Oʻzbekiston Respublikasi Prezidentining “Favqulodda vaziyatlarning oldini olish va ularni bartaraf etish tizimi samaradorligini tubdan oshirish chora-tadbirlari toʻgʻrisida” 2017-yil 1-iyundagi 5066-sonli Farmoni hamda Oʻzbekiston Respublikasi Vazirlar Mahkamasining “Favqulodda vaziyatlarning oldini olish va ularni bartaraf etish boʻyicha Hukumat komissiyasi va hududiy komissiyalar toʻgʻrisidagi nizomlarni tasdiqlash haqida” 2017-yil 19-iyuldagi 525-sonli qarori, shu asosda qabul qilingan Toshkent viloyati hokimining 2025-yil 12-avgustdagi 512-10-0-Q/25-sonli qarori ijrosini taʼminlashda “Mahalliy davlat hokimiyati toʻgʻrisida”gi Qonunning 6-moddasiga muvofiq qaror qilaman:

1.Toshkent viloyati hokimining 2025-yil 12-avgustdagi 512-10-0-Q/25-sonli qarori ijro uchun qabul qilinsin.

Quyidagilar:

Favqulodda vaziyatlarning oldini olish va ularni bartaraf etish boʻyicha hududiy komissiyasi toʻgʻrisidagi nizom 1-ilovaga muvofiq;

favqulodda vaziyatlarni oldini olish va ularni bartaraf etish boʻyicha tuman komissiyasi tarkibi 2-ilovaga muvofiq tasdiqlansin.

hududiy komissiya “Favqulodda vaziyatlarning oldini olish va ularni bartaraf etish boʻyicha hududiy komissiyalar toʻgʻrisida”gi Nizom talablari asosida ishni tashkil etsin.

2. Tuman Favqulotda vaziyatlar tuman boʻlimi (U. Maxammadjonov), har oyda keyingi oyning 10-kunigacha viloyat komissiyasining ishchi organiga uning qarorlari bajarilishi holati toʻgʻrisida axborot taqdim etib borsin.

3. Mazkur qarorning bajarilishini nazorat qilish tuman hokimining oʻrinbosari S. Mirsagatov, Favqulodda vaziyatlar tuman boʻlimi boshligʻi U. Maxammadjonov zimmasiga yuklatilsin.