«Ахборот-коммуникация технологиялари соҳасида касб-ҳунар таълимини ривожлантиришга кўмаклашиш» лойиҳасини амалга ошириш учун Германия тараққиёт банки (KfW) томонидан берилган имтиёзли кредит маблағларидан самарали фойдаланиш мақсадида Вазирлар Маҳкамаси қарор қилади:

1. Вазирлар Маҳкамасининг «Ахборот-коммуникация технологиялари соҳасида касб-ҳунар таълимини ривожлантиришга кўмаклашиш» лойиҳасини Германия Ҳукуматининг имтиёзли кредитидан фойдаланган ҳолда амалга ошириш чора-тадбирлари тўғрисида» 2004 йил 1 декабрдаги 563-сон қарорига ҳамда «Ахборот-коммуникация технологиялари соҳасида касб-ҳунар таълимини ривожлантиришга кўмаклашиш» лойиҳаси доирасида Германия Ҳукумати имтиёзли кредитининг тежалган маблағларидан фойдаланиш чора-тадбирлари тўғрисида» 2006 йил 15 мартдаги 46-сон қарорига мувофиқ «Ахборот-коммуникация технологиялари соҳасида касб-ҳунар таълимини ривожлантиришга кўмаклашиш» лойиҳасини амалга ошириш учун Германия тараққиёт банки (KfW) томонидан берилган 7669,4 минг евро миқдоридаги имтиёзли кредитни ва 1023,0 минг евро миқдоридаги грантни ўзлаштириш доирасида:

KfW имтиёзли кредитининг тежалган маблағлари 746,619 минг еврони ташкил этганлиги;

Ўзбекистон Республикаси Ҳукумати билан Германия Федератив Республикаси Ҳукумати ўртасидаги 2004 йилда ривожлантириш соҳасида икки томонлама ҳамкорлик тўғрисидаги Ҳукуматлараро маслаҳатлашувлар якунларининг 2004 йил 1 апрелдаги Протоколига биноан кўрсатиб ўтилган лойиҳа маблағларини 1200,0 минг евро миқдорида тўлдириш назарда тутилганлиги маълумот учун қабул қилинсин.

2. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Молия вазирлиги, Ташқи иқтисодий алоқалар, инвестициялар ва савдо вазирлиги, Иқтисодиёт вазирлигининг KfW имтиёзли кредитининг 1946,6 минг евро миқдоридаги тежалган маблағларини ва кредитни тўлдириш маблағларини ахборот-коммуникация технологиялари соҳасида кадрлар тайёрлашни амалга оширадиган касб-ҳунар коллежлари қўшимча сонини замонавий ўқув-лаборатория анжомлари билан жиҳозлашга йўналтириш тўғрисидаги таклифига 1 ва 2-иловаларга мувофиқ розилик берилсин.

3. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими марказига илгари белгиланган тендер шартларига риоя қилган ҳолда тендер савдолари ўтказмасдан:

ахборот-технология асбоб-ускуналари етказиб бериш учун — Fujitsu-Siemens компанияси билан 2005 йил 11 июлдаги S'SEP/01/ /Е/2005-сон контрактга;

касб-ҳунар коллежларини ўқув анжомлари билан жиҳозлаш ва мебеллар етказиб бериш учун — Lucas Nuelle компанияси билан 2005 йил 23 августдаги SSEP/02/EM/2005-сон контрактга;

консалтинг хизматлари кўрсатиш учун — GOPA компанияси билан тузилган шартномага;

касб-ҳунар коллежлари ўқитувчиларини техник жиҳатдан ўқитишда маслаҳат хизматлари кўрсатиш учун — Тошкент ахборот технологиялари университети билан 2006 йил 14 августда тузилган 03/CS-сон контрактга;

касб-ҳунар коллежлари ўқитувчиларининг техник малакасини оширишни ташкил этиш хизматлари кўрсатиш учун — Ўрта махсус, касб-ҳунар таълими тизими кадрларининг малакасини ошириш ва қайта тайёрлаш институти билан 2006 йил 18 сентябрда тузилган 04/О-сон контрактга қўшимча битимлар тузишга рухсат этилсин.

4. Ўзбекистон Республикаси Ташқи иқтисодий алоқалар, инвестициялар ва савдо вазирлиги:

Ўзбекистон Республикаси Ҳукумати билан Германия Федератив Республикаси Ҳукумати ўртасидаги 2004 йилда ривожлантириш соҳасида икки томонлама ҳамкорлик тўғрисидаги Ҳукуматлараро маслаҳатлашувлар якунларининг 2004 йил 1 апрелдаги Протоколига биноан «Ахборот-коммуникация технологиялари соҳасида касб-ҳунар таълимини ривожлантиришга кўмаклашиш» лойиҳасини кенгайтириш учун жалб қилинадиган 1200,0 минг евро миқдорида молиялаштириш ҳажмини кўпайтириш тўғрисида Германия тараққиёт банки (KfW) билан шартнома тузсин;

ушбу қарорнинг 3-бандида кўрсатилган қўшимча битимларни белгиланган тартибда экспертизадан ўтказсин.

5. Молиялаштириш ҳажми 1200,0 минг еврога кўпайганлигини ҳисобга олган ҳолда кредитни қайтариш ва Германия тараққиёт банки (KfW) кредити бўйича фоизлар тўлаш жадвали 3-иловага* мувофиқ тасдиқлансин.

Белгилаб қўйилсинки, асосий қарзни қайтариш, воситачилик ҳақи, фоизлар тўлаш, KfW имтиёзли кредитининг 1200,0 минг евро миқдоридаги тўлдириш маблағларига оид бошқа чиқимларни қайтариш билан боғлиқ харажатлар давлат бюджети маблағлари ҳисобига қопланади.

6. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими марказига кредит маблағларидан ўз вақтида ва самарали фойдаланилишини таъминлаш юзасидан жавобгарлик юклансин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Қосимов зиммасига юклансин.