Ўзбекистон Республикаси Президентининг «2017 — 2021 йилларда гидроэнергетикани янада ривожлантириш чора-тадбирлари дастури тўғрисида» 2017 йил 2 майдаги ПҚ-2947-сон ва «Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида» 2018 йил 19 декабрдаги ПҚ-4067-сон қарорларини бажариш, шунингдек, қайта тикланувчи энергия манбаларидан фойдаланишни изчил ошириб бориш, энергетика ресурсларининг мувозанатини ошириш ҳамда республика иқтисодиёти тармоқлари ва аҳолининг электр энергиясига бўлган эҳтиёжини янада тўлиқ қондиришни таъминлаш мақсадида Вазирлар Маҳкамаси қарор қилади:

1. Қуйидагилар:

Хитой Халқ Республикаси Тижорат вазирлиги томонидан «Чирчиқ ГЭСлар каскади» УК модернизацияси (ГЭС-10)», «Самарқанд ГЭСлар каскади» УК модернизацияси (ГЭС-2Б)», «Тошкент ГЭСлар каскади» УК модернизацияси (ГЭС-1)» инвестициявий лойиҳаларини молиялаштириш учун имтиёзли кредит берилиши маъқулланганлиги;

«Гидропроект» АЖ томонидан «Чирчиқ ГЭСлар каскади» УК модернизацияси (ГЭС-10)», «Самарқанд ГЭСлар каскади» УК модернизацияси (ГЭС-2Б)», «Тошкент ГЭСлар каскади» УК модернизацияси (ГЭС-1)» инвестициявий лойиҳаларининг техник-иқтисодий асослари ишлаб чиқилганлиги;

қиймати 52,6 млн АҚШ долларини ташкил этувчи ва амалга ошириш даври 2019 — 2021 йиллар даврига мўлжалланган «Чирчиқ ГЭСлар каскади» УК (ГЭС-10)», «Самарқанд ГЭСлар каскади» УК (ГЭС-2Б)», «Тошкент ГЭСлар каскади» УК (ГЭС-1) модернизацияси»нинг (кейинги ўринларда инвестициявий лойиҳа деб аталади) ягона асосий техник-иқтисодий параметрлари белгиланган тартибда экспертизадан ўтказилганлиги маълумот учун қабул қилинсин.

2. Қуйидагилар инвестициявий лойиҳанинг молиялаштириш манбалари этиб белгилансин:

ХХР Эксимбанкининг 20 йил муддатга, шу жумладан 5 йиллик имтиёзли даврга йиллик 2,2 фоиз ставкаси билан, «Туронбанк» АТБ орқали қайта молиялаштириладиган ва қайта молиялаштирувчи банкнинг 0,2 фоиз миқдоридаги маржаси қўшилган ҳолда бериладиган 40,7 млн. АҚШ доллари миқдоридаги кредит маблағлари;

«Ўзбекгидроэнерго» АЖнинг 11,9 млн. АҚШ доллари эквивалентидаги ўз маблағлари.

3. Қуйидагилар:

«Чирчиқ ГЭСлар каскади» УК (ГЭС-10)», «Самарқанд ГЭСлар каскади» УК (ГЭС-2Б)», «Тошкент ГЭСлар каскади» УК (ГЭС-1) модернизацияси» инвестициявий лойиҳасининг техник-иқтисодий асоси, асосий техник-иқтисодий параметрлари билан бирга 1 ва 1а-иловаларга* мувофиқ;

«Чирчиқ ГЭСлар каскади» УК (ГЭС-10)», «Самарқанд ГЭСлар каскади» УК (ГЭС-2Б)», «Тошкент ГЭСлар каскади» УК (ГЭС-1) модернизацияси» инвестициявий лойиҳаси доирасида бериладиган ХХР Эксимбанки кредити бўйича қарзни қайтариш, кредит бўйича фоиз ва комиссия тўловларини сўндиришнинг прогноз жадвали 2-иловага* мувофиқ тасдиқлансин.

4. Белгилансинки:

«Ўзбекгидроэнерго» АЖ инвестициявий лойиҳанинг қарз олувчиси ва ташаббускори ҳамда лойиҳани самарали амалга ошириш ва ХХР Эксимбанки маблағларидан мақсадли фойдаланиш бўйича масъул ҳисобланади;

ХХР Эксимбанки кредити бўйича асосий қарзни қоплаш, фоиз ва комиссия тўловлари билан боғлиқ харажатлар «Ўзбекгидроэнерго» АЖнинг ўз маблағлари ҳисобига амалга оширилади.

«Ўзбекгидроэнерго» АЖнинг 1-сон Қурилиш дирекцияси инвестициявий лойиҳа доирасида, лойиҳа қарорларини объектлардан фойдаланиш бўйича ишончлилилик ва объектлардан фойдаланиш хавфсизлиги талабларига мувофиқлигини аниқлаш, шунингдек, кузатиб бориш ва техник назорат қилиш, товар, иш ва хизматларни қабул қилиш бўйича масъул бўлган ижро органи ҳисобланади.

5. «Туронбанк» АТБга инвестициявий лойиҳани молиялаштириш учун белгиланган тартибда ХХР Эксимбанки билан қарз келишувини ва «Ўзбекгидроэнерго» АЖ билан ХХР Эксимбанки кредитини қайта молиялаштиришни назарда тутувчи кредит шартномасини расмийлаштириш тавсия қилинсин.

6. Ўзбекистон Республикаси Молия вазирига:

«Туронбанк» АТБнинг қарз келишувида назарда тутилган шаклда ХХР Эксимбанки олдидаги мажбуриятлари бўйича;

«Ўзбекгидроэнерго» АЖнинг ХХР Эксимбанкининг қайта молиялаштириладиган кредити юзасидан «Туронбанк» АТБ олдидаги мажбуриятлари бўйича, белгиланган тартибда Ўзбекистон Республикаси давлат кафолатини бериш ваколати берилсин.

7. Ўзбекистон Республикаси Адлия вазирлиги «Туронбанк» АТБнинг ХХР Эксимбанки олдидаги, ХХРнинг Эксимбанки билан қарз келишувида назарда тутилган шаклдаги мажбуриятлари бўйича Ўзбекистон Республикасининг давлат кафолати юзасидан белгиланган тартибда юридик хулоса берсин.

8. Инвестициявий лойиҳани амалга ошириш доирасида, Ўзбекистон Республикасида тегишли аккредитациядан ўтган синов лабораториялари мавжуд бўлмаган тақдирда — олиб келинадиган асбоб-ускуналар, бутловчи буюмлар ва узеллар, эҳтиёт қисмлар, материаллар, приборлар, истисно тариқасида, мажбурий сертификатлаштириш тартиботидан озод этилсин.

9. Ўзбекистон Республикаси Қурилиш вазирлиги лойиҳа ҳужжатларининг давлат экспертизасини амалга оширишни таъминласин ва инвестициявий лойиҳа доирасида қурилиш-монтаж ишларининг ўз вақтида ва сифатли бажарилиши юзасидан давлат архитектура-қурилиш назорати ўрнатсин.

10. Мазкур қарорнинг бажарилишини назорат қилиш Ўзбекистон Республикаси энергетика вазири А.С. Султанов ва «Ўзбекгидроэнерго» АЖ бошқаруви раиси А.А. Сангинов зиммасига юклансин.