LexUZ шарҳи
Мазкур буйруқ Ўзбекистон Республикаси адлия вазирининг 2018 йил 1 июндаги 308-мҳ-сонли «Нодавлат нотижорат ташкилотларининг ўтказилиши режалаштирилаётган тадбирлари ҳақида хабардор қилиш тартиби тўғрисидаги низомни тасдиқлаш ҳақида»ги буйруғига (рўйхат рақами 3020, 01.06.2018 й.) асосан ўз кучини йўқотган.
Ўзбекистон Республикаси Президентининг 2011 йил 23 августдаги ПҚ-1602-сон «Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида»ги қарорига мувофиқ буюраман:
1. Ўзбекистон Республикаси адлия вазирининг 2015 йил 4 июндаги 177-мҳ-сон буйруғи (рўйхат рақами 2679, 2015 йил 4 июнь) (Ўзбекистон Республикаси қонун ҳужжатлари тўплами, 2015 й., 22-сон, 297-модда) билан тасдиқланган Нодавлат нотижорат ташкилотлари тадбирларини келишиш тартиби тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур буйруқ давлат рўйхатидан ўтказилсин ва бу ҳақда Идоравий меъёрий ҳужжатларни давлат рўйхатидан ўтказиш бошқармаси (О. Ҳакимов) Идоравий норматив-ҳуқуқий ҳужжатларнинг давлат реестрига тегишли ёзув киритсин.
3. Жамоат, нодавлат нотижорат ва диний ташкилотлар бошқармаси (З. Махмудов) ҳамда Қонун ҳужжатларини туркумлаш ва ҳуқуқий ахборот бошқармаси (Ш. Саидов) ушбу идоравий норматив-ҳуқуқий ҳужжатни барча манфаатдор шахсларга етказилишини ва «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да нашр этилишини таъминласин.
«Мазкур Низом Ўзбекистон Республикаси Президентининг 2011 йил 23 августдаги ПҚ-1602-сон «Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида»ги, 2013 йил 12 декабрдаги ПҚ-2085-сон «Фуқаролик жамияти институтларини ривожлантиришга кўмаклашиш борасидаги қўшимча чора-тадбирлар тўғрисида»ги қарорлари ҳамда Вазирлар Маҳкамасининг 2014 йил 10 мартдаги 57-сон қарори билан тасдиқланган Нодавлат нотижорат ташкилотларини давлат рўйхатидан ўтказиш тартиби тўғрисидаги низомга мувофиқ, адлия органларида рўйхатга олинган нодавлат нотижорат ташкилотлари (бундан буён матнда ННТ деб юритилади), шу жумладан уларнинг алоҳида бўлинмалари (ваколатхоналари ва филиаллари), шунингдек бош ташкилоти Ўзбекистон Республикасидан ташқарида жойлашган халқаро нодавлат нотижорат ташкилотларининг ҳамда чет эл нодавлат нотижорат ташкилотларининг ваколатхоналари ва филиаллари (бундан буён матнда халқаро ва чет эл ННТларнинг ваколатхоналари ва филиаллари деб юритилади), диний ташкилотлар томонидан тадбирлар ўтказилишини, халқаро ва чет эл ННТларнинг ваколатхоналари ва филиаллари томонидан босма, аудиовизуал ҳамда бошқа материаллар тайёрланиши ва тарқатилишини адлия органлари билан келишиш тартибини белгилайди.».
«2. Мазкур Низом сиёсий партиялар томонидан ўтказиладиган тадбирлар, диний ташкилотларнинг ибодат, диний расм-русумлар ва маросим тарзидаги тадбирларига нисбатан татбиқ этилмайди.».
ННТнинг уставига (низомига) мувофиқ унинг раҳбар органлари йиғилишлари, ННТнинг, шу жумладан халқаро ва чет эл ННТнинг ваколатхона ва филиаллари томонидан уларнинг Ўзбекистон Республикасидан ташқарида жойлашган бош ташкилоти ходимлари иштирокида ташкилот фаолияти билан боғлиқ ўтказиладиган тадбирлари, башарти уларда учинчи шахсларнинг (Ўзбекистон Республикасида рўйхатдан ўтган оммавий ахборот воситалари вакилларидан ташқари) иштирок этиши назарда тутилмаганда;
ННТнинг Ўзбекистон Республикаси ҳудудида амалга оширилиши учун лицензия (рухсатнома) олиш талаб қилинадиган фаолият тури бўйича тегишли лицензияга (рухсатномага) эга бўлган ҳолда ушбу фаолият турини амалга ошириш юзасидан ўтказиладиган тадбирлари;
ННТнинг норматив-ҳуқуқий ҳужжатларда, давлат дастурлари ва миллий режаларда ҳамда Ўзбекистон Республикаси Олий Мажлисининг палаталари, Ўзбекистон Республикаси Президентининг девони, Вазирлар Маҳкамаси, маҳаллий давлат ҳокимияти органларининг ҳужжатларида ўтказилиши назарда тутилган тадбирлари;
ННТнинг Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан ажратилган давлат гранти доирасида ўтказиладиган тадбирлари;
Ўзбекистон Республикаси Маданият ва спорт ишлари вазирлиги ҳамда унинг ҳудудий бошқармалари томонидан тасдиқланган ёки улар билан келишилган режаларга мувофиқ ўтказиладиган оммавий жисмоний-тарбия ва спорт тадбирлари;
ННТнинг Вазирлар Маҳкамасининг 2014 йил 29 июлдаги 205-сон қарори билан тасдиқланган Оммавий тадбирларни ўтказиш қоидаларига мувофиқ ўтказиладиган оммавий тадбирлари (ваколатли орган томонидан берилган рухсатнома нусхаси тақдим этилади);
Келишиш талаб этилмайдиган тадбирлар ҳақида адлия органига тадбир ўтказилишидан камида беш кун олдин ёзма равишда хабар берилади, бундан бошқа ташкилотлар томонидан ўтказиладиган тадбирларда ННТ вакилининг иштирок этиш ҳоллари мустасно.».
4. 4, 5 ва 11-бандлардаги «халқаро ва хорижий» деган сўзлар «халқаро ва чет эл» деган сўзлар билан алмаштирилсин.
«Тегишли адлия органида рўйхатдан ўтган икки ёки ундан ортиқ ННТ томонидан ҳамкорликда тадбир ўтказиш режалаштирилган бўлса, ушбу тадбирни ўтказишни келишиш юзасидан ташкилотчи ННТларнинг бири томонидан мурожаат қилиниши етарли ҳисобланади.».
«7. Тадбир ёки тадбирлар режасини (рўйхатини) келишиш учун ННТ тадбир ўтказилиши мўлжалланган санадан камида йигирма кун олдин, хорижий давлат ҳудудида ташкиллаштириладиган тадбирлар бўйича тадбир ўтказилишидан, худди шунингдек хорижий фуқароларнинг Ўзбекистон Республикасида ўтказиладиган тадбирда иштирок этиши режалаштирилган бўлса, уларнинг ташрифидан камида бир ой олдин тегишли адлия органига ёзма равишда мурожаат этиши лозим.».
«тадбирда иштирок этиши режалаштирилган шахслар сони ва мақсадли гуруҳлар (вояга етмаганлар, талабалар, аёллар ва ҳ.к);».
8. 9-банддаги «учинчи ва олтинчи хатбошиларида» деган сўзлар «олтинчи хатбошисида» деган сўзлар билан алмаштирилсин.
«10. Тадбирда хорижий давлат фуқароси (фуқаролари) иштирок этиши режалаштирилаётган бўлса, мазкур Низомнинг 8-бандида кўрсатилган ҳужжатларга қўшимча тарзда хорижий давлат фуқаросининг фамилияси, исми, отасининг исми, фуқаролиги, туғилган жойи ва санаси, фотосурати, иш жойлари кўрсатилган маълумотнома ҳамда унинг келиб-кетиш дастури тақдим этилиши керак, бундан белгиланган тартибда аккредитациядан ўтган хорижий давлат фуқаролари мустасно.».
«Хорижий давлат ҳудудида ташкиллаштириладиган, худди шунингдек хорижий фуқаролар иштирок этиши назарда тутиладиган тадбирларни келишиш ҳақидаги ҳужжатлар адлия органи томонидан йигирма беш кун ичида кўриб чиқилади.».
«Мазкур Низомнинг 14-15-бандларида кўрсатилган ҳолатлар адлия органлари томонидан ҳужжатларни кўриб чиқишнинг умумий муддатига таъсир қилмайди.».
«мазкур Низомда назарда тутилган ҳамда адлия органлари томонидан Низомнинг 15-бандига асосан сўралган қўшимча ҳужжатлар (маълумотлар) тўлиқ тақдим этилмаган бўлса;».
«Адлия органи ННТга ўтказиладиган тадбирда ўз вакилининг иштирок этиши ҳақидаги маълумотни ёзма равишда бериши мумкин.».
«Адлия органи зарур ҳолларда ННТдан тадбир ўтказилгандан сўнг тегишли маълумотларни талаб қилиб олиши мумкин.».