«Аҳолини иш билан таъминлаш тўғрисида»ги Ўзбекистон Республикаси Қонуни 17-моддасига асосан, туман ҳудудидаги иш билан банд бўлмаган «ишсиз» мақоми берилган фуқароларни ишга жойлаштириш борасида вужудга келган оғир вазиятдан чиқиш ҳамда туман Бандликка кўмаклашиш ва аҳолини ижтимоий муҳофаза қилиш марказининг таклифларига кўра ташкилотлар, муассасалар ва корхоналарда ҳақ тўланадиган жамоат ишларини яъни, ҳамма учун қулай, махсус касб-ҳунар тайёргарлиги талаб қилмайдиган, вақтинчалик иш жойларини барпо этиш мақсадида қарор қиламан:

1. Тумандаги корхоналар, ташкилотлар ва муассасалар раҳбарлари зиммасига туман Бандликка кўмаклашиш ва аҳолини ижтимоий муҳофаза қилиш маркази билан биргаликда шартномалар асосида (иловага* мувофиқ) 2014 йилда ҳақ тўланадиган жамоат ишларини ташкиллаштириш вазифаси юклатилсин.

2. Ҳақ тўланадиган жамоат ишларини маблағ билан таъминлаш иш берувчилар томонидан ўз маблағлари, шунингдек маҳаллий бюджет ва иш билан таъминлашга кўмаклашиш давлат жамғармаси маблағлари ҳисобига амалга оширилади. Бунда ҳақ тўланадиган жамоат ишларига жалб қилинган фуқаролар меҳнатига ҳақ тўлаш харажатлари Ўзбекистон Республикаси Вазирлар Маҳкамасининг 1999 йил 19 июлдаги 353-сонли қарори 1-иловасига асосан тасдиқланган «Ҳақ тўланадиган жамоат ишларини ташкил қилиш тўғрисида» ги низомга мувофиқ:

давлат ҳокимияти органига қарашли корхоналар, муассасалар ва ташкилотлар бўйича эллик фоизи иш берувчилар маблағлари ва эллик фоизи маҳаллий бюджет ва иш билан таъминлашга кўмаклашиш давлат жамғармаси маблағлари ҳисобига;

бошқа корхоналар, муассасалар ва ташкилотлар бўйича етмиш беш фоизи иш берувчилар маблағлари ва йигирма беш фоизи иш билан таъминлашга кўмаклашиш давлат жамғармаси маблағлари ҳисобига амалга оширилади.

3. Ушбу қарорнинг ижросини назорат қилиш туман хокими ўринбосари А. Тошпулатов зиммасига юклатилсин.

4. Мазкур қарор расмий нашрда эълон қилинган кундан эътиборан қонуний кучга киради.