Ўзбекистон Республикаси Ҳукумати ва Россия Федерацияси Ҳукумати, бундан кейин Томонлар деб аталувчи,

Ўзбекистон Республикаси Ҳукумати ва Россия Федерацияси Ҳукумати ўртасидаги реадмиссия тўғрисида Битимни (қуйида матнда «Битим» деб юритилади) амалга ошириш билан боғлиқ масалаларни янада тўлиқроқ бошқариш юзасидан ўзаро истакларини билдирган ҳолда,

1. Ўзбекистон Республикаси ёки Россия Федерациясининг фуқаролиги қуйидаги ҳужжатлар билан тасдиқланади:

а) Ўзбекистон Республикаси фуқаролари учун: дипломатик паспорт, Ўзбекистон Республикаси фуқаросининг паспорти, Ўзбекистон Республикасининг 16 ёшга тўлмаган фуқаросининг гувоҳномаси, Ўзбекистон Республикасига қайтиб келиш учун гувоҳнома;

б) Россия Федерацияси фуқароси учун: дипломатик паспорт, хизмат паспорти, Россия Федерацияси фуқаросининг Россия Федерацияси ҳудудидан ташқарисида шахсини аниқловчи Россия Федерацияси фуқароси паспорти, Россия Федерацияси фуқароси паспорти, Россия Федерацияси фуқароси белгиси қўйилган СССР чет эл паспорти, Россия Федерацияси фуқаролиги тўғрисида 1974 йилдаги СССР фуқароси паспорти, денгизчи паспорти (денгизчи шахсий гувоҳномаси), Россия Федерацияси фуқаролиги тўғрисида иловаси бор бўлган боланинг туғилиши ҳақида гувоҳномаси, Россия Федерацияси фуқаролиги тўғрисида белгиси бор бўлган боланинг туғилиши ҳақида гувоҳномаси, Россия Федерациясига кириш (қайтиб келиш) тўғрисидаги гувоҳнома.

2. Томонлардан ҳар бири бошқа Томонни ёзма равишда дипломатик каналлар орқали ушбу модданинг 1-бандида кўрсатилган шу Томон давлатининг фуқаролигини тасдиқловчи ҳужжатлар рўйхатидаги ўзгаришлар тўғрисида хабардор қилади.

3. Мазкур модданинг 1-бандида кўрсатилган ҳужжатлар, агарда амал қилиш муддати тугаган бўлса ҳам, Ўзбекистон Республикаси ёки Россия Федерацияси фуқаролигини аниқлашда ҳисобга олиниши мумкин.

4. Шахс Ўзбекистон Республикаси ёки Россия Федерациясининг фуқаролигига эга эканлиги тўғрисида қарорга келиш қуйидагиларга асосланади:

а) мазкур модданинг 1-бандида келтирилган ҳужжатларнинг нусхалари ёки дубликатлари;

б) Ўзбекистон Республикаси ёки Россия Федерацияси ваколатли органлари томонидан берилган бошқа ҳужжатлар;

в) тегишли ваколатли органлар томонидан қонуний асосларда реадмиссия қилинаётган шахсдан олинган ёзма тушунтиришлар;

г) тегишли ваколатли органлар томонидан қонуний асосларда гувоҳлардан олинган ёзма тушунтиришлари;

д) мутасадди раҳбар ходимларнинг ёзма тушунтиришлари.

1. Учинчи давлатларнинг фуқаролари ва фуқаролиги бўлмаган шахсларнинг ҳар бир Томон давлати ҳудудига кирганлиги ҳолати қуйидаги ҳужжатлар асосида тасдиқланади:

а) сўралаётган Томоннинг шахсни аниқловчи ҳужжатларга ёки чегарани кесиб ўтиш ҳуқуқини берувчи ёки бошқа ўтиш ҳужжатларидаги кириш тўғрисидаги белгилари;

б) талаб қилинган Томоннинг қалбаки ҳужжатлардаги кириш тўғрисидаги белгиси;

в) талаб қилинган Томоннинг давлат чегарасини кесиб ўтиш ҳолатини белгилаш мумкин бўлган бошқа ҳужжатлар.

2. Мазкур модданинг 1-бандида кўрсатилган ҳужжатлар Томонлардан қўшимча расмиятчиликсиз учинчи давлат фуқароларининг ва фуқаролиги бўлмаган шахсларнинг ҳар бир Томон давлат ҳудудига кирганлигини тасдиқловчи ҳужжатлар сифатида қабул қилинади.

1. Учинчи давлат фуқаролари ёки фуқаролиги бўлмаган шахслар сўралаётган Томон давлатининг ҳудудига кирган ёки у ерда бўлган деган қарорга келиш қуйидагиларга асосланади:

а) амал қилиш муддати кўпи билан 6 ой олдин тугаган сўралаётган Томон давлатида яшаш учун рухсатнома;

б) сўраётган Томон давлатининг ваколатли органлари томонидан сўралаётган Томон давлатининг ҳудудида берилган ва амал қилиш муддати тугаган визалар;

в) ваколатли раҳбар ходимларнинг ёзма тушунтиришлари;

г) мутасадди ваколатли органлар томонидан қонуний асосларда реадмиссия қилинаётган шахсдан олинган ёзма тушунтиришлар;

д) сўралаётган Томон давлати ҳудудида берилган йўл чипталари, шунингдек тиббий муассасалар маълумотлари ва ҳисоб варақалари;

е) қонуний асосда олинган гувоҳларнинг ёзма тушунтиришлари.

2. Мазкур модданинг 1-бандида кўрсатилган, учинчи давлат фуқароларининг ва фуқаролиги бўлмаган шахсларнинг кириб келган деган хулосага келиш учун асос бўладиган ҳужжатлар деб ҳисобланади, агарда фақат топширилаётган ҳужжатларни сўралаётган Томон далилий асосда уларни рад этмаса.

Аниқ шахс (шахсларга) нисбатан реадмиссияни амалга ошириш санаси, вақти ва жойи ваколатли органларнинг ўзаро келишуви асосида белгиланади.

Сўраётган Томон давлатининг ваколатли органлари реадмиссия тўғрисидаги сўровномани сўралаётган Томон давлатининг ваколатли органларига юборади.

1. Шахсни реадмиссия қилиш тўғрисидаги сўровномада қуйидагилар кўрсатилади:

а) фамилияси, исми, насаби (иккинчи исми), туғилган жойи ва санаси, жинси, фуқаролиги (ҳозирги ва аввалги), турар жойи ва шахсни аниқлаш имконини берувчи бошқа маълумотлар;

б) мазкур баённоманинг 1-моддасига мувофиқ Томонлар давлатларининг фуқаролигини тасдиқловчи ҳужжат, ёки шахсни аниқловчи ва (ёки) Томонлар давлатлари чегараларини кесиб ўтиш ҳуқуқини берувчи ҳужжат, уларнинг рақами, амал қилиш муддати, берилган санаси ва жойи, ва уни берган орган номини кўрсатган ҳолда;

в) Томонлардан бирининг давлати ҳудудида яшаш ва у ерда бўлиш ҳуқуқини берувчи ҳужжат, уларнинг рақами, амал қилиш муддати, берилган санаси ва жойи, ва уни берган орган номини кўрсатган ҳолда;

г) сўраётган Томон давлатининг ҳудудига ноқонуний кириб келганлик ёки туришини тасдиқловчи ҳужжатлар;

д) сўраётган Томон давлатининг ҳудудига сўралаётган Томон давлатининг ҳудудидан бевосита кириб келганликни тасдиқловчи ҳужжатлар;

е) давлат чегараси орқали ўтиш пунктининг номи, шахснинг сўралаётган Томон давлатига режалаштирилган қайтиши вақти ва усуллари;

ж) тиббий хизматга муҳтож шахснинг соғлиғи тўғрисида маълумот;

з) кузатиб борувчи шахслар (реадмиссия қилинаётган шахсни кузатиб борган ҳолда) тўғрисида маълумотлар;

и) таржимон хизматларини кўрсатиш зарурати тўғрисида маълумотлар.

2. Зарурат туғилганда сўраётган Томон давлатининг ваколатли органлари реадмиссия тўғрисидаги сўровномада реадмиссия қилинаётган шахсни сўралаётган Томон давлатининг ҳудудига кириши учун зарур ҳужжатларни ушбу шахсга расмийлаштиришни сўрайдилар.

3. Мазкур модданинг 1-бандида кўрсатилган маълумотларни бериш ушбу Битимнинг 8-моддасида келтирилган қоидаларни эътиборга олган ҳолда амалга оширилади.

4. Ваколатли органларнинг келишуви бўйича ушбу модданинг 1-бандида келтирилган маълумотлар рўйхатига ўзгартишлар киритилиши мумкин.

1. Шахсни транзит қилиш тўғрисидаги сўровномада қуйидагилар кўрсатилади:

а) учинчи давлат фуқароси ёки фуқаролиги бўлмаган шахслар тўғрисида маълумотлар (фамилияси, исми, насаби (иккинчи исми), туғилган санаси ва жойи, жинси, фуқаролиги (ҳозирги ва аввалги), турар жойи ва шахсини аниқлаш имконини берувчи бошқа маълумотлар);

б) Томонлар давлатларининг фуқаролигини тасдиқловчи ҳужжат, ёки шахсни аниқловчи ва (ёки) Томонлар давлатлари чегараларини кесиб ўтиш ҳуқуқини берувчи ҳужжат, уларнинг рақами, амал қилиш муддати, берилган санаси ва жойи, ва уни берган орган номини кўрсатган ҳолда;

в) топширилаётган шахсни охирги ва транзит давлатларида, (агар шундай давлатлар мавжуд бўлса), қабул қилиб олиши тўғрисидаги охирги етиб бориш давлати томонидан, шунингдек транзит давлатлари томонидан тақдим этиладиган маълумотлар;

г) транзит бўйича юриш вақти ва йўналиши;

д) реадмиссия қилинаётган шахсни кузатиб борувчи шахслар тўғрисида маълумотлар;

е) сўралаётган Томон давлатларининг ваколатли органлари томонидан транзитни таъминлашдаги зарур кўмаги;

ж) транзитни таъминлаш учун зарур бўлган бошқа маълумотлар.

2. Ваколатли органларнинг келишуви бўйича ушбу модданинг 1-бандида кўрсатилган маълумотлар рўйхатига ўзгартишлар киритилиши мумкин.

1. Мазкур Баённома Битим билан бир пайтда кучга киради ва тугатилади.

2. Томонлар келишувига биноан ушбу Баённомага ўзгартишлар ва қўшимчалар киритилиши мумкин.

Тошкент шаҳрида 2007 йил 4 июлда ўзбек ва рус тилларида иккита нусхада тузилди, бунда иккала матн бир хил кучга эга.