Lex.uz - Кутубхона

Сиёсий-ҳуқуқий соҳадаги халқаро рейтинг ва индексларнинг шарҳи

Мамлакатимизнинг инвестициявий жозибадорлиги ва халқаро майдондаги имижини мустаҳкамлаш мақсадида 2019-2021-йилларда, халқаро рейтинглар ва индекслар билан ишлашнинг ҳуқуқий, институционал ва ташкилий асослари яратилди. Жумладан, Ўзбекистон Республикаси Президентининг 2020-йил 2-июндаги ПФ-6003-сон Фармонига мувофиқ Халқаро рейтинглар ва индекслар билан ишлаш бўйича республика кенгаши ташкил этилди. Ўзбекистон учун устувор бўлган 19 та халқаро рейтинг ва индекслар рўйхати шакллантирилди. Ўзбекистон учун устувор халқаро рейтинглар ва индекслар Республика Кенгашининг икки ишчи органи – Молия вазирлиги ва Адлия вазирлиги ўртасида тақсимланди.

Ислоҳотларни ҳуқуқий таъминлаш: Ҳаракатлар стратегиясидан – Тараққиёт стратегияси сари

Ушбу тўпламда 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ижроси доирасида ишлаб чиқилган ва қабул қилинган норматив-ҳуқуқий ҳужжатларнинг сон ва сифат кўрсаткичлари таҳлили берилган ҳамда Янги Ўзбекистоннинг 2022–2026 йилларга мўлжалланган тараққиёт стратегиясида белгиланган вазифаларни ҳуқуқий таъминлаш масалалари ўз аксини топган бўлиб, давлат органлари, нодавлат нотижорат ташкилотлар ва фуқаролик жамиятининг бошқа институтлари, бизнес ва илмий ҳамжамияти вакилларининг мамлакатимизда амалга оширилаётган ислоҳотларнинг ҳуқуқий асосларига оид хабардорлик даражасини оширишга мўлжалланган.

Гендер зўравонлиги бўйича тадқиқот натижалари: миллий тажриба ва хорижий амалиёт

Ушбу рисола хотин-қизлар ҳуқуқларини ҳимоя қилиш ва гендер зўравонликнинг олдини олиш самарадорлигини ўрганиш натижасида олинган материаллар тўпламидан иборатдир. Унда гендер қонунчилиги, суд амалиёти таҳлили, ижтимоий сўровлар натижалари, зўравонликнинг олдини олиш ва тажовузкорга қарши курашиш бўйича хорижий тажриба, шунингдек, гендер тенглик бўйича миллий ва хорижий экспертларнинг тавсиялари келтирилган.

Гендер – ҳуқуқий экспертиза бўйича амалий қўлланма

Ушбу қўлланма Ўзбекистон Республикасида амалдаги норматив-ҳуқуқий ҳужжатлар ва уларнинг лойиҳаларини гендер-ҳуқуқий экспертизадан ўтказиш бўйича амалий йўриқнома ҳисобланади.

Гендер тенглиги: ғоядан қонунга қадар

Ушбу услубий қўлланма давлат органлари, ННТ, ижтимоий институтлар соҳасида фаолият олиб бораётган мутахассисларнинг гендер тенглиги масалаларига оид билим, тушунча ва компетенцияларини ривожлантиришга мўлжалланган.

Сайловга оид электрон китоблар