Т/р

Чора-тадбирлар

Амалга ошириш механизми

Ижро муддати

Масъул ижрочилар

I. Институт фаолиятини самарали ташкил этиш

1.

Миллий статистика қўмитаси ҳузуридаги Кадрлар малакасини ошириш ва статистик тадқиқотлар институтининг (кейинги ўринларда — Институт) ўқув ва илмий фаолиятини самарали ташкил этиш, инновацион муҳитни яратиш орқали рақобатбардошлиги ошириш бўйича ташкилий чора-тадбирларни амалга ошириш.

1. Институтнинг таълим муассасалари учун белгиланган нормативларга мувофиқ ташкилий тузилмаси ва штатлар жадвалини ишлаб чиқиш ва тасдиқлаш.

2025 йил март

Миллий статистика қўмитаси,

Институт,

Олий таълим, фан ва инновациялар вазирлиги,

Рақамли технологиялар вазирлиги

2. Институт Уставини қайта ишлаб чиқиш, тасдиқлаш ва белгиланган тартибда давлат рўйхатидан ўтказиш, янги тузилмага мувофиқ таркибий бўлинмалар тўғрисидаги низомларни ва лавозим йўриқномаларини ишлаб чиқиш ва тасдиқлаш.

2025 йил март

3. Институт кафедралари ва бошқа таркибий бўлинмаларини малакали профессор-ўқитувчилар, етарли тажрибага эга бўлган илмий ва бошқа ходимлар билан тўлдириш.

2025 йил март

4. Ўқув жараёнларини рақамли технологиялар асосида ташкил этиш, илмий тадқиқот ва маълумотларни таҳлил қилиш учун инновацион муҳитни яратиш, статистика ва АКТ соҳасида олимлар ва амалиётчилар ўртасидаги ҳамкорликни рағбатлантириш ҳамда Институтнинг рақобатбардошлигини ошириш мақсадида Жаҳон банкининг «Ўзбекистон статистика тизими салоҳиятини мустаҳкамлаш» лойиҳасини амалга ошириш учун ажратилган маблағлар ҳисобидан «Рақамли статистика» илмий — амалий лабораториясини ташкил этиш.

5. «Рақамли статистика» илмий-амалий лабораторияси учун етарли майдонга эга бўлган хона ажратиш, тегишли тартибда жиҳозлаш учун зарур бўлган мебель, кўргазмали материаллар ва техник воситалар ва дастурий таъминот билан таъминлаш.

2025 йил март

2.

Институтнинг ўқув ва илмий тадқиқот, шу жумладан фундаментал статистик тадқиқотларини амалга ошириш йўналишидаги фаолиятини янада такомиллаштириш.

1. Халқаро тажрибага асосан қайта тайёрлаш, малака ошириш ва мустақил таълим олиш орқали статистика соҳасида кадрларнинг касбий билим ва кўникмаларини узлуксиз ривожлантириш тизимини такомиллаштириб бориш, шунингдек, фундаментал статистика тадқиқотларини амалга ошириш юзасидан таклифлар тайёрлаш бўйича Институт ҳузурида ўз ишини жамоатчилик асосида амалга оширадиган ва доимий фаолият юритувчи Экспертлар кенгашини тузиш.

2025 йил апрель

Миллий статистика қўмитаси,

Институт,

Олий таълим, фан ва инновациялар вазирлиги

2. Институт ҳузурида доимий фаолият юритадиган Экспертлар кенгашининг таркибини (Миллий статистика қўмитаси, Институт, турдош олий таълим ва илмий — тадқиқот муассасаларининг тажрибали вакилларидан иборат) ва унинг низомини ишлаб чиқиш ва тасдиқлаш.

2025 йил апрель

II. Тизим ходимларининг касбий билим ва кўникмаларини узлуксиз ошириб бориш тизимини ташкилий-ҳуқуқий жиҳатдан такомиллаштириш

3.

«Давлат фуқаролик хизмати тўғрисида»ги Қонун ва Янги Ўзбекистон маъмурий ислоҳотлари талабларига мувофиқ Миллий статистика қўмитаси тизимида ходимларнинг малака ошириш, қайта тайёрлаш ва мустақил таълим олиш асосида ўз касбий билим ва кўникмаларини узлуксиз ошириб боришнинг самарали тизимини йўлга қўйиш.

1. Қайта тайёрлаш, малака ошириш ва мустақил таълим олишни ўз ичига олувчи тизим ходимларининг касбий билим ва кўникмаларини узлуксиз ошириб бориш тизимини жорий этиш.

2025 йил март

Миллий статистика қўмитаси,

Институт,

Рақамли технологиялар вазирлиги

2. Тизим ходимларининг мустақил таълим олиш орқали ўз касбий билим ва кўникмаларини ошириш натижаларини баҳолаш ва рағбатлантириш тизимини жорий этиш.

2025 йил апрель

3. Ўқув жараёнларини рақамли технологиялар асосида ташкил этиш ва мониторинг қилиш имкониятини яратиш мақсадида махсус электрон платформани ишлаб чиқиш ва ишга тушириш.

2025 йил апрель

4. Миллий статистика қўмитаси тизими ходимларини қайта тайёрлаш ва уларнинг малакасини ошириш тизими учун замонавий, шу жумладан, электрон форматдаги ўқув материалларини яратиш.

Доимий

5. Миллий статистика қўмитаси тизими ходимлари учун жаҳон илмий-техник маълумотларнинг электрон ахборот ресурсларидан фойдаланиш имкониятини таъминлаш.

2025 йил апрель

4.

Миллий статистика қўмитаси тизими ходимларини қайта тайёрлаш, уларнинг малакасини ошириш ва мустақил таълим олиши бўйича мавжуд норматив-ҳуқуқий базани такомиллаштириш.

1. «Расмий статистика тўғрисида» ва «Давлат фуқаролик хизмати тўғрисида»ги қонунларга мувофиқ ходимларни қайта тайёрлаш ва малакасини ошириш фаолиятини тартибга солувчи қуйидаги меъёрий-ҳуқуқий ҳужжатларни ишлаб чиқиш (қайта кўриб чиқиш) ва тасдиқлаш:

Расмий статистика соҳасида кадрларнинг касбий малака, билим ва кўникмаларини узлуксиз равишда ошириб бориш тартиби тўғрисида низом;

Расмий статистика соҳасида кадрларни қайта тайёрлаш ва уларнинг малакасини ошириш курслари тўғрисида низом;

Миллий статистика қўмитаси тизимида қайта тайёрлаш ўқув курслари битирувчиларининг якуний давлат аттестацияси тўғрисида низом;

Расмий статистика соҳасида кадрларни масофадан қайта тайёрлаш ва уларнинг малакасини ошириш тартиби;

Расмий статистика соҳасида мустақил таълим олган кадрлар ва малака ошириш курслари битирувчиларининг билимини баҳолаш тартиби.

2025 йил май

Миллий статистика қўмитаси,

Институт,

Адлия вазирлиги,

Олий таълим, фан ва инновациялар вазирлиги,

Иқтисодиёт ва молия вазирлиги

2. Кадрлар малакасини ошириш ва статистик тадқиқотлар институти профессор-ўқитувчиларининг ўқув, ўқув-услубий, илмий-тадқиқот, ташкилий-услубий ва маънавий-маърифий иш турлари ҳажмини ҳисоблаш қоидаларини қайта кўриб чиқиш ва тасдиқлаш.

2025 йил апрель

III. Институтнинг кадрларни қайта тайёрлаш ва уларнинг малакасини ошириш, статистика бўйича саводхонлигини ошириш юзасидан фаолиятини такомиллаштириш

5.

Миллий статистика қўмитаси ходимларини қайта тайёрлаш ва малакасини ошириш тизимини тўлиқ қайта кўриб чиқиш ва «Расмий статистика тўғрисида» ва «Давлат фуқаролик хизмати тўғрисида»ги қонунлар ва янги Ўзбекистон маъмурий ислоҳотлари талаблари асосида такомиллаштириш.

1. Тизим ходимларини касбий қайта тайёрлаш ва уларнинг малакасини ошириш жараёнларида замонавий ўқитиш услублари ва таълим воситалари, жумладан, виртуал моделлар, интерфаол технологиялар ёрдамида сифатли таълимни ташкил этиш.

Доимий

Миллий статистика қўмитаси,

Институт,

Рақамли технологиялар вазирлиги,

Олий таълим, фан ва инновациялар вазирлиги,

Иқтисодиёт ва молия вазирлиги

2. Институтда қайта тайёрлаш ва малака ошириш курсларини тўлиқ қайта кўриб чиқиш ва хориж, айниқса, Корея тажрибаси асосида келгусида янгидан ташкил этиладиган курслар бўйича таклиф тайёрлаш.

2025 йил май

3. Тармоқлар статистикаси услубиёти ва амалиёти ҳамда АКТ йўналиши бўйича амалдаги малака ошириш курслари ўқув дастурига катта ҳажмдаги маълумотлар (Big data)ни қайта ишлаш ва таҳлил қилиш, рақамли технологияларга (булутли ҳисоблаш, сунъий интеллект, блокчейн, буюмлар Интернет, мобил, виртуал рекаллик) доир мавзуларни киритиш ва тингловчиларга ўргатиш.

2025 йилдан бошлаб

4. Тизим ходимларига STATA амалий-дастурий пакетидан фойдаланишни ўргатиш мақсадида алоҳида махсус ўқув курсини ташкил этиш, ўқув машғулотларини ўтиш учун тажрибали мутахассис жалб этиш.

2025 йилдан бошлаб

5. Тизим ходимларининг рақамли иқтисодиёт технологиялари бўйича малакасини ошириш мақсадида «Рақамли иқтисодиётда катта ҳажмдаги маълумотлар (Big data) ва сунъий интеллект» ўқув курсини ташкил этиш.

2025 йилдан, доимий

6. Институтда ташкил этиладиган қайта тайёрлаш ва малака ошириш курсларида амалиётга доир дарсларни ўтказишга, Миллий статистика қўмитаси тармоқ бошқармаларининг илмий даражали (ёки магистр даражасига эга) ва катта тажрибага эга бўлган раҳбар ва етук мутахассис ходимларини қонунчиликда белгиланган тартибда жалб этиш.

Доимий

6.

Қайта кўриб чиқилган ва янгидан ташкил этиладиган малака ошириш курслари бўйича ўқув-услубий материалларни сифатли тайёрлаш ва уларнинг электрон базасини шакллантириш.

1. Қайта кўриб чиқилган ва 2025 йилдан бошлаб янгидан ташкил этиладиган малака ошириш курслари бўйича:

ўқув режалари ва ўқув дастурларини илғор хориж тажрибасини ҳам инобатга олган ҳолда тўлиқ қайта ишлаб чиқиш ва белгиланган тартибда тасдиқлаш;

ўқув-услубий материаллар (ўқув мавзулари бўйича маъруза матнлари ва тақдимот материаллари, адабиётлар, амалий топшириқлар, тест саволлари)ни сифатли тайёрлаш, уларнинг электрон базасини шакллантириш ва тингловчилар томонидан мустақил танишишларини таъминлаш мақсадида институт сайтига жойлаштириш.

2025 йил апрель

Миллий статистика қўмитаси,

Институт

2. Қайта тайёрлаш ва тегишли малака ошириш курслари тингловчилари учун ўқув қўлланмаларини тайёрлаш.

Доимий

7.

Тизим ходимларини қайта тайёрлаш ва уларнинг малакасини ошириш курсларининг самарадорлиги ҳамда статистика амалиёти билан боғлиқлигини таъминлаш орқали таълим сифатини яхшилаш.

1. «Таълим тўғрисида»ги Қонунга мувофиқ Олий таълим, фан ва инновациялар вазирлиги томонидан ишлаб чиқиладиган ва тасдиқланадиган комплекс ва махсус давлат аккредитацияси ҳужжатлари асосида Институт фаолиятини ички баҳолашдан ўтказиш ва натижалари бўйича Институтда таълим жараёни сифатини ҳамда самарадорлигини ошириб бориш юзасидан аниқ чора-тадбирларни белгилаш ва амалга ошириш.

2025 йил май,

йил давомида

Миллий статистика қўмитаси,

Институт,

Олий таълим, фан ва инновациялар вазирлиги

2. Институтда ташкил этиладиган ўқув курсларининг сифати ва самарасини ошириш ҳамда статистика амалиёти билан боғлиқлигини таъминлаш мақсадида профессор-ўқитувчиларнинг Миллий статистика қўмитаси марказий аппаратида ҳам амалий стажировка ўташларини жорий этиш.

Алоҳида режа асосида

3. Қайта тайёрлаш ва малака ошириш ўқув курсларининг алоҳида амалиёт машғулотларини Миллий статистика қўмитасининг тегишли тармоқ статистика бошқармаларида ҳамда Тошкент шаҳар ва Тошкент вилояти статистика бошқармаларида ташкил этишни йўлга қўйиш.

Ўқув курси давомида

4. Тармоқ статистикаси услубиёти ва амалиёти бўйича ташкил этиладиган малака ошириш ўқув курсларининг алоҳида машғулотларини тегишли корхона ва ташкилотлар фаолияти билан танишиш орқали ташкил этишни йўлга қўйиш.

Ўқув курси давомида

8.

Тизим ходимларини тегишли тайёргарликдан ўтказиш ва натижаси бўйича тест синови топширишларини ташкил этиш.

1. Агентлик билан биргаликда тегишли тайёргарликдан ўтадиган ва натижаси бўйича тест синовини топширадиган ходимлар рўйхатини аниқлаштириш, босқичма-босқич ўқитиш режа-графигини ишлаб чиқиш.

2025 йил март

Миллий статистика қўмитаси,

Институт

2. Ходимларни тегишли тайёргарликдан ўтказиш бўйича ташкил этиладиган ўқув машғулотларининг ўқув материалларини ишлаб чиқиш, тасдиқлаш ва тизим ходимларига етказиш.

2025 йил март

3. Аниқланган рўйхат ва тасдиқланган режа-графикка мувофиқ ўқув дастури бўйича тизим ходимларини босқичма-босқич статистика методологияси ва амалиёти, миллий статистика тизимининг халқаро стандартларга мослиги ҳамда уни такомиллаштириш ва ривожлантириш масалаларига доир тегишли тайёргарликдан ўтказиш ва натижаси бўйича тест синовини топширишларини ташкил этиш.

2025 йил апрель

9.

Давлат органлари ва ташкилотлари, шу жумладан, республика ва маҳаллий ижро этувчи ҳокимият органлари ҳамда хўжалик бирлашмалари, респондентлар, шу жумладан, тадбиркорлик субъектлари ходимларининг статистика соҳасидаги касбий маҳоратини ошириш.

1. Институтда республика ва маҳаллий ижро этувчи ҳокимият органлари, давлат ташкилотлари ҳамда хўжалик бирлашмаларининг идоравий статистикани юритиш, кузатувлар ўтказиш ҳамда Очиқ маълумотлар портали билан ишлашга масъул ходимларининг ҳар икки йилда бир марта соҳага оид малакасини ошириш учун шартнома асосида «Статистика асослари» (36 соатлик) ўқув курсини ташкил этиш, ўқув курсининг ўқув режаси ва дастурини ишлаб чиқиш ва тасдиқлаш.

2025 йилдан дастур ва режа-графикка асосан

Миллий статистика қўмитаси,

Институт,

Олий таълим, фан ва инновациялар вазирлиги

2. Миллий статистика тизимига кирувчи расмий статистикани тайёрловчилар, маъмурий статистикани етказиб берувчиларнинг ноиқтисодий олий маълумотга эга бўлган ходимлари учун Институтда ташкил этиладиган қайта тайёрлаш ва малака ошириш курсларида шартнома асосида иштирок этишларига учун шароит яратиш.

2025 йилдан, дастур асосида

3. Статистика ҳисоботларини топширувчилар, жумладан, тадбиркорлик субъектлари ходимларининг статистика бўйича саводхонлигини ва ҳисоботларни тўлдириш бўйича кўникмаларини ошириб бориш мақсадида:

Институт томонидан статистика йўналишида шартнома асосида қисқа муддатли (20 соатлик) сайёр ўқув курсларини ташкил этиш;

сайёр ўқув курсларини ўтказиш бўйича режа-графикни тузиш;

ўқув курсининг ўқув дастурини ишлаб чиқиш ва тасдиқлаш;

тасдиқланган режа-графикка ва ўқув дастурига асосан шартнома асосида ходимларни ўқитишни (шу жумладан, масофадан ўқитиш шаклида) ташкил этиш ва ўтказиш.

2025 йилда ва доимий, алоҳида режа-график асосида

IV. Институтнинг статистик тадқиқотлар, илмий ва инновацион ишларни амалга ошириш бўйича фаолиятини такомиллаштириш

10.

Миллий статистика методологияси ва амалиётини халқаро стандартларга мувофиқлаштириш бўйича Миллий статистика қўмитаси буюртмаси асосида статистика тадқиқотлари ва инновацион ишланмаларни амалга ошириш ишларини такомиллаштириш.

1. Миллий статистика услубиёти ва амалиётини халқаро тажриба ва тавсияларга мувофиқ, шу жумладан, устувор халқаро рейтинг ва индексларда Ўзбекистоннинг кўрсаткичларини яхшилаш, миллий БРМлари индикаторларининг методологиясини такомиллаштириш мақсадида, Миллий статистика қўмитасининг Кадрлар малакасини ошириш ва статистик тадқиқотлар институти томонидан 2025 — 2027 йилларда амалга ошириладиган статистик тадқиқотлар дастурини ишлаб чиқиш ва тасдиқлаш.

2025 йил апрель

Миллий статистика қўмитаси,

Институт,

Иқтисодиёт ва молия вазирлиги

2. Статистик тадқиқотлар дастурига киритилган тадқиқот ишларини бажаришда халқаро стандартлар ва илғор хорижий тажрибаларни мукаммал ўрганиб чиқиш ва улар асосида миллий статистика методологияси ва амалиётини такомиллаштириш бўйича аниқ таклифлар ва тавсиялар ишлаб чиқиш.

Тадқиқот ишини бажариш давомида

3. Статистика соҳасида сифатли илмий тадқиқотларни ривожлантириш мақсадида соҳа йўналиши бўйича маҳаллий ва хорижий олий таълим ва илмий-тадқиқот муассасалари билан меморандумлар имзолаш ва доимий самарали ҳамкорликни йўлга қўйиш.

2025 йил ва келгусида доимий

4. Статистика методологияси ва амалиётини халқаро стандартларга тўлиқ мослаштиришдаги мавжуд муаммоли масалалар бўйича статистика тадқиқотларини сифатли амалга ошириш, миллий статистика амалиётига илғор халқаро тажрибалар ҳамда инновацион ишланмаларни жорий этиш, бу жараёнга илмий фаолият билан шуғулланувчи етук олимлар ва соҳа мутахассисларини кенг жалб этиш.

Дастур асосида

5. Корея Республикасининг Статистик тадқиқотлар институтининг статистика йўналишида илмий фаолиятни амалга ошириш тажрибасини ўрганиш ва ҳамкорликда илмий-тадқиқотларни (фундаментал, амалий, инновацион) амалга ошириш механизмини яратиш.

2025 йил давомида

11.

Республика ва маҳаллий ижро этувчи ҳокимият органлари, давлат ташкилотлари, хўжалик бирлашмалари ҳамда корхоналар ва ташкилотлар буюртмалари бўйича шартнома асосида амалга ошириладиган статистик тадқиқотларини кенгайтириш.

1. Институт Уставига мувофиқ, республика ва маҳаллий ижро этувчи ҳокимият органлари, давлат ташкилотлари ҳамда хўжалик бирлашмалари, шунингдек, корхоналар ва ташкилотлар билан тегишли соҳанинг муаммоли масалалари бўйича ҳар йили илмий тадқиқот ишларини амалга ошириш ва ахборот-таҳлилий хизматлар кўрсатиш бўйича шартномалар тузиш.

2025 йилдан бошлаб доимий

Миллий статистика қўмитаси,

Институт,

Олий таълим, фан ва инновациялар вазирлиги

2. Шартнома асосидаги буюртмалар бўйича олиб бориладиган илмий-тадқиқот ишларини амалга оширишга институт профессор-ўқитувчилари ва илмий ходимларини, докторант ва мустақил изланувчиларни, зарур ҳолларда ҳамкор олий ва илмий-тадқиқот муассасалари олимларини ва халқаро ташкилотлар соҳа мутахассисларини кенг жалб этиш.

Илмий-тадқиқот ишини бажаришда

3. Шартнома асосида бажариладиган алоҳида илмий-тадқиқот ишлари натижаларини тижоратлаштиришга ўтиш.

2025 йилдан бошлаб

12.

Институтда илмий-инновацион фаолият самарадорлигини ва илмий-тадқиқот ишлари сифатини ошириш.

1. Институт профессор-ўқитувчилари, илмий ходимлари, докторантлари ва мустақил изланувчиларининг Давлат илмий-техника дастурлари доирасидаги фундаментал, амалий ва инновацион ҳамда стартап тадқиқотлар лойиҳалари танловларида фаол иштирок этишини таъминлаш ва рағбатлантириш орқали илмий тадқиқотларни фаоллаштириш.

2025 йилдан бошлаб доимий

Миллий статистика қўмитаси,

Институт,

Олий таълим, фан ва инновациялар вазирлиги

Рақамли технологиялар вазирлиги

Иқтисодиёт ва молия вазирлиги

2. Профессор-ўқитувчилар ва илмий ходимларнинг илмий-тадқиқот йўналишидаги самарали фаолиятини баҳолаш ва рағбатлантириш тизимини жорий этиш орқали Институтда илмий фаолиятни бошқариш ва унинг самарадорлиги ва натижадорлигини ошириш.

2025 йил апрель

3. Миллий статистика методологияси ва амалиётининг халқаро тавсияларга мослиги, рақамли иқтисодиёт, сунъий интеллект, катта ҳажмдаги маълумотлар (Big data) бўйича долзарб мавзуларда мақолалар, монография ва илмий рисолалар чоп этиш, докторлик диссертацияси ишларини бажариш ва натижаларини тизим амалиётига жорий қилиш.

2025 йилдан бошлаб доимий

4. Институтнинг халқаро илмий нашрлар базаларига (Web of Science, Springer Nature, EBSCO ва бошқалар) уланишига ва профессор-ўқитувчилар, илмий ходимлар, докторантларларнинг улардан фаол фойдаланишларига кўмаклашиш.

2025 йилдан бошлаб доимий

5. Институтда ҳар йили статистика, иқтисодиёт ва рақамли технологияларга доир долзарб муаммоларга бағишланган республика ва халқаро миқёсдаги илмий-амалий конференцияларни ташкил этиш.

Ҳар йили

13.

Ўзбекистоннинг устувор халқаро рейтинг ва индекслардаги кўрсаткичларини яхшилаш, БРМлари глобал индикаторлари асосида тегишли миллий индикаторларни такомиллаштириш ва кўрсаткичлар методологиясини ишлаб чиқиш ҳамда бу жараёнда илмий салоҳият ва амалий фаолият уйғунлигини таъминлаш.

1. Вазирликлар, идоралар, давлат ташкилотлари ҳамда маҳаллий ижро этувчи ҳокимият органлари билан шартномага мувофиқ уларнинг расмий статистикани тайёрлаш, маъмурий маълумотлар билан ишлаш ва Очиқ маълумотлар порталида эълон қилинадиган маълумотларни шакллантириш бўйича услубиятларини баҳолаш ва халқаро тавсияларга мувофиқ такомиллаштириш лойиҳаларини ишлаб чиқиш.

2025 йилдан бошлаб, ҳар йили

Миллий статистика қўмитаси, Институт,

Иқтисодиёт ва молия вазирлиги

2. Миллий БРМ индикаторлари учун масъул давлат органлари билан биргаликда тегишли индикаторлар бўйича мавжуд методологияни, шунингдек, маълумотларни йиғиш учун махсус кузатувлар ўтказиш фаолиятини такомиллаштириш бўйича алоҳида лойиҳаларни ишлаб чиқиш ва амалга оширилишини ташкил этиш.

2025 йилдан бошлаб, ҳар йили

3. Устувор халқаро рейтинг ва индекслар ҳамда миллий БРМ индикаторлари бўйича статистика соҳасига тегишли долзарб муаммоларни ўрганишга доир илмий-тадқиқот ишлари учун белгиланган тартибда давлат буюртмасини шакллантириш ва ҳар йили илмий фаолиятга оид давлат дастурлари доирасида танлов эълон қилиб бориш.

Ҳар йили

V. Институт ҳузуридаги Олий таълимдан кейинги таълим институти фаолиятининг самарадорлигини ошириш

14.

Институт ҳузуридаги Олий таълимдан кейинги таълим институти фаолиятини самарали ташкил этиш, илмий кенгашлар ва диссертациялар ҳимоялари тизимини халқаро тажрибага мувофиқлаштириш.

1. Институт ҳузуридаги 08.00.06 — «Эконометрика ва статистика» ва 08.00.14 — «Иқтисодиётда ахборот тизимлари ва технологиялари» ихтисосликлари бўйича илмий даражалар берувчи илмий кенгаш фаолиятининг самарадорлигини ошириш.

Доимий

Миллий статистика қўмитаси,

Институт,

Олий таълим, фан ва инновациялар вазирлиги

2. Илм-фан ва амалиётнинг интеграциясига эришиш, миллий ва халқаро статистика методологияси ва амалиётига доир мавжуд муаммоли мавзуларда илмий ишларни бажариш ва натижаларини амалиётга жорий қилиш.

Илмий ишлар натижаси бўйича

3. Таянч докторантура (PhD), докторантура (DSc) ва мустақил изланувчиликда таҳсил олаётган илмий изланувчилар илмий фаолияти ва диссертация ишлари ҳимояси бўйича мунтазам мониторинг юритиш орқали 2024 йилда ва келгусида олий таълимдан кейинги таълим самарадорлигини ошириш.

Доимий

4. Докторлик диссертациялари мавзуларини статистика методологияси ва амалиёти, ижтимоий-иқтисодий жараёнларни статистик ва иқтисодий таҳлил қилиш, эконометрик моделлаштириш ва прогнозлаштириш, рақамли технологиялар ва сунъий интеллектга доир долзарб мавзуларда шакллантириш.

Доимий

15.

Институт профессор-ўқитувчилари ва илмий ходимлари, шунингдек, илмий изланувчиларга самарали илмий-тадқиқот ишларини олиб боришлари учун зарур шароитларни яратиш.

1. Институтда докторантлар ва мустақил изланувчиларнинг самарали илмий-тадқиқот ишларини олиб боришлари учун зарур шароитларни (жиҳозланган хона, интернетга уланган компьютер, принтер ва бошқалар) яратиб бериш, шунингдек, алоқадор олий таълим ва илмий-тадқиқот муассасалари лабораторияларидан фойдаланишда амалий ёрдам кўрсатиш.

Доимий

Миллий статистика қўмитаси,

Институт,

Олий таълим, фан ва инновациялар вазирлиги,

Рақамли технологиялар вазирлиги

2. Институт профессор-ўқитувчилари ва илмий ходимлари, шунингдек, илмий изланувчиларда халқаро илмий нашрлар базаларидан эркин фойдаланиш кўникмаларини шакллантириш, уларга тадқиқот доирасида юқори иқтибосли илмий нашрларни кузатиб бориш, нуфузли илмий журналларда илмий-тадқиқот натижаларини чоп этиш, тадқиқот йўналиши бўйича халқаро даражадаги таниқли олимларнинг илмий тадқиқотлари билан бевосита танишиш имкониятини яратиш мақсадида Жаҳон банкининг «Ўзбекистон статистика тизими салоҳиятини мустаҳкамлаш» лойиҳасини амалга ошириш учун ажратилган маблағлар ҳисобидан «Халқаро илмий нашрлар электрон кутубхонаси»ни ташкил этиш.

2025 йил март

3. «Халқаро илмий нашрлар электрон кутубхонаси» учун хона ажратиш, тегишли моддий-техника қимматликлари билан жиҳозлаш, Интернет тезлигини ошириш, дастурий таъминот билан таъминлаш.

2025 йил март

VI. Институтнинг маҳаллий ва халқаро ҳамкорлигини кенгайтириш

16.

Институтнинг фаолият йўналиши бўйича маҳаллий ва хорижий олий таълим ва илмий-тадқиқот муассасалари билан ҳамкорлик алоқаларини кенгайтириш.

1. Миллий статистика қўмитаси тизими ходимларини қайта тайёрлаш ва малакасини ошириш, статистика методологияси ва амалиётининг долзарб масалаларида статистик тадқиқотларни амалга ошириш бўйича Институт фаолиятини такомиллаштириш мақсадида:

илғор маҳаллий ва хорижий олий таълим ва илмий-тадқиқот муассасалари билан ҳамкорликни кенгайтириш;

тузилган ҳамкорлик шартномалари доирасида ҳамкор муассасалар ўртасида самарали тажриба алмашишни йўлга қўйиш ва шу асосида институт фаолиятини такомиллаштириб бориш бўйича таклифлар ишлаб чиқиш.

Доимий

Миллий статистика қўмитаси,

Институт,

Олий таълим, фан ва инновациялар вазирлиги,

Рақамли технологиялар вазирлиги,

Иқтисодиёт ва молия вазирлиги

2. Корея статистика бошқармасининг Статистика тренинг институти ва Статистик тадқиқотлар институти билан имзоланган уч томонлама ҳамкорлик меморандумига мувофиқ Корея тажрибаси асосида:

Институт фаолиятини тубдан такомиллаштириш бўйича таклифлар ишлаб чиқиш, амалиётга жорий этишнинг аниқ чораларини белгилаш;

ўқув дастурларини янгилаш, ўқув жараёнларига хорижий илмий педагогларни (шу жумладан, видеоконференцалоқа орқали) жалб қилиш;

ўқув жараёнларини сифатли ташкил этиш мақсадида онлайн малака ошириш курслари учун электрон платформа яратиш ва ишга тушириш;

қўшма тадқиқот лойиҳаларини амалга ошириш.

Ҳамкорлик меморандуми доирасида

3. Ўзаро ҳамкорлик шартномалари доирасида:

Институтда хорижий ҳамкорлар учун малака ошириш ва стажировка имкониятларини таклиф этиш, хориждан докторантурада ўқиш, мустақил изланувчи сифатида фаолият кўрсатиш, илмий тадқиқотлар олиб бориш, малака ошириш, стажировкадан ўтиш механизмини яратиш;

хорижий ва маҳаллий ҳамкор олий таълим ва илмий-тадқиқот муассасалари билан янги ўқув адабиётларини тайёрлаш ва мавжуд ресурслардан фойдаланиш борасида ҳамкорликни кучайтириш;

малака ошириш, стажировка ўташ, махсус курсларни йўлга қўйиш бўйича лойиҳаларни амалга ошириш;

халқаро конференция, илмий-амалий семинар, вебинар ва давра суҳбатларини ташкил этиш, илмий конференциялар тўпламларини индексациядан ўтказиш бўйича шартларни ўрганиб чиқиш;

мавжуд ўқув, илмий, услубий ресурслардан фойдаланиш.

Доимий

4. Институт фаолиятини ривожлантириш ва бюджетдан ташқари маблағлар тушумини кўпайтириш мақсадида:

халқаро ташкилотлар ва жамғармалар билан ҳам ҳамкорликни кучайтириш ва шу орқали грант ва беғараз ёрдам кўринишидаги маблағларни жалб қилиш;

профессор-ўқитувчилар, илмий ходимлар ва докторантларнинг хорижий грантлар танловларида иштирок этишини йўлга қўйиш.

Доимий

VII. Институтнинг моддий-техник базасини мустаҳкамлаш йўналишида

17.

Институт ва унинг ҳузуридаги меҳмонхона туридаги ётоқхонанинг моддий-техник базасини мустаҳкамлаш ва самарали фаолият юритишини таъминлаш.

1. Институт ўқув биносининг мажлислар зали ва ётоқхона биносини капитал таъмирлаш, реконструкция қилиш ва жиҳозлаш.

2025 йил давомида

Миллий статистика қўмитаси,

Институт,

Қурилиш ва уй-жой коммунал хўжалиги вазирлиги,

Олий таълим, фан ва инновациялар вазирлиги,

Иқтисодиёт ва молия вазирлиги

2. Институт фаолиятини трансформация қилиш жараёнида унинг тегишли моддий-техник воситалар (компьютер ва бошқа ташкилий техника, мебель ва бошқалар) билан жиҳозланганлик ҳолатини хатловдан ўтказиш ва қўшимча талаб этиладиган техник воситалар ва жиҳозлар бўйича аниқ рўйхатни шакллантириш.

2025 йил давомида

3. Институт Ахборот-ресурс марказини Институтнинг бюджетдан ташқари маблағлари ҳисобидан тегишли равишда жиҳозлаш, Миллий кутубхона, олий таълим муассасалари АРМлари электрон базасига улаш, шунингдек, китоблар, адабиётлар, газета ва журналлар, статистика тўпламлари билан таъминлаш.

Доимий

4. Институт аудиторияларини зарур мебеллар, ўқув-лаборатория ускуналари, видеоконференцалоқа қурилмалари, проектор ва бошқа инвентарлар, шунингдек, кўргазма материаллар (соҳа бўйича қонун, Президент фармонлари, қарорлари, ҳукумат қарорлари, Миллий статистика қўмитаси тўғрисида низом, мамлакат макроиқтисодий кўрсаткичлар ва халқаро рейтинглардаги ўрни ва бошқалар) билан жиҳозлаш.

2025 йил давомида

5. Институтда тармоқ статистикаси услубиёти ва амалиёти бўйича малака ошириш курсларининг амалиёт бўйича машғулотларини ўтказиш учун махсус аудитория ташкил этиш, уни талаб асосида жиҳозлаш (статистика ҳисоботлари шакллари, уларни тўлдириш бўйича кўрсатмалар, услубий қўлланмалар, eStat-4 дастурининг ишлаш схемаси, статистика бюллетенлари ва тўпламлар акс этган стендлар ва бошқалар).

2025 йил давомида

VIII. Тизим ходимларини касбий малака, билим ва кўникмаларини ривожлантириш ҳамда коррупцияга қарши курашиш бўйича ҳуқуқий билим ва кўникмаларини ошириш

18.

Тизим ходимларининг касбий малака, билим ва кўникмаларини ривожлантиришнинг бошқа шакллари сифатида амалий ва илмий семинарлар, вебинарлар, тренинг ва маҳорат дарслари, давра суҳбатлари ҳамда амалий фаолиятга доир тест синовларини ташкил этишни йўлга қўйиш.

1. Ходимларнинг фаолият соҳаси бўйича касбий малака, билим ва кўникмаларини мунтазам ривожлантириб бориш мақсадида тармоқлар ва ҳудудлар статистикаси услубиёти ва амалиёти ҳамда халқаро стандартлар бўйича ҳар чоракда вебинар шаклида машғулотлар ташкил этиш, натижалари бўйича амалий фаолиятга доир тест синовларини ўтказиш.

2025 йил февралдан бошлаб

Миллий статистика қўмитаси,

Институт,

Олий таълим, фан ва инновациялар вазирлиги

2. Тизим ходимларининг касбий малака, билим ва кўникмаларини узлуксиз ошириб бориш мақсадида Миллий статистика қўмитасининг тармоқ бошқармалари ва ҳамкор муассасалар билан биргаликда Институтда миллий статистика методологияси ва амалиёти, тармоқлар статистикаси, халқаро статистика, статистика амалиётига рақамли технологияларни қўллаш, замонавий дастурий пакетлардан фойдаланиш масалалари бўйича илмий ва амалий семинарлар, тренинг ва маҳорат дарслари, давра суҳбатларини (анъанавий, масофавий ва сайёр шаклларда) ташкил этиш.

2025 йил март ва келгусида доимий, режа асосида

3. Ташкил этиладиган илмий ва амалий семинарлар, тренинг ва маҳорат дарслари, давра суҳбатлари самарасини ошириш мақсадида Миллий статистика қўмитасининг тармоқ статистика бошқармалари раҳбар ва етук мутахассисларини, соҳа бўйича таниқли олимлар ва амалиётчиларни таклиф этиш.

Тадбир дастури асосида

19.

Институтда коррупция ва уни юзага келтирувчи омилларнинг олдини олиш, тизим ходимларининг коррупцияга қарши кураш бўйича ҳуқуқий билим ва кўникмаларини ошириш.

1. Институтда коррупциянинг олдини олиш мақсадида коррупциявий хавф-хатарларни баҳолаш ва аниқланган хавф-хатарларни бартараф этиш бўйича тегишли чораларни белгилаш ва амалга ошириш.

Доимий

Миллий статистика қўмитаси,

Институт

2. Миллий статистика қўмитаси тизими ходимларининг коррупцияга қарши курашиш соҳасида ҳуқуқий билим ва амалий кўникмаларини ривожлантириш мақсадида, алоҳида малака ошириш курслари ўқув режаси ва дастурига коррупцияга қарши курашиш бўйича амалдаги қонунчилик ва чора-тадбирларга доир дарс соатларини киритиш.

2025 йилдан бошлаб