Ўзбекистон Республикаси Олий Мажлиси Қонунчилик палатасининг 2016 йил 28 октябрдаги «Ўзбекистон Республикасининг 2017 йилги Давлат бюджети, давлат мақсадли жамғармаларининг бюджетлари ҳамда солиқ ва бюджет сиёсатининг асосий йўналишлари тўғрисида»ги 618-III-сонли ва шу ҳақидаги Ўзбекистон Республикаси Олий Мажлиси Сенатининг 2016 йил 13 декабрдаги СҚ-122-III-сонли ҳамда халқ депутатлари Сурхондарё вилояти Кенгашининг 2016 йил 28 декабрдаги «Сурхондарё вилоятининг 2016 йилги маҳаллий бюджети ижроси ва 2017 йил маҳаллий бюджети асосий кўрсаткичлари тўғрисида»ги 76/5-13-сон қарорларига асосан халқ депутатлари Ангор туман Кенгаши қарор қилади:

1. Халқ депутатлари Сурхондарё вилояти Кенгашининг 2016 йил 28 декабрдаги «Сурхондарё вилоятининг 2016 йилги маҳаллий бюджети ижроси ва 2017 йил маҳаллий бюджети асосий кўрсаткичлари тўғрисида»ги 76/5-13-сонли қарори маълумот ва ижро учун қабул қилинсин.

2. Ангор туман бўйича 2017 йил маҳаллий бюджет даромадларининг режа кўрсатгичлари 1-иловага* мувофиқ, маҳаллий бюджетинг асосий кўрсатгичлари 2-иловага* мувофиқ тасдиқлансин.

3. Ангор туман ҳокимининг ижтимоий-иқтисодий масалалар бўйича ўринбосари (А. Рахматов), туман Давлат солиқ инспекцияси (Ф. Қурбонов) ва Молия бўлими (Қ. Хўжақулов) туман маҳаллий бюджети даромадлар қисмини солиқ турлари бўйича белгиланган режаларини ошириб бажарилишини таъминласин.

4. Ангор тумани ҳокимлиги молия бўлими (Қ. Хўжақулов)га:

2017 йилнинг «Халқ билан мулоқат ва инсон манфаатлари йили» деб эълон қилиниши муносабати билан вилоят маҳаллий бюджетининг 2017 йил давомида маҳаллий бюджет харажатларини мақбуллаштириш натижасида шаклланадиган қўшимча манбалар ҳисобидан туманни ижтимоий-иқтисодий ривожлантириш борасидаги чора-тадбирларни амалга ошириш учун зарур тузатишлар киритиб бориш;

бюджетдан маблағ олувчиларнинг бюджетдан маблағ билан таъминланиш асослари мавжудлигини мунтазам таҳлил қилиб бориш ҳамда бюджет маблағларидан сақланиш асослари мавжуд бўлмаган ҳамда ажратилган бюджет маблағларининг натижадорлигига эришилмаётган бюджет муассасаларини қисқартириш юзасидан вилоят ҳокимлигига ва тегишли вилоят бошқармаларига мунтазам равишда таклиф киритиш;

ғазначилик органлари билан биргаликда бюджет маблағларидан мақсадли фойдаланилиши ва уларнинг асоссиз сарфланишини бартараф этиш устидан қатъий назорат ўрнатиш.

Халқ депутатлари Ангор тумани Кенгашига маҳаллий бюджетнинг ижроси тўғрисида ҳар чоракда ахборот бериб бориш вазифаси юклатилсин.

5. Ангор туман ҳокимининг ижтимоий-иқтисодий масалалар бўйича ўринбосари (А. Рахматов) тегишли мутасадди ташкилотлар билан биргаликда бюджет даромадларининг тасдиқланган кўрсатгичлари бажарилиши, минтақаларнинг солиқ солиш базаси кенгайтирилиши ва молиявий салоҳияти мустаҳкамланиши юзасидан зарурий чора-тадбирлари кўрсинлар, бюджет маблағларидан мақсадли фойдаланиши устидан қатъий назорат ўрнатсинлар.

6. Ушбу қарор ижросини назорат қилиш халқ депутатлари Ангор туман Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси (Ш. Шоназаров)га юклансин.

7. Мазкур қарор расман эълон қилинган кундан кучга киради.