Oʻzbekiston Respublikasi Vazirlar Mahkamasining 2024-yil 20-maydagi “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi nizomni tasdiqlash toʻgʻrisida” 294-son qarori qabul qilingan.

Oʻzbekiston mahallalari uyushmasi viloyat boshqarmasining xati hamda viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining yigʻilish bayoni bilan tasdiqlangan xulosasini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari viloyat Kengashi qaror qiladi:

1. Oʻzbekiston mahallalari uyushmasi viloyat boshqarmasining xati, viloyat hokimligi huzuridagi Mahallalarni tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish masalalari boʻyicha idoralararo doimiy komissiyasining yigʻilish bayoni bilan tasdiqlangan xulosasi hamda Oʻzbekiston mahallalari uyushmasi viloyat boshqarmasi boshligʻi M.Umarovning axboroti maʻlumot uchun qabul qilinsin.

2. Viloyatda birlashtiriladigan mahalla fuqarolar yigʻinlari roʻyxati ilovaga muvofiq maʻqullansin.

3. Tuman (shahar) hokimliklari aloqador tashkilotlar bilan birgalikda birlashtiriladigan mahalla fuqarolar yigʻinlarini qayta davlat roʻyxatidan oʻtkazish hamda muhr va tamgʻalarini almashtirish choralarini koʻrsin.

4. Ushbu qaror viloyat hokimligining rasmiy veb-sayti va ommaviy axborot vositalarida eʻlon qilinsin.

5. Mazkur qarorning ijrosini nazorat qilish xalq deputatlari viloyat Kengashining yoshlar siyosati, madaniyat va sport masalalari boʻyicha doimiy komissiyasi raisi Z.Tuyeva zimmasiga yuklansin.

6. Qaror rasmiy eʼlon qilingan kundan eʼtiboran kuchga kirishi belgilansin.