Ўзбекистон Республикасининг 2013 йил 7 октябрдаги ЎРҚ-355-сонли «Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги Қонуни (Ўзбекистон Республикаси қонун ҳужжатлари тўплами, 2013 й., 41-сон, 543-модда) ҳамда туман Бандликка кўмаклашиш ва аҳолини ижтимоий муҳофаза қилиш марказининг 2013 йил 26 декабрдаги 627-сонли хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Туман ҳокимининг 2013 йил 27 сентябрдаги 518-Қ-сонли «Туманда ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тўғрисида»ги қарори («Пахтачи» 40 (6830)-сон) билан тасдиқланган ижтимоий муҳофазага муҳтож ва иш топишда қийналаётган шахслар учун корхона, муассаса, ташкилотларда банд қилинган иш ўринлари рўйхати иловага* мувофиқ қайта тасдиқлансин.

2. Қарор биринчи бандининг учинчи ва тўртинчи хатбошилари қуйидаги таҳрирда баён этилсин:

«ўрта махсус, касб-ҳунар таълими муассасаларини тамомлаган ёшларга, шунингдек олий ўқув юртларининг давлат грантлари асосида таълим олган битирувчилар учун 286 киши;

Ўзбекистон Республикаси Қуролли Кучларидан муддатли ҳарбий хизматдан бўшатилганларга 15 киши».

қуйидаги таҳрирда саккизинчи ва тўққизинчи хатбошилар билан тўлдирилсин;

«одам савдосидан жабрланганлар учун 15 киши»

«бошқа тоифадаги шахслар учун 15 киши»

3. Ушбу қарорнинг бажарилишини назорат қилиш туман ҳокимининг ўринбосари А. Усмонов зиммасига юклансин.

4. Мазкур қарор расмий эълон қилинган кундан эътиборан кучга киради.