Т/р

Ахборот тизимлари интеграция қилинадиган ташкилотлар

Маълумот тури

I. «Рақамли ҳукумат» тизимининг идоралараро интеграциялашув платформаси орқали интеграция қилинадиган ташкилотлар

1.

Иқтисодиёт ва молия вазирлиги

Давлат бюджети ва давлат мақсадли жамғармаларидан тадбиркорлик субъектларига ҳисобланган ва тўланган субсидия ҳамда бошқа молиявий ёрдамлар тўғрисидаги маълумотлар;

тадбиркорлик субъектларининг давлат харидлари тизимидаги иштироки ва харидлар миқдори тўғрисидаги маълумотлар.

2.

Камбағалликни қисқартириш ва бандлик вазирлиги

Тадбиркорлик субъектларидаги ишчилар, уларнинг бандлик ҳолати ва меҳнат муносабатлари билан боғлиқ бошқа маълумотлар;

ишсизлик нафақаси бўйича маълумотлар.

3.

Ижтимоий ҳимоя миллий агентлиги

Камбағал оилалар реестрига киритилган оилалар тўғрисидаги маълумотлар.

4.

Солиқ қўмитаси

Солиқ тўловчининг рўйхатга олиш маълумотлари;

солиқ тўловчиларнинг тушуми, товар айланмаси, қарздорлиги ҳамда ортиқча тўловлари ҳақида маълумотлар;

ўзини ўзи банд қилган шахслар бўйича маълумотлар;

тадбиркорлик субъектларининг таъсисчилари ва раҳбарлари ҳақида маълумотлар.

5.

Мажбурий ижро бюроси

Тадбиркорлик субъектларининг ижро ишлари, қарздорликлари, тўловларнинг бажарилиши ҳамда чеклов ва тақиқлар ҳақидаги маълумотлар.

6.

Божхона қўмитаси

Тадбиркорлик субъектларининг экспорт-импорт операциялари, ҳажмлари, божхона декларациялари, бажарилган тўловлар, чеклов ва мажбуриятлари тўғрисидаги маълумотлар.

7.

Кадастр агентлиги

Тадбиркорлик субъектларининг кўчмас мулк объектлари тўғрисидаги маълумотлар.

8.

«Ҳудудий электр тармоқлари» АЖ

Тадбиркорлик субъектлари ва ўзини ўзи банд шахсларнинг электр энергияси бўйича қилган тўловлари ва мавжуд қарздорликлари тўғрисидаги маълумотлар.

9.

«Ҳудудгазтаъминот» АЖ

Тадбиркорлик субъектлари ва ўзини-ўзи банд шахсларнинг табиий газ бўйича қилган тўловлари ва мавжуд қарздорликлари тўғрисидаги маълумотлар.

II. Тўғридан-тўғри интеграция қилинадиган ташкилотлар

10.

«Кредит-ахборот таҳлилий маркази» кредит бюроси

Тадбиркорлик субъектлари ва ўзини ўзи банд қилган шахсларнинг кредит тарихи, кредит рейтинги, қарздорликлар ҳолати, кафолатлар ва гаровлар тўғрисидаги маълумотлар.

11.

Тижорат банклари

Тадбиркорлик субъектлари ва ўзини ўзи банд қилган шахсларга «Тадбиркорликни ривожлантириш компанияси» АЖ ва унинг муассислигида ташкил этилган ташкилотлар томонидан ёрдам тақдим этиш ҳисобига ажратилган кредитлар бўйича маълумотлар.

Т/р

Чора-тадбирлар номи

Амалга ошириш шакли

Ижро муддати

Масъул ижрочилар

I. Кафолат ва кафилликлар тақдим этишни кенгайтириш

1.

«Тадбиркорликни ривожлантириш компанияси» АЖ (кейинги ўринларда — Компания) муассислигида акциядорлик жамияти шаклида «Бизнесни кафолатлаш миллий компанияси» нобанк кредит ташкилотини ташкил этиш.

Жамият ташкил этилгунга қадар Компания томонидан кафолат ёки кафиллик тақдим этишни давом эттириш.

Амалий чора-тадбирлар

2025 йил ноябрь

Компания

(Махаматов)

2.

Кафолат ва кафилликни ўрта ва йирик тадбиркорларнинг айланмасидан келиб чиқиб тақдим этиш амалиётини жорий этиш.

Компания кузатув кенгаши қарори

2025 йил ноябрь

Компания

(Махаматов)

3.

«Яшил» ва энергия тежовчи технологияларни жорий этишни кўзда тутувчи ҳамда тадбиркор ёшлар ва аёллар лойиҳалари учун тақдим этиладиган кафолат ва кафилликнинг миқдорини ошириш.

Компания кузатув кенгаши қарори

2025 йил декабрь

Компания

(Махаматов)

4.

Қишлоқ хўжалиги лойиҳаларига ажратиладиган кредит, лизинг, банк кафолати ва аккредитивларнинг 75 фоизигача кафолат ёки кафиллик тақдим этиш, бунда таваккалчилик даражасини давлат, Компания ва тижорат банки ўртасида тақсимлаш тизимини жорий этиш юзасидан Вазирлар Маҳкамасига таклиф киритиш.

Ахборот хати

2026 йил январь

Иқтисодиёт ва молия вазирлиги

(Норқулов),

Қишлоқ хўжалиги вазирлиги

(Абдураҳмонов),

Марказий банк

(Турдалиев),

Компания

(Махаматов)

5.

Компаниянинг кафолати ёки кафиллиги билан таъминланган тижорат банклар активларининг таваккалчилик даражасини белгилаш юзасидан Марказий банкка таклиф киритиш.

Амалий чора-тадбирлар

2025 йил ноябрь

Компания

(Махаматов)

II. Кредит (лизинг) учун ресурс ажратиш, кредит фоиз харажатларини компенсация қилиш тизимини такомиллаштириш

6.

«Яшил» ва энергия тежовчи технологияларни жорий қилиш ҳамда ёшлар ва аёллар тадбиркорлиги лойиҳаларига ажратиладиган кредит (лизинг) учун ресурслар миқдорини 1,5 баробарга ошириш.

Компания кузатув кенгаши қарори

2025 йил декабрь

Компания

(Махаматов)

7.

Давлат бюджети ва марказлашган маблағлар ҳисобидан кредит (лизинг) ажратиш учун жойлаштирилаётган ресурсларни хатловдан ўтказган ҳолда ягона ёндашув асосида ресурсларни жойлаштириш вазифасини Компанияга ўтказиш юзасидан Вазирлар Маҳкамасига таклиф киритиш.

Ахборот хати

2026 йил апрель

Иқтисодиёт ва молия вазирлиги

(Норқулов)

8.

Иқтисодиёт ва молия вазирлигидаги Кредит фоиз харажатларини компенсация қилиш жамғармаси маблағлари ҳисобидан кредит фоиз харажатларини компенсация қилиш бўйича қуйидагиларни кўзда тутган ҳолда Вазирлар Маҳкамасига таклифлар киритиш:

амалда тақдим этилаётган компенсация соҳаларини таҳлил қилиш;

компенсация тақдим этиш лозим бўлган соҳа йўналишларини аниқлаб олиш ва реестрини шакллантириш;

компенсация муддатлари, компенсация қилинадиган кредит миқдорлари ва ставкалари бўйича чегараларни қайта кўриб чиқиш.

Норматив-ҳуқуқий ҳужжат лойиҳаси

2026 йил июль

Иқтисодиёт ва молия вазирлиги

(Норқулов),

Компания

(Махаматов)

9.

Кредит фоиз харажатларини қоплаш учун тақдим этилаётган компенсация маблағларидан фойдаланишда:

лойиҳалар бўйича кредит маблағлари шартномада белгиланган мақсадларга йўналтирилганда ҳамда унинг ҳисобига маҳсулот (хизмат)лар ҳақиқатда лойиҳани амалга ошириш манзилига етказиб берилганда тақдим этилаётган компенсация маблағларидан мақсадли фойдаланилган деб белгилаш;

компенсация тақдим этилиши орқали амалга оширилаётган лойиҳаларда реализация қилинган маҳсулот (хизмат) бўйича тушумнинг ортиб боришини компенсациядан самарали фойдаланишнинг меъёри этиб белгилаш;

лойиҳани амалга ошириш даврида юз берган кўзда тутилмаган ҳолатлардан келиб чиқиб, компенсация тақдим этиш даврини қайта кўриб чиқиш.

Компания кузатув кенгаши қарори

2025 йил ноябрь

Иқтисодиёт ва молия вазирлиги

(Норқулов),

Компания

(Махаматов),

Марказий банк

(Турдалиев)

III. Тадбиркорлик субъектларини қўллаб-қувватлашнинг янги механизмларини жорий этиш

10.

Халқаро молия институтларини жалб этган ҳолда қуйидагиларни назарда тутувчи тадбиркорлик фаолиятини молиялаштириш юзасидан Вазирлар Маҳкамасига таклиф киритиш:

микромолиялаш кўламини кенгайтириш мақсадида инклюзив молиялаштириш тизимини жорий этиш ва келгусида ташқи ва ички инвесторлардан ресурс жалб қилиш;

Фондлар фондини ташкил этиш орқали тадбиркорлик фаолиятини молиялаштиришни кенгайтириш.

Ахборот хати

2025 йил декабрь

Иқтисодиёт ва молия вазирлиги

(Норқулов),

Компания

(Махаматов),

Марказий банк

(Турдалиев)

11.

Тадбиркорлик субъектларининг фаолиятини соғломлаштириш ва йириклашувини рағбатлантириш учун номолиявий хизматларни, хусусан, рақамлаштириш, маркетинг ва менежментни яхшилаш хизматларини жорий этиш.

Амалий чора-тадбирлар

2025 йил декабрь

Компания

(Махаматов)

12.

Компания томонидан тадбиркорлик субъектларини ислом молияси асосида молиявий қўллаб-қувватлаш учун исломий молиялаштиришга оид хизматларни жорий этиш.

Амалий чора-тадбирлар

2026 йил март

Компания

(Махаматов)

13.

Давлат томонидан тадбиркорликни қўллаб-қувватлаш чоралари самарадорлиги ва натижадорлигини яхшилаш учун илмий марказ ташкил этиш бўйича таклифлар киритиш.

Ахборот хати

2026 йил апрель

Иқтисодиёт ва молия вазирлиги

(Норқулов),

Савдо-саноат палатаси

(Вахабов)

IV. Компаниянинг институционал салоҳиятини янада ошириш

14.

Маҳаллий ва хорижий экспертларни жалб этиб, Компания ва унинг муассислигида ташкил этилган жамиятларнинг ўрта ва узоқ муддатли ривожланиш стратегияларини ишлаб чиқиш.

Чора-тадбирлар дастури

2026 йил июль

Компания

(Махаматов)

15.

Ажратилган кредитларни қайта молиялаштириш ва тадбиркорлик субъектларини «чемпион» тадбиркор тоифасига олиб чиқиш учун 300 миллиард сўмгача бюджет ссудасини ажратиб бориш.

Амалий чора-тадбирлар

2026 йилдан бошлаб ҳар йили

Иқтисодиёт ва молия вазирлиги

(Хайдаров)

16.

Тадбиркорлик субъектларини молиявий қўллаб-қувватлаш юзасидан амалга оширилаётган ишлар, тақдим этилаётган молиявий ёрдамлар самарадорлиги ва эришилган натижалар тўғрисида тарғибот ишларини олиб бориш, жумладан, «Давлат — тадбиркорга мададкор» теледастурини ташкил этиш ва эфирга узатиш.

Амалий чора-тадбирлар

2026 йилдан бошлаб ҳар чоракда

Иқтисодиёт ва молия вазирлиги

(Норқулов),

Компания

(Махаматов),

Рақамли технологиялар вазирлиги

(Шерматов),

Савдо-саноат палатаси

(Вахабов),

ЎзМТРК

(Журабаев)

17.

Компания томонидан тақдим этилган молиявий ёрдамлар самарадорлигини аниқлаш, тадбиркорлик субъектларининг молиявий ҳолатидан келиб чиқиб қўшимча қўллаб-қувватлаш чораларини тақдим этиш тизимини яратиш.

Амалий чора-тадбирлар

2026 йил май

Компания

(Махаматов),

Миллий статистика қўмитаси

(Ҳамроев),

Солиқ қўмитаси

(Кудбиев),

Марказий банк

(Турдалиев)

18.

Компаниянинг «хизматлар ипотекаси» ва «устав капиталига улуш киритиш» молиявий инструментларини тадбиркорлик субъектларига тақдим этиш ваколатини Компания муассислигида ташкил этилган «TRK Invest» МЧЖга ўтказиш.

Компания кузатув кенгаши қарори

2025 йил декабрь

Компания

(Махаматов)

19.

Кичик ва ўрта тадбиркорлик субъектларига Компания томонидан қайта молиялаштириш орқали компенсация тақдим этиладиган олис ва бориш қийин бўлган ҳудудлар рўйхатини тасдиқлаш.

Компания кузатув кенгаши қарори

2025 йил ноябрь

Компания

(Махаматов)

«

44.

Иқтисодиёт ва молия вазирлиги

Аудиторлик ташкилоти иши сифатининг ташқи назорати

»;

«

16.

Ўзбекистон Республикаси Президентининг 2025 йил 27 февралдаги ПҚ-78-сон қарорига мувофиқ қуйидагилар юзасидан солиқ органлари ходимлари томонидан уларга бириктирилган корхоналарда ёки маҳаллалардаги тадбиркорлик субъектларида солиққа оид ҳуқуқбузарликлар аниқланганда сайёр солиқ текширувини ўтказиш:

1. Назорат-касса техникасини ва (ёки) ҳисоб-китоб терминалларини қўллаш тартибини бузиш.

2. Меҳнат фаолиятини амалга оширувчи ходимларни ҳамда меҳнатга ҳақ тўлаш фондини солиқ ҳисоботида акс эттирмаслик.

3. Ер майдонларидан ҳужжатларсиз ёхуд ер участкасига бўлган ҳуқуқни тасдиқловчи ҳужжатларда кўрсатилганидан каттароқ ҳажмда фойдаланиш.

4. Фойдали қазилмаларни ноқонуний қазиб олиш ёки қазиб олинган фойдали қазилмалар ҳажмини солиқ ҳисоботида тўлиқ акс эттирмаслик.

Солиқ қўмитаси

».