Ўзбекистон Республикаси Олий Мажлиси Сенатининг Кенгаши қарор қилади:

Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссиясининг 2013 йилга мўлжалланган иш режаси тасдиқлансин (илова қилинади).

Жиззах вилояти халқ депутатлари туман ва шаҳар Кенгашлари ҳамда улар доимий комиссияларининг 2012 йилдаги иши ташкил этилишини ўрганиш ва натижаларини Сенат Комиссияси мажлисида муҳокама қилиш (халқ депутатлари Жиззах вилоят Кенгаши билан биргаликда, 2010 йил 31 мартдаги маҳаллий Кенгашлар Ҳаракат дастурининг 1.1, 1.2, 2.1, 2.2 ва 5.2-бандларига мувофиқ).

Сенат Комиссиясининг 2012 йил 14 августдаги «Қорақалпоғистон Республикаси ҳамда вилоятлардаги намунавий халқ депутатлари туманлар Кенгашлари фаолиятини ўрганиш натижалари тўғрисида»ги 16–II-cонли қарорининг халқ депутатлари Қўнғирот, Каттақўрғон ва Деҳқонобод туман Кенгашлари ҳамда уларнинг доимий комиссиялари томонидан ижро этилишини ўрганиш ва муҳокама қилиш (2010 йил 31 мартдаги маҳаллий Кенгашлар Ҳаракат дастурининг 1.2, 2.2, 3.4 ва 5.2-бандларига мувофиқ).

«Обод турмуш йили» Давлат дастури ҳамда 2013 йилда иш ўринлари ташкил этиш ва аҳоли бандлигини таъминлаш дастурининг ижро этилиши масалаларини халқ депутатлари маҳаллий Кенгашлари сессияларида ва улар доимий комиссиялари мажлисларида муҳокама қилиш борасида Сенат Комиссиясига ёрдам берувчи жойлардаги ишчи гуруҳлар ёрдамида қилинган ишлар тўғрисида Сенат Комиссиясининг мажлисида жойлардаги ишчи гуруҳлар раҳбарларининг ахборотини тинглаш (2010 йил 31 мартдаги маҳаллий Кенгашлар Ҳаракат дастурининг 1.2, 1.4 ва 3.2-бандларига мувофиқ, 2013 йил Обод турмуш йили деб эълон қилинганлиги муносабати билан).

Халқ депутатлари маҳаллий Кенгашлари ва улар доимий комиссияларининг 2012 йилнинг иккинчи ярмидаги ва 2013 йилнинг ўтган давридаги фаолиятини ўрганиш. Ўрганиш якунларини Сенат Комиссияси мажлисида муҳокама қилиш (2010 йил 31 мартдаги маҳаллий Кенгашлар Ҳаракат дастурининг 1.2, 3.2 ва 5.1-бандларига мувофиқ).

«Минтақаларни ижтимоий-иқтисодий ривожлантиришда халқ депутатлари маҳаллий Кенгашлари депутатларининг масъулиятини ва улар иштирокининг самарадорлигини ошириш – давр талаби» мавзуида семинар (Бухоро вилоятида, 2010 йил 31 мартдаги маҳаллий Кенгашлар Ҳаракат дастурининг 1.3 ва 3.2-бандларига мувофиқ, 2013 йил Обод турмуш йили деб эълон қилинганлиги муносабати билан).

«Халқ депутатлари маҳаллий Кенгашлари депутатларининг ишини оммавий ахборот воситаларида ёритиш бўйича халқ депутатлари маҳаллий Кенгашлари ва улар доимий комиссияларининг оммавий ахборот воситалари билан ўзаро ҳамкорлиги масалалари» мавзуида семинар (Самарқанд вилоятида, 2010 йил 31 мартдаги маҳаллий Кенгашлар Ҳаракат дастурининг 1.3, 1.4 ва 3.2-бандларига мувофиқ).

«Маҳаллий давлат ҳокимияти вакиллик органлари фаолиятининг ҳуқуқий асосларини такомиллаштириш масалалари: амалиёт ва истиқболлар» мавзуида давра суҳбати (2010 йил 31 мартдаги маҳаллий Кенгашлар Ҳаракат дастурининг 1.3, 3.1 ва 3.2-бандларига мувофиқ).

«Маҳаллий ижро этувчи ҳокимият органлари устидан назоратни амалга оширишда Ўзбекистон Республикаси Олий Мажлиси Сенатининг халқ депутатлари маҳаллий Кенгашлари ва улар доимий комиссиялари билан ўзаро ҳамкорлик механизмини янада такомиллаштириш масалалари» мавзуида конференция (2010 йил 31 мартдаги маҳаллий Кенгашлар Ҳаракат дастурининг 1.2, 1.3 ва 3.1-бандларига мувофиқ).

2010 йил 31 мартдаги маҳаллий Кенгашлар Ҳаракат дастури – Маҳаллий ҳокимият вакиллик органлари фаолиятини кучайтиришга доир 2010 – 2014 йилларга мўлжалланган Ҳаракат дастури (Ўзбекистон Республикаси Олий Мажлиси Сенати Кенгашининг 2010 йил 31 мартдаги 30-II-сонли қарори билан тасдиқланган).