Ўзбекистон Республикасининг «Аҳолининг санитария-эпидемиологик осойишталиги тўғрисида»ги Қонуни ва Ўзбекистон Республикаси Президентининг 2020 йил 25 июлдаги «Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида» ПФ-6035-сон Фармонига мувофиқ, Ўзбекистон Республикаси Санитария-эпидемиологик осойишталик ва жамоат саломатлиги хизмати қарор қилади:

1. Умумтаълим мактабларида таълим шароитлари ва ташкил этилишига қўйиладиган санитария-эпидемиологик талаблари (0341-16-сон СанҚваН)га иловага мувофиқ ўзгартиришлар ва қўшимча киритилсин.

2. Мазкур қарор Ўзбекистон Республикаси Халқ таълими вазирлиги билан келишилган.

3. Мазкур қарор расмий эълон қилинган кундан эътиборан кучга киради.

1. 10.5-банднинг 5-сон жадвали қуйидаги таҳрирда баён этилсин:

2. 10.6-бандда:

иккинчи — бешинчи хатбошилар қуйидаги таҳрирда баён этилсин:

«1-синфлар учун — дарслар кунига 4 соатдан ва ҳафтада 2 кун 5 соатдан кўп бўлмаслиги керак (5 соатлик ўқув кунида жисмоний тарбия ёки енгил фанлар — технология, тасвирий санъат, мусиқа маданияти, тарбия фанлари ўқитилади);

2 — 4-синфлар учун — дарслар кунига 4 соатдан ва ҳафтада 4 кун 5 соатдан кўп бўлмаслиги керак (5 соатлик ўқув кунида жисмоний тарбия ёки енгил фанлар — технология, тасвирий санъат, мусиқа маданияти, тарбия фанлари ўқитилади);

5 — 9-синфлар учун — дарслар кунига 6 соатдан кўп бўлмаслиги керак;

10 — 11-синфлар учун — дарслар кунига 6 соатдан кўп бўлмаслиги керак.»;

қуйидаги мазмундаги олтинчи хатбоши билан тўлдирилсин:

«Бир йил давомида ўқув ҳафталиги 1-синфлар учун — 33 ҳафта, 2 — 11-синфлар учун 34 ҳафтадан ошмаслиги лозим.»;

олтинчи хатбоши еттинчи хатбоши деб ҳисоблансин.

3. 10.10-бандда:

иккинчи хатбоши қуйидаги таҳрирда баён этилсин:

«ўқув машғулотлари 5 кунлик ўқув ҳафтасида ва фақат биринчи сменада ўтказилади;»;

учинчи хатбоши чиқариб ташлансин;

тўртинчи — еттинчи хатбошилар тегишли равишда учинчи — олтинчи хатбошилар деб ҳисоблансин.

4. 10.16-банддан иккинчи хатбоши чиқариб ташлансин.