LexUZ шарҳи
Мазкур қарор Ўзбекистан Республикаси Вазирлар Маҳкамасининг 2022 йил 19 апрелдаги 195-сонли «Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Самарқанд вилоятида эксперимент тариқасида маҳаллабай ишлаш тизимини жорий этишга қаратилган чора-тадбирлар тўғрисида» 2021 йил 6 майдаги ПҚ-5105-сон қарори ижросини таъминлаш, шунингдек, аҳоли бандлигини таъминлаш, ёшлар ва хотин-қизларнинг тадбиркорлик ташаббусларини амалга оширишга кўмаклашиш, аҳоли ва тадбиркорларнинг муаммоларини аниқлаш ҳамда самарали ҳал этиш тизимини йўлга қўйиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Самарқанд вилоятида эксперимент тариқасида маҳаллабай ишлаш тизимини жорий этишга қаратилган чора-тадбирлар тўғрисида» 2021 йил 6 майдаги ПҚ-5105-сон қарорига мувофиқ 2021 йил 1 июндан бошлаб Самарқанд вилоятининг туманлари (шаҳарлари) ҳокимликлари тузилмасида туман (шаҳар) ҳокимлиги таъсисчилигида давлат муассасаси шаклида Маҳаллабай ишлаш марказлари (кейинги ўринларда — Марказлар) ташкил этилганлиги ҳамда уларнинг асосий вазифалари ва фаолият йўналишлари белгиланганлиги маълумот учун қабул қилинсин.
2. «Маҳаллабай ишлаш маркази» давлат муассасасининг намунавий тузилмаси 1-иловага мувофиқ тасдиқлансин.
3. Қуйидагиларни назарда тутувчи Маҳаллабай ишлаш марказининг намунавий устави 2-иловага мувофиқ тасдиқлансин:
Марказларнинг аҳоли бандлигини таъминлаш орқали камбағалликни қисқартириш, тадбиркорликни ривожлантиришга кўмаклашиш, аҳолини касб-ҳунар ва тадбиркорликка ўқитиш ҳамда уларнинг тадбиркорлик ташаббусини қўллаб-қувватлаш, маҳалладаги инфратузилма билан боғлиқ муаммоларни ҳал этиш ва бошқа соҳалардаги асосий вазифалари;
Марказлар фаолиятини ташкил этиш, шу жумладан, уларнинг фаолиятига раҳбарлик қилиш, Марказлар директори ва ходимларини лавозимга тайинлаш ва лавозимдан озод этиш, шунингдек, Марказлар фаолиятини режалаштириш ҳамда уларнинг фаолиятини молиялаштириш тартиби.
Марказлар ходимларига туман (шаҳар) иқтисодий тараққиёт ва камбағалликни қисқартириш бўлимлари ходимларига Ўзбекистон Республикаси Давлат бюджети ҳисобидан амалга ошириладиган меҳнатга ҳақ тўлаш шартлари, шу жумладан, меҳнатга ҳақ тўлашнинг Ягона тариф сеткаси бўйича разрядлар татбиқ этилади;
Марказлар фаолиятини мувофиқлаштириш ва самарали ташкил этишга туманлар (шаҳарлар) ҳокимларининг молия-иқтисодиёт ва камбағалликни қисқартириш масалалари бўйича биринчи ўринбосарлари шахсан масъул ҳисобланади.
5. Самарқанд вилоятининг туманлари (шаҳарлари) ҳокимликлари бир ой муддатда ушбу қарорда назарда тутилган талаблар асосида ўз муассислигидаги Марказларнинг тузилмаси ва уставини тасдиқласин ҳамда унинг белгиланган тартибда давлат рўйхатидан ўтказилишини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Самарқанд вилояти ҳокими Э.О. Турдимов зиммасига юклансин.
Директор | |||||||||||||||||||||||||||||||||||||||||||||||||||||
Маҳаллаларда тадбиркорликни ривожлантириш бўлими 2 | Маҳаллаларда инфратузилмани ривожлантириш бўлими 2 | Аҳоли бандлигини таъминлаш бўлими 2 | |||||||||||||||||||||||||||||||||||||||||||||||||||
Аҳолини касб-ҳунарга ва тадбиркорликка ўқитиш бўлими 2 | Маҳаллабай ишлаш инспекторлари* | ||||||||||||||||||||||||||||||||||||||||||||||||||||
1. Ушбу Намунавий устав Маҳаллабай ишлаш марказининг (кейинги ўринларда — Марказ) мақоми, асосий вазифалари, ҳуқуқ ва мажбуриятларини, шунингдек, унинг фаолиятини ташкил этиш тартибини белгилайди.
3. Марказ фаолияти туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари томонидан мувофиқлаштириб борилади.
4. Марказ ўз фаолиятини Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонунчилик ҳужжатларига ҳамда ушбу Намунавий уставга мувофиқ амалга оширади.
6. Марказ Ўзбекистон Республикаси Давлат герби тасвири туширилган, номи давлат тилида ёзилган муҳрга, штампга, давлат намунасидаги бланкаларга, шу жумладан, ўзига юкланган мажбуриятларни бажарадиган ҳамда суд, арбитраж органларида даъвогар ва жавобгар бўладиган давлат муассасаси ҳисобланади.
8. Марказнинг жойлашган жойи (почта манзили): вилояти, _______ тумани (шаҳри), ____- мавзе, кўча номи, — «___»- уй ___________.
9. Марказ ўз фаолиятини туман (шаҳар) ҳокимлиги таркибий бўлинмалари, маҳалла фуқаролар йиғинлари ҳамда давлат органлари ва ташкилотлари билан ўзаро ҳамкорликда амалга оширади.
маҳаллабай ишлаш асосида аҳоли бандлигини таъминлаш, тадбиркорликка ва ўзини ўзи банд қилиб ишлаш фаолиятига жалб қилиш;
маҳаллаларнинг «ўсиш нуқталари»ни (ихтисослашув йўналишларини) аниқлаш ва янги тадбиркорликни, шу жумладан, «драйвер» лойиҳаларни амалга оширишда ташаббускорларга кўмаклашиш ва шу орқали ҳар бир маҳалланинг ижтимоий-иқтисодий ўсишини таъминлаш;
маҳалла паспортидаги мезонлар асосида «қизил», «сариқ» ва «яшил» ҳудудларга ажратган ҳолда барча маҳаллаларни «яшил» ҳудудга ўтказиш;
«Темир дафтар»га киритилган оилалар, «Ёшлар дафтари»га киритилган ёшлар ва «Аёллар дафтари»га киритилган хотин-қизларнинг муаммоларини ўрганиб, уларга аниқ йўналишлар (касб-ҳунарга ўқитиш, иш билан таъминлаш, тадбиркорликка жалб этиш, моддий ёрдам бериш) бўйича манзилли кўмаклашиш;
Вазирлар Маҳкамасининг «Маҳаллабай» ишлаш тизимини амалиётга жорий этиш ва аҳолининг тадбиркорлик ташаббусларини янада қўллаб-қувватлаш чора-тадбирлари тўғрисида» 2021 йил 19 мартдаги 152-сон қарорида назарда тутилган асосий йўналишларни самарали амалга оширишдан иборат.
аҳоли бандлигини таъминлаш ва доимий даромад манбаини яратиш орқали камбағалликни қисқартириш чораларини кўриш;
маҳаллабай ишлаш асосида тадбиркорликни янада ривожлантиришга кўмаклашиш ҳамда аҳолини касб-ҳунар ва тадбиркорликка ўқитиш;
тадбиркорлик қилиш истагида бўлган фуқароларга, шу жумладан, аёллар ва ёшларга кредит ҳамда субсидиялар олишда кўмаклашиш;
тадбиркорлик, ҳунармандчилик қилиш истагини билдирган фуқароларга замонавий асбоб-ускуналар ва мини-технологиялар топишга кўмаклашиш;
маҳалладаги мавжуд инфратузилма билан боғлиқ муаммоларни ҳал этиш чораларини кўриш ҳамда хорижда меҳнат фаолиятини амалга ошириш ва малака ошириш истагини билдирган фуқаролар билан ишлаш.
ўз ваколатига кирадиган масалаларни ҳал қилиш учун туман (шаҳар)лар ҳокимлигининг таркибий бўлинмалари, маҳалла фуқаролар йиғинлари, давлат ҳамда нодавлат ташкилотларидан белгиланган тартибда маълумот сўраш ва олиш;
ўзига юкланган вазифаларни амалга ошириш билан боғлиқ норматив-ҳуқуқий ҳужжатлар лойиҳаларини, шунингдек, бошқа ҳужжатларни ишлаб чиқиб, туман (шаҳар) ҳокимлигига белгиланган тартибда киритиш;
фаолиятига доир ижтимоий реклама маҳсулотларини буюртма қилиш, шунингдек, уларни давлат оммавий ахборот воситаларида, стендларда, баннерларда ва аҳоли кенг танишиши мумкин бўлган бошқа усулларда бепул жойлаштириш;
Интернет жаҳон ахборот тармоғида ва ижтимоий тармоқларда белгиланган тартибда расмий веб-сайтлар яратиш;
коррупция ва бошқа суиистеъмолликларнинг олдини олиш ва уларга йўл қўймаслик, ходимнинг шахсий ва ишчанлик хусусиятларини, фаолияти самарадорлигини мунтазам ўрганиш, шунингдек, малакага ва Марказ фаолиятининг йўналишларида ишлаш тажрибасига эга бўлган кадрлар захирасини шакллантириш;
ўз ваколати доирасида семинарлар, кўргазмалар, ярмаркалар ўтказиш, шунингдек, бошқа ташкилотлар томонидан ташкил этилган шундай тадбирларда иштирок этиш;
ўзига юкланган вазифалар ва фаолият йўналишларининг бажарилиши билан боғлиқ бўлган ҳамда тезкор ҳал этишни талаб қиладиган масалалар юзасидан белгиланган тартибда таклифлар киритиш.
туман (шаҳар) ҳокимлиги томонидан белгиланган тартибда тасдиқланган тегишли ҳужжатлар билан унга юкланган вазифаларнинг сифатли ва ўз вақтида бажарилишини таъминлаши;
Марказ фаолиятидаги камчиликларни ўз вақтида бартараф этиши, тегишли йўналишлар бўйича вазифаларнинг сифатли бажарилишини таъминлаши;
Марказ директори вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари билан келишган ҳолда туман (шаҳар) ҳокими томонидан лавозимга тайинланади ва лавозимдан озод этилади;
Марказ ходимлари ва инспекторлари туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари билан келишган ҳолда Марказ директори томонидан лавозимга тайинланади ва лавозимдан озод этилади.
туман (шаҳар) ҳокимлигининг таркибий бўлинмалари, маҳалла фуқаролар йиғинлари ҳамда давлат органлари ва ташкилотлари билан муносабатларда Марказ номидан иш юритади;
маҳаллалар кесимида тўпланган муаммо ва мурожаатларни мувофиқлаштириб, уларни ҳал этишда туман (шаҳар) ҳокимининг тегишли ўринбосарлари билан ҳамкорликда ишларни ташкил этади;
Директор амалга оширилган ишлар натижадорлиги юзасидан ҳар чоракда халқ депутатлари туман (шаҳар) Кенгашида ҳисобот бериб боради.
16. Марказ ходимларининг иш ҳақи, самарали фаолияти учун уларни рағбатлантириш миқдори ва иш ҳақига устамалар қонунчилик ҳужжатларига мувофиқ белгиланади.
17. Марказга бухгалтерия ва юридик хизматлар туман (шаҳар) ҳокимлигининг бухгалтерия бўлими ва бош юрисконсульти томонидан кўрсатилади.
18. Марказнинг устави ушбу Намунавий устав асосида туман (шаҳар) ҳокимининг тегишли қарори билан тасдиқланади.
19. Марказ (йиллик, чораклик) иш режаси ва Марказ директорининг шахсий иш режаси тегишли туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари томонидан тасдиқланади.
20. Марказ бўлимлари раҳбарлари ва ходимларининг иш режаси туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари билан келишилган ҳолда Марказ директори томонидан тасдиқланади.
Бунда бўлим раҳбари ва ҳар бир ходимнинг иш режасига ижро интизоми масаласи бўйича алоҳида бўлим киритилади.
21. Марказ тузилмасига мувофиқ Марказ штат жадвали туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари томонидан тасдиқланади.
22. Марказлар фаолияти қонунчиликда белгиланган тартибда туман (шаҳар) ҳокимлиги томонидан қайта ташкил этилади ва тугатилади.