Ўзбекистон Республикаси Президентининг «Соғлиқни сақлаш тизимини ислоҳ қилишни янада чуқурлаштириш ва уни ривожлантириш Давлат дастурини амалга оширишнинг асосий йўналишлари тўғрисида» 2007 йил 19 сентябрдаги ПФ-3923-сон Фармонини бажариш юзасидан ҳамда республика ихтисослаштирилган илмий-амалий тиббиёт марказларининг фаолиятини ташкил этишни таъминлаш мақсадида Вазирлар Маҳкамаси қарор қилади:

1. Қуйидагилар:

Республика ихтисослаштирилган акушерлик ва гинекология илмий-амалий тиббиёт маркази тўғрисидаги Низом ҳамда унинг тузилмаси 1 ва 1а-иловаларга мувофиқ;

Республика ихтисослаштирилган педиатрия илмий-амалий тиббиёт маркази тўғрисидаги Низом ҳамда унинг тузилмаси 2 ва 2а-иловаларга мувофиқ;

Республика ихтисослаштирилган терапия ва тиббий реабилитация илмий-амалий тиббиёт маркази тўғрисидаги Низом ҳамда унинг тузилмаси 3 ва 3а-иловаларга мувофиқ;

Республика ихтисослаштирилган дерматология ва венерология илмий-амалий тиббиёт маркази тўғрисидаги Низом ҳамда унинг тузилмаси 4 ва 4а-иловаларга мувофиқ;

Республика ихтисослаштирилган фтизиатрия ва пульмонология илмий-амалий тиббиёт маркази тўғрисидаги Низом ҳамда унинг тузилмаси 5 ва 5а-иловаларга мувофиқ;

Республика ихтисослаштирилган эндокринология илмий-амалий тиббиёт маркази тўғрисидаги Низом ҳамда унинг тузилмаси 6 ва 6а-иловаларга мувофиқ тасдиқлансин.

2. Вазирлар Маҳкамасининг «Соғлиқни сақлаш тизимида экспериментни тугаллаш ва ислоҳотларни чуқурлаштириш чора-тадбирлари тўғрисида» 2004 йил 8 июндаги 264-сон қароридаги:

аҳолига пулли асосда диагностика ва даволаш сифати стандартларига риоя қилган ҳолда юқори малакали ихтисослаштирилган тиббий ёрдам кўрсатиш;

давлат бюджети маблағлари ҳисобига имтиёзга эга бўлган шахсларга ордерлар бериш, уларни даволашга ётқизиш ва даволаш ҳақини тўлаш тартиби;

шошилинч тиббий ёрдамга муҳтож бўлган беморларни даволашга ётқизиш;

марказлар даромадларини шакллантиришнинг асосий манбалари ва улар фаолиятини молиялаштириш тартиби юқорида кўрсатиб ўтилган республика ихтисослаштирилган илмий-амалий тиббиёт марказларига татбиқ этилсин.

3. Белгилаб қўйилсинки, республика ихтисослаштирилган илмий-амалий тиббиёт марказларининг давлат тасарруфидаги мол-мулки фақат Ўзбекистон Республикаси Давлат мулки қўмитаси билан келишган ҳолда гаров, айирбошлаш ёки олди-сотди предмети бўлиши мумкин.

4. Ўзбекистон Республикаси Соғлиқни сақлаш вазирлиги ва Молия вазирлиги томонидан: 2010 йилдан бошлаб — Республика акушерлик ва гинекология илмий-амалий марказининг ҳамда Республика терапия ва тиббий реабилитация илмий-амалий марказининг, 2014 йилдан бошлаб — Республика дерматология ва венерология илмий-амалий марказининг ҳамда Республика эндокринология илмий-амалий марказининг ўзини ўзи маблағ билан таъминлашга ва ўз харажатларини ўзи қоплашга ўтиши жадвали тасдиқланганлиги маълумот учун қабул қилинсин.

5. Ўзбекистон Республикаси Соғлиқни сақлаш вазирлиги:

Ўзбекистон Республикаси Молия вазирлиги билан келишган ҳолда ҳар йили республика ихтисослаштирилган илмий-амалий тиббиёт марказларини бюджетдан молиялаштириш ҳажмларини тасдиқласин;

икки ҳафта муддатда марказлар кенгашлари тўғрисидаги низомларни ва уларнинг шахсий таркибларини, янги шарт-шароитларда марказлар фаолиятини тартибга солувчи бошқа норматив ҳужжатларни тасдиқласин;

ҳар бир республика илмий-амалий тиббиёт маркази бўйича унинг соҳасидан келиб чиққан ҳолда пулли хизматлар кўрсатиш бўйича табақалаштирилган тариф сиёсатини, шунингдек бюджет маблағларидан белгиланган мақсадда ва самарали фойдаланилиши ҳамда бюджет интизомига риоя этилиши устидан қатъий назоратни назарда тутувчи чора-тадбирлар комплексини ишлаб чиқсин.

Амалга оширилаётган ишлар тўғрисида ҳар чоракда, ҳисобот чорагидан кейинги ойнинг 10-кунигача Вазирлар Маҳкамасига ахборот берилсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С.Қосимов зиммасига юклансин.

1. Ушбу Низом Республика ихтисослаштирилган акушерлик ва гинекология илмий-амалий тиббиёт маркази фаолиятини ташкил этиш ва молиялаштириш тартибини белгилайди.

Республика ихтисослаштирилган акушерлик ва гинекология илмий-амалий тиббиёт маркази (кейинги ўринларда Марказ деб аталади) Ўзбекистон Республикаси Президентининг «Соғлиқни сақлаш тизимини ислоҳ қилишни янада чуқурлаштириш ва уни ривожлантириш Давлат дастурини амалга оширишнинг асосий йўналишлари тўғрисида» 2007 йил 19 сентябрдаги ПФ-3923-сон Фармони асосида Ўзбекистон Республикаси Соғлиқни сақлаш вазирлигининг Акушерлик ва гинекология илмий-тадқиқот институти негизида акушерлик ва гинекология соҳасида даволаш-профилактика, илмий-тадқиқот ва методик фаолиятни амалга оширадиган ҳамда аҳолига юқори малакали ихтисослаштирилган тиббий ёрдам кўрсатадиган ихтисослаштирилган мустақил тиббиёт муассасаси сифатида ташкил этилади.

2. Марказ давлат муассасаси шаклида ташкил этилади, юридик шахс ҳисобланади, мустақил балансга, банкларда ҳисоб рақамларига, Марказнинг номи тўлиқ кўрсатилган муҳрга эга бўлади.

Марказ акушерлик ва гинекология соҳасида ихтисослашиш турлари бўйича тиббиёт кадрларини тайёрлаш, қайта тайёрлаш ва уларнинг малакасини ошириш бўйича клиник, ўқув базаси ҳисобланади.

3. Марказ ўз фаолиятида Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Соғлиқни сақлаш вазирлигининг буйруқлари ва фармойишларига, бошқа қонунчилик ҳужжатларига ҳамда ушбу Низомга амал қилади.

4. Марказ фаолиятнинг барча соҳаларидаги ўз муносабатларини Марказ олдидаги мақсад ва вазифаларга мувофиқ, қонунчиликда белгиланган тартибда юридик ва жисмоний шахслар билан тузилган шартномалар асосида амалга оширади.

5. Марказнинг тўлиқ номи:

давлат тилида — Республика ихтисослаштирилган акушерлик ва гинекология илмий-амалий тиббиёт маркази;

рус тилида — Республиканский специализированный научно-практический медицинский центр акушерства и гинекологии.

6. Марказ қуйидаги манзилда жойлашган: Тошкент шаҳри, Мирзо Улуғбек тумани, Ҳ.Абдуллаев кўчаси, 132 А - уй.

7. Марказ Ўзбекистон Республикаси Соғлиқни сақлаш вазирлигига бўйсунади.

8. Қуйидагилар Марказни ташкил этиш ва фаолиятининг мақсади ҳисобланади:

юқори сифатли ва халқаро стандартлар талаблари даражасида ихтисослаштирилган, тиббий ёрдам кўрсатишга даъват этилган юқори технологияли моддий ва илмий базани, шунингдек акушерлик ва гинекология мактабини шакллантириш;

аҳолининг акушерик ва гинекология соҳасидаги диагностика, даволаш ва профилактика бўйича ихтисослаштирилган, юқори технологияли тиббий ёрдамга бўлган талабини қондириш.

9. Марказнинг асосий вазифалари:

а) аҳолига:

Соғлиқни сақлаш вазирлиги томонидан тасдиқланадиган рўйхат бўйича патологияли ҳомиладор аёлларга, 15 ёшгача бўлган болаларга мавжуд ўринлар фонди ва поликлиника даволаш қувватининг 20 фоизигача миқдорда - бепул асосда;

Ўзбекистон Республикаси фуқароларига (ушбу кичик банднинг иккинчи хатбошида кўрсатилган шахслардан ташқари), шунингдек хорижий фуқароларга ва фуқаролиги бўлмаган шахсларга-пулли асосда акушерлик ва гинеколгия соҳасида юқори малакали, ихтисослаштирилган, юқори технологияли тиббий ёрдам кўрсатиш;

б) тиббиёт техникаси ва аппаратларининг мавжуд паркини доимий равишда янгилаб бориш ва модернизация қилишни таъминлаш, Марказни акушерлик ва гинекология соҳасида илғор жаҳон ютуқлари даражасида, ихтисослаштирилган, юқори малакали ёрдам кўрсатиш имконини берадиган замонавий тиббиёт асбоб-ускуналари билан жиҳозлаш;

в) Марказ фаолиятини таъминлаш учун молиявий ва моддий-техник ресурсларни жалб этиш бўйича менежмент ва маркетинг ишларини ташкил этиш;

г) Марказ тиббиёт ходимларининг, шу жумладан мутахассисларнинг етакчи хорижий тиббиёт таълим муассасаларида ва клиникаларида акушерлик ва гинекология соҳасида диагностика ва даволашнинг замонавий методлари бўйича стажировкасини ташкил этиш ҳисобига доимий равишда касбий даражасини ошириш ва такомиллаштириш;

д) ўзининг акушерлик ва гинекология соҳасида профилактика, диагностика ва даволаш бўйича илғор методларини ишлаб чиқиш ва тиббий амалиётга жорий этишга йўналтирилган илмий тадқиқотларни амалга ошириш;

е) акушерлик ва гинекология соҳасида ўзининг патент олган даволаш ва диагностика методлари ва технологияларини доимий равишда такомиллаштириш ва уларнинг халқаро миқёсда эътироф этилишига эришиш;

ж) оналик ва болаликни муҳофаза қилиш соҳасидаги республика мақсадли дастурларини ишлаб чиқиш ва амалга оширишда фаол қатнашиш;

з) акушерлик ва гинекология соҳасида етакчи хорижий тиббиёт муассасалари билан халқаро ҳамкорликни кенгайтириш ва мустаҳкамлаш, тўпланган тажрибалар, ахборотлар, шунингдек мутахассислар билан кенг алмашинишни таъминлаш.

10. Марказ ўзига юкланган вазифаларга мувофиқ:

республика аҳолисининг акушерлик ва гинекология соҳасида диагностика, даволаш ва профилактиканинг жаҳондаги илғор ютуқлари даражасида энг самарали, мураккаб ва юқори технологияли методларига бўлган эҳтиёжини таъминлайди;

акушерлик ва гинекология бўйича энг кенг тарқалган касалликлар турларини диагностика қилиш, даволаш ва профилактика қилишнинг илғор, самарали методлари ва технологияларини ишлаб чиқади ва жорий этади;

республика минтақаларида акушерлик комплекслари ва туғруқхона бўлимларига ташкилий-методик ва илмий-амалий ёрдам кўрсатади;

ўз йўналиши бўйича юқори малакали мутахассисларнинг ўз мактабини шакллантиради ва ривожлантиради;

зарурат бўлганда Шошилинч тиббий ёрдамга муҳтож бўлган беморларни шифохонага ётқизиш тўғрисидаги Низомга мувофиқ юқори малакали, ихтисослаштирилган тиббий ёрдам кўрсатиш;

Ўзбекистон Республикаси Соғлиқни сақлаш вазирлигига Марказнинг ихтисослашганлик йўналиши бўйича тиббиёт соҳасида илмий тадқиқотларни ривожлантиришнинг устувор йўналишларига доир таклифларни кўриб чиқиш учун киритади;

акушерлик ва гинекология соҳасидаги дори-дармонлар, тиббиёт воситалари, шунингдек диагностика ва даволаш методларининг клиник синовларини ўтказади;

хориждаги тиббиёт оламига ўзининг илмий ва технологик ютуқларини тақдим этади;

акушерлик ва гинекология бўйича ўзининг илмий, ўқув-методик ҳамда ахборот-маълумотнома материалларини тайёрлайди ва нашр қилади;

тиббиёт кадрларини, шу жумладан клиник ординатура, таянч докторантура ва докторантура орқали тайёрлаш, қайта тайёрлашни ва уларнинг малакасини оширишни амалга оширади.

11. Марказ белгиланган мақсадларга эришиш ва зиммасига юкланган вазифаларни бажариш учун қонунчиликда белгиланган тартибда қуйидаги ҳуқуқларга эга:

ўзининг балансига берилган давлат мулкидан фойдаланиш ва уни тасарруф этиш;

ривожланиш бизнес-режаларини, харажатлар сметасини тузиш, уларнинг ҳажмларини ва шакллантириш манбаларини, шунингдек сарфлаш йўналишларини белгилаш;

Марказ соҳаси бўйича пулли асосда аҳолига юқори малакали, ихтисослаштирилган тиббий ёрдам кўрсатиш;

асосий воситаларни ижарага олиш ёки ижарага бериш, грантларни ва бошқа молиявий ёрдамни жалб этиш;

бюджетдан ажратиладиган маблағлар ва пулли тиббий хизматлар кўрсатишдан тушган даромадлар доирасида Марказ ходимлари меҳнатига ҳақ тўлаш ҳамда уларни моддий рағбатлантириш миқдорларини мустақил равишда белгилаш;

акушерлик ва гинекология бўйича илмий тадқиқотлар ўтказишга давлат бюджетидан грантлар олиш учун танловларда қатнашиш;

ўз фаолиятини амалга ошириш жараёнида яратилган интеллектуал мулк объектларига муаллифлик ҳуқуқларини олиш ва улардан фойдаланиш;

Ўзбекистон Республикасининг қонунчилигига ва халқаро шартномаларига мувофиқ хорижий юридик шахслар билан илмий ҳамда илмий-техник ҳамкорликни ва ташқи иқтисодий фаолиятни амалга ошириш;

Ўзбекистон Республикаси Соғлиқни сақлаш вазирлиги билан келишган ҳолда республика минтақаларида филиаллар ташкил этиш;

қонунчиликка, Марказ фаолиятининг мақсадлари ва вазифаларига зид бўлмаган бошқа фаолият турларини амалга ошириш.

12. Марказ Ўзбекистон Республикаси Соғлиқни сақлаш вазирлиги билан келишган ҳолда кўрсатиладиган тиббий хизматлар, амалга ошириладиган ишларнинг барча турлари учун тарифлар ва баҳоларни мустақил равишда белгилашга ҳақлидир.

13. Марказ қуйидагиларга мажбур:

акушерлик ва гинекологик тиббий ёрдамга муҳтож бўлган беморларга замонавий, халқаро талаблардаги сифат ва стандартлар даражасида диагностика ва даволашни таъминлаш ва ривожлантириш;

аҳолига тасдиқланган тарифларга мувофиқ акушерлик ва гинекология бўйича юқори малакали ихтисослаштирилган тиббий ёрдам кўрсатиш;

етакчи хорижий клиникаларда Марказ ходимларини мунтазам равишда тор ихтисос бўйича қайта тайёрлаш ва уларнинг малакасини оширишни амалга ошириш;

Марказ ходимлари учун меҳнатни ташкил этиш ва унга ҳақ тўлашнинг қонунчиликда белгиланган шартларини кафолатлаш, техника хавфсизлигини, ижтимоий таъминотни ва аниқ манзилли ижтимоий ҳимоя қилишни таъминлаш;

ўз маблағлари ҳисобига Марказнинг моддий-техника базасини замонавий тиббиёт техникаси ва технологиялари билан мустаҳкамлаш ва ривожлантириш;

мол-мулкдан мақсадли фойдаланиш, унинг сақланишини таъминлаш;

қонунчиликка мувофиқ бухгалтерия ҳисобини ва статистик ҳисобни ҳамда ҳисоботларни юритиш.

14. Марказнинг мол-мулки асосий фондлар, шунингдек бошқа моддий бойликлар ва молиявий ресурслардан иборат бўлади.

15. Марказ эгаллаб турган ер участкасига доимий фойдаланиш ҳуқуқлари билан эгалик қилади, фаолият мақсадларига мувофиқ ўз мол-мулкига эгалик қилади, ундан фойдаланади ва уни тасарруф этади, шу билан бирга, бюджет маблағлари ва бюджетдан ташқари маблағлардан самарали фойдаланишни таъминлайди.

16. Марказ вақтинчалик фойдаланилмаётган хоналарини шартнома асосида ижарага бериш, ундан тушган маблағлардан Марказни ривожлантиришда фойдаланиш, шунингдек асбоб-ускуналар ва мол-мулкни қонунчиликда назарда тутилган тартибда ҳисобдан чиқариш ҳуқуқига эга.

17. Марказ таркибига бир сменада 240 нафар беморга хизмат кўрсатадиган консультация поликлиникаси ва 236 бемор ўрнига мўлжалланган стационар киради.

Марказ тузилмаси Ўзбекистон Республикаси Вазирлар Маҳкамаси томонидан тасдиқланади. Зарурат бўлганда Марказ директори тасдиқлаш учун Ўзбекистон Республикаси Соғлиқни сақлаш вазирлигига Марказ тузилмасига ўзгартириш ва қўшимчалар киритиш бўйича белгиланган тартибда таклифлар киритиш ҳуқуқига эга.

18. Марказ фаолиятига Ўзбекистон Республикаси Соғлиқни сақлаш вазири томонидан лавозимга тайинланадиган ва лавозимдан озод қилинадиган директор раҳбарлик қилади.

Марказ директори:

ўз фаолиятини Марказ номидан амалга оширади, Марказнинг молия-хўжалик фаолиятига раҳбарлик қилади, Марказ номидан шартномалар тузади, Марказ фаолияти билан боғлиқ бўлган бошқа масалаларни ҳал этади;

Марказ ва унинг филиаллари ходимлари ишини ўз ваколатлари доирасида ташкил этади ва бошқаради, Марказ ходимлари бажариши мажбурий бўлган буйруқлар чиқаради, Марказ ходимларини қонунчиликка мувофиқ ишга қабул қилади ва ишдан бўшатади;

Марказ фаолияти учун жавоб беради.

19. Директор ўринбосарлари, Марказ филиаллари раҳбарлари Марказ директорининг тақдимномаси бўйича Ўзбекистон Республикаси Соғлиқни сақлаш вазири томонидан лавозимга тайинланади ва эгаллаб турган лавозимидан озод этилади.

20. Марказ таркибида ривожланиш стратегиясини ишлаб чиқиш учун Марказ Кенгаши ташкил этилади.

Марказ Кенгаши директор, унинг ўринбосарлари, Марказнинг етакчи мутахассислари, шунингдек Ўзбекистон Республикаси Соғлиқни сақлаш вазирлигининг вакилидан иборат таркибда 7 кишидан иборат бўлади.

Марказ Кенгаши тўғрисидаги Низом Ўзбекистон Республикаси Соғлиқни сақлаш вазирлиги томонидан тасдиқланади.

Кенгаш мажлислари ҳар чоракда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

21. Қуйидагилар Кенгашнинг асосий вазифалари ҳисобланади:

ривожланиш стратегиясини ишлаб чиқиш, Марказ инвестиция ва илмий-техника сиёсатининг асосий йўналишларини белгилаш;

аҳолига пулли асосда кўрсатиладиган тиббий ёрдам турларига тарифларни белгиланган тартибда кўриб чиқиш;

Марказ ичидаги, шунингдек унинг филиалларидаги муносабатларни тартибга солувчи норматив ҳужжатлар лойиҳаларини ишлаб чиқиш;

Марказ фаолиятининг самарадорлигини оширишга қаратилган тавсияларни ишлаб чиқиш.

Марказ Кенгаши мажлисида коллегиал қабул қилинган қарорлар Марказ директорининг буйруғи билан расмийлаштирилади.

22. Марказда Марказнинг етакчи илмий ходимларидан иборат бўлган Илмий кенгаш ташкил этилади.

Марказнинг Илмий кенгаши тўғрисидаги Низом ва унинг шахсий таркиби Марказ директори томонидан тасдиқланади.

Илмий кенгаш мажлислари ҳар ойда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

Қуйидагилар Илмий кенгашнинг асосий вазифалари ҳисобланади:

тиббий ёрдам сифати ва самарадорлигини оширишга қаратилган илмий тавсияларни ишлаб чиқиш;

амалга оширилаётган илмий тадқиқотларнинг мақсадга мувофиқлиги ва ҳажмини аниқлаш;

илмий-тадқиқот ишлари режалаштирилиши ва бажарилишини ташкил этишга раҳбарлик қилиш.

23. Марказнинг ташкилий тузилмасига Ўзбекистон Республикаси ҳудудида ва унинг ташқарисида ташкил этиладиган филиаллар белгиланган тартибда кириши мумкин.

Филиаллар улар тўғрисидаги низомларга мувофиқ фаолият кўрсатади. Филиаллар тўғрисидаги низомлар қонунчиликда белгиланган тартибда тасдиқланади.

24. Аҳолига ихтисослаштирилган тиббий ёрдам кўрсатиш бўйича Марказ фаолиятини назорат қилишни Ўзбекистон Республикаси Соғлиқни сақлаш вазирлиги амалга оширади.

25. Марказ ва унинг филиаллари фаолиятини молиялаштириш аралаш шаклда, шу жумладан:

Марказнинг ўз даромадлари;

Давлат бюджети маблағлари;

грантлар ва ҳомийлик ёрдами;

қонунчиликка зид бўлмаган тартибда жалб этилган бошқа маблағлар ҳисобига амалга оширилади.

26. Марказнинг ўз даромадлари:

аҳолига пулли асосда тиббий хизматлар кўрсатишдан;

Марказнинг илмий ва ўқув базасида бошқа тиббиёт муассасаларининг йўналишли мутахассисларини тайёрлашдан;

илмий-тадқиқот ишлари олиб боришдан;

қонунчиликда тақиқланмаган бошқа манбалардан шаклланади.

27. Давлат бюджети маблағлари қуйидаги мақсадлар учун:

патологияли ҳомиладор аёлларга, 15 ёшгача бўлган болаларга мавжуд ўрин фонди ва поликлиника қабул қилиш қувватининг 20 фоизигача, шунингдек шошилинч тиббий ёрдамга муҳтож бўлган беморларга 10 фоизигача ҳажмда бепул асосда юқори малакали ихтисослаштирилган тиббий ёрдам кўрсатиш бўйича Марказ харажатларини қоплаш учун;

Ўзбекистон Республикаси Соғлиқни сақлашни ривожлантириш давлат дастури ва ҳар йилги инвестиция дастурлари доирасида Марказни замонавий тиббиёт ускуналари ва техникаси билан жиҳозлаш учун;

Марказни мукаммал реконструкция қилиш ва таъмирлаш учун;

илмий-тадқиқот фаолиятига грантлар шаклида ажратилади.

Бюджет маблағлари Марказга Ўзбекистон Республикаси Соғлиқни сақлаш вазирлиги орқали алоҳида сатрда, аҳолининг имтиёзли тоифаларига бепул асосда тиббий ёрдам кўрсатиш, Марказни ускуналар ва техника билан жиҳозлаш бўйича харажатлар тўловига, шунингдек бюджет маблағлари ҳисобига мукаммал таъмирлашга эса - Ғазначилик орқали ажратилади.

Ўзбекистон Республикаси Молия вазирлиги томонидан Марказнинг молиявий фаолияти мустаҳкамланишига ва унинг ўзини ўзи молиялаштириш ва ўз харажатларини қоплашга ўтишига қараб Давлат бюджети маблағларидан молиялаштириш ҳажми босқичма-босқич камайтирилиши мумкин.

28. Марказ ходимлари сони ва ходимларининг иш ҳақи миқдори Марказ директори томонидан мустақил равишда белгиланади, тиббиёт ходимларини моддий рағбатлантириш эса бажариладиган ишнинг мураккаблик даражаси, сифати ва ҳажмига қараб, белгиланган тартибда белгиланади.

29. Марказ ажратилган бюджет маблағлари ва ўз даромадлари доирасида мустақил равишда:

Марказ даромадлари ва харажатлари сметасини ишлаб чиқади ҳамда уни тасдиқлаш учун Ўзбекистон Республикаси Соғлиқни сақлаш вазирлигига тақдим этади;

Марказ ходимлари меҳнатига ҳақ тўлаш ва уларни моддий рағбатлантириш тўғрисидаги низомни ишлаб чиқади ва тасдиқлайди;

штат жадвалини тасдиқлайди ҳамда базавий маошлардан келиб чиқиб Такомиллаштирилган тариф сеткаси бўйича тиббиёт ва фармацевтика ходимларига, бошқа ходимлар меҳнатига ҳақ тўлаш бўйича эса Ягона тариф сеткаси бўйича лавозим маошларини, шунингдек энг кўп миқдори чекланмайдиган устамаларни белгилайди.

30. Марказ хўжалик фаолиятидан олинадиган даромадларни мустақил равишда тасарруф этади. Марказнинг молия-хўжалик фаолияти натижасида олинган фойдаси тегишли солиқлар ва бюджетга бошқа мажбурий тўловлар тўлангандан кейин Марказнинг тасарруфида қолади ва белгиланган тартибда:

Марказнинг моддий-техника базасини янгилаш, модернизация қилиш ва кенгайтириш, замонавий тиббиёт техникаси, жиҳозлар, асбоб-ускуналар сотиб олиш;

Марказ ходимларини моддий рағбатлантириш;

айланма фондларни тўлдириш;

Марказ мутахассисларини тайёрлаш, қайта тайёрлаш ва уларнинг малакасини ошириш;

маҳсулотлар ва хизматларни реклама қилиш;

Марказ фаолиятини таъминлаш билан боғлиқ бошқа мақсадлар учун фойдаланилади.

31. Марказ қонунчиликда белгиланган тартибда бухгалтерия ҳисоби ва ҳисоботини юритади, уни Ўзбекистон Республикаси Соғлиқни сақлаш вазирлигига ва Давлат статистика қўмитасига тақдим этади, ҳужжатларнинг сақланиши ва уларнинг келишилган рўйхатга мувофиқ давлат томонидан сақлашга берилиши учун жавоб беради.

32. Марказнинг молия-хўжалик фаолиятини назорат қилиш ва текшириш соғлиқни сақлаш, солиқ ва молия органлари, бошқа давлат органлари томонидан уларнинг ваколатлари доирасида, шунингдек қонунчиликда назарда тутилган тартибда аудиторлик ташкилотлари билан тузилган шартномалар асосида аудиторлик ташкилотлари томонидан амалга оширилади.

33. Марказни қайта ташкил этиш ва тугатиш қонунчиликда белгиланган тартибда амалга оширилади.

1. Ушбу Низом Республика ихтисослаштирилган педиатрия илмий-амалий тиббиёт маркази фаолиятини ташкил этиш ва молиялаштириш тартибини белгилайди.

Республика ихтисослаштирилган педиатрия илмий-амалий тиббиёт маркази (кейинги ўринларда Марказ деб аталади) Ўзбекистон Республикаси Президентининг «Соғлиқни сақлаш тизимини ислоҳ қилишни янада чуқурлаштириш ва уни ривожлантириш Давлат дастурини амалга оширишнинг асосий йўналишлари тўғрисида» 2007 йил 19 сентябрдаги ПФ-3923-сон Фармони асосида Ўзбекистон Республикаси Соғлиқни сақлаш вазирлигининг Педиатрия илмий-тадқиқот институти негизида педиатрия соҳасида даволаш-профилактика, илмий-тадқиқот ва методик фаолиятни амалга оширадиган ҳамда аҳолига юқори малакали ихтисослаштирилган тиббий ёрдам кўрсатадиган ихтисослаштирилган мустақил тиббиёт муассасаси сифатида ташкил этилган.

2. Марказ давлат муассасаси шаклида ташкил этилади, юридик шахс ҳисобланади, мустақил балансга, банкларда ҳисоб рақамларига, Марказнинг номи тўлиқ кўрсатилган муҳрга эга бўлади.

Марказ педиатрия соҳасида ихтисослашиш турлари бўйича тиббиёт кадрларини тайёрлаш, қайта тайёрлаш ва уларнинг малакасини ошириш бўйича клиник ўқув базаси ҳисобланади.

3. Марказ ўз фаолиятида Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Соғлиқни сақлаш вазирлигининг буйруқлари ва фармойишларига, бошқа қонунчилик ҳужжатларига ҳамда ушбу Низомга амал қилади.

4. Марказ фаолиятнинг барча соҳаларидаги ўз муносабатларини қонунчилик доирасида, шунингдек Марказнинг мақсади ва фаолияти предметига мувофиқ юридик ва жисмоний шахслар билан белгиланган тартибда тузилган шартномалар асосида амалга оширади.

5. Марказнинг тўлиқ номи:

давлат тилида — Республика ихтисослаштирилган педиатрия илмий-амалий тиббиёт маркази;

рус тилида — Республиканский специализированный научно-практический медицинский центр педиатрии.

6. Марказ қуйидаги манзилда жойлашган: Тошкент шаҳри, Собир Раҳимов тумани, Чимбой кўчаси, Талант тор кўчаси, 3-уй.

7. Марказ Ўзбекистон Республикаси Соғлиқни сақлаш вазирлигига бўйсунади.

8. Қуйидагилар Марказни ташкил этиш ва фаолиятининг мақсади ҳисобланади:

юқори сифатли ва халқаро стандартлар талаблари даражасида ихтисослаштирилган тиббий ёрдам кўрсатишга даъват этилган юқори технологияли моддий ва илмий базани, шунингдек педиатрия мактабини шакллантириш;

аҳолининг педиатрияда диагностика, даволаш, профилактика ва реабилитация қилиш бўйича ихтисослаштирилган, юқори технологияли тиббий ёрдамга бўлган талабини қондириш.

9. Марказнинг асосий вазифалари:

а) қуйидагиларга:

15 ёшгача бўлган болаларга - бепул асосда;

Ўзбекистон Республикаси фуқароларига (ушбу кичик банднинг иккинчи хатбошида кўрсатилган шахслардан ташқари), шунингдек хорижий фуқароларга ва фуқаролиги бўлмаган шахсларга-пулли асосда педиатрия соҳасида юқори малакали ихтисослаштирилган, юқори технологияли тиббий ёрдам кўрсатиш;

б) тиббиёт техникаси ва аппаратларининг мавжуд паркини доимий равишда янгилаб бориш ва модернизация қилишни таъминлаш, Марказни педиатрия соҳасида илғор жаҳон ютуқлари даражасида, ихтисослаштирилган, юқори малакали ёрдам кўрсатиш имконини берадиган замонавий тиббиёт асбоб-ускуналари билан жиҳозлаш;

в) Марказ фаолиятини таъминлаш учун молиявий ва моддий-техник ресурсларни жалб этиш бўйича менежмент ва маркетинг ишларини ташкил этиш;

г) Марказ тиббиёт ходимларининг, шу жумладан мутахассисларнинг етакчи хорижий тиббиёт таълим муассасаларида ва клиникаларида педиатрия соҳасида диагностика ва даволашнинг замонавий методлари бўйича стажировкасини ташкил этиш ҳисобига доимий равишда касбий даражасини ошириш ва такомиллаштириш;

д) ўзининг педиатрияда профилактика, диагностика ва даволаш бўйича илғор методларини ишлаб чиқиш ва тиббий амалиётга жорий этишга йўналтирилган илмий тадқиқотларни амалга ошириш;

е) педиатрияда ўзининг патент олган даволаш ва диагностика методлари ва технологияларини доимий равишда такомиллаштириш ва уларнинг халқаро миқёсда эътироф этилишига эришиш;

ж) оналик ва болаликни муҳофаза қилиш соҳасидаги республика мақсадли дастурларини ишлаб чиқиш ва амалга оширишда фаол қатнашиш;

з) педиатрия соҳасида етакчи хорижий тиббиёт муассасалари билан халқаро ҳамкорликни кенгайтириш ва мустаҳкамлаш, тўпланган тажрибалар, ахборотлар, шунингдек мутахассислар билан кенг алмашинишни таъминлаш.

10. Марказ ўзига юкланган вазифаларга мувофиқ:

республика аҳолисининг педиатрияда диагностика, даволаш ва профилактиканинг жаҳондаги илғор ютуқлари даражасида энг самарали, мураккаб ва юқори технологияли методларига бўлган эҳтиёжини таъминлайди;

болалар касалликларининг энг кенг тарқалган турларини диагностика қилиш, даволаш ва профилактика қилишнинг илғор самарали методлари ва технологияларини ишлаб чиқади ва жорий этади;

республика минтақаларида вилоятларнинг болалар кўп тармоқли тиббиёт марказларига ташкилий-методик ва илмий-амалий ёрдам кўрсатади;

ўз йўналиши бўйича юқори малакали мутахассисларнинг ўз мактабини шакллантиради ва ривожлантиради;

Ўзбекистон Республикаси Соғлиқни сақлаш вазирлигига Марказнинг ихтисослашганлик йўналиши бўйича тиббиёт соҳасида илмий тадқиқотларни ривожлантиришнинг устувор йўналишларига доир таклифларни кўриб чиқиш учун киритади;

педиатрияда дори-дармонлар, тиббиёт воситалари, шунингдек диагностика ва даволаш методларининг клиник синовларини ўтказади;

хориждаги тиббиёт оламига ўзининг илмий ва технологик ютуқларини тақдим этади;

педиатрия бўйича ўзининг илмий, ўқув-методик ҳамда ахборот-маълумотнома материалларини тайёрлайди ва нашр қилади;

тиббиёт кадрларини, шу жумладан клиник ординатура, таянч докторантура ва докторантура орқали тайёрлаш, қайта тайёрлашни ва уларнинг малакасини оширишни амалга оширади.

11. Марказ белгиланган мақсадларга эришиш ва зиммасига юкланган вазифаларни бажариш учун қонунчиликда белгиланган тартибда қуйидаги ҳуқуқларга эга:

ўзининг балансига берилган давлат мулкидан фойдаланиш ва уни тасарруф этиш;

ривожланиш бизнес-режаларини, ўз бюджетини тузиш, уларнинг ҳажмларини, шакллантириш манбаларини, шунингдек сарфлаш йўналишларини белгилаш;

асосий воситаларни ижарага олиш ёки ижарага бериш, грантларни ва бошқа молиявий ёрдамни жалб этиш;

бюджетдан ажратиладиган маблағлар ва пулли тиббий хизматлар кўрсатишдан тушган даромадлар доирасида Марказ ходимлари меҳнатига ҳақ тўлаш ҳамда уларни моддий рағбатлантириш миқдорларини мустақил равишда белгилаш;

педиатрия бўйича илмий тадқиқотлар ўтказишга давлат бюджетидан грантлар олиш учун танловларда қатнашиш;

ўз фаолиятини амалга ошириш жараёнида яратилган интеллектуал мулк объектларига муаллифлик ҳуқуқларини олиш ва улардан фойдаланиш;

Ўзбекистон Республикасининг қонунчилигига ва халқаро шартномаларига мувофиқ хорижий юридик шахслар билан илмий ҳамда илмий-техник ҳамкорликни ва ташқи иқтисодий фаолиятни амалга ошириш;

Ўзбекистон Республикаси Соғлиқни сақлаш вазирлиги билан келишган ҳолда республика ҳудудларида филиаллар ташкил этиш;

қонунчиликка, Марказ фаолиятининг мақсадлари ва вазифаларига зид бўлмаган бошқа фаолият турларини амалга ошириш.

12. Марказ Ўзбекистон Республикаси Соғлиқни сақлаш вазирлиги билан келишган ҳолда, кўрсатиладиган тиббий хизматлар, амалга ошириладиган ишларнинг барча турлари учун тарифлар ва баҳоларни мустақил равишда белгилашга ҳақлидир.

13. Марказ қуйидагиларга мажбур:

ихтисослаштирилган педиатрия тиббий ёрдамига муҳтож бўлган беморларга замонавий халқаро талаблардаги сифат ва стандартлар даражасида диагностика ва даволашни таъминлаш ва ривожлантириш;

15 ёшгача бўлган болаларга бепул асосда юқори малакали, ихтисослаштирилган тиббий ёрдам кўрсатиш;

етакчи хорижий клиникаларда Марказ ходимларини мунтазам равишда тор ихтисос бўйича қайта тайёрлаш ва уларнинг малакасини оширишни амалга ошириш;

Марказ ходимлари учун меҳнатни ташкил этиш ва унга ҳақ тўлашнинг қонунчиликда белгиланган шартларини кафолатлаш, техника хавфсизлигини, ижтимоий таъминотни ва аниқ манзилли ижтимоий ҳимоя қилишни таъминлаш;

ўз маблағлари ҳисобига Марказнинг моддий-техника базасини замонавий тиббиёт техникаси ва технологиялари билан мустаҳкамлаш ва ривожлантириш;

мол-мулкдан мақсадли фойдаланиш, унинг сақланишини таъминлаш;

қонунчиликка мувофиқ бухгалтерия ҳисобини ва статистик ҳисобни ҳамда ҳисоботларни юритиш.

14. Марказнинг мол-мулки асосий фондлар, шунингдек бошқа моддий бойликлар ва молиявий ресурслардан иборат бўлади.

15. Марказ эгаллаб турган ер участкасига доимий фойдаланиш ҳуқуқлари билан эгалик қилади, фаолият мақсадларига мувофиқ ўз мол-мулкига эгалик қилади, ундан фойдаланади ва уни тасарруф этади, шу билан бирга, бюджет маблағлари ва бюджетдан ташқари маблағлардан самарали фойдаланишни таъминлайди.

16. Марказ вақтинчалик фойдаланилмаётган хоналарини шартнома асосида ижарага бериш, ундан тушган маблағлардан Марказни ривожлантиришда фойдаланиш, шунингдек асбоб-ускуналар ва мол-мулкни қонунчиликда назарда тутилган тартибда ҳисобдан чиқариш ҳуқуқига эга.

17. Марказ таркибига бир сменада 200 нафар беморга хизмат кўрсатадиган консультация поликлиникаси ва 275 бемор ўрнига мўлжалланган стационар киради.

Марказ тузилмаси Ўзбекистон Республикаси Вазирлар Маҳкамаси томонидан тасдиқланади. Зарурат бўлганда Марказ директори тасдиқлаш учун Ўзбекистон Республикаси Соғлиқни сақлаш вазирлигига Марказ тузилмасига ўзгартириш ва қўшимчалар киритиш бўйича белгиланган тартибда таклифлар киритиш ҳуқуқига эга.

18. Марказ фаолиятига Ўзбекистон Республикаси Соғлиқни сақлаш вазири томонидан лавозимга тайинланадиган ва лавозимдан озод қилинадиган директор раҳбарлик қилади.

Марказ директори:

ўз фаолиятини Марказ номидан амалга оширади, Марказнинг молия-хўжалик фаолиятига раҳбарлик қилади, Марказ номидан шартномалар тузади, Марказ фаолияти билан боғлиқ бўлган бошқа масалаларни ҳал этади;

Марказ ва унинг филиаллари ходимлари ишини ўз ваколатлари доирасида ташкил этади ва бошқаради, Марказ ходимлари бажариши мажбурий бўлган буйруқлар чиқаради, Марказ ходимларини қонунчиликка мувофиқ ишга қабул қилади ва ишдан бўшатади;

Марказ фаолияти учун жавоб беради.

19. Директор ўринбосарлари, Марказ филиаллари раҳбарлари Марказ директорининг тақдимномаси бўйича Ўзбекистон Республикаси Соғлиқни сақлаш вазири томонидан лавозимга тайинланади ва эгаллаб турган лавозимидан озод этилади.

20. Марказ таркибида ривожланиш стратегиясини ишлаб чиқиш учун Марказ Кенгаши ташкил этилади.

Марказ Кенгаши директор, унинг ўринбосарлари, Марказнинг етакчи мутахассислари, шунингдек Ўзбекистон Республикаси Соғлиқни сақлаш вазирлигининг вакилидан иборат таркибда 7 кишидан иборат бўлади.

Марказ Кенгаши тўғрисидаги Низом Ўзбекистон Республикаси Соғлиқни сақлаш вазирлиги томонидан тасдиқланади.

Кенгаш мажлислари ҳар чоракда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

21. Қуйидагилар Кенгашнинг асосий вазифалари ҳисобланади:

ривожланиш стратегиясини ишлаб чиқиш, Марказ инвестиция ва илмий-техника сиёсатининг асосий йўналишларини белгилаш;

йиллик режалар ва молиявий ҳисоботларни кўриб чиқиш;

аҳолига пулли асосда кўрсатиладиган тиббий ёрдам турларига тарифларни белгиланган тартибда кўриб чиқиш;

Марказ ичидаги, шунингдек унинг филиалларидаги муносабатларни тартибга солувчи норматив ҳужжатлар лойиҳаларини ишлаб чиқиш;

Марказ фаолиятининг самарадорлигини оширишга қаратилган тавсияларни ишлаб чиқиш.

Марказ Кенгаши мажлисида коллегиал қабул қилинган қарорлар Марказ директорининг буйруғи билан расмийлаштирилади.

22. Марказда Марказнинг етакчи илмий ходимларидан иборат бўлган Илмий кенгаш ташкил этилади.

Марказнинг Илмий кенгаши тўғрисидаги Низом ва унинг шахсий таркиби Марказ директори томонидан тасдиқланади.

Илмий кенгаш мажлислари ҳар ойда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

Қуйидагилар Илмий кенгашнинг асосий вазифалари ҳисобланади:

тиббий ёрдам сифати ва самарадорлигини оширишга қаратилган илмий тавсияларни ишлаб чиқиш;

амалга оширилаётган илмий тадқиқотларнинг мақсадга мувофиқлиги ва ҳажмини аниқлаш;

илмий-тадқиқот ишлари режалаштирилиши ва бажарилишини ташкил этишга раҳбарлик қилиш.

23. Марказнинг ташкилий тузилмасига Ўзбекистон Республикаси ҳудудида ва унинг ташқарисида ташкил этиладиган филиаллар белгиланган тартибда кириши мумкин.

Филиаллар улар тўғрисидаги низомларга мувофиқ фаолият кўрсатади. Филиаллар тўғрисидаги низомлар қонунчиликда белгиланган тартибда тасдиқланади.

24. Аҳолига ихтисослаштирилган тиббий ёрдам кўрсатиш бўйича Марказ фаолиятини назорат қилишни Ўзбекистон Республикаси Соғлиқни сақлаш вазирлиги амалга оширади.

25. Марказ ва унинг филиаллари фаолиятини молиялаштириш аралаш шаклда, шу жумладан:

Марказнинг ўз даромадлари;

Давлат бюджети маблағлари;

грантлар ва ҳомийлик ёрдами;

қонунчиликка зид бўлмаган тартибда жалб этилган бошқа маблағлар ҳисобига амалга оширилади.

26. Марказнинг ўз даромадлари:

аҳолига пулли асосда тиббий хизматлар кўрсатишдан;

Марказнинг илмий ва ўқув базасида бошқа тиббиёт муассасаларининг йўналишли мутахассисларини тайёрлашдан;

илмий-тадқиқот ишлари олиб боришдан;

қонунчиликда тақиқланмаган бошқа манбалардан шаклланади.

27. Давлат бюджети маблағлари қуйидаги мақсадлар учун:

15 ёшгача бўлган болаларга мавжуд ўрин фонди ва поликлиника қабул қилиш қувватига қараб бепул асосда юқори малакали ихтисослаштирилган тиббий ёрдам кўрсатиш бўйича Марказ харажатларини қоплаш учун;

Ўзбекистон Республикаси Соғлиқни сақлашни ривожлантириш давлат дастури ва йиллик инвестиция дастурлари доирасида Марказни замонавий тиббиёт ускуналари ва техника билан жиҳозлаш учун;

Марказни мукаммал реконструкция қилиш ва таъмирлаш учун;

илмий-тадқиқот фаолиятига грантлар шаклида ажратилади.

Бюджет маблағлари Марказга Ўзбекистон Республикаси Соғлиқни сақлаш вазирлиги орқали алоҳида сатрда, аҳолининг имтиёзли тоифаларига бепул асосда тиббий ёрдам кўрсатиш, Марказни ускуналар ва техника билан жиҳозлаш бўйича харажатлар тўловига, шунингдек бюджет маблағлари ҳисобига мукаммал таъмирлашга эса - Ғазначилик орқали ажратилади.

28. Марказ ходимлари сони ва ходимларининг иш ҳақи миқдори Марказ директори томонидан мустақил равишда белгиланади, ходимларни моддий рағбатлантириш эса бажариладиган ишнинг мураккаблиги даражаси, сифати ва ҳажмига қараб белгиланган тартибда белгиланади.

29. Марказ ажратилган бюджет маблағлари ва ўз даромадлари доирасида мустақил равишда:

Марказ даромадлари ва харажатлари сметасини ишлаб чиқади ҳамда уни тасдиқлаш учун Ўзбекистон Республикаси Соғлиқни сақлаш вазирлигига тақдим этади;

Марказ ходимлари меҳнатига ҳақ тўлаш ва уларни моддий рағбатлантириш тўғрисидаги низомни ишлаб чиқади ва тасдиқлайди;

штат жадвалини тасдиқлайди ҳамда базавий маошлардан келиб чиқиб Такомиллаштирилган тариф сеткаси бўйича тиббиёт ва фармацевтика ходимларига, бошқа ходимлар меҳнатига ҳақ тўлаш бўйича эса Ягона тариф сеткаси бўйича, лавозим маошларини, шунингдек энг кўп миқдори чекланмайдиган устамаларни белгилайди.

30. Марказ хўжалик фаолиятидан олинадиган даромадларни мустақил равишда тасарруф қилади. Марказнинг молия-хўжалик фаолияти натижасида олинган фойдаси тегишли солиқлар ва бюджетга бошқа мажбурий тўловлар тўлангандан кейин Марказнинг тасарруфида қолади ва белгиланган тартибда:

Марказнинг моддий-техника базасини янгилаш, модернизация қилиш ва кенгайтириш, замонавий тиббиёт техникаси, жиҳозлар, асбоб-ускуналар сотиб олиш;

Марказ ходимларини моддий рағбатлантириш;

айланма фондларни тўлдириш;

Марказ мутахассисларини тайёрлаш, қайта тайёрлаш ва уларнинг малакасини ошириш;

маҳсулотлар ва хизматларни реклама қилиш;

Марказ фаолиятини таъминлаш билан боғлиқ бошқа мақсадлар учун фойдаланилади.

31. Марказ қонунчиликда белгиланган тартибда бухгалтерия ҳисоби ва ҳисоботини юритади, уни Ўзбекистон Республикаси Соғлиқни сақлаш вазирлигига ва Давлат статистика қўмитасига тақдим этади, ҳужжатларнинг сақланиши ва уларнинг келишилган рўйхатга мувофиқ давлат томонидан сақлашга берилиши учун жавоб беради.

32. Марказнинг молия-хўжалик фаолиятини назорат қилиш ва текшириш соғлиқни сақлаш, солиқ ва молия органлари, бошқа давлат органлари томонидан уларнинг ваколатлари доирасида, шунингдек қонунчиликда назарда тутилган тартибда аудиторлик ташкилотлари билан тузилган шартномалар асосида аудиторлик ташкилотлари томонидан амалга оширилади.

33. Марказни қайта ташкил этиш ва тугатиш қонунчиликда белгиланган тартибда амалга оширилади.

1. Ушбу Низом Республика ихтисослаштирилган терапия ва тиббий реабилитация илмий-амалий тиббиёт маркази фаолиятини ташкил этиш ва молиялаштириш тартибини белгилайди.

Республика ихтисослаштирилган терапия ва тиббий реабилитация илмий-амалий тиббиёт маркази (кейинги ўринларда Марказ деб аталади) Ўзбекистон Республикаси Президентининг «Соғлиқни сақлаш тизимини ислоҳ қилишни янада чуқурлаштириш ва уни ривожлантириш Давлат дастурини амалга оширишнинг асосий йўналишлари тўғрисида» 2007 йил 19 сентябрдаги ПФ-3923-сон Фармони асосида Ўзбекистон Республикаси Соғлиқни сақлаш вазирлигининг Терапия ва тиббий реабилитация илмий-тадқиқот институти ҳамда Гастроэнтерология илмий маркази негизида терапия ва тиббий реабилитация соҳасида даволаш-профилактика, илмий-тадқиқот ва методик фаолиятни амалга оширадиган ҳамда аҳолига юқори малакали ихтисослаштирилган тиббий ёрдам кўрсатадиган ихтисослаштирилган мустақил тиббиёт муассасаси сифатида ташкил этилган.

2. Марказ давлат муассасаси шаклида ташкил этилади, юридик шахс ҳисобланади, мустақил балансга, банкларда ҳисоб рақамларига, Марказнинг номи тўлиқ кўрсатилган муҳрга эга бўлади.

Марказ терапия ва тиббий реабилитация соҳасида ихтисослашиш турлари бўйича тиббиёт кадрларини тайёрлаш, қайта тайёрлаш ва уларнинг малакасини ошириш бўйича клиник ўқув базаси ҳисобланади.

3. Марказ ўз фаолиятида Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Соғлиқни сақлаш вазирлигининг буйруқлари ва фармойишларига, бошқа қонун ҳужжатларига ҳамда ушбу Низомга амал қилади.

4. Марказ фаолиятнинг барча соҳаларидаги ўз муносабатларини қонун ҳужжатлари доирасида, шунингдек Марказнинг мақсади ва фаолияти предметига мувофиқ юридик ва жисмоний шахслар билан белгиланган тартибда тузилган шартномалар асосида амалга оширади.

5. Марказнинг тўлиқ номи:

давлат тилида — Республика ихтисослаштирилган терапия ва тиббий реабилитация илмий-амалий тиббиёт маркази;

рус тилида — Республиканский специализированный научно-практический медицинский центр терапии и медицинской реабилитации.

6. Марказ қуйидаги манзилда жойлашган: Тошкент шаҳри, Юнусобод тумани, Хуршид кўчаси, 4-уй.

7. Марказ Ўзбекистон Республикаси Соғлиқни сақлаш вазирлигига бўйсунади.

8. Қуйидагилар Марказни ташкил этиш ва фаолиятининг мақсади ҳисобланади:

юқори сифатли ва халқаро стандартлар талаблари даражасида ихтисослаштирилган тиббий ёрдам кўрсатишга даъват этилган юқори технологияли, моддий ва илмий базани, шунингдек терапия ва тиббий реабилитация мактабини шакллантириш;

аҳолининг ички касалликлар (терапия) ва тиббий реабилитация соҳасидаги диагностика, даволаш ва профилактика бўйича ихтисослаштирилган, юқори технологияли тиббий ёрдамга бўлган талабини қондириш.

9. Марказнинг асосий вазифалари:

а) қуйидагиларга:

давлат томонидан қўллаб-қувватлашга муҳтож бўлган, ушбу Низомга иловага мувофиқ имтиёзли тоифали шахсларга мавжуд ўринлар фонди ва поликлиника даволаш қувватининг катта ёшдагилар бўлимлари бўйича — 20 фоизигача, 15 ёшгача бўлган болалар бўлимлари бўйича - 100 фоизигача миқдорда бепул асосда;

Ўзбекистон Республикаси фуқароларига (ушбу кичик банднинг иккинчи хатбошида кўрсатилган шахслардан ташқари), шунингдек хорижий фуқароларга ва фуқаролиги бўлмаган шахсларга—пулли асосда терапия ва тиббий реабилитация соҳасида юқори малакали, ихтисослаштирилган, юқори технологияли тиббий ёрдам кўрсатиш;

б) тиббиёт техникаси ва аппаратларининг мавжуд паркини доимий равишда янгилаб бориш ва модернизация қилишни таъминлаш, Марказни терапия ва тиббий реабилитация соҳасида илғор жаҳон ютуқлари даражасида, ички органлар касалланганда ихтисослаштирилган, юқори малакали ёрдам кўрсатиш ва реабилитация қилиш имконини берадиган замонавий тиббиёт асбоб-ускуналари билан жиҳозлаш;

в) Марказ фаолиятини таъминлаш учун молиявий ва моддий-техник ресурсларни жалб этиш бўйича менежмент ва маркетинг ишларини ташкил этиш;

г) Марказ тиббиёт ходимларининг, шу жумладан мутахассисларнинг етакчи хорижий тиббиёт таълим муассасаларида ва клиникаларида ички органлар касалликларини диагностика қилиш ва даволаш ҳамда уларни реабилитация қилишнинг замонавий методлари бўйича стажировкасини ташкил этиш ҳисобига доимий равишда касбий даражасини ошириш ва такомиллаштириш;

д) ўзининг ички касалликларни профилактика ва диагностика қилиш ҳамда даволаш бўйича илғор методларини ишлаб чиқиш ва тиббий амалиётга жорий этишга йўналтирилган илмий тадқиқотларни амалга ошириш;

е) терапия ва тиббий реабилитация соҳасида ўзининг патент олган даволаш ва диагностика методлари ва технологияларини доимий равишда такомиллаштириш ва уларнинг халқаро миқёсда эътироф этилишига эришиш;

ж) терапия ва тиббий реабилитация соҳасидаги республика мақсадли дастурларини ишлаб чиқиш ва амалга оширишда фаол қатнашиш;

з) терапия соҳасида етакчи хорижий тиббиёт муассасалари билан халқаро ҳамкорликни кенгайтириш ва мустаҳкамлаш, тўпланган тажрибалар, ахборотлар, шунингдек мутахассислар билан кенг алмашинишни таъминлаш.

10. Марказ ўзига юкланган вазифаларга мувофиқ:

республика аҳолисининг ички органлар касалликлари соҳасида диагностика, даволаш ва профилактика қилиш ҳамда уларни тиббий реабилитация қилишнинг жаҳондаги илғор ютуқлари даражасида энг самарали, мураккаб ва юқори технологияли методларига бўлган эҳтиёжини таъминлайди;

ички касалликларнинг энг кўп тарқалган турларини диагностика қилиш, даволаш ва профилактика қилиш ҳамда тиббий реабилитация қилишнинг илғор, самарали методлари ва технологияларини ишлаб чиқади ва жорий этади;

республика минтақаларида вилоятларнинг кўп тармоқли тиббиёт марказларига ташкилий-методик ва илмий-амалий ёрдам кўрсатади;

ўз йўналиши бўйича юқори малакали мутахассисларнинг ўз мактабини шакллантиради ва ривожлантиради;

зарурат бўлганда Шошилинч тиббий ёрдамга муҳтож бўлган беморларни шифохонага ётқизиш тўғрисидаги Низомга мувофиқ юқори малакали ихтисослаштирилган тиббий ёрдам кўрсатиш;

Ўзбекистон Республикаси Соғлиқни сақлаш вазирлигига Марказнинг ихтисослашганлик йўналиши бўйича тиббиёт соҳасида илмий тадқиқотларни ривожлантиришнинг устувор йўналишларига доир таклифларни кўриб чиқиш учун киритади;

доривор препаратларни, тиббий мақсадлардаги воситаларни, шунингдек терапияда диагностика, даволаш ва реабилитация қилиш методларини клиник синовдан ўтказади;

хориждаги тиббиёт оламига ўзининг илмий ва технологик ютуқларини тақдим этади;

ички касалликлар бўйича ўзининг илмий, ўқув-методик ҳамда ахборот-маълумотнома материалларини тайёрлайди ва нашр қилади;

тиббиёт кадрларини, шу жумладан клиник ординатура, таянч докторантура ва докторантура орқали тайёрлаш, қайта тайёрлашни ва уларнинг малакасини оширишни амалга оширади.

11. Марказ белгиланган мақсадларга эришиш ва зиммасига юкланган вазифаларни бажариш учун қонунчиликда белгиланган тартибда қуйидаги ҳуқуқларга эга:

ўзининг балансига берилган давлат мулкидан фойдаланиш ва уни тасарруф этиш;

ривожланиш бизнес-режаларини, ўз бюджетини тузиш, уларнинг ҳажмларини, шакллантириш манбаларини, шунингдек сарфлаш йўналишларини белгилаш;

асосий воситаларни ижарага олиш ёки ижарага бериш, грантларни ва бошқа молиявий ёрдамни жалб этиш;

бюджетдан ажратиладиган маблағлар ва пулли тиббий хизматлар кўрсатишдан тушган даромадлар доирасида Марказ ходимлари меҳнатига ҳақ тўлаш ҳамда уларни моддий рағбатлантириш миқдорларини мустақил равишда белгилаш;

терапия ва тиббий реабилитация бўйича илмий тадқиқотлар ўтказишга давлат бюджетидан грантлар олиш учун танловларда қатнашиш;

ўз фаолиятини амалга ошириш жараёнида яратилган интеллектуал мулк объектларига муаллифлик ҳуқуқларини олиш ва улардан фойдаланиш;

Ўзбекистон Республикасининг қонунчилигига ва халқаро шартномаларига мувофиқ хорижий юридик шахслар билан илмий ҳамда илмий-техник ҳамкорликни ва ташқи иқтисодий фаолиятни амалга ошириш;

Ўзбекистон Республикаси Соғлиқни сақлаш вазирлиги билан келишган ҳолда республика ҳудудларида филиаллар ташкил этиш;

қонунчиликка, Марказ фаолиятининг мақсади ва вазифаларига зид бўлмаган бошқа фаолият турларини амалга ошириш.

12. Марказ Ўзбекистон Республикаси Соғлиқни сақлаш вазирлиги билан келишган ҳолда кўрсатиладиган тиббий хизматлар, амалга ошириладиган ишларнинг барча турлари учун тарифлар ва баҳоларни мустақил равишда белгилашга ҳақлидир.

13. Марказ қуйидагиларга мажбур:

терапия ва тиббий реабилитация соҳасида тиббий ёрдамга муҳтож бўлган беморларга замонавий, халқаро талаблардаги сифат ва стандартлар даражасида диагностика ва даволашни таъминлаш ва ривожлантириш;

аҳолига тасдиқланган тарифларга мувофиқ юқори малакали ихтисослаштирилган тиббий ёрдам кўрсатиш;

етакчи хорижий клиникаларда Марказ ходимларини мунтазам равишда тор ихтисос бўйича қайта тайёрлаш ва уларнинг малакасини оширишни амалга ошириш;

Марказ ходимлари учун меҳнатни ташкил этиш ва унга ҳақ тўлашнинг қонунчиликда белгиланган шартларини, техника хавфсизлигини, ижтимоий таъминотни ва аниқ манзилли ижтимоий ҳимоя қилишни кафолатлаш;

ўз маблағлари ҳисобига Марказнинг моддий-техника базасини замонавий тиббиёт техникаси ва технологиялари билан мустаҳкамлаш ва ривожлантириш;

мол-мулкдан мақсадли фойдаланиш, унинг сақланишини таъминлаш;

қонунчиликка мувофиқ бухгалтерия ҳисобини ва статистик ҳисобни ҳамда ҳисоботларни юритиш.

14. Марказнинг мол-мулки асосий фондлар, шунингдек бошқа моддий бойликлар ва молиявий ресурслардан иборат бўлади.

15. Марказ эгаллаб турган ер участкасига доимий фойдаланиш ҳуқуқлари билан эгалик қилади, фаолият мақсадларига мувофиқ ўз мол-мулкига эгалик қилади, ундан фойдаланади ва уни тасарруф этади, шу билан бирга, бюджет маблағлари ва бюджетдан ташқари маблағлардан самарали фойдаланишни таъминлайди.

16. Марказ вақтинчалик фойдаланилмаётган хоналарини шартнома асосида ижарага бериш, ундан тушган маблағлардан Марказни ривожлантиришда фойдаланиш, шунингдек асбоб-ускуналар ва мол-мулкни қонунчиликда назарда тутилган тартибда ҳисобдан чиқариш ҳуқуқига эга.

17. Марказ таркибига бир сменада 150 нафар беморга хизмат кўрсатадиган консультация поликлиникаси ва 400 бемор ўрнига мўлжалланган стационар киради.

Марказ тузилмаси Ўзбекистон Республикаси Вазирлар Маҳкамаси томонидан тасдиқланади. Зарурат бўлганда Марказ директори тасдиқлаш учун Ўзбекистон Республикаси Соғлиқни сақлаш вазирлигига Марказ тузилмасига ўзгартириш ва қўшимчалар киритиш бўйича белгиланган тартибда таклифлар киритиш ҳуқуқига эга.

18. Марказ фаолиятига Ўзбекистон Республикаси Соғлиқни сақлаш вазири томонидан лавозимга тайинланадиган ва лавозимдан озод қилинадиган директор раҳбарлик қилади.

Марказ директори:

ўз фаолиятини Марказ номидан амалга оширади, Марказнинг молия-хўжалик фаолиятига раҳбарлик қилади, Марказ номидан шартномалар тузади, Марказ фаолияти билан боғлиқ бўлган бошқа масалаларни ҳал этади;

Марказ ва унинг филиаллари ходимлари ишини ўз ваколатлари доирасида ташкил этади ва бошқаради, Марказ ходимлари бажариши мажбурий бўлган буйруқлар чиқаради, Марказ ходимларини қонунчиликка мувофиқ ишга қабул қилади ва ишдан бўшатади;

Марказ фаолияти учун жавоб беради.

19. Директор ўринбосарлари, Марказ филиаллари раҳбарлари Марказ директорининг тақдимномаси бўйича Ўзбекистон Республикаси Соғлиқни сақлаш вазири томонидан лавозимга тайинланади ва эгаллаб турган лавозимидан озод этилади.

20. Марказ таркибида ривожланиш стратегиясини ишлаб чиқиш учун Марказ Кенгаши ташкил этилади.

Марказ Кенгаши директор, унинг ўринбосарлари, Марказнинг етакчи мутахассислари, шунингдек Ўзбекистон Республикаси Соғлиқни сақлаш вазирлигининг вакилидан иборат таркибда 7 кишидан иборат бўлади.

Марказ Кенгаши тўғрисидаги Низом Ўзбекистон Республикаси Соғлиқни сақлаш вазирлиги томонидан тасдиқланади.

Кенгаш мажлислари ҳар чоракда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

21. Қуйидагилар Кенгашнинг асосий вазифалари ҳисобланади:

ривожланиш стратегиясини ишлаб чиқиш, Марказ инвестиция ва илмий-техника сиёсатининг асосий йўналишларини белгилаш;

аҳолига пулли асосда кўрсатиладиган тиббий ёрдам турларига тарифларни белгиланган тартибда кўриб чиқиш;

Марказ ичидаги, шунингдек унинг филиалларидаги муносабатларни тартибга солувчи норматив ҳужжатлар лойиҳаларини ишлаб чиқиш.

Марказ фаолиятининг самарадорлигини оширишга қаратилган тавсияларни ишлаб чиқиш.

Марказ Кенгаши мажлисида коллегиал қабул қилинган қарорлар Марказ директорининг буйруғи билан расмийлаштирилади.

22. Марказда Марказнинг етакчи илмий ходимларидан иборат бўлган Илмий кенгаш ташкил этилади.

Марказнинг Илмий кенгаши тўғрисидаги Низом ва унинг шахсий таркиби Марказ директори томонидан тасдиқланади.

Илмий кенгаш мажлислари ҳар ойда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

Қуйидагилар Илмий кенгашнинг асосий вазифалари ҳисобланади:

тиббий ёрдам сифати ва самарадорлигини оширишга қаратилган илмий тавсияларни ишлаб чиқиш;

амалга оширилаётган илмий тадқиқотларнинг мақсадга мувофиқлиги ва ҳажмини аниқлаш;

илмий-тадқиқот ишлари режалаштирилиши ва бажарилишини ташкил этишга раҳбарлик қилиш.

23. Марказнинг ташкилий тузилмасига Ўзбекистон Республикаси ҳудудида ва унинг ташқарисида ташкил этиладиган филиаллар белгиланган тартибда кириши мумкин.

Филиаллар улар тўғрисидаги низомларга мувофиқ фаолият кўрсатади. Филиаллар тўғрисидаги низомлар қонунчиликда белгиланган тартибда тасдиқланади.

24. Аҳолига ихтисослаштирилган тиббий ёрдам кўрсатиш бўйича Марказ фаолиятини назорат қилишни Ўзбекистон Республикаси Соғлиқни сақлаш вазирлиги амалга оширади.

25. Марказ ва унинг филиаллари фаолиятини молиялаштириш аралаш шаклда, шу жумладан:

Марказнинг ўз даромадлари;

Давлат бюджети маблағлари;

грантлар ва ҳомийлик ёрдами;

қонунчиликка зид бўлмаган тартибда жалб этилган бошқа маблағлар ҳисобига амалга оширилади.

26. Марказнинг ўз даромадлари:

аҳолига пулли асосда тиббий хизматлар кўрсатишдан;

Марказнинг илмий ва ўқув базасида бошқа тиббиёт муассасаларининг йўналишли мутахассисларини тайёрлашдан;

илмий-тадқиқот ишлари олиб боришдан;

қонунчиликда тақиқланмаган бошқа манбалардан шаклланади.

27. Давлат бюджети маблағлари қуйидаги мақсадлар учун:

мавжуд ўринлар фонди ва поликлиника қабул қилиш қувватининг ушбу Низомга иловада кўрсатилган имтиёзли тоифадаги шахсларга катта ёшдагилар бўлимлари бўйича — 20 фоизигача, болалар бўлимлари бўйича — 100 фоизгача, шунингдек шошилинч тиббий ёрдам кўрсатишга муҳтож бўлган беморларга — 2 фоизигача бепул асосда юқори малакали ихтисослаштирилган тиббий ёрдам кўрсатишга Марказ харажатларини қоплаш учун;

Ўзбекистон Республикаси Соғлиқни сақлашни ривожлантириш давлат дастури ва ҳар йилги инвестиция дастурлари доирасида Марказни замонавий тиббиёт ускуналари ва техника билан жиҳозлаш учун;

Марказни мукаммал реконструкция қилиш ва таъмирлаш учун;

илмий-тадқиқот фаолиятига грантлар тарзида ажратилади.

Бюджет маблағлари Марказга Ўзбекистон Республикаси Соғлиқни сақлаш вазирлиги орқали алоҳида сатрда, аҳолининг имтиёзли тоифаларига бепул асосда тиббий ёрдам кўрсатиш, Марказни ускуналар ва техника билан жиҳозлаш бўйича харажатлар тўловига, шунингдек бюджет маблағлари ҳисобига мукаммал таъмирлашга эса - Ғазначилик орқали ажратилади.

Ўзбекистон Республикаси Молия вазирлиги томонидан Марказнинг молиявий фаолияти мустаҳкамланишига ва унинг ўзини ўзи молиялаштириш ва ўз харажатларини ўзи қоплашга ўтишига қараб Давлат бюджети маблағларидан молиялаштириш ҳажми босқичма-босқич камайтирилиши мумкин.

28. Марказ ходимлари сони ва ходимларнинг иш ҳақи миқдори Марказ директори томонидан мустақил равишда белгиланади, тиббиёт ходимларини моддий рағбатлантириш эса бажариладиган ишнинг мураккаблик даражаси, сифати ва ҳажмига қараб белгиланган тартибда белгиланади.

29. Марказ ажратилган бюджет маблағлари ва ўз даромадлари доирасида мустақил равишда:

Марказ даромадлари ва харажатлари сметасини ишлаб чиқади ҳамда уни тасдиқлаш учун Ўзбекистон Республикаси Соғлиқни сақлаш вазирлигига тақдим этади;

Марказ ходимлари меҳнатига ҳақ тўлаш ва уларни моддий рағбатлантириш тўғрисидаги низомни ишлаб чиқади ва тасдиқлайди;

штат жадвалини тасдиқлайди ҳамда базавий маошлардан келиб чиқиб Такомиллаштирилган тариф сеткаси бўйича тиббиёт ва фармацевтика ходимларига, бошқа ходимлар меҳнатига ҳақ тўлаш бўйича эса Ягона тариф сеткаси бўйича лавозим маошларини, шунингдек энг кўп миқдори чекланмайдиган устамаларни белгилайди.

30. Марказ хўжалик фаолиятидан олинадиган даромадларни мустақил равишда тасарруф этади. Марказнинг молия-хўжалик фаолияти натижасида олинган фойдаси тегишли солиқлар ва бюджетга бошқа мажбурий тўловлар тўлангандан кейин Марказнинг тасарруфида қолади ва белгиланган тартибда:

Марказнинг моддий-техника базасини янгилаш, модернизация қилиш ва кенгайтириш, замонавий тиббиёт техникаси, жиҳозлар, асбоб-ускуналар сотиб олиш;

Марказ ходимларини моддий рағбатлантириш;

айланма фондларни тўлдириш;

Марказ мутахассисларини тайёрлаш, қайта тайёрлаш ва уларнинг малакасини ошириш;

маҳсулотлар ва хизматларни реклама қилиш;

Марказ фаолиятини таъминлаш билан боғлиқ бошқа мақсадлар учун фойдаланилади.

31. Марказ қонунчиликда белгиланган тартибда бухгалтерия ҳисоби ва ҳисоботини юритади, уни Ўзбекистон Республикаси Соғлиқни сақлаш вазирлигига ва Давлат статистика қўмитасига тақдим этади, ҳужжатларнинг сақланиши ва уларнинг келишилган рўйхатга мувофиқ давлат томонидан сақлашга берилиши учун жавоб беради.

32. Марказнинг молия-хўжалик фаолиятини назорат қилиш ва текшириш соғлиқни сақлаш, солиқ ва молия органлари, бошқа давлат органлари томонидан уларнинг ваколатлари доирасида, шунингдек қонунчиликда назарда тутилган тартибда аудиторлик ташкилотлари билан тузилган шартномалар асосида аудиторлик ташкилотлари томонидан амалга оширилади.

33. Марказни қайта ташкил этиш ва тугатиш қонунчиликда белгиланган тартибда амалга оширилади.

1. 15 ёшгача бўлган болалар.

2. Етим болалар.

3. I ва II гуруҳ ногиронлиги бўлган шахслар.

4. Болаликдан ногиронлиги бўлган шахслар.

5. 1941 — 1945 йиллардаги уруш оқибатида ногиронлиги бўлган шахслар ва уруш қатнашчилари, шунингдек, уларга тенглаштирилган шахслар.

6. 1941-1945 йиллардаги уруш даврида меҳнат фронти қатнашчилари.

7. Ёшига кўра ишламаётган пенсионерлар.

8. Чернобиль АЭСдаги аварияни бартараф этишда қатнашиш натижасида ногиронлиги бўлган шахслар.

9. Байналмилал жангчилар.

10. 15-17 ёшдаги ўсмирларни ва чақирув комиссиялари йўлланмалари бўйича чақириқ ёшидаги (18-27 яшар) шахсларни текшириш ва даволаш.

11. Ижтимоий реестрга киритилган оилаларнинг аъзолари.

1. Ушбу Низом Республика ихтисослаштирилган дерматология ва венерология илмий-амалий тиббиёт маркази фаолиятини ташкил этиш ва молиялаштириш тартибини белгилайди.

Республика ихтисослаштирилган дерматология ва венерология илмий-амалий тиббиёт маркази (кейинги ўринларда Марказ деб аталади) Ўзбекистон Республикаси Президентининг «Соғлиқни сақлаш тизимини ислоҳ қилишни янада чуқурлаштириш ва уни ривожлантириш Давлат дастурини амалга оширишнинг асосий йўналишлари тўғрисида» 2007 йил 19 сентябрдаги ПФ-3923-сон Фармони асосида Ўзбекистон Республикаси Соғлиқни сақлаш вазирлигининг Дерматология ва венерология илмий-тадқиқот институти негизида дерматология ва венерология соҳасида даволаш-профилактика, илмий-тадқиқот ва методик фаолиятни амалга оширадиган ҳамда аҳолига юқори малакали ихтисослаштирилган тиббий ёрдам кўрсатадиган ихтисослаштирилган мустақил тиббиёт муассасаси сифатида ташкил этилган.

2. Марказ давлат муассасаси шаклида ташкил этилади, юридик шахс ҳисобланади, мустақил балансга, банкларда ҳисоб рақамларига, Марказнинг номи тўлиқ кўрсатилган муҳрга эга бўлади.

Марказ дерматология ва венерология соҳасида ихтисослашиш турлари бўйича тиббиёт кадрларини тайёрлаш, қайта тайёрлаш ва уларнинг малакасини ошириш бўйича клиник ўқув базаси ҳисобланади.

3. Марказ ўз фаолиятида Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Соғлиқни сақлаш вазирлигининг буйруқларига ва фармойишларига, бошқа қонун ҳужжатларига ҳамда ушбу Низомга амал қилади.

4. Марказ фаолиятнинг барча соҳаларидаги ўз муносабатларини қонун ҳужжатлари доирасида, шунингдек Марказнинг мақсади ва фаолияти предметига мувофиқ юридик ва жисмоний шахслар билан белгиланган тартибда тузилган шартномалар асосида амалга оширади.

5. Марказнинг тўлиқ номи:

давлат тилида— Республика ихтисослаштирилган дерматология ва венерология илмий-амалий тиббиёт маркази;

рус тилида — Республиканский специализированный научно-практический медицинский центр дерматологии и венерологии.

6. Марказ қуйидаги манзилда жойлашган: Тошкент шаҳри, Собир Раҳимов тумани, Форобий кўчаси, 3-уй.

7. Марказ Ўзбекистон Республикаси Соғлиқни сақлаш вазирлигига бўйсунади.

8. Қуйидагилар Марказни ташкил этиш ва фаолиятининг мақсади ҳисобланади:

юқори сифатли ва халқаро стандартлар талаблари даражасида ихтисослаштирилган тиббий ёрдам кўрсатишга даъват этилган юқори технологияли моддий ва илмий базани, шунингдек дерматовенерология мактабини шакллантириш;

аҳолининг дерматология ва венерология соҳасидаги диагностика, даволаш ва профилактика бўйича ихтисослаштирилган, юқори технологияли тиббий ёрдамга бўлган талабини қондириш.

9. Марказнинг асосий вазифалари:

а) дерматология ва венерология соҳасида:

жинсий йўллар орқали ўтадиган касалликларга дучор бўлган шахсларга ҳамда ушбу Низомга иловага мувофиқ давлат томонидан қўллаб-қувватлашга муҳтож бўлган имтиёзли тоифадаги шахсларга мавжуд ўринлар фонди ва поликлиника даволаш қувватининг 30 фоизигача миқдорда - бепул асосда;

Ўзбекистон Республикаси фуқароларига (ушбу кичик банднинг иккинчи хатбошида кўрсатилган шахслардан ташқари), шунингдек хорижий фуқароларга ва фуқаролиги бўлмаган шахсларга-пулли асосда юқори малакали ихтисослаштирилган, юқори технологияли тиббий ёрдам кўрсатиш;

б) тиббиёт техникаси ва аппаратларининг мавжуд паркини доимий равишда янгилаб бориш ва модернизация қилишни таъминлаш, Марказни дерматология ва венерология соҳасида илғор жаҳон ютуқлари даражасида, ихтисослаштирилган, юқори малакали ёрдам кўрсатиш имконини берадиган замонавий тиббиёт асбоб-ускуналари билан жиҳозлаш;

в) Марказ фаолиятини таъминлаш учун аралаш молиялаштириш шартларида молиявий ва моддий-техник ресурсларни жалб этиш бўйича менежмент ва маркетинг ишларини ташкил этиш;

г) Марказ тиббиёт ходимларининг, шу жумладан мутахассисларнинг етакчи хорижий тиббиёт таълим муассасаларида ва клиникаларида дерматология ва венерология соҳасида диагностика ва даволашнинг замонавий методлари бўйича стажировкасини ташкил этиш ҳисобига доимий равишда касбий даражасини ошириш ва такомиллаштириш;

д) ўзининг дерматология ва венерология соҳасида профилактика, диагностика ва даволаш бўйича илғор методлари ва технологияларини ишлаб чиқиш ва тиббий амалиётга жорий этишга йўналтирилган илмий тадқиқотларни амалга ошириш;

е) дерматология ва венерология соҳасида ўзининг патент олган даволаш ва диагностика методлари ва технологияларини доимий равишда такомиллаштириш ва уларнинг халқаро миқёсда эътироф этилишига эришиш;

ж) тиббиёт соҳасида республика мақсадли дастурларини ишлаб чиқиш ва амалга оширишда фаол қатнашиш;

з) дерматология ва венерология соҳасида етакчи хорижий тиббиёт муассасалари билан халқаро ҳамкорликни кенгайтириш ва мустаҳкамлаш, тўпланган тажрибалар, ахборотлар, шунингдек мутахассислар билан кенг алмашинишни таъминлаш.

10. Марказ ўзига юкланган вазифаларга мувофиқ:

республика аҳолисининг дерматология ва венерология соҳасида диагностика, даволаш ва профилактиканинг жаҳондаги илғор ютуқлари даражасида энг самарали, мураккаб ва юқори технологияли методларига бўлган эҳтиёжини таъминлайди;

дерматовенерология касалликларининг энг кенг тарқалган турларини диагностика қилиш, даволаш ва профилактика қилишнинг илғор, самарали методлари ва технологияларини ишлаб чиқади ва жорий этади;

республика минтақаларида вилоятлар, шаҳарлар ва туманлар дерматовенерология диспансерларига ташкилий-методик ва илмий-амалий ёрдам кўрсатади;

ўз йўналиши бўйича юқори малакали мутахассисларнинг ўз мактабини шакллантиради ва ривожлантиради;

Ўзбекистон Республикаси Соғлиқни сақлаш вазирлигига Марказнинг ихтисослашганлик йўналиши бўйича тиббиёт соҳасида илмий тадқиқотларни ривожлантиришнинг устувор йўналишларига доир таклифларни кўриб чиқиш учун киритади;

дерматология ва венерология соҳасидаги дори-дармонлар, тиббиёт воситалари, шунингдек диагностика ва даволаш методларининг клиник синовларини ўтказади;

хориждаги тиббиёт оламига ўзининг илмий ва технологик ютуқларини тақдим этади;

дерматология ва венерология бўйича ўзининг илмий, ўқув-методик ҳамда ахборот-маълумотнома материалларини тайёрлайди ва нашр қилади;

тиббиёт кадрларини, шу жумладан клиник ординатура, таянч докторантура ва докторантура орқали тайёрлаш, қайта тайёрлашни ва уларнинг малакасини оширишни амалга оширади.

11. Марказ белгиланган мақсадларга эришиш ва зиммасига юкланган вазифаларни бажариш учун қонунчиликда белгиланган тартибда қуйидаги ҳуқуқларга эга:

ўзининг балансига берилган давлат мулкидан фойдаланиш ва уни тасарруф этиш;

ривожланиш бизнес-режаларини, ўз бюджетини тузиш, уларнинг ҳажмларини, шакллантириш манбаларини, шунингдек сарфлаш йўналишларини белгилаш;

Марказ соҳаси бўйича пулли асосда аҳолига юқори малакали, ихтисослаштирилган тиббий ёрдам кўрсатиш;

асосий воситаларни ижарага олиш ёки ижарага бериш, грантларни ва бошқа молиявий ёрдамни жалб этиш;

бюджетдан ажратиладиган маблағлар ва пулли тиббий хизматлар кўрсатишдан тушган даромадлар доирасида Марказ ходимлари меҳнатига ҳақ тўлаш ҳамда уларни моддий рағбатлантириш миқдорларини мустақил равишда белгилаш;

дерматология ва венерология бўйича илмий тадқиқотлар ўтказишга давлат бюджетидан грантлар олиш учун танловларда қатнашиш;

ўз фаолиятини амалга ошириш жараёнида яратилган интеллектуал мулк объектларига муаллифлик ҳуқуқларини олиш ва улардан фойдаланиш;

Ўзбекистон Республикасининг қонунчилигига ва халқаро шартномаларига мувофиқ хорижий юридик шахслар билан илмий ҳамда илмий-техник ҳамкорликни ва ташқи иқтисодий фаолиятни амалга ошириш;

Ўзбекистон Республикаси Соғлиқни сақлаш вазирлиги билан келишган ҳолда республика минтақаларида филиаллар ташкил этиш;

қонунчиликка, Марказ фаолиятининг мақсади ва вазифаларига зид бўлмаган бошқа фаолият турларини амалга ошириш.

12. Марказ Ўзбекистон Республикаси Соғлиқни сақлаш вазирлиги билан келишган ҳолда кўрсатиладиган тиббий хизматлар, амалга ошириладиган ишларнинг барча турлари учун тарифлар ва баҳоларни мустақил равишда белгилашга ҳақлидир.

13. Марказ қуйидагиларга мажбур:

ихтисослаштирилган дерматология ва венерология бўйича тиббий ёрдамга муҳтож бўлган беморларга замонавий, халқаро талаблардаги сифат ва стандартлар даражасида диагностика ва даволашни таъминлаш ва ривожлантириш;

аҳолига тасдиқланган тарифларга мувофиқ дерматология ва венерология бўйича юқори малакали ихтисослаштирилган тиббий ёрдам кўрсатиш;

етакчи хорижий клиникаларда Марказ ходимларини мунтазам равишда тор ихтисос бўйича қайта тайёрлаш ва уларнинг малакасини оширишни амалга ошириш;

Марказ ходимлари учун меҳнатни ташкил этиш ва унга ҳақ тўлашнинг қонунчиликда белгиланган шартларини, техника хавфсизлигини, ижтимоий таъминотни ва аниқ манзилли ижтимоий ҳимоя қилишни кафолатлаш;

ўз маблағлари ҳисобига Марказнинг моддий-техника базасини замонавий тиббиёт техникаси ва технологиялари билан мустаҳкамлаш ва ривожлантириш;

мол-мулкдан мақсадли фойдаланиш, унинг сақланишини таъминлаш;

қонунчиликка мувофиқ бухгалтерия ҳисобини ва статистик ҳисобни ҳамда ҳисоботларни юритиш.

14. Марказнинг мол-мулки асосий фондлар, шунингдек бошқа моддий бойликлар ва молиявий ресурслардан иборат бўлади.

15. Марказ эгаллаб турган ер участкасига доимий фойдаланиш ҳуқуқлари билан эгалик қилади, фаолият мақсадларига мувофиқ ўз мол-мулкига эгалик қилади, ундан фойдаланади ва уни тасарруф этади, шу билан бирга, бюджет маблағлари ва бюджетдан ташқари маблағлардан самарали фойдаланишни таъминлайди.

16. Марказ вақтинчалик фойдаланилмаётган хоналарини шартнома асосида ижарага бериш, ундан тушган маблағлардан Марказни ривожлантиришда фойдаланиш, шунингдек асбоб-ускуналар ва мол-мулкни қонунчиликда назарда тутилган тартибда ҳисобдан чиқариш ҳуқуқига эга.

17. Марказ таркибига бир сменада 70 нафар беморга хизмат кўрсатадиган консультация поликлиникаси ва 160 бемор ўрнига мўлжалланган стационар киради.

Марказ тузилмаси Ўзбекистон Республикаси Вазирлар Маҳкамаси томонидан тасдиқланади.

Зарурат бўлганда Марказ директори тасдиқлаш учун Ўзбекистон Республикаси Соғлиқни сақлаш вазирлигига Марказ тузилмасига ўзгартириш ва қўшимчалар киритиш бўйича белгиланган тартибда таклифлар киритиш ҳуқуқига эга.

18. Марказ фаолиятига Ўзбекистон Республикаси Соғлиқни сақлаш вазири томонидан лавозимга тайинланадиган ва лавозимдан озод қилинадиган директор раҳбарлик қилади.

Марказ директори:

ўз фаолиятини Марказ номидан амалга оширади, Марказнинг молия-хўжалик фаолиятига раҳбарлик қилади, Марказ номидан шартномалар тузади, Марказ фаолияти билан боғлиқ бўлган бошқа масалаларни ҳал этади;

Марказ ва унинг филиаллари ходимлари ишини ўз ваколатлари доирасида ташкил этади ва бошқаради, Марказ ходимлари бажариши мажбурий бўлган буйруқлар чиқаради, Марказ ходимларини қонунчиликка мувофиқ ишга қабул қилади ва ишдан бўшатади;

Марказ фаолияти учун жавоб беради.

19. Директор ўринбосарлари, Марказ филиаллари раҳбарлари Марказ директорининг тақдимномаси бўйича Ўзбекистон Республикаси Соғлиқни сақлаш вазири томонидан лавозимга тайинланади ва эгаллаб турган лавозимидан озод этилади.

20. Марказ таркибида ривожланиш стратегиясини ишлаб чиқиш учун Марказ Кенгаши ташкил этилади.

Марказ Кенгаши директор, унинг ўринбосарлари, Марказнинг етакчи мутахассислари, шунингдек Ўзбекистон Республикаси Соғлиқни сақлаш вазирлигининг вакилидан иборат таркибда 7 кишидан иборат бўлади.

Марказ Кенгаши тўғрисидаги Низом Ўзбекистон Республикаси Соғлиқни сақлаш вазирлиги томонидан тасдиқланади.

Кенгаш мажлислари ҳар чоракда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

21. Қуйидагилар Кенгашнинг асосий вазифалари ҳисобланади:

ривожланиш стратегиясини ишлаб чиқиш, Марказ инвестиция ва илмий-техника сиёсатининг асосий йўналишларини белгилаш;

аҳолига пулли асосда кўрсатиладиган тиббий ёрдам турларига тарифларни белгиланган тартибда кўриб чиқиш;

Марказ ичидаги, шунингдек унинг филиалларидаги муносабатларни тартибга солувчи норматив ҳужжатлар лойиҳаларини ишлаб чиқиш.

Марказ фаолиятининг самарадорлигини оширишга қаратилган тавсияларни ишлаб чиқиш.

Марказ Кенгаши мажлисида коллегиал қабул қилинган қарорлар Марказ директорининг буйруғи билан расмийлаштирилади.

22. Марказда Марказнинг етакчи илмий ходимларидан иборат бўлган Илмий кенгаш ташкил этилади.

Марказнинг Илмий кенгаши тўғрисидаги Низом ва унинг шахсий таркиби Марказ директори томонидан тасдиқланади.

Илмий кенгаш мажлислари ҳар ойда ўтказилади, унинг қарорлари оддий кўпчилик овоз билан қабул қилинади ва протокол билан расмийлаштирилади.

Қуйидагилар Илмий кенгашнинг асосий вазифалари ҳисобланади:

тиббий ёрдам сифати ва самарадорлигини оширишга қаратилган илмий тавсияларни ишлаб чиқиш;

амалга оширилаётган илмий тадқиқотларнинг мақсадга мувофиқлиги ва ҳажмини аниқлаш;

илмий-тадқиқот ишлари режалаштирилиши ва бажарилишини ташкил этишга раҳбарлик қилиш.

23. Марказнинг ташкилий тузилмасига Ўзбекистон Республикаси ҳудудида ва унинг ташқарисида ташкил этиладиган филиаллар белгиланган тартибда кириши мумкин.

Филиаллар улар тўғрисидаги низомларга мувофиқ фаолият кўрсатади. Филиаллар тўғрисидаги низомлар қонунчиликда белгиланган тартибда тасдиқланади.

24. Аҳолига ихтисослаштирилган тиббий ёрдам кўрсатиш бўйича Марказ фаолиятини назорат қилишни Ўзбекистон Республикаси Соғлиқни сақлаш вазирлиги амалга оширади.

25. Марказ ва унинг филиаллари фаолиятини молиялаштириш аралаш шаклда, шу жумладан:

Марказнинг ўз даромадлари;

Давлат бюджети маблағлари;

грантлар ва ҳомийлик ёрдами;

қонунчиликка зид бўлмаган тартибда жалб этилган бошқа маблағлар ҳисобига амалга оширилади.

26. Марказнинг ўз даромадлари:

аҳолига пулли асосда тиббий хизматлар кўрсатишдан;

Марказнинг илмий ва ўқув базасида бошқа тиббиёт муассасаларининг йўналишли мутахассисларини тайёрлашдан;

илмий-тадқиқот ишлари олиб боришдан;

қонунчиликда тақиқланмаган бошқа манбалардан шаклланади.