Ўзбекистон Республикаси Президентининг 2020 йил 2 мартдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид Давлат дастури тўғрисида»ги ПФ-5953-сонли Фармонининг 33-бандида белгиланган вазифаларни инобатга олиб ҳамда мамлакатимизда парламентаризмни янада ривожлантириш мақсадида Ўзбекистон Республикаси Олий Мажлиси Қонунчилик палатасининг Кенгаши ва Ўзбекистон Республикаси Олий Мажлиси Сенатининг Кенгаши қарор қиладилар:

1. Қуйидагилар:

Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг тузилмаси 1-иловага*;

Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг штатлар жадвали 2-иловага*;

Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти ходимларининг меҳнатига Ягона тариф сеткаси бўйича ҳақ тўлаш разрядлари 3-иловага* мувофиқ тасдиқлансин.

2. Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2018 йил 29 июндаги «Ўзбекистон Республикаси Олий Мажлиси палаталари фаолиятини ахборот-таҳлилий жиҳатдан таъминлашни янада такомиллаштириш чора-тадбирлари тўғрисида»ги 1808-III/КҚ-375-III-сонли Қўшма қарорининг (Ўзбекистон Республикаси Олий Мажлиси палаталарининг Ахборотномаси, 2018 йил, № 6, 421-модда) 3-иловаси ўз кучини йўқотган деб топилсин.

3. Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2020 йил 25 сентябрдаги «Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти фаолиятини тубдан такомиллаштириш муносабати билан Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг айрим қўшма қарорларига ўзгартиш ва қўшимчалар киритиш ҳақида»ги 480-IV/КҚ-131-IV-сонли Қўшма қарорига (Ўзбекистон Республикаси Олий Мажлиси палаталарининг Ахборотномаси, 2020 йил, № 9, 589-модда) қуйидаги ўзгартишлар киритилсин:

1) 1-иловаси 9-бандининг учинчи хатбошиси қуйидаги таҳрирда баён этилсин:

«белгиланган штатлар сони доирасида Институтнинг штатлар жадвалини тасдиқлайди ва унга ўзгартишлар киритади»;

2) 2 ва 3-иловалари ўз кучини йўқотган деб топилсин.

4. Ўзбекистон Республикаси Олий Мажлиси Қонунчилик палатасининг биносидан фойдаланиш бошқармаси Тошкент шаҳар, Чилонзор тумани, Фурқат кўчаси, 171-уй манзили бўйича жойлашган ўз балансидаги бинонинг Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти жойлаштирилган қисмига ҳам белгиланган тартибда хизмат кўрсатилишини таъминласин.

5. Ўзбекистон Республикаси Молия вазирлиги Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг Парламентаризмни ривожлантириш бўйича Бирлашган Миллатлар Ташкилоти ўқув маркази фаолияти билан боғлиқ харажатлар учун Давлат бюджети ҳисобидан маблағлар ажратилишини таъминласин.

6. Ушбу Қўшма қарорнинг ижросини назорат қилиш Ўзбекистон Республикаси Олий Мажлиси Қонунчилик палатаси Спикерининг биринчи ўринбосари А. Саидов ва Ўзбекистон Республикаси Олий Мажлиси Сенати Раисининг биринчи ўринбосари С. Сафоев зиммасига юклатилсин.

7. Ушбу Қўшма қарор қабул қилинган кундан эътиборан кучга киради.