Oʻzbekiston Respublikasi Prezidentining 2024-yil 5-yanvardagi PQ-5-sonli “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi hamda Qoraqalpogʻiston Respublikasi Vazirlar Kengashining 2025-yil 12-maydagi 237-13-0-Q/25-sonli “Qoraqalpogʻiston Respublikasida sholi ekinlarini oqilona joylashtirish hamda oziq-ovqat mahsulotlari taʼminoti barqarorligiga erishish chora-tadbirlari” toʻgʻrisidagi qarorlariga muvofiq, Beruniy tuman “Suv yetkazib berish xizmati” davlat muassasasi direktori J.Yeshanovning 2025-yil 28-may kungi 01/09-11-217-sonli xatini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6-,24-moddalariga asosan xalq deputatlari Beruniy tumani Kengashi qaror qiladi:

1. Beruniy tuman “Suv yetkazib berish xizmati” davlat muassasasi direktori J.Yeshanovning 2025-yil 28-may kungi 01/09-11-217-sonli xati inobatga olinsin.

2. Xalq deputatlari Beruniy tuman Kengashining 2025-yil 2-may kungi VII-10-44-13-182-K/25-sonli qarorining «Beruniy tumani fermerlar xoʻjaliklarida 2025-yilning sugʻorish mavsumiga ajratilgan cheklangan suv miqdori» nomli ilovasiga ilovaga muvofiq oʻzgartirish kiritilsin.

3. Mazkur qaror ijrosining nazorati xalq deputatlari Beruniy tumani Kengashining “Agrar, suv xoʻjaligi va ekologiya masalalari boʻyicha” doimiy komissiyasi zimmasiga yuklatilsin.

4. Ushbu qaror tuman “Xalq minbari” gazetasida nashr qilinsin va tuman hokimligining rasmiy veb-saytiga joylashtirilsin.

5. Ushbu qaror qabul qilingan kundan eʼtiboran kuchga kiradi.