Qashqadaryo viloyati hokimining 2025-yil 1-apreldagi “O'zbekiston Respublikasi Prezidentining 2025-yil 19-martdagi “Kichik va o'rta biznesning iqtisodiyotdagi o'rnini oshirish chora-tadbirlari to'g'risida”gi PF-50-sonli Farmoni haqida”gi 149-4-0-Q/25-sonli qarori ijrosini taʼminlash maqsadida O'zbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1.Viloyat hokimining 2025-yil 1-apreldagi Oʻzbekiston Respublikasi Prezidentining 2025-yil 19-martdagi “Kichik va oʻrta biznesning iqtisodiyotdagi oʻrnini oshirish chora-tadbirlari toʻgʻrisida”gi 50-son farmoni ijrosi haqidagi 149-4-0- Q/25-sonli qarori rahbarlik va ijro uchun qabul qilinsin.

2.Oʻzbekiston Respublikasi Prezidentining ushbu farmoni bilan:

1-bandiga koʻra,

I. Asosiy maqsadli koʻrsatkichlari,

II. 2025-yilda kichik va oʻrta biznesni rivojlantirishning asosiy maqsadli koʻrsatkichlari etib quyidagilar belgilanganligi:

a. kichik va oʻrta biznesning yalpi ichki mahsulotdagi ulushini 55 foizga, sanoatda - 34 foizga, eksportda - 34 foizga va aholi bandligini taʻminlashda-75 foizga yetkazilishi;

b. kamida 600 nafar kichik va oʻrta biznes subʼektlarining yiriklashishiga koʻmaklashish orqali ularni “chempion” tadbirkorlarga aylantirilishi;

v) ichimlik va oqava suv, yoʻl, qurilish, kommunal xoʻjalik, utilizatsiya, migratsiya, madaniyat va ijtimoiy xizmatlarda kichik biznes ulushini kamida 2 baravarga oshirishi;

g) 100 nafardan koʻp ishchisi bor tadbirkorlik subʼektlari sonini 4 mingga yetkazilishi;

a. sanoatni jadal rivojlantirish boʻyicha loyiha ofislarini tashkil etish hisobiga kamida 100 ta kichik va oʻrta biznes subʼektlarida brend mahsulotlar ishlab chiqarishni yoʻlga qoʻyilishi;

b. kichik biznes subʼektlari ishtirokida kamida 200 ta startap loyihalarning amalga oshirilishi;

j) uzoq muddatli ijaraga berilgan 30 ming gektar ekin yer maydonida yuqori daromadli ekinlarni yetishtirish, 16 ta ixtisoslashgan agrokompaniya faoliyatini yoʻlga qoʻyish hamda 9 ta zamonaviy agrosanoat xoʻjaligini tashkil qilish inobatga olinsin va ijroga qaratilsin.

3.Belgilansinki, Dastur doirasida “chempion” tadbirkorlarga aylantiriladigan tashkilotlar roʻyxati shakllantirilib, unga quyidagi mezonlarga javob beradigan tadbirkorlik subʼektlarini kiritiladi:

a. har bir tuman (shahar) da kamida 2 tadan yillik aylanmasi 10 mlrd. soʻmdan yuqori boʻlgan va 50 tadan ortiq ish oʻrni yaratgan tadbirkorlik subʼektlari;

b. viloyat hududida yillik aylanmasi 100,0 mlrd. soʻmdan yuqori boʻlgan va 5 mingdan ortiq ish oʻrnini yaratgan tadbirkorlik subʼektlari.

v) respublika darajasida - yillik aylanmasi 1 trln. soʻmdan yuqori boʻlgan va 5 mingdan ortiq ish oʻrnini yaratgan tadbirkorlik subʼektlari.

4. Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari (H.Nazarov), tuman soliq boʻlimi boshlig'i (A.Yusupov), Oʻzbekiston Savdo-sanoat palatasi tuman boʻlimi boshligʻi bilan birgalikda, ikki oy muddatda “chempion” tadbirkorlarga aylantiriladigan tashkilotlar roʻyxatini shakllantirsin.

Kichik va oʻrta biznesni rivojlantirish boʻyicha tuman maslahat kengashining tarkibi 1-ilovaga asosan;

Kichik va oʻrta biznesni rivojlantirish boʻyicha tuman maslahat kengashining asosiy vazifalari 2-ilovaga asosan tasdiqlansin.

5.Mazkur qarorning bajarilishini nazorat qilish tuman hokimining moliya-iqtisodiyot va kambag'allikni qisqartirish masalalari bo'yicha birinchi o'rinbosari H. Nazarov zimmasiga yuklatilsin