Oʻzbekiston Respublikasi Prezidentining “Investitsiya va tashqi savdo sohasida boshqaruv tizimini takomillashtirish chora-tadbirlari toʻgʻrisida” 2019-yil 28-yanvardagi PF-5643-son Farmoni va “Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida” 2019-yil 28-yanvardagi PQ-4135-son qarorining ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Investitsiyalar va tashqi savdo vazirligi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev va Oʻzbekiston Respublikasi investitsiyalar va tashqi savdo vaziri S.U. Umurzakov zimmasiga yuklansin.

1. Ushbu Nizom Oʻzbekiston Respublikasi Investitsiyalar va tashqi savdo vazirligining (keyingi oʻrinlarda Vazirlik deb ataladi) maqomi, vazifalari, funksiyalari, vakolatlari va faoliyatining tashkiliy asoslarini, shuningdek, uning rahbarlari funksional majburiyatlari va javobgarligini belgilaydi.

2. Vazirlik yagona davlat investitsiya siyosatini amalga oshirish, xorijiy, birinchi navbatda, toʻgʻridan-toʻgʻri investitsiyalarni jalb qilishni muvofiqlashtirish, xalqaro moliya institutlari (boshqaruv ofislari) va xorijiy hukumat moliya tashkilotlari bilan hamkorlik qilish, shuningdek, tashqi savdo va xalqaro iqtisodiy hamkorlik, respublikaga tashqi begʻaraz koʻmak mablagʻlarini (grant, texnik koʻmak, maqsadli begʻaraz yordam) jalb qilish sohasida yagona davlat siyosatini shakllantirish va muvofiqlashtirish uchun masʼul vakolatli davlat organi hisoblanadi.

3. Vazirlik oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari, mazkur Nizomga va boshqa normativ-huquqiy hujjatlarga amal qiladi.

4. Vazirlikning oʻz vakolatlari doirasida qabul qilgan qarorlari davlat boshqaruvi organlari, mahalliy ijro etuvchi hokimiyat organlari, mulkchilik va idoraviy boʻysunish shaklidan qatʼi nazar, xoʻjalik yurituvchi subyektlar tomonidan bajarilishi majburiydir.

5. Vazirlik oʻz faoliyatini davlat boshqaruvining boshqa organlari, mahalliy ijro etuvchi hokimiyat organlari, jamoat birlashmalari va boshqa tashkilotlar bilan bevosita va oʻzaro hamkorlikda amalga oshiradi.

6. Vazirlik, Qoraqalpogʻiston Respublikasi Investitsiyalar va tashqi savdo vazirligi, viloyatlar va Toshkent shahar investitsiyalar va tashqi savdo boshqarmalari, tumanlar (shaharlar) investitsiyalar va tashqi savdo boʻlimlari, shuningdek, Vazirlikning tashkiliy tuzilmasiga kiradigan idoraviy mansub tashkilotlar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan, davlat tilida oʻz nomi yozilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisobraqamlariga, jumladan, xorijiy valyutadagi hisobraqamlarga egadir.

7. Vazirlikning rasmiy nomi:

a) davlat tilida:

toʻliq — Oʻzbekiston Respublikasi Investitsiyalar va tashqi savdo vazirligi, qisqartirilgani — Investitsiyalar va tashqi savdo vazirligi;

b) ingliz tilida:

toʻliq — Ministry of Investments and Foreign Trade of the Republic of Uzbekistan, qisqartirilgani — Ministry of Investments and Foreign Trade;

v) rus tilida:

toʻliq — Ministerstvo investitsiy i vneshney torgovli Respubliki Uzbekistan, qisqartirilgani — Mininvestvneshtorg.

8. Vazirlik joylashgan joy (pochta manzili): Toshkent shahar, Taras Shevchenko koʻchasi, 1-uy.

9. Vazirlik tizimiga quyidagilar kiradi:

markaziy apparat;

Qoraqalpogʻiston Respublikasi investitsiyalar va tashqi savdo vazirligi;

viloyatlar va Toshkent shahar investitsiyalar va tashqi savdo boshqarmalari (keyingi oʻrinlarda hududiy boshqarmalar deb ataladi);

tumanlar (shaharlar) investitsiyalar va tashqi savdo boʻlimlari (keyingi oʻrinlarda tumanlar (shaharlar) boʻlimlari deb ataladi);

Xorijiy investitsiyalarni jalb etish agentligi;

Eksportni ragʻbatlantirish agentligi;

Investitsiya loyihalarini ishlab chiqish markazi.

Xalqaro hamkorlik va rivojlanish agentligi;

Raqamli transformatsiya markazi.

10. Hududiy boshqarmalar Vazirlikka, Qoraqalpogʻiston Respublikasi Vazirlar Kengashi, viloyat va Toshkent shahar hokimliklariga hisob beradi.

Vazirlikning tumanlar (shaharlar) boʻlimlari Vazirlikning hududiy boshqarmalari va tegishli tumanlar (shaharlar) hokimliklariga hisob beradi.

11. Quyidagilar Vazirlikning asosiy vazifalari hisoblanadi:

yagona davlat investitsiya siyosatini amalga oshirish, davlat rivojlanish dasturlari va investitsiya dasturlari, shu jumladan tarmoq va hududiy investitsiya dasturlarining ishlab chiqilishi va samarali amalga oshirilishini muvofiqlashtirish;

xorijiy investitsiyalarni jalb qilish ishlarini muvofiqlashtirish, xalqaro iqtisodiy va moliya institutlari, xorijiy hukumat moliya tashkilotlari bilan ikki tomonlama va koʻp tomonlama formatda oʻzaro samarali hamkorlikni amalga oshirish;

davlat organlari va tashkilotlarining faoliyati, Oʻzbekiston Respublikasining xalqaro hamda xorijiy moliya va iqtisodiy institutlardagi doimiy vakillari, shuningdek, Oʻzbekiston Respublikasi Tashqi ishlar vazirligi bilan birgalikda Oʻzbekiston Respublikasining xorijiy muassasalarida tashqi iqtisodiy faoliyat masalalari bilan shugʻullanuvchi xodimlar faoliyatini muvofiqlashtirish;

davlat organlari va tashkilotlarining respublikaga tashqi begʻaraz koʻmak (grantlar, texnik koʻmak, maqsadli begʻaraz yordam) mablagʻlarini jalb qilish boʻyicha faoliyatini muvofiqlashtirish, shuningdek, ularning maqsadli foydalanilishini hisobga olish va monitoring qilish;

Oʻzbekiston Respublikasining savdo-iqtisodiy va investitsiyaviy hamkorlik masalalari boʻyicha xalqaro shartnomalarini tayyorlash, kelishish va imzolashda ishtirok etish;

investorlar bilan doimiy qayta aloqani yoʻlga qoʻyish, investitsiyalarni jalb qilishda hududlar va mahalliy kompaniyalarga koʻmaklashish, investitsiya takliflarini ishlab chiqishni tashkil etish;

tashqi savdo sohasida yagona davlat siyosatini amalga oshirish, Eksportni qoʻllab-quvvatlash milliy tizimining samarali ishlashiga koʻmaklashish va taʼminlash, tashqi savdo faoliyatini tartibga solish sohasida davlat organlari va tashkilotlarining faoliyatini muvofiqlashtirish;

savdoda tarif va notarif tartibga solish choralarini qoʻllash hamda elektron tijorat tartib-taomillarini takomillashtirish bilan bogʻliq tadbirlarni muvofiqlashtirish;

Oʻzbekiston Respublikasining xorijiy davlatlar bilan savdo-iqtisodiy va investitsiyaviy aloqalarini kengaytirish va mustahkamlash, tovarlar, ishlar va xizmatlar eksportini qoʻllab-quvvatlash;

Oʻzbekiston Respublikasining Jahon savdo tashkilotiga aʼzo boʻlish va u bilan hamda boshqa koʻp tomonlama iqtisodiy tashkilotlar bilan hamkorlik qilish jarayonlarini muvofiqlashtirish;

ulgurji va birja tashqi savdoni tartibga solish masalalarini muvofiqlashtirish, xalqaro bozorlar holatini monitoring va tahlil qilish, marketing tadqiqotlarini oʻtkazish va tovarlarning jahondagi narxlari toʻgʻrisidagi maʼlumotlarni tahlil qilish;

tashqi savdo infratuzilmasini rivojlantirish, shu jumladan tranzit salohiyati darajasini oshirish, logistika va transport yoʻlaklarini takomillashtirish, shuningdek, eksport marshrutlarini diversifikatsiya qilish masalalarini ilgari surish;

mahalliy sanoatni jadal rivojlantirishni taʼminlash.

12. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

1) yagona davlat investitsiya siyosatini amalga oshirish, davlat rivojlanish dasturlari va investitsiya dasturlari, shu jumladan tarmoq va hududiy investitsiya dasturlarining ishlab chiqilishi va samarali amalga oshirilishini muvofiqlashtirish sohasida:

davlat rivojlanish dasturlari va investitsiya dasturlari, shu jumladan tarmoq va hududiy investitsiya dasturlari, shuningdek, texnik koʻmaklashish mablagʻlarini (grantlarini) jalb qilish dasturlarining ishlab chiqilishi va samarali amalga oshirilishida vazirliklar va idoralar hamda mahalliy ijro etuvchi hokimiyat organlarining ishini muvofiqlashtiradi;

respublika hududida investitsiya faoliyatini kengaytirish va investitsiyalar oqimiga toʻsqinlik qiluvchi mavjud toʻsiqlarni bartaraf etish uchun normativ-huquqiy bazani takomillashtirish boʻyicha takliflar ishlab chiqadi;

davlat rivojlanish dasturlari va investitsiya dasturlariga kiritilgan investitsiya loyihalarining amalga oshirilishi va ular doirasida mablagʻlar oʻzlashtirilishining, shuningdek, ishlab chiqilayotgan loyihalarni ushbu investitsiya dasturlariga kiritishning doimiy monitoringini olib boradi;

Oʻzbekiston Respublikasi Iqtisodiyot va sanoat vazirligi, shuningdek, loyihalar tashabbuskorlari boʻlgan vazirliklar, idoralar va xoʻjalik yurituvchi subyektlar bilan hamkorlikda davlat rivojlanish dasturlari va investitsiya dasturlari, shu jumladan chet el investitsiyalari va kreditlari (qarzlar) ishtirokidagi investitsiya loyihalari amalga oshirilishining monitoring tizimini tashkil etadi, investitsiya loyihalarining oʻz vaqtida amalga oshirilishiga toʻsqinlik qiluvchi tizimli muammolarni aniqlaydi va buning asosida investitsiya jarayonlarini takomillashtirish boʻyicha takliflarni ishlab chiqadi;

erkin iqtisodiy zonalar faoliyatini muvofiqlashtiradi, erkin iqtisodiy zonalar maʼmuriy kengashlari ishchi organi funksiyasini amalga oshiradi;

erkin iqtisodiy zonalar rivojlanishining monitoringini amalga oshiradi, maʼmuriy kengashlarga yangi investitsiya loyihalari boʻyicha maʼmuriy kengashlar aʼzolarining xulosalari asosida takliflar kiritadi va erkin iqtisodiy zonalar hududlarida xorijiy investitsiyalar ishtirokidagi loyihalar samarali amalga oshirilishini taʼminlash choralarini koʻradi;

Oʻzbekiston Respublikasi Savdo-sanoat palatasi bilan birgalikda foydalanilmayotgan ishlab chiqarish obyektlaridan samarali foydalanish, shuningdek, xususiy tadbirkorlik subyektlarining boʻsh turgan va qurilishi tugallanmagan obyektlari ishlab chiqarish faoliyatini tiklashga qaratilgan investitsiya loyihalari (“yoʻl xaritalari”)ni ishlab chiqish boʻyicha idoralararo komissiyaning ishchi organi funksiyalarini amalga oshiradi;

2) xorijiy investitsiyalarni jalb qilish ishlarini muvofiqlashtirish, xalqaro iqtisodiy va moliya institutlari, xorijiy hukumat moliya tashkilotlari bilan ikki tomonlama va koʻp tomonlama formatda oʻzaro samarali hamkorlikni amalga oshirish sohasida:

chet el investitsiyalarini, birinchi navbatda, toʻgʻridan-toʻgʻri chet el investitsiyalarini jalb qilishda, shuningdek, ulardan samarali foydalanishda vazirliklar, idoralar va boshqa tashkilotlarga koʻmaklashadi;

xalqaro moliya institutlari, xorijiy hukumatlar moliya tashkilotlari, xorijiy banklar, fondlar, agentliklar, kompaniyalar va boshqa tashkilotlar bilan ularni respublika uchun strategik ahamiyatga ega boʻlgan investitsiya loyihalarini amalga oshirishga jalb qilish boʻyicha takliflarni, istiqbolli va joriy dasturlarni oʻrganadi, umumlashtiradi va tayyorlaydi;

ustuvor va istiqbolli investitsiya loyihalari hamda texnik koʻmaklashish mablagʻlarini (grantlarni) jalb etish dasturlari portfelining shakllantirilishida qatnashadi;

chet el investitsiyalari va kreditlari (qarzlar) va texnik koʻmaklashish mablagʻlari (grantlari) oqimining hisobi va tahlilini yuritadi, oʻrganadi va ularni jalb qilish va ragʻbatlantirishning jahon tajribasini umumlashtiradi;

chet el investitsiyalari va kreditlari (qarzlar), ilgʻor texnologiyalar, shuningdek, texnik koʻmaklashish mablagʻlarini (grantlarini) jalb qilish uchun ustuvor va istiqbolli loyihalarning yagona maʼlumotlar bazasini shakllantiradi va doimiy yangilaydi;

xorijiy mamlakatlar bilan savdo-iqtisodiy va investitsiya masalalari boʻyicha hukumatlararo komissiyalar (qoʻmitalar, kengashlar va ishchi guruhlar) kotibiyatlarining aʼzosi sifatida ishtirok etadi, tegishli hamkor davlatlar bilan savdo va investitsiya sohalarida istiqbolli hamkorlik yoʻnalishlari boʻyicha takliflarni shakllantirish va har tomonlama sifatli tayyorlashda hamda oʻzaro savdo-iqtisodiy va investitsiyaviy hamkorlik qismi boʻyicha erishilgan kelishuvlar va hukumatlararo komissiyalar yigʻilishlari yakunlari boʻyicha qabul qilingan qarorlarni amalga oshirishda qatnashadi;

tegishli xalqaro moliya institutlari bilan amalga oshirilayotgan oʻzaro hamkorlik haqida Oʻzbekiston Respublikasi nomidan xalqaro moliya institutlari boshqaruv idoralarini muntazam xabardor qilishni taʼminlaydi;

xalqaro va xorijiy hukumatlar moliya institutlaridan jalb qilinadigan kredit resurslari va texnik koʻmaklashish mablagʻlari (grantlari), Oʻzbekiston Respublikasi Tiklanish va taraqqiyot jamgʻarmasi, Oʻzbekiston Respublikasi Davlat budjeti va davlat maqsadli jamgʻarmalari mablagʻlari hisobiga markazlashtirilgan investitsiyalardan samarali foydalanish boʻyicha tavsiyalar ishlab chiqadi;

Oʻzbekiston Respublikasi davlat kafolati ostida yoki Oʻzbekiston Respublikasi nomidan jalb qilingan xalqaro moliya institutlari va xorijiy hukumat moliya tashkilotlari mablagʻlari hisobidan moliyalashtiriladigan shartnomalarni va qoʻshimcha bitimlarni roʻyxatdan oʻtkazadi;

qonun hujjatlarda belgilangan tartibda va zarur boʻlganda, xalqaro moliya institutlari va xorijiy hukumat tashkilotlari qoidalari hamda tartib-taomillariga muvofiq investitsiya loyihalari boʻyicha loyihaoldi va loyiha hujjatlarini oʻz vaqtida ishlab chiqishni nazorat qiladi, shuningdek, xalqaro moliya institutlari va xorijiy hukumat tashkilotlari mablagʻlari hisobidan moliyalashtiriladigan investitsiya loyihalarining tender va konkurs savdolarini muvofiqlashtiradi;

loyihalarni amalga oshirish guruhlari rahbarlarini tanlash va tasdiqlash, shuningdek, ularni malakali mutaxassislar bilan shakllantirish, shuningdek, ushbu mutaxassislar malakasining investitsiya loyihalarini boshqarish sohasidagi talablarga mos kelishini aniqlash boʻyicha ishlarni tashkil etadi;

davlat xaridlari boʻyicha xarid komissiyasining aʼzosi sifatida qatnashadi va xaridlarni amalga oshirish tartibini takomillashtirish boʻyicha takliflar kiritadi, tender savdolari qoidalarini va yoʻriqnomalarini ishlab chiqish va muvofiqlashtirishda ishtirok etadi;

3) davlat organlari va tashkilotlarining, Oʻzbekiston Respublikasining xalqaro hamda xorijiy moliya va iqtisodiy institutlardagi doimiy vakillarining, shuningdek, Tashqi ishlar vazirligi bilan birgalikda Oʻzbekiston Respublikasining xorijiy muassasalarida tashqi iqtisodiy faoliyat masalalari bilan shugʻullanuvchi xodimlarning faoliyatini muvofiqlashtirish sohasida:

davlat va xoʻjalik boshqaruvi organlari, davlat ulushi ustun keladigan tijorat banklari, mahalliy ijro etuvchi hokimiyat organlari va boshqa tashkilotlar tomonidan yagona investitsiya siyosati amalga oshirilishi boʻyicha ishlarni muvofiqlashtiradi;

hududlarni ijtimoiy-iqtisodiy rivojlantirish, ishlab chiqarish, transport-kommunikatsiya va ijtimoiy infratuzilmani rivojlantirish dasturlarini ishlab chiqishda va ularga chet el investorlarini jalb qilishda vazirliklar va idoralarga koʻmaklashadi;

Oʻzbekiston Respublikasi Tashqi ishlar vazirligi bilan birgalikda Oʻzbekiston Respublikasining chet eldagi muassasalarida tashqi iqtisodiy masalalar bilan shugʻullanuvchi xodimlarni muvofiqlashtiradi;

Oʻzbekiston Respublikasi Tashqi ishlar vazirligi bilan birgalikda Oʻzbekiston Respublikasining chet eldagi muassasalarida tashqi iqtisodiy faoliyat masalalari bilan shugʻullanuvchi xodimlar faoliyatini takomillashtirish boʻyicha takliflar ishlab chiqadi;

har chorakda Qoraqalpogʻiston Respublikasi Vazirlar Kengashi raisining tegishli oʻrinbosari, viloyatlar va Toshkent shahar hokimlari tegishli oʻrinbosarlarining toʻgʻridan-toʻgʻri chet el investitsiyalari va ilgʻor texnologiyalarni hamda texnik koʻmaklashish mablagʻlarini (grantlarini) jalb qilish, tashqi savdoni rivojlantirish, eksport hajmlarini oshirish va boshqa masalalar boʻyicha amalga oshirilgan ishlar yuzasidan hisobotlarini, shuningdek, har yili Oʻzbekiston Respublikasining chet el muassasalaridagi tashqi iqtisodiy faoliyat masalalari bilan shugʻullanuvchi xodimlarning hisobotlarini eshitadi;

respublika tadbirkorlik subyektlarining chet el kompaniyalari bilan ishlab chiqarish va ilmiy-texnik hamkorlik oʻrnatishiga, shuningdek, qoʻshma korxonalar tashkil etishga va birgalikdagi tadbirkorlikning boshqa shakllarini rivojlantirishda koʻmaklashadi;

3¹) davlat organlari va tashkilotlarining respublikaga tashqi begʻaraz koʻmak (grant, texnik koʻmak, maqsadli begʻaraz yordam) mablagʻlarini jalb qilish boʻyicha faoliyatini muvofiqlashtirish, shuningdek, ularning maqsadli foydalanilishini hisobga olish va monitoring qilish sohasida:

tashqi begʻaraz koʻmak mablagʻlarini jalb qilish hamda donor bilan hamkorlik dasturlarini ishlab chiqadi va tasdiqlaydi;

tashqi begʻaraz koʻmak mablagʻlari hisobidan moliyalashtirish taklif etilayotgan loyiha tashabbuslarini ishlab chiqish va kelishish jarayonlarini muvofiqlashtiradi;

tashqi begʻaraz koʻmak loyihalarini hisobga olish va ularning amalga oshirilishini monitoring qilishni taʼminlaydi;

Oʻzbekiston Respublikasining donorlar bilan hamkorligini rivojlantirish va samaradorligini oshirish borasida takliflar ishlab chiqadi.

4) Oʻzbekiston Respublikasining savdo-iqtisodiy va investitsiyaviy hamkorlik masalalari borasidagi xalqaro shartnomalarini tayyorlash, kelishish va imzolashda ishtirok etish sohasida:

Oʻzbekiston Respublikasining xorijiy davlatlar va xalqaro tashkilotlar bilan savdo-iqtisodiy, investitsiyaviy va transport-kommunikatsiya hamkorlik masalalari boʻyicha xalqaro shartnomalar loyihalarini ishlab chiqadi, kelishadi va Oʻzbekiston Respublikasi Vazirlar Mahkamasi yoki Oʻzbekiston Respublikasi Prezidenti Administratsiyasiga kiritadi;

vazirliklar, idoralar va boshqa tashkilotlar bilan savdo-iqtisodiy va investitsiyaviy kelishuvlar (bitimlar, memorandumlar, bayonnomalar va boshqalar), shartnomalar (kontraktlar) loyihalarini kelishadi va ularni tuzish boʻyicha takliflar kiritadi;

xalqaro moliya institutlari, xorijiy hukumat moliya institutlari, bank tuzilmalari va boshqa iqtisodiy hamda savdo tashkilotlari bilan qarzga oid va shu kabi muzokaralarda qatnashadi;

Oʻzbekiston Respublikasining savdo-iqtisodiy, investitsiyaviy va transport-kommunikatsiya hamkorlik masalalari boʻyicha imzolangan xalqaro shartnomalar hamda kelishuvlar (bitimlar, memorandumlar, bayonnomalar va boshqalar) va kontraktlarning maʼlumotlar bazasini yuritadi, ularni bajarish boʻyicha doimiy monitoring olib boradi va Oʻzbekiston Respublikasi Vazirlar Mahkamasi yoki Oʻzbekiston Respublikasi Prezidenti Administratsiyasiga tegishli maʼlumot hamda takliflarni kiritadi;

xalqaro iqtisodiy tashkilotlar ishida, savdo iqtisodiy va investitsiya mavzuyiga bagʻishlangan xalqaro tadbirlarda Oʻzbekiston Respublikasi manfaatlarini himoya qiladi va qatnashadi, savdo-iqtisodiy va investitsiyaviy hamkorlik masalalarini muhokama qilish va hal etish uchun Oʻzbekiston Respublikasiga kelgan chet el delegatsiyalarini qabul qiladi;

5) investorlar bilan doimiy qayta aloqani yoʻlga qoʻyish, investitsiyalarni jalb qilishda hududlar va mahalliy kompaniyalarga koʻmaklashish, investitsiya takliflarini ishlab chiqishni tashkil etish sohasida:

respublikadagi loyiha tashabbuskorlariga chet ellik investorlar bilan oʻzaro manfaatli aloqalar oʻrnatishda koʻmaklashadi;

tadbirkorlik subyektlariga va boshqa shaxslarga xorijiy investorlarni topishda, uzoq muddatli sheriklik aloqalarini oʻrnatishda koʻmaklashadi, shuningdek, toʻgʻridan-toʻgʻri chet el investitsiyalarini jalb qilish uchun loyiha takliflari va boshqa zarur materiallar tayyorlashda uslubiy yordam koʻrsatadi;

xorijiy investorlarni mamlakat iqtisodiy va investitsiyaviy salohiyati haqida keng xabardor qilish uchun Oʻzbekiston Respublikasida va xorijda xalqaro konferensiyalar, seminarlar, investitsiya forumlarini tashkil etadi va ularda qatnashadi;

investitsiya va savdo faoliyatiga, shu jumladan investitsiya loyihalarini amalga oshirishga salbiy taʼsir koʻrsatadigan muammolarni doimiy asosda oʻrganadi;

investorlar murojaatlari toʻgʻrisidagi maʼlumotlarning muntazam umumlashtirilishini taʼminlaydi va investorlarning, shu jumladan salohiyatli investorlarning huquq va qonuniy manfaatlarini himoya qilish yuzasidan Oʻzbekiston Respublikasi Prezidenti Administratsiyasiga takliflar kiritadi;

davlat organlari tomonidan oʻtkaziladigan xalqaro investitsiyaviy va iqtisodiy forumlar va boshqa xalqaro investitsiyaviy va iqtisodiy tadbirlarni kelishadi;

tegishli idoralarning investitsiya siklining har bir bosqichida investorlarni qoʻllab-quvvatlash, byurokratik koʻrinishlarning oldini olgan holda yuzaga kelayotgan tashkiliy masalalarni, shu jumladan investitsiyadan keyingi davrda hal qilish boʻyicha muzokaralar olib borishini tashkil qiladi;

investitsiya kompaniyasi va moliya institutlari missiyalarining amaliy uchrashuvlari jadvallarini ishlab chiqadi va tasdiqlaydi;

6) tashqi savdo sohasida yagona davlat siyosatini amalga oshirish, Eksportni qoʻllab-quvvatlash milliy tizimining samarali ishlashiga koʻmaklashish va taʼminlash, tashqi savdo faoliyatini tartibga solish sohasida davlat organlari va tashkilotlarining faoliyatini muvofiqlashtirish sohasida:

teng sheriklik, oʻzaro manfaatli va kamsitmaslik prinsiplariga asoslangan tashqi savdo faoliyatini erkin hamda teng huquqli amalga oshirish uchun qulay sharoitlar yaratishda ishtirok etadi;

tashqi savdoni liberallashtirish va unga koʻmaklashish, respublikaning reyting koʻrsatkichlarini yaxshilash, Oʻzbekiston Respublikasi tashqi savdo aloqalarini mustahkamlash va kengaytirish boʻyicha takliflar ishlab chiqadi;

savdo-iqtisodiy hamkorlik sohasida xalqaro munosabatlarni rivojlantirish maqsadida davlat boshqaruvi organlari, xoʻjalik yurituvchi subyektlar va mahalliy ijro etuvchi hokimiyat organlari mansabdor shaxslarining xizmat safarlari hamda xorijiy davlatlar va xalqaro tashkilotlar, nodavlat tuzilmalar hamda ishbilarmon doiralar vakillarining Oʻzbekiston Respublikasiga tashrifi natijalari boʻyicha erishilgan kelishuvlarning amalga oshirilishi ustidan tegishli monitoringni taʼminlaydi;

davlat boshqaruvi organlari, xoʻjalik yurituvchi subyektlar va mahalliy ijro etuvchi hokimiyat organlari tomonidan taqdim etiladigan maʼlumotlar asosida eksport va import prognozlari bajarilishi tahlilini va monitoringini olib boradi, eksport va import surʼatlari, ulushi va samaradorligi prognozini amalga oshiradi va ularni muvofiqlashtirish boʻyicha takliflar ishlab chiqadi;

idoralar, mahalliy ijro etuvchi hokimiyat organlari, Oʻzbekiston Respublikasi Davlat bojxona qoʻmitasi, Oʻsimliklar karantini va himoyasi agentligi, Veterinariya va chorvachilikni rivojlantirish davlat qoʻmitasi, “Oʻzstandart” agentligi, Sogʻliqni saqlash vazirligining Davlat sanitariya-epidemiologiya nazorati respublika markazining ichki va tashqi bozorlardagi savdo faoliyatiga taʼsir qiluvchi choralarni qoʻllash boʻyicha harakatlarini muvofiqlashtiradi;

Eksportni qoʻllab-quvvatlash milliy tizimining samarali ishlashini va uning tizimiga kiruvchi tashkilotlarning samarali faoliyat yuritishini taʼminlaydi;

eksportni nazorat qilish sohasida vakolatli davlat organi funksiyasini bajaradi;

tashqi savdo kelishuvlari va xalqaro bitimlar shartlari asosida Oʻzbekiston Respublikasi hududida sodir boʻlgan yengib boʻlmas kuchlar (fors-major) holatlarini tasdiqlaydi;

Oʻzbekiston Respublikasida roʻyxatdan oʻtgan muassasalarning chet elda tashkil etilgan tashkilotlari reyestrini yaratadi va yuritadi;

Oʻzbekiston Respublikasi hududida xorijiy tijorat tashkilotlari vakolatxonalarining va mazkur vakolatxonalar xorijiy xodimlarining akkreditatsiyasini belgilangan tartibda amalga oshiradi;

Oʻzbekiston Respublikasi Davlat bojxona qoʻmitasi bilan birgalikda Oʻzbekiston Respublikasi tashqi iqtisodiy faoliyat tovar nomenklaturasini yuritadi;

7) savdoda tarif va notarif tartibga solish choralarini qoʻllash hamda elektron tijorat tartib-taomillarini takomillashtirish bilan bogʻliq tadbirlarni muvofiqlashtirish sohasida:

Oʻzbekiston Respublikasi tashqi savdo siyosatining asosiy yoʻnalishlarini ishlab chiqadi, tashqi savdoning asosiy koʻrsatkichlari parametrlarini shakllantirishda va mamlakat bojxona-tarif siyosatini takomillashtirishda qatnashadi;

tashqi savdoda imtiyozli rejimlarni qoʻllash boʻyicha Oʻzbekiston Respublikasi Vazirlar Mahkamasiga takliflar kiritadi;

muhofaza choralari, antidemping va kompensatsiya bojlarini tatbiq etish borasida belgilangan tartibda oʻrganishlarni olib boradi, shuningdek, tashqi savdoda texnik toʻsiqlarni qoʻllash boʻyicha ishlarda ishtirok etadi;

mahalliy xomashyo asosida tayyor mahsulotlar, butlovchi qismlar va materiallar ishlab chiqarishni mahalliylashtirish va import oʻrnini bosish masalalari boʻyicha takliflarni belgilangan tartibda kiritadi, mahsulotlar sifatini oshirish boʻyicha dastur va konsepsiya ishlab chiqishda qatnashadi va importni optimallashtirish boʻyicha takliflar ishlab chiqadi;

tovarlarning kelib chiqishini sertifikatlashtirish, tashkilotlar tomonidan oʻz ehtiyojlari uchun olib kelinadigan mahsulotlarni sertifikatlashtirish, Oʻzbekiston Respublikasida ishlab chiqarilmaydigan, chetdan olib kelinadigan texnologiya asbob-uskunalari, ehtiyot qismlar, materiallar va komponentlarni mahalliylashtiriladigan mahsulotlar ishlab chiqarishda texnologik jarayonda foydalaniladigan toifaga kiritish toʻgʻrisida xulosalar berishni mustaqil amalga oshiradi yoki bu boradagi vakolatlarni tegishli tashkilotlarga beradi;

tashqi iqtisodiy faoliyat doirasidagi elektron tijorat sohasida tashqi savdo siyosatini shakllantirishda ishtirok etadi;

tashqi savdo infratuzilmasini jahon elektron savdo tizimiga integratsiyalashtirish, Internetning tarmogʻida milliy ishlab chiqaruvchilar va eksport qiluvchilarning mavjud boʻlishini kuchaytirish boʻyicha dasturlar va kompleks chora-tadbirlar ishlab chiqadi;

eksport qilinayotgan mahsulotlarning soni va sifatini ekspert baholash tizimini takomillashtirish boʻyicha takliflarni ishlab chiqadi va belgilangan tartibda Oʻzbekiston Respublikasi Vazirlar Mahkamasiga kiritadi;

8) Oʻzbekiston Respublikasining xorijiy davlatlar bilan savdo-iqtisodiy va investitsiyaviy aloqalarini kengaytirish va mustahkamlash, tovarlar, ishlar va xizmatlar eksportini qoʻllab-quvvatlash sohasida:

xorijiy mamlakatlar, shu jumladan, “Bir makon, bir yoʻl” tashabbusining ishtirokchi davlatlari bilan savdo-iqtisodiy va investitsiyaviy hamkorlik loyihalari va dasturlarini ishlab chiqadi hamda amalda roʻyobga chiqaradi;

xorijiy mamlakatlar bilan yuqori texnologiyalar, innovatsiyalar, sanoat, energetika, infratuzilmani rivojlantirish, transport, logistika, qishloq xoʻjaligi, turizm va boshqa yoʻnalishlarda amaliy hamkorlikni kengaytirish boʻyicha aniq takliflar tayyorlaydi;

oliy darajadagi tashriflar yakunlari boʻyicha erishilgan savdo-iqtisodiy va investitsiyaviy hamkorlik sohasidagi kelishuvlarning soʻzsiz va sifatli ijro etilishi ustidan doimiy hamda tizimli monitoring va nazoratni tashkil qiladi;

xorijiy mamlakatlar bilan savdo-iqtisodiy va investitsiyaviy hamkorlik sohasidagi amaliy chora-tadbirlar rejalarini (“yoʻl xaritalari”) soʻzsiz amalga oshirish boʻyicha hamda mamlakatning tashqi iqtisodiy manfaatlarini ilgari surish, Oʻzbekiston Respublikasi tashqi iqtisodiy faoliyati ishtirokchilarining huquqlari va qonuniy manfaatlarini himoya qilish doirasida masʼul ijrochilar — vazirliklar, idoralar, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtiradi;

savdo-iqtisodiy va investitsiyaviy hamkorlik sohasidagi koʻp tomonlama xalqaro shartnomalar va tuzilmalarda Oʻzbekiston Respublikasining ishtirok etishi maqsadga muvofiqligi toʻgʻrisida takliflar kiritadi;

Oʻzbekiston Respublikasi xoʻjalik yurituvchi subyektlarining tashqi bozorlarga kirib borishi uchun qulay shart-sharoitlarni taʼminlashga doir kompleks chora-tadbirlarni ishlab chiqadi va amalga oshiradi, tashqi savdo hamkorligining har xil shakllari kengaytirilishiga koʻmaklashadi;

eksport salohiyatni rivojlantirishning asosiy yoʻnalishlari boʻyicha takliflar ishlab chiqadi, eksport salohiyatini kengaytirish, mamlakatning eksport siyosatini shakllantirish va amalga oshirish maqsadli dasturlarini ishlab chiqish va amalga oshirish bilan bogʻliq tadbirlarni muvofiqlashtiradi;

qisqa, oʻrta va uzoq muddatli davrda mamlakat asosiy eksport tovarlarining jahon bozoridagi oʻrnini tadqiq etadi va mustahkamlash ssenariysini ishlab chiqadi;

eksport faoliyatini ragʻbatlantirishda xalqaro tajribani oʻrganish va qonunchilik tahlili asosida eksport salohiyatini rivojlantirish sohasidagi qonunchilikni yanada takomillashtirish boʻyicha Oʻzbekiston Respublikasi Vazirlar Mahkamasiga takliflar kiritadi;

eksportbop mahsulotlar, shuningdek, soha korxonalarining eksport mahsulotlari va eksportchilar boʻyicha maʼlumotlar bazasini yaratadi va yuritadi;

Oʻzbekiston Respublikasi Moliya vazirligi hamda Iqtisodiyot va sanoat vazirligi bilan birgalikda eksportni qoʻllab-quvvatlash strategiyasini, shu jumladan uni ragʻbatlantiruvchi vositalarni ishlab chiqadi va amalga oshirilishini taʼminlaydi;

Oʻzbekiston Respublikasi vazirlik, idora va xoʻjalik subyektlari bilan birgalikda tashqi savdo sohasida xalqaro savdo-sanoat koʻrgazmalari, yarmarkalar, forumlar, taqdimotlar, konferensiyalar va boshqa shunday tadbirlarni mamlakatimizda va xorijda tashkil qiladi va oʻtkazadi;

taqdimotlar, reklama tadbirlari va aksiyalar oʻtkazish, maxsus adabiyotlar, bukletlar chop etish, Internet tarmogʻida maxsus veb-saytlar yaratish orqali Oʻzbekiston Respublikasining yuqori xalqaro mavqeyini shakllantiradi va qoʻllab-quvvatlaydi;

xorijiy mamlakatlar bilan ikki tomonlama hamkorlik boʻyicha hukumatlararo komissiyalar (qoʻmitalar, kengashlar)ning Oʻzbekistonga oid qismlari faoliyatini muvofiqlashtiradi va ularning kotibiyatlari funksiyalarini amalga oshiradi;

9) Oʻzbekiston Respublikasining Jahon savdo tashkilotiga aʼzo boʻlish va u bilan hamda boshqa koʻp tomonlama iqtisodiy tashkilotlar bilan hamkorlik qilish jarayonlarini muvofiqlashtirish sohasida:

Oʻzbekiston Respublikasining Jahon savdo tashkilotiga (keyin oʻrinlarda JST deb ataladi) aʼzo boʻlishi uchun zarur boʻlgan materiallar va hujjatlar toʻplamini jamlash va tayyorlash, shuningdek, milliy qonunchilikni ushbu tashkilot bilan bitimlar talablariga muvofiq moslashtirish boʻyicha takliflar ishlab chiqadi;

Oʻzbekiston Respublikasining JSTga aʼzo boʻlishi boʻyicha muzokaralar jarayonida ishtirok etadi, uning kotibiyati bilan oʻzaro hamkorlik qiladi, xorijiy mamlakatlar va xalqaro tashkilotlar bilan tashqi savdo sohasida xalqaro shartnomalar va boshqa hujjatlarni tuzadi;

JST bilan ishlash va hamkorlik boʻyicha idoralararo komissiyasi kotibiyati vazifasini bajaradi;

JST tamoyillariga muvofiq yuklashdan oldin inspeksiyadan oʻtkazish, sertifikatlashtirish tizimini rivojlantirish ishlarida qatnashadi va yuklashdan oldin inspeksiyadan oʻtkazish faoliyatini tashkil etishni muvofiqlashtiradi;

Oʻzbekiston Respublikasi Tashqi ishlar vazirligi bilan birgalikda Oʻzbekiston Respublikasining JSTdagi xorijiy vakillari faoliyatini va ularning JST tuzilmalari bilan ishini muvofiqlashtiradi;

10) ulgurji va birja tashqi savdolarini tartibga solish masalalarini muvofiqlashtirish, bozor holatini monitoring va tahlil qilish, marketing tadqiqotlarini oʻtkazish va tovarlar narxlari toʻgʻrisidagi maʼlumotlarni tahlil qilish sohasida:

xorijiy davlatlar bozorlari marketingini tadqiq etish asosida tovarlarning yangi turlarini, ularni keyinchalik eksport qilish uchun ishlab chiqarishni oʻzlashtirishga doir takliflar ishlab chiqadi;

xoʻjalik yurituvchi subyektlarning xorijiy sheriklar bilan uzoq muddatli, barqaror sheriklik munosabatlarini yoʻlga qoʻyish maqsadida tashqi bozorlarini kompleks tadqiq etadi;

xalqaro savdo holatini, xorijiy davlatlardagi iqtisodiy vaziyatni tahlil qiladi, konyunkturani oʻrganadi va shu asosda tashqi bozorlarning rivojlanish tendensiyasini prognozlashtiradi;

tashqi bozorlarning istiqbollari va samaradorligini inobatga olgan holda, ularning rivojlanish holati va prognozini chuqur tahlil qiladi hamda asosiy eksport nomenklaturasi boʻyicha marketing va tahliliy maʼlumotlar tayyorlaydi;

tashqi bozorlarda meva-sabzavot mahsulotlarining narx konyunkturasini tizimli asosda oʻrganadi, shu jumladan hududlarga chiqqan holda meva-sabzavot mahsulotlari yetishtiruvchilar va eksport qiluvchilar bilan har oyda uchrashuvlar oʻtkazadi, shuningdek, oʻrganish natijalari, xususan, meva-sabzavot mahsulotlarining eksport narxlari darajasi toʻgʻrisidagi maʼlumotlar oʻz rasmiy veb-sayti va boshqa ommaviy axborot vositalarida chop etilishini tashkil etadi;

har oyda meva-sabzavot mahsulotlari eksport qiluvchilarga asosiy sotish bozorlari boʻyicha tahlil natijalari va prognozlarini, xususan, narx konyunkturasining oʻzgarishlari, belgilangan punktlar kesimida yuklash hajmlari hamda meva-sabzavot mahsulotlarini import qilishda texnik talablar toʻgʻrisidagi maʼlumotlarni oʻz rasmiy veb-sayti va boshqa ommaviy axborot vositalarida joylashtirish orqali taqdim etadi;

oʻtkazilgan marketing tadqiqotlari va tashqi bozorlarni oʻrganish natijasida ishlab chiqarish quvvatlari, ishlab chiqarilayotgan mahsulotlarning standartlari va sifatlarini optimallashtirish boʻyicha xoʻjalik yurituvchi subyektlarga tavsiyalar beradi;

tashqi iqtisodiy faoliyat subyektlariga eksport qilayotgan mahsulotlar boʻyicha huquqiy, narx, moliyaviy xususiyatlar toʻgʻrisida maʼlumotlar, maslahatlar berib boradi;

11) tashqi savdo infratuzilmasini rivojlantirish, shu jumladan tranzit salohiyati darajasini oshirish, logistika va transport yoʻlaklarini takomillashtirish, shuningdek, eksport marshrutlarini diversifikatsiya qilish masalalarini ilgari surish sohasida:

manfaatdor vazirlik va idoralar bilan birgalikda transport, transport aloqalari va xalqaro logistika sohasida tashqi savdo siyosati masalalari boʻyicha takliflar ishlab chiqadi va Oʻzbekiston Respublikasi Vazirlar Mahkamasiga kiritadi;

tranzit salohiyatini oshirish, transport-kommunikatsiya tizimlarini xalqaro transport kommunikatsiyasiga integratsiyalashtirish maqsadida tashqi savdo tovarlarini optimallashtirish, yangi transport yoʻnalishlarini (yoʻlaklarini) koʻpaytirish maqsadida chora-tadbirlarni ishlab chiqadi va amalga oshiradi;

zarur hollarda, Oʻzbekiston Respublikasi hududida tranzit orqali oʻtadigan xavfli yuklar, qurol-aslahalar, harbiy uskunalar, harbiy mulklar, portlovchi moddalar va mahsulotlarni oʻtkazish chogʻida xulosa beradi.

Vazirlik qonun hujjatlariga muvofiq oʻziga yuklangan boshqa funksiyalarni ham amalga oshirishi mumkin.

12) mahalliy sanoatni jadal rivojlantirishni taʼminlash sohasida:

mavjud tabiiy va iqtisodiy resurslarni jalb qilish, tumanlar (shaharlar) salohiyatini ishga solish va ularning nisbiy ustunliklaridan foydalanish asosida mahalliy sanoatni rivojlantirish “drayverlari” boʻlgan tarmoqlarni aniqlaydi;

tarmoqlarning ichki va tarmoqlararo kooperatsiya aloqalarini kengaytirish va chuqurlashtirish, korxonalarni global ishlab chiqarish zanjirlariga jalb qilish va ishlab chiqarilgan mahsulotlarni uchinchi davlatlarga hamkorlikda eksport qilishni yoʻlga qoʻyadi;

sifatli va raqobatbardosh mahsulotlar ishlab chiqarishni taʼminlaydigan xususiy va xorijiy investitsiyalar hamda zamonaviy texnologiyalarni jalb qilish uchun shart-sharoitlar yaratadi;

“qoʻshimcha qiymat zanjirlari”ni kengaytirish, ishlab chiqarish tannarxi va xarajatlarini kamaytirish, tayyor mahsulotlar va materiallar ishlab chiqarishni mahalliylashtirishni chuqurlashtirish asosida ishlab chiqarilayotgan mahsulotlarning raqobatbardoshligini oshiradi;

kichik sanoat va maxsus iqtisodiy zonalar imkoniyatlaridan samarali foydalanishni taʼminlaydi va faoliyatini muvofiqlashtiradi;

zamonaviy tendensiyalarni hisobga olgan holda mahalliy sanoat korxonalari uchun professional kadrlar tayyorlaydi, trening dasturlaridan keng foydalanadi;

tarmoqlar va hududlarning sanoat salohiyatini oshirish maqsadida tartibga solish muhiti va standartlarni takomillashtiradi;

yirik ishlab chiqaruvchilar hamda kichik biznes va oʻrta biznes subyektlari oʻrtasidagi (kooperatsiya) elektron tizimni takomillashtiradi.

13. Quyidagilar Vazirlik hududiy boshqarmalarining asosiy vazifalari hisoblanadi:

yagona davlat investitsiya siyosatini amalga oshirish, davlat rivojlanish dasturlari va hududiy investitsiya dasturlarining ishlab chiqilishi va samarali amalga oshirilishini muvofiqlashtirish;

hududlarda xorijiy investitsiyalarni jalb qilish ishlarini muvofiqlashtirish, xalqaro iqtisodiy va moliya institutlari ishtirokidagi investitsiya loyihalarining samarali amalga oshirilishini taʼminlash;

tashqi savdo faoliyati sohasida hududlarda yagona davlat siyosati olib borilishini taʼminlash, eksportni ragʻbatlantirish, hududlarining eksport salohiyatini kengaytirish va mustahkamlash;

hududning eksport salohiyatini kengaytirish dasturlarini ishlab chiqish va amalga oshirilishiga koʻmaklashish, korxonalarning, shu jumladan kichik biznes va xususiy tadbirkorlik subyektlarining eksport nomenklaturasini kengaytirish va hajmlarini oshirish boʻyicha kompleks choralar qabul qilish;

oʻz vakolatlari doirasida vazirlik va idoralarning hududiy boʻlinmalari, xoʻjalik yurituvchi subyektlar hamda erkin iqtisodiy zonalar faoliyatini muvofiqlashtirish.

14. Vazirlik hududiy boshqarmalari ularga yuklangan asosiy vazifalarga muvofiq quyidagi funksiyalarni amalga oshiradi:

1) yagona davlat investitsiya siyosatini amalga oshirish, davlat rivojlanish dasturlari va hududiy investitsiya dasturlarining ishlab chiqilishi va samarali amalga oshirilishini muvofiqlashtirish sohasida:

hududlar va tarmoqlarining investitsiya loyihalari amalga oshirilishi va ular doirasida mablagʻlar jalb etilishi yuzasidan doimiy monitoring olib boradi;

hududlarning salohiyatini oʻrganish natijasida davlat rivojlanish dasturlari va hududiy investitsiya dasturlarini shakllantirish va ishlab chiqishda ishtirok etadi;

Oʻzbekiston Respublikasi Iqtisodiyot va sanoat vazirligining hududiy boshqarmalari hamda boshqa vazirlik, idoralar va xoʻjalik yurituvchi subyektlar — loyiha tashabbuskorlari bilan oʻzaro hamkorlikda hududlarda investitsiya dasturlari amalga oshirilishi holati yuzasidan monitoring tizimini tashkil etadi;

tarmoqlar va hududlarning sanoat salohiyatini oshirish maqsadida tartibga solish muhiti va standartlarni takomillashtirish boʻyicha Vazirlikka takliflar kiritadi;

2) hududlarda xorijiy investitsiyalarni jalb qilish ishlarini muvofiqlashtirish, xalqaro iqtisodiy va moliya institutlari ishtirokidagi investitsiya loyihalarining samarali amalga oshirilishini taʼminlash sohasida:

investitsiyalar jalb qilish maqsadida salohiyatli va istiqbolli investitsiya va kredit bozorlarining doimiy tahlilini olib boradi;

vazirliklar va idoralarning hududiy boʻlinmalariga va boshqa tashkilotlarga xorijiy investitsiyalarni, birinchi navbatda, toʻgʻridan-toʻgʻri investitsiyalarni jalb qilishda va ulardan samarali foydalanishda koʻmaklashadi, xalqaro iqtisodiy va moliya institutlari ishtirokidagi investitsiya loyihalarining samarali amalga oshirilishini taʼminlaydi;

“yagona darcha” tamoyili boʻyicha istiqbolli investitsiya loyihalarini amalga oshiruvchi xorijiy investorlar bilan investitsiyalarni jalb qilish masalalari boʻyicha oʻzaro hamkorlik qiladi;

hududlarning salohiyatli va istiqbolli investitsiya loyihalari portfelini hamda texnik koʻmaklashish mablagʻlarini (grantlarni) jalb etish dasturlarini shakllantirishda ishtirok etadi;

3) tashqi savdo faoliyati sohasida hududlarda yagona davlat siyosati olib borilishini taʼminlash, eksportni ragʻbatlantirish, hududlarining eksport salohiyatini kengaytirish va mustahkamlash sohasida:

hudud korxonalarining tashqi savdo infratuzilmasini rivojlantirish boʻyicha takliflar ishlab chiqadi;

hududlardagi xoʻjalik yurituvchi subyektlarga tashqi savdo faoliyatini amalga oshirishda oʻz vakolatlari doirasida koʻmaklashadi hamda korxonalar va tashkilotlarda marketing xizmatlarini tashkil etilishi va faoliyat yuritishida uslubiy va amaliy yordam koʻrsatadi;

tashqi savdo masalalari boʻyicha xorijiy delegatsiyalarning tashrifi, xususan, uchrashuv va muzokaralar oʻtkazish bilan bogʻliq tadbirlarni amalga oshiradi;

vazirliklar va idoralarning hududiy boʻlinmalari va xoʻjalik yurituvchi subyektlar bilan birgalikda respublikada va xorijda xalqaro savdo-sanoat yarmarkalari, forumlar, taqdimotlar, konferensiyalar va shu kabi boshqa tadbirlar oʻtkazilishida ishtirok etadi.

4) hududning eksport salohiyatini kengaytirish dasturlarini ishlab chiqish va amalga oshirilishiga koʻmaklashish, korxonalarning, shu jumladan kichik biznes va xususiy tadbirkorlik subyektlarining eksport nomenklaturasini kengaytirish va hajmlarini oshirish boʻyicha kompleks choralar qabul qilish sohasida:

hududlarni iqtisodiy rivojlantirish, shu jumladan eksport salohiyatini rivojlantirishning asosiy yoʻnalishlari konsepsiyasini ishlab chiqishda ishtirok etadi;

hududga boʻysinuvchi korxonalarning eksport prognozi ijro etilishi holati boʻyicha monitoring olib boradi, buning asosida ularning eksport faoliyatini tahlil qiladi va korxonalar eksportini jadallashtirish va ragʻbatlantirish boʻyicha aniq taklif va koʻrsatmalar kiritadi;

hudud korxonalarining eksport salohiyatini rivojlantirishning asosiy yoʻnalishlari hamda ishlab chiqaruvchilar, kichik biznes va xususiy tadbirkorlik subyektlarining eksportini ragʻbatlantirish boʻyicha takliflar ishlab chiqadi va kiritadi;

hududga boʻysinuvchi korxonalarning ishlab chiqarish salohiyatini oʻrganadi, korxonalarning mavjud eksport imkoniyatlari zaxiralarini aniqlaydi, tashqi bozorlarning marketing tadqiqotlarini olib borish asosida mavjud eksport zaxiralaridan foydalanish boʻyicha takliflar kiritadi;

tarmoqlarning ichki va tarmoqlararo kooperatsiya aloqalarini kengaytirish va chuqurlashtirish, korxonalarni global ishlab chiqarish zanjirlariga jalb qilish va ishlab chiqarilgan mahsulotlarni uchinchi davlatlarga hamkorlikda eksport qilishni yoʻlga qoʻyadi;

5) oʻz vakolatlari doirasida vazirlik va idoralarning hududiy boʻlinmalari, xoʻjalik yurituvchi subyektlar hamda erkin iqtisodiy zonalar faoliyatini muvofiqlashtirish sohasida:

vazirlik va idoralarning hududiy boʻlinmalari, xoʻjalik yurituvchi subyektlarning oʻzaro hamkorligi samaradorligini oshirish boʻyicha takliflar ishlab chiqadi, davlat investitsiya rivojlanish dasturlarining amalga oshirilish holatini va hududlar eksport prognozini tizimli monitoring qiladi hamda oʻrganadi.

erkin iqtisodiy zonalar hududida loyihalarning oʻz vaqtida va samarali amalga oshirilishi, shu jumladan,mavjud muammolarni bartaraf etish boʻyicha takliflar ishlab chiqqan holda ishlab chiqarish tashkil etilishini monitoring qiladi;

erkin iqtisodiy zonalar jozibadorligini oshirish va ularning ishtirokchilari uchun qulay sharoitlar yaratish boʻyicha Vazirlik rahbariyatiga takliflar kiritadi.

Hududiy boshqarmalar qonun hujjatlariga muvofiq boshqa funksiyalarni ham amalga oshirishi mumkin.

kichik sanoat va maxsus iqtisodiy zonalar imkoniyatlaridan samarali foydalanishni taʼminlaydi va faoliyatini muvofiqlashtiradi;

15. Quyidagilar Vazirlik tuman (shahar) boʻlimlarining asosiy vazifalari hisoblanadi:

yagona davlat investitsiya siyosatini amalga oshirish, tumanlarda (shaharlarda) xorijiy investitsiyalarni jalb qilish ishlarini hamda erkin iqtisodiy zonalar faoliyatini muvofiqlashtirish;

tashqi savdo faoliyatini rivojlantirish dasturlarini ishlab chiqish va amalga oshirilishiga koʻmaklashish, korxonalarning, shu jumladan kichik biznes va xususiy tadbirkorlik subyektlarining eksport nomenklaturasini kengaytirish va hajmlarini oshirish boʻyicha kompleks choralar qabul qilish.

16. Vazirlik tuman (shahar) boʻlimlari ularga yuklangan asosiy vazifalarga muvofiq quyidagi funksiyalarni amalga oshiradi:

1) yagona davlat investitsiya siyosatini amalga oshirish, tumanlarda (shaharlarda) xorijiy investitsiyalarni jalb qilish ishlarini hamda erkin iqtisodiy zonalari faoliyatini muvofiqlashtirish sohasida:

tumanlar (shaharlar) investitsiya loyihalarining amalga oshirilishi va ular doirasida mablagʻlar jalb etilishi yuzasidan doimiy monitoring olib boradi;

tumanlarning (shaharlar) salohiyatli va istiqbolli investitsiya loyihalari portfelini hamda texnik koʻmaklashish mablagʻlarini (grantlarni) jalb etish dasturlarini shakllantirishda ishtirok etadi;

investitsiyalar jalb qilish maqsadida salohiyatli va istiqbolli investitsiya va kredit bozorlarining doimiy tahlilini olib boradi;

mavjud muammolarni bartaraf etish boʻyicha takliflar ishlab chiqqan holda, erkin iqtisodiy zonalar hududida loyihalarning oʻz vaqtida va samarali amalga oshirilishi yuzasidan monitoring olib borilishida ishtirok etadi;

mavjud tabiiy va iqtisodiy resurslarni jalb qilish, tumanlar (shaharlar) salohiyatini ishga solish va ularning nisbiy ustunliklaridan foydalanish asosida mahalliy sanoatni rivojlantirish “drayverlari” boʻlgan tarmoqlarni aniqlaydi;

2) tashqi savdo faoliyatini rivojlantirish dasturlarini ishlab chiqish va amalga oshirilishiga koʻmaklashish, korxonalarning, shu jumladan kichik biznes va xususiy tadbirkorlik subyektlarining eksport nomenklaturasini kengaytirish va hajmlarini oshirish boʻyicha kompleks choralar qabul qilish sohasida:

tuman (shahar) korxonalarining tashqi savdo infratuzilmasini rivojlantirish boʻyicha takliflar ishlab chiqadi va tuman (shahar) xoʻjalik yurituvchi subyektlariga tashqi savdo faoliyatini amalga oshirishda oʻz vakolatlari doirasida koʻmaklashadi;

tumanlarni (shaharlar) iqtisodiy rivojlantirishning asosiy yoʻnalishlari konsepsiyasini, shu jumladan eksport salohiyatini rivojlantirish dasturlarini ishlab chiqishda ishtirok etadi;

tumanga (shaharga) boʻysinuvchi korxonalarning eksport prognozi ijro etilishi holati boʻyicha monitoring olib boradi, buning asosida ularning eksport faoliyatini tahlil qiladi va korxonalar eksportini jadallashtirish va ragʻbatlantirish boʻyicha aniq taklif va koʻrsatmalar kiritadi;

tumanlar (shaharlar) korxonalarining eksport salohiyatini rivojlantirishning asosiy yoʻnalishlari hamda ishlab chiqaruvchilar, kichik biznes va xususiy tadbirkorlik subyektlarining eksportini ragʻbatlantirish boʻyicha takliflar ishlab chiqadi va kiritadi.

Tuman (shahar) boʻlimlari qonun hujjatlariga muvofiq boshqa funksiyalarni ham amalga oshirishi mumkin;

qoʻshimcha qiymat zanjirlari”ni kengaytirish, ishlab chiqarish tannarxi va xarajatlarini kamaytirish, tayyor mahsulotlar va materiallar ishlab chiqarishni mahalliylashtirishni chuqurlashtirish asosida sifatli va raqobatbardosh mahsulotlar ishlab chiqarishni koʻllab-quvvatlaydi.

17. Vazirlik oʻziga yuklangan vazifa va funksiyalarni amalga oshirish uchun quyidagi huquqlarga ega:

Vazirlik vakolatiga kiradigan masalalar boʻyicha davlat boshqaruvi organlari va xoʻjalik yurituvchi subyektlar, mahalliy ijro etuvchi hokimiyat organlari faoliyatini muvofiqlashtirish;

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni Oʻzbekiston Respublikasi Prezidenti Administratsiyasiga yoki Oʻzbekiston Respublikasi Vazirlar Mahkamasiga belgilangan tartibda kiritish;

davlat boshqaruvi organlari va xoʻjalik yurituvchi subyektlardan, mahalliy ijro etuvchi hokimiyat organlaridan, respublikaning chet eldagi diplomatik va savdo vakolatxonalaridan, davlat ulushi ustun boʻlgan tijorat banklaridan Vazirlik vakolatiga tegishli masalalarni hal etish uchun zarur axborotni belgilangan tartibda soʻrash va olish;

xorijdagi xalqaro tashkilotlar va xorijiy kompaniyalar hamda Oʻzbekiston Respublikasida joylashgan xalqaro tashkilotlar va xorijiy kompaniyalar bilan hamkorlik qilish, aloqalarni rivojlantirish va yozishmalar olib borish;

xorijiy davlatlar bilan belgilangan tartibda texnik va iqtisodiy axborotlar bilan almashish;

davlat statistika organlaridan zarur statistik axborotni bepul olish;

Vazirlik vakolatiga kiradigan masalalar boʻyicha uslubiy materiallar va tavsiyalar ishlab chiqish;

Vazirlik faoliyatining belgilangan sohasiga taalluqli masalalar boʻyicha vazirliklar, idoralar, mahalliy ijro etuvchi hokimiyat organlari va boshqa davlat tashkilotlarining masʼul shaxslarining hisobotlarini eshitish;

Vazirlik faoliyatini amalga oshirish doirasida ilmiy tadqiqotlar va ishlanmalar oʻtkazish uchun davlat buyurtmasiga muvofiq loyihalarni saralash boʻyicha tanlovlar eʼlon qilish va tanlov komissiyalarini tuzish;

budjetning ilmiy tadqiqotlarga yoʻnaltirilgan moliyaviy resurslarini taqsimlashda ishtirok etish;

tashqi savdo faoliyatini amalga oshirishning belgilangan tartibini buzayotgan xoʻjalik yurituvchi subyektlarga nisbatan qonun hujjatlarida belgilangan tartibda va holatlarda choralar koʻrish boʻyicha takliflar kiritish;

Vazirlik vakolatiga kiradigan masalalar boʻyicha davlat boshqaruvi organlari, xoʻjalik yurituvchi subyektlar va mahalliy ijro etuvchi hokimiyat organlari hamda xoʻjalik birlashmalari rahbarlari va mutaxassislarini jalb qilgan holda belgilangan tartibda yigʻilishlar oʻtkazish;

Oʻzbekiston Respublikasi Prezidenti va Hukumat topshirigʻiga koʻra, xalqaro tashkilotlarda mamlakat manfaatlarini ifoda etish hamda belgilangan tartibda va xalqaro huquq normalariga muvofiq shartnomalar tuzish;

investitsiya va tashqi savdoni rivojlantirish sohasida kadrlar tayyorlash uchun belgilangan tartibda idoraviy ilmiy va oʻquv markazlari, shuningdek, xodimlar malakasini oshirish markazlarini belgilangan tartibda tashkil etish;

tashqi iqtisodiy faoliyat sohasidagi vazifalarni yoritish uchun belgilangan tartibda noshirlik faoliyatini amalga oshirish va matbuot organlarini tashkil etish;

Vazirlik va uning idoraviy mansub tuzilmalarining davlat mulkini oʻzining tashkiliy tuzilmasi doirasida bir boʻlinmadan boshqasiga bepul foydalanish huquqi bilan belgilangan tartibda oʻtkazish;

tovarlarning kelib chiqishini sertifikatlashtirish, tashkilotlar tomonidan oʻz ehtiyojlari uchun olib kelinadigan mahsulotlarni sertifikatlashtirish, Oʻzbekiston Respublikasida ishlab chiqarilmaydigan, chetdan olib kelinadigan texnologiya asbob-uskunalari, ehtiyot qismlar, materiallar va komponentlarni mahalliylashtiriladigan mahsulotlar ishlab chiqarishda texnologik jarayonda foydalaniladigan toifaga kiritish toʻgʻrisida xulosalar berish boʻyicha vakolatlarni tegishli tashkilotlarga berishdan daromad olish;

Vazirlik binolariga xizmat koʻrsatish, asbob-uskunalar, xoʻjalik jihozlari, avtotransport, aloqa vositalari, hisoblash, kompyuter va orgtexnikalarini saqlash va ulardan foydalanish ishlarini amalga oshirish, dasturiy taʼminotni xarid qilish uchun belgilangan tartibda shartnomalar tuzish;

Vazirlik vakolatiga taalluqli masalalarni hal qilish uchun shartnoma asosida ilmiy muassasalar, shu jumladan, xorijiy olimlar va mutaxassislarni jalb etish;

Vazirlikning ijtimoiy infratuzilmasini qonun hujjatlariga muvofiq tashkil qilish va takomillashtirish, Vazirlik tizimi xodimlari mehnatini ragʻbatlantirish va mukofotlashning yagona tizimini shakllantirish;

zarurat boʻlganda, Vazirlikning rasmiy taklifiga binoan, shuningdek, uning roziligi bilan idoraviy mansub tashkilotlarining rasmiy taklifiga muvofiq Oʻzbekistonga kelgan xorijiy delegatsiyalarning Oʻzbekiston Respublika hududida yashashi va transport xarajatlarini toʻlash;

Vazirlik va uning tizimiga kiruvchi tarkibiy boʻlinmalar va tashkilotlarning moddiy-texnika bazasini yaxshilash choralarini koʻrish.

Vazirlik qonun hujjatlariga muvofiq boshqa huquqlarga ham ega boʻlishi mumkin.

18. Vazirlik:

Vazirlikka yuklangan vazifalar va funksiyalarning samarali bajarilishi, shuningdek, tashqi iqtisodiy faoliyat sohasidagi davlat siyosatining samarali amalga oshirilishi;

Vazirlik faoliyati bilan bogʻliq prognoz koʻrsatkichlarga erishishni soʻzsiz taʼminlash;

Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

tashqi iqtisodiy faoliyat sohasini rivojlantirish, shuningdek, dasturlar, tadbirlar rejalari, “yoʻl xaritalari” va boshqa hujjatlarning samarali amalga oshirilishi uchun javob beradi.

19. Vazirlikning markaziy apparati oʻziga yuklangan vazifa va funksiyalarni amalga oshirish uchun quyidagi huquqlarga ega:

Vazirlikning hududiy boshqarmalari va uning idoraviy mansub tashkilotlaridan tashqi iqtisodiy faoliyat masalalarini tahlil qilish va ishlab chiqish uchun zarur boʻlgan materiallar va maʼlumotlarni soʻrash va olish;

Vazirlikning hududiy boshqarmalari va uning idoraviy mansub tashkilotlari tomonidan kiritilgan normativ-huquqiy hujjatlar loyihalarini va boshqa hujjatlarni puxta ishlashni talab qilish, zarurat boʻlganda, ularni qayta ishlash uchun qaytarish;

Vazirlikning hududiy boshqarmalari va idoraviy mansub tashkilotlari rahbarlari hamda vakillari ishtirokida belgilangan tartibda yigʻilishlar oʻtkazish;

Vazirlikning hududiy boshqarmalari va idoraviy mansub tashkilotlari rahbarlariga jadal hal qilinishi talab etiladigan va Vazirlikka yuklangan vazifalar hamda funksiyalarni bajarish bilan bogʻliq masalalar yuzasidan belgilangan tartibda topshiriqlar berish;

qabul qilingan normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari, shuningdek, Vazirlikning buyruqlari Vazirlikning hududiy boshqarmalari va uning idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda oʻrganish va tekshirish.

Vazirlikning markaziy apparati qonun hujjatlariga muvofiq boshqa huquqlarga ham ega boʻlishi mumkin.

20. Vazirlikning markaziy apparati:

hududiy boshqarmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Vazirlik faoliyati bilan bogʻliq prognoz koʻrsatkichlarga erishishni taʼminlash boʻyicha Vazirlik markaziy apparati boʻlinmalarining ishini tashkil etish;

Vazirlik tomonidan koʻrib chiqish uchun Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan qarorlarning tayyorlanishi sifati va ekspertizadan oʻtkazilishi;

hududiy boshqarmalar va idoraviy mansub tashkilotlar tomonidan respublika tashqi iqtisodiy faoliyatini rivojlantirish dasturlarining amalga oshirilishini tashkil etish uchun javob beradi.

21. Vazirlikning hududiy boshqarmalari quyidagi huquqlarga ega:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, davlat boshqaruvi organlarining hududiy boshqarmalari, xoʻjalik yurituvchi subyektlar, shuningdek, boshqa tashkilotlardan oʻz zimmasiga yuklangan vazifalarni sifatli bajarish uchun zarur boʻlgan axborot materiallarini soʻrab olish;

investitsiya va tashqi savdo masalalarida davlat boshqaruvi organlarining hududiy boshqarmalari, xoʻjalik yurituvchi subyektlar, shuningdek, boshqa tashkilotlarning faoliyatini takomillashtirish boʻyicha tavsiyalar berish;

Vazirlik tuman (shahar) boʻlimlariga topshiriq va koʻrsatmalar berish;

davlat boshqaruvi organlarining hududiy boʻlimlari hamda xoʻjalik yurituvchi subyektlar, shuningdek, boshqa tashkilotlarning rahbarlari va masʼul xodimlari ishtirokida majlislar oʻtkazish;

axborot-tahliliy materiallarni tayyorlash va dasturiy hujjatlarni ishlab chiqish uchun davlat boshqaruvi organlarining hududiy boʻlimlari hamda xoʻjalik yurituvchi subyektlarning yuqori malakali mutaxassislarini jalb qilish.

22. Vazirlik hududiy boshqarmalari:

qonun hujjatlari, vazir va uning oʻrinbosarlari topshiriqlarini oʻz vaqtida va sifatli bajarilishi yuzasidan amaliy nazoratni amalga oshirish;

hududiy boshqarmalarga yuklangan vazifalar va funksiyalarning sifatli va oʻz vaqtida bajarilishini taʼminlash;

hududiy boʻlinmalar faoliyati bilan bogʻliq boʻlgan prognoz koʻrsatkichlarga erishishni taʼminlash;

Vazirlikka kiritilayotgan hujjatlar loyihalari va takliflar, shuningdek, Vazirlikning hududiy boʻlinmalari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

tumanlarda (shaharlarda) aniqlangan muammolarni har tomonlama va chuqur tahlil qilish hamda umumlashtirish asosida tashqi iqtisodiy faoliyat sohasini Qoraqalpogʻiston Respublikasi, viloyatlar va Toshkent shahrida rivojlantirishga doir takliflarni tayyorlash uchun javob beradilar.

23. Vazirlikning tuman (shahar) boʻlimlari quyidagi huquqlarga ega:

davlat boshqaruvi organlari va xoʻjalik subyektlari tuman (shahar) boʻlinmalaridan hamda boshqa tashkilotlardan oʻz zimmasiga yuklangan vazifalarni sifatli bajarish uchun zarur boʻlgan axborot materiallarini soʻrab olish;

investitsiya va tashqi savdo masalalarida davlat boshqaruvi organlari va xoʻjalik tuman (shahar) boʻlimlari, shuningdek, boshqa tashkilotlarning faoliyatini takomillashtirish boʻyicha tavsiyalar berish;

davlat va xoʻjalik boshqaruvi organlarining tuman (shahar) boʻlimlari hamda boshqa tashkilotlarning rahbarlari va masʼul xodimlari ishtirokida majlislar oʻtkazish;

axborot-tahliliy materiallarni tayyorlash va dasturiy hujjatlarni ishlab chiqish uchun davlat va xoʻjalik boshqaruvi organlarining tuman (shahar) boʻlimlari, shuningdek, ilmiy tashkilotlarning yuqori malakali mutaxassislarini jalb qilish.

24. Vazirlik tuman (shahar) boʻlimlari:

qonun hujjatlari, vazir va uning oʻrinbosarlari, hududiy boshqarmalar rahbarlari topshiriqlarini oʻz vaqtida va sifatli bajarilishi yuzasidan amaliy nazoratni amalga oshirish;

tuman (shahar) boʻlimlariga yuklangan vazifalar va funksiyalarning sifatli va oʻz vaqtida bajarilishini taʼminlash;

tuman (shahar) boʻlimlari faoliyati bilan bogʻliq boʻlgan prognoz koʻrsatkichlarga erishishni taʼminlash;

tumanlarda (shaharlarda) tadbirkorlik va investitsiya muhitini rivojlanishiga toʻsqinlik qiluvchi muhim muammolarni va tizimli kamchiliklarni aniqlash, tashqi iqtisodiy faoliyat masalalari boʻyicha tuman (shahar) rivojlantirish dasturlariga qoʻshish uchun takliflar kiritish uchun javob beradilar.

25. Quyidagilar vazirning asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

Vazirlik faoliyatiga yakka boshchilik asosida umumiy rahbarlik qilish, Oʻzbekiston Respublikasi Prezidentining, Vazirlar Mahkamasining qarorlari va boshqa qonun hujjatlari bilan Vazirlikka yuklangan vazifalar va funksiyalar bajarilishini tashkil etish;

oʻz oʻrinbosarlarining va Vazirlik tizimidagi boshqa mansabdor shaxslarining, shuningdek, idoraviy mansub tashkilotlarning ayrim faoliyat yoʻnalishlari hamda uchastkalariga rahbarlik qilishda vakolatlarini va shaxsiy javobgarlik darajasini belgilash;

Vazirlik, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlarga erishishni soʻzsiz taʼminlash yuzasidan amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga kiritish uchun Vazirlik yurituvi sohasiga kiradigan masalalar boʻyicha takliflar va normativ-huquqiy hujjatlar loyihalarini koʻrib chiqishda davlat manfaatlariga qatʼiy rioya qilinishini taʼminlash, tayyorlangan hujjatlar loyihalarini kelishish (viza qoʻyish). Tegishli hujjatlar qabul qilingandan keyin ularning bajarilishi yuzasidan tizimli nazoratni taʼminlash;

Oʻzbekiston Respublikasi Prezidenti Administratsiyasi va Vazirlar Mahkamasi tarkibiy boʻlinmalari, shuningdek, tegishli vazirlik va idoralar bilan Vazirlik faoliyati sohasiga kiruvchi masalalar boʻyicha hamkorlik qilish, Vazirlar Mahkamasi va uning Rayosatining masalalarni koʻrib chiqish boʻyicha yigʻilishlarida ishtirok etish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

faoliyat sohasidagi masalalar boʻyicha normativ-huquqiy hujjatlar loyihalarini sifatli ishlab chiqish, ularning Vazirlar Mahkamasiga “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida” Oʻzbekiston Respublikasi qonunlari, Oʻzbekiston Respublikasi Prezidentining “Norma ijodkorlik faoliyatini takomillashtirish Konsepsiyasini tasdiqlash toʻgʻrisida” 2018-yil 8-avgustdagi PF-5505-son Farmoni, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasi Reglamenti (keyingi oʻrinlarda Oʻzbekiston Respublikasi Prezidenti Administratsiyasi Reglamenti deb ataladi) hamda Vazirlar Mahkamasining 2019-yil 22-martdagi 242-son qarori bilan tasdiqlangan Vazirlar Mahkamasi Reglamenti (keyingi oʻrinlarda Vazirlar Mahkamasi Reglamenti deb ataladi) talablariga qatʼiy muvofiq ravishda oʻz vaqtida kiritilishini tashkil etish, shuningdek, ularni Vazirlar Mahkamasi apparatida qayta ishlab chiqish, Vazirlar Mahkamasi rahbariyati huzurida himoya qilish va Oʻzbekiston Respublikasi Prezidenti Administratsiyasida koʻrib chiqishda ishtirok etish;

“Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining Namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida”gi 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻz oʻrinbosarlari va hududiy boʻlinmalar, shuningdek, idoraviy mansub tashkilotlar rahbarlari faoliyatining samaradorligi va natijadorligini doimiy tanqidiy tahlil qilish, Vazirlikning hayʼat yigʻilishlarida ularning shaxsiy hisobotlarini eshitish, yakunlari boʻyicha zarur choralar koʻrish;

Vazirlik va uning hududiy boʻlinmalari, shuningdek, idoraviy mansub tashkilotlari ishini tashkil etishning zamonaviy shakllari joriy etilishini taʼminlash;

Vazirlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan ularning egallab turgan lavozimda qolish-qolmasligi maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining Odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

oʻz vakolatlari doirasida Vazirlik tizimi xodimlari uchun bajarishi majburiy boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

xodimlarning tasdiqlangan umumiy soni doirasida Vazirlik markaziy apparatining xarajatlar smetasi va shtat jadvalini tasdiqlash;

xodimlarning tasdiqlangan umumiy soni doirasida Vazirlik markaziy apparatining tuzilmasiga oʻzgartirishlar kiritish, shuningdek, Vazirlikning hududiy boshqarmalari va tuman (shahar) boʻlimlari hamda idoraviy mansub tashkilotlari tuzilmalarini tasdiqlash va ularga oʻzgartirishlar kiritish;

markaziy apparat tarkibiy boʻlinmalari toʻgʻrisidagi nizomlarni tasdiqlash va hududiy boshqarmalar nizomlarini tasdiqlash masalalarini kelishish;

Vazirlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Vazirlikning kadrlar zaxirasini shakllantirish, Vazirlik xodimlarini tizimli qayta tayyorlashni va ularning malakasini oshirishni tashkil etish;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuniga muvofiq jismoniy va yuridik shaxslarning murojaatlarini koʻrib chiqishga doir samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlikni yoʻlga qoʻyish, ularning faoliyatida Vazirlik xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

qonun hujjatlariga muvofiq boshqa vakolatlarni bajarish.

26. Quyidagilar vazir oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Vazir vaqtincha boʻlmaganda, tegishli buyruq asosida uning vazifalarini bajarish;

Vazirlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

mutasaddilik qilinadigan tarkibiy boʻlinmalar rahbarlari va xodimlari faoliyatining samaradorligi va natijadorligini muntazam tanqidiy tahlil qilish, Vazirlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

oʻz yoʻnalishlaridan kelib chiqqan holda, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining tegishli boʻlinmalari bilan investitsiya va tashqi savdo sohalaridagi normativ-huquqiy hujjatlar loyihalarini ekspertizani tashkil qilish va sifatli tayyorlash yuzasidan oʻzaro hamkorlik qilish;

Oʻzbekiston Respublikasining Bosh vaziri va Bosh vazir oʻrinbosarlarining topshirigʻiga binoan ustuvor vazifalar bajarilishini muvofiqlashtirish;

Vazirlikning tasdiqlangan tuzilmasiga muvofiq Vazirlik tegishli boʻlinmalariga bevosita rahbarlik qilish;

vazir oʻrinbosarlari nomenklaturasiga kiradigan Vazirlikning markaziy apparati boshliqlari va mutaxassislari lavozimlariga nomzodlarni belgilangan tartibda Vazirga tasdiqlash uchun kiritish;

vazir oʻrinbosarlari nomenklaturasiga kiradigan tarkibiy boʻlinmalar boshliqlarini qayta tayyorlash va malakasini oshirish, ragʻbatlantirish va ularga nisbatan intizomiy jazo choralarini qoʻllash yuzasidan takliflar kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimida qolish-qolmasligi maqsadga muvofiqligi masalasini koʻrib chiqish boʻyicha Vazirga takliflar kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish yuzasidan tizimli choralar koʻrish;

mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

Vazirlik faoliyatini takomillashtirishga doir amaliy choralar koʻrish, tashqi iqtisodiy faoliyat sohasidagi qonun hujjatlarini takomillashtirish boʻyicha takliflar ishlab chiqish va ularni Vazirga kiritish;

mutasaddilik qilinadigan tarkibiy boʻlinmalar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik xodimlarining, mutasaddilik qilinadigan tarkibiy boʻlinmalar rahbarlari va xodimlarining Odob-axloq qoidalari talablariga rioya qilishini taʼminlash;

normativ-huquqiy hujjatlar loyihalarining mutasaddilik qilinadigan boʻlinmalar tomonidan sifatli ishlab chiqilishini tashkil etish, Vazirlikning mutasaddilik qilinadigan tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik Vazir tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, shuningdek, Oʻzbekiston Respublikasi Vazirlar Mahkamasi apparatida normativ-huquqiy hujjatlar loyihalarini ishlab chiqishda Vazirning topshirigʻiga binoan ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa ekspertizalardan puxta oʻtkazish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida”gi 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Vazirga takliflar taqdim eti ularning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

Vazirlik hayʼati, vazirning buyruqlari va topshiriqlari oʻz vaqtida va sifatli bajarilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

qonun hujjatlariga muvofiq boshqa vakolatlarni bajarish.

27. Quyidagilar markaziy apparat tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

tarkibiy boʻlinmalar faoliyatiga bevosita rahbarlikni amalga oshirish, mazkur boʻlinmalarga yuklangan vazifalar va funksiyalar ijrosini taʼminlash;

tarkibiy boʻlinma toʻgʻrisida tasdiqlangan nizom doirasida aniq yoʻnalishlar boʻyicha vazifalarni sifatli va oʻz vaqtida bajarilishini taʼminlash;

Vazirlik hayʼati qarorlari, vazir va uning oʻrinbosarlari buyruqlari va topshiriqlarini oʻz vaqtida va sifatli bajarilishini taʼminlash;

tarkibiy boʻlinmalarning har choraklik ish rejalarini ishlab chiqilishini taʼminlash, ularni tasdiqlash uchun kiritish, ularda belgilangan vazifalar va chora-tadbirlarni oʻz vaqtida va sifatli bajarilishini taʼminlash;

prognoz koʻrsatkichlarni muntazam tahlil qilib borish va qayd etilgan koʻrsatkichlarga hududiy boʻlinmalar tomonidan soʻzsiz erishishni taʼminlashga yoʻnaltirilgan qoʻshimcha choralarni koʻrish yuzasidan takliflarni Vazirning mutasaddilik qiladigan oʻrinbosarlariga kiritish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

tarkibiy boʻlinmalar tomonidan normativ-huquqiy hujjatlar loyihalarini sifatli ishlab chiqishni tashkil etish, Vazirlikning tarkibiy boʻlinmalarida tayyorlangan normativ-huquqiy hujjatlar loyihalarini kelgusida muhokama etish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy ravishda Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, Vazir topshirigʻiga muvofiq Oʻzbekiston Respublikasi Prezidenti Administratsiyasi va Vazirlar Mahkamasida normativ-huquqiy hujjatlar loyihalarini ishlab chiqishda ishtirok etish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

Vazirlikka taqdim etilgan normativ-huquqiy hujjatlar loyihalari va takliflarni toʻliq va har tomonlama koʻrib chiqish, ularni iqtisodiy, moliyaviy, huquqiy va boshqa turdagi ekspertizadan puxta oʻtkazish;

tarkibiy boʻlinmalar xodimlarini, oʻzining oʻrinbosarlarini ragʻbatlantirish va intizomiy javobgarlikka tortish masalalarini hal etish, shu jumladan ularning egallab turgan lavozimida qolish-qolmasligi maqsadga muvofiqligi masalasini koʻrib chiqish boʻyicha takliflar kiritish, ularning shaxsiy masʼuliyatini oshirish yuzasidan tizimli choralarni amalga oshirish;

mutasaddilik qiladigan sohalarning rivojlanish holatini sifatli baholash va ularni yanada rivojlantirish va amalga oshirish mexanizmlari boʻyicha Vazirlik rahbariyatiga aniq takliflar kiritish;

tarkibiy boʻlinmalar xodimlari tomonidan Vazirlik xodimlarining Odob-axloq qoidalariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etish;

qonun hujjatlariga muvofiq boshqa vakolatlarni bajarish.

28. Quyidagilar hududiy boshqarmalar boshliqlarining funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Vazirlik hududiy boshqarmalari faoliyatini ularga yuklangan vazifalar va funksiyalarga muvofiq tashkil etish;

Vazirlik tumanlar (shaharlar) boʻlimlarining faoliyatini muvofiqlashtirish;

hududiy boshqarmalar faoliyati bilan bogʻliq prognoz koʻrsatkichlarga erishishni taʼminlash boʻyicha amaliy chora-tadbirlarni ishlab chiqish va amalga oshirish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, hududiy boshqarmalar faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Vazirlik hayʼati qarorlari, vazir va uning oʻrinbosarlari buyruqlari va topshiriqlarining oʻz vaqtida va sifatli bajarilishini taʼminlash;

hududlarni rivojlantirish holatini sifatli baholash va ularni yanada rivojlantirish va amalga oshirish mexanizmlari boʻyicha Vazirlik rahbariyatiga aniq takliflar kiritish;

tashqi iqtisodiy faoliyat sohasiga kiruvchi masalalar boʻyicha mahalliy ijro etuvchi hokimiyat organlari bilan oʻzaro hamkorlik qilish;

Vazirlikning hududiy boshqarmalarida kadrlarni tanlash va joy-joyiga qoʻyish, ularning samarali faoliyat yuritishi uchun zarur sharoitlarni yaratish, hududiy boʻlinmalarning kadrlar zaxirasini shakllantirish;

hududiy boshqarmalar xodimlarini ragʻbatlantirish va intizomiy javobgarlikka tortish masalalarini hal etish, shu jumladan ularning egallab turgan lavozimida qolish-qolmasligi maqsadga muvofiqligi masalalarini koʻrib chiqish, ularning shaxsiy masʼuliyatini oshirish yuzasidan tizimli choralarni amalga oshirish;

hududiy boshqarmalar vakolatiga kiruvchi masalalar boʻyicha viloyat va Toshkent shahar hokimi hamda Vazirlikka koʻrib chiqish uchun belgilangan tartibda takliflar kiritish;

hududiy boshqarmalar xodimlari tomonidan Vazirlik xodimlarining odob-axloq qoidalariga rioya etilishi taʼminlanishini nazorat qilish;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq hududiy boʻlinmalar tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

qonun hujjatlariga muvofiq boshqa vakolatlarni bajarish.

29. Quyidagilar tumanlar (shaharlar) boʻlimlari boshliqlarining funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

boʻlimlar faoliyatini ularga yuklangan vazifalar va funksiyalarga muvofiq tashkil etish;

boʻlim mutaxassislari oʻrtasida topshiriqlarni taqsimlash hamda ularni oʻz vaqtida va sifatli bajarilishini nazorat qilish;

Vazirlik hududiy boshqarmalari bilan doimiy asosda oʻzaro hamkorlik qilish;

investitsiya dasturlarining amalga oshirilishi va tashqi savdoni rivojlanishini tizimli ravishda tahlil qilish;

Vazirlik hayʼati qarorlari, vazir va uning oʻrinbosarlari buyruqlari va topshiriqlarining oʻz vaqtida va sifatli bajarilishini taʼminlash;

tashqi iqtisodiy faoliyat sohasiga kiruvchi masalalar boʻyicha mahalliy ijro etuvchi hokimiyat organlari bilan oʻzaro hamkorlik qilish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, tumanlar (shaharlar) boʻlimlari faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tumanlar (shaharlar) boʻlimlari rahbarlarining shaxsiy masʼuliyatini oshirish choralarini koʻrish;

Vazirlik xodimlarining Odob-axloq qoidalari talablariga rioya qilish, tumanlar (shaharlar) boʻlimlari xodimlari tomonidan mazkur qoidalarga rioya etilishini taʼminlanish;

tumanlar (shaharlar) boʻlimlarida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

boʻlim vakolatiga kiruvchi masalalar boʻyicha tuman (shahar) hokimi va Vazirlik hududiy boshqarmalariga koʻrib chiqish uchun belgilangan tartibda takliflar kiritish;

Vazirlik hududiy boshqarmalariga alohida oʻrnak koʻrsatgan xodimlarini ragʻbatlantirish va ularga nisbatan intizomiy javobgarlik choralarini koʻrish boʻyicha koʻrib chiqish uchun takliflar kiritish;

davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

qonun hujjatlariga muvofiq boshqa vakolatlarni bajarish.

30. Vazir:

ushbu Nizom va boshqa qonun hujjatlari bilan Vazirlikka yuklangan vazifalar va funksiyalarning oʻz vaqtida va sifatli bajarilishi hamda Vazirlik faoliyatdagi kamchiliklarni bartaraf etish boʻyicha choralar koʻrish;

mazkur Nizomning 25-bandida koʻrsatilgan oʻz funksional vazifalarining (yoki majburiyatlarining) sifatli bajarilishi;

amalga oshiriladigan dasturlar, strategiyalar va konsepsiyalar natijalariga erishish, ularni mamlakat va hududlarning investitsiyaviy hamda tashqi savdo jihatidan rivojlantirishga taʼsiri;

Vazirlikda, uning tarkibiy va hududiy boʻlinmalarida ijro intizomiga qatʼiy rioya qilinishi uchun masʼuldir.

31. Vazir oʻrinbosarlari:

Vazirlikning mutasaddilik qilinadigan tarkibiy boʻlinmalarida Vazirlikka yuklangan vazifalar va funksiyalarning bajarilishi;

mazkur Nizomning 26-bandida koʻrsatilgan oʻz funksional vazifalarining (yoki majburiyatlarining) sifatli bajarilishi;

tegishli yoʻnalishlar boʻyicha topshiriqlarning oʻz vaqtida bajarilishi va natijadorligi;

mutasaddilik qiladigan yoʻnalishlarda investitsiyaviy va tashqi savdo jihatidan rivojlanishni taʼminlash boʻyicha koʻriladigan choralar natijadorligi va samaradorligi uchun masʼuldir.

32. Vazirlikning hududiy boshqarmalari boshliqlari:

Qonunchilik hujjatlari, Vazirlik rahbarlarining topshiriqlari hamda yuklangan vazifalar va funksiyalarning oʻz vaqtida va sifatli bajarilishini samarali nazorat qilish;

hududlarni rivojlantirish dasturlarining respublika va tarmoqlarni rivojlantirish boʻyicha tegishli dasturlar bilan birgalikda belgilangan tartibda ishlab chiqilishini taʼminlash;

Vazirlikka hududlarni investitsiyaviy va tashqi savdo jihatdan rivojlantirish tendensiyalari toʻgʻrisidagi obyektiv tahliliy maʼlumotlarni oʻz vaqtida taqdim etilishi;

investitsiyalar va tashqi savdo sohasida amalga oshirilgan hududiy dasturlar taʼsirining natijadorligi;

hududlarni rivojlantirish boʻyicha yuklangan vazifalarni oʻz vaqtida va sifatli bajarilishini taʼminlash uchun masʼuldir.

33. Vazirlikning tuman (shahar) boʻlimlari boshliqlari:

Qonunchilik hujjatlari, Vazirlik rahbarlari va hududiy boshqarmalar topshiriqlari hamda yuklangan vazifalar va funksiyalarning oʻz vaqtida va sifatli bajarilishini samarali nazorat qilish;

hududlarni rivojlantirish dasturlarining respublika va tarmoqlarni rivojlantirish boʻyicha tegishli dasturlar bilan oʻzaro bogʻliq holda ishlab chiqish tartibi, metodologiyasi, tamoyillari va muddatlariga rioya etish;

hududiy boshqarmaga koʻrib chiqish uchun taqdim etiladigan tahliliy materiallarning oʻz vaqtida, sifatli, toʻliq topshirilishini taʼminlash;

hokimliklar rahbarlari bilan birga investitsiyalar va tashqi savdo sohasida tumanlarni (shaharlarni) rivojlantirish dasturlarini amalga oshirish natijalari uchun masʼuldir.

34. Vazirlikka Oʻzbekiston Respublikasi Oliy Majlisi Qonunchilik palatasi maʼqullagandan soʻng Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Vazir rahbarlik qiladi.

Vazir Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan ikki nafar birinchi oʻrinbosar va olti nafar oʻrinbosarga ega.

35. Quyidagilar:

Vazirlik huzuridagi Xorijiy investitsiyalarni jalb qilish agentligi, Eksportni ragʻbatlantirish agentligi, Xalqaro hamkorlik va rivojlanish agentligi va Investitsiya loyihalarini ishlab chiqish markazi direktorlari vazirning taqdimnomasiga binoan Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimidan ozod etiladi;

Vazirlik huzuridagi Xorijiy investitsiyalarni jalb qilish agentligi, Eksportni ragʻbatlantirish agentligi, Xalqaro hamkorlik va rivojlanish agentligi va Investitsiya loyihalarini ishlab chiqish markazi direktorlarining oʻrinbosarlari vazir tomonidan lavozimga tayinlanadi va lavozimidan ozod etiladi;

Qoraqalpogʻiston Respublikasi investitsiyalar va tashqi savdo vaziri, uning oʻrinbosari vazir bilan kelishilgan holda, Qoraqalpogʻiston Respublikasi Joʻqorgʻi kengashi tomonidan lavozimga tayinlanadi va lavozimidan ozod etiladi;

viloyatlar hamda Toshkent shahar investitsiyalar va tashqi savdo boshqarmalari boshliqlari, ularning oʻrinbosarlari viloyatlar va Toshkent shahar hokimlari tomonidan vazir bilan kelishilgan holda lavozimga tayinlanadi va lavozimidan ozod etiladi;

tuman (shahar) investitsiyalar va tashqi savdo boʻlimlari boshliqlari Qoraqalpogʻiston Respublikasi investitsiyalar va tashqi savdo vaziri, viloyatlar va Toshkent shahar investitsiyalar va tashqi savdo boshqarmalari boshliqlari taqdimnomasiga binoan vazir bilan kelishilgan holda tegishli tuman (shahar) hokimlari tomonidan lavozimga tayinlanadi va lavozimidan ozod etiladi.

36. Vazirlik markaziy apparatining tarkibiy boʻlinmalari vazirlikning hududiy boshqarmalari bilan quyidagi masalalarda yaqin hamkorlik qiladi:

Oʻzbekiston Respublikasi Prezidenti, Oʻzbekiston Respublikasi Oliy Majlisi palatalari, Oʻzbekiston Respublikasi Vazirlar Mahkamasi, Vazirlik rahbariyati topshiriqlarining hamda Oliy Majlisi deputatlari soʻrovlarining oʻz vaqtida bajarilishini, jismoniy va yuridik shaxslar murojaatlari oʻz vaqtida koʻrib chiqilishini taʼminlash;

hududlarni rivojlantirish dasturlari va prognozlarini tarmoqlarni rivojlantirish dasturlari bilan birgalikda ishlab chiqishda davlat boshqaruvi organlari boʻlinmalari va xoʻjalik yurituvchi subyektlar bilan Vazirlikning hududiy boshqarmalari hamkorligini taʼminlash;

hududlarning investitsiyaviy va tashqi savdo faoliyatini takomillashtirish yoʻnalishidagi rivojlantirish dasturlarini ishlab chiqish boʻyicha Vazirlik hududiy boshqarmalari faoliyatini muvofiqlashtirish va nazorat qilish;

investitsiyaviy va tashqi savdo boʻyicha hududlarni rivojlantirish dasturlari doirasidagi tadbirlar va investitsiyaviy loyihalarning amalga oshirilishini, asosiy iqtisodiy koʻrsatkichlarning oʻzgarishini tizimli monitoringini olib borish, ularning oʻz vaqtida va sifatli bajarilishiga toʻsqinlik qiladigan tizimli muammoli masalalarni aniqlash va yechimlari boʻyicha takliflar ishlab chiqish;

ijro etuvchi hokimiyat organlari tomonidan koʻrib chiqish va viza olish uchun kiritilgan normativ-huquqiy hujjatlar loyihalarini oʻrganish va ekspertizadan oʻtkazish hamda ular boʻyicha xulosalar tayyorlash;

Vazirlikning hududiy boshqarmalari, tumanlar (shaharlar) boʻlimlari faoliyatining samaradorligini tahlil qilish va baholash.

37. Vazirlik, davlat boshqaruvi organlari va xoʻjalik yurituvchi subyektlar, mahalliy davlat hokimiyati organlari va boshqa tashkilotlar bilan hamkorlik jarayonida:

davlat boshqaruvi organlari va xoʻjalik yurituvchi subyektlar, mahalliy ijro etuvchi hokimiyat organlari, Vazirlikning hududiy boshqarmalari, tumanlar (shaharlar) boʻlimlari faoliyatini oʻz vakolati doirasidagi masalalar boʻyicha muvofiqlashtiradi;

Vazirlik vakolatiga kiruvchi masalalar boʻyicha takliflarni oʻrnatilgan tartibda ishlab chiqilishi va kiritilishida qatnashadi;

faoliyat yoʻnalishlaridan kelib chiqib nomutanosibliklarni bartaraf etishda davlat boshqaruvi organlari va xoʻjalik yurituvchi subyektlar bilan hamkorlik qiladi.

38. Vazirlikning hududiy boshqarmalari oʻz vakolatlari doirasida davlat boshqaruvining boshqa organlari va xoʻjalik yurituvchi subyektlar, mahalliy ijro etuvchi hokimiyat organlari va boshqa tashkilotlarning hududiy boʻlinmalari bilan hamkorlik qiladi.

Vazirlikning hududiy boshqarmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan hamkorlik qiladi.

39. Vazirlikda Vazir (hayʼat raisi), uning oʻrinbosarlari (lavozimi boʻyicha) hamda faoliyatning asosiy yoʻnalishlarida mutasaddilik qiladigan tarkibiy boʻlinmalar va idoraviy mansub tashkilotlar rahbarlari tarkibidan iborat hayʼat tashkil etiladi.

Hayʼat aʼzolarining soni va shaxsiy tarkibi Vazirlar Mahkamasi tomonidan Vazir taqdimnomasi boʻyicha tasdiqlanadi.

Hayʼat quyidagilar bogʻliq masalalarni koʻrib chiqadi:

Vazirlikning mazkur Nizom bilan belgilangan asosiy yoʻnalishlarini tayyorlash va amalga oshirish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining aniq vazifalari va topshiriqlari sifatli bajarilishini tashkil etish;

Vazirlik va davlat boshqaruvining boshqa organlari, xoʻjalik yurituvchi subyektlar va mahalliy ijro etuvchi hokimiyat organlari bilan oʻzaro hamkorlik qilishni taʼminlash;

qoʻshimcha choralar qabul qilish va ular faoliyatining samaradorligini oshirish maqsadida oʻzgartirishlar kiritish asosida investitsiya va tashqi savdo faoliyati sohasida amalga oshirilayotgan topshiriqlar natijadorligini baholash;

Vazirlikning markaziy apparati nomenklaturasiga kiruvchi lavozimlarga kadrlarni tanlash, joy-joyiga qoʻyish, tayyorlash va qayta tayyorlash.

Hayʼat, shuningdek, Vazirlik vakolatiga tegishli boshqa masalalarni ham muhokama etish huquqiga ega.

Vazirlik hayʼati yigʻilishiga zarur hollarda, davlat boshqaruvi organlari va xoʻjalik yurituvchi subyektlar, Markaziy bank, Moliya vazirligi, Iqtisodiyot va sanoat vazirligi, Davlat bojxona qoʻmitasi, davlat ulushi ustun boʻlgan tijorat banklari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlari (oʻrinbosarlari) hamda Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining tegishli xodimlari taklif etiladi.

Hayʼat, agar uning yigʻilishida aʼzolarning yarmidan koʻpi ishtirok etgan taqdirda, vakolatli deb hisoblanadi. Qarorlar oddiy koʻpchilik ovoz bilan qabul qilinadi.

Hayʼat qarorlari vazirning buyruqlari va hayʼat bayonnomalari bilan amalga oshiriladi. Hayʼat raisi va aʼzolari oʻrtasida kelishmovchiliklar mavjud boʻlgan taqdirda, vazir yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga maʼlum qilishlari mumkin.

Hayʼat faoliyati tartibi uning hayʼati tasdiqlaydigan reglamentda belgilanadi.

40. Vazirlik huzurida vazirning tegishli birinchi oʻrinbosari (kengash raisi), Vazirlikning asosiy faoliyat yoʻnalishlarini muvofiqlashtiruvchi alohida tarkibiy boʻlinmalarining rahbarlari va mutaxassislari hamda tadbirkorlik subyektlari va biznes-uyushmalar vakillaridan iborat tarkibda Jamoaviy maslahat kengashi tuziladi.

Jamoaviy maslahat kengashi aʼzolarining soni, shaxsiy tarkibi va uning nizomi vazir buyrugʻi bilan tasdiqlanadi.

Jamoaviy maslahat kengashi yigʻilishida qabul qilingan qaror asosida kengash raisiga uning shaxsiy tarkibiga oʻzgartirish va qoʻshimchalar kiritish huquqi beriladi.

Quyidagilar Jamoaviy maslahat kengashining asosiy vazifalari hisoblanadi:

investitsiya va tashqi savdo sohasida bozor usullari va boshqaruv mexanizmlarini kengaytirish boʻyicha takliflar ishlab chiqish;

xususiy mulk va tadbirkorlikni yanada rivojlanishiga toʻsqinlik qiluvchi muammoli hamda respublikada tadbirkorlik, investitsiya va savdo muhitini yaxshilash boʻyicha masalalarni muhokama qilish;

tadbirkorlik faoliyatining tez surʼatlarda rivojlanishiga, xususiy mulk daxlsizligini himoya qilish huquqiy mexanizmlarini va kafolatlarini yanada mustahkamlashga, byurokratik toʻsiqlarni bartaraf etishga va ularning faoliyatiga noqonuniy aralashishni kamaytirishga, davlat xizmatlarini koʻrsatish tizimini takomillashtirishga qaratilgan normativ-huquqiy hujjatlarni amalga oshirish mexanizmlarini tanqidiy koʻrib chiqish;

ishlab chiqiladigan va Vazirlikka koʻrib chiqish uchun kiritiladigan normativ-huquqiy hujjatlar loyihalarini muhokama qilish orqali qonunchilik bazasini takomillashtirishda ishtirok etish.

41. Vazirlik faoliyatining samaradorligi va natijadorligi muntazam baholab boriladi.

42. Quyidagilar faoliyatining samaradorligi:

Vazir, vazirning birinchi oʻrinbosarlari, vazir oʻrinbosarlari, hududiy boshqarma boshliqlari, tumanlar (shaharlar) boʻlimlari boshliqlarining — belgilangan tartibda Oʻzbekiston Respublikasi Vazirlar Mahkamasi tomonidan tasdiqlangan faoliyat samaradorligini baholovchi integratsiyalashgan koʻrsatkichlarga asosan;

boshqarma va boʻlim boshliqlari, shuningdek, markaziy apparat va hududiy boshqarmalari xodimlari, idoraviy mansub tashkilotlar rahbarlari va xodimlarining — vazir tomonidan tasdiqlangan faoliyat samaradorligini baholovchi koʻrsatkichlarga asosan baholanadi.

43. Vazirlik faoliyati samaradorligi va natijadorligini baholash yakunlari boʻyicha:

Vazirlik rahbarlari va xodimlarini ragʻbatlantirish (mukofotlash) yoki ularga nisbatan intizomiy jazo choralari;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

Vazirlik uning rahbarlari va xodimlari faoliyati samaradorligi va natijadorligini baholash tartibi va uslubini ishlab chiqadi.

44. Vazirlikni moddiy-texnika bilan taʼminlash, mehnatga haq toʻlash va xodimlarini moddiy ragʻbatlantirish xarajatlari Oʻzbekiston Respublikasi Davlat budjeti, budjetdan tashqari jamgʻarmalar va qonun hujjatlarida taqiqlanmagan boshqa mablagʻlar hisobidan moliyalashtiriladi.

45. Vazirlik xodimlarining ish haqi lavozim maoshi, mukofotlar, qoʻshimcha toʻlovlar, ustamalar va qonun hujjatlarida nazarda tutilgan ragʻbatlantiruvchi toʻlovlardan iborat.

Vazirlik markaziy apparati, hududiy boshqarmalari, tumanlar (shaharlar) boʻlimlari va uning tashkiliy tuzilmasiga kiradigan idoraviy mansub tashkilotlar xodimlariga Oʻzbekiston Respublikasi Davlat budjeti mablagʻlari hisobidan quyidagi miqdorlarda uzoq yillik xizmati uchun oylik ustama haq toʻlanadi (ragʻbatlantirish koeffitsiyentini hisobga olgan holda lavozim maoshi koeffitsiyentlarida):

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan ortiq — 1,5.

Uzoq yillik xizmati uchun ustama haq olish huquqini beruvchi ish staji Vazirlik tomonidan tasdiqlanadigan tartibga muvofiq hisoblab chiqiladi.

46. Oʻzbekiston Respublikasi davlat budjeti, Vazirlikning budjetdan tashqari Rivojlantirish va xodimlarni moddiy ragʻbatlantirish jamgʻarmasi, budjet muassasalari va tashkilotlari xodimlarini moddiy ragʻbatlantirish maxsus jamgʻarmasi mablagʻlari, shuningdek, qonun hujjatlarida taqiqlanmagan boshqa manbalar Vazirlik xodimlariga ish haqi toʻlash va ularni moddiy ragʻbatlantirish manbalari hisoblanadi.

Vazirlikning Rivojlantirish va xodimlarni moddiy ragʻbatlantirish jamgʻarmasi nizomi Oʻzbekiston Respublikasi Moliya vazirligi bilan kelishilgan holda tasdiqlanadi.

47. Vazirlikning hududiy boshqarmalari, tumanlar (shaharlar) boʻlimlari faoliyatini taʼminlash va moliyalashtirish (shu jumladan, xodimlarni moddiy ragʻbatlantirish) Qoraqalpogʻiston Respublikasi mahalliy budjeti, viloyatlar hududiy budjeti, shuningdek, qonun hujjatlarida taqiqlanmagan boshqa manbalar hisobidan Qoraqalpogʻiston Respublikasi, viloyat hokimliklari, tumanlar (shaharlar) xodimlari uchun belgilangan tartibda amalga oshiriladi.

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, shuningdek, tumanlar (shaharlar) hokimlari daromadlar prognozining orttirib bajarilishi va tegishli budjetlarning boʻsh qoldiqlari hisobiga Vazirlikning hududiy boshqarmalari va tumanlar (shaharlar) boʻlimlari xodimlari uchun moddiy ragʻbatlantirishning qoʻshimcha turlarini (ustama haq, qoʻshimcha haq, mukofotlar va ish haqiga boshqa toʻlovlar) belgilash huquqiga ega.

48. Vazirlik Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasi bilan oʻzaro hamkorlik jarayonida:

vazirlikka yuklangan vazifa va funksiyalarni bajarish bilan bogʻliq normativ-huquqiy va boshqa hujjatlar loyihalarini belgilangan tartibda kiritadi;

investitsiya va tashqi savdo siyosatini takomillashtirish boʻyicha Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga kiritish uchun davlat boshqaruvi organlari va xoʻjalik yurituvchi subyektlar bilan birgalikda takliflar, tavsiyalar va tahliliy materiallar tayyorlashni taʼminlaydi;

investitsiya loyihalarini tayyorlash, amalga oshirish va samaradorligini baholash chora-tadbirlarini ishlab chiqadi va amalga oshiradi hamda investitsiya jarayonlarining samaradorligini oshirish boʻyicha aniq takliflarni Oʻzbekiston Respublikasi Vazirlar Mahkamasiga kiritadi;

muntazam ravishda investitsiya va tashqi savdo sohasida muhim yoʻnalishlar va vazifalar amalga oshirish holatini, shuningdek, mazkur sohada mavjud boʻlgan tizimli muammo va kamchiliklarni Oʻzbekiston Respublikasi Vazirlar Mahkamasi rahbariyatida koʻrib chiqishni tashkil qiladi;

oʻrnatilgan tartibda boshqa funksiyalarni amalga oshiradi.

49. Vazirlik uning hududiy boshqarmalari, davlat boshqaruvining tegishli organlari va xoʻjalik yurituvchi subyektlarning maʼlumotlarini har tomonlama chuqur tahlil qilish hamda umumlashtirish asosida investitsiya va tashqi savdo sohasida rivojlanish koʻrsatkichlarining yakunlari toʻgʻrisidagi tahliliy materiallarni har chorakda Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga kiritadi.

50. Vazirlik har chorak yakunlari boʻyicha investitsiya va tashqi savdo sohasida mamlakatning rivojlanish koʻrsatkichlari yakunlari toʻgʻrisidagi press-relizni oʻz veb-sayti da eʼlon qilib boradi.

51. Vazirlikning hududiy boshqarmalari har chorakda chuqur tahlil asosida tumanlar (shaharlar) boʻlimlarining yakuniy maʼlumotlari, shuningdek, hududiy boʻlinmalar, davlat boshqaruvi organlari va xoʻjalik yurituvchi subyektlarning maʼlumotlari, Qoraqalpogʻiston Respublikasi Vazirlar Kengashi, viloyat hokimliklari va Toshkent shahar hokimligining investitsiya va tashqi savdo vazirligi sohasidagi belgilangan prognoz va maqsadli parametrlarga erishish va mavjud muammolarni bartaraf qilish boʻyicha asoslangan takliflarni vazirlikka kiritadi.

52. Vazirlikning tumanlar (shaharlar) boʻlimlari har chorakda investitsiya va tashqi savdoni rivojlantirishning belgilangan prognoz va maqsadli parametrlariga erishish yoʻllarining tahlilini har tomonlama chuqur oʻrganish asosida tuman (shahar) hokimliklarining mavjud muammolar va ularni bartaraf etish boʻyicha asoslangan takliflar haqidagi tahliliy maʼlumotlarni vazirlikning hududiy boshqarmalariga kiritadi.

53. Vazirlik qonun hujjatlarida belgilangan tartibda qayta tashkil etiladi va tugatiladi.

1. Vazirlar Mahkamasining “Oʻzbekiston Respublikasi Investitsiyalar boʻyicha davlat qoʻmitasi toʻgʻrisidagi Nizomga oʻzgartirishlar va qoʻshimchalar kiritish haqida” 2018-yil 12-martdagi 194-son qarori.

3. Vazirlar Mahkamasining “Oʻzbekiston Respublikasi Tashqi savdo vazirligi toʻgʻrisidagi nizomni tasdiqlash haqida” 2017-yil 2-iyundagi 346-son qarori.

4. Vazirlar Mahkamasining “Xorijiy xizmat safarlarida boʻlish va xorijiy delegatsiyalarning Oʻzbekiston Respublikasiga tashriflarini tashkil etish tartibining takomillashtirilishi munosabati bilan Oʻzbekiston Respublikasi hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 2017-yil 12-oktabrdagi 817-son qaroriga ilovaning 2 va 3-bandlari.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2017-yil 2-oktabrdagi 787-son qaroriga 1-ilovaning 5-bandi.