Ўзбекистон Республикаси Олий Кенгаш Раёсатининг 1994 йил 18 апрелидаги 1034-XII-сон Қарори билан тасдиқланган «Мулкчиликнинг барча шаклидаги корхоналар (ташкилотлар), шу жумладан чет эл корхоналари ва қўшма корхоналар фақат махсус рухсатнома (лицензия) асосидагина шуғулланишга ҳақли бўлган фаолият турларининг Рўйхати»га ўзгартиш ва қўшимчалар киритиш тўғрисидаги Вазирлар Маҳкамасининг таклифини қараб чиқиб, Ўзбекистон Республикаси Олий Мажлисининг Кенгаши қарор қилади:

1. Рўйхатнинг ўттиз саккизинчи хатбошиси қуйидаги таҳрирда баён этилсин:

«Ишлаб чиқариш, уй-жой ва фуқаролик ҳамда қишлоқ хўжалиги аҳамиятидаги бинолар ва иншоотлар ҳамда муҳандислик инфраструктураси объектлари қурилишини лойиҳалаш ва шу қурилиш учун муҳандислик-техник изланишлар юритиш».

2. Рўйхат қуйидаги мазмундаги хатбошилар билан тўлдирилсин:

«Кўчмас мулкка доир операциялар.

Суғурта фаолияти.

Қурилиш материаллари ва конструкциялари ишлаб чиқариш.

Ишлаб чиқариш, уй-жой ва фуқаролик, маданий-маиший, қишлоқ хўжалиги аҳамиятидаги ҳамда муҳандислик инфраструктураси бинолари ва объектларини қурилишда қурилиш, монтаж ва созлаш ишлари».

3. Ушбу Қарор Ўзбекистон Республикаси Олий Мажлисининг тасдиғига киритилсин.