Олдинги таҳрирга қаранг.
(қарор номи Ўзбекистон Республикаси Вазирлар Маҳкамасининг 2005 йил 1 апрелдаги 95-сон қарори таҳририда — Ўзбекистон Республикаси қонун ҳужжатлари тўплами, 2005 й., 14-сон, 103-модда)
«Алоҳида муҳофаза қилинадиган табиий ҳудудлар тўғрисида»ги Ўзбекистон Республикаси Қонунига мувофиқ ва Ўзбекистон Республикаси Вазирлар Маҳкамасининг «1999—2005 йилларда Ўзбекистон Республикасининг атроф муҳитни муҳофаза қилиш ишлари дастури тўғрисида» 1999 йил 20 октябрдаги 469-сон қарорини бажариш юзасидан, Тошкент ва Фарғона вилоятларида ичимлик сувнинг амалдаги ва потенциал манбаларини муҳофаза қилишни кучайтириш мақсадида Вазирлар Маҳкамаси қарор қилади:
1-иловага* мувофиқ ер эгалари, ердан фойдаланувчилар ва ижарачилар бўйича 7622 гектар майдондаги Чирчиқ зонасига (Қибрай участкаси);
2-иловага* мувофиқ ер эгалари, ердан фойдаланувчилар ва ижарачилар бўйича 10624 гектар майдондаги Оҳангарон зонасига (Ўрта Оҳангарон участкаси);
3-иловага* мувофиқ ер эгалари, ердан фойдаланувчилар ва ижарачилар бўйича 16913 гектар майдондаги Сўх зонасига (Тўлаш участкаси);
Олдинги таҳрирга қаранг.
4-иловага* мувофиқ ер эгалари, ердан фойдаланувчилар ва ижарачилар бўйича 17036 гектар майдондаги Чимён-Аввал зонасига (Лаган ва Аввал участкалари) муҳофаза қилинадиган табиий ҳудудлар мақоми берилсин.
(1-банднинг тўртинчи хатбошиси Ўзбекистон Республикаси Вазирлар Маҳкамасининг 2005 йил 1 апрелдаги 95-сон қарори таҳририда — Ўзбекистон Республикаси Қонун ҳужжатлари тўплами, 2005 й., 14-сон, 103-модда)
2. Ўзбекистон Республикаси Давлат табиатни муҳофаза қилиш қўмитаси Давлат геология ва минерал ресурслар қўмитаси, Қишлоқ ва сув хўжалиги вазирлиги ҳамда Тошкент ва Фарғона вилоятлари ҳокимликлари билан биргаликда 2002 йил 1 июнгача муҳофаза қилинадиган зоналар чегарасида жойлашган потенциал экологик хавфли объектларни аниқласинлар ва улар чучук ер ости сувларини ифлослантириши ва қуритиб қўйишининг олдини олишга доир чора-тадбирларни ишлаб чиқсинлар.
Олдинги таҳрирга қаранг.
3. Ўзбекистон Республикаси Ер ресурслари давлат қўмитаси Сув хўжалиги вазирлиги, манфаатдор вазирликлар ҳамда идоралар, Тошкент ва Фарғона вилоятлари ҳокимликлари билан биргаликда 1 — 4-иловаларда* кўрсатилган юридик шахсларнинг мулкчилик шакли, идоравий қарашлилиги ўзгарган, улар қайта ташкил этилган тақдирда қишлоқ хўжалиги, саноат корхоналари ва бошқа объектлар рўйхатига тегишли аниқликлар киритсинлар, шунингдек бу ҳақда бир ой муддатда чучук ер ости сувлари ресурсларини назорат қилиш ва улардан оқилона фойдаланиш учун масъул бўлган ваколатли давлат органларини хабардор қилсинлар.
(3-банд Ўзбекистон Республикаси Вазирлар Маҳкамасининг 2018 йил 7 декабрдаги 995-сонли қарори таҳририда — Қонун ҳужжатлари маълумотлари миллий базаси, 10.12.2018 й., 09/18/995/2287-сон)
Олдинги таҳрирга қаранг.
4. Ўзбекистон Республикаси Экология ва атроф муҳитни муҳофаза қилиш давлат қўмитаси Давлат геология ва минерал ресурслар қўмитаси билан биргаликда муҳофаза қилинадиган табиий ҳудудлар — Чирчиқ, Оҳангарон, Сўх ва Чимён-Аввал чучук ер ости сувлари зоналари доирасида чучук ер ости сувлари ресурсларидан оқилона фойдаланилиши ва уларнинг ифлосланишдан муҳофаза қилиниши устидан доимий назорат ўрнатсинлар.
(4-банд Ўзбекистон Республикаси Вазирлар Маҳкамасининг 2017 йил 14 ноябрдаги 915-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/915/0259-сон)
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Т.Х. Холтоев зиммасига юклансин.