Ушбу Акт мақсадлари учун:

(i) «Гаага битими» саноат намуналарини халқаро депозитлаш тўғрисидаги Гаага битимини ифодалайди, ҳозирда Саноат намуналарини халқаро рўйхатдан ўтказиш тўғрисидаги Гаага битими деб қайта номланган;

(ii) «ушбу Акт» ушбу Акт билан расмийлаштирилган Гаага битимини ифодалайди;

(iii) «Йўриқнома» ушбу Актга Йўриқномани ифодалайди;

(iv) «кўрсатма берилган» Йўриқномада кўрсатма берилганлигини ифодалайди;

(v) «Париж конвенцияси» 1883 й. 20 мартда Парижда имзоланган Саноат мулкини муҳофаза қилиш бўйича Париж конвенциясини ифодалайди, қайта кўриб чиқишлар ва ўзгартишлар ҳисобга олинган ҳолда;

(vi) «халқаро рўйхатдан ўтказиш» ушбу Актга мувофиқ амалга оширилган саноат намунасини халқаро рўйхатдан ўтказишни ифодалайди;

(vii) «халқаро талабнома» халқаро рўйхатга олишга топширилган талабномани ифодалайди;

(viii) «халқаро реестр» халқаро рўйхатга олишлар ҳақидаги Халқаро бюро томонидан юритилувчи маълумотлар тўпламини ифодалайди, бунда ушбу маълумотларнинг ёзиб олиниши, уларнинг ўзлари сақланадиган ташувчидан қатъий назар, ушбу Акт ёки Йўриқномада талаб қилинади ёки рухсат ифодалайди;

(ix) «шахс» жисмоний ёки юридик шахсни ифодалайди;

(x) «талабнома берувчи» номидан халқаро талабнома топширилган шахсни ифодалайди;

(xi) «эгаси» номига Халқаро реестрда халқаро рўйхатдан ўтказиш тўғрисидаги ёзув амалга оширилган шахсни ифодалайди;

(xii) «ҳукуматлараро ташкилот» 27(1)(ii)-моддага мувофиқ ушбу Акт қатнашчиси бўлиш ҳуқуқига эга ҳукуматлараро ташкилотни ифодалайди;

(xiii) «Аҳдлашувчи томон» ушбу Акт иштирокчиси бўлган ҳар қандай давлат ёки ҳукуматлараро ташкилотни ифодалайди;

(xiv) «талабнома берувчининг Аҳдлашувчи томони» Аҳдлашувчи томонни ёки Аҳдлашувчи томонлардан бирини билдиради, бунда талабнома берувчида ушбу Аҳдлашувчи томонга нисбатан у 3-моддада кўрсатилган шартларнинг камида биттасини қониқтиргани туфайли, халқаро талабнома бериш ҳуқуқи вужудга келади; иккита ёки бир нечта Аҳдлашувчи томонлар мавжуд бўлиб, талабнома берувчида 3-моддага мувофиқ уларда халқаро талабнома бериш ҳуқуқи вужудга келиши мумкин бўлганида, «талабнома берувчининг Аҳдлашувчи томони» деганда, халқаро талабномада Аҳдлашувчи томон сифатда кўрсатилган томон тушунилади.

(xv) «Аҳдлашувчи томон ҳудуди», агар Аҳдлашувчи томон давлат бўлса, у ҳолда ушбу давлат ҳудудини билдиради, агар Аҳдлашувчи томон ҳукуматлараро ташкилот бўлса, у ҳолда ушбу ҳукуматлараро ташкилотни таъсис қиладиган шартнома қўлланаётган ҳудудни билдиради;

(xvi) «Идора» деб, Аҳдлашувчи томон тарафидан ушбу Аҳдлашувчи томон ҳудудида амал қилувчи саноат намуналарига муҳофаза тақдим этишни топширилган ташкилотни ифодалайди;

(xvii) «Экспертиза ўтказадиган идора», саноат намуналари камида янгилик шартини қай даражада қаноатлантиришини аниқлаш мақсадида саноат намуналарига муҳофаза тақдим этиш учун ушбу идорага топширилган талабномалар экспертизасини exofficio ўтказадиган Идорани ифодалайди;

(xviii) «кўрсатма» халқаро рўйхатдан ўтказиш муайян Аҳдлашувчи томонда амал қилиши ҳақидаги расмий илтимосномани англатади; у, шунингдек, ушбу расмий илтимоснома ҳақида халқаро реестрга ёзув киритилишини ҳам ифодалайди;

(xix) «кўрсатилган Аҳдлашувчи томон» ва «кўрсатилган Идора» мос равишда кўрсатма тегишли бўлган Аҳдлашувчи томонни ва Аҳдлашувчи томоннинг Идорасини ифодалайди;

(xx) «1934 йил Акти» 1934 й. 2 июнда Лондонда имзоланган Гаага битими Актини ифодалайди;

(xxi) «1960 йил Акти» 1960 йил 28 ноябрда Гаагада имзоланган Гаага битими Актини ифодалайди;

(xxii) «1961 йилдаги Қўшимча акт» 1934 йилдаги Актга қўшимча равишда 1961 йил 18 ноябрда Монакода имзоланган Актни ифодалайди;

(xxiii) «1967 йилдаги Тўлдирувчи акт» 1967 йил 14 июлда тузатишларни ҳисобга олган ҳолда Стокголмда имзоланган Гаага битимининг Тўлдирувчи актини ифодалайди;

(xxiv) «Иттифоқ» 1925 йил 6 ноябрда Гаага битими билан таъсис қилинган ҳамда 1934 ва 1960 йиллардаги Актлар, 1961 йилдаги Қўшимча Акт, 1967 йилдаги Тўлдирувчи Акт ва ушбу Акт билан кучда қолдирилган Гаага иттифоқини ифодалайди;

(xxv) «Ассамблея» 21(1)(а)-моддада айтиб ўтилган Ассамблеяни ёки ушбу Ассамблеянинг ўрнини босувчи ҳар қандай органни ифодалайди;

(xxvi) «Ташкилот» Бутунжаҳон интеллектуал мулк ташкилотини ифодалайди;

(xxvii) «Бош директор» Ташкилотнинг Бош директорини ифодалайди;

(ххviii) «Халқаро бюро» Ташкилотнинг Халқаро бюросини ифодалайди;

(xxix) «ратификация ёрлиғи» шунингдек қабул қилиш ёки маъқуллаш тўғрисидаги ҳужжатни ифодалайди;

[Аҳдлашувчи томонлар қонунчилиги ва баъзи халқаро шартномалар] Ушбу Акт қоидалари Аҳдлашувчи томон қонунчилиги тақдим этиши мумкин бўлган бошқа кучлироқ муҳофазанинг қўлланишига зиён етказмайди. Улар шунингдек, муаллифлик ҳуқуқи бўйича халқаро шартномалар ва конвенцияларга мувофиқ санъат асарлари ва амалий санъат асарларига тақдим этиладиган муҳофазага, ҳамда Умумжаҳон савдо ташкилотини таъсис этувчи Битим иловасида ўз аксини топган Интеллектуал мулк ҳуқуқларининг савдо жиҳатлари тўғрисидаги битимга мувофиқ саноат намуналарига тақдим этиладиган муҳофазага ҳам ҳеч қандай зиён етказмайди.

(2) [Париж конвенциясига риоя қилиш мажбурияти] Ҳар бир Аҳдлашувчи томон саноат намуналарига нисбатан Париж конвенцияси қоидаларига риоя қилиш мажбуриятини ўз зиммасига олади.

Аҳдлашувчи томон бўлган давлатнинг, ёки Аҳдлашувчи томон мақомидаги ҳукуматлараро ташкилот аъзоси бўлган давлатнинг фуқароси бўлган, ёки Аҳдлашувчи томон ҳудудида доимий ёки оддий турар жойга эга бўлган ёки ушбу ҳудудда ҳақиқий ва қонуний саноат ёки савдо корхонасига эга бўлган ҳар қандай шахс халқаро талабнома топшириш ҳуқуқига эга.

(1) [Бевосита ёки билвосита топшириш]

(a) Халқаро талабнома талабнома берувчининг танловига биноан бевосита Халқаро бюрога, ёки талабнома берувчининг Аҳдлашувчи томон Идораси орқали топширилиши мумкин.

(b) (а)-банд ости бандга қарамай, ҳар қайси Аҳдлашувчи томон Бош директорга йўллаган аризасида халқаро талабномалар унинг идораси орқали топширилиши мумкин эмаслиги ҳақида хабар бериши мумкин.

(2) [Билвосита топшириш ҳолатида жўнатиш учун бож] Ҳар қандай Аҳдлашувчи томон Идораси талабнома топширувчидан ушбу идора орқали топширилган ҳар қандай халқаро талабномани жўнатиш учун ушбу идора фойдасига бож тўланишини талаб қилиши мумкин.

(1) [Халқаро талабноманинг мажбурий мазмуни] Халқаро талабнома белгиланган тилда ёки белгиланган тилларнинг бирида тузилган бўлиши ҳамда қуйидаги ҳужжатлардан таркиб топган бўлиши ёки унга қуйидаги ҳужжатлар илова қилинган бўлиши керак:

(i) ушбу Актга мувофиқ халқаро рўйхатга олиш тўғрисидаги ариза;

(ii) талабнома берувчи ҳақида кўрсатилган маълумотлар;

(iii) халқаро талабнома объекти бўлган саноат намунаси тасвирининг, ёки, талабнома берувчининг танловига кўра, бир нечта турли тасвирларининг белгиланган тартибда тақдим этилган белгиланган миқдордаги нусхалари; бироқ, агар саноат намунаси икки ўлчамли бўлса ва (5)-бандга мувофиқ нашрни кечиктириш тўғрисида илтимоснома тақдим этилган бўлса, тасвирлар ўрнига халқаро талабномага ушбу саноат намунасининг белгиланган миқдордаги ҳақиқий намуналари илова қилиниши мумкин;

(iv) саноат намунасини ташкил қилган маҳсулот ёки маҳсулотларни, ёки саноат намунасига боғлиқ ҳолда ишлатиладиган маҳсулот ёки маҳсулотларни белгиланган тартибда кўрсатиш;

(v) кўрсатиб ўтилган Аҳдлашувчи томонлар номи;

(vi) белгиланган божлар;

(vii) ҳар қандай бошқа белгиланган маълумотлар.

(2) [Халқаро талабноманинг қўшимча мажбурий мазмуни]

(a) ҳар қандай Аҳдлашувчи томон, агар унинг Идораси экспертиза ўтказувчи Идора бўлса, ва қонунчилиги Аҳдлашувчи томон ушбу Актнинг томони бўлган вақтда ушбу қонунчиликка мувофиқ саноат намунасига муҳофаза тақдим этишга талабнома топшириш санасини белгилаш мақсадида ушбу талабнома (b)-банд ости бандда санаб ўтилган элементлардан ҳар қайсисини ўз ичига олишини талаб қилса, Бош директор номига юборган аризасида бундай элементлар ҳақида хабар бериши мумкин.

(b) (а)-банд ости бандга мувофиқ билдиришнома таркибига кириши мумкин бўлган элементлар қуйидагилардан иборат:

(i) ушбу талабнома объекти бўлган саноат намунаси муаллифининг шахсига тегишли кўрсатмалар;

(ii) ушбу талабнома объекти бўлган саноат намунаси тасвирининг ёки фарқловчи белгиларининг қисқача тавсифи;

(iii) даъво.

(с) Агар халқаро талабнома (а)-банд ости бандга мувофиқ билдиришнома берган Аҳдлашувчи томон кўрсатмасини ўз ичига олган бўлса, у шунингдек ушбу билдиришноманинг предмети бўлган элементларнинг ҳар қайсисини белгиланган тартибда ўз ичига олган бўлиши керак.

(3) [Халқаро талабнома мазмунининг эҳтимолдаги бошқа элементлари] Халқаро талабнома таркибига Йўриқномада кўрсатилган элементлар кирган бўлиши ёки илова қилиниши мумкин.

(4) [Битта халқаро талабномада бир нечта саноат намуналари] Белгиланган бўлиши мумкин бўлган талабларни ҳисобга олган ҳолда, халқаро талабнома иккита ёки бир нечта саноат намуналарини ўз ичига олиши мумкин.

(5) [Нашрни кечиктириш тўғрисида илтимоснома] Халқаро талабнома нашрни кечиктириш тўғрисидаги илтимосномани ўз ичига олиши мумкин.

(1) [Устуворликка даъво]

(a) Париж конвенциясининг 4-моддасига мувофиқ халқаро талабнома Париж конвенцияси қатнашчиси бўлган ҳар қайси мамлакатда ёки Бутун жаҳон савдо ташкилоти аъзоси бўлган мамлакатда, ёки бундай мамлакатга нисбатан тақдим этилган битта ёки бир нечта аввалги талабномаларнинг устуворлиги ҳақидаги аризани ўз ичига олиши мумкин.

(b) Йўриқномада (а)-банд ости бандида айтиб ўтилган ариза халқаро талабнома топширилгандан кейин берилиши мумкинлиги кўзда тутилган бўлиши мумкин. Бундай ҳолда Йўриқномада шундай ариза берилиши мумкин бўлган энг охирги муддат ўрнатилади.

(2) [Устуворликка даъво учун асос бўладиган халқаро талабнома] Топширилган санасидан бошлаб, халқаро талабнома, ўзининг кейинги тақдиридан қатъий назар, Париж конвенцияси 4-моддасининг мазмунига биноан тўғри расмийлаштириб топширилган талабноманинг эквиваленти бўлиб ҳисобланади.

(1) [Кўрсатма учун белгиланган бож] Белгиланган божлар, (2)-бандни ҳисобга олган ҳолда, ҳар бир Аҳдлашувчи томонга нисбатан кўрсатма учун божни ўз ичига олади.

(2) [кўрсатма учун индивидуал бож] Идораси экспертиза ўтказадиган Идора бўлган ҳар қандай Аҳдлашувчи томон, ва халқаро ташкилот бўлган Аҳдлашувчи томон Бош директорга юборилган аризасида, унинг ўзи кўрсатилган ҳар қандай халқаро талабнома билан боғлиқ ҳолда, ҳамда рўйхатдан ўтказилган халқаро талабноманинг амал қилиш муддатини узайтириш билан боғлиқ ҳолда, (1)-бандда айтиб ўтилган кўрсатма учун белгиланган бож индивидуал божга алмаштирилиши, ҳамда ушбу бож миқдори аризада кўрсатилгани ва кейинги аризаларда ўзгартирилиши мумкинлиги ҳақида маълум қилиши мумкин. Юқорида айтиб ўтилган Аҳдлашувчи томон ушбу бож миқдорини муҳофазанинг дастлабки муддати учун ва ҳар гал муҳофаза муддатини узайтириш учун ёки тегишли Аҳдлашувчи томон белгилаган максимал муҳофаза даври учун ўрнатиши мумкин. Бироқ бундай божнинг миқдори, мазкур Аҳдлашувчи томон Идораси талабнома берувчидан саноат намуналарининг худди шундай миқдорига тенг даврда муҳофаза тақдим этилганлик учун олиш ҳуқуқига эга бўлган, аммо халқаро процедурадан фойдаланиш натижасида тежалган миқдорни айиргандан кейин қолган суммадан ошмаслиги керак.

(3) [Кўрсатма учун божларни ўтказиш] Халқаро бюро (1) ва (2)-бандларда айтиб ўтилган ва Аҳдлашувчи томонларга кўрсатма учун тўлаб берилган божларни Аҳдлашувчи томонларга ўтказади.

(1) [Халқаро талабнома экспертизаси] Агар Халқаро бюро халқаро талабнома Халқаро бюро томонидан олинган вақтда ушбу Акт ва Йўриқнома талабларига жавоб бермаслигини аниқласа, у талабнома берувчига белгиланган муддат мобайнида зарур тузатишлар киритишни таклиф қилади.

(2) [Тузатилмаган бузилишлар]

(a) агар талабнома берувчи белгиланган муддат мобайнида тузатишлар киритиш тўғрисидаги таклифни бажармаса, халқаро талабнома бўйича иш юритиш (b)-банд ости бандига асосан тўхтатилади.

(b) 5(2)-модда билан боғлиқ бузилиш ёки Аҳдлашувчи томон Йўриқномага мувофиқ Бош директорга хабар берган махсус талаб билан боғлиқ бузилиш содир бўлган ҳолатда, агар талабнома берувчи белгиланган муддат мобайнида тузатишлар киритиш тўғрисидаги таклифни бажармаса, халқаро талабномага ушбу Аҳдлашувчи томоннинг кўрсатмалари кирмаган ҳисобланади.

(1) [Халқаро талабномани бевосита топшириш] Агар халқаро талабнома Халқаро бюрога бевосита топширилган бўлса, (3)-банд ҳисобга олинган ҳолда, Халқаро бюро халқаро талабномани олган сана унинг топширилиш санаси бўлиб ҳисобланади

(2) [Халқаро талабномани билвосита топшириш] Агар халқаро талабнома Аҳдлашувчи томонининг Идораси орқали топширилаётган бўлса, топшириш санаси белгиланган тартибда аниқланади.

(3) [Таркибида баъзи бузилишлар бўлган халқаро талабнома] Агар халқаро талабнома Халқаро бюрога келиб тушган санада унда, белгилаб қўйилганидек, халқаро талабноманинг топширилиш санасини кечиктирилишига сабаб бўладиган бузилиш сифатида олиб қараладиган бузилиш бўлса, бу ҳолда Халқаро бюро бундай бузилиш тузатилган талабнома вариантини олган сана халқаро талабнома топширилган сана ҳисобланади.

[Халқаро рўйхатдан ўтказиш] Халқаро бюро халқаро талабнома объекти бўлган ҳар бир саноат намунасини дарҳол ушбу талабнома олиниши билан, ёки, агар 8-моддага мувофиқ унга тузатишлар киритиш таклиф қилинган бўлса, зарур тузатишлар олиниши билан дарҳол рўйхатдан ўтказади. Рўйхатдан ўтказиш 11-моддага мувофиқ чоп этиш кечиктирилган ёки кечиктирилмаганидан қатъий назар, амалга оширилади.

(2) [Халқаро рўйхатдан ўтказиш санаси]

(a) (b)-остбанд ҳисобга олинган ҳолда, халқаро талабнома топширилган сана уни халқаро рўйхатга олиш санаси ҳисобланади.

(b) Агар халқаро талабнома Халқаро бюро томонидан олинган санада у 5(2)-моддада кўрсатилган бузилишларга эга бўлса, Халқаро бюро томонидан тузатиш киритилган халқаро талабнома олинган сана, ёки халқаро талабнома топширилган сана, уларнинг қайси бири кейинроқ келиб тушганига қараб, халқаро рўйхатдан ўтказиш санаси бўлиб ҳисобланади.

(3) [Нашр этиш]

(a) Халқаро бюро халқаро рўйхатдан ўтказиш тўғрисидаги маълумотларни чоп этади. Бундай чоп этиш барча Аҳдлашувчи давлатларда етарли деб ҳисобланади ва халқаро талабнома эгасидан бошқа ҳеч қандай чоп этиш талаб қилинмайди.

(b) Халқаро бюро халқаро рўйхатдан ўтказиш ҳақида чоп этилган маълумотлар нусхасини ҳар бир кўрсатиб ўтилган Идорага юборади.

(4) [Нашр этилгунга қадар конфиденциалликка риоя қилиш] (5)-банд ва 11(4)(b)-моддани ҳисобга олган ҳолда, Халқаро бюро нашргача ҳар бир халқаро талабноманинг ва ҳар бир халқаро рўйхатдан ўтказишнинг конфиденциаллигини таъминлаши лозим.

(5) [Конфиденциал ҳужжатларнинг нусхалари]

(a) Халқаро бюро, рўйхатдан ўтказиш амалга оширилгандан кейин, дарҳол халқаро рўйхатдан ўтказиш нусхасини, шунингдек, халқаро талабномага илова қилинган ҳар қандай ариза, ҳужжат ёки ҳақиқий намунани халқаро талабномада кўрсатилган ва Халқаро бюрога бундай нусхани олиш истаги ҳақида билдиришнома юборган Идораларнинг ҳар бирига юборади;

(b) Идора, Халқаро бюро халқаро рўйхатдан ўтказишни чоп қилгунга қадар, Халқаро бюро томонидан нусхаси ўзига юборилган ҳар бир халқаро рўйхатдан ўтказишга нисбатан конфиденциалликка риоя қилишга мажбур, ва кўрсатиб ўтилган нусхадан ушбу Идорани эътиборли ҳисоблаган Аҳдлашувчи томон ёки унинг номидан топширилган тегишли халқаро талабноманинг ва саноат намуналарини муҳофаза қилиш учун топширилган талабномаларнинг фақат экспертизасини ўтказиш учун фойдаланиши мумкин. Хусусан, Идора ҳар қандай халқаро рўйхатдан ўтказиш мазмунини ушбу халқаро рўйхатдан ўтказиш эгасидан бошқа Идора ходими бўлмаган ҳеч қайси бир шахсга маълум қилиш ҳуқуқига эга эмас, бунда халқаро рўйхатдан ўтказишни амалга ошириш учун асос бўлган халқаро талабномани топшириш ҳуқуқи масаласи юзасидан чиқиш эҳтимоли бўлган низо туфайли ишни маъмурий ёки судда кўриб чиқиш ҳолатлари бундан мустасно. Ишни маъмурий ёки судда кўриб чиқиш ҳолатларида халқаро рўйхатдан ўтказиш мазмуни бундай кўриб чиқиш қатнашчилари томонидан махфийликка риоя қилиш шарти билан ошкор қилиниши мумкин, бунда ишни кўриб чиқишда қатнашувчи томонлар бундай ошкораликка нисбатан махфийликка амал қилиш мажбуриятини ўз зиммаларига оладилар.

(1) [Аҳдлашувчи томонлар қонунчилигининг нашр этишни кечиктиришга нисбатан қоидалари]

(a) Агар Аҳдлашувчи томон қонунчилиги саноат намунаси ҳақидаги маълумотларнинг чоп этилишини белгиланган муддатга нисбатан қисқароқ муддатга кечиктиришни кўзда тутган бўлса, бу ҳолда Аҳдлашувчи томон Бош директорга юбориладиган аризада кечиктиришнинг йўл қўйиладиган давомийлиги ҳақида маълумот беради.

(b) Агар Аҳдлашувчи томон қонунчилиги саноат намунаси ҳақидаги маълумотларнинг нашр этилишини кечиктиришни кўзда тутмаган бўлса, бу ҳолда Аҳдлашувчи томон Бош директорга юбориладиган аризада бу ҳақда хабар беради.

(2) [Нашр этишни кечиктириш] Агар халқаро талабномада нашрни кечиктириш тўғрисида илтимоснома бўлса, нашр этиш қуйидаги ҳолатларда амалга оширилади:

(i) агар халқаро талабномада кўрсатилган Аҳдлашувчи томонларнинг биронтаси ҳам (1)-бандга мувофиқ ариза бермаган бўлса, — у ҳолда белгиланган муддат тугаганда; ёки

(ii) агар халқаро талабномада кўрсатилган Аҳдлашувчи томонлардан бири (1)(а)-бандга мувофиқ ариза берган бўлса, — у ҳолда бундай аризада маълум қилинган муддат тугаганда, ёки, бундай Аҳдлашувчи томонлар бир нечта бўлганда, — у ҳолда уларнинг аризаларида маълум қилинган муддатларнинг энг қисқаси тугаганда.

(3) [Қўлланадиган қонунчиликка мувофиқ кечиктириш мумкин бўлмаган ҳолларда кечиктириш ҳақидаги илтимосномаларни кўриб чиқиш] Агар нашр этишни кечиктириш тўғрисидаги илтимоснома тақдим этилган бўлиб, халқаро талабномада кўрсатилган Аҳдлашувчи томонлардан биронтаси унинг қонунчилигига мувофиқ кечиктириш мумкин эмаслиги ҳақида (1)(b)-бандга мувофиқ маълумот берган бўлса, у ҳолда,

(i) (ii)-ост бандни ҳисобга олиб, Халқаро бюро талабнома берувчини бу ҳақда хабардор қилади. Агар белгиланган муддат мобайнида талабнома берувчи Халқаро бюрога юборилган ёзма хабарда бундай Аҳдлашувчи томоннинг кўрсатмасини чиқариб ташламаса, Халқаро бюро нашр этишни кечиктириш тўғрисидаги илтимосномани эътиборсиз қолдиради;

(ii) агар саноат намунасининг тасвири ўрнига халқаро талабнома саноат намунасининг буюм кўринишини ўз ичига олган бўлса, Халқаро бюро бундай Аҳдлашувчи томон кўрсатмасини эътиборсиз қолдиради ва бу ҳақда талабнома берувчига хабар беради.

(4) [Муддатдан олдин нашр этиш тўғрисидаги ёки халқаро рўйхатдан ўтказиш материалларидан махсус фойдаланишни тақдим этиш тўғрисидаги илтимоснома]

(a) (2)-бандга мувофиқ қўлланадиган нашр этишни кечиктириш даври мобайнидаги ҳар қандай вақтда саноат намунасининг эгаси халқаро рўйхатдан ўтказиш объекти бўлган айрим ёки ҳамма саноат намуналари ҳақидаги маълумотларни нашр этиш ҳақида илтимос қилиши мумкин; бу ҳолда бундай саноат намунаси ёки бундай саноат намуналарига нисбатан кечиктириш даври Халқаро бюро томонидан бундай илтимоснома олинган санада тугаган ҳисобланади.

(b) Саноат намунасининг эгаси шунингдек (2)-бандга мувофиқ қўлланадиган нашр этишни кечиктириш даври мобайнидаги ҳар қандай вақтда Халқаро бюродан ўзи кўрсатган биронта учинчи томонга халқаро рўйхатдан ўтказиш объекти бўлган алоҳида ёки ҳамма саноат намуналарига тегишли материаллардан кўчирмани тақдим этишни ёки ушбу учинчи томонга бундай материаллардан фойдаланишга рухсат беришни илтимос қилиши мумкин.

(5) [Халқаро рўйхатдан ўтказишдан воз кечиш ва унинг амал қилишини чеклаш]

(a) Агар (2)-бандга мувофиқ қўлланадиган нашр этишни кечиктириш даври мобайнидаги ҳар қандай вақтда эгаси барча кўрсатиб ўтилган Аҳдлашувчи томонларга нисбатан халқаро рўйхатдан ўтказишдан воз кечса, халқаро рўйхатдан ўтказиш объекти бўлган саноат намунаси ёки саноат намуналари ҳақидаги маълумотлар чоп этилмайди.

(b) Агар (2)-бандга мувофиқ қўлланадиган нашр этишни кечиктириш даври мобайнидаги ҳар қандай вақтда эгаси халқаро рўйхатдан ўтказиш ҳаракатини барча айтиб ўтилган Аҳдлашувчи томонларга нисбатан халқаро рўйхатдан ўтказиш объекти бўлган битта ёки бир нечта саноат намуналари билан чекласа, қолган халқаро рўйхатдан ўтказиш объекти бўлган саноат намуналари ёки саноат намунаси ҳақидаги маълумотлар чоп этилмайди.

(6) [Нашр этиш ва тасвирларни тақдим этиш]

(a) Ушбу модда қоидаларига мувофиқ қўлланадиган ҳар қандай кечиктириш даври тугаганида, Халқаро бюро белгиланган божлар тўланиши шарти билан халқаро рўйхатдан ўтказиш ҳақидаги маълумотларни чоп этади. Агар бундай божлар белгиланган тартибда тўланмаса, халқаро рўйхатдан ўтказиш бекор қилинади, нашр этиш эса амалга оширилмайди.

(b) Агар 5(1)(iii)-моддага мувофиқ халқаро талабномага саноат намунасининг битта ёки бир нечта табиий намунаси илова қилинган бўлса, эгаси белгиланган муддат мобайнида ушбу талабноманинг объекти бўлган ҳар битта саноат намунаси тасвирининг белгиланган миқдордаги нусхаларини Халқаро бюрога тақдим этади. Агар эгаси бундай қилмаса, халқаро рўйхатдан ўтказиш бекор қилинади, нашр эса амалга оширилмайди.

[Рад этиш ҳуқуқи] Ҳар қайси кўрсатиб ўтилган Аҳдлашувчи томоннинг Идораси, агар халқаро рўйхатдан ўтказиш объектлари бўлган алоҳида ёки ҳамма саноат намуналарига нисбатан унинг қонунчилигида кўзда тутилган муҳофаза тақдим этиш шартларига риоя қилинмаган бўлса, ушбу Аҳдлашувчи томон ҳудудида ҳар қандай халқаро рўйхатдан ўтказишнинг амал қилиши тан олинишини тўлиқ ёки қисман рад этиши мумкин; бироқ ҳеч қайси Идора халқаро талабноманинг шакли ва мазмунига нисбатан тегишли Аҳдлашувчи томон қонунчилигида кўзда тутилган талабларнинг ёки мазкур Актда ёки Йўриқномада кўзда тутилган талабларга қўшимча бўлган, ёки улардан фарқланувчи талабларнинг бажарилмаганига асосланиб, ҳар қандай халқаро рўйхатдан ўтказишнинг амал қилишини тан олишни тўлиқ ёки қисман рад қила олмайди.

(2) [Рад қилиш тўғрисида билдиришнома]

(a) белгиланган муддат мобайнида Идора рад қилиш тўғрисидаги билдиришномада Халқаро бюрога халқаро рўйхатдан ўтказишнинг амал қилишини тан олишни рад қилиши тўғрисида хабар беради.

(b) Ҳар қандай рад қилиш тўғрисидаги билдиришномада рад қилиш учун асос бўлган барча сабаблар баён қилинади.

(3) [Рад қилиш тўғрисидаги билдиришномани жўнатиш, ҳимоя воситалари]

(a) Халқаро бюро рад қилиш тўғрисидаги билдиришнома нусхасини эгасига дарҳол жўнатади.

(b) Халқаро рўйхатга олиш объекти бўлган ҳар қайси саноат намунаси рад жавобини юборган Идорага нисбатан қўлланадиган қонунчиликка мувофиқ муҳофаза тақдим этишга қаратилган талабноманинг объекти бўлганида, қандай ҳимоя воситасига ҳуқуқи бўлса, эгаси ҳам худди шундай ҳимоя воситасига ҳуқуқи бўлади. Бундай ҳимоя воситалари камида такроран кўриб чиқиш имкониятини ёки рад этиш тўғрисидаги қарорни қайта кўриб чиқиш ё унга эътироз билдириш имкониятини ўз ичига олиши лозим.

(4) [Раддияни чақириб олиш] Ҳар қандай раддия уни юборган Идора томонидан ҳар қандай вақтда тўлиқ ёки қисман чақириб олиниши мумкин

(1) [Махсус талаблар тўғрисида билдириш] Ҳар қандай Аҳдлашувчи томон, у мазкур Акт томонига айланган пайтда унинг қонунчилиги битта алоҳида талабноманинг объекти бўлган саноат намуналари ғоя бирлиги, тайёрлаш бирлиги ёки фойдаланиш бирлиги талабига жавоб беришини, ёхуд битта комплектга ёки буюмлар тўпламига тегишли бўлишини, ёки фақат битта мустақил ва алоҳида саноат намунаси битта талабноманинг объекти бўлишини талаб қилса, Бош директорни бу ҳақда хабардор қилиши мумкин. Бироқ, бу каби ҳеч қандай ариза, ҳатто талабномада ариза юборган Аҳдлашувчи томонга кўрсатма бўлган ҳолда ҳам, талабнома берувчининг халқаро талабномага, 5(4)-моддага мувофиқ, иккита ёки бир нечта саноат намуналарини киритиш ҳуқуқига зиён етказмайди.

(2) [Ариза юбориш оқибатлари] Бу каби ҳар қандай ариза билдириш юборган Аҳдлашувчи томон Идорасига, ушбу Аҳдлашувчи томон билдиришномасида баён қилинган талаб бажарилмагунга қадар, 12(1)-моддага мувофиқ халқаро рўйхатдан ўтказишнинг амал қилишини тан олишни рад этиш ҳуқуқини беради.

(3) [Рўйхатга олишни бўлишда тўланиши керак бўлган қўшимча божлар] Агар (2)-бандга мувофиқ содир қилинган раддия билан боғлиқ ҳолда, тегишли Идорага билдиришномада баён этилган раддия учун асосларни бартараф қилиш мақсадида халқаро талабномани бўлиш ҳақида илтимоснома тақдим этилса, ушбу Идора раддия учун бундай асосларни бартараф қилиш мақсадида топширилиши зарур бўлган ҳар бир қўшимча халқаро талабнома учун бож ундириш ҳуқуқига эга.

(1) [Қўлланаётган қонунчиликка мувофиқ талабнома топширишга айнан ўхшаш хатти-ҳаракат] Халқаро рўйхатдан ўтказиш санасидан эътиборан, кўрсатиб ўтилган Аҳдлашувчи томонларнинг ҳар бирида ушбу Аҳдлашувчи томон қонунчилигига мувофиқ саноат намунасига муҳофаза тақдим этиш учун тўғри расмийлаштирилган талабнома топшириш қандай амал қилса, халқаро рўйхатдан ўтказиш ҳам камида шундай амал қилади.

(2) [Қўлланаётган қонунчиликка мувофиқ муҳофаза тақдим этишга айнан ўхшаш хатти-ҳаракат]

(a) Кўрсатиб ўтилган ҳар бир Аҳдлашувчи томонда, агар унинг Идораси 12-моддага мувофиқ раддия юбормаган бўлса, ушбу Аҳдлашувчи томон қонунчилигига мувофиқ саноат намунасига муҳофаза тақдим этиш унинг томонидан раддия юборилиш кўзда тутилган муддат тугаган санадан бошлаб, агар Аҳдлашувчи томон Йўриқномага мувофиқ тегишли аризани берган бўлса, кечи билан ушбу аризада кўрсатилган сандан бошлаб қандай амал қилса, халқаро рўйхатдан ўтказиш ҳам худди шундай амал қилади.

(b) Агар кўрсатиб ўтилган Аҳдлашувчи томон идораси раддияни юбориб, кейинчалик уни қисман ёки тўлиқ чақириб олган бўлса, кечи билан раддиянинг чақириб олиниши амалга оширилган санадан бошлаб, Аҳдлашувчи томон қонунчилигига мувофиқ саноат намунасига муҳофаза тақдим этиш қандай амал қилса, халқаро рўйхатдан ўтказишнинг ушбу раддия тегишли бўлган қисми ҳам ушбу Аҳдлашувчи томонда худди шундай амал қилади.

(c) халқаро рўйхатдан ўтказишнинг мазкур бандга мувофиқ эга бўлган амал қилиши, ушбу рўйхатдан ўтказиш объекти бўлган саноат намунаси ёки саноат намуналарига, халқаро рўйхатдан ўтказиш кўрсатиб ўтилган Идора томонидан Халқаро бюродан қандай кўринишда олинган бўлса, шундай кўринишда, ёки, мазкур Идора томонидан қўлланадиган процедурага биноан мумкин бўлган жойда киритилган тузатишларни ҳисобга олган ҳолда жорий қилинади.

(3) [Талабнома берувчининг Аҳдлашувчи томони кўрсатмасининг амал қилишига нисбатан ариза]

(a) Ҳар қандай Аҳдлашувчи томон, агар унинг Идораси экспертиза ўтказувчи Идора бўлса, Бош директорга юборган аризасида уни, агар Аҳдлашувчи томон талабнома берувчининг аҳдлашувчи томони бўлса, ушбу унинг халқаро рўйхатдан ўтказишдаги кўрсатмаси амал қилмаслигини маълум қилиши мумкин.

(b) Агар (а)-ост бандда айтиб ўтилган аризани берган Аҳдлашувчи томон, халқаро талабномада ҳам талабнома берувчининг Аҳдлашувчи томони, ҳам кўрсатиб ўтилган Аҳдлашувчи томон сифатида кўрсатилган бўлса, у ҳолда Халқаро бюро ушбу Аҳдлашувчи томон кўрсатмасини эътиборга олмайди.

(1) [Ҳимоя учун имконият бериш талаби] Кўрсатиб ўтилган Аҳдлашувчи томон ҳудудида халқаро рўйхатдан ўтказишнинг қисман ёки тўлиқ ҳақиқий эмас деб топиш ҳақидаги қарор ушбу Аҳдлашувчи томоннинг ваколатли органлари томонидан саноат намунаси эгасига ўз ҳуқуқларини керакли вақтда ҳимоя қилиш учун имконият бермасдан туриб қабул қилинмаслиги лозим.

(2) [Халқаро рўйхатдан ўтказишнинг ҳақиқий эмаслиги тўғрисидаги билдиришнома] Ҳудудида халқаро рўйхатдан ўтказишни ҳақиқий эмас деб топилган Аҳдлашувчи томоннинг Идораси, агар рўйхатдан ўтказиш ҳақиқий эмас деб топилгани ҳақида унга маълум бўлса, бу ҳақда Халқаро бюрога хабар беради.

(1) [Ўзгартиришлар ҳақидаги ёзувларни ва бошқа ёзувларни киритиш] Халқаро бюро ўрнатилган тартибда Халқаро реестрга қуйидагилар ҳақида ёзувлар киритади:

(i) халқаро рўйхатдан ўтказиш эгасининг, янги эга 3-моддага мувофиқ халқаро талабнома топшириш ҳуқуқига эга деган шарт билан, алоҳида ёки ҳамма кўрсатиб ўтилган Аҳдлашувчи томонларга нисбатан ва халқаро рўйхатдан ўтказиш объекти бўлган алоҳида ёки ҳамма саноат намуналарига нисбатан ҳар қандай ўзгариши ҳақида;

(ii) эганинг номи ёки манзилга нисбатан ҳар қандай ўзгариш ҳақида;

(iii) талабнома берувчи ёки эга вакилини тайинлаш ҳамда бундай вакилга тааллуқли ҳар қандай бошқа тегишли маълумотлар ҳақида;

(iv) эганинг алоҳида ёки ҳамма кўрсатиб ўтилган Аҳдлашувчи томонларга нисбатан халқаро рўйхатдан ўтказишдан ҳар қандай воз кечиши ҳақида;

(v) халқаро рўйхатдан ўтказишнинг амал қилишини айрим ёки ҳамма кўрсатиб ўтилган Аҳдлашувчи томонларга нисбатан халқаро рўйхатдан ўтказиш объектлари бўлган битта ёки бир нечта саноат намуналари билан эга томонидан ҳар қандай чеклаш ҳақида;

(vi) халқаро рўйхатдан ўтказиш объектлари бўлган алоҳида ёки ҳамма саноат намуналарига нисбатан кўрсатиб ўтилган Аҳдлашувчи томоннинг ваколатли органлари томонидан унинг ҳудудида халқаро рўйхатдан ўтказиш ноқонуний эканлигини ҳар қандай эътироф этилганлиги ҳақида;

(vii) халқаро рўйхатдан ўтказиш объектлари бўлган алоҳида ёки ҳамма саноат намуналарига қарашли ҳуқуқларга тааллуқли бўлган ва Йўриқномада айтиб ўтилган ҳар қандай бошқа маълумотлар ҳақида.

(2) [Халқаро реестрга ёзувлар киритишнинг оқибатлари] (i), (ii), (iv), (v), (vi)-ост бандларда ва (1)-банднинг (vii)-ост бандида айтиб ўтилган ҳар қандай киритилган ёзув, ушбу ёзув ҳар бир тегишли Аҳдлашувчи томон Идорасининг Реестрига киритилганда қандай амал қилса, худди шундай амал қилади; ҳар қандай Аҳдлашувчи томон Бош директорга юборган аризасида уни (1)-банднинг (i)-ост бандида айтиб ўтилган ёзув бундай аризада санаб ўтилган аризалар ёки ҳужжатлар унинг Идораси томонидан олинмагунга қадар ушбу Аҳдлашувчи томонда амал қилмаслиги ҳақида маълум қилиши мумкин бўлган ҳоллар бундан мустасно.

(3) [Божлар] (1)-бандга мувофиқ ҳар қандай ёзувнинг киритилгани учун бож олиниши мумкин.

(4) [Нашр этиш] Халқаро бюро (1)-бандга мувофиқ ҳар қандай ёзувнинг киритилгани ҳақида хабарнома чоп этади. Хабарнома чоп этилган нашр нусхаси ҳар бир тегишли Аҳдлашувчи томон Идорасига юборилади.

(1) [Халқаро рўйхатдан ўтказишнинг амал қилиш муддати] Халқаро рўйхатдан ўтказиш дастлаб халқаро рўйхатдан ўтказиш санасидан ҳисоблаганда, беш йилга амалга оширилади.

(2) [Халқаро рўйхатдан ўтказишни узайтириш] Халқаро рўйхатдан ўтказиш, белгиланган процедурага мувофиқ ва белгиланган божларни тўлаш шарти билан, ҳар бири беш йилдан иборат қўшимча муддатларга узайтирилиши мумкин.

(3) [Кўрсатиб ўтилган Аҳдлашувчи томонларда муҳофаза муддати]

(a) Халқаро рўйхатдан ўтказишни узайтириш шарти билан ва (b)-бандни ҳисобга олган ҳолда, кўрсатиб ўтилган Аҳдлашувчи томонларнинг ҳар бирида муҳофаза даври, халқаро рўйхатдан ўтказиш санасидан бошлаб ҳисоблаганда, 15 йилни ташкил қилади.

(b) Кўрсатиб ўтилган Аҳдлашувчи томон қонунчилиги ушбу қонунчиликка мувофиқ муҳофаза тақдим этилган саноат намунасига нисбатан 15 йилдан ортиқ муҳофаза муддатини кўзда тутган ҳолатларда, муҳофаза муддати, халқаро рўйхатдан ўтказишни узайтириш шарти билан, ушбу Аҳдлашувчи томон қонунчилигида кўзда тутилган муддат қандай бўлса, шундай бўлади.

(с) Ҳар бир Аҳдлашувчи томон Бош директорга юборилган аризада ўзининг қонунчилигида кўзда тутилган муҳофазанинг максимал муддати ҳақида хабар беради.

(4) [Узайтиришнинг амал қилиш муддатини чеклаш] Халқаро рўйхатдан ўтказишни узайтириш алоҳида ёки ҳамма кўрсатиб ўтилган Аҳдлашувчи томонларга нисбатан ва халқаро рўйхатдан ўтказиш объекти бўлган алоҳида ёки ҳамма саноат намуналарига нисбатан амалга оширилиши мумкин.

(5) [Узайтириш ҳақидаги ёзувни киритиш ва нашр этиш] Халқаро бюро узайтиришлар ҳақидаги ёзувларни Халқаро реестрга киритади ва бу ҳақда хабарнома чоп этади. Хабарномани ўз ичига олган чоп этилган нашр нусхасини Халқаро бюро ҳар бир тегишли Аҳдлашувчи томон Идорасига юборади.

(1) [Маълумотдан фойдаланиш имконияти] Халқаро бюро ҳар қандай шахсга унинг илтимосига кўра, белгиланган божни тўлаш шарти билан, Халқаро реестрдан кўчирмалар ёки маълумотлари аввал чоп этиб бўлинган ҳар қандай халқаро рўйхатдан ўтказишга тегишли Халқаро реестр мазмуни ҳақида ахборот тақдим этади.

(2) [Легаллаштиришдан озод қилиш] Халқаро бюро томонидан тақдим этиладиган Халқаро реестрдан кўчирмалар ҳар бир Аҳдлашувчи томонда легаллаштириш талабларидан озод қилинади.

(1) [Ягона Идора ҳақида билдириш] Агар мазкур Акт иштирокчиси бўлмоқчи бўлган бир нечта давлат саноат намуналари бўйича миллий қонунчиликлари унификациясини амалга оширган ёки амалга оширишга келишиб олган бўлсалар, улар Бош директорга қуйидагилар ҳақида хабар беришлари мумкин:

(i) умумий Идора ушбу давлатлардан ҳар бирининг миллий Идорасининг ўрнини босади; ва

(ii) уларнинг ягона қонунчилик қўлланаётган ҳудудларининг мажмуйи мазкур Актнинг 1-, 3 — 18- ва 31-моддаларини қўллаш мақсадлари учун битта Аҳдлашувчи томон сифатида олиб қаралиши лозим.

(2) [Билдириш қачон қилиниши керак] (1)-бандда айтиб ўтилган билдириш қуйидагиларга нисбатан амалга оширилади:

(i) ушбу Акт иштирокчиси бўлмоқчи давлатларга нисбатан — 27(2)-моддада айтиб ўтилган ҳужжатларни сақлаш учун топшириш пайтидан эътиборан

(ii) ушбу Акт қатнашчилари бўлган давлатларга нисбатан — миллий қонунчилигининг унификацияси амалга оширилгандан кейинги ҳар қандай вақтдан эътиборан.

(3) [Билдиришнинг кучга кириш санаси] (1)- ва (2)-бандларда айтиб ўтилган билдириш қуйидагиларга нисбатан кучга киради:

(i) мазкур Акт қатнашчилари бўлмоқчи давлатларга нисбатан — бундай давлатлар мазкур Акт мажбуриятларини ўз зиммаларига олган вақтдан эътиборан;

(ii) мазкур Акт қатнашчилари бўлган давлатларга нисбатан — ушбу муносабат билан Бош директорнинг бошқа Аҳдлашувчи томонларга юборган хабари санасидан эътиборан уч ойдан кейин, ёки билдиришномада кўрсатилган ҳар қандай кечроқ санадан эътиборан.

Аҳдлашувчи томонлар 1943 йил Акти ва 1960 йил Акти қатнашчилари бўлган давлатлар аъзо бўлган Иттифоқнинг аъзоси бўлиб ҳисобланадилар.

(1) [Таркиби]

(a) Аҳдлашувчи томонлар 1967 йилдаги Тўлдирувчи актнинг 2-моддаси билан боғланган давлатлар аъзоси бўлган Ассамблеянинг аъзосидирлар.

(b) Ассамблеянинг ҳар битта аъзоси битта делегат билан вакил қилган бўлиб, у ўринбосарлар, маслаҳатчилар ва экспертларга эга бўлиши мумкин, бунда ҳар бир делегат фақат битта Аҳдлашувчи томондан вакил бўлиши мумкин.

(с) Ассамблея аъзоси бўлмаган Иттифоқ аъзолари Ассамблея мажлисларига кузатувчилар сифатида қатнашишлари мумкин.

(a) Ассамблея:

(i) Иттифоқни сақлаш ва ривожлантиришга ҳамда ушбу Актни қўллашга тегишли барча масалаларни кўриб чиқади;

(ii) ушбу Актга ёки 1967 йилдаги Тўлдирувчи актга биноан унинг зиммасига махсус юклатилган ёки унга топширилган ҳуқуқларни амалга оширади ва масалаларни ҳал қилади;

(iii) Бош директорга қайта кўриб чиқиш бўйича конференцияларни тайёрлаш бўйича кўрсатмалар беради ва бундай конференцияни чақириш тўғрисида қарор қабул қилади;

(iv) Йўриқномани ўзгартиради;

(v) Бош директорнинг Иттифоққа тегишли ҳисоботлари ва фаолиятини кўриб чиқади ва маъқуллайди, ҳамда Бош директорга Иттифоқ ваколати доирасига кирувчи масалалар бўйича ҳамма зарур кўрсатмаларни беради;

(vi) Иттифоқ дастурини белгилайди ва икки йиллик ҳисоботини қабул қилади ҳамда унинг молиявий ҳисоботларини маъқуллайди;

(vii) Иттифоқнинг молиявий регламентини қабул қилади;

(viii) Иттифоқ мақсадларини амалга ошириш учун зарур деб ҳисоблаган қўмиталар ва ишчи гуруҳларни тузади;

(ix) (1)(с)-бандини ҳисобга олиб, қайси давлатлар, ҳукуматлараро ва ноҳукумат ташкилотлар унинг мажлисларига кузатувчилар сифатида қўйилиши мумкинлигини белгилайди;

(x) Иттифоқ мақсадларига эришиш учун зарур бўлган барча бошқа хатти-ҳаракатларни амалга оширади ва ушбу Акт билан ўзига юклатилган бошқа барча вазифаларни бажаради.

(b) Маъмурий вазифаларини Ташкилот бажарадиган бошқа Иттифоқлар учун аҳамиятли бўлган массаларга нисбатан Ассамблея, Ташкилотнинг мувофиқлаштириш қўмитаси тавсияларини эшитгандан кейин, қарор қабул қилади

(3) [Кворум]

(a) Давлат ҳисобланган ва аниқ масала бўйича овоз бериш ҳуқуқига эга бўлган Ассамблея аъзоларининг ярми ушбу масала бўйича овоз бериш учун кворумни ташкил қиладилар.

(b) (а)-ост банд қоидаларига қарамай, агар бирон-бир сессияда вакил қилинган ва аниқ масала бўйича овоз бериш ҳуқуқига эга бўлган давлатлар сони ярмидан камини ташкил қилса, бироқ аниқ масала бўйича овоз бериш ҳуқуқига эга бўлган Ассамблеяга аъзо ваколатли давлатлар сонининг учдан бир қисмига тенг бўлса ёки ундан ортиқ бўлса, Ассамблея қарор қабул қилиши мумкин; бироқ Ассамблеянинг қарорлари, унинг ўз процедураларига тегишли қарорлар бундан мустасно, фақат қуйидаги шартларга риоя қилингандагина мажбурий бўлади. Халқаро бюро бундай қарорларни ушбу масала бўйича овоз бериш ҳуқуқига эга бўлган, бироқ Ассамблея сессиясида вакили қатнашмаган Ассамблеяга аъзо давлатларга юборади, ва уларга қарорлар юборилган санадан эътиборан уч ойлик муддатда ўзларига қарши қарорлар учун овоз беришлари, ёки овоз беришда бетараф қолишлари тўғрисида ёзма равишда хабар беришларини таклиф қилади. Агар ушбу муддат тугагач, шу тариқа овоз берган ёки бетараф қолган давлатлар сони сессиянинг ўзида кворумга эришиш учун етмаган овозлар сони билан тенглашса, бундай қарорлар керакли кўпчилик бир вақтнинг ўзида мавжуд деган шарт билан кучга киради.

(4) [Ассамблеяда қарор қабул қилиш]

(a) Ассамблея имкон қадар ўз қарорларини консенсус асосида қабул қилади.

(b) Консенсус асосида қарор қабул қилиш имкони бўлмаса, у ҳолда муҳокама қилинаётган масала бўйича қарор овоз бериш йўли билан қабул қилинади. Бу ҳолда:

(i) давлат мақомида бўлган ҳар бир Аҳдлашувчи томон фақат бир овозга эга бўлади ва фақат ўз номидан овоз беради, ва

(ii) ҳукуматлараро ташкилот мақомида бўлган ҳар бир Аҳдлашувчи томон ўзининг аъзо-давлатлари номидан овоз бериши мумкин, бунда овозлар сони унинг таркибига кирган ва ушбу Актнинг иштирокчилари бўлган аъзо давлатлар сонига тенг бўлиши керак, шу билан бирга, бундай ҳукуматлараро ташкилот, агар унга аъзо-давлатларнинг биронтаси ўзининг овоз беришда қатнашиш ҳуқуқидан фойдаланишга қарор қилса, овоз беришда иштирок эта олмайди, ва аксинча.

(c) 1967 йилдаги Тўлдирувчи актнинг 2-моддаси қоидалари билан боғланган давлатларгагина тегишли масалалар бўйича мазкур модда билан боғланмаган Аҳдлашувчи томонлар овоз бериш ҳуқуқига эга эмаслар, шу пайтнинг ўзида, Аҳдлашувчи томонларгагина тегишли масалалар бўйича фақат уларнинг ўзигина овоз бериш ҳуқуқига эгадирлар.

(5) [Кўпчилик]

(a) 24(2), 26(2)-моддаларни ҳисобга олган ҳолда, Ассамблея ўз қарорларини учдан икки қисмни ташкил қилган кўпчилик овоз билан қабул қилади.

(b) Овоз беришда бетараф қолганларнинг овозлари ҳисобга олинмайди.

(6) [Сессиялар]

(a) Ассамблея Бош директор томонидан чақириладиган навбатдаги сессияга икки йилда бир марта, Ташкилотнинг Бош Ассамблеяси билан бир вақтда ва бир жойда тўпланади, фавқулодда вазиятлар бундан мустасно.

(b) Ассамблея Бош директор томонидан чақириладиган навбатдан ташқари сессиясига Ассамблея аъзоларидан тўртдан бир қисмининг талаби билан ёки Бош директор ташаббуси билан тўпланади.

(с) Бош директор ҳар бир сессиянинг кун тартибини тайёрлайди.

(7) [Процедура қоидалари] Ассамблея бевосита ўзининг процедура қоидаларини қабул қилади.

(1) [Маъмурий вазифалари]

(a) Халқаро рўйхатдан ўтказиш билан боғлиқ вазифалар, шунингдек ушбу Иттифоққа тегишли бошқа маъмурий вазифалар Халқаро бюро томонидан амалга оширилади.

(b) Халқаро бюро, хусусан, мажлисларни тайёрлайди ва Ассамблея Котибияти ва Ассамблея томонидан таъсис қилиниши мумкин бўлган экспертлар қўмиталари ва ишчи гуруҳлар вазифаларини ҳам бажаради.

(2) [Бош директор] Бош директор Иттифоқнинг бош мансабдор шахси ҳисобланади ва Иттифоқ номидан иш юритади.

(3) [Ассамблея сессияларидан ташқари бошқа мажлислар] Бош директор Ассамблея томонидан таъсис этилган ҳар қандай қўмита ва ишчи гуруҳни, ва Иттифоққа тегишли масалалар бўйича барча бошқа мажлисларни чақиради.

(4) [Халқаро бюронинг Ассамблеядаги ва бошқа мажлислардаги роли]

(a) Бош директор ва Бош директор томонидан тайинлаган шахслар Ассамблеянинг, Ассамблея томонидан таъсис этилган қўмиталар ва ишчи гуруҳларининг ҳамма мажлисларида, ҳамда Иттифоқ раҳбарлигида Бош директор томонидан чақириладиган барча бошқа мажлисларда овоз бериш ҳуқуқисиз қатнашадилар.

(b) Бош директор ёки Бош директор томонидан тайинланган ҳар қандай ходим (а)-ост бандда айтиб ўтилган Ассамблея, қўмиталар, ишчи гуруҳлари ва бошқа мажлисларнинг ex officio котиби бўлиб ҳисобланади.

(5) [Конференциялар]

(a) Халқаро бюро Ассамблея кўрсатмаларига мувофиқ қайта кўриб чиқиш бўйича ҳар қандай конференцияларга тайёргарлик ишларини амалга оширади.

(b) Халқаро бюро айтиб ўтилган тайёргарлик ишларига тегишли масалалар бўйича ҳукуматлараро ташкилотлар ҳамда халқаро ва миллий ноҳукумат ташкилотлар билан маслаҳатлашиши мумкин.

(с) Бош директор ва Бош директор томонидан тайинланган шахслар қайта кўриб чиқиш бўйича конференциялардаги муҳокамаларда овоз бериш ҳуқуқисиз қатнашадилар.

(6) [Бошқа вазифалар] Халқаро бюро ўз зиммасига юклатилган ушбу Акт билан боғлиқ бошқа ҳар қандай вазифаларни бажаради.

(1) [Бюджет]

(a) Иттифоқ бюджетга эга.

(b) Иттифоқ бюджети фақат Иттифоқнинг ўзига тегишли тушумлар ва харажатларни, ҳамда маъмурий вазифаларини Ташкилот бажараётган Иттифоқлар учун умумий бўлган харажатлар бюджетига унинг тўловларини ўз ичига олади.

(с) Фақат Иттифоқнинг ўзиники бўлмаган харажатлар, шунингдек маъмурий вазифаларини Ташкилот бажараётган бошқа Иттифоқлардан бирига ёки бир нечтасига тегишли бўлган харажатлар Иттифоқларнинг умумий харажатлари ҳисобланади. Иттифоқнинг ушбу умумий харажатлардаги улуши унинг мазкур харажатлардан манфаатдорлигига мос келади.

(2) [Бошқа Иттифоқлар бюджетлари билан мувофиқлаштириш] Иттифоқ бюджети маъмурий вазифаларини Ташкилот бажараётган бошқа Иттифоқлар бюджетлари билан мувофиқлаштириш талабларидан келиб чиқиб тузилади.

(3) [Бюджетни молиялаш манбалари] Иттифоқ бюджети қуйидаги манбалардан молиялаштирилади:

(i) халқаро рўйхатдан ўтказиш билан боғлиқ божлар ҳисобидан;

(ii) Халқаро Бюро томонидан тақдим этилаётган Иттифоққа тегишли бошқа хизматлар учун йиғим ва тўловлардан;

(iii) Халқаро бюронинг Иттифоққа тегишли нашрларини сотишдан келган тушумлардан, ёки роялти ҳисобидан тушумлардан;

(iv) совғалар, мерос қолдирилган маблағлар ва субсидиялардан;

(v) ренталар, фоизлар ва бошқа турли даромадлардан.

(4) [Божлар ва йиғимлар миқдорининг ўрнатилиши; бюджет даражаси]

(a) (3)(i)-бандда кўзда тутилган божлар миқдори Бош директор таклифи бўйича Ассамблея томонидан ўрнатилади. (3)(ii)-бандда кўзда тутилган йиғимлар Бош директор томонидан ўрнатилади, ва, улар Ассамблея кейинги сессиясида маъқуллангунига қадар, вақтинчалик асосда қўлланади.

(b) (3)(i)-бандда кўзда тутилган божлар миқдори шундай белгиланадики, бунда Иттифоқнинг божлар ва бошқа манбалар ҳисобига олинадиган даромадлари Халқаро бюронинг Иттифоққа нисбатан барча харажатларини камида қоплаш учун етарли бўлиши керак.

(с) Агар бюджет янги молиявий давр бошланишигача қабул қилинмаган бўлса, унда молиявий регламентга мувофиқ олдинги йил даражасидаги бюджетдан фойдаланилади.

(5) [Айланма маблағлар фонди] Иттифоқ айланма маблағлар фондига эга бўлиб, бу фонд ортиқча тушумлар ва, агар бундай ортиқча тушум етарли бўлмаса, Иттифоқнинг ҳар бир аъзоси томонидан амалга ошириладиган бир марталик тўлов ҳисобига ташкил этилади. Агар айланма маблағлар фонди етарли бўлмай қолса, Ассамблея уни ошириш масаласини ҳал қилади. Бир марталик тўлов миқдори ва уни тўлаш шартлари Ассамблея томонидан Бош директор таклифига биноан белгиланади.

(6) [Қабул қилувчи давлат томонидан аванс бериш]

(a) Давлат томонидан ушбу давлат ҳудудида ўз штаб-квартирасига эга бўлган Ташкилот билан тузиладиган штаб-квартира тўғрисидаги битимда, айланма маблағлар фонди етарли бўлмай қолганда, ушбу давлат аванс тақдим этиши кўзда тутилади. Ушбу аванслар суммаси ва уларни тақдим этиш шартлари ҳар бир ҳолда ушбу давлат ва Ташкилот ўртасида тузиладиган алоҳида битимлар предметини ташкил қилади.

(b) (а)-ост бандда айтиб ўтилган давлат ҳам, Ташкилот ҳам, ёзма билдиришнома орқали аванслар тақдим этиш мажбуриятини бекор қилиш ҳуқуқига эга. Бекор қилиш (денонсация) билдириш тақдим этилган йил тугагандан кейин уч йил ўтиб кучга киради.

(7) [Ҳисобларни ревизия қилиш] Ҳисоблар ревизияси, молиявий регламентда кўзда тутилганидек, Иттифоққа аъзо битта ёки бир нечта давлатлар ёки ташқи ревизорлар томонидан амалга оширилади. Уларни, ўз хоҳишларига кўра Ассамблея тайинлайди.

(1) [Тартибга солиш соҳаси] Йўриқнома ушбу Актнинг қўлланиш тартибини бошқаради, хусусан, Йўриқнома:

(i) тартибга солиниши мазкур Акт билан «Йўриқномада махсус кўрсатилган» талабларга нисбатан;

(ii) мазкур Акт қоидаларига тегишли бошқа тафсилотларга ёки уларни қўллаш учун фойдали бўлган ҳар қандай тафсилотларга нисбатан;

(iii) ҳар қандай маъмурий талаблар, масалалар ёки процедураларга нисбатан қоидаларни ўз ичига олади.

(2) [Йўриқноманинг баъзи қоидаларига тузатишлар]

(a) Йўриқномада Йўриқноманинг баъзи қоидаларига тузатишлар фақат бир овоздан қабул қилинган қарор асосида ёки бешдан тўрт қисмдан иборат кўпчилик билан киритилиши мумкин деб кўрсатилиши мумкин.

(b) Бир овозлилик ёки бешдан тўрт қисмдан иборат кўпчилик талаби келажакда Йўриқноманинг бирор қоидасига тузатишлар киритишга жорий қилинмаслиги учун бир овоздан қабул қилинган қарор талаб қилинади.

(с) Бир овоздан ёки бешдан тўрт қисмдан иборат кўпчилик талаб келажакда Йўриқноманинг бирор қоидасига тузатишлар киритишга жорий қилиниши учун бешдан тўрт қисмдан иборат кўпчилик талаб қилинади.

(3) [Мазкур Акт ва Йўриқнома ўртасидаги тафовутлар] Мазкур Акт ва Йўриқнома ўртасида тафовутлар мавжуд бўлганида Акт қоидалари қабул қилинади.

(1) [Қайта кўриб чиқиш бўйича конференция] Ушбу Акт Аҳдлашувчи томонлар конференцияси томонидан қайта кўриб чиқилиши мумкин.

(2) [Айрим моддаларни қайта кўриб чиқиш ёки уларга ўзгартиришлар киритиш] 21, 22, 23, ва 26-моддаларга тузатишлар қайта кўриб чиқиш бўйича конференция томонидан ёки 26-моддага мувофиқ Ассамблея томонидан киритилиши мумкин.

(1) [Тузатишлар киритиш тўғрисидаги таклифлар]

(a) Ассамблея томонидан 21, 22, 23-моддаларга ва ушбу моддага тузатишлар киритиш тўғрисидаги таклифлар исталган Аҳдлашувчи томон ёки Бош Директор томонидан киритилиши мумкин.

(b) Бундай таклифларни Бош директор Аҳдлашувчи томонларга бу таклифлар Ассамблея томонидан кўриб чиқилишидан камида 6 ой аввал юборади.

(2) [Овоз беришда талаб қилинадиган кўпчилик] Ассамблея томонидан (1) бандда айтиб ўтилган моддаларга ҳар қандай тузатишлар киритиш тўртдан уч қисмдан иборат кўпчилик овозларни талаб қилади, қабул қилиниши учун бешдан тўрт қисмдан иборат кўпчилик овозлар талаб қилинадиган 21-бандга киритиладиган ҳар қандай тузатишлар бундан мустасно.

(3) [Кучга кириш]

(a) (2)-банд қўлланадиган ҳолатларни истисно қилганда, (1)-бандда санаб ўтилган моддаларга ҳар қандай тузатиш Бош директор томонидан тузатиш қабул қилинганлиги тўғрисида Аҳдлашувчи томонларнинг ҳар биридан белгиланган тартибга мувофиқ тузилган ёзма билдириш олинганидан кейин бир ой ўтиб кучга киради, бунда билдириш тузатиш киритилаётган вақтда Ассамблея аъзолари бўлган ва ушбу тузатиш бўйича овоз бериш ҳуқуқига эга бўлган Аҳдлашувчи томонларнинг тўртдан уч қисмидан олинган бўлиши керак.

(b) Агар Ассамблея томонидан тузатиш қабул қилинган санадан эътиборан олти ой мобайнида исталган Аҳдлашувчи томон Бош директорни ўзининг мазкур тузатиш билан боғланмаганлиги ҳақида хабардор қилса, 21(3) ёки (4)-моддага, ёки ушбу ост бандга киритиладиган ҳар қандай тузатиш кучга кирмайди.

(с) Ушбу банднинг қоидаларига мувофиқ кучга кираётган ҳар қандай тузатиш ушбу тузатиш кучга кириш пайтида Аҳдлашувчи томон бўлган, ёки кечроқ санада Аҳдлашувчи томон бўлаётган барча давлатлар ва ҳукуматлараро ташкилотлар учун мажбурийдир.

(1) [Актда иштирок этиш шартлари] (2) ва (3)-бандлар ва 28-моддани ҳисобга олган ҳолда,

(i) Ташкилотга аъзо хар қандай давлат мазкур Актни имзолаши ва унинг қатнашчиси бўлиши мумкин;

(ii) саноат намуналарига муҳофаза олиш мумкин бўлган Идорага эга бўлган ҳар қандай ҳукуматлараро ташкилот, агар у ушбу ҳукуматлараро ташкилотни таъсис этувчи шартнома қўлланадиган ҳудудда амал қилса, ушбу Актга имзо чекиши ва унинг иштирокчиси бўлиши мумкин, шу шарт биланки, ушбу ҳукуматлараро ташкилотнинг камида биттаси Ташкилотнинг аъзоси бўлиши керак, ва яна шу шарт биланки, бундай Идора 19-моддага мувофиқ қилинган билдириш объекти бўлмаслиги керак.

(2) [Ратификация ёки қўшилиш] (1)-бандда айтиб ўтилган ҳар қандай давлат ёки ҳукуматлараро ташкилот:

(i) ратификация қилиш ёрлиғини, агар улар мазкур Актни имзолаган бўлсалар; ёки

(ii) қўшилиш тўғрисидаги актни, агар улар ушбу Актни имзоламаган бўлсалар, сақлашга топширишлари мумкин.

(3) [Сақлаш учун топшириш санаси]

(a) (b)-(d)-ост бандларини ҳисобга олган ҳолда, ратификация ёрлиғи ёки қўшилиш ҳақидаги акт сақлаш учун топширилган сана тегишли ҳужжат сақлаш учун топширилган сана ҳисобланади.

(b) ратификация ёрлиғининг ёки ҳар қандай давлатнинг қўшилиши ҳақидаги актнинг сақлаш учун топширилиш санаси бўлиб, ҳукуматлараро ташкилотнинг тегишли ҳужжати сақлашга топширилган сана ҳисобланади, агар ушбу сана мазкур давлат ҳужжати топширилган санадан кечроқ бўлса, бунда ушбу давлатга нисбатан саноат намуналарига муҳофаза фақат ушбу давлат аъзолик қиладиган ҳукуматлараро ташкилот қошидаги Идора орқалигина олиниши мумкин.

(с) ҳар қандай ратификация ёрлиғини ёки 19-моддага мувофиқ таркибида билдириш бўлган ёки билдириш илова қилинган айтиб ўтилган ҳар қандай қўшилиш ҳақидаги актни сақлаш учун топшириш санаси бўлиб, тегишли билдириш юборган давлатлар гуруҳига аъзо давлатлар ҳужжатларининг охиргиси сақлаш учун топширилган сана ҳисобланади.

(d) Ҳар қандай ратификация ёрлиғи ёки давлатнинг қўшилганлиги ҳақидаги акт таркибига ариза кирган бўлиши ёки унга ариза илова қилинган бўлиши мумкин, бунда аризага биноан ушбу ҳужжат, мазкур Акт қатнашчилари бўлиш ҳуқуқига эга бўлган битта бошқа давлатнинг ёки битта ҳукуматлараро ташкилотнинг ҳужжати ҳам, ёки иккита бошқа давлатнинг ҳужжатлари ҳам, ёки битта давлат ва битта ҳукуматлараро ташкилотнинг ҳужжатлари ҳам уларнинг номлари кўрсатилган ҳолда сақлашга топширилганлиги шарти билан сақлашга топширилган ҳисобланади. Шундай аризани ўз ичига олган ёки ариза илова қилинган ҳужжат аризада кўрсатилган шарт бажарилган санада сақлаш учун топширилган деб ҳисобланади. Бироқ, аризада кўрсатилган ҳужжат, ўз навбатида, шунга ўхшаш аризани ўз ичига олган бўлса, ёки унга ариза илова қилинган бўлса, ушбу ҳужжат охирги аризада кўрсатилган шарт бажарилган санага сақлаш учун топширилган деб ҳисобланади.

(е) (d)-бандга мувофиқ юборилган ҳар қандай ариза ҳар қандай вақтда тўлиқ ёки қисман чақириб олиниши мумкин. Бу каби ҳар қандай чақириб олиш Бош директор томонидан тегишли билдиришнома олинган санадан эътиборан кучга киради.

(1) [Эътиборга олинадиган ҳужжатлар] Ушбу модда мақсадлари учун фақат 27(1)-моддада айтиб ўтилган давлатлар ва ҳукуматлараро ташкилотлар томонидан сақлаш учун топширилган ва 27(3)-моддага мувофиқ сақлаш учун топшириш санасига эга бўлган ратификация ёрлиқлари ёки қўшилиш тўғрисидаги актларгина эътиборга олинади.

(2) [Ушбу Актнинг кучга кириши] Ушбу Акт олтита давлат ратификация ёрлиқлари ёки қўшилиш тўғрисидаги актларни сақлаш учун топширгандан уч ой ўтиб, кучга киради, бунда Халқаро бюро томонидан тўпланган охирги йиллик статистика маълумотларига биноан, ушбу давлатларнинг камида учтаси қуйидаги шартларнинг камида биттасига жавоб бериши керак:

(i) тегишли давлатда ёки унга нисбатан саноат намуналарини муҳофаза қилиш учун камида 3000 талабнома топширилган бўлиши; ёки

(ii) тегишли давлатда ёки унга нисбатан бирон-бир бошқа давлатларда истиқомат қилувчилар томонидан саноат намуналарини муҳофаза қилиш учун камида 1000 талабнома топширилган бўлиши.

(3) [Ратификациялар ва қўшилишларнинг кучга кириши]

(a) Ушбу Акт кучга кириш санасидан эътиборан камида уч ой олдин ратификация ёрлиғини ёки қўшилиш тўғрисидаги актни сақлаш учун топширган ҳар қандай давлат ёки ҳукуматлараро ташкилот ушбу Акт кучга кириш санасига унинг қоидалари билан боғланган бўлиб ҳисобланади.

(b) Ҳар қандай давлат ёки ҳукуматлараро ташкилот ўзларининг ратификация ёрлиқлари ва қўшилиш ҳақидаги актларини сақлаш учун топширган санадан эътиборан уч ой ўтиб, ёки тегишли ҳужжатда кўрсатилган кечроқ санадан бошлаб ушбу Акт билан боғланган ҳисобланадилар.

Ушбу Актга нисбатан ҳеч қандай қўшимча шартларга йўл қўйилмайди.

(1) [Аризаларни қачон бериш мумкин] Ҳар қандай ариза 4(1)(b), 5(2)(а), 7(2), 11(1), 13(1), 14(3), 16(2), ёки 17(3)(с)-моддаларга мувофиқ, қуйидаги вақтларда берилиши мумкин:

(i) 27(2)-моддада айтиб ўтилган ҳар қандай ҳужжатни сақлаш учун топшириш вақтида, — бу ҳолда ариза бундай ариза берган давлат ёки ҳукуматлараро ташкилот ушбу Акт билан боғланган санадан эътиборан кучга киради; ёки

(ii) 27(2)-моддада айтиб ўтилган ҳар қандай ҳужжат сақлаш учун топширилганидан кейин, — бу ҳолда ариза Бош директор томонидан олинган санадан эътиборан уч ой ўтиб, ёки аризада кўрсатилган ҳар қандай кечроқ санадан эътиборан кучга киради, бироқ фақат халқаро рўйхатдан ўтказиш санаси ариза кучга кирган санага ёки кечроқ санага тўғри келган ҳар қандай рўйхатдан ўтказишга нисбатан қўлланади.

(2) [Умумий Идорага эга бўлган давлатлар аризалари] (1)-бандга қарамай, ушбу бандда айтиб ўтилган ҳар қандай ариза, у 19(1)-моддага мувофиқ, умумий идора ўзларининг миллий идораларининг ўрнини босиши ҳақида бошқа давлат ёки бошқа давлатлар билан бирга Бош директорга хабар берган давлат томонидан берилган бўлса, агар ушбу бошқа давлат ёки бошқа давлатлар тегишли аризани ёки аризаларни берган ҳолдагина кучга киради.

(3) [Аризаларни чақириб олиш] (1)-бандда айтиб ўтилган ҳар қандай ариза Бош директорга билдиришнома юбориш йўли билан ҳар қандай вақтда чақириб олиниши мумкин. Бундай чақириб олиш Бош директор билдиришномани олган санадан эътиборан уч ойдан кейин, ёки билдиришномада кўрсатилган ҳар қандай бошқа кечроқ вақтдан бошлаб кучга киради. 7(2)-моддага мувофиқ қилинаётган билдиришнома бўлса, у ҳолда юқорида айтиб ўтилган чақириб олиш кучга киргунга қадар топширилган халқаро талабномаларга нисбатан чақириб олиш амал қилмайди.

(1) [Ҳам ушбу Актнинг, ҳам 1934 йилдаги ва 1960 йилдаги Актларнинг қатнашчилари бўлган давлатлар ўртасидаги муносабатлар] Ҳам ушбу Актнинг, ҳам 1934 йилдаги ва 1960 йилдаги Актларнинг қатнашчиси бўлган давлатлар ўртасидаги ўзаро муносабатларга нисбатан фақат ушбу Акт қўлланади. Бироқ, ушбу давлатларнинг ўзаро муносабатларига мазкур Акт қўллана бошлаган санага қадар, Халқаро бюрода депозитланган саноат намуналарига нисбатан ўзаро муносабатларида ушбу давлатлар, вазиятга қараб, 1934 йилдаги Актни ёки 1960 йилдаги Актни қўллайдилар.

(2) [Ҳам ушбу Актнинг, ҳам 1934 йилдаги ва 1960 йилдаги Актларнинг қатнашчилари бўлган давлатлар ўртасидаги, ва 1934 йилдаги ва 1960 йилдаги Актларнинг қатнашчилари бўлган, бироқ ушбу Актнинг қатнашчилари бўлмаган давлатлар ўртасидаги муносабатлар]

(a) Ҳам ушбу Актнинг, ҳам 1934 йилдаги Актнинг қатнашчиси бўлган ҳар қандай давлат 1934 йилдаги Акт қатнашчиси бўлган, бироқ 1960 йилдаги Акт ёки ушбу Акт қатнашчиси бўлмаган давлатлар ўртасидаги ўз муносабатларида 1934 йилдаги Актни қўллашда давом этади.

(b) Ҳам ушбу Актнинг, ҳам 1960 йилдаги Актнинг қатнашчиси бўлган ҳар қандай давлат 1960 йилдаги Акт қатнашчиси бўлган, бироқ ушбу Акт қатнашчиси бўлмаган давлатлар ўртасидаги ўз муносабатларида 1960 йилдаги Актни қўллашда давом этади.

(1) [Билдиришнома] Ҳар қандай Аҳдлашувчи томон Бош директорга юборилган билдиришнома орқали ушбу Актни денонсация қилиши мумкин.

(2) [Кучга кириш санаси] Денонсация Бош директор томонидан билдиришнома олинган санадан эътиборан ёки билдиришномада кўрсатилган ҳар қандай кечроқ санадан бир йил ўтиб кучга киради. Денонсация кўриб чиқилаётган ҳар қандай халқаро талабномага нисбатан, ва денонсация кучга кириш вақтида денонсация қилаётган Аҳдлашувчи томонга нисбатан амал қилаётган ҳар қандай рўйхатдан ўтказишга нисбатан ушбу Актнинг қўлланишига таъсир кўрсатмайди.

(1) [Асл матнлар; расмий матнлар]

(a) Ушбу Акт бир нусхада инглиз, араб, испан, хитой, рус ва француз тилларида имзоланади, бунда барча матнлар тенгдир.

(b) Расмий матнлар Бош директор томонидан манфаатдор ҳукуматлар билан маслаҳатлашгандан кейин Ассамблея белгилаб берадиган бошқа тилларда ишлаб чиқилади.

(2) [Имзолаш учун муддат] Ушбу Акт қабул қилингандан бир йил мобайнида Ташкилот штаб-квартирасида имзолаш учун очиқдир.

Бош директор ушбу Акт депозитарийи бўлиб ҳисобланади.