Ўзбекистон Республикаси Ҳукумати ва Қозоғистон Республикаси Ҳукумати,

Даромаддан ва мулкдан олинадиган солиқларнинг иккиёқлама қўлланилишининг олдини олиш тўғрисида Битим тузиш истагини билдириб ва кейинчалик икки томонлама иқтисодий муносабатларни ривожлантиришга кўмаклашиш мақсадида,

қуйидагиларни аҳдлашиб олдилар:

Мазкур Битим Аҳдлашувчи Давлатларнинг бири ёки ҳар иккисининг резиденти бўлган шахсларга нисбатан қўлланилади.

1. Мазкур Битим ҳар қайси Аҳдлашувчи Давлат номидан унинг маъмурий бўлинмалари ёки маҳаллий ҳокимиятлари томонидан ундириладиган даромад ва мулк солиқларига нисбатан, уларни ундириш услубидан қатъи назар, татбиқ этилади.

2. Даромад ва мулк солиқларига умумий даромаддан ёки даромаднинг бир қисмидан олинадиган барча солиқлар, шу жумладан кўчар ва кўчмас мулкни сотишдан олинган даромадларга солинадиган солиқлар, иш ҳақи ёки мукофотларнинг умумий суммасидан олинадиган солиқлар, шунингдек мулк қийматининг ўсишидан олинадиган солиқлар киради.

3. Ушбу Битим қуйидаги солиқларга нисбатан қўлланилади:

Ўзбекистон Республикасида:

(I) юридик шахслардан олинадиган фойда солиғи;

(II) жисмоний шахслардан олинадиган даромад солиғи;

(III) мол-мулк солиғи; (кейинги ўринларда «Ўзбекистон солиқлари» деб юритилади);

Қозоғистон Республикасида:

(I) корпоратив даромад солиғи;

(II) якка тартибдаги даромад солиғи;

(III) юридик ва жисмоний шахслардан олинадиган мол-мулк солиғи; (кейинги ўринларда «Қозоғистон солиқлари» деб юритилади).

4. Ушбу Битим мазкур Битим имзоланган санадан сўнг Аҳдлашувчи Давлатларнинг ҳар бири томонидан олинадиган солиқларга қўшимча ёки мазкур модданинг 3-бандида кўрсатиб ўтилган солиқлар ўрнига киритилган ҳар қандай муносиб, ёки аслида ўхшаш солиқларга нисбатан ҳам қўлланилади. Аҳдлашувчи Давлатларнинг ваколатли ташкилотлари ўз солиқ қонунларида бўлган барча туб ўзгартишлар ҳақида бир бирларига хабар берадилар.

1. Ушбу Битимнинг мақсадлари учун, агар матннинг мазмунидан ўзга маъно чиқмаса:

а) «Ўзбекистон» ибораси Ўзбекистон Республикасини билдиради ва жуғрофий маънода қўлланилганда Ўзбекистон Республикаси мустақил ҳуқуқ ва юрисдикцияларни, шу жумладан халқаро ҳуқуқ меъёрларига ҳамда Ўзбекистон Республикасининг амалдаги қонунларига мувофиқ ер ости бойликлари ва табиий ресурслардан фойдаланиш бўйича ҳуқуқларни амалга ошириш мумкин бўлган ҳудудни, ички сув ҳавзаларини, улар тепасидаги ҳаво кенглигини англатади;

«Қозоғистон» Қозоғистон Республикасини англатади ва жуғрофий маънода ишлатилганда «Қозоғистон» атамаси Қозоғистон ўз қонунларига ва халқаро ҳуқуққа мувофиқ ўзининг суверен ҳуқуқлари ва юрисдикциясини амалга ошираётган Қозоғистон Республикаси давлат ҳудуди ва зоналарини англатади:

b) «Аҳдлашувчи Давлат» ва ўзга Аҳдлашувчи Давлат иборалари матн мазмунидан келиб чиқиб, Ўзбекистон ёки Қозоғистонни англатади;

c) «Шахс» ибораси жисмоний шахсни, Аҳдлашувчи Давлат қонунларига мувофиқ тузилган ва солиқ солиш мақсадлари учун юридик шахс сифатида қараладиган ҳар қандай юридик шахс ва ҳар қандай бошқа шахслар бирлашмасини англатади;

d) «Компания» ибораси даромад (фойда) солиғи солинадиган ҳар қандай корпоратив бирлашмасини ёки солиққа тортиш мақсадлари учун корпоратив бирлашма сифатида қараладиган ҳар қандай ташкилотни, шу жумладан ҳиссадорлик жамияти, масъулияти чекланган жамият, ёки ҳар қандай бошқа юридик шахс ёки ташкилотни билдиради;

е) «Аҳдлашувчи Давлатнинг корхонаси» ва «ўзга Аҳдлашувчи Давлатнинг корхонаси» иборалари тегишинча Аҳдлашувчи Давлатнинг резиденти бўлган корхонани ва ўзга Аҳдлашувчи Давлатнинг резиденти бўлган корхонани англатади;

f) «халқаро ташиш» ибораси Аҳдлашувчи Давлатлардан бирининг корхонаси томонидан амалга ошириладиган денгиз, дарё ёки ҳаво кемалари, темир йўл ёки автомобиль транспорти воситаларида ҳар қандай ташишни англатади, бундай ташишнинг бошқа Аҳдлашувчи Давлат ҳудудида жойлашган пунктлар ўртасида амалга оширилиши ҳоллари бундан мустасно.

h) «миллий шахс» ибораси:

(I) Аҳдлашувчи Давлат фуқароси бўлган ҳар қандай жисмоний шахсни;

(II) Аҳдлашувчи Давлатнинг амалдаги қонунларига мувофиқ ўз мақомини олган ҳар қандай юридик шахс ва ассоциацияни англатади.

g) «ваколатли ташкилот» ибораси:

Ўзбекистон Республикасида — Ўзбекистон Республикаси Давлат солиқ қўмитасини;

Қозоғистон Республикасида — Қозоғистон Республикаси Молия вазирлиги ёки унинг вакилини англатади.

2. Ушбу Битимни Аҳдлашувчи Давлат қўллаши чоғида унда белгиланмаган ҳар қандай ибора, агар матн мазмуни ўзга маънони талаб қилмаса, қайси Аҳдлашувчи Давлатнинг солиғига нисбатан ушбу Битим қўлланилаётган бўлса, ўша Давлатнинг қонунларидаги маънони билдиради. Атаманинг мазкур Аҳдлашувчи Давлат солиқ қонунчилигига мувофиқ белгиланган ҳар қандай маъноси ушбу Аҳдлашувчи Давлатнинг бошқа қонунларидаги шу атама учун берилган маънодан устунлик қилади.

1. Ушбу Битимнинг мақсадлари учун «Аҳдлашувчи Давлатнинг резиденти» ибораси мазкур Давлатнинг қонунчилиги бўйича ўзининг турар жойи, доимий истиқомат жойи, расмий раҳбар органининг ташкил қилинган жойи, қаерда жойлашгани, ёки шунга ўхшаш мазмундаги бошқа ҳар қандай мезонларга кўра мазкур Давлатда солиқ тўловчи ҳисобланган шахсни билдиради. Бироқ мазкур ибора фақат ушбу Аҳдлашувчи Давлатдаги манбалардан ёки ушбу Давлатдаги мулкдан даромад олиши асосида солиққа тортиладиган шахсларни англатмайди.

Ибора, шунингдек, Аҳдлашувчи Давлат Ҳукуматини ёки унинг маъмурий бўлинмалари, маҳаллий ҳокимият органларини ҳам ўз ичига олади. У, шунингдек, ходимларга ҳар қандай пенсия ёки бошқа шаклдаги нафақалар тўлайдиган ташкилотни, шунингдек Аҳдлашувчи Давлат қонунларига мувофиқ ташкил этилган, ҳар қандай хайрия ташкилотини ҳам ўз ичига олади.

2. Агар 1-банд қоидаларига мувофиқ жисмоний шахс Аҳдлашувчи Давлатларнинг ҳар иккисининг резиденти бўлган ҳолларда унинг мақоми қуйидаги тарзда белгиланади:

а) бу шахс яшаш учун доимий уй-жойи имкониятига эга бўлган Аҳдлашувчи Давлатнинг резиденти ҳисобланади; агар у ҳар икки Аҳдлашувчи Давлатда яшаш учун доимий уй-жой имкониятига эга бўлса, шахсий ва иқтисодий алоқалари нисбатан қалин бўлган (ҳаётий манфаатлар маркази) Аҳдлашувчи Давлатнинг резиденти ҳисобланади:

b) агар ҳаётий манфаатлар маркази бўлган Давлатни аниқлаб бўлмаса ёки Аҳдлашувчи Давлатларнинг ҳеч бирида яшаш учун доимий уй-жой имкониятига эга бўлмаса, у одатда яшайдиган Давлатнинг резиденти ҳисобланади;

с) агар у одатда ҳар икки Аҳдлашувчи Давлатда яшаса ёки уларнинг ҳеч бирида яшамаса, у Аҳдлашувчи Давлатлардан қай бирининг фуқароси бўлса, шу Аҳдлашувчи Давлатнинг резиденти ҳисобланади;

d) агар шахс Аҳдлашувчи Давлатларнинг ҳар иккисининг резиденти деб қаралса ёки Аҳдлашувчи Давлатлар уни ўзларининг резиденти деб ҳисобламаса, Аҳдлашувчи Давлатларнинг ваколатли органлари бу масалани ўзаро келишув йўли билан ҳал қиладилар.

3. Агар мазкур модданинг 1-банди қоидаларига мувофиқ жисмоний шахсдан бошқа шахс ҳар иккала Аҳдлашувчи Давлатнинг резиденти ҳисобланса, у фақат ўзининг амалдаги бошқарув манзили жойлашган Аҳдлашувчи Давлатнинг резиденти ҳисобланади.

1. Мазкур Битим мақсадлари учун «доимий муассаса» ибораси Аҳдлашувчи Давлатнинг корхонаси иккинчи Аҳдлашувчи Давлатда у орқали тадбиркорлик фаолиятини амалга оширадиган доимий жойни билдиради.

2. «Доимий муассаса» ибораси, хусусан, қуйидагиларни ўз ичига олади:

a) бошқарув жойи;

b) бўлинма;

c) офис;

d) фабрика;

е) устахона;

f) шахта, руда кони, нефть ёки газ қудуқлари, карьер, мослама, қурилма (жумладан, бурғулаш ускунаси), денгиз кемаси ёки табиий ресурсларни қидириш ёхуд қазиб олишнинг ҳар қандай бошқа жойи ҳамда улар билан боғлиқ бўлган кузатув хизматлари;

g) товарлар реализация қилинадиган омбор ёки бошқа жой.

3. «Доимий муассаса» ибораси қуйидагиларни ҳам ўз ичига олади:

a) қурилиш майдончаси ёки қурилиш, монтаж ёки йиғиш объектлари ёки ушбу ишларнинг бажарилишини назорат қилиш билан боғлиқ хизматлар, агар фақат шундай майдонча ёки объект 12 ойдан зиёд вақт мобайнида мавжуд бўлса, ёки бундай хизматлар 12 ойдан зиёд вақт мобайнида кўрсатилса;

b) Аҳдлашувчи Давлат корхонаси томонидан корхона шу мақсад учун ёллаган хизматчилар ёки бошқа ходимлар орқали хизматлар кўрсатиш, жумладан консалтинг ёки бошқарув хизматларини амалга ошириш, фақат агар шу турдаги фаолият (битта ёки у билан боғлиқ лойиҳа учун) ўзга Аҳдлашувчи Давлат ҳудудида жами 12 ойдан ошадиган давр ёки даврлар мобайнида давом эттирилса.

4. Ушбу модданинг аввалги қоидаларига қарамай «доимий муассаса» ибораси қуйидагиларни ўз ичига олмайди:

a) иншоотлардан шу корхонага тегишли товарлар ёки маҳсулотларни фақат сақлаш, намойиш қилиш ёки етказиб бериш мақсадларида фойдаланиш;

b) шу корхонага тегишли товарлар ёки маҳсулотлар захирасини фақат сақлаш, намойиш қилиш ёки етказиб бериш мақсадларида ушлаб турилиши;

c) шу корхонага тегишли товарлар ёки маҳсулотлар захирасининг фақат бошқа корхона томонидан қайта ишлов берилиши мақсадларида ушлаб турилиши;

d) доимий фаолият жойининг фақат товарлар ёки маҳсулотлар сотиб олиш ёки мазкур корхона учун ахборот йиғиш мақсадлари учун ушлаб турилиши;

е) доимий фаолият жойининг фақат ушбу корхона учун бошқа ҳар қандай тайёргарлик ёки ёрдамчи тусдаги фаолиятни амалга ошириш мақсадлари йўлида ушлаб турилиши:

f) «а» дан «е» гача бўлган кичик бандларда эслатиб ўтилган фаолият турларининг ҳар қандай комбинацияларинигина амалга ошириш учун доимий фаолият жойининг ана шу комбинациялар натижасида юзага келган ушбу доимий жойнинг умумий фаолият тайёргарлик ёки ёрдамчи тусда бўлган шароитда ушлаб турилиши.

5. 1 ва 2-бандлардаги қоидаларга қарамай, агар бирон 6-бандда кўрсатилган мустақил агентдан ўзга шахс Аҳдлашувчи Давлатларнинг бирида ўзга Аҳдлашувчи Давлатдаги корхонанинг номидан иш юритса ва корхона номидан Битимлар тузиш ҳуқуқига эга бўлса ва ҳуқуқлардан одатда фойдаланса, бу корхона ушбу Аҳдлашувчи Давлатда доимий ваколатхонага унинг учун шахс томонидан кўрсатилган хизмат доирасида эга деб ҳисобланади, лекин ушбу шахснинг фаолияти Битимнинг 4-бандида кўрсатилган фаолият билан чекланиб қолса ва бу фаолият доимий фаолият жойи орқали амалга оширилган тақдирда ҳам бу доимий фаолият жойини ушбу банднинг қоидаларига асосан доимий муассасага айлантирмайди.

6. Корхона, агар у ўзга Аҳдлашувчи Давлатда брокер, комиссионер ёки ҳар қандай бошқа мустақил мақомли агент орқали тадбиркорлик фаолиятини амалга оширса, бу шахслар ўзининг одатдаги фаолияти чегарасида иш юритган тақдирда, ўзга Аҳдлашувчи Давлатда доимий муассасага эга деб қаралмайди. Аммо бундай агентнинг фаолияти шу корхона номидан тўлиқ ёки деярли тўлиқ равишда бажарилаётган бўлса, у мазкур бандга мувофиқ мустақил мақомга эга агент бўлиб ҳисобланмайди.

7. Аҳдлашувчи Давлатлардан бирининг резиденти бўлган компания ўзга Аҳдлашувчи Давлатнинг резиденти бўлган компания томонидан назорат қилиш ёки назоратни ўзга Давлат компанияси устидан юритиш ёки мазкур компания ўзга Давлатда тадбиркорлик фаолиятини амалга ошириш (доимий муассаса орқали ёки бошқа тарзда) факти ўз-ўзидан бу компанияларнинг бирини бошқаси учун доимий муассасага айлантириб қўймайди.

8. Ушбу модданинг аввалги қоидаларидан қатъи назар, бир Аҳдлашувчи Давлатнинг суғурта корхонаси, қайта суғурта қилишни истисно қилганда, башарти у ўзга Аҳдлашувчи Давлат ҳудудида жойлашган ҳолда мазкур модданинг 6-банди қоидалари қўлланиладиган мустақил мақомли агентдан бошқа шахс орқали у ерда суғурта бадалини йиғса ёки таваккалчиликларни суғурта қилса, ўзга Аҳдлашувчи Давлатда доимий муассасани ташкил қилади.

1. Аҳдлашувчи Давлатлардан бирининг резиденти томонидан ўзга Аҳдлашувчи Давлатда жойлашган кўчмас мулкдан олинган даромад (қишлоқ ва ўрмон хўжалигидан олинадиган даромад ҳам шу жумлага киради фақат шу ўзга Давлатдагина солиққа тортилиши мумкин.

2. «Кўчмас мулк» ибораси кўриб чиқилаётган мулк жойлашган Аҳдлашувчи Давлат қонунчилигида ифодаланган тушунча бўйича қабул қилинади. Ушбу ибора ҳар қандай ҳолда ерга эгаликка доир умумий ҳуқуқ қоидалари қўлланиладиган мол-мулкни, кўчмас мулкка тегишли бўлган ёрдамчи мулкни, қишлоқ ёки ўрмон хўжалигида фойдаланиладиган чорва моллари ва жиҳозларни, кўчмас мулкка тегишли бўлган атроф мулкни (узуфрукт) ва табиий манбаларни қазиб олиш учун бадал (компенсация) сифатида қараладиган ўзгарувчан ёки қатъий белгиланган тўловларга бўлган ҳуқуқ ёки қазиб олишга бериладиган ҳуқуқни ўз ичига олади. Денгиз, дарё ва ҳаво кемалари, темир йўл ва автомобиль транспорти воситалари кўчмас мулк сифатида қаралмайди.

3. 1-банд қоидалари кўчмас мулкдан тўғридан-тўғри фойдаланиш, ижарага бериш ёки бошқа ҳар қандай шаклда фойдаланиш натижасида олинган даромадга нисбатан қўлланилади.

4. 1 ва 3-бандлар қоидалари шунингдек, корхонанинг кўчмас мулкдан оладиган даромадига ва мустақил хусусий хизматларни амалга оширишда ишлатиладиган кўчмас мулкдан олинадиган даромадларга ҳам қўлланилади.

1. Аҳдлашувчи Давлат корхонаси томонидан иккинчи бир Аҳдлашувчи Давлатда олинган фойда ана шу иккинчи бир Аҳдлашувчи Давлатда солиққа тортилади, агар у фақат ўша ерда жойлашган доимий муассаса орқали ёки фақат қуйидагиларга тегишли бўлган соҳалардагина олинган бўлса:

a) ана шундай доимий муассасага;

b) доимий муассаса орқали сотилаётган товар ёки маҳсулотлар билан бир хил ёки бир-бирига ўхшаш товарлар ва маҳсулотларнинг ушбу ўзга Давлатдаги савдосига; ёки

c) ушбу ўзга Давлатларда амалга ошириладиган ўзининг характери бўйича шундай доимий муассаса орқали амалга ошириладиган тадбиркорлик фаолияти билан бир хил ёки бир-бирига ўхшаш бошқа тадбиркорлик фаолиятига.

2. 3-банд қоидаларини инобатга олган ҳолда, бирон Аҳдлашувчи Давлатнинг корхонаси ўзга Аҳдлашувчи Давлатда тадбиркорлик фаолиятини у ерда жойлашган доимий муассаса орқали амалга ошираётган бўлса, ҳар бир Аҳдлашувчи Давлатда бундай доимий муассасага у хизмат кўрсатаётган корхонадан алоҳида ва мустақил ҳаракат қилиб бундай шароитларда шундай ва шунга ўхшаш фаолият кўрсатганда ва доимий муассаса ҳисобланган корхонага мутлақо боғлиқ фаолият кўрсатганда олиши мумкин бўлган даромад тааллуқли бўлади.

3. Доимий муассаса даромади (фойдаси)ни аниқлашда мазкур доимий муассаса фаолияти мақсадлари учун сарфланган ҳужжат асосида тасдиқланган харажатлар чегириб ташланади, сарфланган бошқарув ва умумий маъмурий харажатлар ҳам — улар доимий муассаса жойлашган Давлатда ёки унинг ташқарисида сарфланганлигидан қатъи назар, шулар жумласига киради. Шунга ўхшаш тарзда, доимий муассаса фойдаси резидент бош муассасасидан (офис) ёки унинг исталган бошқа муассасаларидан (офислар) биридан патентлар ёки бошқа ҳуқуқлардан фойдаланганлик учун роялти, йиғимлар ёхуд бошқа шунга ўхшаш тўловлар шаклида, кўрсатилган муайян хизматлар ёки менежментлик учун комиссион тўловлар шаклида ёхуд бош муассасага (офис) ёки унинг исталган бошқа муассасаларидан (офислар) бирига берилган қарз миқдорига нисбатан фоизлар шаклида доимий муассаса томонидан олинган маблағларни ўз ичига олмайди.

Доимий муассасанинг унинг бош муассасаси (офиси) ёки йиғимлар ёки патентдан ёхуд бошқа ҳуқуқлардан фойдаланганлик учун шунга ўхшаш бошқа тўловлар тўлаш йўли билан, ёки кўрсатилган аниқ хизматлар учун комиссион тўловлар тўлаш йўли билан, ёки менежментлик учун, ёки доимий муассасага берилган қарз суммасига фоизлар тўлаш йўли билан резидентнинг бошқа ҳар қандай муассасалари (офислари)га тўланган суммаларни чегириб ташлашига йўл қўйилмайди.

4. Доимий муассаса томонидан ушбу корхона учун товарлар ёки маҳсулотлар харид қилиш асосидагина Аҳдлашувчи Давлатнинг доимий муассасасига ҳеч қандай фойда тааллуқли бўлмайди.

5. Аввалги бандлар мақсадлари учун доимий муассасага мансуб даромад (фойда), агар уни ўзгартириш учун салмоқли ва етарли сабаблар бўлмаса, ҳар йили бир хил услубда аниқланади.

6. Агар фойда мазкур Битимнинг бошқа моддаларида алоҳида айтиб ўтилган даромад турларини қамраб оладиган бўлса, мазкур моддалар қоидаларига ушбу модда қоидалари таъсир этмайди.

1. Аҳдлашувчи Давлатлардан бирининг резидентининг халқаро ташишларда денгиз, дарё ва ҳаво кемалари, темир йўл ёки автомобиль транспорти воситаларини фойдаланишдан олган даромади (фойдаси)га фақат шу Давлатда солиқ солинади.

2. Мазкур модда мақсадлари учун халқаро ташишларда денгиз, дарё кемалари, темир йўл ёки автомобиль транспорти воситаларидан фойдаланишдан олинадиган даромадларга транспорт воситаларидан тўғридан-тўғри фойдаланиш, ижарага топшириш ёки ҳар қандай бошқа усулларда фойдаланиш (жумладан, контейнерлардан, хусусан, трейлерлар ва контейнерларни ташишга ёрдамчи қурилмалардан), уларни сақлаш ёки уларни ижарага топширишдан олинадиган даромадлар киради.

3. 1 ва 2-бандлардаги қоидалар, шунингдек транспорт воситаларидан фойдаланиш бўйича халқаро ташкилотда ёки қўшма корхонада, пульда (умумий жамғармада) иштирок этишдан олинган фойдаларга ҳам қўлланилади.

1. Агар:

(а) Аҳдлашувчи Давлатнинг корхонаси ўзга Аҳдлашувчи Давлат корхонасини бошқаришда, назорат қилишда ёки унинг капиталида бевосита ёки билвосита қатнашса, ёки

b) ўша шахсларнинг ўзлари Аҳдлашувчи Давлатнинг корхонасини ва бошқа Аҳдлашувчи Давлат корхонасини бошқаришда, назорат қилишда ёки унинг капиталида бевосита ёки билвосита қатнашсалар ва икки корхона ўртасида уларнинг тижорат ва молиявий муносабатларида мутлақо мустақил бўлган корхоналар ўртасида бўладигандан фарқли шароитлар барпо этилса ёки белгиланса, уларнинг бирортасига ҳисобланиши мумкин бўлган, лекин юқоридаги шароитлар туфайли ҳисобланмаган ҳар қандай фойда Аҳдлашувчи Давлат томонидан ушбу корхона фойдасига қўшилиши ва тегишли равишда солиққа тортилиши мумкин.

2. Агар бир Аҳдлашувчи Давлат фойдани ушбу Аҳдлашувчи Давлатнинг корхонаси фойдасига қўшиб, тегишинча солиққа тортса ҳамда мазкур фойдага нисбатан ўзга Аҳдлашувчи Давлат корхонаси ҳам ушбу ўзга Аҳдлашувчи Давлатда солиққа тортилса, шу тарзда агар икки корхона ўртасидаги шартлар мустақил корхоналар ўртасидаги шартлардек бўлган тақдирда, қўшилган фойда биринчи эслатиб ўтилган Аҳдлашувчи Давлат корхонасига ҳисобланиши мумкин бўлган фойда бўлса, бундай ҳолларда ушбу ўзга Аҳдлашувчи Давлат мазкур фойдадан ҳисобланган солиқ миқдорига тегишли тузатиш киритиши лозим. Бундай тузатишни белгилашда ушбу Битимнинг бошқа қоидалари ҳисобга олинади ва зарур ҳолларда Аҳдлашувчи Давлатларнинг ваколатли органлари бир-бирлари билан ўзаро маслаҳатлашадилар.

1. Аҳдлашувчи Давлатлардан бирининг резиденти бўлган компания томонидан ўзга Аҳдлашувчи Давлат резидентига тўланган дивидендлар ана шу ўзга Давлатда солиққа тортилиши мумкин.

2. Бироқ бундай дивидендлар уларни тўлаётган компания қайси Аҳдлашувчи Давлатнинг резиденти бўлса, мазкур Давлатнинг қонунларига биноан ҳам солиққа тортилиши мумкин. Лекин дивидендларни олувчи даромадли дивидендларнинг аслида бунга ҳуқуқи бўлса, у ҳолда ундириладиган солиқ дивидендлар ялпи суммасининг 10 фоизидан ошмаслиги керак.

Бу банд дивидендлар тўланадиган фойдани солиққа тортишга тааллуқли эмас.

3. «Дивидендлар» ибораси мазкур моддада қўлланилганда, бошқа ҳуқуқ ёки акциялардан олинадиган даромад, қайсики қарз талаблари бўлмаган, фойдада иштирок этиш ҳуқуқини берувчи, ҳамда фойдани тақсимловчи компания резидент бўлган Давлатнинг қонунларига мувофиқ, акциялардан олинадиган даромад каби солиқларни тартибга солишга тааллуқли бўлган бошқа корпоратив ҳуқуқлардан олинадиган даромадни англатади.

4. Агар аслида дивидендлар олиш ҳуқуқига эга шахс Аҳдлашувчи Давлатнинг резиденти бўлгани ҳолда дивидендларни тўлаётган компания резиденти бўлган ўзга Аҳдлашувчи Давлатда ўз тадбиркорлик фаолиятини унда жойлашган доимий муассасаси орқали амалга оширса ёки ушбу ўзга Давлатда у ерда жойлашган доимий базадан мустақил хусусий хизматлар кўрсатса ва холдинг жумладан қайсики дивидендлар унга нисбатан тўланади аслида шу доимий муассаса ёки доимий база билан боғлиқ бўлса мазкур модданинг 1 ва 2-бандларидаги қоидалар қўлланилмайди. Бундай ҳолда шароитга қараб мазкур Битимнинг 7 ёки 14-модда қоидалари қўлланилади.

5. Агар Аҳдлашувчи Давлатнинг резиденти бўлган компания ўзга Аҳдлашувчи Давлатдан фойда олаётган бўлса, бу ўзга Аҳдлашувчи Давлат компания тўлаётган дивидендлардан солиқ олмаслиги мумкин ана шу ўзга Давлат резидентига тўланадиган бундай дивидендлар ёки холдинг дивидендлар унга нисбатан тўланади шу ўзга Аҳдлашувчи Давлатда жойлашган доимий муассаса ёки доимий база билан ҳақиқатда боғлиқ бўлган ҳоллар бундан мустасно.

6. Башарти дивиденд тўланадиган акциялар ёки бошқа ҳуқуқларни яратиш ёки тақсимлаш билан боғлиқ бўлган ҳар қандай шахснинг асосий мақсади ёки асосий мақсадларидан бири мазкур моддага мувофиқ бундай яратиш ва тақсимлаш орқали фойда олиш бўлса, мазкур модданинг қоидалари қўлланилмайди.

1. Аҳдлашувчи Давлатларнинг бирида ҳосил бўлган ва ўзга Аҳдлашувчи Давлатнинг резидентига тўланадиган фоизлар ана шу ўзга Давлатда ҳам солиққа тортилиши мумкин.

2. Аммо бундай фоизлар ҳосил бўлган мазкур Аҳдлашувчи Давлатда шу Давлатнинг қонунларига биноан ҳам солиққа тортилиши мумкин. Лекин дивидендларни олувчи аслида фоизлар эгаси бўлса, у ҳолда бундай олинадиган солиқ фоизлар умумий суммасининг 10 фоизидан ошмаслиги керак.

3. 2-банд қоидаларидан қатъи назар, Аҳдлашувчи Давлатда ҳосил бўладиган фоизлар шу Аҳдлашувчи Давлатда солиққа тортилмайди, қачонки:

a) аслида фоизларни олувчи бошқа Аҳдлашувчи Давлатнинг Ҳукумати ёки маҳаллий ҳокимият органлари ёки ушбу Ҳукуматни ёки маҳаллий ҳокимият органларининг ҳар қандай бошқа органи бўлса;

b) ҳақиқатда фоизларни олувчи Ўзбекистон Республикасининг Марказий банки ёки Қозоғистон Республикасининг Миллий банки, давлат экспорт ва импорт кредитларини кафолатловчи ташкилот ёки ўзга Аҳдлашувчи Давлатнинг Ҳукуматига тўлиқ тегишли бўлган бошқа молиявий ташкилотлар бўлса.

4. «Фоизлар» ибораси мазкур Битимда қўлланилганда қарздор фойдасида қатнашишга ҳуқуқ берадиган ёки бермайдиган, база билан таъминланган ёки таъминланмаган ҳар қандай турдаги қарз талабларидан олинадиган даромадни ва хусусан, ҳукумат қимматли қоғозлари ва қарз мажбуриятларидан олинадиган даромадни, шу жумладан ушбу қимматли қоғозлар ва қарз мажбуриятлари бўйича мукофотлар ва ютуқларни билдиради.

5. Агар аслида фоизлар эгаси Аҳдлашувчи Давлатлардан бирининг резиденти бўла туриб, доимий ваколатхонаси орқали фоизлар ҳосил бўлаётган ўзга Аҳдлашувчи Давлатда тижорат фаолиятини олиб бораётган бўлса, ёки мазкур ўзга Давлатда жойлашган доимий базасидан мустақил шахсий хизматлар кўрсатаётган бўлса ва фоизлар тўланаётган қарз талабномалари шундай доимий ваколатхонага ёки доимий базага ҳақиқатан мансуб бўлса, 1 ва 2-банд қоидалари қўлланилмайди. Бу ҳолда шароитга қараб мазкур Битимнинг 7-моддаси ёки 14-моддаси қоидалари қўлланилади.

6. Башарти фоизларни тўловчи Аҳдлашувчи Давлатнинг резиденти бўлса, фоизлар мазкур Аҳдлашувчи Давлатда вужудга келган деб ҳисобланади. Лекин фоизларни тўловчи шахс Аҳдлашувчи Давлатнинг резиденти бўлиши ёки бўлмаслигидан қатъи назар, у Аҳдлашувчи Давлатда фоизлар бўйича тўлов мажбурияти вужудга келиши билан боғлиқ бўлган доимий муассаса ёки доимий базага эга бўлса ҳамда ушбу фоизлар бўйича харажатлар доимий муассаса ёки доимий база зиммасида бўлса, бу ҳолда фоизлар доимий муассаса ёки доимий база жойлашган Аҳдлашувчи Давлатда вужудга келган деб ҳисобланади.

7. Агар тўловчи ва амалда фоизлар ҳуқуқига эга бўлган шахс ўртасида ёки улар иккаласи ва қандайдир ўзга шахс ўртасидаги алоҳида муносабатлар оқибатида қарз талабномасига нисбатан тўланаётган фоизлар миқдори тўловчи ва амалда фоизлар ҳуқуқига эга шахс ўртасида келишилган миқдордан ошиқ бўлса, бундай муносабатлар йўқ бўлган тақдирда мазкур модда қоидалари фақат охирги эслатилган миқдорга нисбатан қўлланилади. Бундай ҳолда тўловнинг ортиқча қисмидан мазкур Битимнинг бошқа қоидалари инобатга олинган ҳолда, ҳар бир Аҳдлашувчи Давлат қонунчилигига мувофиқ аввалгидек солиқ олинади.

8. Агар қарз талабномаларини яратиш ёки уларни фоиз тўланадиган қарз талабномаларини ўтказиш билан боғлиқ ҳар қандай шахснинг асосий мақсади ёки асосий мақсадларидан бири ҳуқуқ яратиш ёки уни ўтказиш йўли билан манфаат олиш бўлса, у ҳолда мазкур модда қоидалари қўлланилмайди.

1. Аҳдлашувчи Давлатлардан бирида ҳосил бўладиган ва ўзга Аҳдлашувчи Давлатнинг резидентига тўланадиган роялтилар ушбу ўзга Аҳдлашаётган Давлатда солиққа тортилиши мумкин.

2. Бироқ, бундай роялтилар улар ҳосил бўлган Аҳдлашувчи Давлатда ва шу Давлат қонунларига мувофиқ солиққа тортилиши ҳам мумкин. Аммо бу роялтиларни олувчи ва уларнинг ҳақиқий эгаси бошқа Аҳдлашувчи Давлат резиденти бўлсалар, у ҳолда солиқ роялтилар ялпи миқдорининг 10 фоизидан ошиб кетмаслиги лозим. Аҳдлашувчи Давлатларнинг ваколатли органлари ўзаро келишувга биноан бундай чеклашларни қўлланиш усулини таъсис қиладилар.

3. «Роялти» ибораси мазкур модда қўлланилганда ҳар қандай адабиёт, санъат ва фан асарларини, хусусан, кинофильмлар ҳамда радиоэшиттириш ва телевидение ёзувлари ва видеокассеталар, ҳар қандай патентлар, товар белгилари, чизма ёки модель, режа компьютер дастурлари, махфий формула ёки жараёнлар муаллифлик ҳуқуқидан фойдаланганлик ёки шу ҳуқуқни берганлик учун, ёки ишлаб чиқариш, тижорат ёки илмий асбоб-ускуналардан фойдаланиш ҳуқуқидан фойдаланганлик ёки шу ҳуқуқини берганлик учун ёки ишлаб чиқариш, тижорат ёхуд илмий тажрибага мансуб ахборот («ноу-хау») учун мукофот тарзида олинган ҳар қандай кўринишдаги тўловларни билдиради.

4. Аҳдлашувчи Давлатлардан бирининг резиденти бўлиб, роялтига нисбатан амалда ҳуқуққа эга бўлган шахсга нисбатан 1 ва 2-банд қоидалари қўлланилмайди (қачонки шахс роялти ҳосил бўлаётган ўзга Аҳдлашувчи Давлатда жойлашган доимий ваколатхона орқали тадбиркорлик фаолиятини юритаётган бўлса, ёки мазкур ўзга Давлатда мустақил хизматларни амалга оширса, яъни у ерда жойлашган доимий база орқали ёки роялти тўланаётган мулк амалда шундай доимий ваколатхона ёки доимий базага боғлиқ бўлса.) Бунда вазиятга қараб ушбу Битимнинг 7 ёки 14-моддалари қўлланилади.

5. Башарти роялти тўловчи Аҳдлашувчи Давлатнинг резиденти бўлса, роялти мазкур Аҳдлашувчи Давлатда ҳосил бўлган деб ҳисобланади. Лекин роялти тўловчи шахс Аҳдлашувчи Давлатнинг резиденти бўлиши ёки бўлмаслигидан қатъи назар, у Аҳдлашувчи Давлатда роялти бўйича тўлов вужудга келиши билан боғлиқ бўлган доимий муассаса ёки доимий базага эга бўлса ҳамда ушбу роялти бўйича харажатлар доимий муассаса ёки доимий база зиммасида бўлса, бу ҳолда роялти доимий муассаса ёки доимий база жойлашган Аҳдлашувчи Давлатда вужудга келган деб ҳисобланади.

6. Агар тўловчи ва амалда роялти ҳуқуқига эга шахс ўртасидаги, ёки уларнинг иккови ёхуд бирор учинчи шахс ўртасидаги алоҳида муносабатлар оқибатида роялтининг тўланган миқдори тўловчи ва амалдаги шу даромадлар ҳуқуқига эга шахс ўртасида келишилган миқдордан ошиқ бўлса, бундай муносабатлар йўқ бўлган тақдирда, мазкур модда қоидалари фақат охирги эслатилган миқдорга нисбатан қўлланилади. Бундай ҳолда тўловнинг ортиқча қисмига мазкур Битимнинг бошқа қоидалари инобатга олинган ҳолда, ҳар бир Аҳдлашувчи Давлат қонунчилигига мувофиқ аввалгидек солиқ солинади. Бунда албатта ушбу Битимнинг бошқа қоидалари ҳам ҳисобга олинади.

7. Агар роялти тўланадиган ҳуқуқларни яратиш ёки ўзгага ўтказиш билан боғлиқ бўлган ҳар қандай шахснинг асосий мақсади ёки асосий мақсадларидан бири мазкур моддадан ҳуқуқларни яратиш ёки ўзгага ўтказиш орқали наф орттириш бўлса у ҳолда мазкур модда қоидалари қўлланилмайди.

1. Аҳдлашувчи Давлатлардан бирининг резиденти бошқа Аҳдлашувчи Давлатда бўлган 6-моддада эслатиб ўтилган кўчмас мулкни сотишдан олинадиган даромадлар ўша бошқа Аҳдлашувчи Давлатда солиққа тортилиши мумкин.

2. Аҳдлашувчи Давлатлардан бири бошқа Аҳдлашувчи Давлатда эга бўлган доимий муассаса корхонасининг тадбиркорлик мулкининг бир қисмини ташкил қиладиган ҳаракатдаги мулкини сотишдан ёки битта Аҳдлашаётган Давлат резидентининг бошқа Аҳдлашувчи Давлатга қарашли доимий базасига қарашли ҳаракатдаги мулкини сотишдан оладиган даромадлари (мустақил шахсий хизматлар кўрсатишни амалга ошириш мақсадида), жумладан, бундай доимий муассасани сотишдан олинадиган даромадлар (алоҳида ёки корхона билан бирга сотишдан) ана шу бошқа Аҳдлашувчи Давлатда солиққа тортилиши мумкин.

3. Битта Аҳдлашувчи Давлат резидентининг денгиз.дарё ёки ҳаво кемаларини, темир йўл, автомобиль транспорти воситаларини (Аҳдлашувчи Давлат корхонаси халқаро юк ташишларда фойдаланадиган транспорт воситаларини) ёки шу транспорт воситаларини ишлатиш билан боғлиқ ҳаракатдаги мулкни сотишдан оладиган даромадлари фақат ана шу Аҳдлашувчи Давлатдагина солиққа тортилади.

4. Аҳдлашувчи Давлатлардан бирининг резиденти томонидан ўз қийматининг 50 фоиздан кўпроғини бевосита ёки билвосита ўзга Аҳдлашувчи Давлатда жойлашган кўчмас мулкдан олувчи компания капиталидаги акциялари, иштироки улуши ёки бошқа ҳуқуқларини бегоналаштиришдан олинган даромадлари ушбу бошқа Аҳдлашувчи Давлатда солиққа тортилиши мумкин.

5. Мазкур модданинг аввалги бандларида назарда тутилганидан бошқа ҳар қандай мол-мулкни бегоналаштиришдан тушган даромадлар фақат ушбу мол-мулкни бегоналаштирувчи шахс резидент ҳисобланган Аҳдлашувчи Давлатда солиққа тортилади.

1. Аҳдлашувчи Давлатлардан бирининг резиденти касб хизматларини кўрсатиш ёки бошқа мустақил фаолиятлардан олган даромади фақат мана шу Давлатдагина солиққа тортилади.

Лекин агар:

а) жисмоний шахс ўз фаолиятини амалга ошириш мақсадида ўзга Аҳдлашувчи Давлатда ўз ихтиёрида доимий базага эга бўлса ёки аввал эгалик қилган бўлса, бу ҳолда фойданинг фақат ушбу доимий базага тааллуқли бўлган қисми; ёки

b) жисмоний шахс ҳар қандай 12 ойлик давр ичида умумий миқдорда 183 кундан ортиқ давр ёки даврлар мобайнида ўзга Аҳдлашувчи Давлатда бўлиб турган бўлса, бу ҳолда фойданинг фақат ушбу ўзга Аҳдлашувчи Давлатда кўрсатилган хизматларга тааллуқли бўлган қисми ўзга Аҳдлашувчи Давлатда солиққа тортилиши мумкин.

2. «Мустақил шахсий хизматлар» ибораси жумладан, мустақил илмий, адабий, артистлик, маърифий ёки ўқитувчилик фаолиятларини, шунингдек, врачлар, юристлар, муҳандислар, меъморлар, стоматологлар ва бухгалтерларнинг мустақил шахсий фаолиятларини ўз ичига қамраб олади.

1. Мазкур Битимнинг 16, 18 ва 19-моддалари қоидаларини ҳисобга олиб, бир Аҳдлашувчи Давлатнинг резиденти ёлланма иши учун оладиган иш ҳақи ва шу каби тақдирланишлар агар фақат ана шундай иш бошқа Аҳдлашувчи Давлатда амалга оширилмаса, фақат шу Давлатдагина солиққа тортилади. Агар ёлланаётган иш шу тариқа амалга оширилса, бундай муносабатда олинадиган тақдирланиш ана шу бошқа Давлатда солиққа тортилади.

2. Аҳдлашувчи Давлатлардан бирининг резиденти Аҳдлашувчи Давлатлардан бошқасида амалга оширадиган ёллаш бўйича иш муносабатида оладиган тақдирлаш пулларига фақат эслатилган биринчи Давлатда солиқ солинади, 1-банд қоидаларига қарамасдан қачонки:

a) тақдирлаш пули олувчи бошқа Аҳдлашувчи Давлат исталган 12 ойлик даврда умумий мажмуига кўра 183 кунлик даврдан ошмайдиган ёки даврлар мобайнида бўлса;

b) тақдирлаш пули бошқа Аҳдлашувчи Давлат резиденти бўлмаган ёлловчи ёки ёлловчи номидан тўланадиган бўлса;

c) тақдирлаш пули харажатларини ёлловчи бошқа Аҳдлашувчи Давлатда эга бўлган доимий муассаса ёки доимий база тўламайди.

3. Мазкур модданинг 1 ва 2-бандлари қоидаларига қарамай Аҳдлашувчи Давлатлардан бирининг резиденти халқаро юк ташишларда фойдаланадиган денгиз, дарё ёки ҳаво кемалари, темир йўл ёки автомобиль транспорти воситаларида ёлланма иш бўйича оладиган иш ҳақи ва бошқа шу каби тақдирлашлар корхонаси шу транспорт воситаларини ишлатадиган Давлатда солиққа тортилиши мумкин.

Битта Аҳдлашувчи Давлатнинг резиденти директорлар кенгаши ёки шу каби компания органи, ёхуд бошқа Аҳдлашувчи Давлат резиденти ҳисобланадиган ҳар қандай шахснинг аъзоси сифатида оладиган қалам ҳақи ва бошқа шу каби тўловлар ана шу бошқа Аҳдлашувчи Давлатда солиққа тортилиши мумкин.

1. Мазкур Битимнинг 14 ва 15-моддалари қоидаларига қарамай, Аҳдлашувчи Давлатлардан бирининг резиденти театр, кино, радио, ёки телевидение артисти, ёхуд мусиқачи каби санъат ходими, ёки спортчи сифатида иккинчи Аҳдлашувчи Давлатдаги шахсий фаолияти туфайли оладиган даромади шу иккинчи Аҳдлашувчи Давлатда солиққа тортилиши мумкин.

2. Санъат ходими ёки спортчи амалга оширган шахсий фаолиятига санъат ходими ёки спортчининг оладиган даромади ўзига эмас, бошқа шахсга ёзилса, мазкур Битимнинг 7, 14 ва 15-моддалари қоидаларига қарамай, ушбу даромадга санъат ходими ёки спортчи фаолият кўрсатган ўша Аҳдлашувчи Давлатда солиқ солиниши мумкин.

3. Аҳдлашувчи Давлатда санъат ходимлари ёки спортчилар томонидан амалга ошириладиган фаолиятдан олинадиган даромадларга 1 ва 2-банд қоидалари қўлланилмайди қачонки бу фаолиятни бошқа Аҳдлашувчи Давлат, унинг субъектлари ёки маҳаллий ҳокимият органлари маблағ билан таъминласалар. Бу ҳолда бундай даромад ушбу санъат ходими ёки спортчи қайси Аҳдлашувчи Давлат резиденти бўлса, фақат ўша Аҳдлашувчи Давлатдагина солиққа тортилади.

1. Аҳдлашувчи Давлат резидентига тўланадиган пенсиялар (жумладан, давлат пенсиялари ва ижтимоий таъминот томонидан тўланадиган тўловлар) ва аннуитетлар фақат ана шу Аҳдлашувчи Давлатдагина солиққа тортилади.

2. «Аннуитет» ибораси бундай тўловларни пул ёки пул ифодасида адекват ва тўлиқ тақдирлаш мажбуриятлари мавжуд бўлганда жисмоний шахсга вақти-вақтида белгиланган муддатларда умрбод ёки маълум бир фарқли даврда тўлашга мўлжалланган аниқ қайд этилган суммани англатади( кўрсатиладиган хизматлардан бошқача).

3. Аҳдлашувчи Давлат резиденти фойдасига тўланадиган алиментлар ва бошқа шу каби тўловлар фақат ана шу Аҳдлашувчи Давлатда солиққа тортилиши мумкин.

1. Аҳдлашувчи Давлатлардан бири ёки унинг маъмурий бўлинмалари ёки унинг маҳаллий ҳокимиятлари томонидан жисмоний шахсга мана шу Аҳдлашувчи Давлатга ёки унинг маъмурий бўлинмалари ёки маҳаллий ҳокимиятларига кўрсатган хизмати учун тўланадиган тақдирлаш пулига, пенсия бундан мустасно, фақат мана шу Давлатдагина солиқ солиниши мумкин.

2. Бундай тақдирлаш пулларига агарда хизматлар мана шу бошқа Аҳдлашувчи Давлатда амалга оширилса ва пулни олувчи шу бошқа Аҳдлашувчи Давлатнинг резиденти; яъни:

(I) шу Давлатнинг миллий шахси ҳисобланса, ёки

(II) фақат ушбу хизматни кўрсатиш мақсадида шу Давлатнинг резиденти бўлмаган бўлса, фақат бошқа Аҳдлашувчи Давлатдагина солиқ солинади.

1. Бир Аҳдлашувчи Давлатга келгунга қадар бошқа Аҳдлашувчи Давлатнинг резиденти бўлган ёки резиденти ҳисобланадиган ва биринчи эслатилган Давлатда фақат таълим олиш ёки тажрибадан ўтиш мақсадида бўлиб турган талаба, аспирант ёки практикантнинг шу ерда яшаши, таълим олиши ёки тажрибадан ўтиши мақсадларида оладиган тўловларига агар бундай тўловларнинг манбаи ушбу Давлат ҳудудидан четда жойлашган бўлса, биринчи эслатилган Давлатда солиқ солинмайди.

2. Худди шунингдек, бир Аҳдлашувчи Давлатга келгунига қадар бошқа Аҳдлашувчи Давлатнинг резиденти бўлган ёки резиденти ҳисобланадиган ва биринчи эслатилган Давлатда асосан ўқитиш ёки тадқиқотлар ўтказиш мақсадида бўлиб турган ўқитувчи ёки илмий ходимнинг оладиган мукофот пули ушбу Давлатда икки йил мобайнида солиққа тортишдан озод қилинади.

1. Бир Аҳдлашувчи Давлат резиденти даромадларининг мазкур Битимнинг бошқа моддаларида айтиб ўтилмаган турлари, улар қаерда вужудга келишидан қатъи назар, фақатгина ушбу Аҳдлашувчи Давлатда солиққа тортилади.

2. Башарти даромадларни олувчи бир Аҳдлашувчи Давлатнинг резиденти бўла туриб, ўзга Аҳдлашувчи Давлатда жойлашган доимий муассаса орқали фаолият юритаётган ёки ушбу ўзга Аҳдлашувчи Давлатда жойлашган доимий база орқали мустақил шахсий хизматлар кўрсатаётган бўлса ҳамда даромад манбаи бўлган ҳуқуқ ёки мулк ҳақиқатдан ҳам ушбу доимий муассаса ёки доимий база билан боғлиқ бўлса, мазкур модданинг 1-банди қоидалари мазкур даромадларга нисбатан татбиқ қилинмайди, 6-модданинг 2-бандида кўрсатилган кўчмас мулкдан олинаётган даромадлар бундан мустасно. Ушбу ҳолатда вазиятдан келиб чиқиб, мазкур Битимнинг 7- ёки 14-моддаси қоидалари қўлланилади.

1. Аҳдлашувчи Давлатлардан бирининг резидентига тегишли бўлган ва бошқа Аҳдлашувчи Давлатда жойлашган кўчмас мулкка ушбу бошқа Давлатда солиқ солинади.

2. Аҳдлашаётган Давлатлардан бирининг корхонасининг бошқа Аҳдлашувчи Давлатдаги доимий муассасасининг (тадбиркорликка оид) мол-мулкининг бир қисми бўлган кўчмас мулкка ёки Аҳдлашувчи Давлатлардан бирининг резидентига бошқа Аҳдлашувчи Давлатда мустақил якка тартибдаги хизматларни кўрсатиш учун лозим бўлган доимий базага тегишли кўчмас мулкка ушбу бошқа Давлатда солиқ солиниши мумкин.

3. Аҳдлашувчи Давлат резидентининг мулки бўлган ва халқаро ташишларда фойдаланиладиган денгиз, ҳаво кемалари, темир йўл ва автомобиль транспорти сифатидаги мулкка ва бундай ташишларни амалга ошириш билан боғлиқ бўлган кўчма мулкка фақат ушбу Аҳдлашувчи Давлатда солиқ солинади.

4. Аҳдлашувчи Давлат резиденти мулкининг бошқа барча унсурларига фақат ушбу Давлатда солиқ солинади.

1. Ўзбекистонда иккиёқлама солиққа тортиш қуйидаги тарзда бартараф қилинади:

агар Аҳдлашувчи Давлатлардан бирининг резиденти мазкур Битим қоидаларига мувофиқ бошқа Аҳдлашувчи Давлатда солиққа тортилиши мумкин бўлган даромад олса, унда ушбу бандда олдин тилга олинган Давлат ушбу резидентнинг даромадидан олинадиган солиқдан бошқа Давлатда тўланган даромад солиғига тенг суммани чегириб ташлаши мумкин. Бироқ бундай чегириб ташланадиган сумма ушбу бошқа Давлатда унинг солиқ қонунлари ва қоидаларига мувофиқ тарзда солиққа тортилиши мумкин бўлган даромад солиғи қисмидан ортиқ бўлиши мумкин эмас.

2. Қозоғистонда иккиёқлама солиққа тортиш қуйидаги тарзда бартараф қилинади:

a) Агар Қозоғистон резиденти мазкур Битим қоидаларига мувофиқ Ўзбекистонда солиққа тортилиши мумкин бўлган даромад олса ёки мулкка эгалик қилса, унда Қозоғистон

I) ушбу резидентнинг даромадидан Ўзбекистон тўланган даромад солиғига тенг суммани чегириб ташлайди;

II) ушбу резидентнинг мол-мулкидан олинадиган солиқдан Ўзбекистонда тўланган мулк солиғига тенг суммани чегириб ташлайди;

Бундай чегириб ташлашлар ҳар қандай ҳолда ҳамда турли вазиятларга қараб Ўзбекистонда солиққа тортилиши мумкин бўлган даромад ёки мулкка тегишли чегириб ташлашгача бўлган ҳолдаги даромад ёки мулк солиғи қисмидан ортиқ бўлиши мумкин эмас;

b) Агар Қозоғистон резиденти мазкур Битим қоидаларига мувофиқ фақат Ўзбекистонда солиққа тортилиши мумкин бўлган даромад олса, Қозоғистон бу даромадни солиққа тортиш базасига қўшиши мумкин, лекин, фақат буни Қозоғистонда солиққа тортилиши мумкин бўлганидек шундай бошқа даромад учун солиқ ставкасини белгилаш мақсадидагина амалга ошириши мумкин.

1. Аҳдлашувчи Давлатлардан бирининг миллий шахслари Аҳдлашувчи бошқа Давлат фуқароларига айни бир хил шароитларда ёки солиниши мумкин бўлгандан ортиқ ҳар қандай солиқ ёки унга алоқадор мажбуриятларга, солиқ солишдан кўра мушкулроқ ёки унга алоқадор ҳолатларга дучор қилинмайдилар. Бу қоида, 1-модданинг қоидаларидан қатъи назар, битта ёки ҳар иккала Аҳдлашувчи Давлатнинг резидентлари бўлмаган жисмоний шахсларга ҳам тегишлидир.

2. Аҳдлашувчи Давлатлардан бирининг корхонаси бошқа Аҳдлашувчи Давлатда эга бўлган доимий муассасага солиқ солиш ушбу Аҳдлашувчи бошқа Давлатнинг айнан шундай фаолиятни амалга оширувчи корхоналарига солиқ солишдан кўра ёмонроқ бўлмайди.

3. Мазкур Битимнинг 9, 11 ёки 12-моддалари қоидалари қўлланиладиган ҳолатларни истисно қилиб Аҳдлашувчи Давлатнинг корхонаси бошқа Аҳдлашувчи Давлат резиденти бундай корхонанинг солиқ солинадиган фойдасини аниқлаш мақсадларида тўлайдиган фоизлар, роялти ва бошқа товонлар гўёки биринчи эслатилган Давлат резидентига тўланган тарзда чегириб ташланади. Худди шунингдек, битта Аҳдлашувчи Давлатнинг корхонасининг бошқа Аҳдлашувчи Давлат резидентига ҳар қандай қарзлари ушбу корхонанинг солиққа тортиладиган мулкини аниқлаш мақсадида биринчи эсга олинган Давлат резидентининг қарзларини ҳисобга олгандек шароитда ҳисоб-китоб қилиб чиқилиши керак.

4. Аҳдлашувчи Давлат корхоналарининг бошқа Аҳдлашувчи Давлатнинг бир ёки бир неча резидентлари томонидан тўғридан-тўғри ёки билвосита тўлиқ ёки қисман тасарруфида бўлган ёки назорат қилинадиган мулки биринчи эслатилган Давлатда Аҳдлашувчи биринчи эслатилган Давлатнинг шундай корхоналарига солинадиган ҳар қандай солиққа тортиш ёки унга алоқадор ҳолатлар, бошқа ёки солиқ солишдан кўра мушкулроқ ҳолатларга дучор қилинмайди.

5. Мазкур моддада назарда тутилган қоидалар ҳар бир Аҳдлашувчи Давлатни бошқа Аҳдлашувчи Давлатнинг резидентларига ушбу резидентлар даромадларини солиққа тортиш соҳасида уларга ҳар қандай шахсий имтиёзлар, озод қилишлар ва чегириб ташлашларни тақдим этишга мажбур қиладиган қоидалар сифатида талқин қилинмаслиги лозим.

1. Агарда шахс Аҳдлашувчи Давлатлардан бири ёки ҳар иккаласининг фаолияти унга мазкур Битимда назарда тутилганига мувофиқ келмайдиган солиқ солинишига олиб келади ёки олиб келиши мумкин деб ҳисобласа ёки агар унинг ҳолати мазкур Битимнинг 24-моддаси 1-бандига мувофиқ келса, у мазкур Давлатларнинг ички қонунчилигида назарда тутилган ҳимоя воситаларидан қатъи назар, ўз аризасини ўзи резидент бўлган Аҳдлашувчи Давлатнинг ваколатли органига тақдим этиши мумкин. Ариза Битим қоидаларига мувофиқ келмайдиган солиққа тортишга дучор қиладиган хатти-ҳаракатлар тўғрисидаги хабарнома олинганидан сўнг уч йил мобайнида тақдим қилиниши лозим.

2. Ваколатли орган унинг аризасини асосли деб топса ва ўзи қониқтирадиган қарорга кела олмаса, масалани Битимга мувофиқ келмайдиган солиқ солинишидан қочиш мақсадларида бошқа Аҳдлашувчи Давлатнинг ваколатли органи билан ўзаро келишиб ҳал қилишга ҳаракат қилади. Ҳар қандай эришилган келишув Аҳдлашувчи Давлатларнинг миллий қонунларида мавжуд бўлган қандайдир вақтинчалик чеклашлардан қатъи назар, бажарилиши зарур.

3. Аҳдлашувчи Давлатларнинг ваколатли органлари Битимни талқин қилиш ёки қўллашда юзага келадиган ҳар қандай масалаларни ўзаро келишув асосида ҳал қилишга ҳаракат қиладилар. Улар, шунингдек, мазкур Битимда кўзда тутилмаган ҳолларда ҳам иккиёқлама солиқ солинишини бартараф қилиш мақсадида бир-бири билан маслаҳатлашишлари мумкин.

1. Аҳдлашувчи Давлатларнинг ваколатли органлари мазкур Битим қоидаларини қўллаш ёки бажариш ёхуд Аҳдлашувчи Давлатлар, ўз маъмурий бўлинмалари ёки маҳаллий ҳокимият органлари номидан мазкур Битимга зид бўлмаган тарзда ундириладиган исталган тур ва тавсифдаги солиқларга оид миллий қонунчиликни татбиқ қилиш учун зарур бўлган ахборот билан алмашадилар. Ахборот билан алмашиш мазкур Битимнинг 1- ва 2-моддалари билан чекланиб қолмайди.

2. Аҳдлашувчи Давлат томонидан мазкур модданинг 1-бандига мувофиқ олинган ҳар қандай ахборот ушбу Аҳдлашувчи Давлатнинг миллий қонунчилигига мувофиқ олинган ахборот каби махфий деб ҳисобланиши лозим ҳамда фақат мазкур модданинг 1-бандида белгиланган солиқларни баҳолаш ёки йиғиш, мажбурий ундириш ёхуд судда кўриб чиқиш ёки ушбу солиқларга нисбатан шикоятларни кўриб чиқиш ёхуд бундай фаолиятларни назорат қилиш билан шуғулланувчи шахслар ёки органларгагина (жумладан, суд ва маъмурий органлар) тақдим қилиниши мумкин. Бундай шахслар ёки органлар ахборотдан фақат ушбу мақсадларда фойдаланишлари мумкин. Улар ахборотни очиқ суд мажлисида ёки суд қарорларини қабул қилишда ошкор қилишлари мумкин.

3. Мазкур модданинг 1- ва 2-бандлари қоидалари Аҳдлашувчи Давлатга қуйидаги мажбуриятларни юклайдиган тарзда талқин қилинмаслиги лозим:

а) ушбу ёки ўзга Аҳдлашувчи Давлат қонунчилиги ёки маъмурий амалиётига зид бўлган маъмурий чоралар кўриш;

b) ушбу ёки ўзга Аҳдлашувчи Давлат қонунчилигига мувофиқ ёки одатдаги маъмурий амалиёти давомида олиниши мумкин бўлмаган ахборотни тақдим қилиш;

с) ҳар қандай савдо, тадбиркорлик, тижорат, саноат ёки касбий сирни ёхуд савдо жараёнини ошкор этадиган ахборотни ёки ошкор этилиши давлат сиёсатига зид бўлган ахборотни тақдим қилиш.

4. Агар бир Аҳдлашувчи Давлат томонидан ушбу моддага мувофиқ ахборот сўралган бўлса, ўзга Аҳдлашувчи Давлат бундай ахборот ўз солиқ мақсадлари учун зарур бўлмаса ҳам, сўралган ахборотни тўплаш бўйича чоралар кўради. Юқорида белгиланган мажбуриятга нисбатан ушбу модданинг 3-бандида белгиланган чекловлар қўлланилади, бироқ мазкур чекловлар Аҳдлашувчи Давлатга фақатгина ички манфаатлар мавжуд эмаслиги сабабли ушбу ахборот тақдим этишни рад қилишга рухсат берадиган тарзда талқин қилинмаслиги лозим.

5. Мазкур модданинг 3-банди қоидалари ахборот фақатгина банк, бошқа молиявий муассаса, унинг номинал эгаси, агент ёки ишончли бошқарувчи сифатидаги шахс ихтиёрида эканлиги ёхуд бундай маълумот мулк ҳуқуқи берилган шахсга тааллуқли бўлганлиги сабабли уни тақдим қилишни рад этиш учун Аҳдлашувчи Давлатга рухсат берадиган тарзда талқин қилинмаслиги лозим.

1. Аҳдлашувчи Давлатлар ўзларига тегишли солиқ мажбуриятларини ундиришда бир-бирларига ўзаро ёрдам кўрсатадилар. Бундай ёрдам мазкур Битимнинг 1- ва 2-моддаларининг қоидалари билан чекланмайди. Аҳдлашувчи Давлатларнинг ваколатли органлари мазкур моддани қўллаш тартибини ўзаро келишиш йўли билан белгилайдилар.

2. Мазкур моддада қўлланилган «солиқ мажбурияти» атамаси ушбу Битимга ёки Аҳдлашувчи Давлатлар иштирокчи ҳисобланган бошқа халқаро шартномаларга зид бўлмаган тарзда Аҳдлашувчи Давлатларнинг ҳар бири, уларнинг маъмурий бўлинмалари ёхуд маҳаллий ҳокимият органлари номидан ундириладиган ҳар қандай кўриниш ва тавсифдаги солиқлар сифатида тўланиши лозим бўлган маблағни, шунингдек, бундай солиқларга тегишли фоизлар, маъмурий жарималар ҳамда ундириш бўйича ёки ундиришни таъминлаш юзасидан харажатларни англатади.

3. Башарти Аҳдлашувчи Давлатлардан бири олдидаги солиқ мажбурияти ушбу Аҳдлашувчи Давлат қонунчилигига мувофиқ ундирилиши зарур бўлиб, ушбу Аҳдлашувчи Давлат қонунчилигига кўра айни шу пайтда уни ундиришга тўсқинлик қила олмайдиган шахс томонидан тўланиши лозим бўлса, бу ҳолда бундай солиқ мажбурияти ушбу Аҳдлашувчи Давлатнинг ваколатли органлари сўровномасига биноан иккинчи Аҳдлашувчи Давлатнинг ваколатли органлари томонидан ундирув учун қабул қилинади. Бундай солиқ мажбурияти ушбу ўзга Аҳдлашувчи Давлат томонидан унинг қонун ҳужжатлари қоидаларига мувофиқ айни ўзининг олдидаги солиқ мажбурияти сингари ундирилади.

4. Агар Аҳдлашувчи Давлатлардан бири олдидаги солиқ мажбурияти ушбу Аҳдлашувчи Давлат қонунчилигига мувофиқ ундиришни таъминлаш чораларини қўллашни тақозо қиладиган мажбурият бўлса, бундай мажбурият ушбу Аҳдлашувчи Давлатнинг ваколатли органи сўровномаси асосида ўзга Аҳдлашувчи Давлатнинг ваколатли органи томонидан таъминлаш чораларини қўллаш мақсадида қабул қилиниши лозим. Ушбу ўзга Аҳдлашувчи Давлат, башарти бундай чораларни қўллаш пайтида солиқ мажбуриятини дастлабки кўрсатилган Аҳдлашувчи Давлатда ундиришнинг имкони бўлмаса ёки ундиришга тўсқинлик қилиш ҳуқуқига эга шахс томонидан тўланиши лозим бўлса ҳам, бундай солиқ мажбуриятига нисбатан ўз қонун ҳужжатлари қоидаларига мувофиқ айни ўзининг олдидаги солиқ мажбурияти сингари таъминлаш чораларини қўллайди.

5. Мазкур модданинг 3- ва 4-бандлари қоидаларидан қатъи назар, Аҳдлашувчи Давлатлардан бирининг қонунчилигига мувофиқ солиқ мажбуриятига нисбатан шундай мажбуриятнинг хусусиятига кўра қўлланиши мумкин бўлган вақт чекловлари ва устуворлик тартиби ушбу Аҳдлашувчи Давлат томонидан мазкур модданинг 3- ва 4-бандларида назарда тутилган мақсадлар учун қабул қилинаётган солиқ мажбуриятига нисбатан қўлланилмайди. Бундан ташқари, Аҳдлашувчи Давлатлардан бири томонидан мазкур модданинг 3- ва 4-бандларида назарда тутилган мақсадлар учун қабул қилинаётган солиқ мажбуриятига нисбатан ушбу Аҳдлашувчи Давлатда ўзга Аҳдлашувчи Давлат қонунчилигида назарда тутилган устуворлик тартиби қўлланилмайди.

6. Аҳдлашувчи Давлатлардан бирининг олдида солиқ мажбуриятининг мавжудлиги, унинг ҳақиқийлиги ёки миқдорини аниқлаш бўйича тартиботлар ўзга Аҳдлашувчи Давлатнинг суд ёхуд маъмурий органларига кўриб чиқиш учун киритилмайди.

7. Башарти Аҳдлашувчи Давлатлардан бири мазкур модданинг 3- ёки 4-бандларига мувофиқ сўров юборганидан сўнг ўзга Аҳдлашувчи Давлат тегишли солиқ мажбурияти суммасини ундириб, биринчи Аҳдлашувчи Давлатга ўтказгунига қадар ҳар қандай пайтда бундай солиқ мажбурияти:

а) сўров мазкур модданинг 3-бандига мувофиқ юборилганда — Аҳдлашувчи Давлатлардан бирининг қонунчилигига мувофиқ ундирилиши зарур бўлиб, ушбу Аҳдлашувчи Давлат қонунчилигига кўра айни шу пайтда уни ундиришга тўсқинлик қила олмайдиган шахс томонидан тўланиши лозим бўлган ушбу Аҳдлашувчи Давлат олдидаги солиқ мажбурияти деб ҳисобланмай қолса;

b) сўров мазкур модданинг 4-бандига мувофиқ юборилганда — дастлабки кўрсатилган Аҳдлашувчи Давлат қонунчилигига мувофиқ ундирувни таъминлаш чораларини кўриш мумкин бўлган ушбу Аҳдлашувчи Давлат олдидаги солиқ мажбурияти деб ҳисобланмай қолса, —

бу ҳолда дастлабки кўрсатилган Аҳдлашувчи Давлатнинг ваколатли органлари бу ҳақда ўзга Аҳдлашувчи Давлатнинг ваколатли органларини зудлик билан хабардор қиладилар ва биринчи Аҳдлашувчи Давлат ўзга Аҳдлашувчи Давлатнинг ихтиёрига кўра ўз сўровномасини тўхтатиб туради ёки чақиртириб олади.

8. Мазкур модданинг қоидалари Аҳдлашувчи Давлатга қуйидаги мажбуриятларни юклаш сифатида талқин қилинмаслиги лозим:

а) ушбу ёки ўзга Аҳдлашувчи Давлатнинг қонунчилиги ёхуд маъмурий амалиётига зид бўлган маъмурий чоралар кўриш;

b) жамоат тартибига таҳдид қилувчи чоралар кўриш;

с) ўзга Аҳдлашувчи Давлат ҳар бир муайян ҳолатда ўз қонунчилиги ёки маъмурий амалиётига мувофиқ унинг ихтиёрида бўлган ундиришга ёки ундирувни таъминлашга доир барча оқилона чораларни кўрмаган бўлса ҳам ёрдам кўрсатиш;

d) кўмаклашаётган Аҳдлашувчи Давлат зиммасига тушаётган маъмурий сарф-харажатлар ундирув натижасида иккинчи Аҳдлашувчи Давлат эга бўлиши мумкин бўлган устунликларга яққол номутаносиб бўлса ҳам ёрдам кўрсатиш.

Мазкур Битим қоидалари Аҳдлашувчи Давлат учун солиқ тўлашдан бош тортишнинг олдини олиш бўйича ички қонунчилигини қўллашга тўсқинлик сифатида талқин қилинмаслиги лозим.

Мазкур Битимнинг ҳеч бир қоидаси дипломатик ваколатхоналар ходимлари ва консуллик муассасалари хизматчиларига халқаро ҳуқуқ умумий нормалари ёки ҳар икки Аҳдлашувчи Давлатлар ўртасидаги махсус Битимлар қоидаларига мувофиқ белгилаб қўйилган солиқ имтиёзларига дахл қилмайди.

Мазкур Битимга Аҳдлашувчи Давлатлар ўзаро келишувга асосан ўзгартиш ва қўшимчалар киритишлари мумкин бўлиб, улар ушбу Битимнинг ажралмас қисми ҳисобланадиган баённомалар билан расмийлаштирилади ва мазкур Битимнинг 29-моддасига мувофиқ кучга киради.

Мазкур Битим уни кучга кириши учун зарур бўлган ички давлат тартиб қоидаларини бажарилганлиги тўғрисидаги охирги хабар олинган кундан кучга киради бунда унинг қоидалари қуйидаги тартибда амал қилади;

a) манбадан олинадиган солиқларга нисбатан Битим кучга кирган ойдан кейинги учинчи ойнинг биринчи кунида ёки шу кундан сўнг тўланадиган ёки ҳисобланадиган суммаларига нисбатан қўлланилади;

b) Битим кучга кирган йилдан кейинги тақвимий йилнинг биринчи январидан бошлаб ёки биринчи январдан сўнг бошланадиган солиққа тортиладиган даврлар учун бошқа солиқларига нисбатан қўлланади.

Мазкур Битим Аҳдлашувчи Давлатлардан бири унинг амалини тўхтатмагунча ўз кучида қолади. Ҳар бир Аҳдлашувчи Давлат Битимнинг амалини Битим кучга кирган санадан 5 йиллик муддат тугаган кундан бошлаб исталган тақвимий йилнинг тугашидан камида 6 ой олдин дипломатик йўл орқали хабар бериб тўхтатиши мумкин. Мазкур ҳолатда Битим ўз амалини:

a) манбадан олинадиган солиқларга нисбатан хабарнома берилган йилдан кейинги тақвимий йилнинг биринчи январдан бошлаб ёки биринчи январдан сўнг тўланадиган ёки ҳисобланадиган суммаларга нисбатан;

b) бошқа даромад ёки мол-мулк солиқларига нисбатан хабарнома берилган йилдан кейинги тақвимий йилнинг биринчи январидан бошлаб ёки биринчи январдан сўнг бошланадиган солиқ даврлари учун тўхтатади.

Алмати шаҳрида 1996 йил 12 июнда ўзбек, қозоқ ва рус тилларида ҳар бири икки нусхада тузилди, бунда барча матнлар бир хил кучга эга. Мазкур Битим қоидаларини талқин этишда тушунмовчиликлар вужудга келган ҳолларда рус тилидаги матн асос қилиб олинган.