“Oʻzbekneftgaz” milliy xolding kompaniyasi bosh boshqarmasi boshligʻi — boshqaruv raisining birinchi oʻrinbosariga vazirlarga belgilangan, bosh boshqarmalar boshliqlari — boshqaruv raisining oʻrinbosarlariga — vazirning birinchi oʻrinbosarlariga belgilangan moddiy va maishiy taʼminot, tibbiy va transport xizmati koʻrsatish shart-sharoitlari saqlab qolinsin.

v) 11-ilovaning “Aksiyadorlik jamiyatlarining shuʼba korxonalari” boʻlimi 4-bandi quyidagi mazmundagi 4—6-bandlar bilan almashtirilsin:

“4. “Oʻzgeoburgʻuneftgaz” aksiyadorlik kompaniyasi

5. “Oʻzneftgazqazibchiqarish” aksiyadorlik kompaniyasi

6. “Oʻzneftgazqurilishinvest” aksiyadorlik kompaniyasi”.

2. Vazirlar Mahkamasining “Neft mahsulotlari bilan taʼminlash tizimini va ularni sotishda hisob-kitob qilish mexanizmini yanada takomillashtirish toʻgʻrisida” 2003-yil 19-maydagi 225-son qarorida (Oʻzbekiston Respublikasi QT, 2003-y., 5-son, 38-modda):

a) 3-bandning ikkinchi xatboshida “Neft mahsulotlari mintaqaviy boshqarmasi” soʻzlari “Neft bazalari faoliyatini muvofiqlashtirish boshqarmasi” soʻzlari bilan almashtirilsin;

b) 1-ilovada:

1) “Qoraqalpogʻiston Respublikasi” boʻlimining 2-bandi quyidagi tahrirda bayon qilinsin:

“2. Ellikqalʼa neft bazasi

Toʻrtkoʻl filiali

Qoratov filiali”;

2) “Jizzax viloyati” boʻlimining 1-bandi quyidagi tahrirda bayon qilinsin:

“Zarbdor filiali”;

3) “Qashqadaryo viloyati” boʻlimida:

1-bandda:

band quyidagi mazmundagi uchinchi xatboshi bilan toʻldirilsin:

“Ayritom filiali”;

uchinchi xatboshi toʻrtinchi xatboshi deb hisoblansin;

2-band quyidagi mazmundagi toʻrtinchi xatboshi bilan toʻldirilsin:

“Kitob filiali”;

4) “Navoiy viloyati” boʻlimida:

1-band quyidagi mazmundagi toʻrtinchi va beshinchi xatboshilar bilan toʻldirilsin:

“Zarafshon filiali”

“Uchquduq filiali”;

2-band chiqarib tashlansin;

5) “Namangan viloyati” boʻlimining 1-bandi quyidagi mazmundagi xatboshi bilan toʻldirilsin:

“Pop filiali”;

6) “Samarqand viloyati” boʻlimida:

1-bandda:

band quyidagi mazmundagi uchinchi xatboshi bilan toʻldirilsin:

“Jomboy filiali”;

uchinchi xatboshi toʻrtinchi xatboshi deb hisoblansin;

2-band quyidagi mazmundagi xatboshi bilan toʻldirilsin:

“Zirabuloq filiali”;

7) “Surxondaryo viloyati” boʻlimining 2-bandi quyidagi mazmundagi xatboshi bilan toʻldirilsin:

“Oltinsoy filiali”;

8) “Sirdaryo viloyati” boʻlimining 1-bandi ikkinchi xatboshi chiqarib tashlansin;

9) “Toshkent viloyati” boʻlimining 2-bandi quyidagi mazmundagi xatboshi bilan toʻldirilsin:

“Qibray filiali”;

10) “Fargʻona viloyati” boʻlimining 1-bandi quyidagi mazmundagi xatboshi bilan toʻldirilsin:

“Oltiariq filiali”;

11) “Xorazm viloyati” boʻlimida:

1-bandda:

band quyidagi mazmundagi toʻrtinchi xatboshi bilan toʻldirilsin:

“Hazorasp filiali”;

toʻrtinchi xatboshi beshinchi xatboshi deb hisoblansin;

2-band chiqarib tashlansin;

12) “Hammasi: 25 neft bazasi, 38 filial” soʻzlari “Hammasi: 23 neft bazasi, 43 filial va 6 kompleks avtoservis punkti (neft bazalarining filiallari)” soʻzlari bilan almashtirilsin;

v) 3-ilovaning nomlanishida “Neft mahsulotlari mintaqaviy boshqarmasi” soʻzlari “Neft bazalari faoliyatini muvofiqlashtirish boshqarmasi” soʻzlari bilan almashtirilsin.

3. Vazirlar Mahkamasining “Oʻzbekneftgaz” milliy xolding kompaniyasining boshqaruv tuzilmasini takomillashtirish toʻgʻrisida” 2003-yil 21-oktabrdagi 460-son qarorida:

a) 2-band oʻz kuchini yoʻqotgan deb hisoblansin;

b) 3-bandda:

ikkinchi xatboshi quyidagi tahrirda bayon qilinsin:

“Oʻzneftmahsulot” aksiyadorlik kompaniyasi ixtiyoriga berilayotgan 5-ilovaga muvofiq korxonalar va tashkilotlar roʻyxati”;

uchinchi xatboshi chiqarib tashlansin;

v) 4-bandning ikkinchi xatboshida “Oʻzgeoburgʻuneftgazqazibchiqarish” soʻzi “Oʻzgeoburgʻuneftgaz”, “Oʻzneftgazqazibchiqarish” soʻzlari bilan almashtirilsin;

g) 1—4 va 6—8-ilovalar oʻz kuchini yoʻqotgan deb hisoblansin.