LexUZ шарҳи
Мазкур Битим Ўзбекистон Республикаси Вазирлар Маҳкамасининг 1998 йил 23 мартдаги 123-сонли «Ҳукуматлараро битимни тасдиқлаш тўғрисида»ги қарори билан тасдиқланган.
Ўзбекистон Республикаси Ҳукумати ва Грузия Ҳукумати, бундан кейин Томонлар деб аталувчилар,
аҳолини Томонлар давлатларининг ҳудудида ишлаб чиқарилган дори воситалари, вакциналар, иммунобиологик препаратлар, бошқа тиббиёт буюмлари билан таъминлаш мақсадида,
дори воситалари, вакциналар, иммунобиологик препаратлар, бошқа тиббиёт буюмларини рўйхатдан ўтказиш ва қўллашга рухсат бериш бўйича ягона талабларни қўллаш масалаларида келишилган тадбирларни амалга ошириш учун,
Томонлар Томонларнинг давлатлари ҳудудида ишлаб чиқарилган ва ишлаб чиқариш мамлакатида дори воситалари сифатининг давлат назорати ваколатли органлари томонидан тегишли тартибда рўйхатдан ўтказилган дори воситалари, вакциналар, имунобиологик препаратлар, бошқа тиббий буюмларни (бундан кейин «дори воситалари») миллий рўйхатдан ўтказишни ўзаро тан оладилар.
Томонлар дори воситалари сифатининг давлат назорати ваколатли органлари орқали Томонларнинг давлатларида ишлаб чиқарилган ва рўйхатдан ўтказилган дори воситаларининг норматив-техникавий ҳужжатлари билан алмашадилар.
Бир Томон давлатининг дори воситаларини рўйхатдан ўтказишни тан олиш бошқа Томон давлатнинг дори воситалари сифатининг давлат назорати ваколатли органлари томонидан амалга оширилади ва бу орган томонидан қуйидагилар қилинади:
Дори воситаларини рўйхатдан ўтказишни тан олишни расмийлаштириш учун зарур бўлган ҳужжатларнинг ягона рўйхати (1-илова) *, уларнинг шакли Томонларнинг дори воситалари сифатининг давлат назорати ваколатли органлари келишувига биноан аниқланади ва ушбу Битимнинг ажралмас қисми бўлади.
Дори воситаларини рўйхатдан ўтказишни тан олиш бўйича эксперт ишларнинг нархи ўз ишлаб чиқарувчилари учун амалда бўлган тарифлар асосида аниқланади ва Томонларнинг банклараро ҳисоб-китоблари учун қабул қилинган валютада тўланади.
Ушбу Битимни амалга ошириш давомида Томонлар ўртасида пайдо бўладиган баҳсли масалалар ўзаро маслаҳатлашиш ва музокаралар йўли билан тартибга солинади.
Ушбу Битимга ўзгартириш ва қўшимчалар Томонларнинг ўзаро келишувига кўра ушбу Битимнинг ажралмас қисми бўлган протоколлар кўринишида киритилади.
Ушбу Битим беш йил мобайнида амал қилади ва агар Томонлардан ҳеч бири Битим амал қилишининг тегишли муддати тугашидан камида уч ой илгари унинг амал қилишини тўхтатиш нияти тўғрисида баён қилмаса, ҳар бир кейинги даврга ўз-ўзидан узайтирилади.