Ўзбекистон Республикаси Вазирлар Маҳкамасининг «Саноатда ишлаб чиқариш харажатларини қисқартириш ва маҳсулот таннархини пасайтиришга доир қўшимча чора-тадбирлар тўғрисида» 2012 йил 7 мартдаги 64-сон қарорини бажариш юзасидан, замонавий тежамли ва энергияни тежайдиган технологияларни изчил жорий этиш, табиий ва молиявий ресурслардан самарали ва оқилона фойдаланиш асосида сув таъминоти ва сув чиқариш бўйича кўрсатиладиган хизматлар таннархини пасайтириш мақсадида Вазирлар Маҳкамаси қарор қилади:

1. Маълумот учун қабул қилинсинки, «Сувсоз» давлат унитар корхонаси (кейинги ўринларда «Сувсоз» ДУК деб аталади) томонидан «Grundfos,» «Flygt» ва «Andritz» компаниялари билан тузилган шартномалар бўйича 182 комплект насос ускунаси сотиб олинди ва ўрнатилди, бу эса ҳар йили 41,9 млн кВт электр энергияси ва 3,6 млрд сўм молиявий маблағларни тежашга, шунингдек, сув таъминоти хизматлари тарифларини барқарорлаштиришга эришиш имконини берди.

2. Тошкент шаҳар ҳокимлигининг «Сувсоз» ДУКнинг ўз маблағлари ҳисобига умумий суммаси 3 456,1 минг евро бўлган 239 комплект технологик насос ускунасини 1-иловага* мувофиқ жадвал бўйича тўловларни 5 йилга бўлиб-бўлиб тўлаш шарти билан сотиб олиш тўғрисидаги таклифига розилик берилсин.

3. «Сувсоз» ДУКга:

тендер савдолари ўтказмасдан, истисно тариқасида, 2-иловага* мувофиқ рўйхат бўйича умумий суммаси 3 456,1 минг евро бўлган 239 комплект технологик насос ускунасини етказиб бериш юзасидан «Грундфос» компанияси билан контракт тузсин;

сув таъминоти ва сувни чиқариб ташлаш бўйича кўрсатилган хизматлар учун тушумлар ҳисобига тасдиқланган жадвалга мувофиқ «Грундфос» компаниясининг тўловларини таъминлаш учун зарур бўлган ҳажмда пул маблағларини жамлаш учун ваколатли банкда махсус ҳисоб рақами очсин.

4. Ўзбекистон Республикаси Марказий банкига ваколатли банк билан биргаликда «Сувсоз» ДУК буюртманомалари бўйича етказиб берилган технологик насос ускунаси учун «Grundfos» компаниясига тўловларни амалга ошириш учун зарур бўлган маблағларнинг белгиланган тартибда конвертация қилинишини таъминлаш тавсия этилсин.

5. Тошкент шаҳар ҳокимлигига:

Тошкент шаҳрининг ичимлик сув таъминоти ва оқова сувни чиқариб ташлаш тизимига замонавий энергия тежайдиган технологияларни модернизация қилиш ва жорий этиш бўйича барча тадбирларнинг амалга оширилишини мувофиқлаштириш ва назорат қилиш, шунингдек, етказиб берилаётган технологик насос ускуналаридан мақсадли фойдаланиш ва умуман лойиҳани самарали амалга ошириш;

Тошкент шаҳрининг ичимлик сув таъминоти ва оқова сув тизимига замонавий энергия тежайдиган технологияларни модернизация қилиш ва жорий этиш лойиҳасини амалга ошириш доирасида «Грундфос» компаниясига тўловларни амалга ошириш учун зарур бўлган ҳажмда сув таъминоти ва оқова сувни чиқариб ташлаш хизматлари учун тушадиган пул маблағлари «Сувсоз» ДУКнинг махсус ҳисоб рақамида ўз вақтида жамланиши устидан назоратни амалга ошириш.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.И. Закиров зиммасига юклансин.