LexUZ шарҳи
Мазкур Битим Ўзбекистон Республикаси Вазирлар Маҳкамасининг 1999 йил 21 октябрдаги 472-сонли «Ҳукуматлараро битимларни тасдиқлаш тўғрисида»ги қарори билан тасдиқланган.
Ўзбекистон Республикаси Ҳукумати билан Корея Республикаси Ҳукумати (бундан кейин — Аҳдлашувчи Томонлар деб аталувчилар),
божхона қонунчилигини бузиш ўз мамлакатларининг иқтисодий, молиявий ва тижорий манфаатларига зиён етказади, деб ҳисоблаб,
божхона божлари, солиқлари, йиғимлари ва бошқа тўловлари аниқ белгиланишини таъминлаш қанчалик муҳим эканлигини англаб,
божхона қонунчилигини бузишнинг олдини олишга қаратилган хатти-ҳаракатлар ўз божхона органлари ҳамкорлиги туфайли янада самарали бўлишига инониб,
божхона ҳамкорлиги кенгаши (Бутунжаҳон божхона ташкилоти)нинг Ўзаро маъмурий кўмаклашиш тўғрисида 1953 йил 5 декабрдаги тавсияларини эътиборга олиб,
1. «Божхона қонунчилиги» атамаси амалдаги ёки Аҳдлашувчи Томонларнинг божхона органлари товарлар импортига, экспортига, транзитига нисбатан қўллайдиган қонунлар ва қоидаларни англатади, бунга тақиқлаш, чеклаш ва назорат қилишни ўз ичига олган исталган божхона процедураларини қўллаш ҳам киради;
2. «Божхона қонунбузарлиги» атамаси божхона қонунчилигини исталган тарзда бузиш ёки бузишга уринишни англатади;
3. «Божхона божлари ва солиқлари» атамаси товарларнинг импорти ёки экспорти чоғида ундириладиган божлар, солиқлар ва йиғимларни англатади; ҳамда
4. «Божхона органлари» атамаси Ўзбекистон Республикасига нисбатан — Давлат божхона қўмитасини; ва Корея Республикасига нисбатан — Корея божхона хизматини англатади.
1. Ушбу Битим доирасида кўмаклашиш ҳар иккала Аҳдлашувчи Томонлар тарафидан миллий қонунларга мувофиқ, божхона органларининг ваколатлари ҳамда ресурслари доирасида амалга оширилади.
2. Аҳдлашувчи Томонларнинг божхона органлари ушбу Битим қоидаларига мувофиқ, божхона қонунбузарлигининг олдини олиш, текшириш ва унга қарши курашишда ҳамкорлик қиладилар ва ўзаро кўмаклашадилар.
1. Бир Аҳдлашувчи Томоннинг божхона органи бошқа Аҳдлашувчи Томон божхона органининг сўровига биноан, божхона қонунчилигига риоя қилишни таъминлашда асқотиши мумкин бўлган барча ахборотни тақдим этади, жумладан:
2. Ушбу Битим доирасида кўмаклашиш, жумладан қуйидаги ахборотни ҳам ўз ичига олади, лекин бу билан чекланмайди:
(а) божхона қонунбузарлигининг олдини олишда асқотадиган ҳуқуқ муҳофазаси хатти-ҳаракатлари, жумладан божхона қонунбузарлигига қарши алоҳида кураш методларига оид;
(в) божхона қонунбузарлигига қарши курашда янги техникавий воситалар ҳамда методларнинг муваффақиятли равишда қўлланганлиги туфайли қўлга киритилган тажриба ва ютуқлар;
1. Бир Аҳдлашувчи Томоннинг божхона органи иккинчи Аҳдлашувчи Томон божхона органининг сўровига биноан, унга қуйидаги масалаларга дахлдор ахборотни беради:
(а) сўраётган Аҳдлашувчи Томон ҳудудига иккинчи Аҳдлашувчи Томон ҳудудидан келтирилаётган товар қонуний экспортми-йўқми эканлигига оид;
(б) сўраётган Аҳдлашувчи Томон ҳудудидан сўралаётган Аҳдлашувчи Томон ҳудудига чиқарилаётган товар қонуний импортми-йўқми эканлигига оид.
2. Бундай ахборотда товарларни божхона тозаловидан ўтказишда қўлланадиган божхона процедуралари кўрсатилиши керак.
1 .Ушбу Битим доирасида тақдим этилаётган ёки олинаётган ҳар қандай ахборот, ҳужжат ва бошқа маълумотга махфийлик мақоми берилади ҳамда ундан фақат ушбу Битимда кўрсатилган мақсадларда фойдаланиш мумкин. Уларни олган мамлакатда ҳам уларга ушбу мамлакатнинг ўз ҳудудида олинган шундай ахборот, ҳужжат ва бошқа маълумотга нисбатан қўлланадиган махфийлик қўлланади.
2. Сўраётган Аҳдлашувчи Томон ушбу Битим доирасида олинган ашёвий далил ёки ахборотдан сўралаётган Аҳдлашувчи Томоннинг розилигини олмасдан туриб сўровда кўрсатилганидан бошқа мақсадда фойдаланмайди.
1. Сўралаётган Аҳдлашувчи Томон сўровнинг бажарилиши унинг суверенитетига, хавфсизлиги ва бошқа муҳим миллий манфаатларига зиён етказади ёки миллий қонунларини, шунингдек саноатга, тижоратга ёхуд ихтисосликка оид махфийликни бузишга олиб келади деб ҳисобласа, у кўмаклашишни рад этиши ёки бундай ёрдамнинг берилишини муайян шартлар ё талабларнинг бажарилишига боғлиқ қилиб қўйиши мумкин.
2. Кўмаклашиш тўғрисидаги сўров рад этиладиган бўлса, сўраётган Аҳдлашувчи Томон зудлик билан бундай қарор ва унинг сабаби тўғрисида ёзма равишда хабардор қилинади.
3. Сўралаётган Аҳдлашувчи Томон сўровни бажариш ўтказилаётган текширув, жазолаш ёки жараённи амалга оширишга халақит беради, деб ҳисоблаган ҳолларда ҳам уни рад этиши мумкин. Бундай ҳолларда сўралаётган Аҳдлашувчи Томон сўраётган Аҳдлашувчи Томон билан бундай кўмак муайян вақтда, ўзи қўядиган маълум шартлар бажарилганида берилиши мумкинлиги хусусида маслаҳатлашиб олади.
4. Агар сўраётган Аҳдлашувчи Томоннинг божхона органи ўзи ана шундай сўров олганида кўмаклашишга қодир бўлмаса, у ўз сўровида бу ҳолга эътиборини қаратиши керак. Бундай сўровномани қондириш масаласини сўралаётган Аҳдлашувчи Томон божхона органининг ўзи ҳал қилади.
1. Ушбу Битимга мувофиқ сўровномалар ёзма равишда жўнатилади ва асқотиши мумкин бўлган ҳар қандай ҳужжатлар унга илова қилинади. Шароит тақозо қилса, оғзаки сўровлар ҳам қабул этилади, бироқ у зудлик билан ёзма равишда тасдиқланиши керак.
(д) сўровномага дахлдор жисмоний ёки юридик шахслар тўғрисида иложи борича аниқ ва батафсил маълумот;
3. Ёзма равишдаги сўровномалар инглиз тилида бўлиши лозим. Лозим бўлса, сўровномага илова этилаётган ҳужжатлар ҳам инглизчага таржима қилинади.
1. Ушбу Битим доирасида кўмаклашиш тегишли божхона органлари ўртасида бевосита алоқа орқали олиб борилади.
2. Сўралаётган Аҳдлашувчи Томоннинг божхона органи сўровни бажаришга қодир ташкилот бўлмаса, тегишли маслахатлашувдан кейин у зудлик билан сўровномани ваколатига мувофиқ тегишли қонунларга биноан бажарадиган ташкилотга беради ёки сўраётган Аҳдлашувчи Томон божхона органини бундай сўровномани бажаришда амалга ошириш лозим бўлган тартиблардан хабардор қилади.
1. Сўралаётган божхона органи ўз миллий қонунларига биноан сўровномани вақтида бажариш учун оқилона тадбирларни амалга оширади.
2. Исталган Аҳдлашувчи Томоннинг божхона органи бошқа Аҳдлашувчи Томон божхона органининг сўровномасига биноан исталган зарур сўровларни ўтказади, жумладан, лозим ҳолларда экспертлар ва гувоҳлардан сўраш ёки божхона қонунларини бузишда гумон қилинаётган шахсларни сўроқ қилиш ҳам шунга киради.
1. Бир Аҳдлашувчи Томон божхона органи ўз ташаббуси ёки сўровномага биноан бошқа Аҳдлашувчи Томоннинг божхона органига бу Аҳдлашувчи Томон божхона қонунчилигини бузган ёки бузиши мумкин бўлган ҳолда амалга оширилган ёки режалаштирилаётган олди-сотдилар бўйича ҳисоботлар ва/ёки ҳужжатларнинг тасдиқланган нусхаларини беради.
2. Ушбу Битим доирасида тақдим этиладиган ҳужжатлар ўша мақсадлар учун исталган шаклдаги компьютер ахбороти билан алмаштирилиши мумкин. Бундай материалларни талқин қилиш ёки улардан фойдаланиш учун барча тегишли ахборотнинг ҳаммаси бир вақтда тақдим этилади.
3. Ҳужжатларнинг асл нусхаси фақат уларнинг нусхаси кифоя қилмайди, деб ҳисобланган чоғдагина сўраб олинади. Бошқа Аҳдлашувчи Томон божхона органидан сўраб олинган ҳужжатларнинг асл нусхаси тезда қайтарилади.
1. Бир Аҳдлашувчи Томон божхона органи сўровномага биноан ўз ходимларини уларнинг розилигига кўра, ўз миллий қонунларига мувофиқ бошқа Аҳдлашувчи Томон ҳудудида кўриб чиқилаётган божхона қонунбузарлигига оид жиноий ёки маъмурий тартибдаги ишларда гувоҳ ва/ёки эксперт сифатида қатнашиш учун вакил қилишлари мумкин.
2. Ушбу модданинг 1-бандига мувофиқ сўровда ходимнинг қайси иш бўйича ва ким сифатида қатнашиши кўрсатилади.
Олдинги таҳрирга қаранг.
1. Аҳдлашувчи Томонларнинг божхона органлари мазкур Битим қоидаларига мувофиқ куйидаги соҳаларда ҳамкорлик қиладилар:
2. Аҳдлашувчи Томонларнинг Божхона органлари божхона масалаларига доир ҳамкорликни қуйидаги соҳаларда тажриба алмашиш, илғор амалиётни ўрганиш, маслаҳатлашувлар ўтказиш ва янги икки томонлама битимлар тузиш орқали рағбатлантиради ва ривожлантиради:
а) олиб ўтилаётган товарларга доир маълумотларнинг тўғрилигини таъминлаш мақсадида янги техник воситалар ва замонавий ахборот технологияларидан фойдаланган ҳолда божхона тартиб-таомиллари ва божхона кўригида қўлланиладиган технологияларни такомиллаштириш;
с) божхона соҳасидаги ҳуқуқбузарликларнинг олдини олиш, шу жумладан контрабанда товарлари ва интеллектуал мулк ҳуқуқларини бузувчи товарлар савдосига қарши курашиш соҳасида ҳуқуқни муҳофаза қилиш бўйича ҳамкорликни амалга ошириш;
d) аҳдлашувчи Томонлар ўртасида божхона масалалари бўйича ҳамкорликни кенгайтириш йўллари ва имкониятларини ўрганиш;
е) товарларни чегарадан олиб ўтишни енгиллаштириш, соддалаштириш ва хавфсизликни таъминлаш ҳамда самарали божхона расмийлаштирувини таъминлаш мақсадида ҳамкорлик қилиш;
f) божхона сиёсати ва тартиб-таомиллари, ҳуқуқни муҳофаза қилиш функциялари, модернизация дастурлари ҳамда етказиб бериш тизими хавфсизлигини таъминлаш йўналишларида билим ва илғор тажриба алмашиш;
(12-бан Ўзбекистон Республикаси Ҳукумати билан Корея Республикаси Ҳукумати ўртасида 2023 йил 23 сентябрдаги Баённома таҳририда)
Бир Аҳдлашувчи Томоннинг божхона органи бошқа Аҳдлашувчи Томон божхона органининг сўровномасига биноан ўз ваколати доирасида ҳамда имконият мавжуд бўлса сўраётган Томон ҳудудида ҳуқуқбузарликни содир этишда фойдаланилаяпти деб гумон қилинаётган транспорт воситалари ва сўраётган Томонга юборилган ва у ноқонуний савдо предмети деб ҳисоблаётган товарлар ҳамда божхона қонунбузарлигини содир этган ёки шунда гумон қилинаётган конкрет шахслар устидан махсус кузатув ўрнатади.
1. Аҳдлашувчи Томонлар ушбу Битимни бажаришга боғлиқ равишда келиб чиққан харажатларни қоплашни талаб қилмайдилар, бундан давлат хизматчилари бўлмаган гувоҳларни жўнатиш, экспертлар ва таржимонларга ҳақ тўлаш харажатларини қоплаш мустасно.
2. Сўровномани бажариш катга харажат ва чиқимларни тақозо қилса, Аҳдлашувчи Томонлар бундай сўровномани бажариш шартларини ва харажатлар қандай қопланишини аниқлаш мақсадида маслаҳатлашиб оладилар.
1. Аҳдлашувчи Томонларнинг божхона органлари ушбу Битимни бажаришга кўмаклашиш мақсадида бошқа аҳдномалар ҳам тузишлари мумкин.
2. Аҳдлашувчи Томонларнинг божхона органлари ушбу Битимни талқин қилиш ёки қўллашда келиб чиқадиган ҳар қандай муаммони ўзаро келишиб ҳал этадилар.
1. Ушбу Битим Аҳдлашувчи Томонлар уни кучга киритиш учун лозим бўлган давлат ички процедураларини бажарганликлари тўғрисида дипломатик каналлар орқали олинган охирги хабарнома санасидан 30 кун ўтгач кучга киради.
2. Ушбу Битимнинг амал қилиш муддати чекланмайди. У бир Аҳдлашувчи Томон дипломатик каналлар орқали иккинчи Аҳдлашувчи Томонни ушбу Битим фаолиятини тутатиш тўғрисидаги ниятидан хабардор қилган ёзма билдиришномаси санасидан уч ой ўтгач ўз фаолиятини тугаллайди. Ушбу Битим фаолияти тўхтатилган вақтгача якунланмаган ишлар унинг қоидаларига кўра охирига етказилади.
УШБУНИ ШАҲОДАТЛАБ, қуйида имзо чекувчи ўз Ҳукуматлари тарафидан лозим тарзда ваколат берилганлар ушбу Битимни имзоладилар.