O‘zbekiston Respublikasi Vazirlar Mahkamasining
qarori
“Kichik biznesni uzluksiz qo‘llab-quvvatlash” kompleks dasturini amalga oshirish chora-tadbirlari to‘g‘risida
O‘zbekiston Respublikasi Prezidentining “O‘zbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari to‘g‘risida” 2023-yil 4-sentabrdagi PQ-292-son hamda “Kichik biznesni rivojlantirishni moliyaviy va institutsional qo‘llab-quvvatlash chora-tadbirlari to‘g‘risida” 2023-yil 14-sentabrdagi PQ-306-son qarorlari ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Kichik biznesni rivojlantirishni moliyaviy va institutsional qo‘llab-quvvatlash chora-tadbirlari to‘g‘risida” 2023-yil 14-sentabrdagi PQ-306-son qaroriga muvofiq:
“Kichik biznesni uzluksiz qo‘llab-quvvatlash” kompleks dasturi (keyingi o‘rinlarda — Dastur) amalga oshirilishi;
tashabbuskorlar qisqa va o‘rta muddatli amaliy o‘quv kurslarda biznes ko‘nikmalariga o‘qitilishi;
amaliy o‘quv kurslarini muvaffaqiyatli tugatib, sertifikat olgan tashabbuskorlar Dastur doirasida moliyaviy va konsultativ qo‘llab-quvvatlanishi;
“Biznesni rivojlantirish banki” ATB Dasturni samarali amalga oshirish va doimiy ravishda takomillashtirib borish bo‘yicha asosiy tayanch bank etib belgilanganligi ma’lumot uchun qabul qilinsin.
LexUZ sharhiQarang: O‘zbekiston Respublikasi Prezidentining 2023-yil 14-sentabrdagi PQ-306-sonli “Kichik biznesni rivojlantirishni moliyaviy va institutsional qo‘llab-quvvatlash chora-tadbirlari to‘g‘risida”gi qarori.
2. Quyidagilarni nazarda tutuvchi “Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risidagi nizom 1-ilovaga muvofiq tasdiqlansin:
Dastur ishtirokchilarini tanlab olish tartibi;
Kichik biznesga ko‘maklashish markazlari tomonidan o‘qitish jarayonini tashkil etish;
moliyaviy qo‘llab-quvvatlash vositalaridan foydalanish yo‘nalishlari va tartibi;
tashabbuskorlarga konsultativ xizmatlar ko‘rsatish tartibi.
LexUZ sharhiQarang: O‘zbekiston Respublikasi Prezidentining 2023-yil 10-noyabrdagi PF-193-sonli “Kichik va o‘rta biznesni moliyaviy qo‘llab-quvvatlash tizimini takomillashtirish chora-tadbirlari to‘g‘risida”gi Farmoni.
3. Belgilansinki:
Vazirlar Mahkamasi huzuridagi Biznes va tadbirkorlik oliy maktabi Dastur doirasida o‘quv jarayonlarini tashkil etish, o‘quv dasturlarini zamonaviy yondashuvlar asosida ishlab chiqish, o‘qitish bo‘yicha trenerlarni tanlash va Kichik biznesga ko‘maklashish markazlarining (keyingi o‘rinlarda — markazlar) rahbar va xodimlari malakasini oshirishga mas’ul hisoblanadi;
markazlar o‘quv jarayonlarini Biznes va tadbirkorlik oliy maktabi, uning hududiy filiallari, oliy ta’lim muassasalari, “Ishga marhamat” monomarkazlari, kasb-hunarga o‘qitish markazlari, sanoat korxonalari, erkin iqtisodiy zonalari va kichik sanoat zonalari, texnoparklar hamda sanoat klasterlari bilan o‘zaro hamkorlikda amalga oshiradi;
Dasturda ishtirok etadigan tijorat banklari tomonidan amaliy o‘quv kurslarini muvaffaqiyatli tugatib, sertifikat olgan tashabbuskorlar loyihalari mazkur qarorga 1-ilovaga muvofiq tartibda moliyalashtiriladi;
Dasturda ishtirok etish, moliyaviy va konsultativ qo‘llab-quvvatlash vositalaridan foydalanish borasidagi barcha jarayonlar, shu jumladan, tijorat banklari tomonidan soddalashtirilgan tartibda qaror qabul qilish, kredit shartnomalarini rasmiylashtirish va loyihalarni monitoring qilish Biznes portal orqali amalga oshiriladi.
4. Iqtisodiyot va moliya vazirligi hamda tijorat banklarining quyidagi takliflariga rozilik berilsin:
a) “Biznesni rivojlantirish banki” ATBga joylashtirilgan:
223 mlrd so‘m miqdoridagi subordinar qarzning asosiy qarz to‘lovini 2030-yildan boshlab 5 yil davomida teng ulushlarda qaytarish;
320,9 mlrd so‘m miqdoridagi kredit liniyasi mablag‘larini qaytarishning so‘nggi muddatini o‘zgartirmagan holda, asosiy qarz to‘lovini 2030-yildan boshlab teng ulushlarda to‘lab berish sharti bilan subordinar qarz sifatida qayta rasmiylashtirish;
b) “Mikrokreditbank” ATBga 977 mlrd so‘m miqdoridagi resurs joylashtirish maqsadida tuzilgan kredit va depozit shartnomalari bo‘yicha qoldiq summasini shartnomalarning dastlabki shartlarini o‘zgarishsiz qoldirgan holda subordinar qarz sifatida qayta rasmiylashtirish;
v) “Har bir oila — tadbirkor” dasturi doirasida “Mikrokreditbank” ATBga joylashtirilgan 425 mlrd so‘m miqdoridagi depozit mablag‘larni qaytarish muddatini 7 yilga uzaytirish.
Bunda mazkur bandning “a” va “b” kichik bandlarida nazarda tutilgan mablag‘lar Dastur doirasidagi loyihalarni moliyalashtirishga yo‘naltiriladi.
Iqtisodiyot va moliya vazirligi ikki hafta muddatda tegishli shartnomalarga ushbu banddan kelib chiqib o‘zgartirish va qo‘shimchalar kiritilishini ta’minlasin.
Oldingi tahrirga qarang.
(O‘zbekiston Respublikasi Prezidentining 2024-yil 25-dekabrdagi PQ-455-sonli qaroriga asosan 5-bandning o‘z kuchini yo‘qotish sanasi — 2025-yil 1-yanvar — Qonunchilik ma’lumotlari milliy bazasi, 30.12.2024-y., 07/24/455/1092-son)
6. 2024-yil 1-fevraldan boshlab shunday tartib o‘rnatilsinki, unga ko‘ra:
Soliq qo‘mitasi Biznes portaldagi ma’lumotlar asosida Dastur doirasida moliyaviy qo‘llab-quvvatlash vositalaridan foydalanishni boshlagan kichik tadbirkorlik subyektlari to‘lagan soliq summasining ikki yil davomida alohida hisobini yuritadi hamda Iqtisodiyot va moliya vazirligiga har oyda ma’lumot taqdim etib boradi;
Iqtisodiyot va moliya vazirligi har yarim yillik yakunlari bo‘yicha Soliq qo‘mitasi ma’lumotlari asosida mazkur tadbirkorlik subyektlari tomonidan to‘langan soliqlar hajmiga teng miqdorda “Biznesni rivojlantirish banki” ATBga foizsiz budjet ssudasi ajratadi.
7. “Biznesni rivojlantirish banki” ATB:
ikki oy muddatda xalqaro moliya institutlari, konsalting kompaniyalari va ekspertlarni jalb etgan holda bankning aktivlari, operatsion va biznes jarayonlarini to‘liq xatlovdan o‘tkazib, samarasiz xarajatlarni qisqartirish va bank tashkiliy tuzilmasini optimallashtirish chora-tadbirlarini;
2024-yil 1-aprelga qadar 2024 — 2026-yillarda bankni rivojlantirish va raqamli transformatsiya qilish strategiyasini tasdiqlasin.
8. O‘zbekiston Respublikasi Prezidentining “Kichik biznesni rivojlantirishni moliyaviy va institutsional qo‘llab-quvvatlash chora-tadbirlari to‘g‘risida” 2023-yil 14-sentabrdagi PQ-306-son qaroriga muvofiq “Biznesni rivojlantirish banki” ATBning 1,14 trln so‘mlik qo‘shimcha aksiyalarni chiqarish to‘g‘risidagi qarori Istiqbolli loyihalar milliy agentligida davlat ro‘yxatidan o‘tkazilganligi ma’lumot uchun qabul qilinsin.
Istiqbolli loyihalar milliy agentligiga Iqtisodiyot va moliya vazirligi bilan birgalikda bir oy muddatda Tiklanish va taraqqiyot jamg‘armasi tomonidan “Biznesni rivojlantirish banki” ATB ustav kapitalini oshirish uchun ajratilgan 75,0 mln AQSH dollari miqdoridagi mablag‘lar hisobidan “Biznesni rivojlantirish banki” ATBning qo‘shimcha aksiyalar chiqarish to‘g‘risidagi qaroriga tegishli o‘zgartirish va qo‘shimchalar kiritilishi munosabati bilan uni davlat ro‘yxatidan o‘tkazish tavsiya etilsin.
9. “Mikrokreditbank” ATB hamda Kambag‘allikni qisqartirish va bandlik vazirligining:
aholini kasb-hunarga o‘qitish va malakasini oshirish, kasanachilarga kompleks yordam berish, kasanachilar va faoliyatini kasanachilik asosida tashkil etmoqchi bo‘lgan tadbirkorlik subyektlariga bepul maslahat, konsalting xizmatlarini ko‘rsatishga ixtisoslashgan “Kasanachilar maktabi”ni tashkil etish;
tajribali kasanachilarni “Kasanachilar maktabi”da muassis sifatida ishtirok etishga jalb qilish;
har yili oilaviy tadbirkorlikni rivojlantirish dasturlari doirasida “Mikrokreditbank” ATBga ajratilgan resurslarning kamida 100 mlrd so‘m qismini kasanachilik loyihalarini moliyalashtirishga yo‘naltirish to‘g‘risidagi takliflariga rozilik berilsin.
10. Kambag‘allikni qisqartirish va bandlik vazirligi:
“Mikrokreditbank” ATBga “Kasanachilar maktabi” faoliyatini tashkil etish va o‘quv dasturlarini ishlab chiqishga uslubiy ko‘maklashsin;
Oldingi tahrirga qarang.
“Kasanachilar maktabi”da ishsiz va band bo‘lmagan fuqarolarni o‘qitish, kasanachilarga asbob-uskunalar va xom ashyo xarid qilish xarajatlari belgilangan tartibda Kambag‘allikni qisqartirish davlat maqsadli jamg‘armasi mablag‘lari hisobidan qoplab berilishini ta’minlasin.
(10-bandning uchinchi xatboshisi O‘zbekiston Respublikasi Vazirlar Mahkamasining 2025-yil 7-noyabrdagi 709-sonli qarori tahririda — Qonunchilik ma’lumotlari milliy bazasi, 10.11.2025-y., 09/25/709/1027-son)
12. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — iqtisodiyot va moliya vaziri J.A. Qo‘chqorov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2024-yil 20-yanvar,
37-son
Vazirlar Mahkamasining 2024-yil 20-yanvardagi 37-son qaroriga
1-ILOVA“Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risida
NIZOM
1-bob. Umumiy qoidalar
1. Ushbu Nizom “Kichik biznesni uzluksiz qo‘llab-quvvatlash” kompleks dasturida ishtirok etish huquqiga ega tashabbuskorlar loyihalarini tanlab olish, moliyalashtirish hamda monitoring qilish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
Dastur — kichik biznes subyektlarini moliyaviy va konsultativ qo‘llab-quvvatlashni nazarda tutuvchi “Kichik biznesni uzluksiz qo‘llab-quvvatlash” kompleks dasturi;
Jamg‘arma — Dasturni amalga oshirishni tashkil etish hamda “Kichik biznesga ko‘maklashish markazi” MCHJlar faoliyatini muvofiqlashtirib borishga mas’ul “Kichik biznesni rivojlantirish jamg‘armasi” MCHJ;
markazlar — Qoraqalpog‘iston Respublikasi, viloyatlar va Toshkent shahrida Dastur doirasida tashabbuskorlarni o‘qitish, loyihalarni amalga oshirishga ko‘maklashish va ularning monitoringini yuritishga mas’ul bo‘lgan “Kichik biznesga ko‘maklashish markazi” MCHJlar;
hamkor banklar — Dastur doirasida loyihalarni moliyalashtirishda ishtirok etuvchi AT “Xalq banki”, “Mikrokreditbank” ATB va boshqa tijorat banklari;
hokim yordamchisi — mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha tuman (shahar) hokimi yordamchisi;
moliyaviy qo‘llab-quvvatlash vositalari — Dastur doirasida kredit ajratish, lizing berish, foizsiz bo‘lib to‘lash sharti bilan qarz ajratish, loyihalarda ulushdor bo‘lib ishtirok etish va grant mablag‘lari taqdim etish orqali ko‘rsatiladigan qo‘llab-quvvatlash choralari;
konsultativ qo‘llab-quvvatlash choralari — Dastur doirasida litsenziya, ruxsatnoma va sertifikatlar olish, soliq, bojxona, tashqi savdo faoliyati, davlat xaridlari, yer uchastkalari va bino-inshootlar ajratish masalalarida ko‘maklashish, shuningdek, imtiyoz va preferensiyalar, boshqa yengilliklar va imkoniyatlar bo‘yicha ma’lumot va maslahatlar berish;
baholash guruhi — istiqbolli loyihalarni tanlab olish, toifalarga ajratish va biznes loyihani baholashga mas’ul markazlar huzuridagi Loyihalarni baholash va tanlash guruhi;
loyiha tashabbuskori — kamida 1 yil uzluksiz faoliyat yuritib kelayotgan yakka tartibdagi tadbirkorlar, dehqon xo‘jaliklari, o‘zini o‘zi band qilganlar, hunarmandlar, kasanachilar, shuningdek, uch va undan ortiq kishini doimiy ish bilan ta’minlab kelayotgan kichik tadbirkorlik subyektlari va nodavlat ta’lim tashkilotlari hamda oilaviy tadbirkorlik dasturlari doirasida o‘z biznes loyihalarini muvaffaqiyatli amalga oshirib, ijobiy kredit tarixiga ega yuridik va jismoniy shaxslar;
vakolatli organlar — Dastur doirasida loyiha tashabbuskorlarini tanlash, o‘qitish, loyihalarni baholash va amalga oshirish bilan bog‘liq jarayonlarda o‘zaro hamkorlik qiluvchi tashkilotlar;
Biznes portal — Dasturda ishtirok etish bilan bog‘liq biznes jarayonlarni avtomatlashtirilgan holda tashkil etish va muvofiqlashtirib borish imkonini beradigan elektron platforma;
sertifikat — amaliy o‘quv kursini muvaffaqiyatli tugatib, biznes rejasini himoya qilgan loyiha tashabbuskoriga markazlar tomonidan taqdim qilinadigan va Dastur doirasida moliyaviy qo‘llab-quvvatlash vositalaridan foydalanish huquqini beruvchi QR-kodli (shtrixli) hujjat;
yuqori texnologik startap — so‘nggi texnologiyalar va ilm-fan yutuqlariga asoslangan innovatsion mahsulotlarni (xizmatlarni) ishlab chiqarish (ko‘rsatish) va tijoratlashtirish, yangi yechimlarni joriy etish yoki mavjudlarini yaxshilashga qaratilgan tavakkalchiligi yuqori bo‘lgan loyiha;
ulushga konvertatsiya qilinadigan investitsiya — investor, jumladan, venchur fondi tomonidan startap loyihaga kelgusida uning negizida tashkil etiladigan yuridik shaxs ustav kapitalidagi ulushga konvertatsiya qilish sharti bilan yo‘naltiriladigan investitsiyalar.
3. Dasturda ishtirok etish va moliyaviy qo‘llab-quvvatlash choralaridan Biznes portal orqali foydalaniladi va shu bilan bog‘liq biznes jarayonlarining har bir bosqichini onlayn kuzatish imkoniyati yaratiladi.
4. Dastur doirasida loyiha tashabbuskorlarini baholash, o‘qitish, moliyaviy, konsultativ qo‘llab-quvvatlash va loyiha monitoringini yuritish ushbu Nizomga 1-ilovadagi sxemaga muvofiq amalga oshiriladi.
2-bob. Dastur ishtirokchilarini tanlab olish tartibi
5. Loyiha tashabbuskori Dasturda ishtirok etish uchun Biznes portal orqali onlayn tarzda ikki bosqichda murojaat qiladi:
1-bosqichda — loyihani tanlab olish va amaliy o‘quv kursida ishtirok etish uchun loyihaning dastlabki hisob-kitoblari hamda foydalanish rejalashtirilgan moliyaviy qo‘llab-quvvatlash vositalari ko‘rsatilgan ariza yuboriladi;
2-bosqichda — sertifikat olgandan so‘ng zarur hujjatlarni ilova qilgan holda moliyaviy qo‘llab-quvvatlash vositalaridan foydalanish uchun ariza yuboriladi.
Dastur doirasida grant mablag‘larini taqdim etish vositasidan foydalanish uchun loyiha tashabbuskorlari mazkur Nizom 4-bobining 6-paragrafida belgilangan tartibda Biznes portal orqali murojaat qiladi.
6. Loyihani tanlab olish va amaliy o‘quv kursida ishtirok etish uchun ariza berilgandan so‘ng Biznes portal orqali loyiha tashabbuskori ikki ish kunida skoringdan o‘tkaziladi.
Skoring uchun zarur ma’lumotlar davlat organlari va tashkilotlari hamda tijorat banklaridan elektron axborot almashinuvi orqali olinadi.
Loyiha tashabbuskori skoring natijalari to‘g‘risida Biznes portal orqali xabardor qilinadi.
7. Hokim yordamchisi uch kun muddatda bevosita joyiga chiqqan holda skoringdan o‘tgan loyiha tashabbuskori bilan uchrashib, uning ushbu Nizomga 2-ilovadagi savolnoma asosida belgilangan mezonlarga muvofiqligini o‘rganadi hamda natijalari to‘g‘risidagi xulosani Biznes portalga joylashtiradi.
Hokim yordamchisining ijobiy xulosalari asosida Biznes-portalda avtomatik ravishda tashabbuskorlarning dastlabki ro‘yxati shakllantiriladi.
8. Markazlar huzurida ushbu Nizomga 3-ilovaga muvofiq namunaviy tarkibda loyihalarni baholash va tanlash guruhlari tashkil qilinadi.
Loyiha tashabbuskorlarining faoliyat davri, pul aylanmasi va ishchilar soniga qarab, ularning tadbirkorlik ko‘nikmasi va biznes-rejalarining yashovchanligi samaradorligi Jamg‘arma tomonidan tasdiqlanadigan metodika asosida baholanadi. Baholash metodikasi Biznes portalga joylashtiriladi.
Oldingi tahrirga qarang.
9. Baholash guruhlari uch ish kunida dastlabki ro‘yxatga kiritilgan loyiha tashabbuskorlarining istiqbolli loyihalarini tanlab oladi va ushbu Nizomga 4-ilovaga muvofiq ularni toifalarga ajratadi.
Baholash guruhining har bir a’zosi loyihalarni tanlab olish va toifalarga ajratish masalalarida uch ish kunida o‘z fikr va mulohazalarini berishi shart. Guruh a’zosi ushbu muddat davomida munosabat bildirmagan taqdirda, u tomonidan ijobiy xulosa berilgan deb hisoblanadi.
(9-band O‘zbekiston Respublikasi Vazirlar Mahkamasining 2024-yil 30-martdagi 181-sonli qarori tahririda — Qonunchilik ma’lumotlari milliy bazasi, 01.04.2024-y., 09/24/181/0259-son)
3-bob. Markazlar tomonidan o‘qitish jarayonini tashkil etish
10. Markazlar loyiha tashabbuskorlarini o‘qitish uchun Vazirlar Mahkamasi huzuridagi Biznes va tadbirkorlik oliy maktabi va uning hududiy filiallari, O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi, oliy ta’lim muassasalari, “Ishga marhamat” monomarkazlari, kasb-hunarga o‘qitish markazlari, sanoat korxonalari, erkin iqtisodiy zonalar va kichik sanoat zonalari, texnoparklar hamda sanoat klasterlari bilan hamkorlikda qisqa va o‘rta muddatli amaliy o‘quv kurslarini tashkil qiladi.
O‘quv kurslarini samarali tashkil qilish maqsadida shartnoma asosida nodavlat ta’lim tashkilotlari ham jalb qilinishi mumkin.
11. Loyiha tashabbuskorlari amaliy o‘quv kurslarida kichik tadbirkorlik subyektlarining loyihalari bo‘yicha biznes-rejalarni ishlab chiqish, moliyalashtirish va ishga tushirish, sotuv bozorlarini kengaytirish, xususiy investitsiya sheriklarini jalb qilish, biznesni tashkil etish hamda yuritish bilan bog‘liq boshqa yo‘nalishlar bo‘yicha o‘qitiladi.
12. Loyiha tashabbuskorlari amaliy o‘quv kurslari yakunlarida biznes-rejasini himoya qiladi.
13. Qisqa va o‘rta muddatli amaliy o‘quv kurslarini muvaffaqiyatli tugatgan va o‘z loyihasini himoya qilgan loyiha tashabbuskorlariga bir kun muddatda markazlar tomonidan Dastur doirasidagi qo‘llab-quvvatlash mexanizmlaridan foydalanish huquqini beradigan sertifikat taqdim etiladi.
Oldingi tahrirga qarang.
Bunda o‘zini o‘zi band qilgan shaxslar, hunarmandlar, kasanachilar va oilaviy tadbirkorlik dasturlari doirasida o‘z biznes loyihalarini muvaffaqiyatli amalga oshirgan jismoniy shaxslar moliyaviy instrumentlardan foydalanish huquqini qo‘lga kiritganda belgilangan tartibda tadbirkorlik subyekti sifatida davlat ro‘yxatidan o‘tkazilishi lozim.
(13-band O‘zbekiston Respublikasi Vazirlar Mahkamasining 2024-yil 30-martdagi 181-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 01.04.2024-y., 09/24/181/0259-son)
4-bob. Moliyaviy qo‘llab-quvvatlash vositalaridan foydalanish tartibi
14. Moliyaviy qo‘llab-quvvatlash vositalaridan foydalanish bo‘yicha ariza loyiha tashabbuskori tomonidan mustaqil ravishda yoki markazlarning ko‘magi bilan Biznes portal orqali taqdim etiladi.
15. Loyiha tashabbuskori o‘z arizasida quyidagi moliyaviy qo‘llab-quvvatlash vositalaridan birini yoki bir nechtasini ko‘rsatishi mumkin:
100,0 mln so‘mgacha garovsiz kredit;
150,0 mln so‘mgacha garov talabi pasaytirilgan revolver kredit;
Oldingi tahrirga qarang.
500,0 mln so‘mgacha kredit;
(15-band O‘zbekiston Respublikasi Vazirlar Mahkamasining 2024-yil 30-martdagi 181-sonli qaroriga asosan to‘rtinchi xatboshi bilan to‘ldirilgan — Qonunchilik ma’lumotlari milliy bazasi, 01.04.2024-y., 09/24/181/0259-son)
1,0 mlrd so‘mgacha kredit;
1,5 mlrd so‘mgacha kredit;
1,5 mlrd so‘mgacha lizing xizmati;
1,5 mlrd so‘mgacha foizsiz bo‘lib to‘lash sharti bilan qarzga asosiy vosita olib berish;
loyiha qiymatining 20 foizigacha qismiga, biroq 1,0 mlrd so‘mgacha bo‘lgan miqdorda ulushdor bo‘lib ishtirok etish;
2,0 mlrd so‘mgacha grant mablag‘lari taqdim etish.
Oldingi tahrirga qarang.
151. O‘zini o‘zi band qilgan shaxslarga tadbirkorlik faoliyatini boshlash uchun 100 mln so‘mgacha garovsiz kreditlarning 50 foiz qismi ularning bank kartasiga o‘tkazib berilishi mumkin.
(151-band O‘zbekiston Respublikasi Vazirlar Mahkamasining 2024-yil 30-martdagi 181-sonli qaroriga asosan kiritilgan — Qonunchilik ma’lumotlari milliy bazasi, 01.04.2024-y., 09/24/181/0259-son)
16. Loyiha tashabbuskoriga bir vaqtning o‘zida bir nechta moliyaviy qo‘llab-quvvatlash vositalari taqdim qilinganda, ularning umumiy miqdori 2 mlrd so‘mdan oshmasligi lozim.
Tadbirkorlik subyektlari ushbu limit doirasida mavjud kreditga qo‘shimcha ravishda moliyaviy qo‘llab-quvvatlash vositalaridan takroran foydalanishlariga ruxsat etiladi.
17. Moliyalashtirish ma’qullangan arizalar mavjud resurs mablag‘lari doirasida ro‘yxatga olingan identifikatsiya raqami ketma-ketligi asosida moliyalashtirib boriladi.
18. Dastur bo‘yicha taqdim qilinadigan moliyaviy qo‘llab-quvvatlash vositalari tijorat banklarida buxgalteriya hisobining hisobvaraqlar rejasiga muvofiq alohida hisobvaraqlarda yuritiladi.
1-§. Kredit va lizing ajratish
19. Loyiha tashabbuskori kredit (yoki lizing) xizmatidan foydalanish uchun Biznes portal orqali o‘z arizasiga xizmat ko‘rsatuvchi tijorat bankining ichki kredit siyosatidan kelib chiqib tegishli hujjatlarni ilova qiladi.
Talab etiladigan hujjatlar ro‘yxati tayanch bank va hamkor banklar tomonidan Biznes portalga joylashtiriladi.
20. Loyiha tashabbuskorlaridan qo‘shimcha hujjatlar talab qilishga yo‘l qo‘yilmaydi. Tijorat banklari boshqa idoralarda mavjud axborot va ma’lumotlarni Biznes portal orqali idoralararo elektron hamkorlik yo‘li bilan mustaqil ravishda oladi.
21. Arizalar besh ish kunidan oshmagan muddatda ko‘rib chiqilib, natijasi bo‘yicha kredit (lizing) ajratish yoki uni rad etish haqida qaror qabul qilinadi.
Bunda 1 mlrd so‘mgacha kredit (lizing) ajratish to‘g‘risidagi qaror tijorat banklarining hududiy filiallari tomonidan qabul qilinadi.
22. Tegishli hujjatlar to‘liq taqdim etilmagan yoki yolg‘on ma’lumotlar taqdim etilgan hollarda, arizani ko‘rib chiqish rad etiladi. Boshqa sabablarga ko‘ra arizani ko‘rib chiqishni rad etish taqiqlanadi.
2-§. Foizsiz bo‘lib to‘lash sharti bilan qarzga asosiy vosita olib berish
23. Loyiha tashabbuskori Biznes portal orqali o‘z arizasiga Jamg‘arma qarori asosida belgilangan hujjatlarni ilova qiladi. Bunda mazkur hujjatlar ro‘yxati Biznes portalda ochiq-oshkora e’lon qilinadi va unda nazarda tutilmagan hujjatlarni talab qilish taqiqlanadi.
24. Arizalar besh ish kunidan oshmagan muddatda ko‘rib chiqilib, natijasi bo‘yicha markazlar tomonidan mazkur moliyaviy yordam instrumentini taqdim etish yoki uni rad etish haqida qaror qabul qilinadi.
25. Tegishli hujjatlar to‘liq taqdim etilmagan yoki yolg‘on ma’lumotlar taqdim etilgan, shuningdek, talabgor belgilangan talablarga nomuvofiq bo‘lgan hollarda moliyaviy yordam vositasini taqdim etish rad etiladi. Boshqa sabablarga ko‘ra, arizani ko‘rib chiqishni rad etish taqiqlanadi.
3-§. Loyihalarda davlat mulki obyekti bilan ulushdor bo‘lib ishtirok etish vositasi
26. Loyiha tashabbuskori yangi loyihalarga va mavjud ishlab chiqarishni kengaytirishga oid loyihalariga bo‘sh turgan davlat mulki obyektlari (keyingi o‘rinlarda — obyekt) bilan mazkur loyiha amalga oshirilayotgan tadbirkorlik subyektining ustav kapitaliga ulushdor bo‘lib kirish to‘g‘risidagi arizani Biznes portal orqali quyidagilarni ilova qilgan holda markazlarga yuboradi:
aniq obyektga doir tegishli ma’lumotlar;
loyiha qiymati, shu jumladan, loyiha tashabbuskori tomonidan moliyalashtiriladigan qismining manbalari.
27. Markazlar tomonidan loyiha tashabbuskori hisoblangan tadbirkorlik subyekti ustav kapitalida ishtirok etishi quyidagilar orqali amalga oshiriladi:
savdoda turgan obyektni sotib olish to‘lovlarini amalga oshirish uchun Markazlar tomonidan mazkur to‘lov summasini (yoki uning bir qismini) maqsadli ravishda Markazlar ulushi sifatida rasmiylashtirish sharti bilan loyiha tashabbuskoriga o‘tkazib berish orqali;
savdoga qo‘yilmagan obyektlarni O‘zbekiston Respublikasi Davlat aktivlarini boshqarish agentligi (keyingi o‘rinlarda — Agentlik) tomonidan markazlar ulushi sifatida loyiha tashabbuskoriga ustav kapitaliga kiritish orqali. Bunda mazkur obyektning baholash tashkiloti tomonidan aniqlangan qiymati (yoki uning bir qismi) markazlar tomonidan Agentlikka bir oy muddatda o‘tkazib beriladi.
3.1-§. Savdoda turgan obyekt qiymati to‘lovlarini amalga oshirish
28. Savdoda turgan obyekt qiymati to‘lovlarini amalga oshirish uchun loyiha tashabbuskori tomonidan markazlarga quyidagilar taqdim etiladi:
auksion natijalari to‘g‘risidagi bayonnoma;
loyiha tashabbuskorining ustav kapitalida shakllanadigan markazlarga tegishli ulush miqdori hamda tadbirkorlik subyekti ta’sischilari safiga kiritilishini ma’qullash to‘g‘risidagi Ishtirokchilar umumiy yig‘ilishi qarori;
loyihani amalga oshirish biznes-rejasi.
29. Markazlar bir hafta muddatda taqdim etilgan hujjatlar to‘liqligi, biznes-rejaning Baholash metodikasiga muvofiqligini o‘rganib chiqib, loyiha tashabbuskoriga moliyaviy yordam vositasini taqdim etish yoki uni rad etish to‘g‘risida qaror qabul qiladi.
30. Markazlar o‘z qarorini qabul qilgandan keyin ikki kun muddatda loyiha tashabbuskori bilan tadbirkorlik subyekti ustav kapitalida ishtirok etish to‘g‘risidagi kelishuv loyihasini taqdim etadi.
Kelishuv tuzilgandan so‘ng obyekt qiymati to‘lovlari summasi (summaning bir qismi) tadbirkorlik subyektiga o‘tkazib beriladi.
3.2-§. Savdoga qo‘yilmagan obyektlarni Agentlik tomonidan markazlar ulushi sifatida loyiha tashabbuskori ustav kapitaliga kiritish
31. Savdoga qo‘yilmagan obyektni Agentlik tomonidan markazlar ulushi sifatida loyiha tashabbuskori ustav kapitaliga kiritish uchun loyiha tashabbuskori tomonidan markazga biznes-reja taqdim etiladi.
32. Markazlar bir hafta muddatda biznes-rejaning Baholash metodikasiga muvofiqligini o‘rganib chiqib, loyiha tashabbuskoriga moliyaviy yordam vositasini taqdim etish yoki rad etish to‘g‘risida qaror qabul qiladi.
33. Moliyaviy yordam vositasini taqdim etish to‘g‘risida qaror qabul qilinganda:
markazlar tomonidan ikki kun muddatda Agentlikka obyektni loyiha tashabbuskorining ustav kapitaliga kiritish maqsadida uni baholash va ustav kapitaliga markazlar ulushi sifatida berish to‘g‘risida qaror qabul qilish yuzasidan Biznes portal orqali murojaat yuboradi;
Agentlik ikki hafta muddatda obyektni tadbirkorlik subyekti ustav kapitaliga kiritish masalasini balansda saqlovchi bilan kelishadi.
Balansda saqlovchi roziligi olingan holda ikki hafta muddatda obyektni baholanishini tashkil etadi va baholash hisobotini markazlarga taqdim etadi. Bunda baholash xizmatlari haqi markazlar tomonidan Agentlikka qoplab beriladi;
Markaz tomonidan ikki kun muddatda obyektni baholash to‘g‘risidagi hisobot loyiha tashabbuskoriga taqdim etiladi.
34. Loyiha tashabbuskori tomonidan markazlarga loyiha tashabbuskorining ustav kapitalida shakllanadigan Markazga tegishli ulush miqdori hamda tadbirkorlik subyekti ta’sischilari safiga kiritilishini ma’qullash to‘g‘risidagi Ishtirokchilar umumiy yig‘ilishi qarori taqdim etiladi.
35. Markazlar ikki kun muddatda loyiha tashabbuskori bilan tadbirkorlik subyekti ustav kapitalida ishtirok etish to‘g‘risidagi kelishuv loyihasini taqdim etadi.
Kelishuv tuzilgandan so‘ng Agentlik tomonidan obyektni loyiha tashabbuskori ustav kapitaliga markazlar ulushini shakllantirish hisobiga kiritish to‘g‘risida buyruq qabul qilinadi va obyektni sotib olish to‘lovlari summasi (summasining bir qismi) markazlar tomonidan Agentlikka o‘tkazib beriladi. Bunda obyektning baholangan qiymati loyiha tashabbuskori ustav kapitalining 20 foizdan ortig‘ini tashkil etsa, obyekt uchun to‘lovning qolgan qismi loyiha tashabbuskori tomonidan to‘lanadi.
4-§. Loyihalarda yer uchastkalari bilan ulushdor bo‘lib ishtirok etish
36. Qishloq xo‘jaligida foydalanilmaydigan yer uchastkalariga (keyingi o‘rinlarda — yer uchastkalari) bo‘lgan mulk huquqi va ijara huquqi loyiha tashabbuskori tomonidan elektron onlayn-auksion orqali loyihani amalga oshirishning ehtiyojidan kelib chiqib sotib olinadi.
Yer uchastkalarini sotib olish uchun loyiha tashabbuskori tomonidan markazlarga quyidagilar taqdim etiladi:
auksion natijalari to‘g‘risidagi bayonnoma;
loyiha tashabbuskorining ustav kapitalida shakllanadigan markazlarga tegishli ulush miqdori hamda tadbirkorlik subyekti ta’sischilari safiga kiritilishini ma’qullash to‘g‘risidagi Ishtirokchilar umumiy yig‘ilishi qarori;
loyihani amalga oshirish biznes-rejasi.
37. Markazlar bir hafta muddatda taqdim etilgan hujjatlar to‘liqligi, biznes-rejaning Baholash metodikasiga muvofiqligini o‘rganib chiqib, loyiha tashabbuskoriga moliyaviy yordam vositasini taqdim etish yoki uni rad etish to‘g‘risida qaror qabul qiladi.
38. Markazlar o‘z qarorini qabul qilgandan keyin ikki kun muddatda loyiha tashabbuskori bilan tadbirkorlik subyekti ustav kapitalida ishtirok etish to‘g‘risidagi kelishuv loyihasini taqdim etadi.
Kelishuv tuzilgandan so‘ng obyekt qiymati summasi (summaning bir qismi) tadbirkorlik subyektiga o‘tkazib beriladi.
5-§. Loyihalarda asbob-uskunalar, bino va inshootlar hamda boshqa ko‘rinishdagi moddiy aktivlar bilan ulushdor bo‘lib ishtirok etish
39. Asbob-uskunalar, bino va inshootlar hamda boshqa ko‘rinishdagi moddiy aktivlarni (keyingi o‘rinlarda — moddiy aktivlar) markazlar ulushi sifatida loyiha tashabbuskorining ustav kapitaliga kiritish uchun loyiha tashabbuskori Biznes portal orqali markazlarga ariza beradi.
Arizaga quyidagi ma’lumotlar ilova qilinadi:
bino va inshoot(lar) bo‘yicha — joylashgan joyi, o‘lchamlari, konstruksiyalari, texnik holati, narxiga tegishli ma’lumotlar;
asbob-uskuna va boshqa ko‘rinishdagi moddiy aktivlar bo‘yicha — ularning xususiyati, texnologik vazifasi va narxiga tegishli ma’lumotlar;
loyihani amalga oshirish biznes-rejasi.
40. Markazlar bir hafta muddatda (baholash talab etilgan taqdirda bir oydan ortiq bo‘lmagan muddatda) taqdim etilgan hujjatlarni to‘liqligi, biznes-rejaning Baholash metodikasiga muvofiqligini o‘rganib chiqib, loyiha tashabbuskoriga moliyaviy yordam vositasini taqdim etish yoki uni rad etish to‘g‘risida qaror qabul qiladi.
Bunda markazlar ko‘chmas mulk obyektlari narxiga oid shakllangan bozor ma’lumotlari tahlilidan kelib chiqib, obyektning mulkdori bilan kelishuvga asosan obyektni baholashdan o‘tkazishi mumkin.
41. Moliyaviy yordam vositasini taqdim etish to‘g‘risida qaror qabul qilingan taqdirda, markazlar bir kun muddatda loyiha tashabbuskoriga kelishuv loyihasini yuboradi.
Bunda obyektni sotib olish shartlari, sotib olishdagi markazlarning hamda loyiha tashabbuskorining ulushi, oldi-sotdi shartnomasi loyihasi (mavjud bo‘lsa) hamda bino va inshootni kiritish hisobiga tadbirkorlik subyektining ustav kapitalidagi ulushlar taqsimotiga oid hisob-kitoblar ko‘rsatiladi.
42. Loyiha tashabbuskori bir oy muddatdan kechikmay kelishuv loyihasini ma’qullaydi yoki rad etadi. Kelishuv ma’qullanganda, markazlarning tadbirkorlik subyekti ta’sischilari safiga kiritilishini ma’qullash to‘g‘risidagi qaror ilova qilinadi.
43. Bino va inshoot markazlar tomonidan sotib olinganda oldi-sotdi shartnomasi ikki tomonlama tarzda, markazlar tomonidan loyiha tashabbuskori ishtirokida sotib olinganda uch tomonlama tarzda rasmiylashtiriladi.
Sotib olingan bino va inshootni loyiha tashabbuskori hisoblangan tadbirkorlik subyekti ustav kapitaliga kiritish masalasi u sotib olingandan keyin uch kundan kechiktirmay tadbirkorlik subyektining tegishli boshqaruv organi muhokamasiga kiritilishi lozim.
6-§. Loyihalar uchun grant mablag‘larini taqdim etish
44. Loyiha tashabbuskori Biznes portal orqali markazlarga ariza taqdim etadi va unga Vazirlar Mahkamasining 2020-yil 9-martdagi 133-son qarori bilan tasdiqlangan “Startap” loyihalarni tasdiqlash, moliyalashtirish va amalga oshirish tartibi to‘g‘risidagi nizom talablari asosida ishlab chiqilgan loyiha hujjatlarini ilova qiladi.
45. Arizalarga muvofiq loyiha hujjatlari besh ish kunida baholash guruhlari tomonidan quyidagi mezonlar asosida 100 ballik shkala bo‘yicha baholanadi:
innovatsionligi;
ijtimoiy qiymati va ta’siri;
asoschi va jamoaning salohiyati;
yechimning maqsadga muvofiqligi;
amaldagi holati;
amalga oshirish samaradorligi;
loyihaning mavjud analoglaridan farqi xamda mavjud raqobatchilardan afzalligi;
loyihaning investitsion jozibadorligi hamda yuqori o‘sish salohiyatiga ega ekanligi;
loyihaning amalga oshirilishidan kutilayotgan natija;
moliyaviy ko‘rsatkichlar tahlili.
Bunda 70 balldan yuqori baholangan loyihalar tanlab olinadi va O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligiga yuboriladi.
46. O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi o‘n besh ish kunida taqdim etilgan loyiha hujjatlarini ko‘rib chiqib, ma’qullangan loyihalarni markazlarga taqdim etadi. Bunda Innovatsion rivojlanish agentligi:
loyihalarni O‘zbekiston Respublikasi Oliy ta’lim, fan va innovatsiyalar vazirligi huzuridagi Ilmiy-texnik kengash muhokamasiga kiritilishini;
Ilmiy-texnik kengash muhokamasidan muvaffaqiyatli o‘tgan loyihalarni O‘zbekiston Respublikasi Oliy ta’lim, fan va innovatsiyalar vazirligi huzuridagi Ilm-fan va innovatsiyalar kengashi muhokamasida startap loyihani moliyalashtirish to‘g‘risida qaror qabul qilinishini tashkil qiladi.
47. Markazlar ma’qullangan loyiha tashabbuskorlarini mazkur Nizomning 3-bobida belgilangan tartibda maxsus dasturlar asosida o‘qitadi va sertifikat olgan tashabbuskorlarni grant mablag‘lari ajratish uchun O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligiga yo‘naltiradi.
48. O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi mazkur loyihalarni o‘n besh kun muddatda belgilangan tartibda moliyalashtirishni boshlaydi.
49. O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi davlat ilmiy dasturlari doirasida moliyalashtirilgan tijoratlashtirish va startap loyihalari ro‘yxatini amaliyotga joriy qilish va kengaytirishni qo‘llab-quvvatlash maqsadida markazlarga taqdim etib boradi.
5-bob. Maslahat xizmatlarini ko‘rsatish tartibi
50. Loyiha tashabbuskorlari so‘roviga ko‘ra, markazlar tomonidan quyidagi masalalar bo‘yicha ma’lumot va maslahatlar beriladi:
litsenziya, ruxsatnoma va sertifikatlar olish, bojxona hamda soliq ma’muriyatchiligi, eksport va import operatsiyalari, shartnomalarni rasmiylashtirish;
davlat xaridlarida ishtirok etish, shuningdek, yer uchastkalari, bino va inshootlarni sotib olish yoki ijaraga olish va loyihalashtirish;
tadbirkorlikni qo‘llab-quvvatlash bo‘yicha amaldagi imtiyoz va preferensiyalar, mavjud boshqa yengilliklar va imkoniyatlar.
51. Markazlar zarur hollarda loyiha tashabbuskorlariga davlat organlaridan tegishli hujjatlarni olish, shuningdek, imtiyoz va preferensiyalar qo‘llanilishini ta’minlashda ko‘maklashadi.
6-bob. Yakunlovchi qoidalar
52. Ushbu Nizom talablarini buzganlikda aybdor shaxslar qonunchilik hujjatlarida belgilangan tartibda javobgar bo‘ladi.
53. Dastur doirasida loyiha tashabbuskori yoki ishtirokchilar vakolatli organlarning, Jamg‘arma, markazlar va tijorat banklari mas’ul xodimlarining, hokim yordamchisining harakatlari (harakatsizligi) ustidan qonunchilik hujjatlarida belgilangan tartibda shikoyat qilishi mumkin.
LexUZ sharhiQarang: O‘zbekiston Respublikasi Konstitutsiyasining 55-moddasi, “Sudlar to‘g‘risida”gi Qonunning 14-moddasi, “Jismoniy va yuridik shaxslarning murojaatlari to‘g‘risida”gi Qonuni.
54. Davlat organlari va ularning mansabdor shaxslariga markazlar faoliyatiga, shu jumladan, ularning loyiha tashabbuskorlarini tanlab olish, loyihalarni baholash va moliyalashtirish, rahbar xodimlarini tayinlashga aralashish, shuningdek, markazlar mablag‘lari hisobidan turli xil xayriya (homiylik) to‘lovlar va badallar talab qilish taqiqlanadi.
“Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risidagi nizomga
1-ILOVA
1-ILOVA
Dastur doirasida loyiha tashabbuskorlarini baholash, o‘qitish, moliyaviy va konsultativ qo‘llab-quvvatlash va loyiha monitoringini yuritish
SXEMASI
|
Bosqichlar |
Mas’ul ijrochilar |
Tadbirlar |
Muddatlar |
|
1-bosqich |
Loyiha tashabbuskori |
1. Dasturda ishtirok etish uchun Biznes portalda ro‘yxatdan o‘tib, moliyaviy vositani ko‘rsatgan holda ariza yuboradi. |
O‘z xohishiga ko‘ra |
|
Biznes portal (inson omilisiz) |
2. Ariza beruvchi onlayn skoringdan o‘tkaziladi hamda natijasi Markazga yuboriladi. |
Avtomatik tarzda |
|
|
Kichik biznesga ko‘maklashish markazi |
3. Onlayn skoringda ijobiy deb baholanganda, loyiha joyiga chiqqan holda namunaviy shakldagi elektron savolnoma asosida o‘rganish uchun mas’ul hokim yordamchisiga yuboriladi. |
Kelib tushgan kundan kechiktirmasdan |
|
|
Hokim yordamchisi |
4. O‘rganish natijalarini Biznes portal orqali markazga yuboradi. |
Uch kun muddatda |
|
|
Biznes portal (inson omilisiz) |
5. Tashabbuskorlarning dastlabki ro‘yxati shakllantiriladi. |
Avtomatik tarzda |
|
|
2-bosqich |
Kichik biznesga ko‘maklashish markazi huzuridagi Loyihalarni baholash va tanlash guruhlari |
1. Dastlabki ro‘yxatga kiritilgan tashabbuskorlarning tadbirkorlik ko‘nikmasi va biznes-rejalarining yashovchanligini baholash asosida istiqbolli loyihalar tanlab olinadi va ularning faoliyat davri, pul aylanmasi va ishchilar soniga qarab toifaga ajratiladi hamda o‘qitish uchun yo‘naltiriladi. |
Uch kun muddatda |
|
Kichik biznesga ko‘maklashish markazi |
2. Tavsiya etilgan loyiha tashabbuskorlari qisqa va o‘rta muddatli amaliy o‘quv kurslarida (masofaviy yoki an’anaviy) o‘qitiladi. |
Tanlangan o‘quv dasturiga muvofiq |
|
|
Kichik biznesga ko‘maklashish markazi |
3. Test (imtihon) sinovlarini muvaffaqiyatli topshirgan hamda tayyorlagan biznes-rejasini muvaffaqiyatli himoya qilgan tashabbuskorga sertifikat beriladi. |
Bir kun muddatda |
|
|
3-bosqich |
Loyiha tashabbuskori |
1. Sertifikat olgan tashabbuskor kompleks dastur doirasidagi qo‘llab-quvvatlash mexanizmlaridan foydalanishi uchun xizmat ko‘rsatayotgan hamkor bankiga moliyaviy vositalardan foydalanish bo‘yicha Biznes portal orqali onlayn ariza bilan murojaat qiladi. Loyiha tashabbuskori kredit (yoki lizing) xizmatidan foydalanish uchun Biznes portal orqali o‘z arizasiga xizmat ko‘rsatuvchi tijorat bankining ichki kredit siyosatidan kelib chiqib, tegishli hujjatlarni ilova qiladi |
O‘z xohishiga ko‘ra |
|
2. Ariza va taqdim etilgan tegishli hujjatlar ko‘rib chiqilib, natijasi bo‘yicha quyidagi mos holdagi vakolatli idoralar moliyaviy vositalardan foydalanish yoki uni rad etish haqida qaror qabul qilinadi. Bunda: |
|||
|
Tijorat banki |
kredit (lizing) |
Besh kun muddatda |
|
|
Kichik biznesga ko‘maklashish markazi |
bo‘lib to‘lash sharti bilan qarz |
Besh kun muddatda |
|
|
ulush kiritish |
Kiritilayotgan ulush shaklidan kelib chiqib belgilanadi |
||
|
Innovatsion rivojlanish agentligi |
grant |
15 ish kunida |
|
|
4-bosqich |
Kichik biznesga ko‘maklashish markazi, tijorat banklari |
1. Ishtirokchilar loyihalarining muntazam monitoringi yuritiladi. |
Har chorakda |
|
2. Markaz loyihaga ulushdor bo‘lib kirgan loyihalardagi o‘z ulushini bozor tamoyillari asosida belgilangan tartibda sotadi. |
Belgilangan tartib hamda muddatlarda |
Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risidagi nizomga
2-ILOVA
Oldingi tahrirga qarang.
“Kichik biznesni uzluksiz qo‘llab quvvatlash” kompleks dasturi loyiha tashabbuskori _________________ning faoliyat yuritish joyiga chiqib o‘rganish
SAVOLNOMASI
(2-ilovaning nomi O‘zbekiston Respublikasi Vazirlar Mahkamasining 2024-yil 30-martdagi 181-sonli qarori tahririda — Qonunchilik ma’lumotlari milliy bazasi, 01.04.2024-y., 09/24/181/0259-son)
|
Tashkilot nomi/FIO |
* |
||||||||||||||||||||||||||||||||||||||
|
STIR/PINFL |
* |
Telefon raqami |
* |
||||||||||||||||||||||||||||||||||||
|
Tadbirkorlik faoliyat turi |
* |
||||||||||||||||||||||||||||||||||||||
|
Loyiha maqsadi |
* |
||||||||||||||||||||||||||||||||||||||
|
Qaysi bank mijozi |
** |
||||||||||||||||||||||||||||||||||||||
|
Loyihani amalga oshirish joyi |
* |
||||||||||||||||||||||||||||||||||||||
|
Kadastr yoki ijara shartnomasi raqami |
* |
||||||||||||||||||||||||||||||||||||||
|
So‘ralayotgan moliyaviy vosita nomi |
* |
||||||||||||||||||||||||||||||||||||||
|
Miqdori |
* |
||||||||||||||||||||||||||||||||||||||
|
Ta’minot turi |
* |
Soni |
* |
Rekvizitlari |
* |
||||||||||||||||||||||||||||||||||
|
Oxirgi 12 oylik pul aylanmasi |
** |
||||||||||||||||||||||||||||||||||||||
|
(mavjud bo‘lsa) |
|||||||||||||||||||||||||||||||||||||||
|
Oilaviy tadbirkorlik dasturida ishtirok etgan |
|||||||||||||||||||||||||||||||||||||||
|
Mavjud kredit qoldig‘i |
** |
||||||||||||||||||||||||||||||||||||||
|
Kredit mablag‘ining maqsadli ishlatilgani |
Ha |
Yo‘q |
|||||||||||||||||||||||||||||||||||||
|
Yaratilgan ishchi o‘rinlari |
Jami ishchilar soni |
** |
|||||||||||||||||||||||||||||||||||||
|
Xulosa |
|||||||||||||||||||||||||||||||||||||||
|
Loyiha tashabbuskorini dastlabki ro‘yxatga kiritish tavsiya etiladimi? |
Ha |
Yo‘q |
|||||||||||||||||||||||||||||||||||||
|
Izoh |
|||||||||||||||||||||||||||||||||||||||
|
|
Hokim yordamchisi |
||||||||||||||||||||||||||||||||||||||
Izoh. * Ushbu ma’lumotlar Biznes portal orqali avtomatik ravishda to‘ldiriladi.
** Ushbu ma’lumotlar tegishli tashkilotlar bilan integratsiya qilinguniga qadar ma’lumotlar an’anaviy shaklda olinib, so‘rovnomaga kiritiladi va bu to‘g‘risida izoh katakchasida bayon qiladi.
“Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risidagi nizomga
3-ILOVA
3-ILOVA
Loyihalarni baholash va tanlash guruhining
NAMUNAVIY TARKIBI
|
1. |
Lavozimi bo‘yicha |
— |
“Kichik biznesga ko‘maklashish markazi” MCHJ direktori — Loyihalarni baholash va tanlash guruhi rahbari |
|
2. |
Lavozimi bo‘yicha |
— |
Mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha tuman (shahar) hokimi yordamchisi |
|
3. |
Kelishuvga asosan |
— |
Loyiha tashabbuskoriga xizmat ko‘rsatuvchi tijorat bankining ishonchli vakili |
|
4. |
Kelishuvga asosan |
— |
Ekspert |
|
5. |
Kelishuvga asosan |
— |
O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi vakili |
“Kichik biznesni uzluksiz qo‘llab-quvvatlash” kompleks dasturi tashabbuskorlarini tanlash, ularning loyihalarini qo‘llab-quvvatlash va moliyalashtirish to‘g‘risidagi nizomga
4-ILOVA
Tashabbuskorlarni toifalarga ajratish mezonlari
Oldingi tahrirga qarang.
|
T/r |
Toifalar |
1-toifa |
2-toifa |
3-toifa |
4-toifa |
|||||
|
1. |
Moliyaviy vosita turi |
100 million so‘mgacha garovsiz kreditlar |
150 million so‘mgacha garov talabi pasaytirilgan revolver kreditlar |
500 million so‘mgacha kreditlar |
1 milliard so‘mgacha kreditlar |
1,5 milliard so‘mgacha kreditlar |
1,5 milliard so‘mgacha lizing xizmatlari ko‘rsatish |
1,5 milliard so‘mgacha foizsiz bo‘lib to‘lash sharti bilan qarzga asosiy vosita olib berish |
Loyihalarda 1 milliard so‘mgacha miqdorda ulushdor bo‘lib ishtirok etish |
2 milliard so‘mgacha grant mablag‘lari taqdim etish |
|
2. |
Vositani olish maqsadi |
loyihani amalga oshirish |
loyihani amalga oshirish |
loyihani amalga oshirish |
loyihani amalga oshirish |
loyihani amalga oshirish |
asbob-uskunalar, texnologik jihozlar va maxsus texnikalarni sotib olish |
asbob-uskunalar, texnologik jihozlar va maxsus texnikalarni sotib olish |
bo‘sh turgan davlat mulki obyektlari va yer maydonlari, asbob-uskunalar, bino va inshootlar hamda boshqa ko‘rinishdagi moddiy aktivlarni sotib olish |
innovatsion ishlanmalarni tijoratlashtirish va yuqori texnologik startap loyihalarni moliyalashtirish |
|
3. |
Ishchi o‘rinlarning mavjudligi |
yakka tartibdagi tadbirkorlar, dehqon xo‘jaliklari, o‘zini o‘zi band qilgan shaxslar, hunarmandlar, kasanachilar, nodavlat ta’lim tashkilotlari, uch va undan ortiq kishini doimiy ish bilan ta’minlayotgan kichik tadbirkorlik subyektlari |
kichik tadbirkorlik subyektlari-3 va undan ortiq kishini doimiy ish bilan ta’minlayotgan |
kichik tadbirkorlik subyektlari — kamida 4 nafar kishini doimiy ish bilan ta’minlayotgan |
kichik tadbirkorlik subyektlari-kamida 5 nafar kishini doimiy ish bilan ta’minlayotgan |
kichik tadbirkorlik subyektlari-kamida 10 nafar kishini doimiy ish bilan ta’minlayotgan |
kichik tadbirkorlik subyektlari-kamida 10 nafar kishini doimiy ish bilan ta’minlayotgan |
kichik tadbirkorlik subyektlari-kamida 10 nafar kishini doimiy ish bilan ta’minlayotgan |
kichik tadbirkorlik subyektlari-kamida 10 nafar kishini doimiy ish bilan ta’minlayotgan |
kichik tadbirkorlik subyektlari-3 va undan ortiq kishini doimiy ish bilan ta’minlayotgan |
|
4. |
Pul aylanmasiga talab |
talab mavjud emas |
talab mavjud emas |
oxirgi 12 oyda aylanma mablag‘lari miqdori 200 million so‘mdan ziyod bo‘lgan |
oxirgi 12 oyda aylanma mablag‘lari miqdori 500 mln so‘mdan 10 mlrd so‘mgacha |
oxirgi 12 oyda aylanma mablag‘lari miqdori 1 mlrd so‘mdan 10 mlrd so‘mgacha |
oxirgi 12 oyda aylanma mablag‘lari miqdori 1 mlrd so‘mdan 10 mlrd so‘mgacha |
oxirgi 12 oyda aylanma mablag‘lari miqdori 1 mlrd so‘mdan 10 mlrd so‘mgacha |
oxirgi 12 oyda aylanma mablag‘lari miqdori 1 mlrd so‘mdan 10 mlrd so‘mgacha |
talab mavjud emas |
(4-ilova O‘zbekiston Respublikasi Vazirlar Mahkamasining 2024-yil 30-martdagi 181-sonli qarori tahririda — Qonunchilik ma’lumotlari milliy bazasi, 01.04.2024-y., 09/24/181/0259-son)
Oldingi tahrirga qarang.
(O‘zbekiston Respublikasi Prezidentining 2024-yil 25-dekabrdagi PQ-455-sonli qaroriga asosan 11-ilovaning o‘z kuchini yo‘qotish sanasi — 2025-yil 1-yanvar — Qonunchilik ma’lumotlari milliy bazasi, 30.12.2024-y., 07/24/455/1092-son)
Vazirlar Mahkamasining 2024-yil 20-yanvardagi 37-son qaroriga
2-ILOVA
Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizomga kiritilayotgan o‘zgartirish va qo‘shimchalar
a) 7-pozitsiyaning uchinchi ustuni quyidagi mazmundagi to‘rtinchi xatboshi bilan to‘ldirilsin:
“Kichik biznesga ko‘maklashish markazlari tomonidan yangi loyihalar uchun tadbirkorlik subyektlariga tor doiradagi mutaxassis sifatida jalb qilingan chet el fuqarolari uchun — bazaviy hisoblash miqdorining 1 baravari miqdorida”;
to‘rtinchi — o‘ninchi xatboshilar tegishlicha beshinchi — o‘n birinchi xatboshilar deb hisoblansin;
b) 11-pozitsiyaning uchinchi ustuni quyidagi mazmundagi “a1” kichik bandi bilan to‘ldirilsin:
“a1) Kichik biznesga ko‘maklashish markazlari tavsiyasiga asosan yangi loyihalar doirasida tor doiradagi mutaxassis sifatida jalb qilingan chet el fuqarolari uchun — tasdiqnomalar mehnat shartnomasi amal qiladigan muddatga, biroq uch yildan ortiq bo‘lmagan muddatga cheksiz marta uzaytirish imkoniyati bilan, ammo har bir holatda uch yildan ortiq bo‘lmagan muddatga”.
(Qonunchilik ma’lumotlari milliy bazasi, 22.01.2024-y., 09/24/37/0056-son; 01.04.2024-y., 09/24/181/0259-son; 15.05.2024-y., 09/24/282/0347-son; 30.12.2024-y., 07/24/455/1092-son; 10.11.2025-y., 09/25/709/1027-son)
