Oʻzbekiston Respublikasi “Aholi bandligi toʻgʻrisida”gi Qonunning 39-moddasiga hamda Oʻzbekiston Respublikasi Vazirlar Mahkamasining 2017-yil 5-dekabr kunidagi «Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibini yanada takomillashtirish chora-tadbirlari toʻgʻrisida»gi 965-sonli Qarori, shuningdek Oʻzbekiston Respublikasi Prezidentining “Mehnat munosabatlari va kasbga tayyorlash tizimini takomillashtirish hamda ish beruvchilarni ragʻbatlantirishga oid qoʻshimcha chora-tadbirlar toʻgʻrisida” 2025-yil 4-avgustdagi PF-126-son Farmoniga muvofiq aholining ijtimoiy ehtiyojmand toifalarini ishga joylashtirish uchun tashkilotlarda ish oʻrinlarining eng kam sonini belgilash va zaxiraga qoʻyish boʻyicha yangi tartib belgilanib tumanda ijtimoiy himoyaga muhtoj, ish topishda qiynalayotgan va mehnat bozorida teng sharoitlarda raqobatlashishga qodir boʻlmagan shaxslarni 2026-yilda ishga joylashtirish uchun ish joylarini eng kam miqdorini ajratish, qoʻshimcha ish joylari yaratish hamda ularni muhofaza qilish maqsadida: qaror qiladi:

1. Beshariq tumanida kvota ish oʻrinlari sonini va ularga qoʻyiladigan talablarni belgilash boʻyicha maxsus komissiyaning tarkibi 1-ilovaga hamda Beshariq Tuman Kambagʼallikni qisqartirish va bandlikka koʼmaklashish boʼlimi tomonidan tumandagi korxonalarda 2026-yil uchun ijtimoiy muhofazaga muhtoj va ish topishda qiynalayotgan shaxslar uchun band qilingan (kvota) ish joylarini taqsimoti 2-ilovaga muvofiq tasdiqlansin.

2. Ish oʻrinlari band qilib qoʻyiladigan kasblar va lavozimlar toifalari boʻyicha quyidagi umumiy tartiblarga asoslanishi shart:

nogironligi bo'lgan shahslar ish oʻrinlari (77 nafar);

оilaviy (maishiy) zoʻravonlikdan jabrlangan shaxslar (22 nafar);

kambagʻal oilalar reyestri”dagi oilalarning aʼzolari (149 nafar);

muqobil joylashtirish shakllarida tarbiyalangan yetim shahslar,ota-ona qaramog'idan maxrum bo'lgan shahslar (2 nafar);

jazoni ijro etish muassasasidan ozod qilingan shahslar uchun ish oʻrinlari (19 nafar);

odam savdosidan jabrlangan shaxslar uchun ish oʼrinlari (3 nafar)

3. Korxonalar, tashkilotlar, muassasalar va xoʻjalik yurituvchi subʼektlar rahbarlariga Vazirlar Mahkamasining 2017-yil 5-dekabr kunidagi «Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibini yanada takomillashtirish chora-tadbirlari toʻgʻrisida»gi 965-sonli Qarori bilan tasdiqlangan Nizomga muvofiq ijtimoiy muhofazaga muhtoj va ish topishda qiynalayotgan shaxslar uchun koʻrsatilgan ish oʻrinlar tashkil etilishini taʼminlasinlar;

korxona va tashkilotlar, yil boshlangungacha 10 kundan kechikmay band qilib qoʻyilgan ish oʻrinlari umumiy sonining kamida 25 foiz hajmida ish oʻrinlari band qilib qoʻyilishini va tayyor boʻlishini taʼminlasin hamda bu toʻgʻrida Tuman Kambagʼallikni qisqartirish va bandlikka koʼmaklashish boʼlimiga yil boshlangunga qadar axborot bersin;

Ijtimoiy muhofazaga muhtoj va ish topishda qiynalayotan shaxslar uchun ish oʻrinlarini qolgan qismini band qilib qoʻyish tashkilotlar (ish beruvchilar) tomonidan kalendar yilning birinchi choragi mobaynida taʼminlansin, bu toʻgʻrida Tuman Kambagʼallikni qisqartirish va bandlikka koʼmaklashish boʼlimiga birinchi chorak tugagandan keyin 10 kundan kechikmay axborot bersin.

4. Ushbu qaror bajarilmagan taqdirda tashkilotning mansabdor shaxslariga ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi Nizomning 15-bandiga muvofiq jarima solinishi taʼminlab borilsin.

Mahalliy davlat hokimiyati organining ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish boʻyicha tegishli Qarorini bajarmaganlik uchun jarima toʻlaganligi tashkilotni band qilib qoʻyiladigan ish oʻrinlarining belgilangan sonini tashkil etish majburiyatidan ozod qilmaydi.

5. Oʻzbekiston Respublikasi Bandlik va mehnat munosabatlari vazirining 2019-yil 10-maydagi “Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan subsidiya va grantlar ajratish tartibi toʻgʻrisidagi Nizomni tasdiqlash haqida”gi 19-2019-B sonli buyrugʻiga (AV roʻyxat raqami №3163, 31 mart 2019 yil) muvofiq, ijtimoiy ehtiyojmand aholi qatlamlariga mansub shaxslarni kvotalangan eng kam ish oʻrnidan ortiq miqdorda ishga qabul qilgan tashkilotlarga - rejadan ortiq qabul qilingan har bir hodim uchun 12 oy davomida har oyda eng kam oylik ish haqining 2 baravari miqdorida subsidiya toʻlab berilishi inobatga olinsin.

6. TumanKambagʼallikni qisqartirish va bandlikka koʼmaklashish boʼlimi (E.Yigitaliyev) besh kun muddatda ushbu Qarorni ilovada koʻrsatilgan tashkilot rahbarlari eʼtiboriga yetkazsin va ushbu Qarorning bajarilishi ustidan nazoratni taʼminlasin.

7. Belgilansinki, ushbu qaror ommaviy axborot vositalarida rasmiy eʼlon qilingan kundan boshlab kuchga kiradi.

8. Ushbu qarorning bajarilishi ustidan nazorat qilish tuman hokimining birinchi oʻrinbosari H. Umarov zimmasiga yuklatilsin.