2773-сон 06.04.2016. Божхона юк декларациясини тўлдириш тартиби тўғрисидаги йўриқномани тасдиқлаш ҳақида

Ўзбекистон Республикаси Давлат божхона қўмитасининг қарори, 06.04.2016 йилда рўйхатдан ўтган, рўйхат рақами 2773

Кучга кириш санаси

21.04.2016

Рус

Ўзб

O’zb

Ўзб|Рус

Ҳужжат 28.12.2024 санаси ҳолатига

Ҳужжат 04.02.2026 санаси ҳолатига

Ўзбекистон Республикаси Давлат божхона қўмитасининг

Қарори

Божхона юк декларациясини тўлдириш тартиби тўғрисидаги йўриқномани тасдиқлаш ҳақида

[Ўзбекистон Республикаси Адлия вазирлиги томонидан 2016 йил 6 апрелда рўйхатдан ўтказилди, рўйхат рақами 2773]

Ўзбекистон Республикаси Божхона кодекси, «Давлат божхона хизмати тўғрисида»ги Қонуни ҳамда Вазирлар Маҳкамасининг 2014 йил 31 декабрдаги 376-сон «Товарларни божхонада электрон шаклда декларациялаш тартиби тўғрисидаги низомни тасдиқлаш ҳақида»ги қарорига мувофиқ Ўзбекистон Республикаси Давлат божхона қўмитаси қарор қилади:

1. Божхона юк декларациясини тўлдириш тартиби тўғрисидаги йўриқнома иловага мувофиқ тасдиқлансин.

2. Мазкур қарор 2016 йил 21 апрелдан кучга киради.

Раис З. ДУСАНОВ

Тошкент ш.,

2016 йил 29 февраль,

01-02/15-07-сон

Ўзбекистон Республикаси Давлат божхона қўмитасининг 2016 йил 29 февралдаги 01-02/15-07-сон қарорига
ИЛОВА

Божхона юк декларациясини тўлдириш тартиби тўғрисидаги

ЙЎРИҚНОМА

Мазкур Йўриқнома Ўзбекистон Республикасининг Божхона кодекси, «Давлат божхона хизмати тўғрисида»ги Қонуни, Ўзбекистон Республикаси Президентининг 2012 йил 18 июлдаги ПФ-4455-сон «Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида»ги Фармони ҳамда Ўзбекистон Республикаси Вазирлар Маҳкамасининг 2018 йил 31 июлдаги 605-сон «Товарларни божхонада электрон шаклда декларациялаш тартибини янада такомиллаштириш тўғрисида»ги қарорига мувофиқ божхона юк декларациясини (бундан буён матнда БЮД деб юритилади) тўлдириш тартибини белгилайди.

1-боб. Умумий қоидалар

1. Мазкур Йўриқномада қуйидаги асосий тушунчалардан фойдаланилади:

жўнатувчи — товарларни ўз номидан ташиш учун ташувчига тақдим этувчи ва у ҳақидаги маълумотлар транспорт ҳужжатларида кўрсатилган шахс;

молиявий тартибга солиш учун жавобгар шахс — ташқи савдо контрактини (шартномаси, келишувини) тузган ва у бўйича ҳисоб-китобларни амалга оширишга масъул шахс;

божхона органларига БЮДни тақдим этаётган шахс (бундан буён матнда декларацияловчи шахс деб юритилади) — божхона органларига БЮДни ўз номидан тақдим этаётган декларант ёки БЮДни тўлдириш, имзолаш ва божхона органларига декларант номидан тақдим этишга ваколатли божхона расмийлаштируви бўйича мутахассис ёхуд бошқа шахс;

декларацияловчи шахс — божхона органларига БЮДни ўз номидан тақдим этаётган декларант ёки декларантнинг ёхуд декларант билан шартнома тузган божхона брокерининг штат бирлигида бўлган БЮДни тўлдириш, имзолаш ва божхона органларига декларант номидан тақдим этишга ваколатли божхона расмийлаштируви бўйича мутахассис;

электрон БЮД — декларацияловчи шахснинг электрон рақамли имзоси (бундан буён матнда ЭРИ деб юритилади) билан тасдиқланган, «Товарларни электрон декларациялаш» автоматлаштирилган ахборот тизими (бундан бўён матнда ТЭДААТ деб юритилади) воситасида тақдим этилган электрон шаклдаги БЮД ёки қоғоз шаклдаги БЮДнинг электрон ташувчида тақдим этилган электрон нусхаси;

қабул қилувчи — юк ташишни амалга ошираётган ташувчи тақдим этиши лозим бўлган, товарларни ўз номидан қабул қилиб олувчи ва у ҳақидаги маълумотлар транспорт ҳужжатларида кўрсатилган шахс, товарларнинг божхона режими ўзгарган ҳолларда эса — БЮД тақдим қилинаётган вақтда божхона расмийлаштирувидан сўнг декларацияланаётган товарларни божхона органларидан ўз тасарруфига олиш ваколатига эга бўлган шахс.

2. БЮДни қўллаган ҳолда товарларни декларациялаш божхона мақсадлари учун зарур бўлган маълумотларни электрон шаклда ТЭДААТга киритиш орқали ёки қонунчилик ҳужжатларида белгиланган ҳолатларда А4 форматдаги варақларда қоғоз шаклдаги БЮДни қўллаган ҳолда амалга оширилади.

БЮД қоғоз шаклда тақдим этилганда декларацияловчи шахс божхона органларига ўзининг ЭРИси билан тасдиқланган БЮДнинг электрон нусхасини ҳам тақдим этади.

3. Электрон БЮД божхона органларига белгиланган формат ва тузилишга мувофиқ тақдим этилиши лозим.

4. Қуйидагилар битта БЮДда декларацияланиши мумкин:

1) битта битимга мувофиқ ёки бундай битим тузмасдан битта жўнатувчининг манзилидан битта олувчининг манзилига битта транспорт ҳужжати билан (бундан бир нечта темир йўл ва автотранспорт воситасида олиб ўтилаётган (олиб ўтилган) товарлар мустасно) олиб ўтилаётган (олиб ўтилган) ва бир хил божхона режимига жойлаштирилаётган товарлар;

2) темир йўл ва автотранспорт воситасида бир нечта транспорт ҳужжати билан олиб ўтилаётганда (олиб ўтилганда):

темир йўл транспортида олиб чиқилаётган товарлар бўйича — битта битимга мувофиқ ёки бундай битим тузмаган ҳолда битта жўнатувчидан битта қабул қилувчи манзилига битта темир йўл транспортида бир вақтда жўнатиладиган ва бир хил божхона режимига жойлаштирилаётган товарлар;

темир йўл транспортида олиб кирилаётган товарлар бўйича — битта битимга мувофиқ ёки бундай битим тузмаган ҳолда битта жўнатувчидан битта қабул қилувчи манзилига битта темир йўл транспорти таркибида Ўзбекистон Республикаси ҳудудига бир вақтда олиб кирилган ва бир хил божхона режимига жойлаштирилаётган товарлар;

автотранспорт воситасида олиб чиқилаётган товарлар бўйича — битта битимга мувофиқ ёки бундай битим тузмасдан битта жўнатувчининг манзилидан битта олувчининг манзилига битта чегара божхона пости орқали олиб чиқиладиган ва бир вақтда битта божхона постига тақдим этган ҳолда бир хил божхона режимига жойлаштирилаётган бир ном, тур, маркадаги, Ўзбекистон Республикаси Ташқи иқтисодий фаолият товарлар номенклатурасига (бундан бўён матнда ТИФ ТН деб юритилади) асосан битта ўн рақамли код билан таснифланувчи товарлар;

автотранспорт воситасида олиб кирилган (олиб кирилаётган) товарлар бўйича — битта битимга мувофиқ ёки бундай битим тузмасдан битта жўнатувчининг манзилидан битта олувчининг манзилига битта чегара божхона пости орқали бир кунда олиб кирилган (олиб кириладиган) ва битта божхона постига тақдим этган ҳолда бир хил божхона режимига жойлаштирилаётган бир ном, тур, маркадаги, ТИФ ТНга асосан битта ўн рақамли код билан таснифланувчи товарлар;

ТИФ ТНни талқин этишнинг 2а асосий қоидасига мувофиқ йиғилмаган ёки ажратилган товарнинг таркибий қисмлари деб ҳисобланадиган ва ТИФ ТНнинг йиғилган ёки тугалланган товарга мос келувчи позициясида таснифланадиган товарлар, агар бундай товарлар битта битимга мувофиқ ёки бундай битим тузмаган ҳолда битта жўнатувчидан битта қабул қилувчи манзилига бир турдаги транспорт воситасида олиб кирилган ва божхона ҳудудига кириб келиш жойида айни битта божхона органига тақдим этилган бўлса. Бунда, товарлар олиб кирилиб аввал бошқа божхона режимига жойлаштирилмаган бўлса, БЮД Ўзбекистон Республикаси Божхона кодексининг 261-моддасида кўзда тутилган муддатлар доирасида тақдим этилиши лозим;

3) битта почта юк хати билан олиб ўтилаётган ёхуд божхона чегараси орқали ўтаётган жисмоний шахснинг қўл юкида ва багажида олиб ўтилаётган товар ёки унинг бир қисми.

Агар товарлар турли божхона режимларига жойлаштирилаётган бўлса, у ҳолда тўлдириладиган БЮДлар сони божхона режимлари сонига мувофиқ бўлиши лозим.

5. Декларант битта божхона органига тақдим этилаётган, мазкур Йўриқноманинг 4-бандида кўрсатилган талабларга жавоб берадиган товарларни бир нечта БЮД билан декларациялаши мумкин, ТИФ ТНни талқин этишнинг 2а асосий қоидасига мувофиқ йиғилмаган ёки ажратилган товарнинг таркибий қисмлари деб ҳисобланадиган ва ТИФ ТНнинг йиғилган ёки тугалланган товарга мос келувчи позициясида таснифланадиган товарлар бундан мустасно.

6. Битта БЮДда кўпи билан 100 та номдаги товарлар тўғрисидаги маълумотлар баён этилиши мумкин.

7. Бир ном, тур, маркадаги, ТИФ ТНга асосан битта ўн рақамли код билан таснифланувчи, бир мамлакатдан ёки бир иқтисодий иттифоқ ҳудудидан (агар товарнинг аниқ келиб чиқиш мамлакатини аниқлаш имкони бўлмаса) келиб чиққан ёхуд келиб чиқиш мамлакати номаълум бўлган, бож-тарифларини тартибга солиш, тақиқ ва чекловларнинг бир хил шартлари қўлланиладиган товарлар битта товар сифатида декларацияланади.

8. Олиб кирилиб, эркин муомалага чиқариш (импорт) божхона режимига жойлаштирилаётган ҳамда бир хил ТИФ ТН кодлари билан таснифланаётган, лекин турли ном, товар белгилари, марка, модел, техник тавсифга эга бўлган, ўз эҳтиёжи учун мўлжалланмаган истеъмол товарлари (ТИФ ТНнинг 4901, 4902, 4908 — 4911 товар позициялари билан таснифланувчи товарлар бундан мустасно) турли товарлар сифатида алоҳида декларацияланади.

Фармацевтика маҳсулотларини (ТИФ ТНнинг 30 гуруҳи) ва тиббий мақсадлар учун мўлжалланган маҳсулотларни (ТИФ ТНнинг 9018 товар позицияси) келгусида реализация қилиш учун «эркин муомалага чиқариш (импорт)» божхона режимида олиб кирувчи ташкилотлар уларни БЮДда декларациялашда мажбурий тартибда савдо номларини, халқаро патентланмаган номларини, моделларини, техник тавсифларини, дори-дармонларни чиқариш шаклларини, дозасини, концентрациясини, қадоқдаги миқдорини, қадоқлар сонини, ишлаб чиқарувчисини ва ишлаб чиқарилган давлатни кўрсатадилар. Бунда, агар битта БЮДда юқорида кўрсатилган параметрлардан, ҳаттоки биттаси бўйича фарқ қилувчи товарлар расмийлаштирилаётган бўлса, у ҳолда улар турли хил товарлар сифатида алоҳида декларацияланади.

9. БЮД ўзбек ёки рус тилида тушунарли тўлдирилган бўлиши лозим.

БЮДда ўчиришлар ва бўяшлар бўлмаслиги керак. Тушунарсиз тўлдирилган БЮДлар божхона органлари томонидан расмийлаштириш учун қабул қилинмайди.

10. БЮДга мазкур Йўриқномада кўзда тутилмаган маълумотни киритилишига йўл қўйилмайди.

11. Товарнинг кузатув ҳужжатларида шахслар, товарлар, транспорт воситалари номланишлари ва бошқа маълумотларнинг лотин ёки бошқа (араб, хитой ва ҳ.к.) алифболар ҳарфларида ёзилганлиги ҳолатлари учраса, у ҳолда бундай маълумотлар БЮДда лотин алифбоси ҳарфлари билан, кирилл алифбосидаги номланишлар кирилл алифбоси ҳарфлари билан ёзилади.

Масалан:

шахснинг номи — «Central global cargo Gmbh», «Xinjiang zhongtai chemical Co., LTD», «Магнитогорский металлургический комбинат», Куприянов Игорь Михайлович;

автотранспорт воситаси номи — техник восита паспорти ёки расмий справочникларга мувофиқ — «Toyota land cruiser», «BMW 523i», «MAN», «КАМАЗ», «МАЗ»;

товар номи — «Mars», «Adidas», «Алёнка», «Русское поле».

12. Қоғоз шаклдаги БЮД тақдим этилгандан сўнг божхона органи ходими БЮДнинг тўғри тўлдирилганлигини, божхона расмийлаштируви учун зарур ҳужжатлар мавжудлигининг дастлабки текширувини амалга оширади.

Дастлабки текширув натижасида камчиликлар аниқланса ушбу камчиликларни бартараф этиш мақсадида божхона органи ходими бу ҳақида декларацияловчи шахсни хабардор қилади.

Декларацияланаётган товарларга нисбатан қонунчилик ҳужжатларида мавжуд божхона тўловларини тўлаш бўйича имтиёзлар ва преференциялардан фойдаланилмаганлиги ҳамда ушбу имтиёзлар ва преференциялар тўғрисидаги маълумотларнинг БЮДни тегишли графаларида акс эттирилмаганлиги ҳам камчилик ҳисобланади.

БЮДнинг дастлабки текшируви натижасида камчиликлар аниқланмаса, божхона органи ходими БЮДни расмийлаштириш учун қабул қилади.

Божхона органи томонидан БЮДнинг қабул қилинганлигини расмийлаштириш у топширилган кунда, рўйхатдан ўтказиш орқали амалга оширилади. Божхона органи БЮДни мазкур Йўриқноманинг 90-бандига мувофиқ тартибда унинг 7-графасини тўлдириш орқали рўйхатга олади.

13. БЮДнинг расмийлаштирилиши мазкур Йўриқноманинг 90-бандида белгиланган тартибда БЮДнинг «D» графасини тўлдирилиши билан якунланади.

14. Божхона расмийлаштируви ва божхона назорати якунлангандан сўнг Ўзбекистон Республикаси Божхона кодексининг 184-моддаси учинчи қисмида кўрсатилган муддат давомида қуйида кўрсатилган ҳужжатларнинг сақланиши таъминланади:

декларант томонидан — БЮД ҳамда БЮДни расмийлаштириш учун асос бўлган ҳужжатлар;

божхона брокери томонидан — электрон БЮД ҳамда БЮДни расмийлаштириш учун асос бўлган электрон ҳужжатлар, БЮД қоғоз шаклда расмийлаштирилган ҳолатларда эса қоғоз шаклдаги БЮДнинг иккинчи нусхаси ва БЮДни расмийлаштириш учун асос бўлган ҳужжатларнинг нусхалари;

божхона органлари томонидан — электрон БЮД ҳамда БЮДни расмийлаштириш учун асос бўлган электрон ҳужжатлар, БЮД қоғоз шаклда расмийлаштирилган ҳолатларда эса қоғоз шаклдаги БЮДнинг биринчи нусхаси ва БЮДни расмийлаштириш учун асос бўлган ҳужжатларнинг нусхалари.

2-боб. Электрон шаклда декларациялашнинг ўзига хос хусусиятлари

15. Электрон шаклда декларациялашда барча маълумотлар электрон БЮДнинг тегишли графаларида ёки ушбу графа учун ажратилган деталлаштирилган жадвалларда тўлиқ кўрсатилади ва БЮДнинг бошқа графаларига, қўшимча илова қилинадиган варақларга ёки бошқа шу каби ҳаволалар қилинишига йўл қўйилмайди.

16. Электрон шаклда декларациялашда божхона органлари БЮДни қоғозга чоп этмайдилар ва қоғоздаги БЮД нусхаларини имзо ва муҳр билан тасдиқлаб бермайдилар, Ўзбекистон Республикасининг халқаро шартномаларида кўзда тутилган ҳолатлар бундан мустасно.

Ўзбекистон Республикасининг халқаро шартномаларига мувофиқ БЮД қоғозга чоп этилганда божхона органининг ваколатли ходими электрон БЮДдаги маълумотлар акс эттирилган ҳар бир вараққа тегишли штамп қўяди, уни ўз имзоси ва шахсий рақамли муҳри (агар божхона органи ходимига шахсий рақамли муҳр бириктирилмаган бўлса, божхона органининг муҳри) билан тасдиқлайди, қоғознинг юқори ўнг бурчагини эса «Нусха» ёзуви билан белгилайди.

3-боб. Қоғоз шаклда декларациялашнинг ўзига хос хусусиятлари

17. Қоғоз шаклда декларациялашда БЮД мазкур Йўриқноманинг 1-иловасига мувофиқ БЮДнинг асосий варағи, бир нечта товарларни декларациялашда эса мазкур Йўриқноманинг 2-иловасига мувофиқ БЮДнинг қўшимча варағидан иборат бўлади.

БЮДнинг асосий варағида битта товар тўғрисида, битта қўшимча варағида эса учта товар тўғрисида маълумотлар кўрсатилиши мумкин (бир вақтнинг ўзида асосий вараққа 33 тадан кўп бўлмаган қўшимча варақлар илова қилиниши мумкин).

Агар мазкур Йўриқномада қўшимча варақларнинг алоҳида графалари учун тўлдиришнинг ўзига хос хусусиятлари белгиланмаган бўлса, БЮД қўшимча варақларидаги графаларни тўлдириш тартиби БЮД асосий варағидаги мос графаларни тўлдириш тартибига мувофиқ амалга оширилади.

Агар БЮДнинг қўшимча варағида битта ёки иккита товар декларацияланаётган бўлса, қўшимча варақнинг тўлдирилмаган қисмидаги 31-графага диагонал чизиқ тортилади.

18. БЮД қоғоз шаклда тақдим этилганда, БЮДнинг бирор бир графасида баён этилаётган маълумотларни (корхона номи, вагон, контейнер рақамлари ва ҳ. к.) кўрсатиш учун жой етарли бўлмаса, ушбу маълумотлар БЮДнинг орқа томонида ёки қўшимча илова қилинадиган, БЮДнинг ажралмас қисми бўлган А4 форматдаги варақларда кўрсатилиши мумкин. Бундай ёзув декларацияловчи шахс томонидан имзоланади тегишли графада эса «БЮДнинг орқа томонига қаранг» ёки «қўшимча вараққа қаранг» ёзуви қайд этилади.

Бунда БЮДнинг асосий ва қўшимча варақларининг орқа қисмида ёки қўшимча илова қилинадиган варақларда графа рақами ва декларацияланаётган товарнинг тартиб рақами (агар маълумотлар аниқ бир товарга тааллуқли бўлса) кўрсатилади ва мазкур Йўриқноманинг 4 — 19-бобларида белгиланган тартибда ушбу графада баён этиладиган маълумотлар кўрсатилади.

Ҳар бир илова қилинадиган қўшимча варақнинг юқори ўнг бурчагида «__________ сонли БЮДга ____ варақда қўшимча», декларацияланаётган товарнинг тартиб рақами «____-сонли товар» тарзида ҳамда ҳар бир товар бўйича графа рақами кўрсатилади.

19. Қоғоз шаклда декларациялашда БЮД божхона органларига тўрт нусхада тақдим этилади. Ушбу нусхалар қуйидагича тақсимланади:

биринчи нусха — божхона органлари иш йиғма жилдларида қолади;

иккинчи нусха — божхона брокери учун;

учинчи ва тўртинчи нусхалар — декларант учун.

4-боб. Экспорт божхона режимига жойлаштирилаётган товарларга БЮДни тўлдириш

20. Экспорт божхона режимига жойлаштиришда товарлар божхона органларига мазкур Йўриқноманинг 21 ва 22-бандларига мувофиқ тўлдирилган БЮДни тақдим этиш орқали декларацияланади.

21. Декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 17, 17а, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, «С».

22. Декларацияловчи шахс томонидан графаларнинг тўлдирилиши:

1) 1-графа. «Декларация тури».

Графанинг биринчи бўлмасида товарларни олиб ўтиш йўналиши кўрсатилади — «ЭК».

Графанинг иккинчи бўлмасида мазкур Йўриқноманинг 3-иловасида келтирилган Божхона режимлари таснифлагичига мувофиқ божхона режимининг икки рақамли коди кўрсатилади.

Графанинг учинчи бўлмаси тўлдирилмайди.

2) 2-графа. «Экспортчи/юкни жўнатувчи».

Графада товарларни жўнатувчиси ва экспортчиси ҳақидаги маълумотлар кўрсатилади.

Агар товарларни экспортчиси ҳам, жўнатувчиси ҳам бир шахс бўлса:

жисмоний шахс учун — унинг фамилияси, исми, отасининг исми ва доимий яшаш манзили ҳамда телефон рақами ҳақидаги маълумотлар кўрсатилади.

Масалан:

«Кабиров Абдукарим Солиевич

Самарқанд вилояти, Самарқанд шаҳ., Шердор кўч., 6-уй, 8-хонадон, телефон:

8-366-999-99-99

юридик шахс учун — унинг қисқача номи ва жойлашган ери (юридик манзили), телефон рақами ҳамда электрон почта манзили (мавжуд бўлса) кўрсатилади.

Масалан:

«Trans group» МЧЖ

Тошкент шаҳ., Юнусобод тумани, Уч терак кўч., 3-уй, 19-хонадон, телефон: +99871-999-99-99, электрон почта: pochta@pochta.uz».

Агар экспортчи ва юкни жўнатувчи номидан юридик шахснинг таркибий тузилмаси қатнашаётган бўлса, таркибий тузилманинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса), шунингдек юридик шахс тўғрисида юқорида қайд этилган маълумотлар кўрсатилади.

Масалан:

«Vodiy-Fargʼona» МЧЖ

Фарғона вилояти, Фарғона шаҳ., Саноат кўч., 2-уй, телефон: 8-373-999-99-99, электрон почта: pochta@pochta.uz

«Vodiy» МЧЖнинг филиали

Андижон вилояти, Андижон шаҳ., Бобур кўчаси, 597-уй, телефон: 8-374-999-99-99, электрон почта: pochta@pochta.uz».

Агар экспортчи ва юкни жўнатувчи турли шахслар бўлса, хусусан жўнатувчи товарни экспортчининг топшириғига асосан жўнатаётган ёки шунга ўхшаш бошқа ҳолатларда графада аввал жўнатувчининг қисқача номи, жойлашган ери (юридик манзили) ва телефон рақами, сўнгра экспортчининг (товарни етказиб бериш тўғрисида топшириқ берган шахснинг) қисқача номи ва жойлашган ери (юридик манзили) кўрсатилади.

Масалан:

«Gʼuncha» МЧЖ

Тошкент вилояти, Янгийўл тумани, Самарқанд кўч., 19-уй, телефон: +998ХХ-ХХХ-ХХ-ХХ

«Оʼztadbirkoreksport» АЖ топшириғига асосан, Тошкент шаҳ., Миробод тумани, Ўзбекистон кўч., 1-уй.

БЮДнинг 9-графасида экспортчи тўғрисида маълумот кўрсатиладиган бўлса, мазкур графада жўнатувчидан кейин экспортчи ҳақидаги маълумотлар кўрсатилиши талаб этилмайди.

Графанинг юқори ўнг бурчагида «№» белгисидан сўнг, агар юкни жўнатувчи:

жисмоний шахс — резидентлар бўлса — «00000001» коди;

жисмоний шахс — норезидентлар бўлса — «00000002» коди;

устав капиталида давлат улуши бўлган ташкилот бўлса — «00000003» коди;

хорижий давлатларнинг дипломатик ва консуллик муассасалари бўлса «99999999» коди;

халқаро ҳукуматлараро ташкилотларнинг ваколатхоналари, хорижий давлатлар ҳукумат ташкилотларининг иқтисодий, техник ҳамкорлик, гуманитар ёрдам кўрсатиш бўйича ваколатхоналари, доимий муассасалар бўлса «88888888» коди кўрсатилади;

мазкур кичик банднинг йигирма олтинчи — ўттизинчи хатбошиларида кўрсатилмаган шахслар бўлса, маълумот кўрсатилмайди.

Графанинг пастки қисмида «№» белгисидан сўнг юкни жўнатувчининг СТИРи (жисмоний шахс бўлса, унга тегишли жисмоний шахснинг шахсий идентификация рақами (бундан буён матнда ЖШШИР деб юритилади), жўнатувчи номидан унинг таркибий тузилмаси иштирок этаётган ҳолатларда таркибий тузилманинг СТИРи, сўнгра «/» белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИР ёки ЖШШИРга эга бўлмаган шахслар томонидан олиб ўтилаётган товарларни декларациялашда «999999999» коди кўрсатилади.

Товарларни қоғоз шаклда декларациялашда қўшимча варақларда ушбу графа тўлдирилмайди;

3) 3-графа. «Қўшимча варақлар».

Графанинг биринчи бўлмасида варақнинг тартиб рақами, иккинчи бўлмасида тақдим этилаётган БЮД варақларининг умумий сони (асосий ва қўшимча варақлари йиғиндиси) кўрсатилади.

Масалан, агар БЮД иккита қўшимча варақларга эга бўлса БЮДнинг асосий варағида «1/3»; биринчи қўшимча варағида «2/3»; иккинчи қўшимча варағида «3/3» кўрсатилади. Агар БЮД қўшимча варақларга эга бўлмаса «1/1» кўрсатилади.

Товарлар электрон шаклда декларацияланганда графада, электрон БЮД қоғозга чоп этилгандаги каби варақнинг тартиб рақами ва БЮД варақларининг умумий сони мазкур кичик бандда белгиланган тартибда кўрсатилади;

4) 5-графа. «Товарлар номларининг умумий сони».

Графада БЮДнинг 31-графаларида кўрсатилган товарлар номларининг умумий сони ёзилади. Бу сон БЮДнинг тўлдирилган 31-графалари сонига мувофиқ бўлиши лозим;

5) 7-графа. «БЮДнинг рўйхат рақами».

Графада мазкур Йўриқноманинг 4-иловасида келтирилган Божхона постлари таснифлагичига мувофиқ БЮД тақдим этиладиган божхона постининг бешта рақамли коди кўрсатилади;

6) 8-графа. «Импортчи/юкни қабул қилувчи».

Графада транспорт ҳужжатларида товарларни қабул қилувчи сифатида кўрсатилган шахс тўғрисидаги маълумотлар қайд этилади.

Графада қуйидагилар кўрсатилади:

юкни қабул қилувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили (мазкур Йўриқноманинг 5-иловасида келтирилган Дунё мамлакатлари таснифлагичига мувофиқ мамлакатнинг қисқа номи ва манзили);

юкни қабул қилувчи юридик шахс бўлса — унинг қисқача номи ва жойлашган ери (Дунё мамлакатлари таснифлагичига мувофиқ мамлакатнинг қисқа номи ва манзили).

Масалан:

«Алибаев Нуридин Камалович

Қозоғистон, Алмати ш., Суюнбай шоҳ кўчаси, 450-уй»

ёки ««Ros-Torg» МЧЖ

Россия, Иваново ш., Смирнов кўч., 62-уй».

Агар юкни қабул қилувчи товарни бошқа шахснинг топшириғига кўра қабул қилаётган бўлса ёки шунга ўхшаш бошқа ҳолатларда графада аввал юкни қабул қилувчининг қисқача номи ва жойлашган ери (юридик манзили), сўнгра товарни қабул қилиб олиш тўғрисида топшириқ берган шахснинг қисқача номи ва жойлашган ери (юридик манзили) кўрсатилади.

Масалан:

«Ros-Torg» МЧЖ

Россия, Химки шаҳ., Карлов кўч., 362-уй

«Faraon» МЧЖ топшириғига асосан

Россия, Москва шаҳ., Большая полянка кўч., 563».

Электрон БЮДда қабул қилувчи, товарни қабул қилиб олиш тўғрисида топшириқ берган шахс (БЮДнинг 9-графасидаги шахс билан ташқи савдо контрактини (шартномасини, келишувини) тузган шахс) ва товарнинг кузатув ҳужжатларида кўрсатилган бошқа шахслар ҳақидаги маълумотларнинг ҳар бири алоҳида ажратилган майдончада кўрсатилади.

Товарларни қоғоз шаклда декларациялашда қўшимча варақларда ушбу графа тўлдирилмайди;

7) 9-графа. «Молиявий тартибга солиш учун жавобгар шахс».

Графада ташқи савдо контракти (шартномаси, келишувини) тузган ва ушбу контракт (шартнома, келишув) бўйича ҳисоб-китобларни амалга ошириш учун жавобгар бўлган юридик шахснинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса) ёки жисмоний шахснинг фамилияси, исми, отасининг исми, яшаш манзили ҳамда телефон рақами тўғрисидаги маълумотлар кўрсатилади.

Графанинг юқори қисмида «№» белгисидан сўнг, агар шахслар:

жисмоний шахс — резидентлар бўлса — «00000001» коди;

жисмоний шахс — норезидентлар бўлса — «00000002» коди;

устав капиталида давлат улуши бўлган ташкилот бўлса — «00000003» коди;

хорижий давлатларнинг дипломатик ва консуллик муассасалари бўлса «99999999» коди;

мазкур кичик банднинг тўртинчи — саккизинчи хатбошиларида кўрсатилмаган шахслар бўлса, маълумот кўрсатилмайди.

Графанинг пастки қисмида «№» белгисидан сўнг молиявий тартибга солиш учун жавобгар шахснинг СТИРи (жисмоний шахс бўлса, ЖШШИРи), сўнгра «/» белгисидан кейин унинг юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИР ёки ЖШШИРга эга бўлмаган шахслар томонидан олиб ўтилаётган товарларни декларациялашда «999999999» коди кўрсатилади.

Товарлар беғараз (тўловсиз) асосдаги битимлар бўйича олиб ўтилганда графа тўлдирилмайди;

8) 11-графа. «Савдо қилинаётган мамлакат».

Графанинг чап бўлмасида савдо қилинаётган мамлакатнинг Дунё мамлакатлари таснифлагичига мувофиқ рақамли коди кўрсатилади.

БЮДнинг 9-графасида кўрсатилган шахс билан ташқи савдо контрактини (шартномасини, келишувини) тузган шахс рўйхатга олинган ёки доимий яшайдиган, мазкур контрактга (шартномага, келишувга) мувофиқ товарлар Ўзбекистон Республикаси божхона чегараси орқали олиб ўтилаётган ёки унинг ижроси юзасидан товарларнинг божхона режими ўзгартирилаётган мамлакат савдо қилинаётган мамлакат ҳисобланади.

Товарларнинг божхона чегараси орқали олиб ўтилиши ёки уларнинг божхона режимининг ўзгариши ташқи савдо контракти (шартномаси, келишуви) ижроси бўйича амалга оширилмаётган бўлса, Дунё мамлакатлари таснифлагичига мувофиқ мамлакатнинг рақамли коди товарнинг кузатув ҳужжатлари асосида кўрсатилади;

Мамлакат ёки ҳудуд Юридик ва жисмоний шахслар томонидан валюта операциялари амалга оширилишининг асосланганлиги юзасидан мониторинг олиб бориш тартиби тўғрисидаги низом (рўйхат рақами 2467, 2013 йил 12 июнь) билан тасдиқланган Имтиёзли солиқ режими бериладиган ва (ёки) молиявий операциялар амалга оширилганда ошкор этиш ва ахборот бериш назарда тутилмайдиган давлат ва ҳудудлар (оффшор ҳудудлар) рўйхатига киритилган бўлса, графанинг ўнг бўлмасида «1» коди кўрсатилади. Агар мамлакат ёки ҳудуд мазкур хатбошида назарда тутилган Рўйхатга киритилган бўлмаса, графанинг ўнг бўлмасида «2» коди кўрсатилади.

9) 12-графа. «Умумий божхона қиймати».

Графада, рақамли коди БЮДнинг 22-графасида кўрсатилган валютада, декларацияланаётган товарларнинг умумий божхона қиймати кўрсатилади. Товарларнинг умумий божхона қийматини БЮДнинг 45-графаларидаги товарларнинг божхона қийматлари йиғиндиси ташкил қилади;

10) 13-графа.

Графада Ўзбекистон Республикаси Марказий банки томонидан белгиланган, БЮД божхона расмийлаштирувига қабул қилинган кундаги АҚШ долларининг Ўзбекистон Республикаси миллий валютасига нисбатан курси кўрсатилади;

11) 14-графа. «Декларант/божхона брокери».

Графада БЮДни тўлдирган ва божхона органларига тақдим этаётган божхона брокери ёки декларантнинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса) кўрсатилади;

Графада БЮДни тўлдирган ва божхона органларига тақдим этаётган божхона брокери ёки декларант юридик шахс бўлганда, унинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса) кўрсатилади;

Агар декларант жисмоний шахс бўлса, графада ушбу жисмоний шахснинг фамилияси, исми ва отасининг исми, унинг яшаш манзили, телефон рақами ва электрон почта манзили (мавжуд бўлса) кўрсатилади.

Графанинг юқори қисмида «№» белгисидан сўнг ушбу божхона брокери ёки декларантни СТИРи (жисмоний шахс бўлса, ЖШШИРи) кўрсатилади;

12) 17-графа. «Келиб тушадиган мамлакат».

Графада товарлар келиб тушадиган мамлакатнинг Дунё мамлакатлари таснифлагичига мувофиқ қисқа номи кўрсатилади.

Товарлар келиб тушадиган мамлакат — товарлар етказиб берилиши лозим бўлган сўнгги мамлакат;

13) 17а-графа. «Келиб тушадиган мамлакат коди».

Графада товарлар келиб тушадиган мамлакатнинг Дунё мамлакатлари таснифлагичига мувофиқ рақамли коди кўрсатилади;

14) 18-графа. «Жўнатиш/етказиб бериш вақтидаги транспорт воситаси».

Графада Ўзбекистон Республикаси божхона чегарасидаги ўтказиш пунктига етказиб бериш учун товарлар юкланиши лозим бўлган транспорт воситалари билан боғлиқ маълумотлар кўрсатилади.

Графанинг чап бўлмасида транспорт воситалари сони ёзилади, сўнгра битта бўш жой (пробел) қолдирилиб, мазкур Йўриқноманинг 6-иловасида келтирилган Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин орасига «;» ажратиш белгиси қўйилган ҳолда божхона чегарасидаги ўтказиш пунктига етказиб бериш учун товарлар юкланаётган транспорт воситаси тўғрисидаги, товар божхона чегарасини кесиб ўтгунга қадар қайта юкланадиган ҳолатларда эса товарларни қайта юклаш жойигача етказиб берадиган транспорт воситаси тўғрисидаги маълумотлар кўрсатилади (денгиз ёки дарё кемаси номи, ҳаво кемасининг рейс рақами, темир йўл вагони рақами, йўл транспорт воситасининг рўйхат рақами ва шу каби маълумотлар).

Масалан:

1 АВТО: A987SA;

2 ЖД: 63453546; 97893994.

Агар товарлар автотранспорт воситалари состави билан олиб ўтилаётган бўлса, транспорт воситасининг рўйхат рақамидан сўнг «/» ажратиш белгиси қўйилган ҳолда прицеплар, ярим прицеплар ва ҳ.к. рақамлари кўрсатилади.

Масалан:

1 АВТО: A987SA/ K118DS.

Графанинг ўнг бўлмасида транспорт воситаси тегишли бўлган мамлакатнинг Дунё мамлакатлари таснифлагичига мувофиқ рақамли коди кўрсатилади.

Агар ташишда автотранспорт воситалари составидан фойдаланилган бўлса, ушбу транспорт воситаларни (прицепларни, ярим прицепларни ва ҳ.к.) ҳаракатга келтирувчи автотранспорт воситаси рўйхатга олинган мамлакатнинг рақамли коди кўрсатилади.

Агар транспорт воситалари бир нечта давлатларга тегишли бўлса, графанинг чап бўлмасида транспорт воситалари сони, сўнгра бўш жой (пробел) қолдирилиб, «БЮДнинг орқа томонига қаранг» ҳаволаси ёзилади (қоғоз шаклдаги БЮДда), графанинг ўнг бўлмасидан «999» коди қўйилади. Қоғоз шаклдаги БЮДнинг орқа томонида Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин транспорт воситалари рақами ва чизиқчадан сўнг, транспорт воситаси тегишли бўлган мамлакатнинг рақамли коди кўрсатилади.

Электрон БЮДда бундай ҳавола қилинмайди ва барча маълумотлар электрон БЮДнинг бевосита ўзида кўрсатилади.

Товарлар электр узатиш линиялари ёки қувур транспорти орқали олиб ўтилганда графада Транспорт турлари таснифлагичига мувофиқ транспорт воситасининг қисқача номи кўрсатилади: «ТРУБОПРОВОД», «ЛЭП»;

Графада қўшимча равишда транспорт воситаси ва ундаги товар билан боғлиқ қуйидаги маълумотлар (электрон БЮДда алоҳида ажратилган майдонларда) кўрсатилади:

транспорт воситасидаги товарнинг килограммдаги «брутто» оғирлиги;

автотранспорт воситаси турининг икки рақамли коди, автотранспорт воситасининг VIN рақами, ташув тугалланадиган мамлакатнинг Дунё мамлакатлари таснифлагичига мувофиқ рақамли коди;

товарларни ташувчиси тўғрисидаги маълумотлар (ташувчи жисмоний шахс бўлса — унинг фамилияси, исми, отасининг исми, ЖШШИРи, паспорт серияси ва рақами; ташувчи юридик шахс бўлса — унинг номи, СТИРи), автотранспорт воситаси ҳайдовчисининг фамилияси, исми, отасининг исми, ЖШШИРи, паспорт серияси ва рақами. Агар товарларнинг ташувчиси ёки автотранспорт воситасининг хайдовчиси СТИР ёки ЖШШИРга эга бўлмаган норезидент бўлса, у ҳолда шахснинг СТИР ёки ЖШШИРи қайд этиладиган жойда «99999999999999» коди кўрсатилади.

Автотранспорт воситаси турининг икки рақамли коди қуйидаги тартибда кўрсатилади:

«10» — енгил автомобиль (ҳайдовчи ўрнини ҳисобга олмаганда 8 тадан кўп бўлмаган ўриндиққа эга бўлган);

«21» — юк автомобиль (юк кўтариш қобилияти 10 тоннагача бўлган);

«22» — юк автомобиль (юк кўтариш қобилияти 10 тоннадан 20 тоннагача бўлган);

«23» — юк автомобиль (юк кўтариш қобилияти 20 тоннадан ортиқ бўлган);

«31» — автобус (ҳайдовчи ўрнини ҳисобламаганда 12 тагача ўриндиққа эга бўлган);

«32» — автобус (ҳайдовчи ўрнини ҳисобламаганда 13 тадан 30 тагача ўриндиққа эга бўлган);

«33» — автобус (ҳайдовчи ўрнини ҳисобламаганда 30 тадан ортиқ ўриндиққа эга бўлган);

«40» — микроавтобус;

«50» — трактор;

«60» — мототранспорт;

«70» — махсус транспорт;

15) 19-графа. «Контейнер».

Графада қуйидагилар кўрсатилади:

«0» — агар товарлар контейнерда олиб ўтилмаётган бўлса;

«1» — агар товарлар контейнерда олиб ўтилаётган ёки товар сифатида контейнер расмийлаштирилаётган бўлса.

16) 20-графа. «Етказиб бериш шартлари».

Графада ташқи савдо битими асосида товарларни етказиб бериш шартлари тўғрисидаги маълумотлар кўрсатилади. Товарлар беғараз асосда олиб ўтилаётганда товарларни етказиб бериш шартлари товарнинг кузатув ҳужжатлари асосида кўрсатилади.

Графанинг биринчи бўлмасида мазкур Йўриқноманинг 7-иловасида келтирилган Етказиб бериш шартлари таснифлагичига мувофиқ етказиб бериш шартининг рақамли коди кўрсатилади.

Графанинг иккинчи бўлмасида Етказиб бериш шартлари таснифлагичига мувофиқ географик пункт кўрсатилган ҳолда етказиб бериш шартининг ҳарфли коди қайд этилади.

Графанинг учинчи бўлмасида ташқи савдо контракти (шартномаси, келишуви) шартларига мувофиқ БЮД асосида экспорт қилинаётган товарлар учун қўлланиладиган ҳисоб-китоблар шаклининг икки рақамли коди, сўнгра «/» белгисидан кейин товарларни жўнатиш шаклининг икки рақамли коди кўрсатилади (электрон БЮДда ҳар бир код алоҳида ажратилган майдонда кўрсатилади).

Экспорт қилинаётган товарлар учун ҳисоб-китоблар шаклининг икки рақамли коди қуйидаги тартибда кўрсатилади:

«10» — олдиндан тўлов;

«20» — аккредитив;

«30» — банк кафолати;

«40» — экспорт контрактларини сиёсий ва тижорат хавфларидан суғурталаш полиси;

«50» — экспорт факти бўйича;

«60» — консигнация бўйича;

«70» — бартер операцияси;

«80» — беғараз (тўловсиз) асосда етказиб бериш.

Ҳисоб-китобларнинг аралаш шакллари қўлланган ҳолларда графада мутлақ ифодада устунликка эга бўлган ҳисоб-китоб шакли кўрсатилади.

Товарларни жўнатиш шаклининг икки рақамли коди қуйидаги тартибда кўрсатилади:

«01» — товар тўғридан-тўғри шартнома (битим, келишув) тузувчи шахс манзилига жўнатилаётган бўлса;

«02» — товар тўғридан-тўғри шартнома (битим, келишув) тузувчи шахс манзилига жўнатилмаётган ҳолларда;

18) 22-графа. «Валюта ва товарларнинг умумий фактура қиймати».

Графанинг чап бўлмасида мазкур Йўриқноманинг 8-иловасида келтирилган Валюталар таснифлагичига мувофиқ ташқи савдо контракти (шартномаси, келишуви) валютасининг рақамли коди кўрсатилади.

Ташқи савдо контракти (шартномаси, келишуви) валютаси деганда етказиб берилаётган товар ташқи савдо контрактига (шартномасига, келишувига) мувофиқ баҳоланган валюта тушунилади. Агар товар ташқи савдо контракти (шартномаси, келишуви) ижроси бўйича олиб ўтилмаётган бўлса, валюта коди товарнинг кузатув ҳужжатлари асосида кўрсатилади.

Графанинг ўнг бўлмасида рақамларда декларацияланаётган товарлар туркумининг умумий фактура қиймати кўрсатилади. Умумий фактура қийматини БЮДнинг 42-графаларидаги товарларнинг фактура қийматлари йиғиндиси ташкил қилади;

19) 23-графа. «Валюта курси».

Графада рақамли коди БЮДнинг 22-графасида кўрсатилган валютанинг Ўзбекистон Республикаси Марказий банки томонидан белгиланган, БЮД божхона расмийлаштирувига қабул қилинган кундаги Ўзбекистон Республикаси миллий валютасига нисбатан курси кўрсатилади.

Масалан:

агар 1 Россия рубли = 63,41 сўм бўлса, графада «1/63,41» кўрсатилади;

агар 10 Япон йенаси = 220,09 сўм бўлса, графада «10/220,09» кўрсатилади;

агар валюта контракти Ўзбекистон Республикаси миллий валютаси бўлса графада «1/1» кўрсатилади;

20) 24-графа. «Битим хусусияти».

Графанинг чап бўлмасида мазкур Йўриқноманинг 9-иловасида келтирилган Битим хусусиятлари таснифлагичига мувофиқ битим хусусиятининг коди кўрсатилади.

Графанинг ўнг бўлмасида Валюталар таснифлагичига мувофиқ етказиб берилаётган товар учун контрагент билан ҳисоб-китоб валютасининг рақамли коди кўрсатилади.

Ҳисоб-китоб валютаси деганда БЮДни 9-графасида кўрсатилган шахснинг ташқи савдо контракти (шартномаси, келишуви) бўйича ҳисоб-китоб амалга оширилган ёки амалга ошириладиган валюта, ташқи савдо контракти (шартномаси, келишуви) мавжуд бўлмаган ҳолатларда товарнинг кузатув ҳужжатларида кўрсатилган валюта тушунилади;

21) 25-графа. «Чегарадаги транспорт тури».

Графада Транспорт турлари таснифлагичига мувофиқ товарлар амалда Ўзбекистон Республикаси божхона чегараси орқали олиб ўтиладиган транспорт воситаси турининг коди кўрсатилади.

22) 26-графа. «Мамлакат ичкарисидаги транспорт тури».

Графада Транспорт турлари таснифлагичига мувофиқ 18-графада кўрсатилган транспорт воситаси турининг коди кўрсатилади;

23) 28-графа. «Молия ва банк маълумотлари».

Графада божхона тўловларини тўловчи шахснинг молиявий ва банк маълумотлари кўрсатилади, бунда маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади:

1 — тўловчининг СТИРи (жисмоний шахс бўлса, ЖШШИРи) /банк СТИРи (божхона тўловлари Ўзбекистон Республикаси норезиденти томонидан тўланганда божхона брокери ёки декларантнинг СТИРи (жисмоний шахс бўлса, ЖШШИРи) кўрсатилади);

2 — банкнинг тўлиқ номи;

23) 28-графа. «Молия ва банк маълумотлари».

Графада божхона тўловларини тўловчи шахснинг СТИРи (жисмоний шахс бўлса, ЖШШИРи), божхона тўловлари Ўзбекистон Республикаси норезиденти томонидан тўланганда божхона брокери ёки декларантнинг СТИРи (жисмоний шахс бўлса, ЖШШИРи) кўрсатилади.

24) 29-графа. «Чегарадаги божхона».

Графада Божхона постлари таснифлагичига мувофиқ товарлар Ўзбекистон Республикасидан олиб чиқиладиган божхона постининг коди ва номи кўрсатилади.

Электр узатиш линиялари ёки қувур транспорти орқали олиб ўтиладиган товарларни декларациялашда назоратни олиб борувчи постнинг коди ва номи кўрсатилади;

25) 30-графа. «Товарлар турган жой».

Графада БЮДни тақдим этиш вақтида товарлар турган жой ҳақидаги маълумотлар кўрсатилади:

агар товарлар божхона омбори ёки эркин омборда, ёхуд бож олинмайдиган савдо дўкони мақомига эга бўлган жойларда турган бўлса — божхона омбори ёки эркин омборни, ёхуд бож олинмайдиган савдо дўконини таъсис этиш учун берилган лицензия рақами ва санаси;

агар товарлар божхона омбори мақомига эга бўлмаган жойларда турган бўлса — товар турган жойнинг почта манзили (почта индексини кўрсатмаган ҳолда);

агар товарлар темир йўл станциясида турган бўлса — темир йўл станциясининг номи.

Электрон БЮДда алоҳида майдончада товар турган жойнинг юридик манзили бўйича мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ туман (шаҳар) коди кўрсатилади.

Электр узатиш линиялари ёки қувур транспорти орқали олиб ўтилаётган товарларни декларациялашда графа тўлдирилмайди;

26) 31-графа. «Юк жойлари ва товар тавсифи». «Маркировка ва миқдор — контейнерлар рақами — товар тавсифи».

Графада декларацияланаётган товар ҳақида маълумот кўрсатилади. Товар ҳақидаги маълумотлар ТИФ ТН асосида таснифлаш қоидаларига мувофиқ декларацияланаётган товарларни муайян ўн рақамли подсубпозицияда аниқ таснифлаш имконини бериши лозим. Маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади:

1 рақами остида қуйидагилар кўрсатилади:

товарнинг номи (савдо, тижорат ёки бошқа анъанавий номи), товар белгилари, маркалари, моделлари, артикуллари, навлари, стандартлари ва бошқа техник ва тижорат тавсифлари (давлат стандартлари, техник регламентлар ҳамда стандартлар ва ҳ.к.) тўғрисидаги маълумотлар, шунингдек декларацияланаётган товарнинг миқдорий ва сифат таркиби тўғрисидаги маълумотлар. Электрон БЮДда товарнинг маркаси ва брендининг номи алоҳида ажратилган майдончада ҳам кўрсатилади (товар маркаси ёки брендининг номи мавжуд бўлмаган ҳолларда «маркасиз», «брендсиз» деб кўрсатилади);

товарнинг номи (савдо, тижорат ёки бошқа анъанавий номи), товар белгилари, маркалари, моделлари, артикуллари, навлари, стандартлари ва бошқа техник ва тижорат тавсифлари (миллий стандартлар, техник регламентлар ҳамда стандартлар ва ҳ.к.) тўғрисидаги маълумотлар, шунингдек декларацияланаётган товарнинг миқдорий ва сифат таркиби тўғрисидаги маълумотлар. Электрон БЮДда товарнинг маркаси ва брендининг номи алоҳида ажратилган майдончада ҳам кўрсатилади (товар маркаси ёки брендининг номи мавжуд бўлмаган ҳолларда «маркасиз», «брендсиз» деб кўрсатилади);

агар божхона тўловларини ҳисоблаш ҳамда ундириш ва (ёки) иқтисодий сиёсат чораларини (тақиқлар, чекловлар ва ҳ.к.) қўллаш учун зарур бўлса, товарнинг асосий ва қўшимча ўлчов бирликларидан фарқ қилувчи ўлчов бирликларидаги тавсифи ва кўрсаткичлари тўғрисидаги маълумотлар (миқдори ва шартли белгиси), шунингдек товар ишлаб чиқарилган (тайёрланган) сана кўрсатилади.

Декларацияланаётган товарларни товар позициясининг ТИФ ТНда келтирилган умумий номланиши билан кўрсатилишига йўл қўйилмайди.

2 рақами остида қуйидагилар кўрсатилади:

ўрамга эга бўлган товарлар учун — товар эгаллаган юк жойларининг умумий сони, товар ўрами тури ва ўрамлар миқдори. Агар ушбу графада декларацияланаётган товарлар юк жойларининг ҳаммасини эгалламаса графада «қутининг бир қисми» ва шунга ўхшаш ёзувлар ёзилади. Бунда ўрам деганда товарларни ўраш, ҳимоялаш, жойлаштириш ва мустаҳкамлаш ёки ажратиш учун мўлжалланган ҳар қандай буюм ва материаллар тушунилади, уюм ҳолда олиб ўтиладиган ўраш материаллари (сомон, қоғоз, шиша тола, қипиқ ва шу кабилар) бундан мустасно;

сочилган, уюмланган, қуйилган ҳолатда ўрамсиз олиб ўтиладиган товарлар учун қуйидаги кодлардан бири қайд этилади:

«01» — сочилган ҳолда;

«02» — уюмланган ҳолда;

«03» — қуйилган ҳолда.

Электр узатиш линиялари ёки қувур транспорти орқали ташиладиган товарларни декларациялашда 2 рақами остида маълумотлар тўлдирилмайди.

3 рақами остида контейнерда ташиладиган товар учун ёки товар сифатида контейнер расмийлаштирилаётган ҳолатларда — орасига вергул қўйилиб контейнер рақамлари кўрсатилади. Агар декларацияланаётган товарлар контейнерни тўлиқ эгалламаган бўлса контейнер рақамидан сўнг: «бир қисми» сўзлари ёзилади. Электрон БЮДда контейнер рақамлари алоҳида майдончада ҳар бири алоҳида кўрсатилади.

4 рақами остида акциз маркалари билан маркаланган товарлар учун — ҳар бир серия бўйича акциз маркалари сериялари, рақамлари ва миқдори кўрсатилади.

Электрон БЮДда товарга оид маълумотлар электрон БЮДнинг формати ва тузилишига асосан алоҳида ажратилган майдончада ҳам кўрсатилади.

Акциз маркаларининг рақамлари кетма-кет келаётган бўлса, улар тўғрисидаги маълумотлар тегишли оралиқдаги биринчи ва охирги рақам ўртасида чизиқча «-» ажратувчисини қўйиш орқали ёзилади.

5 рақами остида қувур транспорти, электр узатиш линиялари орқали олиб ўтилаётган товарларни декларациялашда қуйидаги ёзувлар ёзилади: «XX.XX.XXXX дан XX.XX.XXXX гача бўлган оралиқда етказиб бериш». Бу ерда рақамли белгилар билан товарларни етказиб бериш бошланган «кун, ой, йил» ва тугалланган «кун, ой, йил» кўрсатилади.

Графанинг пастки чап бурчагида алоҳида ажратилган майдончада декларацияланаётган товарни ишлаб чиқарган (тайёрлаган, етиштирган) шахснинг СТИРи (жисмоний шахс бўлса, ЖШШИРи), сўнгра «/» белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади.

Бунда, ТИФ ТН кодлари 07, 08, 0904, 1008, 1202, 1207409000, 2008191900 бўлган товарларни расмийлаштирувида фитосанитар сертификатида кўрсатилган маҳсулот етиштирилган туман (шаҳар) коди кўрсатилади. Агар фитосанитар сертификатида икки ёки ундан ортиқ туман (шаҳар) кўрсатилган бўлса, ҳар бир ҳудудга тегишли товарлар алоҳида товар сифатида ёзилади.

Агар мазкур товарнинг ишлаб чиқарувчиси номаълум ёки товар бир нечта шахс томонидан ишлаб чиқарилган (тайёрланган, етиштирилган) бўлса, жўнатувчининг СТИРи (жисмоний шахс бўлса, ЖШШИРи) ва ҳудуд коди кўрсатилади.

Графанинг пастки ўнг бурчагида алоҳида ажратилган жойда товарларнинг қўшимча ўлчов бирлигидаги миқдори ва ўлчов бирлигининг ТИФ ТНга мувофиқ шартли белгиланиши кўрсатилади (қўшимча ўлчов бирлигининг коди 41-графада акс эттирилади). Электрон БЮДда ўлчов бирлигининг шартли белгиланиши кўрсатилмасдан, фақатгина товарларнинг қўшимча ўлчов бирлигидаги миқдори ёзилади.

Товарларнинг қўшимча ўлчов бирлигидаги миқдори вергулдан кейинги иккинчи белгигача аниқликда кўрсатилади.

Агар қўшимча ўлчов бирлигидаги товар миқдори «0,01» дан кам бўлса графада товарнинг қўшимча ўлчов бирлигидаги миқдори вергулдан кейинги олтинчи белгигача аниқликда кўрсатилади.

Фақатгина асосий ўлчов бирлиги «кг» қўлланилган ҳолатларда — графанинг пастки ўнг бурчаги тўлдирилмайди.

27) 32-графа. «Товар №».

Графада 31-графада декларацияланаётган товарнинг тартиб рақами кўрсатилади.

Битта номдаги товар декларацияланаётган бўлса, графада «1» рақами кўрсатилади;

28) 33-графа. «Товар коди».

Графанинг чап қисмида 31-графада декларацияланаётган товарнинг ТИФ ТНга мувофиқ ўнта рақамли коди кўрсатилади. Ушбу код бўш жойсиз (пробелсиз) ва бошқа ажратувчи белгиларсиз ёзилади;

29) 34-графа. «Келиб чиқиш мамлакати коди».

Графанинг чап бўлмасида 31-графада декларацияланаётган товарни келиб чиқиш мамлакатининг Дунё мамлакатлари таснифлагичига мувофиқ рақамли коди кўрсатилади.

Агар божхона расмийлаштируви вақтида келиб чиқиш мамлакати номаълум бўлса, «000» коди қўйилади.

Агар товарни келиб чиқиш сертификатида Европа иттифоқининг аниқ мамлакати кўрсатилмай, товарнинг келиб чиқиш мамлакати сифатида Европа иттифоқи кўрсатилган бўлса, лотин ҳарфлари билан икки ҳарфдан иборат «EU» коди қўйилади;

30) 35-графа. «Брутто вазн (кг)».

Графада БЮДнинг 31-графасида декларацияланаётган товарнинг килограммдаги «брутто» оғирлиги кўрсатилади. «Брутто» оғирлик деганда товарнинг умумий оғирлиги, шу жумладан товар муомалага киритилгунга қадар ҳолатини ўзгармаслигини таъминлаб туриш учун зарур бўлган унинг барча турдаги ўрамлари (контейнер ва бошқа транспорт ускуналари бундан мустасно) билан биргаликдаги оғирлиги тушунилади.

Брутто вазн математик қоидаларга кўра вергулдан кейинги учинчи рақамгача яхлитланади.

Агар товарнинг умумий оғирлиги бир килограммдан кам бўлса, брутто вазн вергулдан кейинги уч белгигача аниқликда кўрсатилади.

Агар товарнинг умумий оғирлиги бир граммдан кам бўлса, брутто вазн вергулдан кейинги олти белгигача аниқликда кўрсатилади.

Қувур транспорти билан олиб ўтилаётган товарларни декларациялашда товарнинг умумий оғирлиги кўрсатилади.

Графа электр узатиш линиялари орқали олиб ўтиладиган товарларни декларациялашда тўлдирилмайди;

32) 37-графа. «Процедура».

Графада товарларни Ўзбекистон Республикаси божхона чегараси орқали олиб ўтиш процедурасининг етти белгили коди кўрсатилади. Ушбу код қуйидаги учта таркибий қисмлардан иборат:

биринчи иккита рақам — Божхона режимлари таснифлагичига мувофиқ баён этилаётган божхона режими коди;

кейинги иккита рақам — Божхона режимлари таснифлагичига мувофиқ аввалги божхона режими коди. Агар аввалги божхона режими мавжуд бўлмаса «00» кўрсатилади;

охирги учта рақам — мазкур Йўриқноманинг 11-иловасида келтирилган Товарларни олиб ўтиш хусусиятлари таснифлагичига мувофиқ декларацияланаётган товарларни олиб ўтиш хусусияти коди. Агар товарларни олиб ўтиш хусусияти белгиланмаган бўлса «000» кўрсатилади;

33) 38-графа. «Нетто вазн (кг)».

Графада декларацияланаётган товарнинг килограммдаги «нетто» оғирлиги кўрсатилади.

Қадоқланган ҳолатда олиб ўтилаётган товар учун:

декларацияланаётган товарнинг фақат бирламчи қадоғини ҳисобга олган ҳолдаги оғирлиги, агар товарлар, истеъмол хусусиятларидан келиб чиққан ҳолда, шундай қадоқда чакана савдога чиқарилса ва (ёки) товарни сотишда унинг сақланишини таъминлайдиган бирламчи қадоқни товарнинг истеъмол хусусиятларини бузмаган ҳолда товарни истеъмол қилгунга қадар товардан ажратиб бўлмайдиган (масалан, банкадаги кофе ва ҳ.к.) бўлса;

бошқа ҳолатларда декларацияланаётган товарнинг ҳеч қандай қадоқсиз оғирлиги.

Қадоқсиз (сочилган, қуйилган, уюм ҳолда) олиб ўтиладиган товар учун товарнинг умумий оғирлиги кўрсатилади.

Нетто вазн математик қоидаларга кўра вергулдан кейинги уч белгигача яхлитланади.

Агар товарнинг умумий оғирлиги бир килограммдан кам бўлса, нетто вазн вергулдан кейинги уч белгигача аниқликда кўрсатилади.

Агар товарнинг оғирлиги бир граммдан кам бўлса, нетто вазн вергулдан кейинги олти белгигача аниқликда кўрсатилади.

Қувур транспорти билан олиб ўтилаётган товарларни декларациялашда товарнинг БЮДни 35-графасида кўрсатилган оғирлиги қайд этилади.

Графа электр узатиш линиялари орқали олиб ўтиладиган товарларни декларациялашда тўлдирилмайди;

34) 39-графа. «Квота».

Миқдорий чекловлар белгиланган товарларни декларациялашда тўлдирилади.

Графада олинган лицензияга мувофиқ ўлчов бирлигида ажратилган квотанинг қолдиғи кўрсатилади. Квотанинг қолдиғини аниқлашда декларацияланаётган товар туркуми ҳисобга олинмайди.

Масалан:

лицензия бўйича ажратилган квота — 10000 куб. м; декларацияланаётган товарнинг биринчи туркуми — 4000 куб. м. 39-графада — «10000 куб. м» кўрсатилади.

Мазкур лицензия бўйича ажратилган квота ҳисобидан кейинги товарлар туркумини расмийлаштиришда 39-графада квота қолдиғи — «6000 куб. м» кўрсатилади;

35) 40-графа. «Умумий декларация/аввалги ҳужжат».

Товарлар баён этилаётган божхона режимидан аввал бошқа божхона режимига жойлаштирилган бўлса, графада товарларни аввалги божхона режимига жойлаштириш учун асос бўлган БЮД ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «ГТД»;

аввалги БЮДнинг рўйхат рақами;

ушбу товарнинг аввалги БЮДнинг 32-графасидаги тартиб рақами;

аввалги БЮДнинг 32-графасида кўрсатилган товарнинг, расмийлаштирилаётган брутто вазни (килограммда);

аввалги БЮДнинг 32-графасида кўрсатилган товарнинг, расмийлаштирилаётган нетто вазни (килограммда);

қўшимча ўлчов бирлигидаги миқдори (агар мавжуд бўлса);

қўшимча ўлчов бирлигининг ТИФ ТНга мувофиқ шартли белгиланиши (агар мавжуд бўлса).

Масалан:

ГТД 14010/31.03.2012/0353761 — 2 — 5980 кг — 5900 кг — 250,2 м³.

Агар декларацияланаётган товар аввал бир нечта товар туркумларига бўлинган ҳолда бир нечта БЮДлар билан расмийлаштирилган бўлса, аввалги расмийлаштирилган ҳар бир БЮД тўғрисидаги маълумотлар алоҳида янги қатордан юқорида қайд этилган тартибда кўрсатилади;

36) 41-графа. «Қўшимча ўлчов бирлиги».

Графада ТИФ ТНда келтирилган «Ўлчов бирликлари жадвали»га мувофиқ 31-графанинг пастки ўнг бўлмасида кўрсатилган товар миқдорининг қўшимча ўлчов бирлиги коди кўрсатилади.

Агар мазкур товар учун ТИФ ТНга мувофиқ фақат асосий ўлчов бирлиги (кг) қўлланилса, графа тўлдирилмайди;

37) 42-графа. «Товарнинг фактура қиймати».

Графада 31-графада декларацияланаётган товарнинг ташқи савдо контракти (шартномаси, келишуви) шартларига мувофиқ ҳақиқатда тўланган ёки тўланиши лозим бўлган ёхуд товарларни муқобил етказиб бериш билан қопланадиган фактура қиймати ташқи савдо контракти (шартномаси, келишуви) валютасида кўрсатилади.

Товарларни беғараз (тўловсиз) етказиб бериш асосида экспорт қилишда ёки товарларни ташқи савдо контрактини (шартномасини, келишувини) тузмаган ҳолда етказиб беришда товарнинг фактура қиймати товарнинг кузатув ҳужжатлари асосида кўрсатилади.

Нақд валютани декларациялашда графада олиб ўтилаётган валютанинг суммаси, номинал қийматга эга қимматли қоғозларни декларациялашда эса — қимматли қоғозларнинг номинал қиймати кўрсатилади.

Фактура қиймати математик қоидаларга кўра вергулдан сўнг икки белгигача аниқликда яхлитланади;

38) 43-графа.

Графада қуйидагилар кўрсатилади:

«0» — агар юкни жўнатувчи ўзи ишлаб чиқармаган маҳсулотни экспорт қилаётган бўлса;

«1» — агар юкни жўнатувчи ўзи ишлаб чиқарган маҳсулотни экспорт қилаётган бўлса;

39) 44-графа. «Қўшимча маълумотлар/тақдим этилаётган ҳужжатлар».

Графада БЮДнинг 31-графасида кўрсатилган ҳар бир товар ҳақида баён этилган маълумотларни тасдиқловчи, БЮДни тўлдиришга асос бўлган ҳужжатлар тўғрисидаги маълумотлар кўрсатилади.

Ҳар бир ҳужжат тўғрисидаги маълумотлар мазкур Йўриқноманинг 12-иловасидаги Божхона юк декларациясини тўлдиришда фойдаланиладиган ҳужжатлар ва маълумотлар турлари таснифлагичига мувофиқ ҳужжатнинг тартиб рақами ва ҳарфли кодини қўйган ҳолда кўрсатилади (реквизитларнинг ҳар бири янги сатрдан бошланади):

а) лицензияланадиган товарлар учун лицензия рўйхат рақами ва берилган санаси ҳамда унинг амал қилиш муддати.

Масалан:

101 ЛИЦЕНЗИЯ № 998344400002, 26.11.2015 й. Амал қилиш муддати — 31.12.2015 й.;

б) транспорт ва тижорат ҳужжатларининг рақами (рўйхат рақами).

Масалан:

205 АВИА № 259-12586814, 18.11.2015 й.;

220 ИНВ № 987, 15.11.2015 й.;

в) товарнинг божхона расмийлаштируви амалга оширилаётган контракт (шартнома, келишув) рақами ва санаси, шунингдек товарларни норезидент ташувчининг транспорт хизматидан фойдаланган ҳолда ташиш бўйича тузилган контракт (шартнома, келишув) рақами, санаси ҳамда унинг Ташқи савдо операциялари ягона электрон ахборот тизимидаги идентификация рақами.

Масалан:

301 КНТ № ЭКС-654, 13.09.2015 й.;

г) норматив-ҳуқуқий ҳужжатларда назарда тутилган ҳолатларда, бошқа ваколатли органлар томонидан тақдим этиладиган рухсатномалар, хулосалар ва бошқа ҳужжатларнинг (сертификатлар, гувоҳномалар ва ҳ.к.) рўйхат рақами ва берилган санаси.

Масалан:

417 ССТ № UZ.SMT.01.065.1783700, 15.10.2015 й.;

419 ФТСС № 431771, 04.11.2015 й.;

д) ташқи савдо контракти (шартномаси, келишуви) ваколатли органларда рўйхатдан ўтган рақами ва рўйхатга олинган санаси. Товарлар якка тартибдаги тадбиркорлар томонидан декларацияланган ҳолатларда якка тартибдаги тадбиркорнинг экспорт-импорт операцияларини амалга ошириш ҳуқуқи билан давлат рўйхатидан ўтганлиги тўғрисидаги гувоҳнома рақами ва санаси.

Масалан:

501 регМИВТ № 96200126, 15.04.2014 й.;

502 СвИПБЮЛ № 010176/198, 04.08.2015 й.;

е) «6» рақамидан сўнг мазкур Йўриқноманинг 13-иловасида келтирилган Божхона тўловлари таснифлагичига мувофиқ божхона тўлови турининг коди, сўнгра мазкур Йўриқноманинг 14-иловасида келтирилган Божхона тўловларини тўлаш бўйича имтиёзлар мавжудлигини тасдиқловчи ва БЮДнинг 44-графасидаги маълумотларни баён этишда қўлланиладиган норматив-ҳуқуқий ҳужжатлар таснифлагичига мувофиқ божхона тўловларидан озод этишга асос бўладиган норматив-ҳуқуқий ҳужжат тўғрисидаги маълумотлар.

Божхона тўловларини тўлашдан халқаро шартномага мувофиқ озод этилганда «МД» коди қўйилади ва шартноманинг тўлиқ номи ва имзоланган санаси кўрсатилади. Декларациялаш қоғоз шаклда амалга оширилганда «МД» коди кўрсатилади ва «БЮДнинг орқа томонига қаранг» деб ёзилади. БЮДнинг орқа томонидан халқаро шартноманинг тўлиқ номи ва имзоланган санаси кўрсатилади.

Божхона тўловларидан имтиёз беришни назарда тутувчи норматив-ҳуқуқий ҳужжат ижросини таъминлаш мақсадида қўшимча норматив ҳуқуқий-ҳужжат қабул қилинган бўлса (масалан, божхона тўловларини тўлашдан озод этиладиган товарлар рўйхати белгиланган тартибда тасдиқланадиган ҳолатларда) иккита норматив-ҳуқуқий ҳужжат тўғрисидаги маълумотлар кўрсатилади: божхона тўловларидан имтиёзлар мавжудлигини тасдиқловчи асосий норматив-ҳуқуқий ҳужжат тўғрисидаги маълумотлар ҳамда қавс ичида қўшимча норматив-ҳуқуқий ҳужжат тўғрисидаги маълумотлар (масалан, божхона тўловларини тўлашдан озод этиладиган товарлар рўйхатини тасдиқловчи ҳужжат коди, рақами ва санаси).

Божхона тўловларидан озод этиш кўзда тутилмаган ёки божхона тўловлари ставкалари белгиланмаган ҳолатларда графанинг мазкур қисми тўлдирилмайди.

Масалан:

610 ТК 299/1;

610 12-160400299010;

ж) товарнинг келиб чиқиш мамлакати сертификати рўйхат рақами ва санаси.

Масалан:

702 СПТЭК № UZKZ50209586, 20.11.2015 й.;

з) божхона расмийлаштирувида зарур бўлган бошқа ҳужжатлар ва маълумотлар (божхона тўловларини кечиктириб тўлаш, воситачилик (гаров ва ҳ.к.) битими, божхона қонунчилик ҳужжатлари бузилганлиги юзасидан жарима солиш тўғрисидаги қарор рақами ва санаси (жарима солиш тўғрисидаги қарор бўлмайдиган ҳолларда шакл-2 рақами ва санаси) ва қонунчилик ҳужжатларида белгиланган бошқа ҳужжатлар ва маълумотлар);

40) 45-графа. «Божхона қиймати».

Графанинг ўнг бўлмасида 31-графада декларацияланаётган товарнинг ташқи савдо контракти (шартномаси, келишуви) валютасидаги божхона қиймати кўрсатилади.

Товарларни беғараз (тўловсиз) етказиб бериш асосида экспорт қилишда ёки товарларни ташқи савдо контрактини (шартномасини, келишувини) тузмаган ҳолда етказиб беришда товарнинг божхона қиймати товарнинг кузатув ҳужжатларида кўрсатилган валютада келтирилади.

Божхона қиймати Ўзбекистон Республикаси Божхона кодекси талабларига мувофиқ аниқланади.

Божхона қиймати математик қоидаларга кўра вергулдан сўнг икки белгигача аниқликда яхлитланади;

41) 46-графа. «Статистик қиймат».

Графада, 45-графада келтирилган божхона қиймати асосида ҳисобланган, математик қоидаларга кўра вергулдан сўнг уч белгигача аниқликда яхлитланган, товарнинг минг АҚШ долларидаги қиймати кўрсатилади.

Статистик қийматни ҳисоблашда БЮД божхона расмийлаштируви учун қабул қилинган кунда амалда бўлган Ўзбекистон Республикаси Марказий банки томонидан белгиланган курс қўлланилади;

42) 47-графа. «Божхона тўловларининг ҳисоби».

Божхона тўловлари суммаларини ҳисоблаш БЮДнинг 31-графаларида баён этилган ҳар бир товар учун божхона тўловлари турлари бўйича алоҳида амалга оширилади. Бундан божхона расмийлаштируви учун божхона йиғимлари мустасно бўлиб, улар доим БЮД асосий варағининг 47-графасида (электрон БЮДда 32-графада 1 тартиб рақами остидаги товарнинг 47-графасида) кўрсатилади.

«Тўлов тури» устунида Божхона тўловлари таснифлагичига мувофиқ божхона тўлови турининг коди кўрсатилади.

«Ҳисоблаш асоси» устунида божхона тўловини ҳисоблашнинг асоси кўрсатилади.

Ҳисоблаш асоси Ўзбекистон Республикаси миллий валютасида кўрсатилади. Қуйидаги ҳолатлар бундан мустасно:

агар қонунчилик ҳужжатлари билан ҳисоблаш учун асос хорижий валютада белгиланган бўлса, ёхуд божхона йиғимлари хорижий валютада ундирилиши кўзда тутилган бўлса (масалан, эркин божхона зоналари ва эркин омборлар ҳудудларида божхона йиғимларини ундиришда) ҳисоблаш учун асос Валюталар таснифлагичига мувофиқ валютанинг ҳарфли кодини қўйган ҳолда хорижий валютада келтирилади;

агар қонунчилик ҳужжатларида ҳисоблаш учун асос пул бирликларида эмас, балки бошқа ўлчов бирликларида (масалан, маълум вақт оралиғи (соат), маълум бир ҳужжатларни берганлик учун, БЮДнинг асосий ва қўшимча варақлари учун ва ҳ.к.) белгиланган бўлса, у ҳолда тегишлича миқдор (1, 2 ва ҳ.к.) ва ўлчов бирлиги (соат, дона, асосий варақ, қўшимча варақ ва ҳ.к.) кўрсатилади.

Ҳисоблаш учун асос Ўзбекистон Республикаси миллий валютасида аниқланганда, товарнинг 12 ва 45-графаларидаги қийматларини Ўзбекистон Республикаси миллий валютасида қайта ҳисоблаш БЮД божхона расмийлаштируви учун қабул қилинган кундаги Ўзбекистон Республикаси Марказий банки курси бўйича амалга оширилади.

«Ставка» устунида божхона тўлови суммасини ҳисоблашда қўлланиладиган божхона тўловларининг белгиланган ставкаси миқдори кўрсатилади.

«Сумма» устунида божхона тўловининг Ўзбекистон Республикаси миллий валютасида ҳисобланган суммаси кўрсатилади. Агар қонунчилик ҳужжатларида божхона тўловининг хорижий валютада ундирилиши белгиланган бўлса, божхона тўловининг ҳисобланган суммаси Валюталар таснифлагичига мувофиқ валютанинг ҳарфли коди қўйилган ҳолда тегишли хорижий валютада кўрсатилади.

«ТУ» устунида тўлов усулининг икки белгили ҳарфли коди кўрсатилади:

«БН» — банк орқали нақд пулсиз ҳисоб-китоб;

«КТ» — божхона тўловлари суммасини нақд пул билан тўлаш;

«УН» — божхона тўловларини шартли ҳисоблаш;

«ОП» — божхона тўловларини кечиктириб тўлаш имконияти тақдим этилган;

«РП» — божхона тўловларини бўлиб-бўлиб тўлаш имконияти тақдим этилган;

«ВЗ» — қўшилган қиймат солиғини божхона ва солиқ органлари ўртасида ўзаро ҳисобга олиш орқали тўлаш имконияти тақдим этилган;

«ОО» — тўлов амалга оширилмайди.

Қонунчилик ҳужжатларига мувофиқ декларацияланаётган товарлар учун ставка белгиланмаган ёки ноль ставка белгиланган, ёхуд баён этилаётган божхона режими шартларига кўра ушбу турдаги божхона тўловини тўлаш мажбурияти вужудга келмайдиган божхона тўлови тўғрисидаги маълумотлар графага киритилмайди;

43) 48-графа. «Тўловларни кечиктириш».

Божхона тўловларини кечиктириб ёки бўлиб-бўлиб тўлаш имконияти тақдим этилганда, графада бундай тўловларни тўлашнинг сўнгги муддати божхона тўловлари турлари кесимида қуйидаги схема бўйича кўрсатилади:

Божхона тўловларини кечиктириб тўлаш имконияти тақдим этилганда, графада бундай тўловларни тўлашнинг сўнгги муддати божхона тўловлари турлари кесимида қуйидаги схема бўйича кўрсатилади:

ХХ.КК.ОО.ЙЙЙЙ, бунда:

ХХ — Божхона тўловлари таснифлагичига мувофиқ божхона тўлови турининг коди;

КК — кун;

ОО — ой;

ЙЙЙЙ — йил;

Агар кечиктириб ёки бўлиб-бўлиб тўлаш имконияти тақдим этилган божхона тўловларининг турлари бир нечта бўлса, ҳар бир маълумот алоҳида янги қаторда кўрсатилади;

Агар кечиктириб тўлаш имконияти тақдим этилган божхона тўловларининг турлари бир нечта бўлса, ҳар бир маълумот алоҳида янги қаторда кўрсатилади;

Божхона тўловларини бўлиб-бўлиб тўлаш имконияти тақдим этилганда, графада бундай тўловларни тўлаш муддатлари, божхона тўловлари турлари ва тўлов суммалари кесимида қуйидаги схема бўйича кўрсатилади:

ТР.ХХ.КК.ОО.ЙЙЙЙ.СУММА;

Масалан:

300 000 000.00 сўм миқдоридаги божхона божини бўлиб-бўлиб тўлаш имконияти 3 ойга тақдим этилганда ва тўлов шарти бўйича дастлабки тўланадиган божхона божи июн ойидан бошланса, бўлиб тўлаш ойининг тартиб рақами, божхона тўлови тури, бўлиб тўлаш муддати, ҳар бир ой учун бўлиб тўлаш суммаси қуйидаги тартибда кўрсатилади:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.

бунда:

ТР — бўлиб-бўлиб тўланадиган божхона тўловлари турини тўлаш ойининг тартиб рақами;

ХХ — Божхона тўловлари таснифлагичига мувофиқ божхона тўлови турининг коди;

КК — кун;

ОО — ой;

ЙЙЙЙ — йил;

СУММА — бўлиб-бўлиб тўлаш муддатлари бўйича тўлов суммаси;

Агар бўлиб-бўлиб тўлаш имконияти тақдим этилган божхона тўловларининг турлари ёки муддатлари бир нечта бўлса, ҳар бир маълумот алоҳида янги қаторда кўрсатилади.

44) 49-графа. «Омбор номи».

Агар товарлар илгари божхона омбори ёки эркин омборда сақлашни назарда тутувчи божхона режимларига жойлаштирилган бўлса, графада божхона омбори ёки эркин омборни таъсис этиш учун берилган лицензия рақами ва санаси кўрсатилади.

Агар товарлар божхона омбори мақомига эга бўлмаган жойларга жойлаштирилган бўлса графа тўлдирилмайди;

45) 50-графа. «Ишонч билдирган шахс».

Графада қуйидаги мазмундаги ёзув ёзилади:

Тақдим этилган ҳужжатлар ва маълумотлар учун жавобгар ......» деб ёзилгандан сўнг БЮДни тўлдиришга асос бўлиб хизмат қилувчи тақдим этилган ҳужжатлар ва маълумотларга жавобгар ҳисобланган шахснинг фамилияси, исми, отасининг исми, лавозими, телефон рақами (мавжуд бўлса) ва ЖШШИРи (электрон БЮДда алоҳида майдонда) кўрсатилади (қоғоз шаклдаги БЮДда унинг шахсий имзоси қўйилади).

Тақдим этилган ҳужжатлар ва маълумотлар учун жавобгар шахс ЖШШИРи мавжуд бўлмаган норезидент бўлса, у ҳолда шахснинг ЖШШИРи қайд этиладиган жойда «99999999999999» коди кўрсатилади.

Тақдим этилган ҳужжатлар ва маълумотлар учун жавобгар этиб декларант ёки у ишонч билдирган шахс белгиланади.

Агар тақдим этилган ҳужжатлар ва маълумотлар учун жавобгар декларант ишонч билдирган шахс бўлса, унинг ваколатларини тасдиқловчи ҳужжатнинг (шартноманинг, ишончноманинг) рақами, санаси ва амал қилиш муддати кўрсатилади.

46) 54-графа. «Жой ва сана».

Графада 14-графада кўрсатилган шахс номидан БЮДни тақдим этаётган декларацияловчи шахс ҳақида қуйидаги маълумотлар кўрсатилади маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади:

1 — БЮД тўлдирилган жой;

2 — декларацияловчи шахснинг фамилияси, исми ва отасининг исми, шунингдек электрон почта манзили (мавжуд бўлса);

3 — декларацияловчи шахснинг телефон рақами;

4 — агар товарларни декларациялаш божхона брокери томонидан амалга оширилаётган бўлса, божхона брокери ва топшириғига асосан БЮД тақдим этилаётган шахс ўртасидаги битим рақами ва санаси кўрсатилади;

5 — декларацияловчи шахс томонидан БЮДга берилган рақам қуйидаги тартибда кўрсатилади:

99999999999999/99.99.9999/999999, бунда:

1‎

2‎

3‎

‎

1‎

2‎

3‎

‎

1-элемент — декларацияловчи шахснинг ЖШШИРи;

2-элемент — БЮД тўлдирилган сана;

3-элемент — декларацияловчи шахс томонидан БЮДга берилган тартиб рақами (жорий йилда ўсиш тартибида, йил якунлангач рақамлаш янгидан бошланади).

Декларацияловчи шахс томонидан БЮДга берилган рақам қайтарилмаслиги лозим.

БЮДда баён этилган маълумотларнинг ҳаққонийлиги электрон БЮДда декларацияловчи шахснинг ЭРИси, қоғоз шаклдаги БЮДда декларацияловчи шахснинг имзоси билан тасдиқланади.

Қоғоз шаклдаги БЮДда бундай тасдиқлаш ҳар бир қўшимча варақнинг «С» графасида ҳам амалга оширилади.

48) «С» графа.

Графада 1 рақами остида ташқи савдо контрактининг (шартномасининг, келишувининг) Ташқи савдо операциялари ягона электрон ахборот тизимидаги идентификация рақами кўрсатилади.

5-боб. Товарларни эркин муомалага чиқариш (импорт) божхона режимига жойлаштиришда БЮДни тўлдириш

23. Эркин муомалага чиқариш (импорт) божхона режимига жойлаштиришда товарлар божхона органларига мазкур Йўриқноманинг 24 ва 25-бандларига мувофиқ тўлдирилган БЮДни тақдим этиш орқали декларацияланади.

24. Декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, «С».

25. Декларацияловчи шахс томонидан графаларнинг тўлдирилиши:

1) 1-графа. «Декларация тури».

Графанинг биринчи бўлмасида товарларни олиб ўтиш йўналиши кўрсатилади — «ИМ».

Графанинг иккинчи бўлмасида Божхона режимлари таснифлагичига мувофиқ божхона режимининг икки рақамли коди кўрсатилади.

Графанинг учинчи бўлмаси тўлдирилмайди.

2) 2-графа. «Экспортчи/юкни жўнатувчи».

Графада транспорт ҳужжатларида товарларни жўнатувчи сифатида кўрсатилган шахс тўғрисидаги маълумотлар қайд этилади.

Графада қуйидагилар кўрсатилади:

юкни жўнатувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили (Дунё мамлакатлари таснифлагичига мувофиқ мамлакатнинг қисқа номи ва манзили);

юкни жўнатувчи юридик шахс бўлса — унинг қисқача номи ва жойлашган ери (Дунё мамлакатлари таснифлагичига мувофиқ мамлакатнинг қисқа номи ва манзили).

Масалан:

«Алибаев Нуридин Камалович

Қозоғистон, Алмати ш., Суюнбай шоҳ кўчаси, 450-уй»

ёки «Ros-Torg» МЧЖ

Россия, Иваново ш., Смирнов кўч., 62-уй».

Агар юкни жўнатувчи товарни бошқа шахснинг топшириғига кўра жўнатаётган бўлса ёки шунга ўхшаш бошқа ҳолатларда графада аввал юкни жўнатувчининг қисқача номи ва жойлашган ери (юридик манзили), сўнгра товарни жўнатиш тўғрисида топшириқ берган шахснинг қисқача номи ва жойлашган ери (юридик манзили) кўрсатилади.

Масалан:

«Ros-Torg» МЧЖ

Россия, Химки шаҳ., Карлов кўч., 362-уй

«Faraon» МЧЖ топшириғига асосан

Россия, Москва шаҳ., Большая полянка кўч., 563».

Электрон БЮДда жўнатувчи, товарни жўнатиш тўғрисида топшириқ берган шахс (БЮДнинг 9-графасида кўрсатилган шахс билан ташқи савдо контрактини (шартномасини, келишувини) тузган шахс) ва товарнинг кузатув ҳужжатларида кўрсатилган бошқа шахслар ҳақидаги маълумотларнинг ҳар бири алоҳида ажратилган майдончада кўрсатилади.

Товарлар соддалаштирилган йўлак бўйича халқаро битимлар билан боғлиқ бўлган ҳолларда декларантнинг хоҳишига кўра графанинг пастки қисмида «№» белгисидан сўнг юкни жўнатувчининг СТИРи кўрсатилади.

Товарлар соддалаштирилган йўлак ёки ваколатли иқтисодий операторларни ўзаро тан олиш бўйича халқаро битимлар билан боғлиқ бўлган ҳолларда декларантнинг хоҳишига кўра графанинг пастки қисмида «№» белгисидан сўнг юкни жўнатувчининг СТИРи ёки махсус идентификация рақами кўрсатилади.

Товарларни қоғоз шаклда декларациялашда қўшимча варақларда графа тўлдирилмайди;

3) 3-графа. «Қўшимча варақлар».

4) 5-графа. «Товарлар номларининг умумий сони».

5) 7-графа. «БЮДнинг рўйхат рақами».

Графада Божхона постлари таснифлагичига мувофиқ БЮД тақдим этиладиган божхона постининг бешта рақамли коди кўрсатилади;

6) 8-графа. «Импортчи/юкни қабул қилувчи».

Графада товарларни қабул қилувчиси ва импортчиси ҳақидаги маълумотлар кўрсатилади;

Агар товарларни импортчиси ҳам, қабул қилувчиси ҳам бир шахс бўлса:

Масалан:

«Кабиров Абдукарим Солиевич

Самарқанд вилояти, Самарқанд шаҳ., Шердор кўч., 6-уй, 8-хонадон, телефон: 8-366-999-99-99

Масалан:

«Trans group» МЧЖ

Тошкент шаҳ., Юнусобод тумани, Уч терак кўч., 3-уй, 19-хонадон, телефон: +99871-999-99-99, электрон почта: pochta@pochta.uz».

Агар импортчи ва юкни қабул қилувчи номидан юридик шахснинг таркибий тузилмаси қатнашаётган бўлса, таркибий тузилманинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса), шунингдек юридик шахс тўғрисида юқорида қайд этилган маълумотлар кўрсатилади.

Масалан:

«Vodiy-Fargʼona» МЧЖ

Фарғона вилояти, Фарғона шаҳ., Саноат кўч., 2-уй, телефон: 8-373-999-99-99, электрон почта: pochta@pochta.uz

«Vodiy» МЧЖнинг филиали

Андижон вилояти, Андижон шаҳ., Бобур кўчаси, 597-уй, телефон: 8-374-999-99-99, электрон почта: pochta@pochta.uz».

Агар импортчи ва юкни қабул қилувчи турли шахслар бўлса, хусусан қабул қилувчи товарни импортчининг топшириғига асосан қабул қилиб олаётган ёхуд шунга ўхшаш бошқа ҳолатларда графада аввал қабул қилувчининг қисқача номи, жойлашган ери (юридик манзили) ва телефон рақами, сўнгра импортчининг (товарни қабул қилиб олиш тўғрисида топшириқ берган шахснинг) қисқача номи ва жойлашган ери (юридик манзили) кўрсатилади.

Масалан:

«Холис» МЧЖ

Тошкент вилояти, Чиноз тумани, Ўқитувчилар кўч., 17-уй, телефон: +998ХХ-ХХХ-ХХ-ХХ

«Таъминот» АЖ топшириғига асосан, Тошкент шаҳ., Шайхонтоҳур тумани, А. Ходжаев кўч., 310-уй.

БЮДнинг 9-графасида импортчи тўғрисида маълумот кўрсатиладиган бўлса, мазкур графада қабул қилувчидан кейин импортчи хақидаги маълумотлар кўрсатилиши талаб этилмайди.

Графанинг юқори ўнг бурчагида «№» белгисидан сўнг агар юкни қабул қилувчилар:

жисмоний шахс — резидентлар бўлса — «00000001» коди;

жисмоний шахс — норезидентлар бўлса — «00000002» коди;

устав капиталида давлат улуши бўлган ташкилот бўлса — «00000003» коди;

хорижий давлатларнинг дипломатик ва консуллик муассасалари бўлса «99999999» коди;

мазкур кичик банднинг йигирма тўртинчи — йигирма саккизинчи хатбошиларида кўрсатилмаган шахслар бўлса, маълумот кўрсатилмайди.

Графанинг пастки қисмида «№» белгисидан сўнг юкни қабул қилувчининг СТИРи, юкни қабул қилувчи номидан унинг таркибий тузилмаси иштирок этаётган ҳолатларда таркибий тузилманинг СТИРи (жисмоний шахс бўлса, ЖШШИРи), сўнгра «/» белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИР ёки ЖШШИРга эга бўлмаган шахслар томонидан олиб ўтилаётган товарларни декларациялашда «999999999» коди кўрсатилади.

Товарларни қоғоз шаклда декларациялашда қўшимча варақларда графа тўлдирилмайди;

7) 9-графа. «Молиявий тартибга солиш учун жавобгар шахс».

Графанинг юқори қисмида «№» белгисидан сўнг, агар шахслар:

жисмоний шахс — резидентлар бўлса — «00000001» коди;

жисмоний шахс — норезидентлар бўлса — «00000002» коди;

устав капиталида давлат улуши бўлган ташкилот бўлса — «00000003» коди;

хорижий давлатларнинг дипломатик ва консуллик муассасалари бўлса «99999999» коди;

Товарлар беғараз (тўловсиз) асосдаги битимлар бўйича олиб ўтилганда графа тўлдирилмайди;

8) 11-графа. «Савдо қилинаётган мамлакат».

9) 12-графа. «Умумий божхона қиймати».

10) 13-графа.

11) 14-графа. «Декларант/божхона брокери».

Графада БЮДни тўлдирган ва божхона органларига тақдим этаётган божхона брокери ёки декларант юридик шахс бўлса, унинг қисқача номи, жойлашган ери (юридик манзили), телефон рақами ва электрон почта манзили (мавжуд бўлса) кўрсатилади.

Графанинг юқори қисмида «№» белгисидан сўнг ушбу божхона брокери ёки декларантнинг СТИРи (жисмоний шахс бўлса, ЖШШИРи) кўрсатилади;

12) 15-графа. «Жўнатувчи мамлакат».

Графада товарлар жўнатилган мамлакатнинг Дунё мамлакатлари таснифлагичига мувофиқ қисқа номи кўрсатилади.

Товарлар жўнатилган мамлакат — товарлар, оралиқ мамлакатларда ушбу товарларнинг юридик мақомини ўзгартирувчи ҳеч қандай тижорат битимлари ёки бошқа операциялар амалга оширилмаган ҳолда, Ўзбекистон Республикасига жўнатилган мамлакатдир.

Жўнатувчи мамлакат товарларни халқаро ташиш бошланишига асос бўлган транспорт ҳужжатларида келтирилган маълумотлар асосида аниқланади.

Агар халқаро ташув бир нечта транспорт ҳужжатлари асосида амалга оширилган бўлса, графада БЮДда баён этилаётган товарлар БЮДнинг 8-графасида кўрсатилган юкни қабул қилувчи манзилига етказиб бериш учун қабул қилинган биринчи мамлакатнинг қисқа номи кўрсатилади;

13) 15а-графа. «Жўнатувчи мамлакат коди».

Графада товарлар жўнатилган мамлакатнинг Дунё мамлакатлари таснифлагичига мувофиқ рақамли коди кўрсатилади;

14) 18-графа. «Жўнатиш/етказиб бериш вақтидаги транспорт воситаси».

Графада божхона режимига жойлаштириш учун божхона органига тақдим этилаётган товарларни Ўзбекистон Республикаси божхона ҳудуди бўйлаб ташиган транспорт воситаси тўғрисидаги маълумотлар кўрсатилади.

Графанинг чап бўлмасида транспорт воситалари сони ёзилади, сўнгра битта бўш жой (пробел) қолдирилиб, Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин орасига «;» ажратиш белгиси қўйилган ҳолда транспорт воситаси тўғрисидаги маълумотлар кўрсатилади (денгиз ёки дарё кемаси номи, ҳаво кемасининг рейс рақами, темир йўл вагони рақами, йўл транспорт воситаси рўйхат рақами ва шу каби маълумотлар).

Масалан:

4 АВТО: A987SA; S654DA; B587NM; K967LV.

Агар товарлар автотранспорт воситалари состави билан ташилган бўлса, транспорт воситаси рўйхат рақамидан сўнг «/» ажратиш белгиси қўйилган ҳолда прицеплар, ярим прицеплар ва ҳ.к. рақамлари кўрсатилади.

Масалан:

2 АВТО: A987SA/K118DS; S654DA/P312LK.

Агар ташишда автотранспорт воситалари составидан фойдаланилган бўлса, ушбу транспорт воситаларини (прицепларни, ярим прицепларни ва ҳ.к.) ҳаракатга келтирган автотранспорт воситаси рўйхатга олинган мамлакатнинг рақамли коди кўрсатилади.

Агар транспорт воситалари бир нечта давлатларга тегишли бўлса, графанинг чап бўлмасида транспорт воситалари сони, сўнгра бўш жой (пробел) ташланиб, «БЮДнинг орқа томонига қаранг» ҳаволаси ёзилади (қоғоз шаклдаги БЮДда), графанинг ўнг бўлмасидан «999» коди қўйилади. Қоғоз шаклдаги БЮДнинг орқа томонида Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин транспорт воситалари рақами ва чизиқчадан сўнг, транспорт воситаси тегишли бўлган мамлакатнинг рақамли коди кўрсатилади.

Электрон БЮДда бундай ҳавола қилинмайди ва барча маълумотлар электрон БЮДнинг бевосита ўзида кўрсатилади.

15) 19-графа. «Контейнер».

Графада қуйидагилар кўрсатилади:

«0» — агар товарлар контейнерда олиб ўтилмаётган бўлса;

«1» — агар товарлар контейнерда олиб ўтилаётган ёки товар сифатида контейнер расмийлаштирилаётган бўлса;

16) 20-графа. «Етказиб бериш шартлари».

Графанинг биринчи бўлмасида Етказиб бериш шартлари таснифлагичига мувофиқ етказиб бериш шартининг рақамли коди кўрсатилади.

Графанинг учинчи бўлмасида ташқи савдо контракти (шартномаси, келишуви) шартларига мувофиқ БЮД асосида импорт қилинаётган товарлар учун қўлланиладиган ҳисоб-китоблар шаклининг икки рақамли коди, сўнгра «/» белгисидан кейин товарларни жўнатиш шаклининг икки рақамли коди кўрсатилади (электрон БЮДда ҳар бир код алоҳида ажратилган майдонда кўрсатилади).

Импорт қилинаётган товарлар учун ҳисоб-китоблар шаклининг икки рақамли коди қуйидаги тартибда кўрсатилади:

«10» — олдиндан тўлов;

«20» —аккредитив;

«30» — банк кафолати;

«40» — инкассо;

«50» — импорт факти бўйича;

«60» — консигнация бўйича;

«70» — бартер операцияси;

«80» —беғараз (тўловсиз) асосда етказиб бериш.

Товарларни жўнатиш шаклининг икки рақамли коди қуйидаги тартибда кўрсатилади:

«01» — товар тўғридан-тўғри шартнома (битим, келишув) тузувчи шахс томонидан жўнатилаётган бўлса;

«02» — товар тўғридан-тўғри шартнома (битим, келишув) тузувчи шахс томонидан жўнатилмаётган ҳолларда;

17) 21-графа. «Чегарадаги транспорт воситаси».

Графада товарлар амалда Ўзбекистон Республикаси божхона чегарасидан олиб ўтилган транспорт воситалари тўғрисидаги маълумотлар кўрсатилади.

Графанинг чап бўлмасида транспорт воситалари сони ёзилади, сўнгра битта бўш жой қолдирилиб, Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин орасига «;» ажратиш белгиси қўйилган ҳолда товарлар божхона ҳудудига олиб кирилган транспорт воситаси тўғрисидаги маълумотлар кўрсатилади (денгиз ёки дарё кемаси номи, ҳаво кемасининг рейс рақами, темир йўл вагони рақами, йўл транспорт воситаси рўйхат рақами ва шу каби маълумотлар).

Масалан:

4 АВТО: A987SA; S654DA; B587NM; K967LV.

Агар товарлар автотранспорт воситалари состави билан ташилаётган бўлса, транспорт воситаси рўйхат рақамидан сўнг «/» ажратиш белгиси қўйилган ҳолда прицеплар, ярим прицеплар ва ҳ.к. рақамлари кўрсатилади.

Масалан:

2 АВТО: A987SA/K118DS; S654DA/P312LK.

Агар ташишда автотранспорт воситалари составидан фойдаланилган бўлса, ушбу транспорт воситаларини (прицепларни, ярим прицепларни ва ҳ.к.) ҳаракатга келтирувчи автотранспорт воситаси рўйхатга олинган мамлакатнинг рақамли коди кўрсатилади.

Агар транспорт воситалари бир нечта давлатларга тегишли бўлса, графанинг чап бўлмасида транспорт воситалари сони, сўнгра бўш жой (пробел) ташланиб, «БЮД орқа томонига қаранг» ҳаволаси ёзилади (қоғоз шаклдаги БЮДда), графанинг ўнг бўлмасида «999» коди қўйилади. Қоғоз шаклдаги БЮДнинг орқа томонида Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин транспорт воситалари рақами ва чизиқчадан сўнг, транспорт воситаси тегишли бўлган мамлакатнинг рақамли коди кўрсатилади.

Электрон БЮДда бундай ҳавола қилинмайди ва барча маълумотлар электрон БЮДнинг бевосита ўзида кўрсатилади.

Товарлар илгари Ўзбекистон Республикаси божхона чегараси орқали олиб ўтилмаган бўлса графа тўлдирилмайди;

18) 22-графа. «Валюта ва товарларнинг умумий фактура қиймати».

Графанинг чап бўлмасида Валюталар таснифлагичига мувофиқ ташқи савдо контракти (шартномаси, келишуви) валютасининг рақамли коди кўрсатилади.

19) 23-графа. «Валюта курси».

Масалан:

агар 1 Россия рубли = 63,41 сўм бўлса, графада «1/63,41» кўрсатилади;

агар 10 Япон йенаси = 220,09 сўм бўлса, графада «10/220,09» кўрсатилади;

агар валюта контракти Ўзбекистон Республикаси миллий валютаси бўлса графада «1/1» кўрсатилади;

20) 24-графа. «Битим хусусияти».

Графанинг чап бўлмасида Битим хусусиятлари таснифлагичига мувофиқ битим хусусиятининг коди кўрсатилади.

21) 25-графа. «Чегарадаги транспорт тури».

Графада Транспорт турлари таснифлагичига мувофиқ 21-графада кўрсатилган транспорт воситаси турининг коди кўрсатилади.

Товарлар илгари Ўзбекистон Республикаси божхона чегараси орқали олиб ўтилмаган бўлса графа тўлдирилмайди;

22) 26-графа. «Мамлакат ичкарисидаги транспорт тури».

23) 28-графа. «Молия ва банк маълумотлари».

2 — банкнинг тўлиқ номи;

23) 28-графа. «Молия ва банк маълумотлари».

Графада божхона тўловларини тўловчи шахснинг СТИРи (жисмоний шахс бўлса ЖШШИРи), божхона тўловлари Ўзбекистон Республикаси норезиденти томонидан тўланганда божхона брокери ёки декларантнинг СТИРи (жисмоний шахс бўлса ЖШШИРи) кўрсатилади.

24) 29-графа. «Чегарадаги божхона».

Графада Божхона постлари таснифлагичига мувофиқ товарлар Ўзбекистон Республикасига олиб кирилган божхона постининг коди ва номи кўрсатилади.

Электр узатиш линиялари ёки қувур транспорти орқали олиб ўтиладиган товарларни декларациялашда назоратни олиб борувчи постнинг коди ва номи кўрсатилади.

Товарлар илгари Ўзбекистон Республикаси божхона чегараси орқали олиб ўтилмаган бўлса графа тўлдирилмайди;

25) 30-графа. «Товарлар турган жой».

Графада БЮДни тақдим этиш вақтида товарлар турган жой ҳақидаги маълумотлар кўрсатилади:

агар товарлар темир йўл станциясида турган бўлса — темир йўл станциясининг номи.

26) 31-графа. «Юк жойлари ва товар тавсифи». «Маркировка ва миқдор — контейнерлар рақами — товар тавсифи».

1 рақами остида қуйидагилар кўрсатилади:

товарнинг номи (савдо, тижорат ёки бошқа анъанавий номи), товар белгилари, маркалари, моделлари, артикуллари, навлари, стандартлари ва бошқа техник ва тижорат тавсифлари (давлат стандартлари, техник регламентлар ҳамда стандартлар ва ҳ.к.) тўғрисидаги маълумотлар, шунингдек декларацияланаётган товарнинг миқдорий ва сифат таркиби тўғрисидаги маълумотлар. Ўзбекистон Республикаси Вазирлар Маҳкамасининг 2015 йил 9 апрелдаги 86-сон «Республикада сотиладиган маиший электр приборларини, янгидан қуриладиган бинолар ва иншоотларни энергетика жиҳатидан мажбурий маркировкалаш ва сертификатлаш тизимини жорий этиш чора-тадбирлари тўғрисида»ги қарори иловасида кўрсатилган товарлар учун энергия самарадорлиги класси тўғрисидаги маълумот кўрсатилади.

товарнинг номи (савдо, тижорат ёки бошқа анъанавий номи), товар белгилари, маркалари, моделлари, артикуллари, навлари, стандартлари ва бошқа техник ва тижорат тавсифлари (миллий стандартлар, техник регламентлар ҳамда стандартлар ва ҳ.к.) тўғрисидаги маълумотлар, шунингдек декларацияланаётган товарнинг миқдорий ва сифат таркиби тўғрисидаги маълумотлар. Ўзбекистон Республикаси Вазирлар Маҳкамасининг 2015 йил 9 апрелдаги 86-сон «Республикада сотиладиган маиший электр приборларини, янгидан қуриладиган бинолар ва иншоотларни энергетика жиҳатидан мажбурий маркировкалаш ва сертификатлаш тизимини жорий этиш чора-тадбирлари тўғрисида»ги қарори иловасида кўрсатилган товарлар учун энергия самарадорлиги класси тўғрисидаги маълумот кўрсатилади.

электрон БЮДда товарнинг маркаси ва брендининг номи, энергия самарадорлиги класси тўғрисидаги маълумот алоҳида ажратилган майдончада ҳам кўрсатилади (товар маркаси ёки брендининг номи мавжуд бўлмаган ҳолларда «маркасиз», «брендсиз» деб кўрсатилади);

2 рақами остида қуйидагилар кўрсатилади:

ўрамга эга бўлган товар учун — товар эгаллаган юк жойларининг умумий сони, товар ўрами тури ва ўрамлар миқдори. Агар ушбу графада декларацияланаётган товар юк жойларининг ҳаммасини эгалламаса графада «қутининг бир қисми» ва шунга ўхшаш ёзувлар ёзилади. Бунда ўрам деганда товарларни ўраш, ҳимоялаш, жойлаштириш ва мустаҳкамлаш ёки ажратиш учун мўлжалланган ҳар қандай буюм ва материаллар тушунилади, уюм ҳолда олиб ўтиладиган ўраш материаллари (сомон, қоғоз, шиша тола, қипиқ ва шу кабилар) бундан мустасно;

«01» — сочилган ҳолда;

«02» — уюмланган ҳолда;

«03» — қуйилган ҳолда.

3 рақами остида контейнерларда ташиладиган товар учун ёки товар сифатида контейнер расмийлаштирилаётган ҳолатларда — орасига вергул қўйилиб контейнер рақамлари кўрсатилади. Агар декларацияланаётган товарлар контейнерни тўлиқ эгалламаган бўлса контейнер рақамидан сўнг: «бир қисми» сўзлари ёзилади. Электрон БЮДда контейнерлар рақамлари алоҳида майдончада ҳар бири алоҳида кўрсатилади.

Агар контейнер юк эгаси мулки сифатида қоладиган бўлса контейнер рақамидан сўнг қавс ичида (электрон БЮДда алоҳида майдонда) «Юк эгаси мулки» сўзлари ёзилади.

4 рақами остида акциз маркалари билан маркаланган товарлар учун — ҳар бир серия бўйича акциз маркалар сериялари, рақамлари ва миқдори кўрсатилади.

Кетма-кетликда келаётган акциз маркаларининг рақамлари тўғрисидаги маълумотлар тегишли оралиқдаги биринчи ва охирги рақам ўртасида чизиқча «-» ажратувчисини қўйиш орқали ёзилади.

6 рақами остида (электрон БЮДда алоҳида аниқлаштирилган жадвалда) товарларнинг агрегацияланган импорт коди кўрсатилади.

7 рақам остида озиқ овқат маҳсулотлари ва дори воситаларининг яроқлилик (фойдаланиш) муддати кўрсатилади. Электрон БЮДда ушбу маълумотлар алоҳида ажратилган майдончада кўрсатилади;

8 рақами остида қуйидаги кодлар кўрсатилади:

«101» — агар товарлар Ўзбекистон Республикаси Президентининг қарори билан тасдиқланган Инвестиция дастурига киритилган тўғридан-тўғри хорижий инвестициялар иштирокида амалга оширилаётган инвестиция лойиҳалари доирасида олиб кирилаётган бўлса;

«102» — агар товарлар Ўзбекистон Республикаси Президентининг қарори билан тасдиқланган Инвестиция дастурига киритилган Ўзбекистон Республикаси давлат кафолати остида жалб қилинган халқаро молия ташкилотлари кредит маблағлари ҳисобидан амалга оширилаётган инвестиция лойиҳалари доирасида олиб кирилаётган бўлса;

«103» — агар товарлар Ўзбекистон Республикаси Президенти қарори билан тасдиқланган Инвестиция дастурига киритилган мазкур кичик банднинг йигирманчи ва йигирма биринчи хатбошиларида назарда тутилмаган инвестиция лойиҳалари доирасида олиб кирилаётган бўлса;

«201» — агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича тўғридан-тўғри хорижий инвестициялар иштирокида амалга оширилаётган инвестиция лойиҳалари доирасида олиб кирилаётган бўлса;

«202» — агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича маҳаллий банкларнинг кредит маблағлари ҳисобидан амалга оширилаётган инвестиция лойиҳалари доирасида олиб кирилаётган бўлса;

«203» — агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича амалга оширилаётган мазкур кичик банднинг йигирма учинчи ва йигирма тўртинчи хатбошиларида назарда тутилмаган инвестиция лойиҳалари доирасида олиб кирилаётган бўлса;

«301» — агар товарлар мазкур кичик банднинг йигирманчи — йигирма бешинчи хатбошиларида назарда тутилмаган инвестиция дастури лойиҳаси доирасида олиб кирилаётган бўлса;

«000» — агар товарлар инвестиция дастури лойиҳасига алоқадор бўлмаса.

9 рақами остида ТИФ ТНнинг 8401 — 8414 (8414 20 200 0, 8414 20 800 0, 8414 51 000 0 дан ташқари), 8415 (8415 10 100 0, 8415 10 900 0 дан ташқари), 8416 — 8418 (8418 10 — 8418 50 дан ташқари), 8419 — 8422 (8422 11 000 0 дан ташқари), 8423 (8423 10 100 0 дан ташқари), 8424 — 8450 (8450 11 — 8450 19 дан ташқари), 8451, 8452 (8452 10 дан ташқари), 8453 — 8466, 8474 — 8480, 8486, 8501 — 8504, 8514, 8515, 8526, 8530, 8531, 8537, 8538, 8543, 9006 — 9008, 9010 — 9016, 9018 (9018 31 100 1, 9018 31 100 9, 9018 31 900 1, 9018 31 900 9, 9018 32 100 0, 9018 32 900 0, 9018 39 000 0, 9018 49 100 0, 9018 49 900 0, 9018 90 500 1 дан ташқари), 9019, 9020, 9022 — 9024, 9027, 9030 — 9033 товар позициялари билан таснифланувчи технологик асбоб-ускуналарнинг қайси соҳа учун олиб кирилаётганлиги мазкур Йўриқноманинг 16-иловасида келтирилган Асосий соҳалар таснифлагичига мувофиқ учта рақамдан иборат коди кўрсатилади. Агар товар олиб кирилаётган соҳа Асосий соҳалар таснифлагичида белгиланмаган бўлса «000» кўрсатилади.

10 рақами остида мазкур кичик банднинг йигирма еттинчи хатбошисида назарда тутилган технологик асбоб-ускуналарнинг ишлаб чиқарилган йили, сўнгра «/» белгисидан кейин техник таснифи кўрсатилади.

11 рақами остида қуйидаги кодлар кўрсатилади:

«01» — импорт қилинаётган товар давлат харидлари доирасида бўлса;

«02» — импорт қилинаётган товар давлат харидлари доирасида бўлмаса.

Товарларнинг бир қисми давлат харидларига алоқадор бўлмаган ҳолларда улар алоҳида товар сифатида декларацияланади.

Электрон БЮДда товарга оид маълумотлар БЮДнинг формати ва тузилишидан келиб чиқиб, алоҳида ажратилган майдончада ҳам кўрсатилади.

Графанинг пастки чап бурчагида алоҳида ажратилган майдончада декларацияланаётган товарни истеъмол қилувчи шахснинг СТИРи (жисмоний шахс бўлса, ЖШШИРи), сўнгра «/» белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади.

Агар мазкур товарнинг истеъмолчиси номаълум ёки истеъмолчилар бир нечта бўлса, ушбу товарни қабул қилаётган шахснинг СТИРи (жисмоний шахс бўлса, ЖШШИРи) ва туман (шаҳар) коди кўрсатилади.

Товарларнинг қўшимча ўлчов бирлигидаги миқдори вергулдан кейинги иккинчи белгигача аниқликда кўрсатилади.

Фақатгина асосий ўлчов бирлиги «кг» қўлланилган ҳолатларда — графанинг пастки ўнг бурчаги тўлдирилмайди.

27) 32-графа. «Товар №».

Графада 31-графада декларацияланаётган товарнинг тартиб рақами кўрсатилади.

Битта номдаги товар декларацияланаётган бўлса, графада «1» рақами кўрсатилади;

28) 33-графа. «Товар коди».

Графанинг чап қисмида 31-графада декларацияланаётган товарларнинг ТИФ ТНга мувофиқ ўнта рақамли коди кўрсатилади. Ушбу код бўш жойсиз (пробелсиз) ва бошқа ажратувчи белгиларсиз ёзилади;

29) 34-графа. «Келиб чиқиш мамлакати коди».

Агар божхона расмийлаштируви вақтида келиб чиқиш мамлакати номаълум бўлса, «000» коди қўйилади.

Агар товарни келиб чиқиш сертификатида Европа иттифоқининг аниқ мамлакати кўрсатилмаган бўлиб, товарнинг келиб чиқиш мамлакати сифатида Европа иттифоқи кўрсатилган бўлса, лотин ҳарфлари билан икки ҳарфдан иборат «EU» коди қўйилади;

30) 35-графа. «Брутто вазн (кг)».

Графада БЮДнинг 31-графасида декларацияланаётган товарнинг килограммдаги «брутто» оғирлиги кўрсатилади. «Брутто» оғирлик деганда товарнинг умумий оғирлиги, шу жумладан, товар муомалага киритилгунга қадар ҳолатини ўзгармаслигини таъминлаб туриш учун зарур бўлган унинг барча турдаги ўрамлари (контейнер ва бошқа транспорт ускуналари бундан мустасно) билан биргаликдаги оғирлиги тушунилади.

Брутто вазн математик қоидаларга кўра вергулдан кейинги учинчи рақамгача яхлитланади.

Қувур транспорти билан олиб ўтилаётган товарларни декларациялашда товарнинг умумий оғирлиги кўрсатилади.

Графа электр узатиш линиялари орқали олиб ўтиладиган товарларни декларациялашда тўлдирилмайди;

32) 37-графа. «Процедура».

биринчи иккита рақам — Божхона режимлари таснифлагичига мувофиқ баён этилаётган божхона режими коди;

кейинги иккита рақам — Божхона режимлари таснифлагичига мувофиқ аввалги божхона режими коди (бундан божхона транзити божхона режими мустасно). Агар аввалги божхона режими мавжуд бўлмаса ёки товар аввал фақат божхона транзити божхона режимига расмийлаштирилган бўлса «00» кўрсатилади;

охирги учта рақам — Товарларни олиб ўтиш хусусиятлари таснифлагичига мувофиқ декларацияланаётган товарларни олиб ўтиш хусусияти коди. Агар товарларни олиб ўтиш хусусияти белгиланмаган бўлса «000» кўрсатилади;

33) 38-графа. «Нетто вазн (кг)».

Графада декларацияланаётган товарнинг килограммдаги «нетто» оғирлиги кўрсатилади.

Қадоқланган ҳолатда олиб ўтилаётган товар учун:

бошқа ҳолатларда декларацияланаётган товарнинг ҳеч қандай қадоқсиз оғирлиги.

Қадоқсиз (сочилган, қуйилган, уюм ҳолда) олиб ўтиладиган товар учун товарнинг умумий оғирлиги кўрсатилади.

Нетто вазн математик қоидаларга кўра вергулдан кейинги уч белгигача яхлитланади.

Агар товарнинг умумий вазни бир килограммдан кам бўлса, нетто вазн вергулдан кейинги уч белгигача аниқликда кўрсатилади.

Агар товарнинг умумий оғирлиги бир граммдан кам бўлса, нетто вазн вергулдан кейинги олти белгигача аниқликда кўрсатилади.

Графа электр узатиш линиялари орқали олиб ўтиладиган товарларни декларациялашда тўлдирилмайди;

34) 39-графа. «Квота».

Миқдорий чекловлар белгиланган товарларни декларациялашда тўлдирилади.

Графада олинган лицензияга мувофиқ ўлчов бирлигида ажратилган квотанинг қолдиғи кўрсатилади. Квотанинг қолдиғини аниқлашда декларацияланаётган товарлар ҳисобга олинмайди.

Масалан:

35) 40-графа. «Умумий декларация/аввалги ҳужжат».

Товарлар баён этилаётган божхона режимидан аввал бошқа божхона режимига БЮД тақдим этиш орқали жойлаштирилган бўлса, графада товарларни аввалги божхона режимига жойлаштириш учун асос бўлган БЮД ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «ГТД»;

аввалги БЮДнинг рўйхат рақами;

ушбу товарнинг аввалги БЮДнинг 32-графасидаги тартиб рақами;

аввалги БЮДнинг 32-графасида кўрсатилган товарнинг, расмийлаштирилаётган брутто вазни (килограммда);

аввалги БЮДнинг 32-графасида кўрсатилган товарнинг, расмийлаштирилаётган нетто вазни (килограммда);

қўшимча ўлчов бирлигидаги миқдори (агар мавжуд бўлса);

қўшимча ўлчов бирлигининг ТИФ ТНга мувофиқ шартли белгиланиши (агар мавжуд бўлса).

Масалан:

ГТД 14010/31.03.2012/0353761 — 2 — 5980 кг — 5900 кг — 250,2 м³.

Агар товарлар баён этилаётган божхона режимидан аввал божхона транзити божхона режимига жойлаштириш учун транзит декларацияси тақдим этилган бўлса, графада товарларни божхона транзити божхона режимига жойлаштириш учун асос бўлган транзит декларацияси ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «ТД»;

транзит декларациясининг рўйхат рақами;

ушбу товарнинг транзит декларациясининг 32-графасидаги тартиб рақами;

транзит декларациясининг 32-графасида кўрсатилган товарнинг, расмийлаштирилаётган брутто вазни (килограммда);

транзит декларациясининг 32-графасида кўрсатилган товарнинг, расмийлаштирилаётган нетто вазни (килограммда);

қўшимча ўлчов бирлигидаги миқдори (агар мавжуд бўлса);

қўшимча ўлчов бирлигининг ТИФ ТНга мувофиқ шартли белгиланиши (агар мавжуд бўлса).

Масалан:

ТД 06010/01.03.2022/0003761 — 3 — 7980 кг — 7900 кг — 350,2 м³.

Агар декларацияланаётган товар аввал бир нечта товар туркумларига бўлинган ҳолда бир нечта транзит декларациялари билан расмийлаштирилган бўлса, аввалги расмийлаштирилган ҳар бир транзит декларациялари тўғрисидаги маълумотлар алоҳида янги қатордан юқорида қайд этилган тартибда кўрсатилади.

Агар товарларга нисбатан аввал БЮД ёки транзит декларацияси тақдим этилмаган бўлса, графада товарларни божхона расмийлаштирувини амалга ошириш учун ички божхона органига етказиб бериш учун асос бўлган етказиб беришни назорат қилиш ҳужжатлари (юкни етказиб беришни назорат қилиш китобчаси, МДП китобчаси) ҳақидаги қуйидаги маълумотлар кўрсатилади:

етказиб беришни назорат қилиш ҳужжатининг коди: юкни етказиб беришни назорат қилиш китобчаси учун — ККДГ, МДП китобчаси учун — МДП;

етказиб беришни назорат қилиш тўғрисидаги ҳужжат рақами (99999/99.99.9999/ИМ999999 — пост коди/сана/юкни етказиб беришни назорат қилиш китобчаси рақами, 99999/99.99.9999/ZX99999999 — пост коди/сана/МДП китобчаси рақами). Бунда, юкни етказиб беришни назорат қилиш китобчаси рақамидаги ҳарфлар кирилл алифбоси ҳарфларида, МДП китобчаси рақамидаги ҳарфлар эса лотин алифбосида ёзилиши шарт;

етказиб беришни назорат қилиш тўғрисидаги ҳужжатда кўрсатилган товарнинг, расмийлаштирилаётган брутто вазни (килограммда).

Масалан:

ККДГ 06006/31.03.2012/ИМ003761 — 15000 кг;

МДП 27002/01.01.2014/XY00156239 — 19456 кг.

Агар товар бир нечта етказиб беришни назорат қилиш тўғрисидаги ҳужжатлардан расмийлаштирилаётган бўлса, ҳар бир маълумот алоҳида янги қатордан юқорида қайд этилган тартибда кўрсатилади;

Агар товар божхона режимига жойлаштирилмасдан транспорт воситаси сифатида «Автотранспорт воситасини қайтариб олиб чиқиш тўғрисида мажбуриятнома» (бундан буён ушбу бандда мажбуриятнома деб юритилади) расмийлаштирилган ҳолда олиб кирилган бўлса, графада мажбуриятнома ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «MB»;

мажбуриятноманинг рўйхат рақами (99999/99.99.9999/MB99999999999 — пост коди/сана/мажбуриятноманинг тартиб рақами). Бунда, мажбуриятноманинг тартиб рақамидаги ҳарфлар лотин алифбосида ёзилади;

36) 41-графа. «Қўшимча ўлчов бирлиги».

Агар мазкур товар учун ТИФ ТНга мувофиқ фақат асосий ўлчов бирлиги (кг) қўлланилса, графа тўлдирилмайди;

37) 42-графа. «Товарнинг фактура қиймати».

Товарларни беғараз (тўловсиз) етказиб бериш асосида импорт қилишда ёки товарларни ташқи савдо контрактини (шартномасини, келишувини) тузмаган ҳолда етказиб беришда товарнинг фактура қиймати товарнинг кузатув ҳужжатлари асосида кўрсатилади.

Фактура қиймати математик қоидаларга кўра вергулдан сўнг икки белгигача аниқликда яхлитланади;

38) 43-графа.

Графада қуйидагилар кўрсатилади:

«0» — агар юкни қабул қилувчи ўз эҳтиёжи учун мўлжалланмаган маҳсулотни олиб кираётган бўлса;

«1» — агар юкни қабул қилувчи ўз эҳтиёжи учун мўлжалланган маҳсулотни олиб кираётган бўлса;

39) 44-графа. «Қўшимча маълумотлар/тақдим этилаётган ҳужжатлар».

Ҳар бир ҳужжат тўғрисидаги маълумотлар Божхона юк декларациясини тўлдиришда фойдаланиладиган ҳужжатлар ва маълумотлар турлари таснифлагичига мувофиқ ҳужжатнинг тартиб рақами ва ҳарфли кодини қўйган ҳолда кўрсатилади (реквизитларнинг ҳар бири янги сатрдан бошланади):

а) лицензияланадиган товарлар учун лицензия рўйхат рақами ва берилган санаси ҳамда унинг амал қилиш муддати.

Масалан:

101 ЛИЦЕНЗИЯ № 998344400002, 26.11.2015 й. Амал қилиш муддати — 31.12.2015 й.;

б) транспорт ва тижорат ҳужжатларининг рақами (рўйхат рақами).

Масалан:

205 АВИА № 259-12586814, 18.11.2015 й.;

220 ИНВ № 987, 15.11.2015 й.;

Масалан:

301 КНТ № ЭКС-654, 13.09.2015 й.;

Масалан:

417 ССТ № UZ.SMT.01.065.1783700, 15.10.2015 й.;

419 ФТСС № 431771, 04.11.2015 й.;

Масалан:

501 рег МИВТ № 96200126, 15.04.2014 й.;

502 СвИПБЮЛ № 010176/198, 04.08.2015 й.;

е) «6» рақамидан сўнг Божхона тўловлари таснифлагичига мувофиқ божхона тўлови турининг коди, сўнгра Божхона тўловларини тўлаш бўйича имтиёзлар мавжудлигини тасдиқловчи ва БЮДнинг 44-графасидаги маълумотларни баён этишда қўлланиладиган норматив-ҳуқуқий ҳужжатлар таснифлагичига мувофиқ божхона тўловларидан озод этишга асос бўладиган норматив-ҳуқуқий ҳужжат тўғрисидаги маълумотлар.

Божхона тўловларидан имтиёз беришни назарда тутувчи норматив-ҳуқуқий ҳужжат ижросини таъминлаш мақсадида қўшимча норматив-ҳуқуқий ҳужжат қабул қилинган бўлса (масалан, божхона тўловларини тўлашдан озод этиладиган товарлар рўйхати белгиланган тартибда тасдиқланадиган ҳолатларда) иккита норматив-ҳуқуқий ҳужжат тўғрисидаги маълумотлар кўрсатилади: божхона тўловларидан имтиёзлар мавжудлигини тасдиқловчи асосий норматив-ҳуқуқий ҳужжат тўғрисидаги маълумотлар ҳамда қавс ичида қўшимча норматив-ҳуқуқий ҳужжат тўғрисидаги маълумотлар (масалан, божхона тўловларини тўлашдан озод этиладиган товарлар рўйхатини тасдиқловчи ҳужжат коди, рақами ва санаси).

Масалан:

620 ПП № ПП-2120 / 04.02.2014 й.;

629 ПП № ПП-2120 / 04.02.2014 й.;

629 НК 211/7 (МЮ № 2436 / 20.03.2013 й.);

620 МД Протокол о применении Договора о создании зоны свободной торговли от 18 октября 2011 года между его сторонами и Республикой Узбекистан / 31.05.2013 й.;

620 МД Соглашение о создании зоны свободной торговли / 15.04.1994 й.;

620 15-142120030000;

(Президентнинг 04.02.2014 йилдаги ПҚ-2120-сон қарори 3-банди);

629 15-142120030000;

(Президентнинг 04.02.2014 йилдаги ПҚ-2120-сон қарори 3-банди);

629 11-190599246060;

(Солиқ кодексининг 246-моддаси 6-банди);

620 10-130001010000;

(2011 йил 18 октябрдаги эркин савдо зонасини ташкил этиш тўғрисидаги шартномани унинг тарафлари ва Ўзбекистон Республикаси ўртасида қўллаш тўғрисидаги баённома /31.05.2013 й);

620 10-940001010000;

(Эркин савдо зонасини ташкил этиш тўғрисидаги битим/15.04.1994 й);

ж) товарнинг келиб чиқиш мамлакати сертификати рўйхат рақами ва санаси.

Масалан:

701 СПТИМ № KZUZ50209586, 20.11.2015 й.;

з) божхона расмийлаштирувида зарур бўлган бошқа ҳужжатлар ва маълумотлар (божхона тўловларини кечиктириб тўлаш, воситачилик (гаров ва ҳ.к.) битими, божхона қонунчилик ҳужжатлари бузилганлиги тўғрисида баённома, хорижий мамлакатнинг экспорт божхона декларацияси ва қонунчилик ҳужжатларида белгиланган бошқа ҳужжатлар ва маълумотлар);

з) божхона расмийлаштирувида зарур бўлган бошқа ҳужжатлар ва маълумотлар (божхона тўловларини кечиктириб тўлаш, воситачилик (гаров ва ҳ.к.) битими, божхона қонунчилик ҳужжатлари бузилганлиги юзасидан жарима солиш тўғрисидаги қарор рақами ва санаси (жарима солиш тўғрисидаги қарор бўлмайдиган ҳолларда шакл-2 рақами ва санаси), хорижий мамлакатнинг экспорт божхона декларацияси ва қонунчилик ҳужжатларида белгиланган бошқа ҳужжатлар ва маълумотлар);

40) 45-графа. «Божхона қиймати».

Товарларни беғараз (тўловсиз) етказиб бериш асосида импорт қилишда ёки товарларни ташқи савдо контрактини (шартномасини, келишувини) тузмаган ҳолда етказиб беришда товарнинг божхона қиймати товарнинг кузатув ҳужжатларида кўрсатилган валютада келтирилади.

Божхона қиймати Ўзбекистон Республикаси Божхона кодексида белгиланган товарларнинг божхона қийматини аниқлаш усулларига мувофиқ ҳисобланади.

Божхона қиймати математик қоидаларга кўра вергулдан сўнг икки белгигача аниқликда яхлитланади;

41) 46-графа. «Статистик қиймат».

Графада товарнинг минг АҚШ долларидаги статистик қиймати кўрсатилади. Статистик қиймат товарнинг 42-графада кўрсатилган фактура қиймати асосида ҳисобланади ва «CIP (CIF) — Ўзбекистон чегараси» етказиб бериш шартидаги нархга келтирилади.

Статистик қиймат математик қоидаларга кўра вергулдан сўнг уч белгигача аниқликда яхлитланади.

Статистик қийматини ҳисоблашда Ўзбекистон Республикаси Марказий банки томонидан белгиланган, БЮД божхона расмийлаштируви учун қабул қилинган кунда амалда бўлган курсдан фойдаланилади;

42) 47-графа. «Божхона тўловларининг ҳисоби».

«Тўлов тури» устунида Божхона тўловлари таснифлагичига мувофиқ божхона тўлови турининг коди кўрсатилади.

«Ҳисоблаш асоси» устунида божхона тўловини ҳисоблашнинг асоси кўрсатилади.

Ҳисоблаш асоси Ўзбекистон Республикаси миллий валютасида кўрсатилади. Қуйидаги ҳолатлар бундан мустасно:

Ҳисоблаш учун асос Ўзбекистон Республикаси миллий валютасида аниқланганда, товарнинг 12 ва 45-графалардаги қийматларини Ўзбекистон Республикаси миллий валютасида қайта ҳисоблаш БЮД божхона расмийлаштируви учун қабул қилинган кундаги Ўзбекистон Республикаси Марказий банки курси бўйича амалга оширилади.

«Сумма» устунида божхона тўловининг Ўзбекистон Республикаси миллий валютасида ҳисобланган суммаси кўрсатилади. Агар қонунчилик ҳужжатларига мувофиқ божхона тўловининг хорижий валютада ундирилиши белгиланган бўлса, божхона тўловининг ҳисобланган суммаси Валюталар таснифлагичига мувофиқ валютанинг ҳарфли коди қўйилган ҳолда тегишли хорижий валютада кўрсатилади.

«ТУ» устунида тўлов усулининг икки белгили ҳарфли коди кўрсатилади:

«БН» — банк орқали нақд пулсиз ҳисоб-китоб;

«КТ» — божхона тўловлари суммасини нақд пул билан тўлаш;

«УН» — божхона тўловларини шартли ҳисоблаш;

«ОП» — божхона тўловларини кечиктириб тўлаш имконияти тақдим этилган;

«РП» — божхона тўловларини бўлиб-бўлиб тўлаш имконияти тақдим этилган;

«ОО» — тўлов амалга оширилмайди.

43) 48-графа. «Тўловларни кечиктириш».

ХХ.КК.ОО.ЙЙЙЙ, бунда:

ХХ — Божхона тўловлари таснифлагичига мувофиқ божхона тўлови турининг коди;

КК — кун;

ОО — ой;

ЙЙЙЙ — йил;

43) 48-графа. «Тўловларни кечиктириш».

ХХ.КК.ОО.ЙЙЙЙ

бунда:

ХХ — Божхона тўловлари таснифлагичига мувофиқ божхона тўлови турининг коди;

КК — кун;

ОО — ой;

ЙЙЙЙ — йил;

Агар кечиктириб тўлаш имконияти тақдим этилган божхона тўловларининг турлари бир нечта бўлса, ҳар бир маълумот алоҳида янги қаторда кўрсатилади.

ТР.ХХ.КК.ОО.ЙЙЙЙ.СУММА

Масалан:

300 000 000.00 сўм миқдоридаги божхона божини бўлиб-бўлиб тўлаш имконияти 3 ойга тақдим этилганда ва тўлов шарти бўйича дастлабки тўланадиган божхона божи июн ойидан бошланса, бўлиб тўлаш ойи тартиб рақами, божхона тўлови тури, бўлиб тўлаш муддати, ҳар бир ой учун бўлиб тўлаш суммаси қуйидаги тартибда кўрсатилади:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.

бунда:

ТР — бўлиб-бўлиб тўланадиган божхона тўловлари турини тўлаш ойининг тартиб рақами;

ХХ — Божхона тўловлари таснифлагичига мувофиқ божхона тўлови турининг коди;

КК — кун;

ОО — ой;

ЙЙЙЙ — йил;

СУММА — бўлиб-бўлиб тўлаш муддатлари бўйича тўлов суммаси;

44) 49-графа. «Омбор номи».

Агар товарлар божхона омбори мақомига эга бўлмаган жойларга жойлаштирилган бўлса графа тўлдирилмайди;

45) 50-графа. «Ишонч билдирган шахс».

Графада қуйидаги мазмундаги ёзув ёзилади:

Тақдим этилган ҳужжатлар ва маълумотлар учун жавобгар ......» деб ёзилгандан сўнг БЮДни тўлдиришга асос бўлиб хизмат қилувчи тақдим этилган ҳужжатлар ва маълумотларга жавобгар ҳисобланган шахснинг фамилияси, исми, отасининг исми, лавозими, телефон рақами (мавжуд бўлса) ва ЖШШИРи (электрон БЮДда алоҳида майдонда) кўрсатилади (қоғоз шаклдаги БЮДда унинг шахсий имзоси қўйилади).

46) 54-графа. «Жой ва сана».

1 — БЮД тўлдирилган жой;

3 — декларацияловчи шахснинг телефон рақами;

5 — декларацияловчи шахс томонидан БЮДга берилган рақам қуйидаги тартибда кўрсатилади:

99999999999999/99.99.9999/999999, бунда:

1‎

2‎

3‎

‎

1‎

2‎

3‎

‎

1-элемент — декларацияловчи шахснинг ЖШШИРи;

2-элемент — БЮД тўлдирилган сана;

Декларацияловчи шахс томонидан БЮДга берилган рақам қайтарилмаслиги лозим.

Қоғоз шаклдаги БЮДда бундай тасдиқлаш ҳар бир қўшимча варақнинг «С» графасида ҳам амалга оширилади.

48) «С» графа.

Графада қуйидагилар кўрсатилади (маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади):

1 — ташқи савдо контрактининг (шартномасининг, келишувининг) Ташқи савдо операциялари ягона электрон ахборот тизимидаги идентификация рақами;

2 — товарлар Ўзбекистон Республикаси ҳудудига олиб кирилган сана. Олиб кирилган сана Ўзбекистон Республикаси чегарасидан ўтиш пунктидаги чегара божхона постида товарнинг кузатув ҳужжатларига қўйиладиган штамп санаси бўйича аниқланади.

6-боб. Товарларни реэкспорт божхона режимига жойлаштиришда БЮДни тўлдириш

26. Товарларни реэкспорт божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 17, 17а, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54, «С».

27. БЮДнинг 1, 2, 3, 5, 7 (пост коди), 8, 9, 11, 12, 13, 14, 17, 17а, 18, 19, 20, 22, 23, 24, 25, 26, 28, 29, 30, 31, 32, 33, 35, 37, 38, 41, 42, 44, 45, 46, 47, 49, 50, 54 графалари мазкур Йўриқноманинг 22-бандига мувофиқ тўлдирилади.

28. БЮДнинг 40 ва «С» графаларини тўлдирилиши қуйидаги ўзига хос хусусиятларга эга:

1) 40-графа. «Умумий декларация/аввалги ҳужжат».

Графада мазкур Йўриқноманинг 22-бандида белгиланган тартибда товарларни аввалги божхона режимига жойлаштириш учун асос бўлган БЮД тўғрисидаги маълумотлар кўрсатилади.

Агар товарларни аввалги божхона режимига жойлаштириш учун транзит декларацияси расмийлаштирилган бўлса, транзит декларацияси ҳақида қуйидаги маълумотлар кўрсатилади:

аввалги ҳужжатнинг коди — ушбу ҳолатда «ТД»;

транзит декларациясининг рўйхат рақами;

ушбу товарнинг транзит декларациясининг 32-графасидаги тартиб рақами;

қўшимча ўлчов бирлигидаги миқдори (агар мавжуд бўлса);

қўшимча ўлчов бирлигининг ТИФ ТНга мувофиқ шартли белгиланиши (агар мавжуд бўлса).

Масалан:

ТД 06010/01.03.2022/0003761 — 3 — 7980 кг — 7900 кг — 350,2 м³;

Агар товарларни ички божхона органига етказиб бериш учун юкни етказиб беришни назорат қилиш китобчаси ёки МДП китобчаси расмийлаштирилган бўлса, қуйидаги маълумотлар кўрсатилади:

товарни божхона назорати остида етказиб бериш устидан назорат ҳужжат рақами (99999/99.99.9999/ИМ999999 — пост коди/сана/юкни етказиб беришни назорат қилиш китобчаси рақами, 99999/99.99.9999/ZX99999999 — пост коди/сана/МДП китобчаси рақами). Бунда, юкни етказиб беришни назорат қилиш китобчаси рақамидаги ҳарфлар кирилл алифбоси ҳарфларида, МДП китобчаси рақамидаги ҳарфлар эса лотин алифбосида ёзилиши шарт;

Масалан:

ККДГ 06006/31.03.2012/ИМ003761 — 15000 кг;

МДП 27002/01.01.2014/XY00156239 — 19456 кг.

Товарларда ички божхона органига етказиб бериш учун асос бўладиган товарни божхона назорати остида етказиб бериш устидан назорат ҳужжатлари мавжуд бўлмаган ҳолларда графада қўшимча равишда ушбу ҳужжат ҳақида маълумот кўрсатилиши талаб этилмайди;

2) «C» графа.

1 — ташқи савдо контрактининг (шартномасининг, келишувининг) Ташқи савдо операциялари ягона электрон ахборот тизимидаги идентификация рақами (бундан олиб чиқилаётган товарлар ташқи савдо контракти (шартномаси, келишуви) ижросига боғлиқ бўлмаган ҳоллар мустасно);

2 — товарларни эркин муомалага чиқариш (импорт) ёки божхона ҳудудида қайта ишлаш божхона режимларига расмийлаштиришда БЮД рўйхатга олинган сана. Агар, Ўзбекистон Республикаси ҳудудига олиб кирилганда, товар эркин муомалага чиқариш (импорт) ёки божхона ҳудудида қайта ишлаш божхона режимларига жойлаштирилмаган бўлса, товарни бошқа тегишли божхона режимига жойлаштиришда расмийлаштирилган БЮД рўйхатга олинган сана кўрсатилади.

7-боб. Товарларни реимпорт божхона режимига жойлаштиришда БЮДни тўлдириш

29. Товарларни реимпорт божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 44, 45, 46, 47, 49, 50, 54, «С».

30. БЮДнинг 1, 2, 3, 5, 7 (пост коди), 8, 9, 11, 12, 13, 14, 15, 15а, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 41, 42, 44, 45, 46, 47, 49, 50, 54 графалари мазкур Йўриқноманинг 25-бандига мувофиқ тўлдирилади.

31. БЮДнинг 40 ва «C» графаларининг тўлдирилиши қуйидаги ўзига хос хусусиятларга эга:

1) 40-графа. «Умумий декларация/аввалги ҳужжат».

Графада мазкур Йўриқноманинг 25-бандида белгиланган тартибда товарларни Ўзбекистон Республикаси божхона ҳудудидан олиб чиқишга асос бўлган БЮД тўғрисидаги маълумотлар кўрсатилади;

Графада қўшимча равишда товарларни божхона расмийлаштирувини амалга ошириш учун ички божхона органига етказиб бериш учун асос бўлган етказиб беришни назорат қилиш ҳужжатлари (юкни етказиб беришни назорат қилиш китобчаси, МДП китобчаси, транзит декларацияси) ҳақидаги қуйидаги маълумотлар кўрсатилади:

товарларни ички божхона органига етказиб бериш учун юкни етказиб беришни назорат қилиш китобчаси ёки МДП китобчаси расмийлаштирилган бўлса, қуйидаги маълумотлар кўрсатилади:

Масалан:

ККДГ 06006/31.03.2012/ИМ003761 — 15000 кг;

МДП 27002/01.01.2014/XY00156239 — 19456 кг.

товарларни ички божхона органига етказиб бериш учун транзит декларацияси расмийлаштирилган бўлса, транзит декларацияси ҳақидаги қуйидаги маълумотлар кўрсатилади:

аввалги ҳужжатнинг коди — ушбу ҳолатда «ТД»;

транзит декларациясининг рўйхат рақами;

ушбу товарнинг транзит декларациясининг 32-графасидаги тартиб рақами;

қўшимча ўлчов бирлигидаги миқдори (агар мавжуд бўлса);

қўшимча ўлчов бирлигининг ТИФ ТНга мувофиқ шартли белгиланиши (агар мавжуд бўлса).

Масалан:

ТД 06010/01.03.2022/0003761 — 3 — 7980 кг — 7900 кг — 350,2 м³.

Товарларда ички божхона органига етказиб бериш учун асос бўладиган етказиб беришни назорат қилиш ҳужжатлари мавжуд бўлмаган ҳолларда графада қўшимча равишда ушбу ҳужжат ҳақида маълумот кўрсатилиши талаб этилмайди;

3) «C» графа.

1 — ижроси бўйича товар Ўзбекистон Республикаси божхона ҳудудидан олиб чиқилган ташқи савдо контрактининг (шартномасининг, келишувининг) Ташқи савдо операциялари ягона электрон ахборот тизимидаги идентификация рақами;

8-боб. Товарларни вақтинчалик олиб кириш божхона режимига жойлаштиришда ва илгари вақтинчалик олиб кириш божхона режимига жойлаштирилган товарларни қайтариб олиб чиқишда БЮДни тўлдириш

§-1. Товарларни вақтинчалик олиб кириш божхона режимига жойлаштиришда БЮДни тўлдириш

32. Товарларни вақтинчалик олиб кириш божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 49, 50, 54, «С».

33. БЮДнинг 1, 2, 3, 5, 7 (пост коди), 8, 11, 12, 13, 14, 15, 15а, 18, 19, 20, 21, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 45, 46, 49, 54, «С» графалари мазкур Йўриқноманинг 25-бандига мувофиқ тўлдирилади.

34. БЮДнинг 9, 44, 47 ва 50-графаларининг тўлдирилиши қуйидаги ўзига хос хусусиятларга эга:

1) 9-графа. «Молиявий тартибга солиш учун жавобгар шахс».

Графада товарларни олиб ўтаётганшахс тўғрисидаги маълумотлар кўрсатилади. Графа мазкур Йўриқноманинг 25-бандига белгиланган тартиб асосида тўлдирилади;

3) 44-графа. «Қўшимча маълумотлар/тақдим этилаётган ҳужжатлар».

Графа мазкур Йўриқноманинг 25-бандида белгиланган 44-графани тўлдириш тартибига мувофиқ, қуйидаги ўзига хос хусусиятларни инобатга олган ҳолда тўлдирилади:

303 тартиб рақами остида ижарага олинган товарлар вақтинчалик олиб кирилганда БЮДда ижара шартномаси тўғрисидаги маълумотлар (рақами, тузилган санаси ва амал қилиш муддати) кўрсатилади;

4) 47-графа. «Божхона тўловларининг ҳисоби».

Графа мазкур Йўриқноманинг 25-бандида белгиланган 47-графани тўлдириш тартибига мувофиқ, қуйидаги ўзига хос хусусиятларни инобатга олган ҳолда тўлдирилади:

божхона божлари ва солиқлар суммасини ҳисоблаб чиқишда «ТУ» (тўлов усули) графасининг бешинчи устунида «УН» (божхона тўловларининг шартли ҳисобланиши) ҳарфли коди қўйилади;

5) 50-графа. «Ишонч билдирган шахс».

Графа мазкур Йўриқноманинг 25-бандида белгиланган 50-графани тўлдириш тартибига мувофиқ, қуйидаги ўзига хос хусусиятларни инобатга олган ҳолда тўлдирилади:

графада қўшимча равишда вақтинчалик олиб кириш божхона режимига қўйилган товарлар қайтариб олиб чиқиб кетилиши ёхуд бошқа божхона режимига ўтказилиши керак бўлган муддат қуйидаги шаклда кўрсатилади: «20____» «_____» «_______________» гача товарларни қайтариб олиб чиқиб кетиш ёхуд бошқа божхона режимига ўтказиш мажбуриятини оламан».

§-2. Аввал вақтинчалик олиб кириш божхона режимига жойлаштирилган товарларни қайтариб олиб чиқиб кетишда БЮДни тўлдириш

35. Аввал вақтинчалик олиб кириш божхона режимига жойлаштирилган товарларни қайтариб олиб чиқиб кетиш реэкспорт божхона режимига мувофиқ амалга оширилади. Бунда декларацияловчи шахс томонидан БЮД графалари мазкур Йўриқноманинг 6-бобида белгиланган тартибда тўлдирилади.

9-боб. Товарларни вақтинчалик олиб чиқиш божхона режимига жойлаштиришда ва илгари вақтинчалик олиб чиқиш божхона режимига жойлаштирилган товарларни қайтариб олиб киришда БЮДни тўлдириш

§-1. Товарларни вақтинчалик олиб чиқиш божхона режимига жойлаштиришда БЮДни тўлдириш

36. Товарларни вақтинчалик олиб чиқиш божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 17, 17а, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 40, 41, 42, 43, 44, 45, 46, 47, 49, 50, 54, «С».

37. БЮДнинг 1, 2, 3, 5, 7 (пост коди), 8, 11, 12, 13, 14, 17, 17а, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 38, 40, 41, 42, 43, 45, 46, 49, 54, «С» графалари мазкур Йўриқноманинг 22-бандига мувофиқ тўлдирилади.

38. БЮДнинг 9, 44, 47 ва 50-графаларининг тўлдирилиши қуйидаги ўзига хос хусусиятларга эга:

1) 9-графа. «Молиявий тартибга солиш учун жавобгар шахс».

Графада товарларни олиб ўтаётган шахс тўғрисидаги маълумотлар кўрсатилади. Графа мазкур Йўриқноманинг 22-бандида белгиланган тартибда тўлдирилади;

3) 44-графа. «Қўшимча маълумотлар/тақдим этилаётган ҳужжатлар».

Графа мазкур Йўриқноманинг 22-бандида белгиланган 44-графани тўлдириш тартибига мувофиқ, қуйидаги ўзига хос хусусиятларни инобатга олган ҳолда тўлдирилади:

303 тартиб рақами остида ижарага олинган товарлар вақтинчалик олиб чиқилганда БЮДда ижара шартномаси тўғрисидаги маълумотлар (рақами, тузилган санаси ва амал қилиш муддати) кўрсатилади;

4) 47-графа. «Божхона тўловларининг ҳисоби».

Божхона божлари ва солиқлар суммасини ҳисоблаб чиқишда «ТУ» (тўлов усули) графасининг бешинчи устунида «УН» (божхона тўловларининг шартли ҳисобланиши) ҳарфли коди қўйилади;

5) 50-графа. «Ишонч билдирган шахс».

Графа мазкур Йўриқноманинг 22-бандида белгиланган 50-графани тўлдириш тартибига мувофиқ, қуйидаги ўзига хос хусусиятларни инобатга олган ҳолда тўлдирилади:

графада қўшимча равишда вақтинчалик олиб чиқиш божхона режимига қўйилган товарлар қайтариб олиб кирилиши ёхуд бошқа божхона режимига ўтказилиши керак бўлган муддат қуйидаги шаклда кўрсатилади: «20____» «_____» «______________» гача товарларни қайтариб олиб кириш ёхуд бошқа божхона режимига ўтказиш мажбуриятини оламан».

§-2. Аввал вақтинчалик олиб чиқиш божхона режимига жойлаштирилган товарларни қайтариб олиб киришда БЮДни тўлдириш

39. Аввал вақтинчалик олиб чиқиш божхона режимига жойлаштирилган товарларни қайтариб олиб кириш реимпорт божхона режимига мувофиқ амалга оширилади. Бунда декларацияловчи шахс томонидан БЮД графалари мазкур Йўриқноманинг 7-бобида белгиланган тартибда тўлдирилади.

10-боб. Товарларни вақтинчалик сақлаш божхона режимига жойлаштиришда БЮДни тўлдириш

40. Товарларни вақтинчалик сақлаш божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 13, 14, 15, 15а, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 44, 46, 47, 49, 50, 54, «С».

41. БЮДнинг 1, 2, 3, 5, 7 (пост коди), 8, 13, 14, 15, 15а, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 47, 54 графалари мазкур Йўриқноманинг 25-бандига мувофиқ тўлдирилади.

42. БЮДнинг 44, 46, 49, 50 ва «С» графаларининг тўлдирилиши қуйидаги ўзига хос хусусиятларга эга:

1) 44-графа. «Қўшимча маълумотлар/тақдим этилаётган ҳужжатлар».

Графада, мазкур Йўриқноманинг 25-бандида белгиланган 44-графани тўлдириш тартибига мувофиқ, қуйидагилар кўрсатилади (маълумотларнинг ҳар бири янги сатрдан бошланади):

товарнинг кузатув ҳужжатларининг рақамлари (рўйхат рақамлари);

товарларни божхона омборига жойлаштираётган шахс билан омбор эгаси ўртасидаги битим рақами ва санаси;

божхона расмийлаштируви учун зарур бўлган бошқа ҳужжатлар ва маълумотлар (божхона тўғрисидаги қонунчилик ҳужжатлари бузилганлиги тўғрисидаги баённомалар ва қонунчилик ҳужжатларида назарда тутилган бошқа ҳужжатлар);

905 тартиб рақами остида товарларни вақтинчалик сақлаш божхона режимида сақланиши сабабларига оид қуйидаги кодлардан бири кўрсатилади:

«001» — агар товарнинг сақланиш сабаби тегишли сертификат олиш билан боғлиқ бўлса;

«002» — агар товарнинг сақланиш сабаби тегишли рухсатнома ва лицензия олиш билан боғлиқ бўлса;

«003» — агар товарнинг сақланиш сабаби божхона тўловлари бўйича имтиёз олиш билан боғлиқ бўлса;

«004» — агар товарнинг сақланиш сабаби тегишли шартнома билан боғлиқ бўлса;

«005» — агар товарнинг сақланиш сабаби молиявий маблағ йўқлиги билан боғлиқ бўлса;

«006» — агар товарнинг сақланиш сабаби кейинчалик товарни Ўзбекистон Республикаси ҳудудидан қайтариб олиб чиқиб кетилиши кутилаётганлиги билан боғлиқ бўлса;

«007» — агар товарнинг сақланиш сабаби товарни бошқа шахсга ўтказилиши кутилаётганлиги билан боғлиқ бўлса;

«008» — агар товарнинг сақланиш сабаби товарга нисбатан тақиқ қўйилганлиги билан боғлиқ бўлса;

2) 46-графа. «Статистик қиймат».

Графада товарнинг статистик қиймати кўрсатилади. Статистик қиймат сифатида 42-графада кўрсатилган ва минг АҚШ долларига келтирилган товарнинг фактура қиймати қабул қилинади.

Статистик қиймат математик қоидаларга кўра вергулдан сўнг уч белгигача аниқликда яхлитланади.

3) 49-графа. «Омбор номи».

Графада божхона омборини таъсис этиш учун берилган лицензия рақами ва санаси кўрсатилади;

4) 50-графа. «Ишонч билдирган шахс».

графада қўшимча равишда қуйидаги мазмундаги ёзув кўрсатилади: «Товарларни ХХ.ХХ.ХХХХ га қадар бошқа божхона режимига жойлаштириш учун божхона органларига мурожаат қилиш мажбуриятини оламан», бунда ХХ.ХХ.ХХХХ тегишлича кун, ой ва йилни англатади;

5) «С» графа.

Графада 2 рақами остида товарлар Ўзбекистон Республикаси ҳудудига олиб кирилган сана кўрсатилади. Олиб кирилган сана Ўзбекистон Республикаси чегарасидан ўтиш пунктидаги чегара божхона постида товарнинг кузатув ҳужжатларига қўйиладиган штамп санаси бўйича аниқланади.

11-боб. Товарларни божхона омбори режимига жойлаштиришда БЮДни тўлдириш

43. Товарларни божхона омбори божхона режимига жойлаштиришда декларацияловчи шахс томонидан БЮДнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 17, 17а, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 44, 45, 46, 47, 49, 50, 54 ва «С».

43. Товарларни божхона омбори божхона режимига жойлаштиришда декларацияловчи шахс томонидан BYDнинг қуйидаги графалари тўлдирилади: 1, 2, 3, 5, 7 (пост коди), 8, 9, 11, 12, 13, 14, 15, 15а, 17, 17а, 18, 19, 21, 22, 23, 24, 25, 26, 28, 29, 30, 31, 32, 33, 35, 37, 38, 40, 41, 42, 44, 45, 46, 47, 49, 50, 54 ва «С».

44. БЮДнинг 1, 2, 3, 5, 7 (пост коди), 8, 12, 13, 14, 15, 15а, 17, 17а, 18, 19, 21, 22, 23, 25, 26, 28, 29, 30, 31, 32, 33, 35, 37, 38, 40, 41, 42, 47, 54 графалари товарларни олиб чиқишда мазкур Йўриқноманинг 22-бандига, олиб киришда — 25-бандига мувофиқ тўлдирилади.

45. БЮДнинг 9, 11, 44, 45, 46, 49, 50 ва «С» графаларини тўлдирилиши қуйидаги ўзига хос хусусиятларга эга:

45. BYDнинг 9, 11, 24, 44, 45, 46, 49, 50 ва «С» графаларини тўлдирилиши қуйидаги ўзига хос хусусиятларга эга:

1) 9-графа. «Молиявий тартибга солиш учун жавобгар шахс».

Графада ташқи савдо контракти (шартномаси, келишуви)ни тузган ва ушбу контракт (шартнома, келишув) бўйича ҳисоб-китобларни амалга ошириш учун жавобгар бўлган юридик ёки жисмоний шахс тўғрисидаги маълумотлар кўрсатилади. Графа мазкур Йўриқноманинг 25-бандида белгиланган тартиб асосида тўлдирилади.

Товарлар Олиб кириш контракти асосида олиб кирилмаган ҳолларда графани тўлдириш талаб этилмайди;

Ушбу графа товарларни «эркин муомалага чиқариш (импорт)» божхона режимига расмийлаштирмасдан кейинчалик ташқи савдо контракти асосида хорижга сотиш назарда тутилган ҳолларда тўлдирилади;

1¹) 11-графа. «Савдо қилинаётган мамлакат».

Мамлакат ёки ҳудуд Юридик ва жисмоний шахслар томонидан валюта операциялари амалга оширилишининг асосланганлиги юзасидан мониторинг олиб бориш тартиби тўғрисидаги низомнинг (рўйхат рақами 2467, 2013 йил 12 июнь) 1-иловасида келтирилган Имтиёзли солиқ режими бериладиган ва (ёки) молиявий операциялар амалга оширилганда ошкор этиш ва ахборот бериш назарда тутилмайдиган давлат ва ҳудудлар (оффшор ҳудудлар) рўйхатга киритилган бўлса, графанинг ўнг бўлмасида «1» коди кўрсатилади. Агар мамлакат ёки ҳудуд мазкур хатбошида назарда тутилган Рўйхатга киритилган бўлмаса, графанинг ўнг бўлмасида «2» коди кўрсатилади.

Товарлар Олиб кириш контракти асосида олиб кирилмаган ҳолларда графани тўлдириш талаб этилмайди;

1²) 44-графа. «Қўшимча маълумотлар/тақдим этилаётган ҳужжатлар».

Графа товарларни олиб чиқишда мазкур Йўриқноманинг 22-бандида, олиб киришда — 25-бандида белгиланган тартибда тўлдирилади.

Графада қуйидагилар кўрсатилади (маълумотларнинг ҳар бири янги сатрдан бошланади):

товарнинг кузатув ҳужжатларининг рақамлари (рўйхат рақамлари);

товарларни божхона омборига жойлаштираётган шахс билан божхона омбори эгаси ўртасидаги битим рақами ва санаси;

божхона расмийлаштируви учун зарур бўлган бошқа ҳужжатлар ва маълумотлар (божхона тўғрисидаги қонун ҳужжатлари бузилганлиги тўғрисидаги баённомалар, товарларни божхона омбори мақомига эга бўлмаган бинолар ва (ёки) очиқ майдонларга жойлаштирилганда ваколатли шахснинг аризаси ва божхона тўловлари тўланиши таъминланишини тасдиқловчи ҳужжат номи, рақами, санаси, суммаси ва қонунчилик ҳужжатларида назарда тутилган бошқа ҳужжатлар);

905 тартиб рақами остида товарни божхона омбори божхона режими остида сақланиши сабабларига оид қуйидаги кодлардан бири кўрсатилади:

«001» — агар товарнинг сақланиш сабаби тегишли сертификат олиш билан боғлиқ бўлса;

«002» — агар товарнинг сақланиш сабаби тегишли рухсатнома ва лицензия олиш билан боғлиқ бўлса;

«003» — агар товарнинг сақланиш сабаби божхона тўловлари бўйича имтиёз олиш билан боғлиқ бўлса;

«004» — агар товарнинг сақланиш сабаби тегишли шартнома билан боғлиқ бўлса;

«005» — агар товарнинг сақланиш сабаби молиявий маблағ йўқлиги билан боғлиқ бўлса;

«007» — агар товарнинг сақланиш сабаби товарни бошқа шахсга ўтказилиши кутилаётганлиги билан боғлиқ бўлса;

«008» — агар товарнинг сақланиш сабаби товарга нисбатан тақиқ қўйилганлиги билан боғлиқ бўлса;

1²) 24-графа. «Битим хусусияти».

Ҳисоб-китоб валютаси деганда BYDни 9-графасида кўрсатилган шахснинг ташқи савдо контракти (шартномаси, келишуви) бўйича ҳисоб-китоб амалга оширилган ёки амалга ошириладиган валюта, ташқи савдо контракти (шартномаси, келишуви) мавжуд бўлмаган ҳолатларда товарнинг кузатув ҳужжатларида кўрсатилган валюта тушунилади.

1³) 44-графа. «Қўшимча маълумотлар/тақдим этилаётган ҳужжатлар».