Oʻzbekiston Respublikasi Prezidentining 29.04.2019 yildagi “Oʻzbekiston Respublikasi xalq taʼlimi tizimini 2030 yilgacha rivojlantirish konsepsiyasini tasdiqlash toʻgʻrisida”gi PF-5712-sonli farmoni, Oʻzbekiston Respublikasining “Taʼlim toʻgʻrisida”gi Qonunining 27-moddasi hamda “Mahalliy Davlat hokimiyati toʻgʻrisidagi” Qonunning 6-,25-moddalariga asoslanib, Oʻzbekiston Respublikasi maktabgacha va maktab taʼlimi vazirligining 2025 yil 25 avgustdagi 02-27-2729-sonli xatiga asosan koʻrib chiqib, qaror qilaman:

1. Maktabgacha va maktab taʼlimi vazirligining 2025 yil 25 avgustdagi 02-27-2729-sonli xati va Davlat qabul hayʼatining qurilish rekonstruksiyasi ishlari tugallangan obʼektni ishlatishga qabul boʻyicha 2025 yil 26 avgustdagi 57-4-sonli dalolatnomasi maʼlumot uchun qabul qilinsin.

2. Andijon shahar “Bogʼi Eram” MFY hududida yangi qurib bitkazilgan 330 oʻrinli 57-umumtaʼlim maktabi sifatida tashkil etilsin.

3. “Davlat xizmatlari markazi” Andijon shahar boʻlimi (A.Alimov)ga yangi tashkil etilayotgan umumtaʼlim maktabini oʻrnatilgan tartibda Davlat roʻyxatidan oʻtkazilishini va davlat reyestri bazasiga kiritish vazifasi topshirilsin.

4. Andijon shahar davlat soliq inspeksiyasi (M.Toʻtaoxunov)ga yangi tashkil etilayotgan umumtaʼlim maktabini tegishli tartibda Davlat soliq xizmati roʻyxatidan oʻtkazish vazifasi topshirilsin.

5. Andijon shahar iqtisodiyot va moliya boʻlimi (U.Toʻraqulov)ga:

- yangi tashkil etilayotgan taʼlim muassasasini amaldagi qonunchilik asosida 2025-2026 yil byudjet koʻrsatkichlarida aks ettirish;

- viloyat iqtisodiyot va moliya boshqarmasiga ushbu qaror asosida tegishli axborot kiritish;

-“UzASBO” dasturiy majmuasida tegishli xisob raqamlari ochish,

- yangi tashkil etilayotgan taʼlim muasasasining 2025 yil xarajatlar smetasi va shtatlar jadvalini koʻrib chiqish belgilangan tartibda roʻyxatdan oʻtkazish vazifalari topshirilsin.

6. Andijon shahar gʻaznachilik boʻlimi (A.Joʻrayev) tomonidan yangi tashkil etilayotgan umumtaʼlim maktabi uchun xisob-raqam va xisob varaqalarini ochish hamda tashkilotning dastlabki faoliyatiga byudjet mablagʻlaridan maqsadli foydalanish yuzasidan amaliy yordam koʻrsatilsin.

7. Andijon shahar sanitariya va epidemiologik osoyishtalik nazorat markazi (Q.Tojidinov)ga yangi tashkil etilayotgan umumtaʼlim maktabi uchun ajratilgan binoning tozalik normalariga rioya etilishi va gigiyena qoidalariga mosligi hamda unga qabul qilinayotgan xodimlarning salomatligini koʻrikdan oʻtkazish va tegishli xulosalar berish vazifasi topshirilsin.

8. Andijon shahar statistika boʻlimiga yangi tashkil etilayotgan umumtaʼlim maktabi davlat reyestriga kiritish va xisobotini oʻz vaqtida bajarilishini nazorat qilish vazifasi yuklatilsin.

9. Andijon shahar maktabgacha va maktab taʼlimi boʻlimi boshligʻi (A.Usmonov)ga:

mazkur umumtaʼlim maktab Nizomini belgilangan tartibda va muddatda roʻyxatdan oʻtkazishni tashkil qilish;

- ota-onalarning roziligi bilan yangi maktabga boshqa maktablardan oʻtadigan oʻquvchilarning nomma-nom roʻyxatini shakllantirish;

- maktabga qabul qilingan oʻquvchilarni maktabgacha va maktab taʼlimi vazirligining yagona elektron tizimiga kiritish va elektron tizim orqali oʻquvchilar xarakatini amalga oshirish;

- yangi tashkil etilgan maktabning sinflarida oʻquvchilar soni va meʼyori talablariga yetkazilganidan soʻng, sinflar jamlanmasini (komplektlash) hamda tarifikatsiya roʻyxatlarini shakllantirish;

- shtatlar jadvali, sinflar jamlanmasi va tarifikatsiya roʻyxati shakllanganidan soʻng, malakali pedagog kadrlar, oʻquv-uslubiy adabiyotlar hamda didaktik materiallar bilan taʼminlash;

- yangi tashkil etilayotgan taʼlim muassasasini moddiy texnik bazasi oʻquvchilar uchun zaruriy sanitariya-maishiy ijtimoiy sharoitlarni yaratish;

- yangi tashkil etilayotgan taʼlim muassasasini shtatlar jadvalini tasdiqlash va 2025 yil shtatlar jadvalini byudjet kodeksida belgilangan muddatlardan kechiktirmay roʻyxatdan oʻtkazish uchun shahar iqtisodiyot va moliya boʻlimiga taqdim etish choralarini koʻrish hamda shtat birliklaridan oqilona foydalanishni tashkil etish vazifalari yuklatilsin.

10. Andijon shahar tibbiyot birlashmasi (M.Mirzaaxmedova) yangi tashkil etilayotgan umumtaʼlim maktabini tegishli talablar asosida zaruriy tibbiyot uskunalari va dori vositalari bilan taʼminlash, tashkilotga qabul qilinayotgan oʻquvchilarni chuqurlashtirilgan tibbiy koʻrikdan oʻtkazish vazifalari yuklatilsin.

11. Andijon shahar IIOFMB boshligʻi (B.Baxromov)ga yangi tashkil etilayotgan taʼlim muassasasiga belgilangan tartibda muxr va shtampni olish uchun ruxsatnoma berish topshirilsin.

12. Mazkur qarorning ijrosini nazorat qilish shahar hokimining oʻrinbosari Sh.Shokirov zimmasiga yuklatilsin.