Bugungi kunda atrof-muhitni muhofaza qilish insoniyat oldidagi eng dolzarb masalalardan biriga aylandi. Tabiatni asrash, undan oqilona foydalanish va kelajak avlodlarga sog‘lom muhitni meros qilib qoldirish har bir insonning burchidir. Shu jihatdan, ekomadaniyat tushunchasi alohida ahamiyat kasb etadi.

Ekomadaniyat – bu insonning tabiatga bo‘lgan ongli munosabati, uni asrab-avaylashga qaratilgan xulq-atvori va hayot tarzidir. U faqatgina ekologik bilimlar bilan cheklanib qolmay, balki kundalik hayotda tabiatga nisbatan masʼuliyatli bo‘lishni ham talab qiladi. Shu maqsadda, “Eko-madaniyat” umummilliy loyihasi doirasida ekologik taʼlim, ilm-fan va targ‘ibotni jadallashtirishga oid kompleks chora-tadbirlar to‘g‘risida”gi Prezident qarori qabul qilindi. Qarorga muvofiq:

2026-2027 yillar davomida respublikaning har bir hududida o‘rta bo‘g‘in kadrlarini tayyorlaydigan 14 ta “yashil” texnikumlar faoliyatini yo‘lga qo‘yib, 2030 yilgacha respublikaning har bir hududidagi “yashil” texnikumlarda 10 000 nafar o‘rta bo‘g‘in kadrlarini tayyorlash uchun ekologik taʼlim va ilmni yana-da rivojlantirish ishlari amalga oshiriladi.

 Shuningdek, 2026–2028 yillarda ekologiya, atrof-muhitni muhofaza qilish va iqlim o‘zgarishi sohasida ilmiy daraja olgan nomzodlar sonini 150 nafargacha yetkazish va 2026/2027 o‘quv yilidan mazkur qarorda ko‘rsatilgan taʼlim muassasalari “yashil” texnikumlar sifatida qayta tashkil etiladi hamda ularda hududning ekologik, ijtimoiy va iqtisodiy sharoitlaridan kelib chiqib, sohalar uchun o‘rta bo‘g‘in kadrlarini tayyorlash tizimi yo‘lga qo‘yiladi.

Qarorga ko‘ra, 2026 yildan oliy taʼlim tashkilotlari tomonidan yashil kampus loyihalari ishlab chiqiladi va Ekologiya qo‘mitasi bilan kelishiladi.

2026 yil 1 maydan “10 ming qadam piyoda” tajribasi qayta tiklanadi hamda “Sog‘lom turmush tarzi” platformasi faoliyati yo‘lga qo‘yiladi.

Shuningdek, 2026 yil 1 maydan “Yosh ekolog” ko‘krak nishoni taʼsis etiladi.