Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son hamda Vazirlar Mahkamasining 2024-yil 9-fevraldagi “Suv yetkazib berish xizmati” davlat muassasalari faoliyatini tashkil etish chora-tadbirlari toʻgʻrisida”gi 79-sonli qarorlari ijrosini taʼminlash maqsadida 2024-yil yozgi sugʻorish mavsumi uchun Boʻstonliq tumani “Suv yetkazib berish xizmati” davlat muassasasi tomonidan tuman uchun 75,7 mln. m3 hajmdagi isteʼmol uchun suv limitlari hududlar va isteʼmolchilar kesimida ishlab chiqilib, xalq deputatlari tuman Kengashi tomonidan tasdiqlangan.

Tasdiqlangan suv limiti doirasida davlat muassasasi tomonidan isteʼmolchilarga jami 66,0 mln. m3 hajmda suv yetkazib berilgan.

Oʻtgan yil davomida tumanda faoliyat olib borayotgan “Livestock Agro Group” MCHJ, “Bekal Agro Invest”, “Sho'rbuloq Agro”, “Moxizar Maftun Buston” fermer xoʻjaliklari tomonidan belgilangan limitdan ortiq suv isteʼmol qilganliklari aniqlangan.

2024-2025-yillar kuzgi-qishki sugʻorish davrda tuman “Suv yetkazib berish xizmati” davlat muassasasi tomonidan 13,2 mln. m3 hajmda suv limitlari hududlar va isteʼmolchilar kesimida ishlab chiqilib, xalq deputatlari tuman Kengashi tomonidan tasdiqlangan.

Tumanda faoliyat olib borayotgan bir qator fermer xoʻjaliklari tomonlaridan katta hududlarda suv tejamkor texnologiyalarni joriy qilganliklari sababli, 2024-yil yozgi sugʻorish davrida 9,7 mln. m3 hajmdagi hamda 2024-2025-yillar kuzgi-qishki novegitatsiya davrida 10,0 mln. m3 hajmdagi suv iqtisod qilinishiga erishildi.

Oʻzbekiston Respublikasi Prezidentining 2020-yil 10-iyuldagi “Oʻzbekiston Respublikasi suv xoʻjaligini rivojlantirishning 2020 — 2030-yillarga moʻljallangan konsepsiyasini tasdiqlash toʻgʻrisida”gi PF-6024-sonli Farmoniga asosan suv yetkazib berish uchun moʻljallangan nasoslari “Davlat-xususiy sherikchilik” asosida bosqichma-bosqich energiya tejamkor nasoslarga oʻzgartirilib, elektr energiyasini iqtisod qilishga erishilmoqda.

Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qaroriga asosan Boʻstonliq tumani “Suv yetkazib berish xizmati” davlat muassasasining 2025-yil 3-apreldagi 82/02-67-sonli murojaati hamda muassasa direktori v.b. A. Muxutovning hisobotini tinglab, Xalq deputatlari tuman Kengashidagi Oʻzbekiston Ekologik partiyasi deputatlik guruhining 2025-yil 12-apreldagi 1-sonli murojaati hamda Agrar, qurilish, kommunal sohalar, ekologiya, sanoat va transport masalalari boʻyicha doimiy komissiya hamda Ijtimoiy soha, yoshlar siyosati, madaniyat va sport masalalari boʻyicha doimiy komissiyaning 2025-yil 16-apreldagi 03-04-03-DKQB/5-25-sonli Qoʻshma majlis bayonini inobatga olib, “Mahalliy davlat hokimiyati toʻgʻrisida”gi Qonunning 6-moddasiga muvofiq xalq deputatlari Boʻstonliq tumani Kengashi qaror qiladi:

1. Boʻstonliq tumani Suv yetkazib berish xizmati davlat muassasasi direktori v. b. A. Muxutovning qishloq xoʻjaligi yoʻnalishida yakuniy isteʼmolchilarga suv yetkazib berish boʻyicha amalga oshirgan ishlari hamda 2025-yil sugʻorish mavsumida Boʻstonliq tumani isteʼmolchilari kesimida suv limitini tasdiqlash toʻgʻrisidagi takliflari maʼlumot uchun qabul qilinsin.

2. Boʻstonliq tumanida 2025-yil sugʻorish mavsumi uchun suv limiti belgilangan isteʼmolchilar roʻyxati ilovaga muvofiq tasdiqlansin.

3. Tuman “Suv yetkazib berish xizmati” davlat muassasasi direktori v.b. A. Muxutovga:

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatish vazifalari yuklatilsin.

4. Tuman hokimining qishloq va suv xoʻjaligi masalalari boʻyicha oʻrinbosari B. Xalmatov tuman “Suv yetkazib berish xizmati” davlat muassasasi direktori v.b. A. Muxutov bilan birgalikda:

muassasa xodimlarining vazifalar taqsimotini qayta koʻrib chiqib, qoʻshimcha shtat birliklarini tashkil etish;

muassasaning moddiy-texnika bazasini mustahkamlash maqsadida, maxsus transport vositalar bilan taʼminlash;

hisob-kitoblar asosida tumandagi mavjud kanal va ariqlarni betonlashtirish xarajatlarini qoplash uchun qoʻshimcha moliyalashtirish;

tumandagi mavjud fermer xoʻjaliklari va qishloq xoʻjaligi yoʻnalishidagi korxonalarda bosqichma-bosqich suv tejovchi texnologiyalarni joriy qilish;

muassasa tomonidan amalga oshirilishi belgilangan ishlarni loyihalashtirish va ekspertizadan oʻtkazish muddatlarini qisqartirish yuzasidan takliflar ishlab chiqib, koʻrib chiqish uchun yuqori turuvchi tashkilotlarga taqdim etsinlar.

Amalga oshirilgan ishlar yuzasidan joriy yilning oktyabr oyida xalq deputatlari tuman Kengashida hisobot bersinlar.

4. Tuman hokimining qishloq va suv xoʻjaligi masalalari boʻyicha oʻrinbosari B. Xalmatov, tuman “Suv yetkazib berish xizmati” davlat muassasasi direktori v.b. A. Muxutov, Davlat soliq inspeksiyasi tuman boʻlimi boshligʻi Z. Zokirov isteʼmol qilingan suv miqdori hisobini yuritmagan (yuritishdan bosh tortgan) qishloq xoʻjaligi mahsulotlari ishlab chiqaruvchilari uchun suv soligʻi bazasi mazkur qarorning 2-bandida tasdiqlangan limitlarga nisbatan ikki barobar oshirilgan holda hisoblash choralarini koʻrsinlar.

5. Mazkur qaror ijrosini nazorat qilish xalq deputatlari Boʻstonliq tumani Kengashining Agrar, suv xoʻjaligi masalalari va ekologiya boʻyicha doimiy komissiyasi (M. Yulchiyev) zimmasiga yuklatilsin.