Oʻzbekiston Respublikasi Prezidentining 2022-yil 4-apreldagi PQ-190-sonli, 2022-yil 12-iyuldagi PQ-316-sonli va 2023-yil 10-oktabrdagi PQ-330-sonli qarorlariga asosan viloyat hududidagi avtomobil yoʻllarida harakat xavfsizligini taʼminlash, yoʻl-transport hodisalarining oldini olish chora-tadbirlarini kuchaytirish maqsadida “Mahalliy davlat hokimiyati toʻgʻrisida”gi Oʻzbekiston Respublikasi qonunining 6 va 24-moddalariga asosan qaror qiladi:

1. Viloyat ichki ishlar boshqarmasi yoʻl harakati xavfsizligi boshqarmasining 2025 yil 14-iyuldagi Oʻzbekiston Respublikasi Prezidentining 2022-yil 4-apreldagi PQ-190-sonli, 2022-yil 12-iyuldagi PQ-316-sonli va 2023-yil 10-oktabrdagi PQ-330-sonli qarorlarining ijrosini taʼminlash yuzasidan amalga oshirilgan ishlar toʻgʻrisida”gi 10/6-4876-sonli xati maʼlumot uchun qabul qilinsin.

2. Viloyat yoʻl harakati xavfsizligi boshqarmasi (M.Xudayberganov), viloyat avtomobil yoʻllari bosh boshqarmasi (D.Niyazmetov):

Oʻzbekiston Respublikasi Prezidentining “Oʻzbekiston Respublikasida mahalliy davlat hokimiyati vakillik organlari faoliyatini 2030-yilga qadar rivojlantirish konsepsiyasini tasdiqlash toʻgʻrisida”gi PF-98-sonli Farmonining Dasturiy hujjatlar va ularni amalga oshirish mexanizmlarining G bandiga asosan viloyat hududidan oʻtgan xalqaro ahamiyatdagi A380 “Gʻuzor-Buxoro-Nukus-Beyneu” avtomobil yoʻlining 439-453, 455-476, 478-488, 496-518, 520-553 kilometr oraliqlarida transport vositalarining harakat tezligini 100 km/soat tezlikdan 130 km/soat tezlikka oshirish, avtomobil yoʻlining 454, 477, 495 va 519 kilometrlarida transport vositalarining harakat tezligini 100 km/soat tezlikdan 70 km/soat tezlikka pasaytirish hamda 3.24 – “130 yuqori tezlik cheklangan”, 3.25 – “130 yuqori tezlik cheklangan hududning oxiri” va 3.24 – “70 yuqori tezlik cheklangan”, 3.25 – “70 yuqori tezlik cheklangan hududning oxiri” yoʻl belgilari oʻrnatilishini taʼminlasinlar.

3. Ushbu qarorning bajarilishini nazorat qilish xalq deputatlari viloyat Kengashining mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi raisi K.Igambergenov zimmasiga yuklansin.