Oʻzbekiston Respublikasining 2022-yil 22-iyul kunidagi “Ichimlik suv taʼminoti va oqova suvlarni chiqarib yuborish toʻgʻrisida”gi OʻRQ-784-sonli Qonuni, Oʻzbekiston Respublikasi Prezidentining 2020-yil 25-sentabrdagi “Ichimlik suvi taʼminoti va oqova suv tizimini yanada takomillashtirish hamda sohadagi investitsiya loyihalari samaradorligini oshirish chora-tadbirlari toʻgʻrisida”gi PF-6074-sonli Farmoni ijrosini taʼminlash maqsadida hamda Nishon tumani “Yagona boshqaruv kompaniyasi” maʼsuliyati cheklangan jamiyatining 2025-yil 23-oktabrdagi 274-sonli, viloyat iqtisodiyot va moliya bosh boshqarmasining 2025-yil 22-oktabrdagi 01-20-10/05-38/2686-sonli xatlarini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari viloyat Kengashi qaror qiladi:

1. Nishon tumani “Yagona boshqaruv kompaniyasi” maʼsuliyati cheklangan jamiyati direktori O. Omonovning Nishon tumani “Yagona boshqaruv kompaniyasi” masʼuliyati cheklangan jamiyatining Nishon tumani Nuriston shaharchasi abonentlariga ichimlik suvi taʼminoti va oqova suv xizmatlari uchun taklif etilayotgan narxlari (tariflari) yuzasidan hisoboti va takliflari maʼlumot uchun qabul qilinsin.

2. Nishon tumani “Yagona boshqaruv kompaniyasi” masʼuliyati cheklangan jamiyatining Nishon tumani Nuriston shaharchasi abonentlariga ichimlik suvi taʼminoti va oqova suv xizmatlari uchun taklif etilayotgan narxlari (tariflari) ilovaga muvofiq maʼqullansin.

3. Xalq deputatlari viloyat Kengashining 2025 yil 25-apreldagi “Nishon tumani “Yagona boshqaruv kompaniyasi” masʼuliyati cheklangan jamiyatining ichimlik suvi taʼminoti va oqova suv xizmatlari uchun taklif etilayotgan narxlari (tariflari) toʻgʻrisida”gi VII-10-70-4-0-K/25-sonli qarori oʻz kuchini yoʻqotgan deb hisoblansin.

4. Ushbu qaror bajarilishini nazorat qilish va ijrosini taʼminlash xalq deputatlari viloyat Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi O. Ravshanov va viloyat hokimining oʻrinbosari M. Azizov zimmasiga yuklatilsin.

5. Ushbu qaror ommaviy axborot vositalarida eʼlon qilingandan keyin oʻn besh kun oʻtgach kuchga kiradi.

6. Ushbu qaror rasmiy veb-sayt va ommaviy axborot vositalarida eʼlon qilinsin.