Ўзбекистон Республикасининг «Аҳолининг санитария-эпидемиологик осойишталиги тўғрисида»ги Қонуни ҳамда Ўзбекистон Республикаси Президентининг 2020 йил 25 июлдаги ПФ-6035-сон «Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида»ги ва 2025 йил 18 апрелдаги ПФ-67-сон «Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида»ги фармонларига мувофиқ Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси қарор қилади:

1. Даволаш-профилактика муассасаларини лойиҳалаштириш, қуриш ва эксплуатация қилишнинг санитария қоидалари, нормалари ва гигиена нормативларига (0020-22-сон СанҚваН) (ҳисоб рақами 70, 2022 йил 4 март) иловага мувофиқ ўзгартиришлар киритилсин.

2. Мазкур қарор Ўзбекистон Республикаси Соғлиқни сақлаш вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Қурилиш ва уй-жой коммунал хўжалиги вазирлиги ҳамда Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.

1. 10-банд қуйидаги таҳрирда баён этилсин:

«10. Илгари силга қарши ДПМ жойлашган ер участкаларидан қуйидаги чора-тадбирлар амалга оширилганидан сўнг фойдаланишга рухсат этилади:

1) ер участкасини ҳамда унда жойлашган бино ва иншоотларни бир йил давомида консервация қилиш;

2) бино ва иншоотларни бир йил давомида консервация қилинганидан сўнг, уларни бузиб ташлаш (бунда, бузилган бино ва иншоотлардаги материаллардан қайта фойдаланиш тақиқланади);

3) ер участкасидаги тупроқ қатламининг камида 30 см қалинликдаги қисмини кўчириб олиб ташлаш;

4) дезинфекция ва зарарсизлантириш тадбирларини ўтказиш;

5) ер участкасида сил касаллиги қўзғатувчиларни мавжуд ёки мавжуд эмаслигини аниқлаш мақсадида лаборатория текширувларини ўтказиш.».

2. 10-жадвалда:

3-позициянинг «Хоналарнинг номи» устунидаги «Кутиш зали*» деган сўзлар «Кутиш зали» деган сўзлар билан алмаштирилсин;

13-позициянинг «Хоналарнинг номи» устунидаги «(терапевт, аллерголог, педиатр, гематолог, невропатолог, эндокринолог, психиатр, дерматолог, кардиолог, уролог, гинеколог, травматолог, ортопед, онколог, гелминтолог ва б.)» деган сўзлар «(терапевт, аллерголог, педиатр, гематолог, невропатолог, эндокринолог, психиатр, дерматолог, кардиолог, уролог, гинеколог, травматолог, ортопед, онколог, гелминтолог ва бошқалар)*» деган сўзлар билан алмаштирилсин;

қуйидаги мазмундаги изоҳ билан тўлдирилсин: