Саноат намуналарини халқаро рўйхатдан ўтказиш тўғрисидаги Гаага битимининг Женева актига (Женева, 1999 йил 2 июль) қуйидаги баёнотлар билан қўшилинсин:

1) Гаага битими Женева актининг 7-моддаси 2-банди бўйича: «Ўзбекистон Республикаси баён қиладики, Ўзбекистон Республикаси кўрсатилган ҳар қандай халқаро талабнома муносабати билан ва шундай халқаро талабномани топшириш натижасида амалга оширилган ҳар қандай халқаро рўйхатдан ўтказиш узайтирилиши муносабати билан, кўрсатилганлик учун қайд этилган бож Ўзбекистон Республикаси ўз ҳудудида саноат намунасининг халқаро рўйхатдан ўтганлиги амал қиладиган давлат сифатида кўрсатилганлиги учун якка тартибдаги божга алмаштирилади»;

2) Гаага битими Женева актининг 11-моддаси 1-банди (b) кичик банди бўйича: «Ўзбекистон Республикаси баён қиладики, унинг қонунчилигида саноат намунаси тўғрисидаги маълумотларнинг нашр этилишини кечиктириш назарда тутилмаган»;

3) Гаага битими Женева актининг 13-моддаси 1-банди бўйича: «Ўзбекистон Республикаси баён қиладики, айни бир талабнома объекти бўлган саноат намуналари ижодий ғоя бирлиги талабига жавоб бериши шарт»;

4) Гаага битими Женева актининг 16-моддаси 2-банди бўйича: «Ўзбекистон Республикаси баён қиладики, Халқаро реестрдаги халқаро рўйхатга олинган алоҳида ёки барча саноат намуналарининг эгаси ўзгарганлиги тўғрисидаги ёзув Ўзбекистон Республикасининг Идораси ҳуқуқ бошқа шахсга ўтказганлиги ҳақидаги тегишли ҳужжатларни олмагунича кучга эга бўлмайди»;

5) Гаага битими Женева актининг 17-моддаси 3-банди (с) кичик банди бўйича: «Ўзбекистон Республикаси баён қиладики, саноат намунасига бўлган мутлақ ҳуқуқнинг амал қилиш муддати беш йилни ташкил этади ва бу муддат ҳуқуқ эгасининг аризасига кўра бир неча марта беш йилга, бироқ халқаро рўйхатдан ўтказилган кундан эътиборан ҳисобланганда жами кўпи билан ўн беш йилга узайтирилиши мумкин»;

6) Гаага битимининг 1999 йилдаги актига ва 1960 йилдаги актига доир умумий йўриқноманинг 13-қоидаси 4-банди бўйича: «Ўзбекистон Республикаси баён қиладики, Ўзбекистон Республикасининг Идораси орқали берилган халқаро талабнома материалларини жўнатиш учун зарур бўлган бир ой муддат хавфсизлик талабларига риоя этилиши бўйича текширув ўтказиш учун зарур бўлган олти ой муддатга алмаштирилади»;

7) Гаага битимининг 1999 йилдаги актига ва 1960 йилдаги актига доир умумий йўриқноманинг 18-қоидаси 1-банди (b) кичик банди бўйича: «Ўзбекистон Республикаси баён қиладики, Ўзбекистон Республикаси ҳудудида муҳофаза тақдим этишни рад этиш тўғрисидаги билдириш хатини тайёрлаш учун энг кўп муддат 12 ойдан иборатдир»;

8) Гаага битимининг 1999 йилдаги актига ва 1960 йилдаги актига доир умумий йўриқноманинг 18-қоидаси 1-банди (с) (i) кичик банди бўйича: «Ўзбекистон Республикаси баён қиладики, саноат намунасининг Ўзбекистон Республикаси ҳудудида халқаро рўйхатдан ўтганлигининг амал қилиши унинг Идораси томонидан Бутунжаҳон интеллектуал мулк ташкилотининг Халқаро бюросига муҳофаза тақдим этилганлиги тўғрисидаги хабарнома юборилган кундан эътиборан бошланади».