Т/р

Туман (шаҳар)нинг қиёсий устунлигини таъминловчи омиллар

Методик йўналиш

Амударё тумани

1.

Саноат соҳаси:

(а) тўқимачилик, қурилиш материаллари, мева-сабзавотни қайта ишлаш йўналишларини ривожлантириш имкониятлари юқори;

республикада етакчи пахта етиштирувчи ҳудудлардан бири бўлиб, пахта-тўқимачилик соҳасида йирик инвестиция лойиҳаларини жойлаштириш учун етарли хомашё базасига эга;

(б) тумандаги мавжуд кўплаб қазилма конлари (қум-шағал, гранит, мармар, оҳактош каби қурилиш материаллари захиралари) саноат корхоналари учун катта имконият яратади;

(в) тоғ-кон ва қурилиш материаллари саноатида ишлаб чиқариш ҳажмини оширишда бошқа ҳудудларга нисбатан қулайликлар юқори;

(г) мева-сабзавот маҳсулотларини қайта ишлаш, сақлаш ва экспорт қилишга ихтисослашган корхоналарни ташкил этиш;

Тўқимачилик, мева-сабзавотларни қайта ишлаш ва қурилиш материаллари саноатини ривожлантириш

(тўқимачилик ва мева-сабзавот маҳсулотларини қайта ишлаш, ер ости қазилма бойликларидан самарали фойдаланиш, қурилиш материаллар саноатини ривожлантириш)

хизматлар соҳаси:

географик жойлашуви: Амударё дарёси бўйида жойлашгани ва туман ҳудудидан «А380» халқаро автомагистрали ўтгани сабабли туризмни ривожлантириш учун қулай имкониятларга эга;

замонавий туризм объектларини барпо этиш ва халқаро туризм лойиҳаларини амалга ошириш истиқболлари мавжуд;

туман ҳудудидан Амударё дарёси оқиб ўтган, бу эса дам олиш масканлари, савдо ва хизмат кўрсатиш соҳаларини ривожлантириш учун кенг имкониятлар яратади;

туман ҳудудининг бир қисми Туркманистон Республикаси билан давлат чегараси орқали туташганлиги туфайли тадбиркорлар ва фермерлар учун қўшни Туркманистон бозорларига тўғридан-тўғри чиқиш имконияти юқори;

Хизматлар соҳасини ривожлантириш

(«А380» халқаро магистраль йўлининг 37 км қисмида ҳамда дарё бўйларида туризм ва хизмат кўрсатиш лойиҳаларини ташкил этиш)

қишлоқ хўжалиги соҳаси:

(а) туманда балиқчилик, чорвачилик ва паррандачиликни ривожлантириш учун барча зарур шарт-шароитлар мавжуд;

(б) ер ва сув ресурслари, транспорт ва муҳандислик инфратузилмаси ҳамда меҳнат ресурслари агросаноат мажмуасида самарали лойиҳаларни амалга ошириш имконини беради.

Қишлоқ хўжалиги ер майдонларидан самарали фойдаланиш

(ер ва сув ресурсларидан оқилона фойдаланиш)

Беруний тумани

2.

Саноат соҳаси:

(а) туманда кўплаб қазилма конлари (қум-шағал, гранит, мармар, оҳактош каби қурилиш материаллари захиралари) саноат корхоналари учун катта имконият яратади;

(б) тоғ-кон ва қурилиш материаллари саноатида ишлаб чиқаришни кластер усулида ташкил этиш учун бошқа ҳудудларга нисбатан қулайликлар юқори;

(в) тоғли ва табиий муҳитга яқин бўлгани сабабли экологик тоза маҳсулотлар ва минерал хомашёлар асосида саноатни ривожлантиришнинг катта истиқболлари мавжуд;

Маҳсулотлар таннархини пасайтириш

Ер ости қазилма бойликларидан

самарали фойдаланиш

(қурилиш материаллар саноатини ривожлантириш ҳамда кластер тизимларини яратиш)

хизматлар соҳаси:

географик жойлашуви: Амударё бўйи ҳудудда жойлашган, дам олиш масканлари, савдо ва хизмат кўрсатиш соҳаларини ривожлантириш учун кенг имкониятлар мавжуд;

шунингдек, транзит ҳудудда жойлашганлиги савдо ва логистика хизматларини ривожлантириш учун қўшимча имкониятлар яратади;

Соҳилбўйи туризм хизматини, савдо ва логистикани ривожлантириш

(3 гектарда соҳилбўйи дам олиш масканини ташкил этиш)

қишлоқ хўжалиги соҳаси:

(а) 22,8 минг гектар суғориладиган (шундан аҳоли томорқалари 3,2 минг гектар) ва 301 минг гектар яйлов ер майдонлари мавжуд;

(б) 4 та маҳалла кўчатчиликка, 7 та маҳалла полизчиликка, 5 та маҳалла чорвачиликка, 4 та маҳалла сабзавотчиликка ва 3 та маҳалла картошкачиликка ихтисослашган.

Яйлов ер майдонларидан самарали фойдаланиш

(белгиланган тартибда лойиҳаларни шакллантириб, наслли қўй ва эчки бош сонларини кўпайтириш)

Бўзатов тумани

3.

Саноат соҳаси:

(а) норуда фойдали қазилмалари захирасига эга ва бентонит ишлаб чиқаришни йўлга қўйиш имконияти мавжуд;

Инвесторларни жалб қилиш

(инвесторлар учун инфратузилмани яхшилаш)

хизматлар соҳаси:

географик жойлашуви: Қорақалпоғистон Республикасининг шимолий туманларини (Қўнғирот, Мўйноқ, Қонликўл, Бўзатов, Чимбой, Қораузак, Тахтакўпир, Кегейли) ўзаро боғловчи Амударё дарёси устидаги кўприкнинг туман ҳудудда жойлашганлиги савдо ва логистика хизматларини ривожлантириш учун қўшимча имкониятлар яратади;

Йўл инфратузилмасини яхшилаш

(45 км автомобиль йўлини реконструкция қилиш)

қишлоқ хўжалиги соҳаси:

(а) 14,5 минг гектар суғориладиган (шундан аҳоли томорқалари 655 гектар) ва 83,6 минг гектар яйлов ер майдонлари мавжуд;

(б) 1 та маҳалла томорқачилик (яйлов ер майдонларида чорвачиликни ривожлантириш) ва 4 та маҳалла чорвачилик ва деҳқончиликка ихтисослашган.

Яйлов ер майдонларидан самарали фойдаланиш

(яйлов ер майдонларида артезиан қудуқларни қазиш)

Кегейли тумани

4.

Саноат соҳаси:

(а) қизилмия илдизини қайта ишлаш, қурилиш материалларини ишлаб чиқариш ва тўқимачилик йўналишларини ривожлантириш имкониятлари юқори;

(б) Кегейли тумани Нукус шаҳрига яқин ҳудудда жойлашганлиги сабабли ушбу ҳудудларда ишлаб чиқариш ҳажмини кенгайтириб бориш салоҳияти мавжуд;

(в) меҳнат ресурсларининг миқдори юқори (иқтисодий фаол аҳоли 28,5 минг нафар);

Маҳсулотлар таннархини пасайтириш

(тежамкорлик, саноат кооперацияси)

хизматлар соҳаси:

географик жойлашуви:

«D234» Нукус ш. — Чимбой ш. — Тахтакупир ш. автомобиль йўлининг туман ҳудудидан ўтган қисми бўйларини Кадастрлар палатаси тегишли ташкилотлар билан биргаликда хатловдан ўтказиб, камида 60 та ўринда хизмат кўрсатиш шохобчаларини жойлаштириш учун ер майдонларини аниқлаш ва аукцион савдоларига чиқариш имкониятлари мавжуд;

Хизмат кўрсатиш

(60 та янги хизмат кўрсатиш шохобчаларини ташкил этиш)

қишлоқ хўжалиги соҳаси:

(а) 18,5 минг гектар суғориладиган (шундан аҳоли томорқалари 1,3 минг гектар) ва 15,0 минг гектар яйлов ер майдонлари мавжуд;

(б) 1 та маҳалла узумчилик (терраса шаклидаги узум плантациялари) ва 1 та маҳалла сабзавотчиликка ихтисослашган.

Яйлов ер майдонларидан самарали фойдаланиш

(150 га ер майдонда терраса усулида узумзорлар барпо этиш)

Қонликўл тумани

5.

Саноат соҳаси:

(а) туманда йилига 10,0 минг тонна пахта толаси ва йилига 9,0 минг тонна ип-калава ишлаб чиқариш қувватлари мавжудлигини инобатга олган ҳолда тўқимачилик маҳсулотлари (мато) ва трикотаж маҳсулотларини ишлаб чиқариш йўналишларини ривожлантириш имкониятлари юқори;

(б) озиқ-овқат ва қишлоқ хўжалиги маҳсулотларини қайта ишлаш (ун, ёғ, сут, гўшт, қуритилган мева-сабзавот) йўналишларини ривожлантириш имкониятлари юқори;

(в) меҳнат ресурсларининг миқдори юқори (иқтисодий фаол аҳоли 27 минг нафар);

Тўқимачилик маҳсулотлари таннархини пасайтириш

(мато ва трикотаж маҳсулотларини ишлаб чиқариш)

хизматлар соҳаси:

Қонликўл тумани «А380» Ғузор — Бухоро — Нукус — Бейнеу халқаро автомобиль йўли бўйида жойлашганлиги сабабли йўлбўйи савдо-сервис объектлари ва логистика хизматларини ривожлантириш учун (фойдаланишдан чиққан қишлоқ хўжалиги ерлари тоифасини ўзгартириб, хизмат кўрсатиш объектлари жойлаштириш) имкониятлар юқори;

Йўл бўйи инфратузилмасини ривожлантириш

(автомобиль йўли бўйи инфратузилмасини (савдо нуқталари, овқатланиш шохобчалари, автосервис, омборлар) жойлаштириш)

қишлоқ хўжалиги соҳаси:

(а) 33,1 минг гектар суғориладиган (шундан аҳоли томорқалари 768,0 гектар) ва 10,4 минг гектар яйлов ер майдонлари мавжуд;

(б) 10,4 минг гектар яйлов ер майдонларидан самарали фойдаланиб, чорвачиликни ривожлантириш (қўй, қорамол, эчки) ва озуқа базасини мустаҳкамлаш.

Яйлов ер майдонларидан самарали фойдаланиш

(суғориладиган ва яйлов ерларини комплекс бошқариш)

Қораўзак тумани

6.

Саноат соҳаси:

«Қаратау» МФЙда қурилиш материалларини ишлаб чиқариш учун тайёр хомашё билан таъминлаш имконияти мавжуд;

Қурилиш материалларини ишлаб чиқарувчи Кластерни ташкил этиш

(ички бозорни арзон қурилиш материаллари билан таъминлаш)

хизмат кўрсатиш:

географик жойлашуви: «Қойбақ» ОФЙ ҳудудидаги «Қаратау» МФЙда қурилиш материалларини ишлаб чиқаришга ихтисослашган, бундан ташқари халқаро аҳамиятга эга магистраль йўл ҳудудида жойлашганлиги учун савдо ва логистика хизматларини ривожлантириш имконияти мавжуд;

«А380» Ғузор — Бухоро — Нукус — Бейнеу автомобиль йўлининг туман ҳудудидан ўтувчи қисмида савдо-сервис хизматларини ривожлантириш учун имкониятлар мавжуд;

Урбанизация жараёнларини жадаллаштириш

(2030 йилгача 3 минг кишилик замонавий шаҳарча барпо этиш Тебинбулақ кон-металлургия комбинати ишга тушиши билан аҳоли тўпланади.)

қишлоқ хўжалиги соҳаси:

(а) 12,5 минг гектар суғориладиган (шундан деҳқон хўжаликларига 150 гектар) ва 12,8 минг гектар яйлов ер майдонлари мавжуд;

(б) тумандаги маҳаллалар деҳқончиликка ихтисослашган.

Яйлов ер майдонларидан самарали фойдаланиш мақсадида янгидан чорвачилик хўжаликларини ташкил этиш

(6 та маҳаллада мойли ва дуккакли экин етиштиришни ташкил этиш)

Қўнғирот тумани

7.

Саноат соҳаси:

(а) кимё саноатини ривожлантириш имкониятлари юқори;

туманда минерал тузлар конлари мавжуд, жумладан, «Барсакелмес» конидаги ош тузи хомашёси умумий майдони 110,0 минг гектар ва «Тумрюк» конидаги мирабилит тузи хомашёси умумий майдони 787 гектарни ташкил этади.

Ушбу хомашё ресурсларини ўзлаштириш орқали йилига 200 минг тонна кальцинацияланган сода, 40 минг тонна натрий сульфат ишлаб чиқарадиган қувватлар мавжуд. Қўшимча янги турдаги каустик сода, хлорид кальций, синтетик ювиш воситалари, озиқ-овқат содаси ва натрий сульфид маҳсулотлари ишлаб чиқаришни йўлга қўйиш имкониятлари мавжуд;

Шунингдек, туманда йилига 387 минг тонна полиэтилен, 83 минг тонна полипропилен ишлаб чиқариш қувватига эга йирик корхона мавжуд.

Полиэтилен ва полипропилен саноатнинг барча йўналишларида кенг қўлланади. Жумладан, пакет ва қоплар, хўжалик сумкалари, сув ва канализация қувурлари, икки компонентли тола, арқон ва тўрлар, брезент, шиша ва ўйинчоқлар, ҳар хил хўжалик товарлари, шампунь ва косметик восита қутилари, сут ва ичимлик қутилари, автомобиллар учун ёқилғи баклари, ҳар хил рўзғор идишлари, поддон таралар, шиша қопқоғи, канцелярия буюмлари, бир марталик шприцлар, аккумулятор қутилари, контейнерлар, ҳар хил маиший анжомлар ҳамда бошқада буюмлар ишлаб чиқариш мумкин.

(б) меҳнат ресурсларининг миқдори юқори (иқтисодий фаол аҳоли 61 минг нафар);

Саноат соҳасини ривожлантириш, таннархни пасайтириш, кимё саноатини ривожлантириш

(Ер ости қазилма бойликларидан самарали фойдаланиш)

хизматлар соҳаси:

географик жойлашуви: чегара ва транзит ҳудудда ҳамда «А380» халқаро автомагистраль йўли бўйида жойлашганлиги сабабли савдо ва логистика хизматларини ривожлантириш учун имкониятлар мавжуд;

чегара ҳудудида савдони ривожлантириш ва яқин ҳудудда ишлаб чиқаришни кенгайтириб бориш салоҳияти мавжуд;

Қўнғирот тумани маҳсулотларни сотиш бўйича қулай жойда жойлашган бўлиб, Қозоғистон Республикаси билан ташқи чегарадош ва Мўйноқ, Шуманай, Қонликўл, Бўзатов туманлари билан ички чегарадош. Яъни маҳсулотларни сотиш учун тайёр бозори мавжуд.

Туман республиканинг шимолий дарвозаси ҳисобланади. Ҳудудидан «А380» автомобиль йўли ўтган. Ушбу йўл орқали Қозоғистон, Россияга ҳамда Каспий ва Қора денгиз портлари орқали Европа бозорларига чиқиш имконияти мавжуд.

Шунингдек, темир йўл станцияси мавжуд бўлиб, темир йўл вагонларига юк ортиш, тушириш ҳамда юкларни сақлаш хизмати йўлга қўйилган;

Хизматлар соҳасини ривожлантириш

(савдо ва хизмат кўрсатиш объектларини барпо этиш)

қишлоқ хўжалиги соҳаси:

(а) 38,6 минг гектар суғориладиган (шундан аҳоли томорқалари 1,7 минг гектар) ва 1,8 млн гектар яйлов ер майдонлари мавжуд;

(б) туман асосан чорвачиликка ихтисослашганлигини инобатга олган ҳолда чорва учун қулай озуқа-ем базасини мустаҳкамлаш имконияти мавжуд;

(в) Устюрт платоси ҳудуди асосан яйлов ҳисобланади, ҳудудининг катталиги жиҳатидан республикадаги салмоқли улушини инобатга олган ҳолда чорвачилик лойиҳаларини амалга ошириш имконияти мавжуд;

(г) йирик агроплантация лойиҳаларини ташкил қилишда қулайликлар мавжуд.

Яйлов ер майдонларидан самарали фойдаланиш

(чорвачиликни ривожлантириш)

Мўйноқ тумани

8.

Саноат соҳаси:

(а) артемия маҳсулотларини қайта ишлашни ривожлантириш имкониятлари юқори;

(б) меҳнат ресурсларининг миқдори юқори (иқтисодий фаол аҳоли 14 минг нафар);

Маҳсулотлар таннархини пасайтириш

(энергоаудит, тежамкорлик, саноат кооперацияси)

хизматлар соҳаси:

географик жойлашуви: Орол денгизи ҳудудида чет эллик ва маҳаллий туристларнинг оқими етарли даражада. Туристлар учун уй ва бошқа меҳмонхона шунингдек, савдо ҳамда бошқа хизматларни ривожлантириш учун имкониятлар мавжуд;

Урбанизация жараёнларини жадаллаштириш

(янгидан хизмат кўрсатиш объектларини ташкил этиш)

қишлоқ хўжалиги соҳаси:

(а) 8,1 минг гектар суғориладиган (шундан аҳоли томорқалари 212 гектар) ва 88,4 минг гектар яйлов ер майдонлари мавжуд;

(б) 6 та маҳалла чорвачиликка ихтисослашган.

Яйлов ер майдонларидан самарали фойдаланиш

(10 га ер майдонида боғ ва узумзорлар барпо этиш)

Нукус тумани

9.

Саноат соҳаси:

(а) тўқимачилик, қурилиш материаллари ва озиқ-овқат саноати йўналишларини ривожлантириш имкониятлари юқори;

Мисол учун, қишлоқ хўжалиги маҳсулотларини қайта ишлашнинг (мева-сабзавот, сут ва гўшт маҳсулотлари) имкониятлари юқори (туманда 2 минг гектар майдонда 42 минг тонна мева-сабзавот етиштирилади);

туманнинг Нукус шаҳри ёнида жойлашганлиги инвесторлар учун жозибадор, яъни транспорт қулайлиги, бозорга яқинлик ва инфратузилма мавжудлиги йирик лойиҳаларни жалб қилади;

(б) ҳудудий инвестиция дастури доирасида 2026 йилда қиймати 137,1 млрд сўмлик 9 та лойиҳа амалга оширилиб, 327 та иш ўринлари яратилади ва янги турдаги маҳсулотлар (мева-сабзавотларни қадоқлаш учун қоғоз картонлар, консерваланган қуритилган помидор, металл профиллар ишлаб чиқариш, трикотаж мато ва ҳ.к.) ишлаб чиқариш йўлга қўйилади (2030 йилга қадар жами қиймати 953,0 млрд сўмлик 85 та лойиҳа амалга оширилади);

(в) меҳнат ресурсларининг миқдори юқори (иқтисодий фаол аҳоли 22,6 минг нафар);

Маҳсулотлар таннархини пасайтириш

(энергоаудит, тежамкорлик, саноатни ривожлантириш)

хизматлар соҳаси:

географик жойлашуви: туризм (уй ва бошқа меҳмонхоналар), чегара ва транзит ҳудудда жойлашганлиги туфайли савдо ва логистика хизматларини ривожлантириш учун имкониятлар мавжуд;

Дарё ва каналларнинг соҳил бўйида хизматлар соҳасини (савдо, умумий овқатланиш, меҳмонхона, ҳунармандчилик маркази, тиббий хизматлар ва ҳ.к.) ривожлантириш, жумладан, туман ҳудудидан оқиб ўтган Дўстлик канали бўйидаги 38,7 гектар ер майдонда «Ақманғит турист» дам олиш маскани лойиҳасини амалга ошириш савдо, умумий овқатланиш, меҳмонхона хизматларини ривожлантириш имконияти мавжуд.

Ҳудудий инвестиция дастури доирасида 2026 йилда қиймати 1,8 млн доллар бўлган қишлоқ хўжалиги техникаларини йиғиш, савдо ва сервис хизмати маркази ташкил этилиб, туман қишлоқ хўжалиги корхоналари, шунингдек, республика бўйлаб замонавий қишлоқ хўжалиги техникалари билан таъминлашда хизмат кўрсатиш йўлга қўйилади.

(2030 йилга қадар хизмат кўрсатиш соҳасида жами қиймати 321,0 млрд сўмлик 29 та лойиҳа амалга оширилиб, 466 та иш ўринлари яратилади);

Савдо ва хизмат кўрсатиш соҳаларини ривожлантириш

(«Ақманғит турист» дам олиш маскани барпо этиш)

қишлоқ хўжалиги соҳаси:

(а) 22,9 минг гектар суғориладиган (шундан аҳоли томорқалари 1,2 минг гектар) ва 19,7 минг гектар яйлов ер майдонлари мавжуд;

(б) ҳудудий инвестиция дастури доирасида 2026 йилда қиймати 16,2 млрд сўм бўлган 5 та лойиҳа амалга оширилиб, 31 та иш ўринлари яратилади.

(2030 йилга қадар қишлоқ хўжалиги соҳасида жами қиймати 261,0 млрд сўмлик 28 та лойиҳа амалга оширилиб, 387 та иш ўринлари яратилади. Ушбу лойиҳалар доирасида қишлоқ хўжалиги маҳсулотлари етиштиришда замонавий технологияларни жорий этиш орқали сувни тежаш ва ҳосилдорликни 1,5 — 2,0 бараваргача ошириш кўзда тутилмоқда).

(в) туманда 392 гектар (1,27 минг тонна) узумзорлар (шундан аҳоли томорқалари 358 гектар ва 34 гектар фермер хўжаликларига тегишли ер майдонлари) мавжуд;

(г) туманда 497 гектар (3,75 минг тонна) боғ (шундан аҳоли томорқалари 65 гектар ва 432 гектар фермер хўжаликларига тегишли ер майдонлари) мавжуд.

(д) туманда 2500 гектар (3,7 минг тонна) мош ва 500 гектар (750 тонна) кунжут экинларини экиш.

Яйлов ер майдонларидан самарали фойдаланиш

(500 гектар ер майдонида терраса усулида узумзорлар барпо этиш)

Нукус шаҳри

10.

Саноат соҳаси:

(а) маиший электротехника, ускунасозлик, фармацевтика, тўқимачилик, тоғ-кон, қурилиш материаллари ҳамда озиқ-овқат саноатини ривожлантириш имкониятлари юқори;

эркин иқтисодий, кичик саноат, ёшлар саноат ва тадбиркорлик зоналари ва унда яратилган инфратузилмавий шарт-шароитлар (темир йўл, бўш ер майдони) туфайли тўқимачилик, қурилиш материаллари, фармацевтика, мебелчилик ва бошқа йўналишларида устунлик мавжуд;

(б) туманлар шаҳар атрофида жойлашганлиги инвесторлар учун жозибадор, яъни транспорт қулайлиги, бозорга яқинлик ва инфратузилма мавжудлиги йирик лойиҳаларни жалб қилади;

(в) тоғли ва табиий муҳитга яқин бўлгани сабабли, экологик тоза маҳсулотлар ва минерал хомашёлар асосида саноатни ривожлантиришнинг катта истиқболлари мавжуд;

(г) лойиҳаларни жойлаштиришга бўш бино ва ер участкалари мавжуд;

(д) меҳнат ресурсларининг миқдори юқори (иқтисодий фаол аҳоли 140 минг нафар);

Маҳсулотлар таннархини пасайтириш

хизматлар соҳаси:

(а) географик жойлашуви: «А380» автомагистраль йўли бўйида туризм (уй ва бошқа меҳмонхоналар), савдо ва логистика хизматларини ривожлантириш учун имкониятлар мавжуд;

(б) дарё ва каналларнинг соҳил бўйида дам олиш масканлари, савдо ва хизмат кўрсатиш соҳаларини ривожлантириш учун кенг имкониятлар мавжуд;

(в) тарихий ва маданий мерос объектлари кўп;

(г) шаҳарнинг аҳоли гавжум кўчаларида савдо-сервис, гастрономик ва туризм объектлари учун инфратузилма мавжуд;

(д) шаҳар марказида хизмат қилувчи тадбиркорлар ва аҳоли учун қулай инфратузилма барпо этилиши ҳисобига Дўстлик каналида соҳилбўйи масканлари ташкил этиш имкониятлар мавжуд;

(ж) шаҳарда аҳоли ва туристлар дам олиш мақсадида замонавий истироҳат боғлари, замонавий типдаги меҳмонхоналар ҳамда ресторан ва умумий овқатланиш объектлари ташкил этиш имкониятлари мавжуд.

(з) давлат хусусий шерикчилиги асосида маданият ва экотуризм кластерини ташкил этиш орқали туризм хизматларини ривожлантириш учун имкониятлар юқори;

Урбанизация жараёнларини жадаллаштириш

қишлоқ хўжалиги соҳаси:

(а) аҳоли томорқаси бўйича 51 та маҳаллада «бир маҳалла — бир маҳсулот» тамойили асосида деҳқончиликка (сабзавотчилик, дуккакли ва мойли экинлар, полиз экинлари ва бошқалар) ва 3 та маҳаллада чорвачиликни ривожлантириш.

Аҳоли томорқа ер майдонларидан самарали фойдаланиш

Тахиатош тумани

11.

Саноат соҳаси:

(а) қурилиш материаллари, фармацевтика, тўқимачилик йўналишларини ривожлантириш имкониятлари юқори;

(б) чегара ҳудудида савдони ривожлантириш ва яқин ҳудудда ишлаб чиқаришни кенгайтириб бориш салоҳияти мавжуд;

(в) меҳнат ресурсларининг миқдори юқори (иқтисодий фаол аҳоли 78 минг нафар);

Маҳсулотлар таннархини пасайтириш

(энергоаудит, тежамкорлик, саноат кооперацияси)

хизматлар соҳаси:

(а) географик жойлашуви: ҳудудда хусусий клиникалар мавжудлиги тиббий хизматларни ривожлантириш учун имкониятлар яратади;

(в) дарё ва каналларнинг соҳил бўйида хизматлар соҳаси (савдо, умумий овқатланиш, меҳмонхона, ҳунармандчилик маркази, тиббий хизматлари ва ҳ.к.) ривожланган;

Хизматлар соҳасини ривожлантириш

(соҳил бўйи масканида Креатив парк ташкил этиш)

қишлоқ хўжалиги соҳаси:

(а) 6,5 минг гектар суғориладиган (шундан аҳоли томорқалари 1,8 минг гектар) ва 0,5 минг гектар яйлов ер майдонлари мавжуд;

(б) 1 та маҳалла узумчилик (терраса шаклидаги узум плантациялари) ва 2 та маҳалла картошкачиликка ихтисослашган.

Яйлов ер майдонларидан самарали фойдаланиш

(50 га ер майдонда терраса усулида узумзорлар барпо этиш)

Тахтакўпир тумани

12.

Саноат соҳаси:

(а) қурилиш материаллари, фармацевтика, чарм ва тўқимачилик йўналишларини ривожлантириш имкониятлари юқори;

39 та участкада 10,4 минг куб/м Кварц қуми захираси мавжуд (газблок ва шиша идишлар);

 «Қорақалпоқ агро кластер» МЧЖ томонидан йилига 17 минг тонна пахта қайта ишланиб, 6 минг тонна пахта толаси ва 9 минг тонна чигит ишлаб чиқарилади;

 «Каусар тегирмон» МЧЖ да йиллик қуввати 1,2 минг тонна жунни қайта ишлаш имкони мавжуд (фермер хўжаликлари ва аҳолида 165.6 минг қўй ва эчки мавжуд).

(б) ҳудудда мавжуд 70 гектар майдондаги 650 минг тонна туз захираларидан фойдаланиб ишлаб чиқаришни кенгайтириб бориш салоҳияти мавжуд;

(в) меҳнат ресурсларининг миқдори юқори (иқтисодий фаол аҳоли 16,5 минг нафар);

Маҳсулотлар таннархини пасайтириш

(тежамкорлик, саноатни ривожлантириш)

хизматлар соҳаси:

географик жойлашуви: тумандаги «Дауқара» ОФЙ ҳудудида «Борши таў» тепалигида ва «Қоратеранг» кўли бўйида экотуризмни ривожлантириш мақсадида «Etnik aul» экотуризм мажмуасини барпо этиб, чегара ва транзит ҳудудда жойлашганлиги туфайли савдо ва туристик хизматларни ривожлантириш учун имкониятлар мавжуд;

Экотуризмни ривожлантириш

(миллий маданий объектларни

экотуризм географик харитасига киритиш)

қишлоқ хўжалиги соҳаси:

(а) 32,7 минг гектар суғориладиган (шундан аҳоли томорқалари 1,3 минг гектар) ва 1,4 млн гектар яйлов ер майдонлари мавжуд;

(б) 7 та маҳалла чорвачиликка ва 6 та маҳалла деҳқончиликка ихтисослашган.

Яйлов ер майдонларидан самарали фойдаланиш

(чорвачилик корхоналари ва фермер хўжаликларини ташкил этиш ва мавжудларини кенгайтириш)

Тўрткўл тумани

13.

Саноат соҳаси:

(а) туманда тўқимачилик ва мебелчилик саноатини ривожлантириш ва кооперациялар ташкил қилиш имкониятлари юқори;

(б) меҳнат ресурсларининг миқдори юқори (иқтисодий фаол аҳоли 95,2 минг нафар);

(в) саноат соҳасини ривожлантириш учун туманда бўш турган ер майдонлари мавжуд;

Маҳсулотлар таннархини пасайтириш

(энергоаудит, тежамкорлик, саноат кооперацияси)

хизматлар соҳаси:

географик жойлашуви: туманнинг туризми (уй ва бошқа меҳмонхоналар), чегара ва транзит ҳудудда жойлашганлиги савдо ва логистика хизматларини ривожлантириш учун имкониятлар яратади;

тумандаги «Оқбошли» ОФЙ ҳудудида 200 минг кишилик замонавий шаҳарча барпо этиш учун имкониятлар мавжуд (ушбу ОФЙ ҳудудидан халқаро аҳамиятга эга бўлган «А380» автомобиль йўли кесиб ўтган);

Урбанизация жараёнларини жадаллаштириш

(200 минг кишилик замонавий шаҳарча барпо этиш)

қишлоқ хўжалиги соҳаси:

(а) 32,4 минг гектар суғориладиган (шундан аҳоли томорқалари 4,5 минг гектар) ва 55,0 минг гектар яйлов ер майдонлари мавжуд;

(б) 10 та маҳалла полиз маҳсулотларини етиштиришга ва 10 та маҳалла чорвачиликка ихтисослашган.

Яйлов ер майдонларидан самарали фойдаланиш

(120 га ер майдонда полизчиликни барпо этиш)

Хўжайли тумани

14.

Саноат соҳаси:

(а) фармацевтика, тўқимачилик, қурилиш материаллари ва озиқ-овқат саноатини ривожлантириш имкониятлари юқори;

мисол учун, қишлоқ хўжалиги маҳсулотларини қайта ишлаш (сут маҳсулотлари) имкониятлари юқори (туманда 1,1 минг тонна сут маҳсулотлари қайта ишлаб чиқарилади);

туманнинг Нукус шаҳри ёнида жойлашганлиги инвесторлар учун жозибадор, яъни транспорт қулайлиги, бозорга яқинлик ва инфратузилма мавжудлиги йирик лойиҳаларни жалб қилади;

(б) ҳудудий инвестиция дастури доирасида 2026 йилда қиймати 579,1 млрд сўмлик 7 та лойиҳа амалга оширилиб, 793 та иш ўринлари яратилади ва янги турдаги маҳсулотлар (пластик эшик-ромлар, қуёш панеллари, газни қайта ишлаш, қизилмия илдизини қайта ишлаш, шиша идишлар ишлаб чиқариш ва ҳ.з) ишлаб чиқариш йўлга қўйилади (2030 йилга қадар жами қиймати 2,9 трлн сўмлик 50 та лойиҳа амалга оширилади);

(в) меҳнат ресурсларининг миқдори юқори (иқтисодий фаол аҳоли 45,8 минг нафар);

Маҳсулотлар таннархини пасайтириш

хизматлар соҳаси:

(а) географик жойлашуви: туризм (уй ва бошқа меҳмонхоналар), чегара ва транзит ҳудудда жойлашганлиги туфайли савдо ва логистика хизматларини ривожлантириш имкониятлари мавжуд;

каналлар бўйида хизматлар соҳасини (савдо, умумий овқатланиш, меҳмонхона, ҳунармандчилик маркази, тиббий хизматлари ва ҳ.к.) ривожлантириш, жумладан, «Сүўенли» каналининг «Шағалакўл» ва «Сүўенли» МФЙлар ҳудудидан оқиб ўтадиган қисми соҳилида инфратузилма объектларини бюджет маблағлари ҳисобидан барпо этиш орқали савдо-хизмат кўрсатиш объектларини жойлаштириш имконияти мавжуд;.

(б) ҳудудий инвестиция дастури доирасида 2026 йилда қиймати 65,5 млрд сўм бўлган 5 та лойиҳа амалга оширилиб, 54 та иш ўринлари яратилади;

(2030 йилга қадар хизмат кўрсатиш соҳасида жами қиймати 2,1 трлн сўмлик 42 та лойиҳа амалга оширилиб, 1,7 минг та иш ўринлари яратилади);

Урбанизация жараёнларини жадаллаштириш

қишлоқ хўжалиги соҳаси:

(а) 19,8 минг гектар суғориладиган (шундан аҳоли томорқалари 1,4 минг гектар) ва 6,9 минг гектар яйлов ер майдонлари мавжуд;

(б) ҳудудий инвестиция дастури доирасида 2026 йилда қиймати 130,1 млрд сўмлик бўлган 4 та лойиҳа амалга оширилиб, 68 та иш ўринлари яратилади;

(2030 йилга қадар қишлоқ хўжалиги соҳасида жами қиймати 1,6 трлн сўмлик 34 та лойиҳа амалга оширилиб, 1,2 мингта иш ўринлари яратилади, ушбу лойиҳалар доирасида қишлоқ хўжалиги маҳсулотлари етиштиришда замонавий технологияларни жорий этиш орқали сувни тежаш ва ҳосилдорликни 1,5 — 2 бараваргача ошириш кўзда тутилмоқда)

(в) туманда 13 гектар (56 тонна) узумзорлар (13 гектар фермер хўжаликларига тегишли ер майдонлари) мавжуд;

(г) туманда 41 гектар (266 тонна) боғ (41 гектар фермер хўжаликларига тегишли ер майдонлари) мавжуд;

(д) туманда 2,4 минг гектар (2,6 минг тонна) мош ва 728 гектар (1,1 минг тонна) кунжут экинларини экиш.

Ер майдонларидан самарали фойдаланиш

Чимбой тумани

15.

Саноат соҳаси:

 туманнинг «Майжап» ОФЙ ҳудудида Қусханатау конида 408 млн тонна минерал тузлар захираси мавжуд (астраханит — 52%, галит — 22%, мирабалит — 6%, тенардит — 5%) ва ушбу минерал тузлардан сульфат натрий ишлаб чиқариш имконияти бор;

Маҳсулотлар таннархини пасайтириш

(энергоаудит, тежамкорлик, саноат кооперацияси)

хизматлар соҳаси:

 туманнинг «D234» Нукус ш. — Чимбой ш. — Тахтакўпир ш. автомобиль йўлининг 54 — 57 км қисми — Тазғара маҳалласи экотуризмни жадал ривожлантириш учун қулай табиий-иқлим шароитига эга;

(«Тазғара» маҳалла фуқаролар йиғинида экотуризм ва агротуризмни бирлаштирадиган комплекс туризм лойиҳаларини амалга ошириш имконияти мавжуд);

Урбанизация жараёнларини жадаллаштириш

(100 минг кишилик замонавий шаҳарча барпо этиш)

қишлоқ хўжалиги соҳаси:

 ҳудудда 197 минг бошдан ортиқ чорва, яъни катта ва барқарор бозор бор (3,9 млн долларлик гўшт ва сут маҳсулотлари экспорт қилинган);

 ҳудудда 23 минг гектар ер майдонида 150 минг бош чорвачилик лойиҳаларини амалга ошириш имконияти мавжуд;

чорва учун омухта ем ишлаб чиқариш қувватлари мавжуд (58 минг гектар табиий яйловлар, йиллик тонна 31 минг тонна шелуха ва кунжара 22,5 минг тонна кунжара).

Яйлов ер майдонларидан самарали фойдаланиш

(500 га ер майдонда терраса усулида узумзорлар барпо этиш)

Шуманай тумани

16.

Саноат соҳаси:

(а) тўқимачилик, озиқ-овқат ва қишлоқ хўжалиги маҳсулотларини қайта ишлаш (ун, ёғ, сут, гўшт, қуритилган мева-сабзавот) йўналишларини ривожлантиришнинг имкониятлари юқори;

(б) чегара ҳудудида савдони ривожлантириш ва яқин ҳудудда ишлаб чиқаришни кенгайтириб бориш салоҳияти мавжуд;

(в) меҳнат ресурсларининг миқдори юқори (иқтисодий фаол аҳоли 27 минг нафар);

Қишлоқ хўжалиги маҳсулотларини қайта ишлашни ривожлантириш

(маҳаллий хомашё базаси ва меҳнат ресурсларига таянган ҳолда тўқимачилик, озиқ-овқат ҳамда қишлоқ хўжалиги маҳсулотларини қайта ишлаш тармоқларини ривожлантириш орқали қўшимча қиймат яратиш)

хизматлар соҳаси:

географик жойлашуви: «А380» Ғузор — Бухоро — Нукус — Бейнеу автомобиль йўлининг туман ҳудудидан ўтувчи қисмида савдо-сервис хизматларини ривожлантириш учун имкониятлар мавжуд;

Йўлбўйи лойиҳаларини ишга туширишни жадаллаштириш

(автомобиль йўли бўйлаб йўлбўйи инфратузилмасини (савдо нуқталари, овқатланиш шохобчалари, автосервис, меҳмонхона ва омборлар) жойлаштириш)

қишлоқ хўжалиги соҳаси:

(а) 12,2 минг гектар суғориладиган (шундан аҳоли томорқалари 6,3 минг гектар) ва 45,7 минг гектар яйлов ер майдонлари мавжуд;

(б) 45,7 минг гектар яйлов ер майдонларидан самарали фойдаланиб, чорвачиликни кенгайтириш (қўй, қорамол, эчки) ва озуқа базасини мустаҳкамлаш;

(в) 6,3 минг аҳоли томорқаларида иссиқхона, интенсив боғдорчилик ва паррандачиликни ривожлантириш томорқаларни оилавий бизнес манбаига айлантириш.

Қишлоқ хўжалигини юқори қўшимча қийматли экинларга йўналтириш

(туманда мавжуд суғориладиган ерлар ва яйловларни комплекс бошқариш орқали қишлоқ хўжалиги, чорвачилик ва қайта ишлаш саноатини ўзаро боғлаган ҳолда ривожлантириш)

Элликқалъа тумани

17.

Саноат соҳаси:

(а) тўқимачилик йўналишида устунлик юқори. Тўқимачилик йўналишида қўшилган қиймат занжирини яратиш мақсадида қўшимча замонавий лойиҳаларни амалга ошириш имконияти мавжуд (туманда 2 та йирик тўқимачилик корхонаси фаолият юритади);

(б) туманда доривор ўсимликларни қайта ишлаш, хусусан, қизилмия илдизини қайта ишлаш салоҳияти юқори;

Маҳсулотлар таннархини пасайтириш

(тўқимачилик, тежамкорлик, доривор ўсимликларни қайта ишлаш)

хизматлар соҳаси:

географик жойлашуви:

туман марказидан 35 — 40 км узоқликдаги ҳудудда туман аҳолиси гавжум жойлашган бўлиб, мазкур ҳудудда замонавий типдаги бозор қуриш имконияти мавжуд (10 гектар ер майдони танланган, ер тоифасини ўзгартириш зарур);

 туман марказининг 5 та аҳоли гавжум кўчалари (А. Навоий, Ўзбекистон, Халқлар дўстлиги, Ш. Рашидов, С. Айний) савдо-сервис, гастрономик ва туризмга объектлари қуриш учун қулай, инфратузилмасини ривожлантириш зарур;

 туризмни ривожлантириш учун тарихий ва маданий мерос объектлари кўп (масалан, Ақчакўл кўли бўйи, Аёзқалъа, Тупроққалъа, Гулдурсунқалъа қалъалари ва бошқалар);

«А380» Ғузор — Бухоро — Нукус — Бейнеу йўлининг 16 км қисми туманнинг 6 та маҳалласи ҳудудидан ўтган. Ушбу магистрал йўлда автомашиналар қатнови узлуксиз бўлганлиги йўл бўйи савдо ва хизмат нуқталарини (умумий овқатланиш, автомобилларга техник хизмат кўрсатиш, чакана савдо объектларини) ривожлантириш имкониятлари юқори;

Туризм ва сервис соҳаларини жадаллаштириш

(замонавий типдаги янги бозор қуриш ва сервис соҳасини ривожлантириш)

қишлоқ хўжалиги соҳаси:

(а) 28,7 минг гектар суғориладиган (шундан аҳоли томорқалари 6,2 минг гектар) ва 273,0 минг гектар яйлов ер майдонлари мавжуд;

(б) маҳаллаларнинг 27 таси ёки 67,5 фоизи қишлоқ хўжалиги ихтисослашган;

(в) тумандаги 5 та маҳалла чорвачиликка ихтисослашган.

Яйлов ер майдонларидан самарали фойдаланиш

(маҳаллалар ихтисослашуви ҳамда аҳоли кўникмаси асосида иссиқхоналарни ижарага берилган ерларга олиб чиқиш)

Т/р

Чора-тадбирлар номи

Амалга ошириш механизми

Амалга ошириш шакли

Ижро муддати

Масъул ижрочилар

I. Инвестицияларни жалб қилишни рағбатлантириш

1.

Қорақалпоғистон Республикасининг инвестицион жозибадорлигини ҳамда инвесторларнинг инвестиция киритишдан манфаатдорлигини ошириш.

1. Қуйидаги имтиёзлар муддатини 2040 йилгача узайтириш:

(а) Ўзбекистон Республикаси Президентининг 2022 йил 31 августдаги ПФ-213-сон Фармони 2-бандининг «а» кичик бандида назарда тутилган солиқ имтиёзларини (бундан айланмадан олинадиган солиқ мустасно);

(б) 2027 йил 1 январдан бошлаб Қорақалпоғистон Республикасида майдони беш минг квадрат метрдан юқори бўлган савдо комплекслари ва меҳмонхона (жойлаштириш воситалари) хизматлари бўйича ер солиғи ва мол-мулк солиғи ставкаларини 90 фоизга камайтириш тарзидаги имтиёзларни.

2. Қонун лойиҳасида ушбу имтиёзларнинг йирик солиқ тўловчилар, доимий муассасалар, бюджет ташкилотлари, давлат корхоналари ҳамда унга оид корхоналарга нисбатан татбиқ этилмаслигини инобатга олиш.

Қонун лойиҳаси

2026 йил май

Иқтисодиёт ва молия вазирлиги

(И. Норқулов),

Солиқ қўмитаси

(Ф. Пулатов)

II. Қишлоқ хўжалигини ривожлантириш

2.

Чорвачиликни ривожлантириш ва чорва озуқа базасини мустаҳкамлаш.

1. Тахтакўпир, Мўйноқ, Бўзатов ва Қўнғирот туманларида йирик шохли қорамолларни боқишга ихтисослашган 19 та маҳаллада мавжуд 31 минг бош сигирларнинг наслини яхшилаш учун хорижий ва маҳаллий ветеринарларни жалб қилиш.

Амалий чора-тадбирлар

2026 йил апрель

Қишлоқ хўжалиги вазирлиги

(И. Абдураҳмонов),

Ветеринария ва чорвачиликни ривожлантириш қўмитаси

(Ш. Жабборов),

Қорақалпоғистон Республикаси Вазирлар Кенгаши

(Ф. Эрманов)

2. Осиё тараққиёт банкидан жалб қилинадиган маблағлар доирасида ҳудуддаги мавжуд яйлов ер майдонларини тўлиқ хатловдан ўтказиш, суғориш қудуқларини қазиш, ўсимлик турларини кенгайтириш, замонавий технологиялар (дронлар)дан фойдаланган ҳолда уруғ сепиш.

2026 йил декабрь

3. Хорижий давлатлардан камида 10 минг бош йирик шохли ҳамда 100 минг бош майда шохли молларни олиб келиш.

2026 — 2030 йиллар

3.

Қўшимча насос агрегатларини ўрнатиш орқали сув ресурсларидан самарали фойдаланиш.

Қўшимча насос агрегатларини ўрнатиш орқали сув ресурсларидан самарали фойдаланиш ва қўшимча сув манбаларини жалб этиш. Бунда:

(а) янги нуқталарга қўшимча насос агрегатларини ўрнатишнинг иқтисодий самарадорлигини асословчи ҳисоб-китобларни ишлаб чиқиш ва Сув хўжалиги вазирлиги билан келишиш;

(б) Сув хўжалиги вазирлигининг хулосаси асосида янги нуқталарни қўшимча насос агрегатлари билан таъминлаш ва уларни фойдаланишга киритиш бўйича тадбирларни қонунчилик ҳужжатларида тақиқланмаган манбалар ҳисобидан ташкил этиш;

(в) янги нуқталарга ўрнатилган насос агрегатларини Сув хўжалиги вазирлигининг насос станциялари ва энергетика бошқармалари балансига қабул қилиш;

Амалий чора-тадбирлар

Доимий

Қорақалпоғистон Республикаси Вазирлар Кенгаши

(Ф. Эрманов),

Сув хўжалиги вазирлиги

(Ш. Хамраев)

(г) насос агрегатларидан фойдаланиш билан боғлиқ харажатларни Сув хўжалиги вазирлигига республика бюджетидан ажратилган маблағлар доирасида молиялаштириб бориш.

Сув хўжалиги вазирлигининг буйруғи

III. Урбанизация ва инфратузилмани ривожлантириш

4.

Қорақалпоғистон Республикасининг шаҳар ва туманларида инфратузилмани яхшилаш.

1. Халқаро молия институтларидан натижага асосланган молиялаштириш тизими (PforR) бўйича 200 млн АҚШ доллари миқдорида маблағларни жалб қилиш учун лойиҳа ҳужжатларини ишлаб чиқиш.

Амалий чора-тадбирлар

2026 йил август

Иқтисодиёт ва молия вазирлиги

(И. Норқулов),

Инвестициялар, саноат ва савдо вазирлиги

(Л. Кудратов),

Адлия вазирлиги

(А. Тошқулов),

Қорақалпоғистон Республикаси Вазирлар Кенгаши

(Ф. Эрманов)

2. Лойиҳанинг Ўзбекистон Республикаси инвестиция дастурининг 2027 йилда давлат ташқи қарзини жалб қилиш режалаштирилаётган янги инвестиция лойиҳаларининг асосий рўйхатига киритилишини таъминлаш.

Амалий чора-тадбирлар

2026 йил август

3. Лойиҳа доирасида халқаро молия институтларидан жалб қилинадиган қарз мажбуриятлари бўйича Ўзбекистон Республикасининг давлат кафолатини тақдим этиш.

Амалий чора-тадбирлар

2026 йил октябрь

4. Лойиҳа доирасида Ўзбекистон Республикаси ҳамда халқаро молия институтлари ўртасида имзоланадиган қарз битимига, шунингдек, заруратга кўра Ўзбекистон Республикасининг давлат кафолати бўйича белгиланган тартибда юридик хулоса берилишини таъминлаш.

Амалий чора-тадбирлар

2026 йил ноябрь

5.

Нукус шаҳрининг архитектуравий қиёфасини янгилаш, қулай ва замонавий шаҳар концепциясини ишлаб чиқиш.

Халқаро молия институтлари кўмагида шаҳарсозлик ва урбанизация соҳасида илғор хорижий компанияларни жалб қилган ҳолда қуйидагиларни назарда тутувчи Нукус шаҳрининг архитектуравий қиёфасини янгилаш, қулай ва замонавий шаҳар концепциясини ишлаб чиқиш:

(а) Нукус шаҳрининг ягона архитектуравий-шаҳарсозлик услубини шакллантириш, жамоат бинолари, марказий кўчалар ва майдонларни замонавий дизайн ечимлари асосида қайта режалаштириш;

(б) «15 дақиқалик шаҳар» тамойили асосида жамоат транспортини ривожлантириш, пиёдалар ва велосипедлар ҳаракати учун устуворлик бериш, аҳоли учун дам олиш, спорт ва маданий ҳудудларни кенгайтириш, имконияти чекланган шахслар учун инклюзив шаҳар муҳитини яратиш;

(в) аҳолининг ўсиб бораётган уй-жойга бўлган талабини ҳисобга олган ҳолда янги кўп квартирали уй-жой массивларини барпо этиш, эски уй-жой фондларини босқичма-босқич реновация қилиш ва қайта қуриш;

(г) шаҳар ҳудудларини функционал зоналар (яшаш, ишлаб чиқариш, жамоат, рекреация) бўйича қайта кўриб чиқиш, ер ресурсларидан оқилона фойдаланишни таъминлаш, шаҳар маркази ва чекка ҳудудлар ўртасида мувозанатли ривожланишни таъминлаш;

(д) муҳандислик, транспорт ва ижтимоий инфратузилмани ривожлантириш;

(ж) «яшил белбоғ»лар барпо этиш ва чўлланишга қарши курашиш, шаҳар яшил ҳудудларини кенгайтириш, энергия тежовчи ва атроф-муҳитга салбий таъсирни камайтиришга қаратилган «яшил шаҳар» ечимларини жорий этиш;

(з) шаҳарсозлик жараёнларида рақамли технологиялар ва GIS тизимларини жорий қилиш, шаҳарни ривожлантиришда давлат-хусусий шериклик механизмларини кенгайтириш.

Норматив-ҳуқуқий ҳужжат лойиҳаси

2027 йил апрель

Урбанизация ва уй-жой бозори қўмитаси

(Ш. Кудбиев),

Иқтисодиёт ва молия вазирлиги

(И. Норқулов),

Инвестициялар, саноат ва савдо вазирлиги

(Л. Кудратов),

Қурилиш ва уй-жой коммунал хўжалиги вазирлиги

(Ш. Хидоятов),

Қорақалпоғистон Республикаси Вазирлар Кенгаши

(Ф. Эрманов)

6.

Нукус шаҳрининг бош режасини қайта кўриб чиқиш ва амалга ошириш бўйича комплекс чора-тадбирлар дастурини тасдиқлаш.

1. Хорижий экспертларни жалб қилган ҳолда Нукус шаҳрининг бош режасини қайта кўриб чиқиш ҳамда уни амалга ошириш бўйича комплекс чора-тадбирлар дастурини тасдиқлаш учун Вазирлар Маҳкамасига киритиш.

2. Ҳужжат лойиҳасида ҳудудда қисқа, ўрта ва узоқ муддатли истиқболларга мўлжалланган қурилиш ва хорижий инвестицияларни жалб қилиш истиқболларини режалаштириш масалаларини инобатга олиш.

Норматив-ҳуқуқий ҳужжат лойиҳаси

2027 йил октябрь

Иқтисодиёт ва молия вазирлиги

(И. Норқулов),

Урбанизация ва уй-жой бозори қўмитаси

(Ш. Кудбиев),

Қурилиш ва уй-жой коммунал хўжалиги вазирлиги

(Ш. Хидоятов),

Қорақалпоғистон Республикаси Вазирлар Кенгаши

(Ф. Эрманов)

7.

Нукус шаҳрида реновация лойиҳаларини амалга ошириш.

Нукус шаҳрида реновация лойиҳаларини амалга ошириш масалалари юзасидан қуйидагиларни:

(а) авария ҳолатидаги кўп қаватли уйлар ва бошқа ҳудудларни хатловдан ўтказиш;

(б) реновация лойиҳасини амалга ошириш учун мулк эгаларининг розилигини олиш, реновация дастурини тасдиқлаш, барча мулкдорлар билан яккама-якка нотариал тартибда келишиш ва компенсация битими имзолаш жараёнларини;

(в) янги ташкил этиладиган массив бош режасини ишлаб чиқишни;

(г) массив ер майдонининг 30 фоиздан кам бўлмаган қисмида яшил ҳудудлар (парк, аллея, яшил майдон, дарахтзор) ташкил этишни;

(д) Реновация дастури доирасида кўп квартирали уй-жойлар қурилишини амалга оширувчи қурилиш ташкилотларини айланма маблағлар билан таъминлаш учун тижорат банклари кредитларига «Тадбиркорликни ривожлантириш компанияси» АЖ кафиллигини тақдим этишни назарда тутувчи таклифларни Вазирлар Маҳкамасига киритиш.

Асосланган таклифлар

2026 йил декабрь

Иқтисодиёт ва молия вазирлиги

(И. Норқулов),

Урбанизация ва уй-жой бозори қўмитаси

(Ш. Кудбиев),

Қорақалпоғистон Республикаси Вазирлар Кенгаши

(Ф. Эрманов),

Қурилиш ва уй-жой коммунал хўжалиги вазирлиги

(Ш. Хидоятов)

8.

Хўжайли ва Тахиатош туманларини Нукус шаҳрининг «йўлдош шаҳарлари» сифатида ривожлантириш.

Хўжайли ва Тахиатош туманларини Нукус шаҳрига «йўлдош шаҳар» сифатида ривожлантириш юзасидан норматив-ҳуқуқий ҳужжат лойиҳасини Вазирлар Маҳкамасига киритиш. Бунда:

(а) тадбиркорлик, ижтимоий, муҳандислик ва транспорт-логистика инфратузилмаси лойиҳаларини самарали жойлаштириш ҳамда ҳудудларнинг ўзаро боғлиқлигини яхшилашни инобатга олган ҳолда ривожлантириш;

(б) ушбу шаҳарларда саноат ва хизмат кўрсатиш корхоналарини режа асосида жойлаштириш;

(в) ҳисоб-китобларга асосан ушбу дастурни молиялаштириш учун маблағлар ажратишни назарда тутиш.

Норматив-ҳуқуқий ҳужжат лойиҳаси

2026 йил октябрь

Урбанизация ва уй-жой бозори қўмитаси

(Ш. Кудбиев),

Иқтисодиёт ва молия вазирлиги

(И. Норқулов),

Қорақалпоғистон Республикаси Вазирлар Кенгаши

(Ф. Эрманов)

9.

Кўп квартирали уй-жойлар қурилишини рағбатлантириш.

2026 йилнинг 1 мартидан бошлаб, қуйидагилар:

(а) тижорат банклари томонидан «Янги Ўзбекистон» массивларда кўп квартирали уй-жойлар қурилишини амалга оширувчи қурилиш ташкилотларига айланма маблағларини тўлдириш учун фоиз ва асосий қарз тўловлари учун 12 ойгача имтиёзли давр билан 24 ой муддатга Марказий банкнинг асосий ставкасидан кўпи билан 2 фоиз бандга юқори ставкада кредитлар ажратиш;

(б) ушбу кредит маблағларини Иқтисодиёт ва молия вазирлиги томонидан фоиз ва асосий қарз тўловлари учун 12 ойлик имтиёзли давр билан 24 ой муддатгача Марказий банкнинг асосий ставкасида босқичма-босқич қайта молиялаштириб бориш.

Амалий чора-тадбирлар

2026 йил март

Марказий банк

(Т. Ишметов),

Иқтисодиёт ва молия вазирлиги

(И. Норқулов),

Қурилиш ва уй-жой коммунал хўжалиги вазирлиги

(Ш. Хидоятов),

Қорақалпоғистон Республикаси Вазирлар Кенгаши

(Ф. Эрманов)

10.

Нукус халқаро аэропортида халқаро стандартларга жавоб берадиган менежмент ва сервис яратиш.

Нукус шаҳрининг Каспий бўйи ва Европа давлатларига нисбатан қулай жойлашувидан самарали фойдаланиш мақсадида:

(а) Нукус халқаро аэропортини давлат хусусий шерикчилик асосида бошқарувга бериш учун салоҳиятли инвесторларни жалб қилиш;

(б) Нукус халқаро аэропортида халқаро ҳуқуқ меъёрларига мувофиқ хорижий авиакомпаниялар учун рейслар ва йўналишлар бўйича чекловларнинг ўрнатилган тартибда бекор қилинишини кўзда тутувчи «Очиқ осмон» режимини жорий этишни назарда тутувчи таклифларни Ўзбекистон Республикаси Президенти Администрациясига киритиш.

Асослантирилган таклифлар

2026 йил апрель

Транспорт вазирлиги

(И. Махкамов),

Иқтисодиёт ва молия вазирлиги

(И. Умрзаков),

Қорақалпоғистон Республикаси Вазирлар Кенгаши

(Ф. Эрманов)

11.

Қўшни давлатлар билан логистика соҳасида кенг ҳамкорлик қилиш.

Ҳудудни Қозоғистон Республикасининг Қизилўрда вилояти билан боғловчи Қизилўрда — Тахтакўпир автомобиль йўлини қуриш бўйича икки томонлама музокараларни якунлаб келишувга эришиш чораларини кўриш.

Амалий чора-тадбирлар

2026 йил сентябрь

Транспорт вазирлиги

(И. Махкамов),

Ташқи ишлар вазирлиги

(Б. Саидов),

Иқтисодиёт ва молия вазирлиги

(И. Норқулов),

Қорақалпоғистон Республикаси Вазирлар Кенгаши

(Ф. Эрманов)

12.

Нукус шаҳри — Чимбой тумани — Тахтакўпир туманларини темир йўл орқали боғлаган ҳолда ривожлантириш.

Чимбой — Тахтакўпир ўртасида темир йўл йўналишини қуриш бўйича таклиф ишлаб чиқиш ва Вазирлар Маҳкамасига киритиш.

Амалий чора-тадбирлар

2026 йил сентябрь

Транспорт вазирлиги

(И. Махкамов),

Иқтисодиёт ва молия вазирлиги

(И. Норқулов)

13.

Қурилиш назорати соҳасида хусусий секторга енгилликлар яратиш.

1. Тадбиркорлик субъектларига тегишли ер участкаларида қурилган, бироқ Қурилиш ва уй-жой коммунал хўжалиги соҳасида назорат қилиш инспекцияси томонидан рўйхатдан ўтказилмаган тадбиркорлик объектларининг (уй-жой биноларидан ташқари) рўйхатини шакллантириш.

Амалий чора-тадбирлар

2026 йил март

Қурилиш ва уй-жой коммунал хўжалиги соҳасида назорат қилиш инспекцияси

(С. Эшқувватов),

Бош прокуратура

(С. Самадов)

Қурилиш ва уй-жой коммунал хўжалиги вазирлиги

(Ш. Хидоятов),

Қорақалпоғистон Республикаси Вазирлар Кенгаши

(Ф. Эрманов)

2. Шакллантирилган рўйхатни тегишли тартибда ўрганиб чиқиш ва маълумотларни мувофиқлаштириш.

Амалий чора-тадбирлар

2026 йил 15 апрель

3. Ўрганиш натижаларига кўра қурилиш нормаларига асосан қурилган ва белгиланган тартибда лойиҳа-смета ҳужжатлари давлат экспертизасидан ўтказилган тадбиркорлик объектларини (уй-жой биноларидан ташқари) Қурилиш ва уй-жой коммунал хўжалиги соҳасида назорат қилиш инспекцияси томонидан давлат рўйхатидан ўтказиш ишларини якунлаш.

Амалий чора-тадбирлар

2026 йил 30 апрель

4. Хусусий секторга тегишли бўлган объектларни рўйхатга олиш ва рухсат беришда қурилиш объектларини тоифаларга ажратган ҳолда соддалаштирилган тизимни жорий қилиш юзасидан Вазирлар Маҳкамасига таклифлар киритиш.

Норматив-ҳуқуқий ҳужжат лойиҳаси

2026 йил май

14.

Қорақалпоғистон Республикасининг газлаштирилмаган ҳудудларида яшовчи аҳолини узлуксиз суюлтирилган газ билан таъминлаш.

Қорақалпоғистон Республикаси аҳолисини суюлтирилган газ билан таъминлашда битта хонадонда ҳақиқий яшовчилар сонидан келиб чиқиб табақалаштирилган миқдорларни белгилаш.

Норматив-ҳуқуқий ҳужжат лойиҳаси

2026 йил июнь

Энергетика вазирлиги

(Ж. Мирзамаҳмудов),

Иқтисодиёт ва молия вазирлиги

(Х. Мустафаев),

Қорақалпоғистон Республикаси Вазирлар Кенгаши

(Ф. Эрманов)

15.

Аҳолини комплекс ижтимоий ҳимоя қилиш ишлари самарадорлигини ошириш.

Аҳолининг оғир ҳаётий вазиятларда ижтимоий ҳимоясини мустаҳкамлаш ҳамда уларни комплекс ижтимоий қўллаб-қувватлаш чораларини амалга ошириш, жумладан, термитлардан зарарланган хонадон эгаларига манзилли ёрдам ва ижтимоий хизматларни ташкил этиш, заруратга кўра вақтинчалик жойлаштириш ёки кўчириш механизмларини жорий этиш юзасидан таклифлар ишлаб чиқиш. Бунда термитлардан зарарланган уй-жойларни баҳолаш услубиётини ишлаб чиқиш ва тасдиқлашни назарда тутиш.

Норматив-ҳуқуқий ҳужжат лойиҳаси

2026 йил май

Ижтимоий ҳимоя миллий агентлиги

(Ж. Абруев),

Иқтисодиёт ва молия вазирлиги

(И. Норқулов)

16.

Қорақалпоғистон Республикаси аҳолисининг 2030 йил якунига қадар ичимлик суви таъминотини яхшилаш ва марказлашган ичимлик суви билан таъминланганлик даражасини ошириш.

1. Халқаро молия институтлари ва хорижий ҳукумат молия ташкилотлари (ХМИ/ХҲМТ), республика ва маҳаллий бюджет маблағлари ҳисобидан 2,7 минг км ичимлик суви тармоқларини тортиш, 56 та сув қудуқлари қазиш, чучуклаштирувчи станциялар ва 36 та сув тақсимлаш иншоотларини қуриш.

Амалий чора-тадбирлар

2026 — 2030 йиллар

«Ўзсувтаъминот» АЖ

(А. Сувонқулов),

Иқтисодиёт ва молия вазирлиги

(С. Садуллаев),

Инвестициялар, саноат ва савдо вазирлиги

(Л. Кудратов),

Қорақалпоғистон Республикаси Вазирлар Кенгаши

(Ф. Эрманов)

Жумладан, 2026 йилда 149 км ичимлик суви тармоқлари, 7 та сув иншоотларини қуриш ҳамда реконструкция қилиш.

2026 йил декабрь

2. 2026 йил якунига қадар 18,4 минг нафар аҳолини илк бор марказлашган ичимлик суви билан таъминлаш орқали таъминланганлик даражасини 76 фоизга, 2030 йил якунига қадар 83,5 фоизга етказиш.

2026 — 2030 йиллар

17.

Ичимлик суви иншоотларининг маънан эскирган насос ускуналарини замонавий энергия тежамкор насос ускуналарига алмаштириш.

1. Ичимлик суви иншоотларидаги маънан эскирган насос ускуналарини 2030 йилгача замонавий энергия тежамкор насос ускуналарига алмаштириш бўйича манзилли рўйхатларни ишлаб чиқиш.

Амалий чора-тадбирлар

2026 йил май

«Ўзсувтаъминот» АЖ

(А. Сувонқулов),

Иқтисодиёт ва молия вазирлиги

(С. Садуллаев),

Қорақалпоғистон Республикаси Вазирлар Кенгаши

(Ф. Эрманов)

2. Ижтимоий ва ишлаб чиқариш инфратузилмасини ривожлантириш дастурлари ва маҳаллий бюджетдан ажратиладиган маблағлар ҳисобидан насос ускуналарини босқичма-босқич харид қилиш ва ўрнатиш.

2026 — 2030 йиллар

18.

Сув ресурсларидан оқилона ва самарали фойдаланишни таъминлаш.

Қорақалпоғистон Республикасида сувни иқтисод қилиш ва каналларни бетонлаш учун хорижий ва донор ташкилотлардан 200 миллион АҚШ доллари миқдорида грант ва 500 миллион АҚШ доллари миқдорида инвестиция маблағларини жалб қилишни таъминлаш.

Амалий чора-тадбирлар

2026 йил декабрь

Бош вазир ўринбосарлари (Ж. Қўчқоров,

Ж. Ходжаев),

Сув хўжалиги вазирлиги

(Ш. Хамраев),

Қорақалпоғистон Республикаси Вазирлар Кенгаши

(Ф. Эрманов)

19.

Табиий ресурсларнинг янги захираларини аниқлаш ва ишга тушириш.

1. Қораўзак туманида хитойлик инвестор томонидан олтин қазиб олиш соҳасида амалга оширилаётган лойиҳани кенгайтириш масаласини ўрганиб чиқиш.

2. Ҳудудда заргарлик буюмларини ишлаб чиқариш соҳасини ривожлантиришда хитойлик инвесторлар имкониятларидан фойдаланишни йўлга қўйиш.

Амалий чора-тадбирлар

2026 йил март

Тоғ-кон саноати ва геология вазирлиги

(Б. Исламов),

Иқтисодиёт ва молия вазирлиги

(Х. Мустафаев),

«Ўзбекзаргарсаноати» уюшмаси

(Ш. Туйчибаев),

Қорақалпоғистон Республикаси Вазирлар Кенгаши

(Ф. Эрманов)

3. Жорий йил якунига қадар заргарлик фаолияти билан шуғулланувчи кичик лойиҳаларни ишга тушириш.

2026 йил декабрь

20.

Қорақалпоғистон Республикасида заргарлик соҳасини ривожлантириш.

Ҳудудда заргарлик соҳасини тубдан такомиллаштириш дастурини ишлаб чиқиш. Дастурни ишлаб чиқишда қуйидагиларни назарда тутиш:

(а) заргарлик марказларини ташкил этиш;

(б) заргарлик соҳасида кадрларнинг заргарлик буюмларини ишлаб чиқарувчи тадбиркорлик субъектларида амалиёт ўташини ташкил қилиш;

(в) 2026-2027 йилларда ҳудудда камида 100 нафар заргарлик соҳасидаги кадрларни тайёрлаш ва фаолиятини йўлга қўйиш.

Норматив-ҳуқуқий ҳужжат лойиҳаси

2026 йил апрель

«Ўзбекзаргарсаноати» уюшмаси

(Ш. Туйчибаев),

Иқтисодиёт ва молия вазирлиги

(Х. Мустафоев),

Савдо-саноат палатаси

(Д. Ваҳобов)

Қорақалпоғистон Республикаси Вазирлар Кенгаши

(Ф. Эрманов)

IV. Туризмни ривожлантириш

21.

«Барсакелмес» туз кони ҳудудида турли тадбирлар ўтказиш учун рамзий майдончаларга эга бўлган ҳудудни ташкил этиш.

Туристик-рекреацион зона учун энг мақбул ҳудудни танлаш ҳамда туман ҳокимлиги тасарруфига ўтказиш. Бунда:

(а) туризм-рекреацион зонасида турли ўлчамли сунъий кўллар яратиш, ён-атроф аксини қайтарувчи кўзгулар ҳамда тунги ёритиш чироқлари ўрнатган ҳолда ўзига хос дестинациялар ҳосил қилиш;

Лойиҳа-смета ҳужжатларини ишлаб чиқиш ва қурилиш ишларини бошлаш

2026 йил 1 апрель

Қорақалпоғистон Республикаси Вазирлар Кенгаши

(Ф. Эрманов),

Туризм қўмитаси

(А. Аққулов),

Иқтисодиёт ва молия вазирлиги

(И. Норқулов),

Қўнғирот туман ҳокимлиги

(Б. Мадаминов)

(б) ёз ойларининг қурғоқчил даврида туз қатлами ёрқинлигини ва намлигини таъминлаш учун замонавий сув тежовчи технологияларни жорий қилиш;

(в) 2026 йилда Ўзбекистон Республикаси республика бюджетидан ҳисоб-китобларга кўра маблағ ажратиш.

Қурилиш ишларини якунлаб фойдаланишга топшириш

2027 йил 1 май

22.

Қорақалпоғистон ҳудудининг ноодатий ландшафтли нуқталарига ташриф буюрувчилар сонини ошириш ҳамда астротуризмни ривожлантириш.

1. Туризм-глемпинг зона учун энг мақбул ҳудудни танлаш ҳамда туман ҳокимлиги тасарруфига ўтказиш.

2. Туристик-глемпинг зонаси астротуризм концепциясига мос услубда (фазо, астрономия ва космик тадқиқотлар мавзусида) жиҳозлаш.

Лойиҳа-смета ҳужжатларини ишлаб чиқиш ва қурилиш ишларини бошлаш

2026 йил 1 апрель

Қорақалпоғистон Республикаси Вазирлар Кенгаши

(Ф. Эрманов),

Туризм қўмитаси

(А. Аққулов),

Космик тадқиқотлар ва технологиялар агентлиги

(Ш. Кадиров),

Иқтисодиёт ва молия вазирлиги

(И. Норқулов)

3. Туристик-глемпинг зонасида «қоронғу осмон қўриқхонаси» сингари юлдузларни томоша қилиш имкониятларини яратиш.

4. 2026 йилда Ўзбекистон Республикаси республика бюджетидан ҳисоб-китобларга кўра маблағ ажратиш.

Қурилиш ишларини якунлаб фойдаланишга топшириш

23.

Орол денгизи қуриши оқибатида йўқотилган табиий муҳит ва унинг оролбўйи ҳудуди аҳолиси маданиятига таъсирини бутун дунё халқларига намойиш қилиш.

1. Мўйноқ туманидаги Орол денгизи тарихи музейини замонавий технологиялар билан қайта жиҳозлаш ва модернизация қилиш бўйича лойиҳа концепцияси асосида лойиҳа-смета ҳужжатларини ишлаб чиқиш ва экспертизадан ўтказиш.

2. Қуйидагилар:

(а) лойиҳа-смета ҳужжатларига мувофиқ музейни кенгайтириш ва реконструкция қилиш ишларини амалга ошириш;

Лойиҳа-смета ҳужжатларини ишлаб чиқиш ва қурилиш ишларини бошлаш

2026 йил 1 апрель

Рақамли технологиялар вазирлиги

(Ш. Шерматов),

Маданият ва санъатни ривожлантириш жамғармаси

(Г. Умерова),

Маданий мерос агентлиги

(Б. Абдикаримов),

Иқтисодиёт ва молия вазирлиги

(И. Норқулов),

Қорақалпоғистон Республикаси Вазирлар Кенгаши

(Ф. Эрманов)

(б) лойиҳа концепциясига мувофиқ Орол денгизи тарихи музейини замонавий технологиялар билан қайта жиҳозлаш ва модернизация қилиш.

Қурилиш ишларини якунлаб фойдаланишга топшириш

2027 йил 1 апрель

3. 2026 йилда Ўзбекистон Республикаси ижтимоий ва ишлаб чиқариш инфратузилмасини ривожлантириш дастури доирасида республика бюджетидан ҳисоб-китобларга кўра маблағ ажратиш.

2026 йил март

24.

Ҳудуднинг туризм жозибадорлигини ошириш.

1. «Қорақалпоғистонга саёҳат қилинг» дастурини ишлаб чиқиш. Бунда:

(а) жорий йилда Қорақалпоғистонга 500 минг хорижий ва 3 миллион маҳаллий сайёҳ келишини таъминлаш;

(б) нуфузли туроператорларни жалб қилиш учун қўшимча имтиёзлар ва қўллаб-қувватлашнинг бошқа чораларини кўриш;

(в) сайёҳлар ташриф буюриши учун зарур шарт-шароитлар яратишни назарда тутиш.

2. Таклифларни Ўзбекистон Республикаси Президенти Администрациясига киритиш.

Асослантирилган таклифлар

2026 йил 25 март

Туризм қўмитаси

(А. Аққулов),

Қорақалпоғистон Республикаси Вазирлар Кенгаши

(Ф. Эрманов),

Солиқ қўмитаси

(Ф. Пулатов),

Божхона қўмитаси

(А. Мавланов)

25.

Хавфсиз туризм тизимини такомиллаштириш.

1. Қорақалпоғистон Республикасида рўйхатга олиниб, лицензияга эга бўлган туроператорлар томонидан мактаб ўқувчилари, шунингдек, икки ва ундан ортиқ автобусларда экскурсияга чиқувчи туристик гуруҳларни ташиш ички ишлар органлари билан биргаликда колонна таркибида амалга оширилганда туристларни шартнома асосида кузатиб бориш хизмати тарифларини 50 фоизга камайтирилган ҳолда қўллаш.

2. Ягона интерактив давлат хизматлари порталида ушбу хизматдан фойдаланишнинг техник имкониятларини яратиш.

Амалий чора-тадбирлар

2026 йил май

Ички ишлар вазирлиги

(А. Ташпулатов),

Туризм қўмитаси

(А. Аққулов),

Адлия вазирлиги

(А. Ташкулов)

26.

Ҳудуднинг туризм салоҳиятини замонавий ахборот тизимлари орқали тарғиб қилиб бориш.

1. Қорақалпоғистон Республикасида жойлашган барча аҳамиятга молик туризм объектларининг расмларини олиш.

2. Тўпланган маълумотларни саралаган ҳолда Қорақалпоғистон Республикасининг туризм брендини очиб берувчи расмларини уларнинг жойлашув локациялари билан бирга замонавий ахборот тизимларига (Google Maps каби) жойлаштириш.

Амалий чора-тадбирлар

2026 йил март-апрель

Ёшлар ишлари агентлиги

(А. Саъдуллаев),

Туризм қўмитаси

(А. Аққулов)

27.

Нукус шаҳридаги «Истиқлол» маданият ва истироҳат боғи фаолиятини йўлга қўйиш учун молиялаштириш манбаларини аниқлаш.

Нукус шаҳрининг «Истиқлол» маданият ва истироҳат боғи, унинг ҳудудидаги павильон ва ангарни реконструкция қилиш, шунингдек, болалар кутубхонаси биносини барпо этишни лойиҳалаштириш ва қурилиш-монтаж ишларини амалга ошириш ҳамда ушбу ҳудудни креатив парк сифатида ташкил этишни молиялаштириш манбаларини белгилаш бўйича Норматив-ҳуқуқий ҳужжат лойиҳасини Вазирлар Маҳкамасига киритиш.

Норматив-ҳуқуқий ҳужжат лойиҳаси

2026 йил апрель

Иқтисодиёт ва молия вазирлиги

(С. Садуллаев),

Маданият ва санъатни ривожлантириш жамғармаси

(Г. Умерова),

Қорақалпоғистон Республикаси Вазирлар Кенгаши

(Ф. Эрманов)

V. Ижтимоий соҳани ривожлантириш

28.

Йўл муҳандислиги соҳасида малакали мутахассислар тайёрлашнинг моддий техник таъминотини яхшилаш.

«А-380» Ғузор — Бухоро — Нукус — Бейнеу автомобиль йўлини (964 — 1204 км) қайта реконструкция қилиш лойиҳаси доирасида пудратчи JV «Po‘lat yol yapi San. Ve Tic A.S and North West Construction LLC» (Туркия/Озарбайжон) корхонаси томонидан ташкил этилган синов лаборатория ускуналари (икки тўплам) ва унга тегишли транспорт воситаларини Бердақ номидаги Қорақалпоқ давлат университети балансига беғараз ўтказиб бериш.

Амалий чора-тадбирлар

2026 йил февраль

Транспорт вазирлиги

(И. Махкамов),

Автомобиль йўллари қўмитаси

(Ж. Турсунов),

Олий таълим, фан ва инновациялар таълим вазирлиги

(К. Шарипов)

29.

Қорақалпоғистон Республикасида «Оролбўйи минтақаси болалар касалликлари бўйича тиббиёт хаби»ни ташкил этиш.

Қорақалпоғистон тиббиёт институти клиникаси ва Қорақалпоғистон Республикаси Болалар кўп тармоқли тиббиёт маркази (алоҳида бўлинмалари) негизида «Оролбўйи минтақаси болалар касалликлари бўйича тиббиёт хаби»ни (кейинги ўринларда — Оролбўйи клиникаси) ташкил этиш.

Бунда қуйидагиларни назарда тутиш:

(а) Оролбўйи клиникаси фаолиятининг асосий йўналишлари ҳамда уни ривожлантириш чора-тадбирлари;

(б) болаларга кўрсатилаётган тиббий ёрдам сифатини янги босқичга олиб чиқиш масалалари;

(в) Тошкент шаҳридаги Болалар миллий тиббиёт маркази томонидан:

 Оролбўйи клиникасига ташкилий-услубий раҳбарликни амалга ошириш;

 Оролбўйи клиникаси фаолиятини такомиллаштириш, дори ва сарфлов воситалари билан таъминлаш, мутахассисларнинг малакасини (шу жумладан, хорижда) ошириш ҳамда хорижий мутахассисларни жалб қилиш учун молиявий ресурслар йўналтириш;

 Оролбўйи клиникасига жалб этилган маҳаллий ва хорижий мутахассисларни бажарилган иш ҳажмига қараб рағбатлантириш;

(г) Оролбўйи клиникаси фаолиятига Ўзбекистон Республикаси Президентининг 2021 йил 28 июлдаги «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги ПҚ-5199-сон қарорида белгиланган Давлат тиббий суғуртаси жамғармаси билан тузилган шартномалар асосида базавий нархлар доирасида молиялаштириш тартибини татбиқ этиш.

Норматив-ҳуқуқий ҳужжат лойиҳаси

2026 йил март

Соғлиқни сақлаш вазирлиги

(А. Худаяров),

Қорақалпоғистон Республикаси Вазирлар Кенгаши

(Ф. Эрманов),

Иқтисодиёт ва молия вазирлиги

(О. Фазилкаримов)

VI. Экология ва иқлим ўзгариши муаммоларини ҳал этиш

30.

Нукус шаҳри атрофида «яшил белбоғ»лар барпо этиш ва чўлланишга қарши курашиш тадбирларини молиялаштириш.

1.»Яшил белбоғ»ларни ташкил этиш лойиҳасида доимий тежамкор сув таъминоти манбаларини мажбурий равишда назарда тутиш, экиш ишларига ташаббус асосида компенсация тўловчи ташкилотлар, ободонлаштириш бўлимлари, бошқа ташкилотлар ва ҳудудда яшовчи фаол фуқароларни жалб қилиш.

Амалий чора-тадбирлар

2026 — 2030 йиллар давомида

Қорақалпоғистон Республикаси Жўқорғи Кенгеси

(А. Оринбаев),

Қорақалпоғистон Республикаси Вазирлар Кенгаши

(Ф. Эрманов),

Экология ва иқлим ўзгариши миллий қўмитаси

(А. Абдуҳакимов),

Ўрмон агентлиги

(Э. Мухитдинов)

2. Нукус шаҳар ҳокимлиги Ўрмон ва яшил ҳудудларни кўпайтириш, чўлланишга қарши курашиш агентлиги (кейинги ўринларда — Ўрмон агентлиги) билан биргаликда «яшил белбоғлар» ташкил этиладиган ҳудудни танлаш ҳамда энг яқин давлат ўрмон хўжалигига доимий фойдаланиш ҳуқуқи билан ажратиб бериш.

3. «Яшил белбоғ»ларни ташкил этишда Ўрмон агентлиги — буюртмачи, «Яшил лойиҳа» лойиҳалаш институти — лойиҳа ташкилоти, Ўрмон агентлиги тизимидаги ташкилотларни пудратчи сифатида белгилаш.

4. Қорақалпоғистон Республикаси Жўқорғи Кенгеси томонидан «яшил белбоғ»ларни ташкил этишда юзага келадиган масалаларни тезкор ҳал қилиш юзасидан қарорлар қабул қилиб боришни ҳамда вакиллик ва жамоатчилик назорати амалга оширилишини таъминлаш.

Экология ва иқлим ўзгариши миллий қўмитаси ҳузуридаги Умуммиллий экологик муаммоларни бартараф этиш давлат мақсадли жамғармаси

31.

Оролбўйи минтақасининг қурғоқчил иқлимида об-ҳаво ўзгаришларини аниқ прогнозлаш ва замонавий тадқиқотлар асосида ёмғир ҳосил қилиш технологиясини жорий этиш.

1. 2026 — 2030 йилларда Амударё дельтасида жойлашган мақбул туманни танлаб олиш.

2. Танланган туманда эксперимент тариқасида замонавий тадқиқотлар асосида сунъий ёмғир ҳосил қилиш технологияларини амалиётга жорий этиш бўйича таклифлар тайёрлаш.

3. Ўзбекистон Гидрометеорология хизмати агентлиги ҳамда Бирлашган Араб Амирликларининг Миллий метеорология маркази ўртасида Ҳамкорлик келишувини тасдиқлаш.

4. Сунъий ёмғир ҳосил қилиш дастурини Жаҳон метеорология ташкилоти билан ҳамкорликда амалга ошириш чораларини кўриш.

5. Бирлашган Араб Амирликларининг Миллий метеорология маркази томонидан Оролбўйи минтақасининг қурғоқчил иқлими шароитида ёғингарчиликни модификациялаш технологияларини жорий этиш лойиҳасини амалга ошириш.

6. Грант маблағлари ҳисобидан ушбу лойиҳани мувофиқлаштирувчи алоҳида метеорологик ва иқлимий кузатувлар марказини Қорақалпоғистон Республикасида ташкил этиш чораларини кўриш.

Амалий чора-тадбирлар

2026 йил сентябрь

Экология ва иқлим ўзгариши миллий қўмитаси

(А. Абдухакимов),

Ўзбекистоннинг БААдаги элчиси,

Ташқи ишлар вазирлиги

(Б. Саидов),

Фанлар академияси

(Ш. Аюпов),

Иқтисодиёт ва молия вазирлиги

(И. Норқулов),

Қорақалпоғистон Республикаси Вазирлар Кенгаши

(Ф. Эрманов)

32.

Самарасиз ва фойдаланилмаётган ерларда чўлланишга қарши ҳамда иқтисодий аҳамиятга эга ўсимликларни етиштириш.

1. Қорақалпоғистон Республикаси ҳудудида жунсао ўсимлигини етиштириш учун 100 гектар ер майдонини танлаб олиш ва ажратиш.

2. Камбағаллик ва меҳнат соҳасидаги лойиҳаларни бошқариш маркази ва Хитой Халқ Республикаси Фуцзянь қишлоқ хўжалиги ва ўрмон хўжалиги университети ҳузуридаги Жунсао технологияси бўйича Миллий муҳандислик илмий-тадқиқот маркази ҳамкорлигини кучайтириш.

3. Қорақалпоғистон Республикаси ҳудудида жунсао ўсимлигини етиштириш лойиҳасини Камбағалликни қисқартириш давлат мақсадли жамғармаси маблағлари ҳисобидан «Камбағаллик ва меҳнат соҳасидаги лойиҳаларни бошқариш маркази» МЧЖ орқали хорижий мутахассислар иштирокида Камбағаллик ва меҳнат соҳасидаги лойиҳаларни бошқариш маркази томонидан амалга оширилишини таъминлаш.

Амалий чора-тадбирлар

2026 — 2028 йиллар давомида

Камбағалликни қисқартириш ва бандлик вазирлиги

(Б. Захидов),

Қорақалпоғистон Республикаси Вазирлар Кенгаши

(Ф. Эрманов),

Қишлоқ хўжалиги вазирлиги

(И. Абдураҳмонов)

33.

Маҳаллаларда доимий иш ўринларини яратиш.

1. Бўзатов туманида сервис ва савдо ривожланмаган ҳудудларда 10 та енгил типдаги савдо шохобчаларини ўрнатиш мақсадида Бандликка кўмаклашиш давлат жамғармаси маблағлари ҳисобидан субсидия ажратиш учун кўзда тутилган маблағлар ҳисобидан 350 миллион сўм миқдорида ҳокимликка субсидия ажратиш.

2. Бўзатов тумани ҳокимлиги тадбиркорлик субъектларига янги иш ўринларини яратиш мажбурияти билан ижарага бериш ёки бўлиб-бўлиб тўлаш шарти билан сотиш ҳисобига савдо ва сервис соҳасини ривожлантириш.

Амалий чора-тадбирлар

2026 йил давомида

Камбағалликни қисқартириш ва бандлик вазирлиги

(Б. Захидов),

Қорақалпоғистон Республикаси Вазирлар Кенгаши

(Ф. Эрманов)

VII. Маҳаллаларнинг иқтисодий ҳолатини яхшилаш ва бошқа йўналишлар

34.

«Оғир» тоифадаги маҳаллаларда аҳоли ва тадбиркорлик субъектларига ўз лойиҳаларини молиялаштириш учун оилавий тадбиркорликни ривожлантириш дастурлари доирасида кредитлардан фойдаланиш имкониятини кенгайтириш.

1. Ўзбекистон Республикаси Президентининг «2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида»ги ПҚ-49-сон қарорида оғир тоифадаги туманларда оилавий тадбиркорликни ривожлантириш дастурлари доирасида йиллик 12 фоиз ставкада ажратиладиган кредитларни ҳудуддаги 12 та оғир тоифадаги маҳаллаларга ҳам татбиқ этиш.

2. Оғир тоифадаги маҳаллаларда оилавий тадбиркорликни ривожлантириш дастурлари доирасида кредитларни йиллик 12 фоиз ставкада ажратиш механизмини «Oilakredit.uz» платформасида жорий этиш.

Платформага ўзгартириш киритиш

2026 йил март

Марказий банк

(Т. Ишметов),

Иқтисодиёт ва молия вазирлиги

(И. Норқулов),

Камбағалликни қисқартириш ва бандлик вазирлиги

(Б. Захидов)

35.

«Кичик бизнесни узлуксиз қўллаб-қувватлаш» комплекс дастурида иштирок этиш ҳуқуқига эга бўлган тадбиркорлик субъектлари учун кредит олиш шартларини енгиллаштириш.

«Кичик бизнесни узлуксиз қўллаб-қувватлаш» комплекс дастурида иштирок этиш ҳуқуқига эга бўлган тадбиркорлик субъектлари учун кредит олиш шартларида фаолият даврига қўйилган талаби бир йилдан олти ойга туширилсин.

Амалий чора-тадбирлар

доимий

Иқтисодиёт ва молия вазирлиги

(И. Норқулов),

Марказий банк

(Т. Ишметов)

36.

Тадбиркорлик қилиш истагида бўлган аҳоли ва тадбиркорлик субъектларига кредит олишда гаров таъминоти билан боғлиқ муаммоларини ечишга кўмаклашиш.

Тадбиркорликни ривожлантириш компанияси томонидан кредит бўйича тақдим этилаётган кафиллик миқдорини Қорақалпоғистон Республикасида 50 фоиздан 60 фоизга ошириш.

Норматив-ҳуқуқий ҳужжат лойиҳаси

2026 йил март

Иқтисодиёт ва молия вазирлиги

(И. Норқулов),

Тадбиркорликни ривожлантириш компанияси

(А. Махаматов),

Марказий банк

(Т. Ишметов)

37.

К-савдо (кўчма савдо объектлари ахборот тизими) орқали енгил конструкцияли савдо ва хизмат кўрсатиш шохобчаларини ташкил этадиган тадбиркорларга қулайлик яратиш.

К-савдо орқали енгил конструкцияли савдо ва хизмат кўрсатиш шохобчалари учун ер майдонларини ижара бериш муддатини Қорақалпоғистон Республикасида 3 йилдан 5 йилгача узайтириш.

Норматив-ҳуқуқий ҳужжат лойиҳаси

2026 йил май

Солиқ қўмитаси

(Ф. Пулатов)

Урбанизация ва уй-жой бозори қўмитаси

(Ш. Кудбиев)

Иқтисодиёт ва молия вазирлиги

(И. Норқулов)

38.

Нукус шаҳри «Қизилқум» маҳалла фуқаролар йиғинида намуна тариқасида «Ҳуқуқий маҳалла» ҳуқуқий лойиҳасини амалга ошириш.

Нукус шаҳри «Қизилқум» маҳалла фуқаролар йиғинида қуйидагиларни назарда тутувчи «Ҳуқуқий маҳалла» ҳуқуқий лойиҳасини амалга ошириш:

(а) маҳаллада қонунийлик ва қонун устуворлигини таъминлаш, фуқароларни қийнаб келаётган ҳуқуқий масалаларда амалий ёрдам кўрсатиш;

(б) тадбиркорликни ривожлантириш ва аҳоли бандлигини таъминлаш, инфратузилмани ва коммунал хизмат сифатини яхшилаш йўналишларида намунавий тажриба яратиш;

(в) «Қизилқум» маҳалла фуқаролар йиғинида ижтимоий инфратузилма ҳолатини яхшилаш ва бошқалар.

Амалий чора-тадбирлар

2026 йил август

Адлия вазирлиги

(А. Ташкулов),

Қорақалпоғистон Республикаси Вазирлар Кенгаши

(Ф. Эрманов)

39.

Шуманай туманида ёшларга маданий дам олиш ва спорт турлари билан шуғулланишга зарур шароитлар яратиш.

1. «Маданият» МФЙ ҳудудидаги Нурли конис-Туркистон кўчасида аҳоли дам олиш маскани (сайилгоҳ) ва кўчма савдо ўринларини барпо этиш, ободонлаштириш ва кўкаламзорлаштириш.

Амалий чора-тадбирлар

2026-2027 йилларда

Қорақалпоғистон Республикаси Вазирлар Кенгаши