Ўзбекистон Республикасининг «Чиқиндилар тўғрисида»ги (Ўзбекистон Республикаси Олий Мажлисининг Ахборотномаси, 2002 й., 4-5-сон, 72-модда) Қонуни, Вазирлар Маҳкамасининг 2013 йил 3 декабрдаги 315-сонли «Республика аҳоли пунктларида санитария жиҳатдан тозалаш тизимини ривожлантириш ва такомиллаштириш чора-тадбирлари тўғрисида»ги (Ўзбекистон Республикаси қонун ҳужжатлари тўплами, 2013 й, 49-сон, 632-модда), 2010 йил 28 октябрдаги 239-сонли «Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида»ги (Ўзбекистон Республикаси қонун ҳужжатлари тўплами, 2010 й., 42-43-сон, 364-модда) қарорлари ижросини таъминлаш ҳамда туман ободонлаштириш бошқармаси томонидан туман ҳудудидан қаттиқ ва маиший чиқиндиларни ташишга доир кўрсатиладиган хизматлар тарифини белгилаш мақсадида Самарқанд вилоят ҳокимлиги молия бошқармасининг 2014 йил 4 августдаги 03-9/1192-сонли хатини инобатга олиб қарор қиламан:

1. Ургут туман ҳудудидан туман ободонлаштириш бошқармаси томонидан кўрсатиладиган хизматлар учун 2014 йил 6 октябрдан эътиборан:

мулкчилик шаклидан қатъи назар, барча турдаги корхона, ташкилот, муассаса ва якка тартибда фаолият юритаётган юридик шахслар учун тўловлар тарифи бир куб метр учун 5508 сўм;

жисмоний шахслар учун бир кишига бир ойда 500 сўм этиб белгилансин.

2. Ургут туманида қаттиқ ва маиший чиқиндиларни ташиб чиқариш хизмат тарифлари 1-иловага* мувофиқ тасдиқлансин.

3. Туман ободонлаштириш бошқармаси (М. Кенжаев)га:

маиший чиқиндиларни олиб чиқиш учун амал қилиш меъёрлари асосида жисмоний ва юридик шахслар билан 2-иловада* келтирилган шартномалар асосида расмийлаштириш;

туман ҳудудидан қаттиқ ва маиший чиқиндиларни чиқариш бўйича тузиладиган шартномалар бўйича тўловларни ўз вақтида ундириш чораларини кўриш тавсия этилсин.

4. Ушбу қарор қабул қилиниши муносабати билан туман ҳокимининг 2014 йил 19 августдаги 632-Қ-сонли қарори ўз кучини йўқотган деб ҳисоблансин.

5. Мазкур қарор расмий эълон қилинган кундан бошлаб кучга киради.

6. Ушбу қарор ижросини назорат қилиш туман ҳокимининг биринчи ўринбосари Ж. Неъматов ва туман ободонлаштириш бошқармаси бошлиғи М. Кенжаев зиммасига юклатилсин.