Ўзбекистон Республикасининг 2020 йил 20 октябрдаги «Аҳоли бандлиги тўғрисида» Қонунининг 12, 38, 39-моддалари, Ўзбекистон Республикасининг 2020 йил 15 октябрдаги «Ногиронлиги бўлган шахсларнинг ҳуқуқлари тўғрисида»ги Қонунининг 14, 43-моддаси, Ўзбекистон Республикаси Президентининг «Аҳолининг ҳожатманд қатламларини ижтимоий қўллаб-қувватлаш ҳамда тиббий-ижтимоий ёрдам кўрсатиш тизимини янада такомиллаштириш чора-тадбирлари тўғрисида»ги 2016 йил 22 февралдаги ПФ-4782-сон Фармони, «Ўзбекистон Республикаси Бандлик ва меҳнат муносабатлари вазирлиги фаолиятини ташкил этиш чора-тадбирлари тўғрисида»ги 2017 йил 24 майдаги ПҚ-3001-сон қарори, Ўзбекистон Республикаси Вазирлар Маҳкамасининг 2017 йил 5 декабридаги 965-сонли қарори билан тасдиқланган «Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларини энг кам сонини белгилаш ва захирага қўйиш тартиби тўғрисида»ги Низомга мувофиқ ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун 2022 йилга мўлжалланган банд қилиниши керак бўлган иш ўринлари сонини ва уларга қўйиладиган талабларни белгилаш бўйича туман махсус комиссиясининг 2021 йил 27 августдаги баёнини инобатга олиб қарор қиламан:

1. Тумандаги ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш жойларининг энг кам миқдорини белгилаш бўйича комиссия таркиби 1-иловага мувофиқ; Сергели туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг 2022 йил учун банд қилиб қўйиш лозим бўлган корхона, ташкилот ва муассасаларнинг рўйхати 2-иловага мувофиқ тасдиқлансин.

2. Сергели туманида ижтимоий муҳофазага муҳтож ва иш топишда қийналаётган шахсларни ишга жойлаштириш учун тумандаги 125 та корхона, ташкилот ва муассасаларда аҳолининг қуйидаги тоифалари учун ходимларнинг ўртача сонининг 10 фоизигача миқдорида, яъни 1 483 та иш ўринлари захирага олиниб, банд қилиб қўйилсин.

Шу жумладан:

14 ёшгача болалари ва ногирон болалари бўлган ёлғиз ва кўп болали ота-оналар учун 27 фоиз (411 киши);

умумий ўрта ва ўрта махсус, касб-ҳунар таълими муассасаларини тамомлаган ёшлар, шунингдек, олий таълим муассасаларининг давлат грантлари бўйича таълим олган битирувчилари учун 58 фоиз (872 киши);

сафарбарлик чақируви захирасида хизматни ўтаган ва Ўзбекистон Республикаси Қуролли Кучлари сафларидан муддатли ҳарбий хизматдан бўшатилган шахслар учун 5.5фоиз (82 киши);

ногиронлар учун 2. фоиз (31 киши);

пенсия олди ёшидаги шахслар учун 3.2 фоиз (48 киши);

жазони ижро этиш муассасаларидан озод қилинган ёки суднинг қарорига кўра тиббий тусдаги мажбурлов чоралари қўлланилишидан озод қилинган шахслар учун 2.6 фоиз (39 киши);

одам савдоси қурбонлари учун 0 фоиз (0 киши).

3. Шахсларнинг кўрсатиб ўтилган тоифалари учун иш ўринлари санитария-гигиена меъёрларига ва ходим ўз меҳнат мажбуриятларини тўсиқсиз бажаришини таъминлайдиган меҳнат қилиш шароитларига, шу жумладан, Ўзбекистон Республикасининг Меҳнат кодекси ва меҳнат тўғрисидаги бошқа қонун ва қонуности ҳужжатлари талабларига мувофиқ бўлиши керак.

4. Захирага қўйиладиган касблар ва лавозимлар рўйхати:

муҳандислар, иқтисодчилар, ҳисобчи, ҳисобчи-тафтишчи, ҳуқуқшунос, зоотехник, агроном, шифокор, ҳамшира, кичик тиббий ходим, иш юритувчи, ўқитувчи, тарозибон, ҳайдовчи, ташувчи, фаррош, қозонхона ўт ёқувчиси (котельщик), ободонлаштириш ишчиси, омборчи, операторлар, юкчи, ишчи, боғбон, қоровул.

5. Иш ўринларини захирага олиб, банд қилувчи корхона, ташкилот ва муассасалар раҳбарларига:

ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни иш билан таъминлаш учун 2021 йил якунланишидан 10 кун олдин банд қилинган иш жойлари умумий миқдори камида 25 фоизи учун, 2022 йилнинг 10 апрелидан кечикмай иш жойларининг қолган 75 фоизлик қисмини барпо этиш (ажратиш ёки банд қилиб қўйиш) тўғрисидаги, яъни ҳар бир тоифа бўйича иш ўринлари банд қилиб қўйиладиган касб ва лавозимлар, мутахассисликлар рўйхати Тошкент шаҳар Сергели тумани Аҳоли бандлигига кўмаклашиш марказига тақдим этилсин.

Иловадаги шахслар учун иш ўринлари санитария-гигиена нормалари ва меҳнат шароитларига мувофиқлаштирилиши таъминлансин.

6. Муҳтожлар учун иш ўринларини захирага қўйиш бўйича Сергели туман ҳокимининг қарорини бажармаган ташкилотнинг мансабдор шахсига, шунингдек, уларни ишга қабул қилиш асоссиз равишда рад этилганлиги учун қонун ҳужжатларида белгиланган тартибда маъмурий жавобгарлик белгиланади.

Муҳтожлар учун иш ўринларини захирага қўйиш бўйича туман ҳокимининг ушбу қарорини бажарилмаганлиги учун жарима тўлаш ташкилотни захирага қўйиладиган иш ўринларининг белгиланган сонини яратиш бўйича мажбуриятдан озод қилмайди.

7. Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар учун банд қилиб қўйилган иш ўринлари 2-иловада белгиланган миқдоридан ортиқчасини ташкил этган корхона, ташкилот ва муассасалар ушбу иш ўринларини ташкил этишга сарфланган маблағларнинг бир қисмини Сергели тумани Аҳоли бандлигига кўмаклашиш маркази билан тузилган шартномага асосан Бандликка кўмаклашиш жамғармаси маблағлари ҳисобидан қоплаш ҳуқуқига эга.

Ўзбекистон Республикаси бандлик ва меҳнат муносабатлари вазирлигининг 2019 йил 31 майдаги «Ўзбекистон Республикаси бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисида низомни тасдиқлаш ҳақида»ги 3163-сонли буйруғига асосан ижтимоий эҳтиёжманд аҳоли қатламларига мансуб шахсларни квоталанган энг кам сондан ортиқ миқдорда ишга қабул қилган корхона, ташкилот ва муассасаларга — ҳар бир ходим учун 12 ой давомида ҳар ойда базавий ҳисоблаш миқдорининг 2(икки) баравари миқдорида Сергели туман Аҳоли бандлигига кўмаклашиш маркази томонидан ҳақ тўлансин.

8. Сергели тумани ҳокимлиги Ахборот ва коммуникация технологияларини ривожлантириш бўлими (С. Юнусов), туман ҳокимлиги Матбуот хизмати (С. Асатов):

Сергели туман (www.sergeli.toshkent.uz) веб-сайтига жойлаштирилишини таъминласин.

9. Қарор расмий эълон қилинган кундан бошлаб кучга киради.

10. Мазкур қарорнинг ижроси Сергели туман Аҳоли бандлигига кўмаклашиш маркази директори вазифасини вақтинча бажарувчи И. Темиров, бажарилишини назорат қилиш Сергели туман ҳокимининг биринчи ўринбосари А. Жумабоев зиммасига юклатилсин.